|
تجاربنا مع الادويه النفسيه
السلام عليكم
ان شاء الله تكونون بصحه وعافيه ونفسيه مرتاحه يارب اليوم وانا اقلب المنتدى كالعاده شفت منتدى الصيدليه وشفت كل حد يسال عن الادويه اللي ياخذها ففكرت ليش بما اننا مهلوعين واغلب الي هني عنده عدة مشاكل نفسيه مش بس هلع نكتب الاعراض اللي عندنا والادويه اللي نستخدمها واللي استخدمناها ونسبة الشفاء وانا ببدا بنفسي اولا بكتب الحالات النفسيه اللي اشكي منها 1_ اكتئاب 2_ وسواس الموت 3_ وسواس الدين 4_ بوليميا ................ يعني اكل كثير واروح ارجع كل اللي اكلته بشكل يومي 5_ نوبات هلع بشكل يومي وفي اشدها كذا مره فاليوم 6_ انفصال عن الواقع يعني احس في بعض الاحيان اني فحلم 7_ وسواس الادويه الاعراض اللي تجيني وعلى راسها 1_ الام ووخز في الجهه اليسرى من الصدر تمتد الي الكتف واليد وهاذا اللي نكد عليه عيشتي 2_ احساس بالتعب بشكل عام وزيادة نبضات القلب 3_ ملل وضيق من الدنيا والتفكير المستمر بالموت وعدم اهمية اي شي لاننا بنموت يعني فقدت الشعور الحلو بالحياه 4_ اعراض الهلع اللي تعرفونها كلكم ( زيادة ضربات القلب وبرودة الاطراف وخزات الصدر والعطش والمشي بدون شعور وصعوبة التنفس وثقل باللسان) الحين نجي للدوا اللي استخدمته الدكتور كتبلي زاناك واندرال وسبرالكس وانا لاني عندي وسواس الدوا ماخذت الزاناك ولا الاندرال لاني شفت ان لهم مضاعفان وان الاندرال هو دوا للقلب فقلت للدكتور انا باخذ السبرالكس بس مع انه مفعوله ما يبدا الا بعد اسبوعين بس الحمدلله بدا مفعوله من اول اسبوع السبرالكس دوا سحري والله ان كل الللي كان فيني راح وخفت الاعراض تسعين بالميه بقى شي واحد وهو وسواس الادويه ههههههههههههههههه ماعرف ليش بس يعني اقدر اسيطر عليه حتى الدكتور قال السبرالكس دوا ممتاز جدا وقريت عليه كثير وما يتفاعل مع اي ادويه حتى ادوية القلب اللي تكون حساسه الدوا ماشاء الله ما سبب لي اي مضاعفات بالعكس للما اخذه تكون نفسيتي احسن واحب العب رياضه واحب اطلع واشوف الناس واضحك واستانس بالحياه طبعا مش لدرجه الهوس ^_^ يعني مثل اول شورايكم بالموضوع ان شاء الله يعجبكم بس انا حبيت نفيد ونستفيد لان ابغي اعرف حد مثلي ارتاح بادويه ثانيه ولا لا ويالله ابغي اشوف تفاعل :wink: |
اهلين اختي والله موضوع حلو بتكلم عن نفسي انا صراحه اول ماجتني نوبات الهلع كنت اخذ السيروكسات والله ما ارتحت له مره كان يضايقني وبعدين حولت للسبرولكس وارتحت له واستمريت لمده سنه ووقفته وبعدها بسنتين رجعت لي نوبات الهلع وكتب لي الدكتور البروزاك وصراحه احس بالفرق ونفسيتي رجعت مثل اول عايش حياتي
يمكن اكثر الاعراض الي تضايقني ضيق النفس وغصه الحلق بس |
اشكرك على المبادرة الرائعه
|
اهلييين اخوانى سجينة وابو الهلع والشاكر----
