|
تجربه تخلصي من الرهاب الاجتماعي والسلوكيات التي اتبعتها
الســلام عليكم ورحمه الله وبركاته طبعا هذي تجربتي وماكان فيه شخص مشرف عليها مثل دكتور او اخصائي.. يمكن تقولون كلامك يامحال نعرفه لاكن مافاد معنا.. هذا لانكم جربتوه مره اومرتين ماشفتوا نتايج وتركتوه.. لاكن استمر عليه لان مافي شئ يجي بالسـاهل.. اذا انت صادق..وجاد..وعندك عزيمــه للتخلص من هذا الرهاب..تفضل واكمل الموضوع.. إذا انت شخص متردد وتقول يمكن تنفع معي ويمكن لا...فمن الحين اقولك لاتكمل موضوعــي:cool:.. طبعا الموضوع طويـل..يعني اذا عندك وقت ورايق يكون افضل اعتبرها دوره مكثفه لاني كنت اشتغل يوميـآ على نفسي تفيد اللي فيهم رهاب مزمن ... وبحثت كثير عن علاج لرهاب وطلعت بالمسببات لعلاجه .. وهي: 1- افكار. 2- سلوك. وهذا النقطتين لازم نشتغل عليها وهي اساس الرهاب كله.. وضعت لي خطه وجدول للسوكيـات اللتي سوف اقوم بها.. 1-الافكار.. طبعا قبل ماتبدء بالسلوك..لازم تشتغل على فكرك.. لان كل رهابي فكره مغذى ومشبع بالافكار السلبيه اول الافكار التحبيطيه.. وللاسف احنا نميناها وسقيناها بالتفكير فيها وتعضيمها وهي وجدت لها مكان مهيئ ويستقبل فجعلت لها جذور في راسك .. وتمرين تغير العقل او تغير لاافكار بدئت فيه قبل التمارين السلوكيه بـ(4 آيام) لان الافكار السلبيه كان متجذره في راسي وكنت مقتنع جدا بها وللاسف هي خطاء في خطاء ولكي يكون عقلي الاواعي مهيئ للسلوك الذي سوف اقوم به.. ــــــــــــــــــــــــــــــــــــ تمارين الافكـار (يوميـآ..يوميــآ ..يوميــآ) 1-اقتلاع الافكارالخاطئه وتبديلها بالافكار الايجابيه او لاافكار(الصحيحه) كيف.؟؟ من الان ماتدخل في راسك كلمه(صعب /ماقدر/مستحيل)من الان..حتى لو كان عندك شئ صعب وميقن انه مستحيل واللي حولك يشهدون بهذا مع ذالك لاتقول صعب..قول اقدر اقدر اقدر.. مثل لو اقولك روح الان (وانت رهابي) اخطب في احد المساجد..اكيد هو صعب عليك لاكن لاتقول (صعب) قول (اقدر ..اقدر..اقدر).. 2-خصصت لي حوالي ساعتين في اليوم..لاكن غير متواصله.. الصبح نصف ساعه والعصر نصف ساعه وهكذآ.. وكنت اقفل غرفتي ..اولع المكيف عشان محد يسمع صوتي اوقف..ارفع راسي..(اشد على اعصابي ونفس عميق) واقول بصوت عالي انا شخص مهم..انا شخص قوي..(رددها وانت تستشعر معنى الكلمه وليس كلمات تقولها وبس..رددها كل كلمه 150 مره.. رددها وحس انك بالفعل انك مهم تخيل انك مدير:) وانت تقولها. 3-استلقى على السرير وغمض عنونك تخيل انك جالس بمجلس صغير فيه حوالي 5 اشخاص..تخيل اشكالهم تخيل ملابسهم ..جلستهم اي استشعر وجودهم بالفعل وخذ نفس عميق خليك 5 دقائق.. بعض الاحيان لما كنت افكر فيهم كانت دقات قلبي تزيد.. 4-عندي صديقين خيالين(في الخيال) واحد اسمه(يزن واحمد) اتخيلهم جالسين معي ..اتخيل بالفعل وجودهم حتى جلستي كنت اجلس زين وكان وجهي يحمر واحس بشوي ضيق في تنفسي و كل ماجيت اسوي هالتمرن كنت اشيل همهم..وكان مدته10 دقـايق.. 5-لاتقول هذي السلوكيات معروفه وسويتها وماجابت اي نتيجه.. بقول انت على خطاء ..في البدايه صحيح ماكانت احس باي نتيجه..او تغيربسيط لاكن بعد فتره اكثر من اسبوع لاسبوعين لاحظت تغير كبير كبيررر على افكاري صرت امنع اي فكره سلبيه تدخل في راسي ..حطيت حظر على اي فكرة سلبيه وعاهد نفسي ان ماافكر بشئ سلبي .. 6- ماانسى اذكركم بـ(الاستغفـار) فقط 5 دقائق.. نجي للسوك.. طبعا كنت (معاهد نفسي) اجبرها على السلوك ..اللي خططت له. اول يوم لي في السلوك بس مجرد التفكير في السلوك اللي بسويه كان بداخلي شعور واحد منهار حسيت كل خليه في جسمي تنبض..لاكني ماالتفت لهذا الشعور وضليت اردد الكلام الايجابي ولاحضو اني ماقلت اي كلمه سلبيه ابد ابد ولاقلت اني مااقدر وصعب واخواتها.. طبعا راح اعرض لكم سلوكيات كنت اقوم فيها شوفوا كيف كان حالي قبل السلوك وبعده(وكل واحد فيكم بكيفه اللي بيطبق السلوكيات بيشوف خير واللي بيتردد ويقول صعب بقول خليك على الرهاب والامراض النفسيه...الناس تغيرو وكلن شاف دربه وانت معزول عن العالم)... السلوكات اللي مريت فيها كثيره لاكن راح اذكر لك ابرز السلوكيات اللي كان لها اثر كبير في تغير شخصيتي.. تــآبع |
السلوك الاول:
كتبت (ادعيه واذكار) وخليت اخوي ينسخها لي من المكتبه.. وقلت بروح اوزعها في المسجد..عشان اخذ على الناس (صراحه شئ قوي قوي جدا لما فكرت بتوزيع اوراق) المهم يوم رحت دخلت المسجد وانا منزل راسي واطراف آصابعي ترتجف..واحس روحي رقت رقت فوق .. كنت ابي اوزع لاكني حسيت باختناق شديد..ورموشي صارت ترمش بشكل ملفت وجلست على جنب والاوراق كانت بكيس ..وصليت وطلعت بكيستي..طلعت من المسجد وانا مقهور...وفيني الصيحه اقول ليش ماوزعت ليش..اول ماوصلت للبيت .. قلت لااااااااااااا الافكار السلبيه راح تبدء تغزي راسي.. إذا جلست الوم نفسي واحسسها بالفشل..قطعت التفكير السلبي ثم قلت لنفسي (صحيح انك يامحال ماوزعت لاكن انت قدرت تدخل المسجد وكنت ناوي توزع) وهذا شئ ايجابي لك..بصراحه تبدل شعوري..لاكن اني قلت خلاص بكره اروح .. رحت اليوم الثاني بهلكيس اللي فيها ادعيه ورحت المسجد(مبكر) وكنت متوتر وجسمي يرجف دخلت لقيت شايب ومعه ولد رحت وانا متجه لهم حسيت ان رجلي تنبض وصارت مررره ثقيله واحس عروقي بتتفجر وراسي منزله عطيتهم ورقتين ورحت جلست والله ماتدرون وش قد الفررررررررررررحه اللي في قلبي بغيت اصيح من الفرح اقول يوووووووو كيف رحت عطيتهم .. وصليت وطلعت من المسجد وانا اسعد شخص لاني نحجت وعطيتهم.. اليوم اللي بعده كانت روحي ايجابيه قلت يله نروح لمسجد غيره وانا معي هالكيس ادور به دخلت مبكر(ادخل مبكر عشان ماالقى ناس كثار) يوم دخلت لقيت 6 اشخاص اعمارهم في 30 بصراحه ريقي نشف وقلت( يله يله يامحال انت قادر قادر) يوم رحت لهم حسيت ان جاني (الصقه)يعني معد صرت اسمع ..عضامي احس محلها تغير من الارتجاف..واحس نفسي انقطع..عطيتهم وقعدت على جنت جلست اهدي في نفسي لاني بجد اختنقت وحسيت اني اقرب للموت..وقلبي كثير يرجف.. صليت (استغفرالله)وانا افكر فيهم..واول ماسلم على طول طرت على الباب.... وانا طالع لقيت 3 شباب وكنت موت خايف واحس بيغمى علي عطيتهم بسرعه وكانوا يدعون لي بس ماكنت ادري وش يقولون راسي مو معي ونفسي طاير.. ورحت للبيت وحمدت ربي وشكرته..(الشعور كان جدا رائع باني بديت اغير حالي) ورحت كم مره ثم بعده كان يوم جمعه شريت كرتون ماء بارد ورحت به للمسجد وقلت بوزع بس بـ(سلم) يعني راح اقول(السلام عليكم وبعدين بعطيه) لاني قبل ماكنت اتكلم ابد ابد.. ووزعت بس اللي قريبين عندي يعني6 اشخاص وسلمت عليهم صحيح كان صوتي قصير وحروف معجونه من الرهبه بس نظرت للجانب الايجابي وهو اني سلمت يعني تكلمت يعني قدرت اتكلم مع الناس...جلست وحس عيوني فيه دمع من الفرح .. وتوالت روحاتي لمساجد الحي..وكل روحه لاوزم اسوي سلوك..وكنت امر بمواقف احس تجيني دوخات لدرجه احس اني بافقد عقلي لاكن كنت اصبر نفسي بنفسي وتقريبا كلها اسبوعين وصرت ادخل المسجد وروحي مطمئنه وكنت لما ادخل اسلم عند الباب بصوت تقريبا متوسط ولما اجلس جنب احد صرت امد يدي واسلم وكانت قلبي دقاته متوسطه الى عاديه..وحتى لما يجي فيني دقات سريعه من وقت لاخر ماالتفت لها.. ##وصرت كل بعد فتره اخذ اوراق واوزعها ..لين صار شئ عااااااادي (تتوقعون بكذا راح الرهاب..لاياخواني الرهاب (خف)لاكن مازال موجود).. (لان الرهاب لازم تمارس سلوكيات في جوانب كثير من الحياه) تــآبع |
السلوك الثـاني:
كنت اجلس عند باب بيتنا بعد العصر..وطالع الرايح والجاي..اي احد يمر بسيارته ارفع يدي وسلم مايحتاج اوصف الخوف ..المهم اي احد يمر ماشئ على رجله ،لما اشوفه بدء يقرب من عند بيتنا احس ركبي تتصافق ..ثم جت على بالي فكره بدل الجلسه هذي..الفكره.. رحت اخذت 50 ريال وصرفتها خمسات.. وقلت بروح اعطيها هالهنود اللي يكنس واللي يمشي.. (منها صدقه،ومنها اجرء نفسي) وكنت امشي اخذ لفتين في الحي.. وعطيهم خمس ريالات ..ترها عندنا مبلغ تافه لاكن عندهم تفك ازمااات ..ومنها يدعي لك هالفقير المسكين.. وماجاء نهايه الاسبوع إلا اني صرت اكلمهم واقول كيفك اخبار ماما هناك واسلم عليه بيدي واعطيه الصدقه وانا مبتسم وراجع للبيت وروحي ايجابيه السلوك الثالث: كنت قبل مااطلع من البيت اجلس اردد الكلام الايجابي..ومنه اقول لازم ترفع راسك وكنت الحمدلله ارفع راسي بس مااطالع في وجيه الناس ابد ابد.. وطبعا كان عندي دوام في مكان ما لمده 11 يوم..واكيد راح يكون مليان ناس،واخوي اللي معي هو اللي يحكي معهم... قلت في نفسي لازم استغل روحاتي باي سلوك.. فكان السلوك اني احط عيني بعين الناس(كان من اصعب الامتحانات لاكن كنت اقول اقدر ..ماهو مستحيل ..الشخص اللي يطالعني ويحط عينه بعيني ماهو احسن مني) ورحت..اصلا مجرد مادخلت جسمي نمل واشتغلت الدقات والتوتر ماقصر المهم كنت لابس نظارات سود كنت جالس وطالع في اشكالهم بس هم مايدرون اني اطالعهم .. ابي الهيبه تخف شوي..اليوم اللي بعده قلت مااراح البس نظارات عشان ابدء بالسلوك جاء اليوم الثاني بصراحه كنت بس اناظرهم ان وصلت لين صدره دقرت وماقدرت ارفع عيوني..وبعضهم اشوفه فاهي واجس اطالع في وجهه وكنت مستانس اني اقدر اطالع وجه بني آدم بس الرجال كانت مشغول وفاهي بس لما انتبه لي وجت عينه بعيني خخخخخخخ قامت عيوني ترمش بسرعه ونزلت راسي وكنت خاااايف يجي يقولي وش تطالع..وغيرت مكاني ومرات اطالع نص وجيهم ولما يطالعوني التفت ومرات اطالع جبهاتهم خخخخخخخ... ومرات اطالع عيونهم بس اول مايطالعني انزل عيني اوالتفت بها على جنب.. ومواقف تمر علي احس وجهي يقوم يوجعني من شده الخجل بس اصبر نفسي والان وبعد هذا السلوك..صرت احط عيني بعين اي احد يتكلم معي شفتوا ياشباب بالتدريج وبالعزيمه تحولت من شخص يمشئ وينزل راسه لشخص يحط عينه بعين اي احد يتكلم معي..وبكل اريحيه.. تـــآبع |
السلوك الرابع: مناسبات وزواجات.. طبعا الرهابي مايحضر زواجات وتلاقون جماعته نسو شكله .. فانا ابي اروح لمناسبات خصوصا زواج اختي قرب ،وطبعا لازم احضر.لاكن كنت مره ضايق صدري وشلون احضر كيف راح يكون شكلي في العرس..انا ماعرف اتكلم ولا عرف اضيف الناس..اصلا وين المكان اللي ابقعد فيه قدام ولا عند الباب ولا وين..حاااالتي كانت صعبه بجد صعبه لدرجه فكرت مااحضر ... المهم طلعت براسي فكره وهي اني احضر زواج ناس مااعرفهم:) .. بعد صلاه العشاء اخذت شور وكشخت ورحت ادور لي على قصـر فيه عرس هههههههه ولقيت وجلست انتظر برى لي يمتلي من الناس..المهم ..وانزل من السياره متجه الى الباب(وشعوري عارفين كيف) طبعا ماعرف احد كنت امشي ولقيت اقرب مكان فاضي جلست فيه طبعا كنت ساكت بس اطالع بعيوني ونفسيتي تمام وقلت لازم امر وامشي بين المعازم وبالفعل مشيت.. بصراحه لما مشيت بينهم حسيت ضااااااقت نفسي كثير وتوترت اعصابي وحسيت الكل يطالعني والكل يقول ذا وش يبي والكل يضحك علي والحين بيجمعون علي ويسالوني من انت وليش جاي(واصلا محد يمي) طلعت من العرس بغيت اروح للمستشفى اخذ اكسجين..حسيت راسي يرجف وكن فيه نبض قوي..(بس مايـآست وقلت خلاص معد راح اروح) بعدها بيومين رحت لزواج بس اني مادخلت بس برى امشي بين المعازيم اللي برا.بعدها بيوم قلت يله شف لك اقرب استراحه ورح..ورحت بس هالمره كنت مطمئن كثير لاني جلست حوالي اكثر من ساعتين اعطي نفسي كلام ايجابي ودخلت وجلست وكنت اناظر اهل المعرس واهل العروس كيف يسلمون وكيف يضيفون وكنت الاحظ ادق التفاصيـل عشان اسويها في عرس اختي ومشيت بين الحاضرين كان يدق قلبي بس شوي لاكني ماالتفت له والمره هاذي استفدت كثير... ورحت لعرس بعده بس جلست ربع ساعه مريت من جنب الناس وكني ادور احد وهيبه العرس وتجمع الناس خفت كثير ...بقى شئ ..وهو ايش راح اقول لضيوف ان جو في عرسنا.. طبعا قعدت بغرفتي وكنت اتخيل الناس اللي بالعرس يتكلمون معي.. كتبت كلام وجلست احفظه مثل على البركه //الله يبارك فيك.. الله يحييك//الله يبقيك بشريني عنك ///ابشرك عن ماتحب .. كيفكم وايش اخبارك.. // تمام او الحمد لله او بخير ونعمه يالله من فضلك.. وينك غايب مانشوفك(متوقع ذا السؤال)//ابد يالغالي في هالدينا مشاغل .. لاتقطعونا//ابشـر بس انتو اوصلو إستروا ماوا جهتم//ماواجهنا إلا كل خير. يعني ترحيب وبـس.. (وجاء العرس كنت بصراحه ناسي الرهاب والخوف لاني كنت مشغول وتصرفت عادي واسلم والكلام كان يطلع معي بسهوله(بس ماكنت اسولف بس كلام عادي مثل اللي كتبته قبل شوي)..يوم جاء العرس بيخلص تذكرت ان ماجاني الرهاب (ممداني متذكر إلا وقام قلبي يرجف بصراحه ضحكت على نفسي قلت يوم جبت طاريك جيت).المهم اني رجعت للبيت وانا جدا جدا مبسوط من حالي) السلوك الخامس: التواصل..مع الاصدقاء ..طبعا مااقدر اوجه صديق لان لو قابلته اكيد بيكون فيه سوالف وكلام ونا ماعرف ارد وماعندي سالفه واللي بيجلس معي بتجيه الامراض من الطفش لاني ماعندي تعبير على موضوع او بعض الاحيان يقولون لي سالفه بس ماعرف وش ارد وش اقول.. المهم قررت اتواصل مع صديق..رحت لنوته الارقام ونقيت صديق حبيب من 5سنين ماكلمته كنت اقول الحين بيقول وش يبي ولا وش ذكره فيني بس اني شطبت الكلام ذا من راسي..لانه كلام سلبي جبت ورقه وقلم وكتبت فيها كلام ينقال لصديق اللي من زمان ماشفته،عشاني عارف اني بدقر في الكلام دقيت على صديق ثاني بس هالمره بالتلفون اول ماسمعت صوته حسيت اني صرت اطرم (بسم الله علي) لدرجه ابعدت السماعه وجلست اجرب صوتي ابي اتاكد بس ان فيني صوت..واقوله نفس الكلام اللي كتبته وقلتها لصديق الاول هههههههه ..المهم ماخلصت الدقيقتين وحسيت اني ماني قادر اكمل واحرك السلك حق التلفون عشان تصدر شوشره ومانقدر نكمل المكالمه:tongue: وطبعا شوشرت به ثم قلت شوف بصلحه وبدق عليك..وانهيت المكالمه.. طبعا الصديقين لما كنت اكلمهم بصراحه كان كلامي حروف مقطعه وطلاسم غير معروفه.. وبعض الاحيان ماعرف ارد..او ارد رد ماله دخل بالسالفه.. لاكني ماهتميت من الجانب السلبي وعززت نفسي في الجانب الايجابي اني اتصلت وتجرءت وبادرت وكلمت والمره اللي بعدها كتبت سالفه صغيرره وقررت اقولها والحمدلله كلمتهم وقلتها.. وجلست اكلم هذا الصديقين لين تطورت علاقتي بهم كثير وصرت اتكلم وسالفه تجرسالفه.. وبعد فتره قررنا نتقابـل .. اكيد كان فيه تحميره وجهه ونفضه على توتر ودقات قلب..بس بعد مقابلتين او ثلاث صار عادي عندي لاني كثفت الرسائل الايجابيه.. الان:بعدل ماكنت اكلمهم بدقايق صرت اطلع واروح معهم.. وتعرفت على اصدقاء غير قابلتهم..وتيسرت اموري ولله الحمد ..هذه بعض السلوكيات اللي كان لها اثر كبير في تغير حياتي.. تــآبع |
كيف تكون اجتماعي وعندك اسلوب..؟؟
طبعا بما انك رهابي فاكيد ماعندك مخزون من الكلام او يمكن عندك بس ماتعرف تتكلم او ماعندك اسلوب..!! لما بديت اتكلم ولساني بدء يحكي لاحظت اني اقول كلام ماله دخل في السالفه او يكون عندي رد لاكن ماعرف ارد..كنت اتضايق كثير..وبعض الاحيان افضل السكوت .. ولما يصير معكم كذا لاتتضايقون هذا شئ طبيعي لان انت من زمان ماتواصلت مع الناس فمن الطبيعي يطلع كلامك بهذه الطريقه.. لاكن قلت لازم اشوف لي طريقه تخليني احكي وعندي اسلوب.. فمن هنا طلعت لي فكره وهي اني اصير(مراقب)يعني اراقب الاشخاص اللي حولي,,كيف يتكلمون كيف يردون كيف تكون تعابير وجيهم.... وصرت (مراقب)واراقب ادق التفاصيـل واقتبسها عندي وصرت امثل في غرفتي والان اماراسها مع مواقف تصير لي اي شخص يعجبك اسلوبه فقط راقبه..واقتبس..مارس.. والحمدلله صار عندي اسلوب واعرف احكي ومازلت اراقب:) النهايه.. 1-اخواني كتبت تجاربي والباقي الان عليك..اسال نفسك لي متى بتضل رهابي..ترى مافي حل سحري لرهاب..اتعب على نفسك اضغط عليها ورح تلاقين نتايج تعبك.. 2-فيه ناس شافوك وانت ترتجف ..ماعليه يشوفونك مره مرتين احس من تكون طول عمرك كذآ..وتذكر انك راح تتخلص منه..هذا انا مثال حي قدامك.. 3-في مرحله السلوكيات مريت بصعوبات وضغوطات بس كنت ادعم نفسي ايجابيا وكنت اشجعها..لان للاسف مافي احد يدري بمشكلتي. 4-السلوكيات ليست محصوره في هذه الجوانب اللي ذكرتها كنت اشوف اي جانب انا ضعيف فيه او مااقدر اسويه على طول اسوي السلوك فيه.. 5-السلوكيات طبقتها مكثفه تقريبا في (شهر ونصف الى شهرين)بتصير شخص ثاني.. 6- لاتنسون قيام الليــل..والدعاء والالحـآح في السجود. 7-يارب انك تيسر امري وتفرجها علي..وعليكم.. 8- لاتنسوني من دعواتكم.. 9-استغفر الله العظيم الذي لاإله إلا هو الحي القيوم وآتوب إليه.. 10-يارب اسالك الجنه واعوذ بك من النار. 11-عسى ربي ينفع بها..وماتوفيقي إلا بالله.. خلاصه تجارب |
(مـآاسمح نقلها لاي منتدى ثــآني)
استغفر الله العظيم الذي لاإله إلا هو الحي القيوم واتوب إليه حسبي الله لاإله إلا هو عليه توكلت وهو رب العرش العظيم |
ممتاز يا اخي والله ممتاز ولازم تعرف انك بطل والله بطل لانك تحديت مخاوفك ودة انجاز لازم تفخر بية قدام نفسك ادعيلي انا في بالي هذة الفكرة منذ شهر تقريبا خطرت علي وانا اطالع كتاب للعلاج السلوكي وقلت لنفسي انت الان فرضت عليك المعركة اما تستسلم للرهاب القاتل او تجاهد وينوبك اما النصر او شرف المحاولة وانشاء الله لن اتنازل عن النصر
|
ألللللللللللللللف شكر
بارك الله فيك عالافادة للي قدمتها وربي يشفينا ويتم شفاءك
|
السلام عليكم
أخي أهنيك على شجاعتك أنا أيصا كنت خبيس البيت لمدة تزيد عن أربعة أشهر لكن بعد الحاح أهلي علي بالذهاب الى طبيب نفسي ذهبت فتغيرت حياتي 180 درجة لكن بعد استعمالي لدواء معجزة ألا و هو فليوكستين ثم سيروكسات اللذي كان سببا في سعادتي و الحمدلله أتمنى أن أحذو حذوك و أقلع عنه و أكتفي بالعلاج السلوكي أشكرك جزيل الشكر على طرح تجربتك أتمنى أن تقبل بي صديقا و تتواصل معي |
أنا صراحة لم أقرأ تجربتك الى الان
لأن كثير من تجاراب أخواننا الرهابين كغثاء السيل ...وبعدها ترجع حليمة لعادتها لقديمة ولكن لية لا ..وأنا موقن بوجود علاجي ..وليس دوائي ...لهذة المشكلة ,,, سأرجع وأناقشك فيما كتبت ..واطلب منك التفاعل ... سؤال ..عن الشكة ..؟ ليه سجلت نفساني ..دامك متعافي من الرهاب ..؟ أنا اللي اعرفة ....أن أي شخص يتخلص من الرهاب يتنكر له ... على الاقل ..ينسي العقل الباطن هذا الكلام !!! |
اقتباس:
وتتشافي بالتوفيق لك آخوي... اقتباس:
ولك بالمثل ..وربي يشافيكم..ويوفقكم لما يحب ويرضى.. اقتباس:
واحييك على مصارحتك لاهلك..وشجاعتك ..ومن ناحيه الدواء اقلع عنه بالتدريج...وخليك على السلوكيـات لان هي اللي علاجها دائم ان استمريت عليهــآ..الله يشفيكم شفاء لايغادر سقمــآ اقتباس:
اقتباس:
اقتباس:
اقتباس:
يــارب اشفي مرضـانا ومرضى المسلمين يارب يسر امري.. يارب ياكريم اللهم صلى على نبينــآ محمد |
تسلم لي محال أنا طبعا سجلت بعض السلوكيات بورقة
وكان من بينها الأهم اللي هو التفكير الإيجابي وطرد كل فكره سلبيه ....يعطيك العافيه |
الله يجزاك خير ع التجربه واسال الله العلي العظيم انا يشفيك ويشفي جميع مرض المسلمين والمسلمات ويشفيني يارب ياكريم ضاقت فينا الدنيا قطعنا ارحمنا بسبب امراضنا النفسيه يارب ياكريم تجمعنا في احبابنا
|
بس سوالي اخوي ماتاخذ علاج دوائي الان نفس الشغلات فيني حيل
|
اقتباس:
يعافيك ربي ..والله اني ادعي لك .. الله يسر امورك..وتبشرنا بتخلصك منه..يارب ياكريـم.. اقتباس:
وربي يجمعك بمن تحب .. اقتباس:
لاني ماخبرت احد ان فيني الرهاب..وماقدرت اروح بروحي لعياده نفسيه عشان كذا لجـآئت للعلاج السلوكي وكان خير علاج..والعلاج الدوائي مهدئات وقتيه.. وانت الان ابدء العلاج بالتفكير الايجابي والرسائل الايجابيه وبعدها مارس السلوكيـآت..لاكن لاتقطع التفكير الايجابي والتفكير لايجابي ليس فقط علاج لرهاب ،بل علاج لامور كثيره من ازمات واحباطات ومشـآكل..فخلي تفكيرك ايجابي تنعم بحياتك وحط حضر على كل كلمه سلبيه.. بالتوفيق اخوي.. |
ما شاء الله
كل ذا المخزون الهائل عندك وساكت كل ذا المده برنامج رهيب وتجربه قويه فعلا على الطريق الصح ،، ولا عجب لانهم يقولون ان اغلب الرهابيين عباقره والله معلومات مفيده في العيادات ما يعطونك اياها الا بفلوس واجد وجلسات وتعب مشكور يا محــــــــــــــال والله يشفي الجميع |
أي وينك يامحال ...تدري أنك الشخص الرابع بعد المئه اللي طلبتة للنقاش بشكل ..جدي ... ولم يستجب
أكثرهم يولون الادبار |
اقتباس:
ربي يرزقك حتى ترضى وجميع المسلمين..دمت بنعيـم وخيـر .. |
اقتباس:
وهذا ردي عليك اقتبسته لكي تراه.. اقتباس:
وحاورني وناقشني بما يدور بخلدك وسوف تجد جوابي وردي... وليس هناك ما يجعلني اتهـرب من نقاشك... ثانيـآ كما اخبرتكم لست اخصائيا ولادكتور ..بمعنى آخر سـآجيب عليك عن تجربتي لاكثر.. وهذي تجربتي كتبتها بشكل سريع وربما تنقصها بعض الفصول لانني لااتذكر جل التفاصيل سوى المهمه..وافدتكم بها.. آطرح في متصفحي ماتريد التسـاؤول عنه وان تـاخرت بردي ..فاعذرني لانشغالي هذه الايـام .. باانتظـآركم س/ هل انت رهـابي..؟؟ |
الرهاب افضل علاج له هو المواجهه واعراض عن اعراض تفرق فمن عرضه عند المواجهه ارتجاف وآخر دقات قلب وآخر تعرق وآخر تلعثم وآخر جميع ما سبق لذا فعلا اقضي على الافكار السلبية بينك وبين نفسك وستنجح
لو جلست وحيدا في الغرفة وتخيلت مجرد تخيل انك امام حشد من المشاهدين وانت رهابي فسوف تهاجمك الاعراض مع انه لا يوجد موقف حقيقي لكن لو تخيلت المشهد وانت بشخصية احد المشهورين لن تهاجمك الاعراض لأنك ابعدت الفكرة السلبية لذا افضل شيء انك تخدع نفسك المواقف التي ذكرتها يا اخ محال لا شي بالنسبة لما مريت به ولكن اعتقد اني الآن بأفضل حال من قبل ولكن ما انت فيه يا اخ محال سهل وبسيط وسهل التغلب عليه فاعراض عن اعراض تفرق فالاعراض التي تمر بها يمكن تغطيتها اهنيك على الجهد الذي قمت به لمعالجة نفسك واسأل الله ان ينفع بها السيروكسات افضل علاج لكن اعراضه وخاصة الانسحابية فضيعه وايضا آثاره الجانبية فالافضل هو العلاج السلوكي أسال الله لي ولكم الشفاء والعافية |
موضوع روعه روعه |
طمنا عنك اخ محال ان شاءالله انك بخير
بصراحه عجبني طرحك والله يقدرني اطبق اللي قلته بصراحه احب الشغلات اللي فيها تحدي وعجبني فيك انك ما استخدت اي علاج .هنا تكمن قوة الاراده.الله يوفقك ويديم عليك الصحه يارب |
ماشاء الله عليك ..تحديت الصعوبات ..وحاربت كالابطال ..ربي يتمم عليك نعمه ..مشكور وربي يجعلها في ميزان حسناتك.
انا عادي اسلم على الناس بجراءه وثقه ,,بس لما اسولف تضيع علومي ..يعني ادوخ او يصدع راسي ..صداع غير طبيعي ..قد احد جاه صداع وهو يتكلم ..يعني ابي اتاكد هو من اعراض الرهاب .. |
اهنك على ما وصلت له الاسرار والعزيمة هما كل شيء
|
وانا ايضا اهنئك يااخ محال على ماقمت به من علاج سلوكي
وهو بجهد فردي منك اتمنى لك التوفيق تعليقي : من خلاصة تجربة محال ان المواجة هي الحل لازالة الخوف غير المبرر الاخ محال في تجربته بالمسجد او بالشارع او بقصور الافراح حاول ان يختلط بالناس بكل قوة وثبات واستطاع ان ينجح ولكن لابد لمثل هذه المواجهات ان تستمر وتستمر وتستمر وتستمر ولكن بطريقة منظمة وسهلة علينا ان نبحث عن المواقف التي يكثر فيها الاختلاط بالناس يوميا ماالضرر لو بحث الانسان عن عمل ولو باجر بسيط يكون فيه مختلطا مع البشر يوميا مارايكم بمندوب مبيعات مثلا او موزع بروشورات او بائع متجول ( خضار - جوالات -) او مساعد كاشير او شريطي سيارات في سوق الحراح على سبيل التدريب والتمثيل فقط موظف تستقبل مكالمات العملاء في احدى الشركات او مسوق عقاري هذي بالنسبة للمهن وهي كثيرة وربما تحاول من اي شخص قريب منك يعمل بهذه المهن ان يساعدك ويقف معك اما المواقف فكثيرة ايضا : مارايكم بالذهاب للماحضرات في الجوامع المشهورة الذهاب للمستشفيات والجلوس بالاستراحات لانتظار الدخول للطبيب استخدام الاسنسير بكثرة وقت الزحامات كما في المستشفيات وهنا تكون الاجسام قريبة والعيون محدقة ههههه ممارسة رياضة المشي يوميا في الاماكن المكتظة بالناس التسوق بالمولات بدون شراء الذهاب في كل ليلة جمعة للتسوق من البطحاء حيث الزحا الذهاب للملاهي والتمتع بركوب الالعاب المخيفة الذهاب للبر او البحر والاستمتاع بالدباب البري او البحري محاولة مساعدة اي انسان متعطل حتى لو من باب الدعاء له والمهن كثيرة والمواقف اليومية كثيرة لكنها تحتاااج منك لارادة وتصميم وتخطيط مبرمج وعزيمة وتوكل على الله سبحانه وتذكر اخي : انك اذا ملات يومك كل يوم كل يوم بمثل هذه المواقف تاكد بان الرهاب سينسحب عنك بالتدريج اخي الرهابي : الككرة في ملعبك انت من يركلها وانت من يلعبها لاتنتظر احدا ان يدني منك الكرة او يقربها لك هناك من يشجعك وهم نحن وهناك من يعينك وهو الله سبحانه وتعالى فاطلب العون منه وحده وشكرا لكم |
موضوع مثل ده فعلا يستحق يتثبت
فعلا رائع وان شالله بحاول اطبق سلوكيات في الشهر الفضيل في الحرم مع الزائرات بس الله يستر ادعووووووولي |
واااو .. ماشاء الله عليك .. أهنيك بقوة على هذه القوة والإرادة والإصرار على الشفاء أنا كمان لي حكاية كتبتها هنا في المنتدى عن الرهاب وكيف بدأت أتخلص منه تدريجيا .. بس الحكاية تشمل بعض الحكايات الخارجة عن الرهاب .. تحييياتي ^^ |
محال بجد وانا اقرى كلامك وموضوعك بجد الله يسامحك غصب عني بكيت لان اصعب شي انك تمر فحاله تحس انها مقيدتك ويمكن انها تتسبب لك عذاب نفسي
وسبحان الله وربي حالتك ذكرتني بحالتي قبل حسيت كانك تتكلم عني اصعب شي انك تمر فهذا الشعور وماحد يحس فيك تخيل حتا الي عايشين معاك مايحسون فيك او مايفهمونك ويستوعبون وضعك و معاناتك وهذا الامر ! مابي احبطك تفائل بس انا اتكلم ع ننفسي وعن الحاله عموما \ انا بعد قاعده امر بحاله رهاب اعتبرها فضيعه لدرجه اني وصلت فالحاله _احيانا _اني لابغيت اروح لمكان ماحب اروح لوحدي مو خوف بس مادري شعور كريه ويمكن خوف بصراحه انا ماكنت كذا لي كم سنه وانا متغيره وطالعه من حاله رهاب ازمتني منذ الصغر وطلعت فيها بعد تحدي واصرار وعموماانا فيني حاله اكتئاب من زمان وحالتي تروح وترجع انا مثلك قبل عانيت من الرهاب وادري مافي ابشع انك تكون معزول عن الناس ولاتخالط احد ولاتعرف تتكلم خليني ساكته ! بس قبل صارت اشياء وقررت اني اتغير وفعلا الي فيه رهاب يحس انه كثير ظالم نفسه ومو مقدر نفسه ويحس انه فالعالم هذا غير مرئي ويمكن اي شي بهزه او يتعبه نفسيا و بالنسبه لموضوعك راح احاول اطبق الي قلته وبعتبرها دروس يوميه وان شالله مراح ارسب فيها واتتمها ع خير وحلوه صراحه تجاربك ومواقفك وخصوصا العرس ههههههه بس من جد حركه قويه واما بالنسبه انك اذا تكلمت مع احد لازم تطالع في عيونه مو شرط صح ان هالشي نوع من التواصل وشي جيد بس احيانا اذا حبيت انك تخفف من الظغط لكم دقيقه او ثانيه بقولك حركه اسويها او طريقه شوف انا احيانا امر في هذه المعاناه ههههه صدقني واذا يجيني اي شخص يتكلم معاي تجيني حاله توتر وعدم ارتياح فاحاول اني اركز على المنطقه التي بين العينين عشان اخفف التوتر علاقل اهدي نفسي شوي مرات تنفع معاي بشكل ملحوظ جربها احيانا مو دائما احياناا وعند الضروره وبالنهايه بجد محال مع اني ماعرفك احس اني فخوره فيك كلامك واسلوبك يدل على انك انسان قوي وعنده عقل يفكر فيه واستمر رر بجد بهذا التغيير ومشالله الله يوفقك ويثبتك ويعطيك ع قد نيتك وراح اعرض يومياتي قريبا لكم وان شالله مانعرض الا الخيرررر يله اتمنالك انت والجميع يوم سعيد باذن واحد احد السلام عليكم |
يعطيك العافية على الموضوع القوي والتجربة الأقوى..وعلى خطاك إن شاء الله سائرون..لكن أنا بضيف على العلاج السلوكي العلاج بالدواء..كل واحد يكمل الثاني..فأحيانا تكون أعراض الرهاب الفيزيائية صعب التعامل معها أو التصرف بحضرتها..علشان كذا حلو تكون ماخذ دواء يزيل هذه الأعراض..مثل ما انا مسوي..لكن زي ما قلتلك لازم مع الدواء العلاج السلوكي...شكرا من جديد والله الموفق.
|
ولو إني من النوع الشبه يائس لكنّي عزمت أقرأ موضوعك كامل : )
يعطيكم العافية |
كلامك كله صحيح ولكنا في اشياء مهمه ماذكرتيه
اولا1--اكدواالعلماختم القرآن مرة واحده تزيل بعض الشي من الرواسب العقليه والنفسيه وتقوي الروح واذاكررناقرآت القران مره ثانيه يصبح المفعول اقوى من المره السابقه وهكذا ثالثه ورابعه واكثرماتعطش للقرآن هي الروح وتعطشهااكثرمن تعطش النفسيه ولكن كلهن بحاجه لهذاالورد وذانبي نضرب مثل حتى نوضح اكثرللاخوه وللله المثل الاعلى][اذتعطل جهازناصارفيه عطل اوخلل نحمله ونوديه للمحل حتى يعمل له فرمته كذلك القرآن اول مانختمه يكون فرمت بعض الشي وذاقرناه مره ثانيه زاذاشفائه وثالثه افضل وهكذا وهذايسمى ورد كماكانوا يعملون اصحاب الرسول صلى الله عليه وسلم ورضي الله على اصاحابه فكل الصحابه رضي الله عنهم كل واحدمنالصحابه له وردمايترك ورده حتى لو كثرت عليهم مشاغل الدنيا مع مصايبها وبلاويها والرسول صلى الله عليه وسلم ايضا هكذالانه هو الذي درسهم صلى صلى الله عليه وسلم ملاحظه]لماذاهذاالوردنضرب مثل بالعاميه حتى نفهم اكثر السياره اذاكنا مسافرين اوغيره وخلص بنزينها اكيدماتمشي ولاتقبل غير البنزين الي صنعوه وكالتها عليه يعني تتغذى من تعليمات بلدهاووكالتهاوذاخربت وتبي قطعه حساسه للمحركها لو جبناغييرصناعة بلدها مامشت الاالقطعه من بلادها اجل فمابالكم بروح الانسان اذاصابهاخلل مرض وغيره وعالجهاالدكتور بحبوب وابر هل ينفع علاج هذاالدكتورطبعالا.الااذاكان المرض من الاعضايعني هذاالمرض اللي الله سبحانه شمله برحمته ويخف صاحبه خلال اسبوع غيرالروح والنفسيه والعقليه اذاصابت الامراض الثلاثثه انسان فعليه ان يتمسك بدينه ويحافظ على صلاته فهذااختبارالصدق اوالنفاق والعياذابالله السبب الثاني اسئل الله ان اوضحه اكثر لكم ّ1-اذاانمرضت المعده اوالكلى اوغيرها من الامراض العضويه فنعالجهاعلاج من نفس مصدرهاوهوالتراب مهمهاختلفت وضع الابر والحبوب فهومن التراب المصدر كذلك الروح والروح مصدرها الله سبحانه لانالروح من نف ح الله اذاتشفى من المصدروهوالله في ناس تشفى من الرقيه ليس بها شرك وفي ناس تشفى من ختم ال قران وفي ناس تشفى من ماء زمزموكيريل شفاءالروح هو من نفحات الله سبحانه ماهومن اي انسان يمكن الانسان سبب لاغير شفاءالروح من الله سبحانه لا من شيخ ولا من علاج ارضي من نبان وغيره لان الروح معلقه لاامورالسماءواماالامراض العضويه فهي تشفاءمن علاجات الارض اذاتبون تشفون من مرض الرهاب وغيره من الامراض الروحيه عليكم بختم القران اوجعل وردلكم باليوم اقراءمثلاعشر صفحات فقط او عشرين اوغيره اقل اواكثرالمهم تحافظ على وردك وبعدين اللي في ذلك قرائته حتى تعمل فيه وحتى تتقرب به لله سبحانه وحتى لرفع درجاتك واعلم ان في ماكولات ومشروبات تهيض المرض النفسي والحاله النفسيه خصوصاالخوف وهي كتالي 1-القهوه ان زدت اكثر من ثلاث فناجين وانصح بنجان واحد باليوم ولاتشرب وقت المساء 2-جميع من لديهم ارهاب وخوف انيبتعدواعن الكباتجون لانه هوالماده الرايئيسه ومهيج للخوف وغييره من الكحول الوسخه وشكرالكم للمساعده l7.h4tmail.com |
| الساعة الآن 05:36 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا