معاناتي من 15 سنه ؟!! ابي مشورتكم تكفون
 

مرحبا اخواني ..

انا اعاني من 15 سنه وماخليت علاج او دكتور احسبه مرض عضوي وتوني من اربع سنوات دريت انه نفسي وبديت اخذ سيروكسات 20 مل وتحسنت كثير وبعدين وقفت بعد سنه بس للاسف ترجع الاعراض لما اوقف بعد كم شهر والحين رجعتله مدري شسوي ؟؟ اعراضي صعبه كثير ضيق تنفس وشي بالحلق معرف وشهو وتنميل بالاطراف والوجه وتشنجات بالبطن والمعده وبرودة اطراف واحس بعد اني بيصيرلي شلل من شدة الاعراض وما استطيع اتحكم بنفسي وتزيد حالتي لما احد ينتبهلي اني بحاله مو طبيعيه .. المشكله انا متزوجه وام ولما احمل لازم اوقف العلاج قولولي وش اسوي والله تعبت نفسيتي..

الله يشفيك اختي والله احسك تتكلمين على اعراضي قبل بس الحمدلله الحين امور كثيره تحسنت بس واضبي على العلاج تحت اشراف طبي وان شاء الله تحملين وتجيبين درزن عيال :))

اختي هاي من سلبيات العلاجات النفسية فمثلا انا كنت اخد الليبراكس مشان القولون العصبي و لما وقفتو كان الاعراض بتخوف رعشة خوف من كل شي يعني الاعراض اشد من العادي فاخدت عهدا على نفسي ان لا استعمل اي علاج نفسي و هلا الحمد لله اختي انصحك بالرقية و سترين العجب
شافاك الله

كلنا بالهوا سواا

الحمدلله على كل حال شوفي مشكلتنا احنا الستات الحمل يعني عشان نحمل لازم نوقف العلاج ولا انا عن نفسي ماعندي مشكله اخذ الدواء طول العمر ولا ارجع لحالتي الي كنت عليها عشان كذا ماخره الحمل بس عليكي بالرقيه وسوه البقره وماء زمزم والله لهم اثر كبير في الشفاء وطبعا الدعاء توكلي على الله وابدي الرقيه وماءزمزم وراح تتحسني كثير

عسى الله يشفيج ان شاء الله

حاولي تستشيرين طبيب شاطر ولاتوقفين اي دوا من كيفج اله بشور الطبيب

اسال الله العظيم رب العرش العظيم ان يشفينا ويشفي جميع مرضى المسلمين ...

الغاليه انتي اعراضج مب شديده وايد
تعرفين انا من قوة الحاله اللي كنت فيها استمريت ع العلاج وانا حامل بالشهور الاولى
الدكتور قال مستحيل توقفينه ولا بنتكس اكثر من اول ويبغيلي علاج مطول بعدين
الحمدلله على كل حال
وربي يعينا خاصة احنا الامهات
ضغط العيال بروحه متعب وحاله نفسيه سيئه

انصحك ماتوقفينه وتوكلي على ربي وفيه ادويه امنه اثناء الحمل
انا اكلت بروزاك من قبل حملي لين ولدت والحمدالله الامور بخير
وشوفي سجينه باافكاري بعد كلته وجابت الحمدالله طفل سليم
والحين انا اكله وماعندي نيه اتركه اذا حملت إن شاءالله
اذا انتي من الرياض من دكتورك ؟

كل الشكر اخواني اخواتي على ردودكم الطيبه الله يجزاكم خير اعذروني مارديت بسرعه عليكم لأني ماادخل كثير بسبب انشغالي بس والله ريحتوني الله يشفينا جميع ... انا مو في الرياض والعلاج وصفته لي دكتورة بجده وبعدين انقطعت عنها بسبب ظروفي وزوجي مايدري اني اتعالج نفسي والله خايفه اقوله

دكتور رعد / هل السيروكسات ماينفع مع الحمل ؟ يعني ممكن يسبب تشوه للجنين ؟

زهور صباح الخير اشكرك حبيبتي

اخوي ابو هلع والله اسمك مسكت احسه من كثر ماتعاني سميت نفسك بهالاسم كل الشكر وان شاء الله ربي يرزقني درزن وانت درزنين

ميراك _ حنين عزيزاتي جربت العلاج بالقران مانفع لأن حالتي نفسيه بسبب الخوف من صغري وحوادث صارت لي سببت عندي الهلع لما كبرت

الله يسهل أمورك أختي الكريمة

ام الهلع - رونالدو - الخنفر مشكورين على ردودكم

سجينه - مزعوجه كل الشكر خواتي بس والله العلاج النفسي يخوف مع الحمل اسال الله الشفاء لي ولكم

الشاكر مشكور اخوي على ردك

نفس الحاله والحمدلله الله يشفيني ويشفيكي ويشفي كل مسلم يارب

العفووووووو

ماوردي - هل من علاج جزيتم خيرا والله يشفينا جميعا