انا ابقولكم عن تجربتى بالادوية النفسية00قبل مااستخدمت السبرالكس كنت احس بتعب وضيق ووسوسة ورحت لدكتورى وصرفلى سبرالكس واول مااخذتة ع طول شفيت تماما باسبوعين مااحس بشى ونت طايرة من الفرحة بس اضحك حتى اذا صار موقف يحزن مايهمنى اكون مستانسة ع طول حتى امى خافت وقالت لدكتور وقال عادى00وبعد سنتين تركتة تدريجى ع كلام الدكتور وبعد شهر او شهرين من تركة00جتنى حالة موطبيعية كانى مدمنة مخدرات ماانام ولااكل وخفقان وضيقة وزغللة واترجا اهلى يعطونى هالحبوب ايام اللة لايعودها 00ماارتحت لين اخذت حبوب مرة ثانية ولما طبت بعد شهر قررت اترك الحبوب النفسية نهائيا لانها مضرة اكثر من نفعها والدليل تركوها وشوفو تردون تتعبون اكثر من اول--واللة دكتورى النفسى قال لامى حرام تخلين بنتك تاخذ حبوب وهى صغيرة ترا تلعب بمخها 000انا احبكم فانصحم تتركونها تدريجى الا الحالات الصعبة00اتمنى ماتزعلون منى هذا رايى00 |
وعلى فكرة هالحبوب تخليج ماتدخلين من الباب انا كان وزنى 55 ولما استخدمتها صار 68 سمنت حييييييل 000 ولما تركتها رديت لوزنى الطبيعى00
|
انا كانت تجيني نوبات هلع ظربات القلب احسها براسي وخوووف شديد اصير مثل المجنون بس ابي الحق اروح المستشفى ههههههه وطبعا ظيق نفس ودوخه وما اطلع من البيت ولا ودي اشوف احد لاني كله تعبان حتى اكل ما اكل احس بعوار بالمعده ..
استخدمت الليبرالكس اسبوعين والحمدالله خفت الاعراض كثيييير وانا الحين صارلي تقريبا شهرين والحمدالله بديت ارد طبيعي ... بس والله يا جماعه العلاج السلوكي ساعدني حييييل الله يجزاه خير الدكتور عبد العزيز الظفيري مطوع ودكتور نفسي يعني على كيفك وانا انصح بقوه للي تعبان من المرض .. والي يروحله لاينسى يدعيلي |
اقتباس:
|
موضوع جميل اختي سجينة يعطيك العافية اتمنى الاستفادة لي و لاخواني
|
اقتباس:
السيروكسات انا بعد ماحبيته والسبرالكس الحمدلله ممتاز وايد واهم شي انك ارتحت له الله يعافينا وما يحوجنا للادويه |
اقتباس:
|
اقتباس:
سنتين !! انا اول كورس كان تسع اشهر وتركته وبعد سبع شهور انتكست وكانت انتكاسه قوووووووووويه ورجعت الحين اخذه ولي تقريبا خمس شهور وبعد شهر بتركه بالتدريج طبعا بس انا كانت حالتي صعبه جدا وما قدرت اتجاوزها بدون ادويه وبالنسبه للسمنه انا بالعكس وزني مثل ماهو واحب اسوي حميه ورياضه لان نفسيتي تكون زينه وفالاخير الادويه بشكل عام الواحد يحاول قد ما يقدر يتجنبها وانا طبعا ناويه اني احاول فالمره الثانيه اني اترك الدواء |
اقتباس:
ببدا ان شاء الله من هالشهر وبشوف اذا في تحسن بحاول اترك الادويه |
اقتباس:
|
والله يا جماعة انتو رعبتوني ياعني المسألة مالها علاج مجرد مسكنات انا لسة باديء في السيبرام وكان عندي امل كلة بيشفي شهر شهرين سنة ويرجع تاني بأنتكاسة قوية الله كريم يا مسهل يارب
|
اقتباس:
مو كلها بروزاك ينحفني نحفت 5كيلو بعدين الادويه النفسيه مالها مضار اعتقد زيها زي ادويه القلب والسكر وغيره فيه ناس يحتاجونها كورس وفيه ناس لا لازم ياخذونها فترات طويله |
انا ماخذت علاجاااااااااااااات
شوفي ياطوويلة العمر اوول مابدى فيني المرض كان خفيف بس كان واضح من تصرفااتي مو مثل حالياا تخيلوو حالياا تصرفاتي ماتبين شيء هادي وساكت بس داخلي شيء مكسوور وغمووض فيني يعني ماطيق احد ولا اطيق اكلم احد وانا اطالع التلفزيوون مثلا ع طوول تجيني فكرة براسي انت بيصير لك كذا وكذا والمشكلة الاكبر اني لاتخيلت بكرة اقوول بكرة اتخيله ظلااااااااااااام ظلاااااااام واخااف اذا قالوو بكرة مدري ليش وثاني شيء قمت اخااف من النووم بعد طالت وتشمخت حتى النوووم يخووفني شسووي المهم احس اني خرجت برى نص المووضوع ههههههههه اي ابووي شاف علي كثرة الحركه يعني شافني امسك قلبي بكثرة واعرق واتحرك بسرعه كني مو صاحي قال تعاال ورى ماترووح لدكتور نفسي وشووف وش فيك قلت اووك وفجأءة نووووووووووووووووووورت الدنياا حسيت بشيء من الفرحه ودي اطير قلت خلاص قربت اتعاالج وانبسط واعيش حياتي سعيد اوول مادخلت الدكتوور جلست ع الكرسي وانا ارتجف ماعرفت شلوون اتكلم كان معه واحد جنبه وهذاا هوو اللي وترني كانت نظرااته مخيفه جدا لي يطالعني بنظراات غريبه خفت منه فتووترت قام يسالني كم سؤال حتى ماعرف وش سالفتي قال وش الاعرااض اللي تجيك قلت قلبي وكذا وضيق في التنفس قال اها اوك خذ هالعلاج وكتبه وطلعت رحت للبيت قالي احد اخواااني انت مهبوول تاكل ووبس انت مافيك شيء انت مووسوس لاتاكل حبوب نفسيه ترى مو زنيه وبعدهاا خفت وتركتهاا وزداات علي اللحين وانا ماكل اي حبوب وماعرف شقوول لاهلي مخبي عليهم ولاحد يدري بمعانااتي قدي انا انا احس صرت صديق نفسي < نصراوي هههههههههه معليش شطحه المهم انتوو عااااد يووم دخلت المنتدى زوودتوو علي جد يعني كل يوم اشووف واحد قايل اعرااض اوول مره اعرفهاا وجرد ماسمعها وقرااهاا تجيني اللاواقعيه كانت تجيني بس ماكنت اعرف عنهاا تجيني ثواني وترووح بس لما عرفت عنهاا وقريت عنهاا صارت تجيني متواصلة طوال اليووم كله انا منفصل عن الواقع وحزن وكئاابه واحس ان هالدنياا مالهاا اي فاايده واحس اني جالس اطاالع الناس من بعيد وبرضوو قام تجيني خموووول ودي بس اجلس ومتنح ووبس كرررررررررررهت كل شيء وتبووني اعاالج شلوون انا حاله شبه مفقوود الامل فيهاا |
تو الناس والله كلامك كله ما يدخل الراس انت مثل الشخص الي يقول خلاص انا مريض انا ما راح اتعالج مايدري ان علاجه ابسط منه مافي؟؟
والله كلنا عشنا اسوء منك وحمدلله قدرنا نتخطا مشاكلنا |
والله ياخووك انا بديت افقط عقلي اللي كان حكيم انا كنت دايم كنت قليل كلام بس لما اتكلم اتكلم بووثووق وبااقعيه
لكن الااواقعيه حلتني اتكلم بغير واقعيه يعني كيف تبيني اتكلم وانا عايش غير واقعي |
شلون لا واقعيه وانت جالس تتكلم بالعقل والمنطق بعدين وين المشكله اذا تعايشت مع الاواقعه
انا بشكل يومي تجيني تصدق اضحك استانس لاجتني احس روحي دخلت لعبه؟ وهذا شي تعودت عليه وصرت اتقبلة |
انا مثلك حاوولت اتعاايش معهااا
لكن فيه شيء بداخلي حزززززززززين حززززززززززين ياخي مستقبلي ضاع صرت شخص عاطل جالس في البيت مالي فايده وحتى اذا حاولت ارووح اتحرك يمنعني الخووف ويمنعني احس بيغمى علي ياخي اقسم بالله انا مابي اتكلم اكثر الحمدالله ع كل حال وهذا شيء كتبه ربي ولازم نؤمن بهذا شيء لكن وربي حلم حلم حلم اني ارجع واصير شخص لي وظيفتي ولي مشتقبلي اللي اطمح فيه وربي لماا اقوول بدخل جامعه احس بظلاااااااام وكااانه يقوول لي لاتحااول ولاتفكر في المستقبل انا صرت حتى الاياام القريبه اخااف منها ااعيش يوومي وبخووف وكل ماقووم الصبح اقووم متى يجي الليل وانااام وانسىىىىىىىىى |
ياخي قل حمدلله والشكر باللعكس وين ضاع مستقبلك في ناس صار عمرها بالثمانين كملت دراستها؟ اذا تفكيرك كذا متشائم اجل مالومك يوم تقول الكلام هذا مافي تفائل ولا تحدي
|
غصبببببببب علي اجلس ادعم نفسي اقوول ان شاء الله بكمل وبدرس اطلع بسيااره بس ابي ارووح لمكان قريب تطلع رووحي عشاان ارجع من الخووف والقلق والارتبااك
يااارب يشفينا يارب ويشفي كل شخص يعاني مثلنا |
انا عندي خبرة بالامراض النفسية لي 13 سنة وانا اعاني استخدمت اغلب الادوية النفسيةوكلها زادت وزني ماعدا اللسترال وزني ثابت مايزيد
انا اعاني من وسواس الموت والامراض ووساوس في الادوية اي احد يبغى يستفسر يتفضل |
العتيبيه طيب انتي حالياا بعد الادوويه والا نفس ماكاان تيتي تيتي مثل مارحتي جيتي
|
انا مستمرة على الادوية كلما وقفتها ترجع الحالة من نفس الشهر الي اوقفها
|
طيب حياتك ماشيه يعني شغلك اوو مثلا دراستك اوو حياتك الزووجيه عادي تقدري ترووحي وتطلعي
|
ايه مع الدواء كل شي طبيعي وتمام
|
والله متردد ودي اخذ ادوويه وفي نفس الووقت خاايف من انهاا ماتنفع واخااف زيااده
لي اني انا شقوول اعشم نفسي بالعلاج يعني اقوول هين لما اعاالج بطيب لكن لو اخذت العلاج وماتحسنت راح اتحطم وافقد الامل |
اخوي الحياة بالدواء افضل والدواء بس الاسبوعين الاولى متعبة شوي وبعدين عادي
حتى لو استمريت على الدواء على طول مافيها شي احسن من العذاب بدون الدواء وبعدين الادوية النفسية تستخدم على المدى الطويل مثل ادوية الضغط والسكر |
اخوي حاول تأخذ علاج سلوكي فهو يساعد كثير في التغلب على الافكار الخاطئة
|
ان شاء الله راح افكر مع ان مخي مووقف عن التفكير لكن راح احااوول اشغله وافكر يااااااااااااااااااارب رحمتك يارب
|
اقتباس:
خايف من الادويه وماخفت انك تجلس طول عمرك كذا؟ فيه ناس تفكيرهم غريب يعني يتحملون الالم والخوف بس ماياكلون علاج وين الضرر من الادويه.؟؟؟؟؟؟؟؟؟؟؟؟؟؟؟؟؟؟ لو فيها ضرر ماصرفوها لنا مدامك تاخذها بتعليمات الطبيب خلاص توكل على ربك وكلها ليش تضيع من عمرك سنين عشان الخوف كل العلاج وبعد شهر تعال قلنا وش ناوي تسوي بمستقبلك لكن تقول مستقبلي ضاع اكيد بيضيع وانت جالس مستسلم ولابديت في اسهل خطوه الي هي العلاج |
اقتباس:
العلاجات ياجماعة خلوها للناس اللي عندهم إضطرابات ذهانية ومايقدرون يسيطرون على أنفسهم |
اقتباس:
لاحبيبتي انا عندي هلع من الموت ولافاد فيني الا الادويه مع العلاج السلوكي والرقيه وتركت العلاج ورجعلي الهلع |
اخوي تو الناس للاسف انت انسان ضعيف
والله ياخوي انا لما اقرا مشكلتك اشوف اللي فيك ولاشي شوف انا كم تعذبت وكم شفت من هالمرض خمس سنوات وعندي مسؤوليات زوج واطفال محتاجيني وانا نفسي ما قدرت على عمري تخيل كل يوم اصحى من النوم اشوف الشمس من وين طلعت من المشرق ولا المغرب اقول هاه خلاص القيامه قربت اي حدث بسيط اقول هاه خلاص القيامه تعرف ليش لاني انسانه فاشله ابغي اقنع نفسي ان الحياه مالها هدف دام احنا بنموت والقيامه بتقوم مع انه دينا ماقال لنا جيه قال صلى الله عليه وسلم اذا قامت القيامه وفي يد احدكم فسيله فليغرسها او بما معناه والمشكله ان احنا اكثر ناس نفهم بس عقلنا يرفض هالفهم ويترجمه لخووووووووف والله امور كثيره وافكار مرعببببببببببببببببببببببببببببببببببببببببببببه كنت افكر فيها اقولك انا وصلت لدرجه فكرت اغير ديني قسم بالله ما اكذب عليك قلت بستوي لادينيه يعني كرهت كل الديانات والعياذ بالله الشيطان هجم على مخي هجوم موطبيعي تخيل تكون انسان لوحدك لا دين ولا مستقبل ولا سعاده ولا اي شي بس حاولت اني اقاوم وقدرت اتغلب ع الشيطان فامور كثيره والدواء ساعدني انا ما ابغي اقولك امور كثيره بالتفصيل اخاف تتاثر فيها وتوسوس لان شكلك تتاثر بسرعه والله يشفينا ويعافينا ويبعد عنا وساوس الشيطان |
ياخواااان انا ادري اني انسااان يأس انا حاليااا اقوولكم
انا شخص فاشل وابحث عن مساعده تخليني ع الاقل افكر بإيجابيه فقط يمكن اتحسن |
اخوى تو الناس
كلنا هنا عندنا تجارب مع العذاب ال هيستسلم هيضيع انا عشت سنين طويله اوى بتعذب وخدت علاج 6 شهور وخفيت وعايشه ورجع التعب تانى او بالمعنى الاصح ما راحش بس حاليا عايشه من غير علاج وعايشه وبحاول ادخل فى كل ال بيخوفنى وبامر الخالق هقدر هى الحياه كده واحنا عندناابتلاءات عاشن نحمد ربنا ونقول يارب يعنى ال ربنا بيحبه بيحب يسمع صوته فى الدعاء ولعلمك انا بشتغل وبحاول اعيش حياتى واعمل شىء مفيد مهى الدنيا كده قويه ولازملها القوى ال يتحداها ضعفك ده اخرته ندم فوق وما تضيعشى عمرك وما تياسش من رحمه ربنا |
الله كرررريم وانا جالس اااصارع في داخلي بس هالكلام كان جواا قلبي ولازم اقووله كان كاتم لي
|
اقتباس:
نفس الافكار اللي تجيني لاحول ولا قوة الا بالله لدرجة اقول ليه اصلي واصوم واعبد ربي وانا أساسآ راح اتعذب وادخل النار استغفر الله استغفر الله يارب سامحني |
الادوية تساعد لاكن لازم الانسان يطلع نفسة من الجوا الي هوا فية
|
| الساعة الآن 11:50 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا