|
المؤامرة ..
لا زالت الثورة المصرية وتوابعها تشغل الحيز الاكبر فى مراقبة تطورات الاوضاع فى منطقة الشرق الاوسط .. على الرغم من انتقال عدوى التطهير والبحث عن الحريات والحقوق المسلوبة ورفض الظلم والاستبداد الى عدد ليس بالقليل من العواصم والمدن العربية ... ونعتقد ان هذا الاهتمام على المستوى الشعبى سببه الاقتداء بالثورة المصرية وتمنى ان يحذوا الجميع حذوها لما تمتعت به من نتائج ايجابية مثمرة فى وقت قياسى بالاضافة الى سيرها بصورة حضارية مشرفة بغض النظر عن بعض التجاوزات والاخطاء والسلوكيات السلبية والتى لم تؤثر على براقة الصورة فى مجملها ... وبتسليط الضوء على هذه السلبيات استشعرنا بوجود عدد كبير جدا من المؤامرات والخيانات والتحريضات والتى عرضت بعضها وترددت كثيرا فى عرض البعض الاّخر خشية ان تكون مجرد هواجس واوهام لا اساس لها من الصحة ... لكن لا استطيع ان اخفى هذا الشعور القوى بالريبة من بعض الامور الجدلية والتى تحتاج الكثير من البحث والتحليل ... ربما يعتقد البعض اننا نبالغ فى التشكيك او نميل لنظرية المؤامرة .. لكننى اؤكد على ان ما نعرضه نتاج تمرير العقل والمنطق قبل الاستشعار به .... فثورة 25 يناير عبارة عن تابلوه غاية فى الروعة لكن به بعض الرتوش وجب علينا ازالتها .. لذا ارجوا ان نحاول سويا النقاش فى استوضاح هذه الامور فيما بيننا بحثا عن الحقائق ... فبعد التقارير التى قدمناها فى موضوع احذر قناة الجزيرة . http://www.nafsany.cc/vb/showthread.php?t=64760&page=7 وابعاد الثورة المصرية ... http://www.nafsany.cc/vb/showthread.php?t=64772 نقدم البحث وراء شخصية مثيرة للجدل ... وهو الناشط وائل غنيم ادمن صفحة كلنا خالد سعيد ... صاحبة شرارة انطلاق الثورة اتمنى من جميع من يتابع عن كثب ضرورة التواصل ... |
انتظرنا فى شوق وتلهف للتعرف على شخصية الشاب البطل الذى اطلق اول شرارة الثورة المصرية عن كثب وتأنى ... فظهر وائل غنيم فى برنامج العاشرة مساءا مع مقدمته منى الشاذلى فى حلقة مطولة والتى مالت الى الجانب العاطفى الانفعالى ... فظل وائل مستحوذ على الحديث بدون انقطاع ... مسترسلا فى شرح كيفية اعتقاله وتعامل الجهات الامنية معه بطريقة غاية فى الاخلاق مشيدا بوجود عناصر بالامن على قدر كبير من الاحترام ... وكذلك تطرق فى الحديث عن سبب انشاؤه الصفحة واهدافه من ورائها والبحث وراء الاصلاحات فى مصر ... وانهى اللقاء بشكل مأساوى مفاجىء بعد انهمر فى البكاء عندما عرض البرنامج صور لشهداء الثورة المصاحبة لموسيقى حزينة مما اضطره للخروج تاركا البرنامج ... وهذا هو جزء من اللقاء ... <iframe title="YouTube video player" width="480" height="390" src="http://www.youtube.com/embed/ppBc4TtRKFE" frameborder="0" allowfullscreen></iframe> |
بمنتهى الصراحة والوضوح ... لن اخفى دهشتى عندما شاهدته لاول مرة ... لم يوافق ابدا الصورة المسبقة فى الاذهان ... فاعتقدت اننى سأرى منتهج مصطفى كامل او جمال عبد الناصر او عبد الله النديم او سعد زغلول او شخصية على هذه الوتيرة ... لكن خاب اعتقادى ... فلم اجد الا شابا متأمرك متردد غير واثق وغير متزن ... بصراحة لا يتطابق مع من رأيتهم فى ميادين الثورة ... و المشكلة انى لم يصلنى احساسه بالبكاء او الحماسة او الحمية والتى من المفترض انها مخزون يتدفق تلقائى بانهمار دون اى افتعال او تحكم ... لكن كل هذا ليس مقياس ... فربما المشاعر تختلف من انسان لاّخر كما تلقيها ايضا يختلف من انسان لاّخر ... فاعتقادى النفسى وشعورى يخصنى وحدى ولا يجب ان ارتب عليه بحث او تحقيق حرصا على التجرد ... فيبحث بمنتهى الدقة وراء وائل غنيم عدد ليس بالقليل من الاشخاص ... منهم من يبالغ فى تناول الامور وتحليلها .. ومنهم من يحلل بمنتهى الموضوعية ... فلا اعتقد انه من اللائق البحث وراء ماركة تيشيرت او حظاظة او غيرها من الامور التافهه والتى لا تتناسب او ترتقى الى انشغالنا بابعادها ... كما اننى لن اقف عند انه شاب مرفه لا يعرف للجوع والظلم والاضطهاد والقهر طريقا ابدا ... فهو ثرى يعمل باحدى الشركات العالمية خريج الهندسة وحصل على ماجستير من الجامعة الامريكية ... ويعمل بدبى بدولة الامارات العربية حيث نشأ ... فمن اين كل هذا الاندفاع حد الثورة ..؟؟؟ لكن سنفضل تناول الامور التى لا يجب ان نمر بها مرور الكرام دون التدقيق ... اولا الكذب ... كذب وائل غنيم اكثر من مرة بالصوت والصورة .. فى لقاؤه مع منى الشاذلى ذكر انه لم يتعرض للتعذيب او الاهانة حتى واشاد بوجود عناصر امنية تتفهم وتتعامل بكل احترام ... لكن على قناة العربية وعلى صفحة الفيس بوك ذكر انه تعرض للتعذيب والانتهاكات المشينة ... فلماذا ...؟؟؟ كذلك ذكر بنفس الحلقة انه كسر شريحة الموبايل يوم الاربعاء عند شعوره انه سيتم القبض عليه خشية تعقبه ... مع ان منى الشاذلى ذكرت بنفس الحلقة انها تلقت اتصال من وائل يوم الخميس ولسوء حظه انها شرحت بالتفصيل ان رقم الهاتف هو نفس الرقم المثبت على هاتفها باسم وائل جوجل ... وهذا معناه انه تكلم من نفس الهاتف ونفس الشريحة ... فكيف هذا التناقض ... ؟؟؟ خرج وائل على قناة العربية يقول انه يصل الى مبتغاه اذا قام الرئيس مبارك نتفويض عمر سليمان ... واثنى على عمر سليمان وذكر انه رجل محترم وووو... وسرعان ما ذكر نقيضه وقام بالتكذيب وكأننا اغبياء ... ربما لو اعتذر او ذكر انه لم يقصد المعنى كان ارحم ... فما سبب هذا التراجع المخجل ...؟؟؟ قبل خطاب مبارك الاخير طلب وائل غنيم من شباب الثورة العودة للبيوت على عدد من الفضائيات وعلى صفحته بالفيس بوك وان المهمة انجزت ... وبعد عدة ساعات قام بمسح هذه التصريحات وكتابة عكسها تماما ... والادهى انه عندما سؤل عن سبب المسح وتغيير التصريحات انكر ... وبعدما واجهه الكثير بانهم قرأوها ... ذكر بانه كتبها قبل سماع الخطاب ... وبعد الخطاب عرف انه لم يتنحى فغير موقفه ثانيا .. هل يوجد تعليق ... ؟؟؟ تابعوا ... |
انت محلل سياسي من الطراز الفريد فعلا كل هذا حدث انتظر بلهفة باقي الموضوع اكمل اكمل
|
كل اللي ماتوو ذنبهم برقبته
|
اقتباس:
اشكرك اخى محمد .. وارجوا ان تتابعنا بملاحظاتك كما تراها بكل حرية .. اهلا بك دائما ... |
اقتباس:
لا يا اختى الكريمة ... لا بد ان نفصل فى ان من ماتوا كانوا يقومون بواجبهم المشرف تجاه الوطن ... ونحتسبهم شهداء عند الله احياء يرزقون ... ونسأله ان يتغمده برحمة منه وان ينزلهم منزلة الصالحين ... تابعينا ... |
سأعرض وجة نظري الحالية _ مع العلم أنني لم أعلم بهذه التناقضات إلا الآن .. وائل غنيم كان سبب حسنة الثورة والتغيير .. وجميعنا يتفق على هذا .. و قد يكون سبب تناقضه هذا هو خوفه من تهديد من قِبل الأمن .. خاصة من أنه أشاد بإخلاقهم في التعامل معه عند اعتقاله >>> وهذه الإشادة قد تكون دليل التهديد ويبدو أن شخصيته متخلخلة قليلا بالإساس .. وليست ثابته _ على حسب ما تم ذكره من التناقضات _ ولكن هذا ليس دليلا قاطعا بتآمره واللعب على ثقة الشباب له . " ويعمل بدبى بدولة الامارات العربية حيث نشأ ... فمن اين كل هذا الاندفاع حد الثورة ..؟؟؟ " ولدت في بلد غير بلدي و أعيش في بلد أخرى غير بلدي أيضا .. وأشعر بالغضب الشديد لأوضاع بلدي و أتابع تفاصيلها بشغف من بعد .. لذلك لا أعتقد أن الحياة خارج الوطن تفصل مشاعر أبنائها عنها . . شاركت بشكل سريع .. ولي عودة إن شاء الله |
مصدومة مما قرأته ...ولا أدرى بمن نثق ....
حتى قدرتى على الفهم الصحيح للأمور أصبحت لا أثق فيها .... |
من المتابعة نجد عدد من التصريحات المتضاربة نعرض بعضها ونترك للجميع حرية ابداء الرأى فيما يرونه من وجهة نظرهم ... مع الاخذ بالاعتبار اننا لم نقوم بهذا الموضوع لاضطهاد وائل غنيم كشخص ... انما نعرض عدة ملاحظات فى منتهى الاهمية من شأنها الوقوف على حقيقة عدد من الالغاز التى تحتاج تحليل موضوعى بدون السعى وراء اى اهواء ... هنا المخرج عمرو سلامة الصديق المقرب لوائل غنيم ينفى بشكل قاطع ان وائل هو الادمن للصفحة ... <iframe title="YouTube video player" width="480" height="390" src="http://www.youtube.com/embed/6zbe2tH7RbI" frameborder="0" allowfullscreen></iframe> ومن يتابع الصفحة يجد عدد من التناقضات والتى يعتبرها البعض مخطط مضاد لاجهاض الصفحة وسحب البساط من تحت روادها ... وايضا ملاحظة ان الادمن الذى قام بتأسيس هذه الصفحة هو سكندرى الاصل ويظهر هذا بكل وضوح من خلال مشاركاته والصور التى يقوم بعرضها من وقت لاّخر ... وملاحظة هامة جدا ايضا ... تغيير نبرة الحوار والاسلوب من ادمن الصفحة قبل الاعلان عن شخصيته الحقيقية وبعدها ... ايضا حذف بعض المشاركات والتساؤلات المطالبة من وائل توضيح الامور والرد على الاتهامات الموجهة له من على الصفحة اولا باول ... وهذا فى حد ذاته يعتبر تناقض لما يدعوا اليه من وجود ديمقراطية حقيقية يسعى لتنفيذها ... كل ما قدمناه شكوك تحتمل الخطأ والصواب او ايجاد مبررات لها ... لكن ان يتقدم شخص مسئول يصرح على مسئوليته الشخصية بتصريح فى منتهى الخطورة هذا ما يستوقفنا ... العقيد عمر عفيفى على صفحته الشخصية ... http://a4.sphotos.ak.fbcdn.net/hphot..._7755423_n.jpg تابعوا القادم ... |
اقتباس:
اهلا بك اختى اينار ... جميعنا لا يملك ادلة على الاتهامات والا صارت لا تحتاج توضيح او تحليل ... والامر لا يقتصر على مشاعر غضب واحاسيس فقط .. وانما كما قلنا سابقا يجب وضع الجميع تحت المجهر بحثا عن الحقيقة ... وفى هذا الموضوع تعمدنا وضع نقاط محددة يتقبلها العقل والمنطق وعدم التطرق الى كل ما يثار حرصا على المصداقية ... بالاّخر نحن نتمنى ان نرى الحقيقة باى شكل ... نرحب بك دائما وبتواصلك الرائع ... |
اقتباس:
صدقينى وانا مثلك تماما ... الله يستر .. |
اقتباس:
متابعين أخى ...ربنا يستر من القادم |
يذكر ان وائل غنيم يعمل مدير التسويق الاقليمى بشركة جوجل الامريكية العنصرية ... وكانت مجموعة جوجل الامريكية للانترنت قد وجهت نداء تطلب فيه المساعدة للعثور على وائل غنيم المفقود ولمن يريد التعرف على عينة من توجيه هذه الشركة يرى هذا الموضوع .. http://www.nafsany.cc/vb/showthread.php?t=65230 وعند سؤال وائل على هذه الاتهامات لشركة جوجل والتى يعمل فيها مديرا للتسويق قال ... انا مجرد موظف فى الشركة .. فهل من الممكن ان تسأل صراف بنك لماذا تقوم اعلانات البنك على فلان دون فلان ...؟؟ ومع ان رده منطقى الا انى لا ارى انه من الممكن لبنك يبحث عن صراف فى احد فروعها بهذه اللهفة حتى على شاشات السى ان ان الامريكية الا ان كان هذا الصراف له شأن .. وايضا متزوج من امرأة امريكية اشهرت اسلامها على حد ذكره .. كتب الناشط وائل غنيم صباح السبت تدوينة قصيرة على موقع تويتر أكد فيه أن عودة د. محمد البرادعي كانت سببا رئيسيا في اهتمامه بالتغيير، وكتب وائل يقول: "شكرا للدكتور محمد البرادعى، فعودته لمصر كانت السبب الرئيسى وراء اهتمامى بالتغيير فى مصر". وجميعنا يعلم تمام اليقين ان البرادعى مدعوم بالكامل من الادارة الامريكية ... نقطة اخرى .. معلوم لدى الجميع ان وائل غنيم تم اعتقاله من قبل عناصر الامن المصرى ... وجميعنا يعلم ان الانفلات الامنى والتجاوزات والبلطجة كان مصدرها الامن نفسه ... فكيف حافظ هذا الامن على وائل غنيم بدون اى مساس له طوال هذه المدة على الرغم من تناثر الرصاص الحى بشكل عشوائى ... فلماذا لم يقوم بتصفيته او قنصه كباقى الشهداء خاصة وانه يعتبر الرأس المدبر لقلب نظام الحكم ..؟؟؟ سؤال يحتاج الكثير من التوضيح ... وكيف استطاع وائل غنيم التواصل عبر الصفحة فى وقت انقطاع النت والاتصالات فى مصر كلها كما هو موضح ..؟؟؟ http://img10.imageshack.us/img10/7214/000mqd.png ولماذا قام بتغيير اهداف الاحتجاجات فى البداية على الصفحة .. http://img64.imageshack.us/img64/6565/003fz.png واستبدالها بلسان شركة رصد .. http://img69.imageshack.us/img69/2048/009cd.png والقادم مع دور شركة رصد فى التعامل مع الثورة ... تابعوا ... |
لي صديقة لها معرفة بوائل غنيم من فترة وسألتها عن هذه المتناقضات عنه .. وأتضح أنني لست الأولى من لجأ لها للإستفسار ونقلت لي ردها على أحد معارفها .. و استأذنتها نقل ردها هنا قد يساعدنا على التحليل . . هذه كلمات صديقتي . على فكره انا قريت كل الاسءله دى فى نووت قبل كدا بس هرد عليك بردو :) اولا الصفحه ليها أكتر من أدمن والأدمن اللى كان بيتكلم على انه من اسكندريه هو الدكتور مصطفى إللي كان أدمن مع وائل, و في برنامج مصر النهارده, وهو ده اللنك للبرنامج عشان نفهم و بالتحديد من الدقيقة 5:00 و ده يطلع منه تضارب التصريحات على الصفحة, و الستاتس إللي كانت بتتلغي بعد ما تتبعت و يعرفوا إنها غلط أو مش بتعبر عن الكل وهما اصلا من البدايه حبوا انهم يثبتوا الفكره دى عند الكل عشان الأمن يا محمد بيضللوا اللى بيحاول يوصل نقطه الدايل أب وائل قبل ما يعتقل كلم واحده صاحبته فى أمريكا اسمها نادين وعلى فكره هى أدمن معاهم وهى اللى كانت بتتواصل مع عمر عفيفى ولو تاخد بالك ان صفحه خالد اول صفحه عرفت انه هيتم قطع النت والتليفون عن مصر والخبر دا نادين اللى كانت جايباه محدش عارف ايميلات حد ولا باثوورده هما كذا أدمن وأخت خالد نفسها أدمن فيه كمان لما طلع قال مجموعه شباب عشان بردو يحميهم ويرسخ فكره انه الأدمن الوحيد عشان محدش يتأذى وايميل الشهيد مش شغال لان الايميل معمول على الجميل والجميل لما بيجيلوا رسائل كتير بدون النظر فيها بيعمل بلوك للأيميل لأن الجميل اصلا برنامج معمول لحمايه مستخدمه ولك انك تتخيل كم الرسايل اللى اتبعتت عليه فى الفتره دى وائل غنيم مضربش لأنهم خايفين اصلا من الناس اللى ثايره عليهم كمان يضربوه؟؟؟ ومن ناحيه تانيه يشككوك فيه ويخلوك تسأل الأسئله دى عليه اشمعنه هو اه يبقى هو معاهم واشتروه وللأسف محدش فاهم كدا ومحدش هيفهم ان اطلاق وائل غنيم فى اليوم دا بالذات بدايه خطه لأعوان النظام الفاسد دا غير ان وائل شركه جوجل عملتله اعلانات عن تغيبه ومنى الشاذلى ساندته وهما مش ناقصين فضايح ادام مؤسسات حقوق الانسان زى ما قلتلك هما كذا أدمن مش أدمن واحد ووائل فعلا كان المسئول عن الكتابه عن الصفحه والنوتس كلها كلامه والناس التانيه كان شغلها ع الواقع أكتر وأيوه أمن الدوله سابه عشان يفرقنا ويخلينا نسأل هو لو كان الأدمن كان امن الدوله سابه؟؟؟ عمر عفيفى زى ما قلت كان بيتواصل مع الادمن اللى من امريكا نادين هو ساكت لأنه زهق ولو تاخد بالك الكل ساكت وعمر عفيفى نفسه ساكت الناس ساكته عشان مش وقت كلام دلوقتى يا محمد احنا اللى جايبنا الورا كتر كلامنا دا . . مارأيك ..؟؟ |
اقتباس:
هو مبرر مقبول لكن لم يرد على كل النقاط التى تحتاج للتوضيح ... هنسيبنا من شركة جوجل وعلاقته بها ... او ان زوجته امريكية .. او انه شاب مرفه ... او ان الامن سابه ليشكك فيه ..( مع انها غير مقبولة ..) لان امن الدولة زى ما انت عارفه معندهوش تفاهم .. وكمان حكاية الكتابة على الصفحة وقت الحظر ... ودعم البرادعى وشكره ..(يمكن فعلا مقتنع به ) هنقول انها مجرد صدف او سوء حظه ... لكن كلام عمرو سلامة صديقه المقرب على حد قوله .. و فين تبرير تضارب التصريحات وتكذيبها وتغييرها وشطب مشاركات من على الصفحة وكتابة عكسها .. وخذى اللى جاية دى .. دعوه أن يكون وائل غنيم وزير الاتصالات الجديد ... على فكرة ... دة اسم صفحة على الفيس بوك لجمع الدعم لوائل غنيم ... ما رأيك انت ..؟؟؟ عموما نحن لسنا مع او ضد .. لكن فقط وضعنا ايدينا على اخطاء خطيرة تضعه محل شبهه ونريد مبررات يتقبلها العقل ... توجد عشرات السيناريوهات قام بها شباب مصرى ... ومنهم من ثوار 25 يناير ... لكنى اميل لاحدهما سأطرحه فى نهاية الموضوع ... |
اقتباس:
|
اقتباس:
لانى اريدكم تكتشفوه بانفسكم ... ان صدق تحليلنا ... |
اقتباس:
أنا عايزة كمان أأكد النقطة دي .. حتى لو كان الظاهر مني هو الموقف الدفاعي .. فأنا كمان مازلت محايدة ومش منحازة ومؤمنة لأي رأي فيهم اقتباس:
بما أن وائل غنيم هو محرك الثورة وهو من أظهر حبه وإخلاصه للوطن .. إذن هو في نظر الشباب الأجدر أن يكون رئيسا للجمهورية وليس فقط وزيرا للاتصالات ( إن كان فعلا كذلك ) أعلم أن الدعوة و الأهتمام بشغل وائل لمنصب هام في الدولة يستدعي الشكوك .. ولكن في هذا الموقف محيّر جداا .. لأننا نعلم تعلق معظم الشباب به الآن .. . . طب قرأت الخبر ده ..؟؟ |
اقتباس:
أنا فعلاً رأيت أمس حلقة منى الشاذلى وعرفت ذلك الخبر ... لكن فى النهاية أى كان أدمن صفحة خالد سعيد ...أعتقد أن ذلك لن يغير الحقيقة.... أن من قام بالثورة هوالشعب ...وهو من يجب أن ينسب له الفضل .... |
اقتباس:
ههههههههه انتظرى مفاجأة نفسانى ... فى مطلع الشهر القادم سيظهر الادمن الحقيقى لصفحة خالد سعيد ... ( سيظهر صلاح سليم )... وهناك ادلة دامغة على ذلك ومنها وجوده فى المظاهرات بالصوت والصورة ... هل هناك اعتراض ..؟؟؟ هل تعلمى عن الاّى بى ادرس ..؟؟؟ |
اقتباس:
برافو عليك ... هذا هو كلام العقل ... |
اقتباس:
صح يا نوفا .. وكلنا متفقين على ده اقتباس:
ههههههههه .. مابقتش أستبعد إن حضرتك هو الأدمن الأصلي للصفحة دي . أيوه أعرف الآي بي أدرس .. ده الرقم الخاص بجهاز الكمبيوتر وبكده أنا تقريبا فهمت إنت عايز تقول إيه |
اقتباس:
وأنا كمان فهمت ...,,, |
طيب عاوز اقول ايه ...؟؟؟ |
من باب الامانة .. رد وائل علي الاتهامات رسالة لكل الشباب: أولا أنا باشكر كل الناس اللي بتنتقدني. فيه ناس بعتتلي ايميلات انتقادات واتصلت ببعضهم واتأسفت عن الخطأ لو ارتكبته. عايزين ننسى شوية فكرة الإنسان اللي مش بيرتكب غلطة. يعني مش عشان وائل غنيم أو غيره عمل غلطة يبقى وحش بس المهم إن اللي يعمل غلطة يكون عنده شجاعة الاعتذار والناس يكون عندها شجاعة تقبل الاعتذار. الرد على الإشاعات عملية مرهقة جدا وبتستنزف طاقة بس نظرا لأني كنت شخص محدش يعرفه وفجأة ظهر على السطح وكل الناس شايفاه فأنا مقدر إن ناس كتير بتقلق. وعشان كده أنا هارد لأوضح مواقفي وأرد على كل الشائعات. ويا ريت تصدقوني لأني مش باكذب وكل كلمة باقولها هي الحقيقة اللي ملتزم بيها أمام ربنا. [1] زوجتي أمريكية أسلمت قبل سنة كاملة من مقابلتي ليها عن اقتناع وبعد قراءة كتب كتيرة عن الإسلام. زوجتي كانت مسيحية قبل إسلامها وزوجتي ملتزمة بتعاليم الإسلام أو بمعنى تاني زوجتي مسلمة أحسن مني ألف مرة. محجبة وبتصلي وبتصوم وبتربي الأولاد على احترام الدين. [2] أنا حضرت مظاهرة 25 يناير مش زي ما الناس بتقول إن محضرتهاش. وعندي صور وفيديوهات ممكن أبقى أنزلها. كنت مع المهنيين أمام دار الحكمة ورحت التحرير. وحضرت جزء من المجزرة بتاعة بالليل. [3] أنا مدير التسويق في الشرق الأوسط وشمال أفريقيا في جوجل واختصاصاتي هي الدول العربية فقط من الجزائر لحد الخليج. وحاليا أنا في إجازة عن العمل وتم سحب كل ما له علاقة بالعمل مني وده من تاريخ بداية الثورة. الشركة بتاعتي مكانتش تعرف حاجة عن الصفحة ومكانوش يعرفوا إني نازل أتظاهر. وجوجل مالهاش أي علاقة باللي حصل. [4] أنا مقدمتش على أي جنسية في حياتي غير المصرية. وده مش عشان أي حاجة إلا إني باحب بلدي وكنت رافض فكرة الجنسية المزدوجة لأني فخور إني مصري مش علشان أنا عميل وهما طلبوا مني للتخفي إني مقدمش على الجنسية زي ما بعض الناس بتقول. [5] أنا وعدت الناس بالانسحاب بمجرد تحقيق الأهداف. وأنا فعلا هانسحب بس الاهداف متحققتش. أنا لن يكون لي أي اشتراك في الحياة السياسية المصرية بس كمصري محدش يقدر يمنعني من المساهمة في تنمية المجتمع وتطوير التعليم وتشجيع السياحة ومساعدة الاقتصاد. ده اللي أنا باعمله دلوقتي عشان ده أهم بكتير أوي من اسقاط النظام السابق. أنا دلوقتي مركز على مبادرات لتنمية المجتمع لأن هو ده المهم حاليا تعليم المجتمع وتطويره. [6] موضوع الحديث مع الوكالات الأجنبية: أنا فعلا قلت مش هاتكلم معاهم وفضلت لأيام طويلة مش باتكلم معاهم رغم إن كل يوم بيجيلي منهم أكتر من عشرين مكالمة وزيارة في البيت. وظهرت في السي إن إن لسبب واحد هو إن اللواء عمر سليمان طلع على قناة إي بي سي الأمريكية بيقول للأمريكان إن المصريين غير مؤهلين للديموقراطية وإن الإخوان اللي عملوا المظاهرات فكان لازم أرد عليه ومظهرتش بعدها نهائيا في أي وسائل إعلام. لكن بعد انتهاء الثورة ظهوري في وسائل الإعلام ضروري لتوضيح صورة شباب الثورة وتقديم فكرة ايحابية عنهم. ودلوقتي محدش هيزايد خلاص. فقرار عدم الحديث ده كان مرهون بوقت الثورة واتكسر مرة واحدة بس بناء على اللي حصل مع عمر سليمان. ولازم نفهم ان القرارات ممكن تتغير لو الظروف اتغيرت. [7] أنا كتبت موقفي من التدخل الأجنبي بكل وضوح وقلت إن الحكومات الغربية لازم تفهم إن المصريين مش بينضحك عليهم وإن الحكومات دي بتدور على مصالح شعوبها بس وطلبت منهم عدم التدخل في شؤون مصر. ولو حصل أي محاولة للتدخل الأجنبي هنكون كلنا كشباب للثورة مستعدين نضحي بدماءنا عشان نحمي بلادنا من أطماع الأجانب. [8] بالنسبة للتضارب في موقفي ليلة الخميس (قبل تنحي الرئيس بيوم) وتصوير بعض وسائل الإعلام لموقفي ليلة الخميس بإني باطالب الناس بالرجوع لبيوتهم: أولا ندائي للناس كان قبل سماع خطاب الرئيس اللي كان كل مصر افتكرت خلاص إنه اتنحى. ده كان غلط مني فعلا وكان لازم أنتظر الخطاب قبل التعليق بس على فكرة الغلط ده وقع فيه أكبر رؤساء العالم وهو أوباما لأن الشائعات كانت قوية بتنحي الرئيس. وبعد ما الرئيس اتكلم أنا ما أعلنتش موقفي إلا تاني يوم الصبح. وأعلنته بكل قوة في قناة العربية وقلت إننا كشباب أقوى وهنفضل نطالب بحقوقنا لحد ما ناخدها. [9] بعد إعلان تنحي الرئيس كأي شاب تعرض لظلم شديد كان عندي مشاعر غضب وفرحة ورغبة في التشفي وده كان برضه غلط. بعد أقل من ساعة قررت إني أتراجع عن الموقف ده لأنه مش موقف نبيل وقررت إني أحذف كل رسالة سخرية كتبتها لأن في النهاية احنا معملناش الثورة دي لتصفية الحسابات إحنا عملناها عشان كلنا بنحلم بمصر أحسن. [10] فيه ناس بتحاول التشكيك في وائل غنيم عن طريق التشكيك في جوجل. أولا وائل غنيم مش جوجل وائل غنيم هو موظف في شركة جوجل زي ما حضرتك تبقى موظف في بنك أو شركة عادية. خدوا بالكم من النقطة دي جدا لأن فيه ناس بتحاول تهاجمني من خلال جوجل. وعلى فكرة مشكلة الترجمة في جوجل مشكلة معروفة وموجودة في لغات كتير وليها سبب علمي وهو إن ترجمة جوجل بتعتمد على تقنيات بتسبب أحيانا في أخطاء عدم دقة والإسرائليين نفسهم بيلاقوا أخطاء زي دي في الترجمة من انجليزي لعبري. فيا ريت ناخد بالنا. [11] أقسم بالله العظيم مش عايز أي حاجة منك يا مصر. أنا بس عايزك بخير رسائل أخيرة للشباب: - أنا باراعي ضميري .. بجد مش باعمل أي حاجة تخليني مانامش بالليل .. هافضل دايما بيحركني دافع الوطنية وحب البلد والخوف على ولادها .. ممكن أرتكب أخطاء بس هاسمع نصايحكم وهاصلح أخطائي وأعتذر عنها بشكل رسمي. - وائل غنيم مش رمز ... وائل غنيم هو شخص عادي جدا زيه زيكم وحاول يكون ايجابي وربنا استخدمه في تحقيق حلم المصريين وكان ليه دور بسيط جدا زي ما ربنا بالظبط استخدم مئات الشهداء وآلاف المصابين وملايين المصريين. يا ريت بلاش التركيز على شخصنة الثورة في شخص وائل غنيم لأني مجرد واحد عادي. - أنا خلال 20 يوم عديت بظروف صعبة جدا .. أول مظاهرة في حياتي .. وشعور بالخطر على حياتي .. وبعدين اختطافي .. وبعدين نايم متغمي العين وايدي متكلبشة لمدة 12 يوم .. وبعدين خرجت عشان أكون من المشاركين في المظاهرات .. وبعدين تحصل مشكلة الضغط على الناس وخطابات الرئيس .. كل الوقت ده مكنتش بانام كويس .. فيه 3 أيام أنا نمت فيهم ساعة واحدة بس. فطبعا الضغط ده كله تسبب في أخطاء كتير وفي إن شخصيتي تكون عصبية على غير العادة. أرجو تسامحوني لأن دول كانوا أصعب عشرين يوم في تاريخ مصر كله بدون أي مبالغة. - شخصيا مسامح كل واحد شك وبيشك وهيشك في نوايا وائل غنيم لأني مقدر إن فيه انعدام للثقة عشنا فيه كتير في مصر ولأن برضه مش كل الناس لازم تثق في كل الأشخاص ولأن وائل غنيم بشر وهيفضل يرتكب أخطاء . ايه رأيكم ...؟؟؟ |
اقتباس:
ممكن يحددوا من رقم الآي بي جهاز الأدمن .. ومكانه بالتحديد .. بالتالي يعرفوا شخصيته الحقيقية وبكدة ممكن يكون الأمن عارف شخصية الأدمن من زمان . . بالنسبة لرد وائل غنيم على الاتهامات والله مش عارفه أقول إيه بس على فكرة .. فعلا إللي بيكتب مش شخص واحد أسلوب الكتابة في " رقم 11 " تختلف عن أسلوب الكتابة في النقاط السابقة لها ولاحظت هذا الأسلوب ( وضع النقط بين العبارات ) عند " تغيير اهداف الاحتجاجات " التي تم ذكرها في الموضوع |
اقتباس:
شوفى ... ظهر لليوم اكثر من سبعة يدعون انهم ادمن صفحة خالد سعيد منهم من هم خارج مصر وهذا واضح من خلال مشاركات وقت حظر الاتصالات والانترنت وقت الثورة ... فى حين ان الامن يستطيع بكل سهولة تحديد الادمن الحقيقى ان لم يكن يعلم اصلا ...!!!!!!! فمن خلال متابعتى للموضوع من بدايته ... ومن خلال تحليل لقاءات وتصريحات وائل غنيم وربطها مع دعمه للبرادعى وصمت الحكومة وتبريراته للاكاذيب الغير مقنعة بالمرة بالاضافة الى سعيه لانشاء حزب بعد ان صرح من ذى قبل انه سيخرج عن الحياة السياسية .. ثم بعدها يقترح احدهم تنصيب وائل وزيرا للاتصالات ويقوم بعمل استفتاء لجمع الدعم لهذا الاقتراح ... استطيع ان اتوقع ان وائل غنيم اداة لتنفيذ سياسة معينة لمصلحة خفية ... فاما ان يكون تابع للامن المصرى وتم زرعه كقائد للثورة ليتمكن من احكام السيطرة عليها وامتصاص الغضب الشعبى وتغيير مسارها ... واما ان يكون تابع لامريكا و دفع به لدعم البرادعى الموالى لامريكا بعد ان فقد شعبيته ... واما ان يكون للاثنين معا .... وهذا ما اميل له ... فاذا فرضنا ان امريكا تفعل المستحيل لعدم خروج زمام الحكم المصرى من تحت قبضتها ... وان الامن له مصلحة فى احكام السيطرة على البلاد ... فيغلب تشابه المصالح ... ويظل هذا التوقع هو الاكثر منطقية .. لكن لو فرضنا ان هذا صحيح ... فنتوقع ايضا ان امريكا لديها بدائل عن البرادعى ووائل غنيم ستدفع بهم بعد احراق كروتها السابقة ... فنحمد الله ان بعض الشباب المصرى ابهج صدورنا بمفاجأة وعيه ونضجه لما يدور من حوله ... فكان رد اغلب الشباب ان كان وائل غنيم هو فعلا ادمن الصفحة الحقيقى ... فلا نملك ولن ينال اكثر من الشكر على جهوده فى الثورة ... فعلى وائل غنيم ان كان يريد ان يظل اسمه محل احترام ان ينتهج ما قام به مبارك من تضحية بان يتنحى عن اى محاولات لاى مناصب او مكاسب شخصية ... والا اثبت بالقطع صحة الاتهامات الموجهه له ... |
صلاح سليم انت موووجووود
يقوولون ان مصر انقطع النت عنهم انت ازاى موجوود هنا؟؟؟ |
اقتباس:
لا لم ينقطع النت فى مصر ... |
اقتباس:
|
الحديث بدون وثائق تؤكده يعد خوضا والقاء تهم بالباطل ... فنرى من الافضل نقل تصريحات وتعليقات وحوارات تدار على الصفحة نفسها صاحبة شرارة اطلاق الثورة بين وائل غنيم ووجهات نظر المشاركين فيها من شباب الثورة ... ونتحفظ على حق التحليلات والتعقيبات لها بكل منطقية ... |
دة كلام وائل ... كلنا خالد سعيد اللي شايف إن حكومة الفريق أحمد شفيق لازم تفضل ده حقه ومحدش هيحجر عليه .. ومن حقه يطالب بحقه وصوته يكون عالي ومسموع .. الصفحة هنا إحنا موقفنا ضد حكومة الفريق أحمد شفيق وده من حقنا برضه .. مينفعش نشتم بعض وأنا شخصيا متأسف إذا غلطت في أي حد .. يا ريت اللي واخد موقف ضدنا يعمل صفحة خاصة بيه ويكتب فيها رأيه وهو حر فيه ويحشد الناس عليه وده رد احد المشتركين والذى اراه مقنع جد ولا يحتاج تعقيب ... Emad Kamel هام جدا ارجو كل شاب من قرأته و خاصه الاستاذ الفاضل وائل غنيم احاول هنا تقديم تحليل بسيط عن الوضع الحالي من وجهه نظر كل المؤيدين و المعارضين لبقاء احمد شفيق او تنحيه عن رئاسه الوزراء مثلا نجد السيد وائل... غنيم ومن معه يطالبون باستقاله السيد ا...حمد............... شفيق للاسباب الاتيه 1-انه من النظام السابق وعليه فانه احد المؤمنين بافكار حسني مبارك 2-بما انه كان بالنظام السابق وكان يرى الفساد و الديكتاتوريه و يسكت عنها فانه شيطان اخرس 3-تم تعيينه من النظام السابق فبالتالي هو لايمثل الشعب او الثوره وانه حلف بالولاء لرئيس الجمهوريه حسني مبارك هنا ردي الشخصي اتعجب منك استاذ وائل غنيم بنفس المنطق انت تعمل بوظيفه مدير تسويق شركه جوجل على مستوى الشرق الاوسط والشركه معروف عنها انها امريكيه بمساهمات اسرائيليه و معروف عنها تحيزها الكامل لاسرائيل و ممارستها العنصريه ضد الفلسطينيين خاصه و العرب عامه ونراها بوضوح من ماضي جوجل معنا في قضيه ابوتريكه عندما ناصر اهل غزة او حتى في جوجل ايرث لرصد المواقع العربيه بوضوح اقصد طبعا المواقع العسكريه و التشويش على المواقع نفسها في اسرائيل و ليس هذا برأيي انا فقط بل هو رأيي الاغلبيه منا بما فيهم كتابنا الوطنيين امثال الكاتب الوطني محمد حسنين هيكل عندما قال هذا الكلام في برنامج مع هيكل على قناة الجزيرة من هذا نتأكد بما لايدع مجال للشك ان شركه جوجل منحازة رسميا لاسرئيل و ضدد كل ماهو عربي اذا هي ضدد مصر هنا نرجع لموقف الاستاذ وائل غنيم وانا لا اشكك في وطنيته و لكن اقيم عليه نفس حجته اطلب منه ان يتنحى عن اداره هذة الصفحه و لا يتكلم عن المصريين للاسباب الاتيه 1-انه من نظام شركه جوجل و انه مؤمن بأفكرها التي هي ضدد العرب 2-بما انه في نظام جوجل فانه يرى سياساتها العنصريه ضدد العرب و يسكت اذا هو شيطان اخرس 3-تم تعيينه في نظام جوجل بعقد ينص على ان يكون مواليا لسياسه الشركه بما فيها سياستها العالميه و التي هي ضدد العرب و تراعي مصالح اسرائيل و هذا يعد بمثابه قسم ولاء لصالح جوجل و بالتبعيه يصب في صالح اسرائيل ارجو ان تقراء رسالتي بصدر رحب و ترد عليها فقد رددت عليك حجتك فارني ما لديك هل من الممكن ان تفاجئنا جميعا باستقالتك من شركه جوجل لا أظن |
جميعنا تابع عن قرب كيف تم الهجوم على مقرات امن الدولة والتى بدأت بالهجوم على مقر الاسكندرية ... ثم تكرر نفس السيناريو بنفس الطريقة على اغلب مقرات مصر كلها ... ونادينا وقتها بانها مكيدة تهدف الى تحويل الثورة من سلمية الى امكانية استخدام القوة والتى تستغل حماس الشباب الى نشر فوضى واستمرار الاعتصامات مما يعود بالسلبية على نتائج الثورة التى تم تحقيقها ... لكن لا حياة لمن تنادى ... مستندين الى ان امن الدولة لما يتمتع به من مكر ودهاء وفساد لا يمكن ان ينتظر كل هذا الوقت ليتخلص من اى مستندات تدينه او توقع به ... ولا يخفى على احد توابع استخدام القوة من افتعال الصراع ما بين المسلمين والمسيحيين والذى اوقع ما بين قتلى وجرحى اثر صدام بينهما على خلفية احراق كنيسة... وهنا لا بد ان نتوقف استجابة للعقل ونرى ... من هو صاحب بادرة الهجوم على امن الدولة ... وما هو هدفه ... ؟؟ فبعد الهجوم على امن الدولة تم اكتشاف عدد رهيب من الوثائق التى تدين القاصى والدانى اما بالعمالة والتخوين بالتعامل مع امن الدولة ... واما بالتحذير من شخصيات عامة ومعروفة ووضعها محل شك وريبة بالتعامل والتخابر مع دول اجنبية لاغراض مختلفة حسبب تقارير امن الدولة ... ومن هذه التقارير ... تم الحصول على وثيقة تفيد بان وائل غنيم تم اعتقاله بعد اجتماع بينه وبين عدد من الامريكان كما هو موضح بهذا الفيديو ... <iframe title="YouTube video player" width="480" height="390" src="http://www.youtube.com/embed/ETzix_MzZg4" frameborder="0" allowfullscreen></iframe> تابعوا .. |
متابعين .....
|
تقدم محامى يبدو انه قريب الصلة بمباحث امن الدولة ببلاغ ضد الناشط السياسي وائل غنيم يتهمه فيه بالخيانة العظمى والتحريض على أتلاف مقار امن الدولة وبخاصة مقر الإسكندرية، وقال المحامى فى بلاغ للنائب العام برقم 3586 لسنة 2011، متهما إيه بانه سرب مستندات تتعلق بالأمن القومي المصري لجهات أجنبية. وقال المحامى ياسر محمد زايد فى البلاغ الذي تقدم به أن وائل غنيم المسئول عن صفحة كلنا خالد سعيد حرض على إتلاف الممتلكات العامة و مهاجمة الأجهزة الأمنية حيث أنه خاطب ما يقرب من مليون مواطن عبر صفحته باسم "كلنا خالد سعيد" و أعلن عن أن جهاز مباحث أمن الدولة يقومون بإعدام المستندات و أوحى للمواطنين التوجه لمهاجمة مقر جهاز مباحث أمن الدولة بالإسكندرية الأمر الذي ترتب عليه إتلافات لجهاز مباحث أمن الدولة بالإسكندرية كما ترتب عليه إصابة و وفاة بعض المواطنين، كما ترتب عليه أحداث شغب و إتلاف و ضياع المستندات الهامة و الحساسة و الخاصة بأمن الدولة الأمر الذي أصبح يهدد الأمن القومي المصري. وقال فى بلاغه أن غنيم حرض على تسريب مستندات تحتوي معلومات دقيقة تخص أمن البلاد القومي لجهات أجنبية، حيث أنه أعلن بالأمس أن هناك جهات لديها أجهزة تجمع المستندات المفرومة، و بالتحري وجدنا أن وكالة وكيليكس المختصة بتسريبات المستندات الدولية قد أصدرت البيان نفسه. ووصف المحامى فى بلاغه غنيم بانه حرض على تسريب مستندات تتعلق بالأمن القومي المصري لجهات أجنبية، الأمر الذي يندرج تحت مسمى الخيانة العظمى. ودعي المحامى عدم قيام أي شخص بتسليم مستندات أمن الدولة لأي شخص أو جهة أيا كانت عدا النيابة العامة |
صراحة انا مش باقدر استمر طويلا في الموضوعات الطويلة جدا اللي انت بااااااااااااارع فيها جدا
ههههههههههههههههههههههههههه عموما انا لا ارى ان هناك بطل على الثورة فكل شعب مصر ابطال من نزل التحرير او الاسكندرية او السويس او من سهروا ليلا لحماية الاسر و المذعوريين في البيوت و ليس لها رأس و ليس معنى ان هناك من ينادى بأنه بطل من ابطال الثورة لا يعني هذا انه يصلح لقيادة الدولة او انه سياسي محنك فلكل دوره ربما تستطيع اشعال ثورة و لكنك لا تستطيع ان تقود دولة فلا داعي اصلا لنشغل بالنا بمن لا فضل له علينا فهو في جميع الحالات كان مقبوضا عليه وقت الثورة |
اقتباس:
ههههههههه يعجبنى فيك انك تحب تجيب من الاّخر .... |
وأنا أجيب من آخر الآخر ......
أن هذه الثورة أجدها الآن ..وبالاً على مصر ....... كنا قبلها ننهب من الحكومة .......الآن أبناء البلد أنفسهم هم من يسرقون وينهبون ويقتلون ويعثون فى الأرض فسادًا أعذرونى ......لكنى أصبحت على قناعة بذلك ... الثورة كانت بمثابة لعبه....لعبها الشعب وأحب اللعبة بلا قناعة بأى شىء ..... |
| الساعة الآن 08:01 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا