برجاء المساعده المعنويهّ!!!
 

السلام عليكم ورحمه الله وبركاته



انا فتاه عندى 22 عام

كنت اعمل محاسبه من فتره قصيره ولكن تركت العمل بسبب مشاكل حصلت وادت الى ان والدى خلانى اسيب الشغل لانه مبقاش واثق فيا

والدى متشدد جدا بيمنع الموبايل والخروج وحتى الكلام فى التيفون مع اصدثائى البنات ممنوع من صغرنا ولو حتى حد اتصل بيكون جمبى وانا بتكلم

والدتى متوفيه من صغرى

انا الان فى البيت من شهرين كان سبب عدم ثقه والدى فيا الان انى كذبت عليه وروحت عند صحبتى

وهو لحد الان مش بيثق فيا وحاسه ان مستقبلى ضيعته منى وحياتى ملهاش اى معنى

مع العلم انى فى العيد تمت خطبتى وكان معايا موبايل من اربع سنين وولدى مكانشى يعرف وحتى الان لا يعلم به

وكنت اكلم خطيبى من الموبايل بتاعى لكن الان انا حتى الموبايل كسرته و ومش عاوزه اكلم حد ولا اشوف حد ومش بنزل خالص من البيت

بعمل شغل البيت عادى واول ما اخواتى يجو من الشغل بعد معاهم بتفرج على التليفزيون ومش بتكلم مع حد

ولو بابا جيه بدخل وبقولهم انى هنام ويسئل عليا يقولو انى نمت

مش عاوزه اشوفه او اعد معاه

كارهه كل شىء ومش عاوزه غير انى ارجع لشغلى ولحياتى لكن مش هايحصل تانى او ممكن يحصل بس بعد فتره طويله جدا لحد ماولدى ينسى الجريمه الشنعاء اللى انا عملتها

معرش كتبت الموضوع ليه بس انا فعلا عاوزه اطلع من الحاله اللى انا فيها ديه

انا كرهت كل حاجه فى حياتى حتى خطيبى رغم حبى ليه بدات اكرهه

اسفه لو كلامى غير مرتب لكن اانا قلت اللى جوايا باقى شىء اخير انا بدائت مثقش فى نفسى واكره نفسى

لانى كنت مرحه وشقيه وكل اللى حواليا بيحبونى لكن دلوقتى محدش بيحبنى ولا يثق فيا ولا يحترمنى زى الاول

اعمل ايه ؟؟

أختي سوف أقوم بنقل موضوعك الى عيادة مشاكل الكبار وسوف تحصلين على ردود من الإخصائيين

الله يعطيك العافية ومرحباً بك في نفساني بيتك الثاني

شكرا اخى الشاكر

ولا يهمك أختي يمكنك الكتابة هنا بما تشعرين ولانها محجوبة عن الأعضاء عشان تأخدي راحتك

الله يوفقك ويعافيك ربي

خير ان شاء الله
اختي الكريمه . . المشاكل ماليه الدنيا لكن احنه بالصبر والتوكل على الله والعزيمه بنقوى عليهااونخليهاا
موضوع صغير . .
لاتستسلمي وخلي الابتسامه على وجهك في اصعب الظروف
ومن يتوكل على الله فهو حسبه

وان شاء الله بيتغير حالك لاحسن حال يارب
تمنياتي بكل الخير

السلام عليكم و رحمة الله تعالى وبركاته.
أختي الكريمة :
من خلال قرائتي لموضوعك تبين لي بأن المشكل ناجم عن صراع بينك و بين أبيك لذى فاسمحي لي بالأسئلة التالية :
أريد لمحة حول تاريخك الشخصي ؟
ماضي عائلتك و أهم العلاقات بها ؟ و كيف تقييمك لها ؟
حياتك الشخصية و خاصة العاطفية منها و الاجتماعية ؟
متى ظهر هذا الصراع بينك و بين والدك ؟ هل هناك سببب معين أو تصرف نك غير مقصود ؟
كيف هي معاملات أبيك لباقي أهلك مقارنة معك أنت؟
العلاقة مع الخطيب كيف هي ؟

في انتظار ردك

اتمنى ان اكون جاوبت الاجابه اللى حضرتك منتظرها واشكرك جدا على اسئلتك اللى خليتنى اتكلم شويه واعتذر للرغى اللى فوق وانتظر حضرتك

تحيتى لك

فرح
صدقينى كنت كده طول الوقت بس انا فعلا اعصابى تعبت والابتسامه مبقتشى بتظهر على وجهى خالص بالعكس لو كنت وحدى خمس دقائق ببكى

اكيد المشاكل ماليه الدنيا ولكن كل واحد عايش دنيتى وشايف ان مشكلته هى كل حياته لان مشكلته هى اللى مأثره فيه فى الوقت الحالى

اشكرك لردك

تقبلى تحيتى

أختي الكريمة سوف يتابع معك الأستاذ / أحمد بن محمود حفظه الله ورعاة

اشكرك اخى الشاكر

واشكر ايضا دكتور / أحمد بن محمود

جعله الله فى ميزان حسناتكم

ولا يهمك أختي تهمنا صحتك ونشوفك دوم بخير

عفاك الله يا طيبة

بالنسبه لمعامله خطيبى ليا او معاملتى ليه

ليا ملحوظه

ان لو انا غلط فى شىء او زعل منى وهو عصبى اكيد احيانا صوته بيعلى وبيزعقلى

انا ساعتها حتى لو غلطانه وبعتزرله شخصيتى بتتحول وبترفض صوته العالى وانه بقى يعاملنى زى بابا مابيعاملنى ولانه اخو صديقتى من الطفوله يعرف حجات من اللى كانت بتحصل من زمان وحتى الان ان بابا بيزعق كتير وبيضربنى

فبيراعى انى مش بحب يكون زى بابا وبيعتزرلى وبيقولى انه مايقصدش بس كان متنرفز وده رد فعل مش اكتر

بحس انى بضغط عليه وانى بقيت معقده لانى احيانا بعيط لو زعقلى وهو بيكره انى اعيط

منتظره حضرتك وتحت امرك فى اى اسئله اخرى واشكرك للمتابعه

السلام عليكم و رحمة الله تعالى و بركاته.
أشكر الأخت الكريمة على الثقة الموضوعة في منتدانا هذا .
قبل البدء في التحليل و تشخيص الوضع ،الرجاء الاجابة على السؤال المتبقي و المقصود منه هو حياتك الطفولية .
اضافة الى هذا : الرجاء بافادتنا حول رأيك عن السبب الذي أدخل والدك في دوامة شك .
أي هل الشك شيء ملازم لشخصيته ،أم انه جاء نتيجة ضغط الأهل .
أم ترين أن الشك جاء نتيجة افتراقه مع أمك.....

واتمنى الاقى الحل اللى اطلع بيه من كل الخنقه اللى بقيت فيها لانى من فتره بفكر فى الانتحار لكن لولا انه حرام كنت عملتها
منتظره حضرتك واشكر حضرتك للمتابعه

منتظره حضرتك يا دكتور

السلام عليكم و رحمة الله تعالى وبركاته.
أعتذر مجددا على تأخري ، بسبب انقطاع شبكة النت الخاصة بي ، وحالما تعود الأوضاع على سابق عهدها في مدة أقصاها 3 أيام ، سنكمل العمل معا .
و أحيطكم علما بأني لجأت الى محل خاص بالنت قصد توضيح لكم ظروف غيابي . والكل يعلم بأن استخدام الانترنت عند الخواص هو باهض الثمن .
العذر مرة أخرى.

مافيش مشكله دكتور

الله يكون فى العون وان شاء الله النت يرجع بسرعه

واشكرك لانك افتكرتنا ومشاكلنا فى بالك حتى والنت فاصل

جزاك الله كل خير

السلام عليكم و رحمة الله تعالى و بركاته.
في البداية اسمحيلي بهذا التحليل حسب استنتاجاتي مما ذكرتيه لنا :
شيء طبيعي عند كل انسان بأن له زاوية خاصة ينظر بها و يفسر بها واقعه ، وهذه الزاوية تتأثر بالجانب العاطفي الثقافي و حتى الجانب الاقتصادي و الاجتماعي الخاص بكل فرد .
لذى تفكيرك بأن الأب دائم الشك اتجاه أسرة شيء مقبول و لكنه نابع من الزاوية التي ترين بها وتحليلن بها كل السلوكات ..........لذى لو حاولنا وضع أنفسنا مكان الأب فقد نجد بأن ما ينتجهه من سلوك له ما يبرر (وهذا لا يعني بأن على حق بسحب الثقة منكم )
ولكن هناك رسالة خفية وراء هذا السلوك المنتهج وقد تمس هذه الرسالة عدة جوانب خاصة منها الجانبين النفسي الشخصي و الاجتماعي العائلي .
ربما قد تتسائلين عن سر هذه الرسائل ؟
ان الواقع الذي مررتم منه بعد وفاة الوالدة رحمة الله عليها، جعل الأب أكثر حرصا على العناية بكم و تربيتكم وهذا ما تجلى في تعدد زواجه بعد وفاة المغفور لها ، ضف الى ذلك فقد التمست من كل هذا حرص الأب على لعب دورين في آن واحد دور خاص بالأم و دور خاص به كأب ومن هنا نستنتج بأن انتهاج الأب لذلك السلوك مفاده تقمص دورين مما انعكس به الأمر على شخصيته .....فكأنه يقول بأنه لا يود أن يكون سبب اذا ما مسكم مكروه أو انحرف أحد من عائلته . فالشك ربما يخفي رسالة من ورائه تتضمن حرص على سلامتكم من كل النواحي .
و من خلال كل ماذكرته نجد هناك تداخل و تأثر من الجانب الشخصي النفسي و الجانب الاجتماعي العائلي :
فلعب الأب لدورين في آن واحد بغية تعويضكم للمرحومة انعكس على شخصيته بحرصه و اصراره على القيام بذلك قد خلق له كل هذا بما تظنينه أنت شك و قد يراه الوالد كمهمة صعبة من أجل تحيق سلامتكم.

لقد ارتأيت في هذا التدخل الى التطرق لسلوك والدك من عدة زوايا ، حتى نعطي لكل شيء نصيبه ،وحتى لا ننظر الى كل ما قوم به الأب كله شر..........

في انتظار ردك ...............

انا مع حضرتك فى الكلام ده

لكن حرصه على سلامتنا بيأثر علينا بالشكل النفسى

طب ليه اانا بعمل عكس كلامه فى كل شىء انا عارفه اللى حضرتك قلته ومقتنعه بيه لكن بتناساه اول ما يزعق او اعمل حاجه ويضربنى بكرهه والشىء الوحيد اللى بيجى فى بالى هو الانتحار وحاولت قبل كده لكن بخاف من ربنا

وقبل مااقرأ كلام حضرتك وافتح النت كنت بفكر برضوا فى الانتحار وتقريبا عرفت هعمل ايه وامتى لان انا فاشله فى كل حاجه ومستحقش انى اعيش حتى اختيارى لخطيبى تقريبا فشلت فيه

شغلى حياتى فشلت فيهم حتى لمه كان مديرى بيشكر فيا كنت بقول بيجاملنى علشان اشتغل اكتر وانا فعلا فاشله حتى فى رجوع الثقه لكل اللى حوليا فيا

كل اللى بتمناه دلوقتى ان ربنا يسامحنى على كل حاجه مش عارفه هقدر انفذ اللى بفكر فيه والا لا لكن مبقاش فيه سبب لوجودى تانى فى الدنيا دي لانى بكره كل الناس اللى فيها ومش عاوزه حد فيهم ولا اخواتى ولا اى حد انا كرهت نفسى من اخطأها مع انى مش ببقى شايفه انى بغلط لكن بعمل للى انا شيفاه صح وبس ماليش دعوه باى حد

يمكن كلامى مشتت زى تفكيرى بالظبط كن ادعيلى اعرف انتحر بس خايفه افشل تانى زى مافشلت فى كل حاجه فى حياتى

اشكر حضرتك لمتابعتك معايا مع انى مستحقش حتى ده ربنا يجازيك كل خير

دكتور

اعتذر على كلامى السابق فكل مره تقريبا قبل مارد على حضرتك يكون حصل شىء مأثر على حالتى النفسيه فبالتالى يأثر على كلامى وردى ونظرتى للامور

ممكن حضرتك تلاحظ هذه المرة انى برد بعقلانيه اكثر ووضوح امام نفسى على الاقل

عارفه ان والدى بيخاف عليا اكثر من اخواتى ويمكن اكون عرفت سبب ده لانى من يومين فتحت البوم صوره مع والدتى ووجدتنى نسخه منها رحمه الله عليها

انا مشكلتى كلها انى محتاجه امى ومحتاجه ابقى متسالمه شويه مع نفسى لانى من عندى بعاند مع نفسى ومش بعترف بغلطها حتى تمادت فى الاخطاء وانا شايفه نفسى طول الوقت صح

بس ده مش غرور منى يمكن لان طول الوقت لو حد قريب منى عنده مشكله بعرف احلها وبقدر اقنع اللى قدامى باللى عاوزاه حتى زمايلى الشباب كانو لمه تحصلهم اى مشكله كانو بياخدو رايى وينفذو كلامى كنت بستغرب لده بس بصراحه كنت بثق فى نفسى اكتر
لكن لمه كانت تواجهنى اى مشكله مش بعرف احلها يمكن لانى ساعتها ببقى جوه المشكله ومش ببقى شيفاها كلها زى ما انا بشوفها من بره لمه اصدقائى يحكولى وبحلها

كل الى محتاجاه انى اثق فى نفسى وفى وجودى وانى اواجه نفسى بانى انا اللى ضيعت ثقت والدى فيا وثقه اخواتى كمان مع انى لحد الان شايفه ان اللى حصل مايستحقش كل ده

لكن من منطق كلام حضرتك واقتناعى بيه ان كل شخص بيشوف المشكله من وجهه نظره يبقى هما عندهم حق

لكن محتاجه اخد فرصه تانيه مافيش حد مابيغلطش مافيش حد ملاك طب ليه هما غلطتى قدامهم اخر الدنيا ومافيش بعدها غفران او تسامح انا بقول لنفسى ولحضرتك دلوقتى انى غلط واستحق العقاب لكن شغلى وحشنى مستقبلى وحياتى اللى كنت بخططلهم انا كنت خلاص بدات الاقى نفسى والاقى الشخص اللى حبيته وحبنى وكان عندى استعداد اعمل اى حاجه علشان هو كمان يقف على رجليه ويشتغل شغل كويس

اكيد ربنا ليه حكمه فى كده وانا معنديش اعتراض والحمدلله على كل شىء

قولى يا دكتور اعمل ايه علشان اسامح نفسى وكل اللى حواليا يسامحونى ويثقو فيا تانى وارجع لحياتى

انا بقيت حاسه انهم حطونى فى قفص ومخنوقه ومش عارفه حتى اخد نفسى من ضيقه مع انه كبير

وفيه هوا

لكن فعلا يأست من كل حاجه محتاجه ارجع لشغلى يمكن ترجعلى نفسى اللى ضيعتها

قولى اعمل ايه من فضلك

السلام عليكم و رحمة الله تعالى وبركاته..........
أود في بداية تدخلي هذا بأني قد التمست من ما ذكرتيه عدة جوانب ايجابية في شخصيتك .
أولى تلك الجوانب هو محاسبة النفس على انفراد وقد التمست ذلك من خلال تغير نبرة لغتك بين الردين الأخيرين ، ولكن ما أود اضافته هنا هو القيام بالمحاسبة الموضوعية وهي أولى خطوات للبحث عن الحلول.......
ربما ستتسائلين كيف ذلك ؟ فمحاسبة النفس بموضوعية أيتها الأخت الكريمة يتمثل في انصاف هذه النفس من حيث الاييجابيات و السلبيات وعدم الانحياز لواحدة فقط ،فاذا ركز الانسان على سلبياته فقط سيدخل في ديمومة الشعور بالذنب و ذم النفس و احتقارها مما يتولد من جراء ذلك ايذاء النفس . أما النظر فقط للايجابيات فسيدخل صاحبه في الغرور و الكبرياء.
من بين تلك الجوانب أيضا هو تقديرك و تفهمك للمشكل أو بالأحرى أنت على ذراية بما ينقصك أو بما أنت في حاجة اليه ...هذه الخاصية ستوفر عليك الجهد ، وستكون بمثابة ثاني خطوات ايجاد الحلول.
خاصية أخرى هي في صالحك تتمثل في ثقتك بنفسك أثناء مساعدة الغير ، أي الايمان بامكانياتك أثناء مساعدة الآخرين ...............حيث بالامكان الاستفادة من هذه الثقة و الاستثمار فيها و تكييفها لصالح نفسك ، فتصبح الثقة أثناء مساعدة النفس

----------------------------
من خلال تساؤلاتك تبين لي بأنك تبحثين عن استراتجية بغية ايجاد حل ، وهذا ما عملت له من خلال تحليلي السابق فاستنتاجا لما ذكرته :
المحاسبة الموضوعية +تفهمك للمشكل +الثقة أثناء مساعدة الغير = تكوين شخصية سوية ( سليمة)
و السؤال المطروح هنا : ماهي الشخصية السوية (السليمة)؟
الشخصية السوية هي الشخصية التي بامكانها التعايش مع المشاكل أي تقبلها وفهمها .
ومنه يتضح لنا بأن السواء لا يعني الخلو من المشاكل ولكنه يعني القدرة على الصبر و التعامل مع هذه المشاكل بموضوعية ...........
الشخصية السوية = اللينة في التعامل مع المشاكل .




في انتظار ردك ....................

اشكر حضرتك جدا اولا لمتابعه حضرتك وصدرك الرحب

وثانيا لانى مكنتش اعرف كل ده عن نفسى

بصراحه كنت فاكره ان عندى اكتئاب

لكن ارتحت كتير لمه اتكلمت مع حضرتك وكلام حضرتك صح

انا لازم اعرف اتعامل مع مشاكلى واستحملها

حاضر يا دكتور هتعامل مع مشاكلى واصبر

مع انى كنت كده بس اعصابى تعبت الفتره الاخيرة

لكن الحمدلله حضرتك ساعدتنى على ابدأ للرجوع لنفسى تانى

اشكرك كتيير جدا

السلام عليكم و رحمة الله تعالى وبركاته.
أختي الكريمة ......
بالامكان تتبع حالتك خطوة خطوة ................وما عليك سوى موافاتنا بكل جديد يطرء عليها .

ان شاء الله ان حدث اى جديد سأوافى حضرتك

واشكرك جدا

والسلام عليكم ورحمه الله وبركاته