|
انا تعآلجت كذآ ..
بسم الله الرحمن الرحيم ..... الحمد الله الذي لا ينسى من ذكره والحمد لله الذي لا يخيب من دعاه والحمد لله الذي وثق به لم يكله إلى غيره والحمد لله الذي يجزى بالإحسان إحسانا والحمد لله الذي يجزي بالصبر نجاة والحمد لله الذي هو يكشف ضرنا بعد كربنا والحمد لله الذي هو ثقتنا حين يسوء ظننا بأعمالنا والحمد لله الذي هو رجاؤنا حين تنقطع الحيل عنا .. قصتي مع مرض الهلع .........القلق التوتر الوسواس......... الخوف ..........قرب الجنون بدآيتة to نهآيتة .. ـــــــــــــــــــ وكيف تعافيت منها بفضل من الله ومنه في خمسة شهور !! اول شيء قولوا مآشآء الله .. تبآرك الله<< اكيد اخآف على نفسي http://www.vb.eqla3.com/images/smilies/biggrin.gif . . . . . . . . . . . . . . . . . . . . . . . . . . . . . . . . . . . . . . . . . . . . . . كنت اسكن بعيد عن اهلي كنت اكمل درآستي دآخل مملكتي الحبيبه .. لكن في مدينه ثآنيه .. طلعت مره مع اصحآبي .. وتعشيت والحمد لله الوضع تمآم .. رجعت السكن حطيت راسي ع الفرآش السعاه وقتها 1.30 نص الليل .. ما حسيت الا .. خوووف + عرق + خفقآن + رعشه قويه + احسآس بخروج الروح + كتمه انآ قلت خلاص .. حآلت وفآآه مافيها هذآ الموت .. http://www.vb.eqla3.com/images/smilies/biggrin.gif شوي قمت من مكاني وطلعت من الغرفه .. طبعا ساكنين معي اثنين بالغرفه .. ما صحيتهم المهم قلت اشوآ باقي حي ما مت http://www.vb.eqla3.com/images/smilies/biggrin.gif .. وتعوذت من ابليس ورجعت الغرفه .. قلت يمكن جآثوم لآني اسمع العيآل في السكن يتكلمون عنه .. " مع اني ما فكرت فيه " المهم .. ما قدرت انام خووف .. انا اصلا من خوفي هذا خفت منه .. يعني صآر خوف + خوف ما ادري متى نمت .. قمت الصبح الا انا ماني طبيعي .. دوخه + ضعف تركيييز + خفقآن + عرق + تنميل + ما اقدر اشيل نفسي + ضيييييقه + احساس بأنك لوحدك في العالم " اكتآب " . دخلت الكلاس .. شوي ما قدرت .. كلمت الدكتور قلت له تعبان بطلع شوي .. قالي روح .. طلعت .. ووقتها كنت ابكي لحالي ما اعرف وش جاني خففت .. قلت مافي الا امي لبى قلبها http://www.vb.eqla3.com/images/smilies/004.gif اقولها وش جاني .. وادق عليها واكلمها وابكي .. واقولها مدري وش جاني و و و .. طبعا قالت لي هذا القولون يسوي كذآ .. خفف اكل دسم ولا تاكل كثير و و و الحمد لله ارتحت شوي .. بس باقي ضيييقه وعدم تركيز .. .... خلص اليوم الدراسي .. ورجعت السكن .. والعيآل سوالف ولعب وبلايستيشن .. طبعال كان عددنا كثير حول 10 .. وانا انآظرهم ومكتتتتتئب .. انا ما ادري انه اكتئاب .. اول مره تمر علي هذي الحاله .. جالس افكر في حالتي ووش هذي الحاله اكيد انه في مشكله في راسي .. لا لا امي تقول قولون .. وعلى هذا الموال .. واسرح كثير .. قالم العيآل يقولون وش فيك فيك شيء .. اقولهم لا لا ما نمت زين ودقت علي امي وتسالين هااه كيف حالتك وكآآنت مهتمممه مررره كل شوي تدق ونصحتني اقرا سورة البقره كل يوم .. واقرى على نفسي وعطتني ادعيه اقرآهآ .. صرت اقرى البقره .. واحس برآآآآحه عجيييييبه سبحآن الله .. جلست تقريبآ اسوب ورجعت طبيعي 100% الحمد لله .. ونسيييت الحاله مرره كآن الفتره الي مريت فيها حلللم والله حلم .. بعد تقريبآ اربعة اشهر تخرجت ورجعت عند اهلي وانبستط .. وتوظفت وطبعا كنت وقتها خآطب من سنه .. يتبع .. اذآ وجت تفآعل !! |
كمل الله يسعدك :( |
ماشاء الله لاقوة الا بالله كمل كمل تحمست كنك تتكلم عني والله
|
كمل حرقت أعصابنا الله يهديك
|
كممممممممممممممممممممممممممل
|
كمممل الله يصلحك تحمست للبقية وسهرتني ووراي جامعة :tongue: |
الله يعطيك العافيه اخي الكريم لا تبخل على اخوانك واخوتك في اعطائهم تجربتك للاستفاده منها فنحن نتعلق في اي امل بعد الله سبحانه وتعالى.......واقول كمل لا تعذبنا
|
يآ ويلي .. اعذروني ما عندي نت في البيت خلص الإشترك .. ...... المهم .. رجعت من الدراسه والحمد لله نجحت بإمتيآز .. وتوظفت .. تقريبا شهر ثمانيه .. كانت تجيني حالة اكتئآب في الدوام جتني فتره كرهت الدواام مالي خلقه ابد .. كل ما جابوا طاري دوام تجيني ضيييييقه غريبه .. مع انه كانت امنيتي اتوظف وجلست ع الحاله ذي فتره الى ان جاء رمضآن .. وكنت ادوام في رمضان وانا مررهق .. اسهر الليل وانام بعد الفجر .. واصحى الصبح اداوم وارجع العصر وانام لين المغرب .. طبعا نوم العصر كئييييييب مثل ما تعرفون .. يوم من ايام رمضان وتقريبا في بدايته .. رجعت من الدوام العصر .. وحطيت راسي .. ودخلت جوو النوم .. كآني او يتهيئ لي ان احد ناداني .. بعدها حسيت بخوووووف وعرق ورجفه وخفقاان وضيييقه .. حسيت انه الموووت .. طبعا نسيت الأعراض الي جتني من اول .. وانا مشكلتي .. اربط مرض بمرض .. ويلا جاك الربط .. وطلعت من الغرفه كني مجنوون مآآآ ادري وش جاني ولا ادري هذا الموت والا وش ولاا خلاص انتهت حياتي وكرهت الدنيآآ وحالتي حاله .. ومدري كيف نمت .. وقمت المغرب للفطور .. كآآآره نفسي وكاره اهلي وكاره الدنيآ وحسيت ان الكل يكرهني والكل ضدي .. بعد الفطور وبعد الصلاه .. الحمد لله هديت شوي وريحت بس باقي ضييقه وتعكر المزاج .. رحت اصلي تراويح مع الوالد والوالده والعيال .. بقت اختي والخدمه في البيت .. وانا اصلي تراويح .. عررررررق وحرررررر .. والمشكله المسجد من ابرد مساجد الحي شوي جتني نووبة هللع .. ويجيني احسآس يقولي ترى اختك الحين تدخل ناس في بيتكم وتسوي نفس الي تسمعه في القصص طبعا انا اسمع عن شباب يطلعون مع بنآت .. وبنات خربانات .. وشباب فاسدين .. وقصص يشيب راسك منها المهم .. بديت اشك في الوضع ... وجتني حاله اني خلاص مصدق الفكره الي جت في بالي .. والمشكله الفكره هذي رسسسخه في بالي .. ما قدرت انساها .. صآرت تجيني كل ثاينه .. ومن ناحيتي كنت استرسل معها وانميهآآ .. ويوم ورآ يوم ورآ يوم الى ان وصل الشك في امي وخطيبتي .. وان امي تكلم ناس .. وخطيبتي تحب واحد ثآني .. وانا بعد عندي مشكله . اني اطبق القصص الي اسمعها على نفسي !! ويلا بديت مشوآري في الشك والخووف والضيقه كل ما طرت لي فكره .. احيانا اصدق الفكره .. واحيانا اقول لا لا مستحيل يصير كذآ .. ومن هنا بدا معي الوسواس القهري .. كل وقت وكل ثانيه من حياتي افكر في الموضوع وصارت تطراي افكآآآر عجيبه غريبه مستحيله .. واصدقها .. وفي نفس الوقت اكذبها .. كل ما وديت اهلي السوق .. اقول اكيد انهم مواعدين شباب داخل ويستغفلوني .. والا اكيد الحين يعجبون بواحد وياخذون رقمه والا اكيد و و و ........................... الحمد لله انا انسان لا اني راعي بنات .. ولا اني راعي مسن بنات ولا اي شيء الحمد لله .. ولا في حياتي كونت علاقه من بنت .. بس اسمع قصص واقعيه وسوالف ناس .......................... المهم جلست رمضآ، كامل لا تهنيت فيه ولا قريت قران ولا تهنيت في خشوع في التراويح وظلمت الدنيآ في وجهي وصارت حياتي مااالها دااعي .. كرت البيت كرهت اهلي كرهت خطيبتي وجماعتي .. ما اطلع من البيت .. حياتي صارت كلها نووووم وياليته اي انوم .. نوم بتعذيب الضيقه والخووف والتفكير الي فجر راسي ووصلت الدرجه اني افكر في الناس وان البنات كلهم خربانات وان العالم كلهم خونه واي بنت اشوفها تمشي قدامي اقول هذي خاينه وحقيره .. الى ان صارت الفكره هذي معتقد ؟!! بعدها انتهى رمضآن وفي فترت العيد الناس مستانسين وانا شاحب وجهي .. ومتضايق ولا بشاشه ولا اهتمام .. ومكتئئئئب .. واقول وش الي يفرحهم الحين ذولا .. فرحانين وزوجاتهم يخونونهم والله مساكين .. بعدها ما قدرت اتحمل خلااااااااااااص .. يتبع .. |
أنتظر البآقي لآتتآخر الله يسسسعدك :) |
أرجوووووك اكمل
|
لمشاهدة الحلقه القادمه قبل اوانها ....ادخل على موقع mbc>>>> ياخي ارحمنا
|
متـــــــــــــــــــــابعه
|
اقتباس:
ههههههههههههههههههههههههههه والله حلوه كمل والله تحمسنا |
أنا أعرف النهاية
إذا ما خاب ضني تقصد هذيك الطريقة اللي قلت لي أسويها ما سويتها للأسف بس كل ما تذكرتها أستاسع صدري ودعيت لك :tongue: آآآسفة أخوي أبو بدر إذا خربت عليك القصة وما شاء الله تبارك الله الله يتمم عليك الصحة والعافية ويوفقك ويسعدك |
السلام عليكم
وينك كمل |
اقتباس:
|
لا اله الاالله
|
احد يعرف كيف علاج الملفوف
|
المهم .. مآآقدرت اتحمل مرررره في النهايه صآرحت الوالده بالموضوع . وقلت والله يآ امي الموضوع كذآ وكذآ .. ولا تزعلين اني اشك فيكم والا شيء هذآ شيء يجيني عصب عني وادري انه كذب وخيآل .. بس والله متعبني ومسبب لي ضيقه وخوف واحيانا احس اني بنجن بصير مصنون خلاص وكل وثانيه افكر في الموضوع .. واي حركة تذكرني بالموضوع طلعت الوالده الله يحفظها عنها خلفيه كبيره بالحالات النفسيه لانه تمر بحاله ضيقه واكتئاب وتستخدم علاجات وقالت لي هذا وسواس قهري .. وقامت تشرح لي .. وانا اقول اييووه وفعلا نفس الكلام الي تقوله يصير معي وقتها ارتحت شوي .. واقنعتني اني اروح عند طبيب نفسي .. ورفضت بقووه .. واقولها تخيلي اروح عند دكتور نفسي وش يقولون الناس اذا دروا .. بيقولون هذا مريض نفسي .. وكنت رافض الفكره مرره ويوم بعد يوم الشكوك تزيد وانا اهديها .. وكل هذا افكاار بس من غير ما افتش وراهم ولا شيء بس افكار ذبحتني نكدت حياتي .. بعدها بأ سبوع تقريبا .. قررت اروح عند طبيب نفسي طبعا امي ما قصرت وراحت علمت خالاتي .. طلعوا خالاتي يستخدمون علاجات بعد .. لان الشغله الظاهر ورآثه http://www.vb.eqla3.com/images/smilies/biggrin.gif واقنعوني ورحت عند دكتور نفسي .. وانا داخل للعياده يووه احس اني منحرج .. الحين الناس اكيد يقولون وش ذآ الموسوس المهم .. كملت ودخلت .. انا والوالده .. وتخيلوا وانا داخل العياده وجالسين عالكراسي والدكتور قدامنا اقول في نفسي الحين امي معجبه فيه وتتمنآهـ و و و << http://www.vb.eqla3.com/images/smilies/biggrin.gif يعني حالتي صرآحه سيئه مره .. المهم شرحت له السالفه وسألني سؤالين بس وعطاني علاج وقالي هذا لمدة اسبوعين والثاني لمدة شهرين وبعدها تعال عندي .. قلت طيب .. وطلعت وصرفتها .. شوي الا الوالده يوووه هذا سيروكسات .. قد استخدمته حلو مره قلت اكيد ينسيني الأفكار هذي ,.. قالت ان شاء الله وراح تنساها كلها .. بس استعين بالصلاه والذكر والرقيه قلت خلاص . ومر الأسبوع الأول وانا منتظر متى انسى الأفكار .. مافي فايده .. حالتي زادت من ضيقه وغثيان ودوخه ونوووم .. قالت لي هذي اعراض جانبيه .. بعدها احس نفسي ما عاد عندي اي شهوه او رغبه جنسيه .. قلت ايوااااه .. خلاص عقم http://www.vb.eqla3.com/images/smilies/biggrin.gif كنت مره مره موسوس .. واستحيت لا اقول لأمي .. وادخل النت واكتب اعراض العلاج الجانبيه وارررررتحت كثير يوم لقيت انه يضعف الرغبه الجنسيه .. مرت الأسبوعين الأولى سئيه .. اقول للوالده يمه العلاج ذآ ما فادني مرره .. واقولها انا اصلا ما اقتنعت بالعلاجات النفسيه قالت لي وينك انا احيانا اجلس شهر بعدها تتحسن حالتي .. قلت طيب نشوف .. وجلست تقريبا شهرين والحمد لله احس اني احسن شووووي .. ورحت للدكتور .. وقلت له الحمد لله احس حالتي صارت احسن .. صرف لي العلاج مره ثانيه وقالي بعد شهر تعال .. وانا اقول في نفسي وش الدكتور النفسيه ذآ .. يتكلم من خشمه وطلعت وجلست عليها شهر .. طبعا الشهر هذآ شبه معانات مع الأفكار .. انتهى الشهر ورجعت له وصرف لي مره ثانيه وقالي بعد شهر تعال .. بعدها .. قررت ادخل النت واتصفح واشوف وشو هو الوسواس القهر ووش اسبابه و و و ودخلت وشفت العجب .. انه نقص في هرومنات الدماغ وان نشأته من افكار سلبيه و و بعدها قرأت اشياااااء كثيييره وصارت عند خلفيه كبير كبيره مره .. وعرفت حالتي بشكل كبييير وصرت اتعامل مع حالتي بشكل مره حلو .. لكن ما زالت الأفكار تجيني من فتره وفتره يتبع .. http://www.vb.eqla3.com/images/smilies/biggrin.gif |
آسفة كنت كاتبه رد بس مسحته :biggrin:
|
الله يخليلك آميمتك يآآآآرب متـــآبعــه .. |
اقتباس:
لا عاد تكتبين وتمسحين خخخ :biggrin: وترى شفت ردك من اول :biggrin: |
اقتباس:
آآمين و اميمآتكم كلكم :biggrin: |
يوووووووووووووه
كمل |
انت الظاهر نيتك تعذيب قارئيم موضوعك ...انت الان اون لاين ليش ما تكمل الموضوع وتريحنا
|
بآك .. بعدها شفت مقاطع في اليوتيوب فادتني كثييير مره مره مره .. والحمد لله ارتحت بعدها بنسبة 70% .. الله يجزي الي سواها الف خير والجنه يارب .. وهذي هي المقاطع .. http://www.youtube.com/watch?v=MpRBaAf6sH0 http://www.youtube.com/watch?v=eEu6s5p9HSI http://www.youtube.com/watch?v=16OvfXKOBCM http://www.youtube.com/watch?v=uI8kw-jSLTc ................ وهذي مواضيع برضوا فادتني مرررره http://wed-gan.com/vb/showthread.php?t=18647# http://www.nafsany.cc/vb/showthread.php?t=53470 http://www.nafsany.cc/vb/showthread.php?t=61721 http://www.nafsany.cc/vb/showthread.php?t=44662 .................... بعده الحمد لله خفففت حالتي ما صرت افكر على طول بس المشكله الي باقي فيها .. ان المعتقد الي انا عليه لازم اغيره بس كييف .. المعتقد الي عندي .. ان اي وحده عادي تخون وما همها زوجها ولا اهلها ولا دينها واي وحده اشوفها اقول اكيد هذي خربانه وخاينه وكذآ .. انا تعبت بصراحه لاني عارف ان الي افكر فيه خطأ × خطأ .. لكن المعتقد هذا مقفل راسي .. يعني مثل ما تقولون كان في شيء يحدني اذا جيت اعدل المعتقد واغيره ماااا اقدر .. مع ان الوالده الله يخليها .. حاولت تقنعني كذآ مره وتحاول تغير معتقدي لكن من غير فاديه .. المهم .. دخلت اصلي يوم من الأيام في مسجد الدوام .. الا شايب كبير طلع يوقف ويسأل الناس ويقول انا تعبان وعندي سكر والعمود الفقر ومدري وش .. وعندي علاجات اذا واحد فيه خير يشتريها لي ووو .. المهم قام وجلس عند الباب والي طالعين الي يعطيه ريال والا خمسه .. المهم .. انتظرت لين طلعوا كل الي في المسجد .. وقلت له يا عم .. انت محتاج الأدويه هذي ؟؟! قالي اي والله يا ولدي انا عندي السكر والضغط والعمود الفقري .. قلت له خلاص خلك هنا بجيب السياره واوديك نشتريها من الصيدليه .. قال طيب .. ورحت وجبت السياره .. وركبته ورحنا واشتريت له الأدويه .. وقلت له يا عم والله ودي اوديك البيت لكن وراي دوام ما اقدر اطلع . قالي جزاك الله خير ما قصرت .. قلت له ابغاك تدعيلي ان الله يشفيني انا فيني مرض .. وقام يدعي الله يشفيك ويعافيك و و و .. نزلته وعطيته فلوس للغدا وللتكسي ورجعت الدوام .. وانا جالس ع المكتب .. فتحت موضوع عمري وفي حياتي مافتحته ؟!! بعد الموضوع هذآ .. سبحآآآن الله .. تغير تفكيري بسرررعه .. صرت اقدر اغير المعتقد ماني مستوعب كييف صار .. اول شيء حسيت بشد على جهت راسي اليمين .. واوجعني راسي خفييف .. كانه صدااع .. بعدها سبحاان ربكم .. صرت اقول لا وين البنات فيهم خربانات وفيهم صالحات والبنت التقيه ما تخون دينها قبل اهلها .. و و و بصرآآآحه والله العظيم اني فرحت فرح على اني قدرت ادخل عالفكره واكسرها .. الموضوع الي فتحته كآآآن خير علي وكله بسبب الصدقه .. وانا والله ما ذكرت القصه على انها ريآآ .. لا والله عشان اعلمكم ان الرسول صلى الله عليه وسلم صدق يوم قال .. (( داوو مرضاكم بالصدقه )) .....(( ان الصدقه تطفئ غضب الرب )) والموضوع الي فتحته .!!! يتبع .. |
في الانتظاااااااااار
|
:cool: <<<<
|
افاااااااا
|
كمل الله يعافيك نزله مره وحده حمستنا
|
اقتباس:
طلعوا الاثنين مرورا بحالتي http://www.vb.eqla3.com/images/smilies/biggrin.gif اية كمل الله يتم عليك ويحفظك تحمست |
يآ مرحشآآ فيكم .. سوري ما عندي نت .. وتخبرون امس اجآزه .. والنت بالدوام .. .. المهم نكمل .. فتحت موضوع وهذآ رابطه http://omahmed.5u.com/sfat%20almrah%20almslmh.htm بصرآآحه تغير تفكيري وما صدقت .. الحمد لله من كثر قرآئاتي لعلم النفس .. تعلمت تكرار الكلام .. يعني كرر الكلمه وبعد فتره راح يقتنع عقلك الباطن ويغير الفكره غصب .. وفآدتني كثيييير ...... المهم .. بعد فتره تجمعوا العيال وقاموا يسولفون في سوالف البنات .. والي يقول والله انا سويت وسويت رجعلي شوي من الخووف بس خفيف .. وعلى طول صرت ما اسمع لهم واطنش .. بس مليت يعني قلت لازم احل المشكله هذي .. يعني كل ما سمعت شي اخآف ما يصير .. ورجعت لامي حبيبت قلبي .. وقلت لها .. الموضوع يا امي كذا وكذا .. صار يجيني خوف اذا سمعت سوالف وكذآ وقالت لي .. لا تطبق كل ما تسمعه .. هذولا بنات ما لقوا من يهتم فيهم بنات ناقصهم عطف حنان يعني بنات لقواا اشآء عند الشباب ما لقوا عند اهلهم او ازواجهم .. فكرت في الموضوع .. وقلت من جد .. ليه الوحده تخون او تحاول تتعرف على واحد .. اذا كان اهلها او زوجها موفر لها ككللللل الي تبيه .. يعني مالها مبرر الا اذا كانت استغفر الله عآهره كرمتم واقتنعت بالفكره واعجبتني .. بس ما زالت الأفكار تطاردني من مكان لمكان .. من فتره لفتره .. وبعدها ركب معي واحد من العيال وسوالف انا وياه .. شوي قام يتكلم عن سوالف البنات .. وكا يتكلم وكانه يتكلم عني يعني يقول ياخي البنات ذآ الزمن خربوا .. خيانات ومدري وش .. والله الواحد صار يخاف .. جاني ارتيآآآآآآآآآآآآآآآآآآآآح عرف ان الكل يكره الخيانه ويخاف منها .. بس طلعت انا مرررركز عليها ودقيق شوي فيها .. وبعدها بفتره سمعت نفس الكلام من واحد ثاني يقول .. ياخي والله الواحد صار يخاف على اهلله قلت ايواااا اجل وضعي طبيعي انا .. يعني مو مرض نفسي .. يعني كنت مكبر الموضوع .. وارتحت ارتياح لا يعلم به الا الله .. ومثل ما تقولون صرت طبيعي 100% ولله الحمد .. لكن !!؟؟ تجيلي احيانا تخيلات تضايقني الى اوصل معها مرحلت الإسترسال .. يعني مثلا كذآ .. تخيل امك سوت نفس السالفه الي سمعتها من فلان .. يرد شي في راسي يقول .. لا لا وين الي يسوون الحركات هذي بنات وحريم خربانات وما يخافون الله .. يرد شي ثاني يقول .. طيب في بنات مؤمنات بس ربي يختبرهم والشيطان خبيث .. ويزين الشيء ويمكن طيح عين امك على واحد واعجبت فيه يرد الثاني .. لا لا يعني انت بالله اذا شفت بنت تعجب فيها وتحبها على طول وتدخل قلبك .. اكيد لا اجل امك مثلك مستحيل خرافات .. ويدر الثاني ..... الخ .. صار وقتي كللللله تفكير في تفكير واتأزم نفسيا .. ولا احب اكلم احد واكره العالم .. واصير سرحاااااان وتفااكير ... في الأخير قررت اني اروح لدكتور سلوكي .. وكلم العياده وحجزت موعد ورحت للعياده .. ودخلت على الدكتور وكلي فرررح .. وسوالف انا ويآه .. ويسال ويسال وياخذ معلومات عني و و و لقى اني طبيعي جدا وقالي اسمع .. قلت هلا .. قال الحين الافكار هذي الي في راسك تشبه كرة الطائر .. يعني الكوره تروح للفريق هذآ ويردها الفريق هذآ وتضل الكوره رايحه جايه والكوره معناها افكارك .. والأرضيه يعني ارضية الملعب هو راسك .. فما راح يرتاح راسك لين توقف الكوره .. وعطاني حل وقالي .. خل كل وقتك سلوكي .. ورمى علي منديل وقالي .. امسكه ومسكته .. قال هذا هو العمل السولكي .. بغيت تروح البقاله .. روح لا توقف .. بغيت تسولف مع اهلك روح وسولف مع اهلك .. بغيت تطلع تتمشى .. روح ولا تحاول ترجع ابدا .. وخلك كذآ .. وكل ما جتك افكار حاول تغير تفكيرك وتطنش وتنسى ولا تهتم للموضوع .. وقلت ابشر .. يتبع .. |
طيب؟؟؟ متى بتتكرم وتخلص الحكايه ... انت بتساعدنا ولا بتذلنا ؟؟
|
اقتباس:
وش فيك معصب والله انشغلت على اني بكمله بسرعه .. لكن ابشر .. |
وينك اخي الكريم ما عاد صرت اشوفك .. ان شاء الله انك بخير .. |
| الساعة الآن 04:18 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا