في احد منكم يطير ..مهلوعين رهابيين مكتئبين ...؟؟!!
 

السلام عليكم ...

شلونكم شخباركم ..

من زمان ما كتبت موضوع سؤال اي شي...

ما تحسون فجأه وانتوا قاعدين ( جالسين ) عاللابتوب ..او تشوفون تلفزيون او اي مكان ...تحسن انكم صرتوا خفاف او انك قاعد تطير ..يعني احساس ما يوصف ...انك تخف وتحس انك مو ثابت وانت اصلا ثابت ؟؟

جاوبوني ..يا مهلوعين ..رهابيين ...مكتئبين ..!!

ربي يشافيكم ويشافيني ....بغيت اجابه مؤكده ...وهل هالشي يعتبر دوخه ..او دوار ؟

الا والله احسها

واقول عقلي يطير في كوكب ثاني

يارب تشفينا يارب

احس نفسي خفيفه جداااا بس اطير!!!
ما توصل للطيران او اني ما اركز فيها كتير ما اقدر اوصفها

اختي فجر منير ....اختي احفظنا يارب .....مشكورين عالاجاابه ..والله يعينكم ..

اختي احفظنا ... اي يعني ما اطييير ارتفع ...بس احس اني خفييييييييف...و جسمي يتحرك لا اراديا ...

الحمدلله اني مو بروحي اعاني .... جزاكم الله خير

حلو تفكيير سليم شمس..

وان شاء الله احاول اطبق هالشي

السلام عليكم
الاخ الحبيب ممكن ارجع
ودي اخذك اوديك حق المعالج اللبناني اللي عالجني
اول يوم حسيت اني يمكن اكون متوهم بس مابي اظلم الرجل صراحة يومين حسيت اني غير التنفس صار احسن
الضغط صار احسن شغلات وايد ترى البطن ساس البلى والحبيب صلى الله عليه وسلم يقول فيما روي عنه " المعدة بيت الداء " أو كما قال صلوات الله وسلامه عليه وعلى اله وصحبه فكر اذا فيك انتفاخ وتحس ان بطنك مشدود وما تقدر تنحني براحة توكل على الله وروح حق المعالج واذا تبيني وياك انا حاضر

ولا تحاتي الخفة انا ساعات احس اني ثقيل ويضيق خلقي والطيران اول مرة اسمع عنه اخاف انك مكثر من البيبسي ترى كله غازات لا تخاف ولا تحاتي انا جاتني ايام انام وان صاحي ما دري اشلون اوصف لك بس نايم بالفراش ومغمض بس احس اني صاحي وراسي مشوش شي غريب مسخرة وتروح وتجي اعراض جديدة فناتق
الله يرحم الحال الحين شاغل روحي عن هالوساوس بلاي ستيشن وشاري ام صجمة جديدة حق البراعصة احوس بالدوام وارمي فيهم صدقني تنسى اللي فيك لانك ركزت بشئ ثاني

تقبل تحياتي وتمنياتي بالشفاء

هلا والله اخوووي بندق ...

خخخخخ والله ضحكتني بسالفة الام صجمه خخخخخخ زين تسوي ...اليوم وانا اطالع 80 80 80 يا ابالي اني اشتري وحده ..بس ياخي بروحي اخاف اطلع مادري شلون بستخدمها ..

المهم ... عطني مكان اللبناني ... وسالفة الطيران عاد يعني مو تطييير تطيييير...لا يعني تصير خفيييف ..كان توازنك راح ثواني ويرد ...

ومن ناحية بيبسي وربعه ..والله قاطع كل شي ضااار من زماااااان...

ما اشرب الا عصير فرش ...

والله يعيناا جميعا ويشفييينا ..

وتسلم على كرمك وطيبتك على روحة المعالج اللبناني ...اتوقع جنه مره حط اعلانه بجريدة اعلانات ..

انا اقدر اروح مع السايق عادي ...بس عطني مكانه .

ويعطيك العافيه

على فكرة الحين تذكرت اللة اعلم الخفة اللي تقول عنها والدوخة الله اعلم من الليبراكس انا مجربه

الفروانية اذا رحت عند مطعم كناري والمطافي تصير المحافظة قبالهم يعني هم على يمينك والمحافظة على الشمال لف فوق تحت ودش لفة المحافظة عمارته خلف المحافظة عند محل الصياد للاسلحة يبين من الشارع العام
وانت ياي من الشويخ تصير المحافظة على يمينك وانا بوصيه عليك ورقمي عنده اذا تبي تستفسر عن شئ او تبي تشوف صاحبي الاستشاري النفسي اخليك تكلمه من غير ماتروح مستشفيات ولا شئ المهم اذا تبي رقمي قول له انا كلمك عني بو عمر وحاضرين بس توكل على الله سبحانه

ترى ما يستقبل بعد الساعة 8

بعض الاحيان احس كذا............ طيب اذا نمتو الظهر وطولتو الى العصر........... انا اصحي وكلي خوف
............ غير كذا اليوم بالمدرسه جتني حاله مدري وشي ....... حسيت الدنيا تظلم بعيني وفزيت ولا حبيت ابيني ل زميلاتي........ حتى وانا اشرح جتني مدري اني اليوم رفعو ضغطي البنات عيو لا يفهمو

مشكووووووووور بندق ...حلو يمي يعني....

يعطيك العافيه ان شاء الله باقرب فرصه بروحله ..

جم ياخذ ؟

20 دك الجلسة وانا عطاني عسل و شاي اعشاب ب25 دك ومو شرط تاخذه انا خذيته وماجربته للحين اهم شئ الجلسة والله يشفينا ويشفيك

اهم شئ اذا رحت وخذيت الجلسة شوف اللي يصير معاك واكتب اذا حسيت بتحسن معناته مو صدفة علشان غيرنا يستفيد

تحياتي

ان شاء الله

جزاك الله الف خير...

بس والله سالفة ان يحط كاسه على سرك تخرع ...:. ...

انا اخااف حيل خاصه صوب السر

.الله يعين.