|
الي الاخت لدي امل
السلام عليكم ورحمة الله وبركاته
اختي لدي امل انا قريت مشاركاتج بالمنتدي وعن حديثك عن العلاج النفسي وكيف فادك اكثر من الادويه 00 الله يعلم اني سعيد انج تحسنتي معا العلاج النفسي والله يزيدك ويشفيج تماما من الامراض والمعاناة اللهم امين 00 انا اخوج من الكويت اعالج من سنين طوال بالادويه من الاكتئاب والرهاب والتوتر والحمدلله علي كل حال لاكن انا مضطر اترك العلاج الان وفعالن تارك الادويه من 25 يوم لاكن اتناول مهدئ فقط لاكن الله يعلم بحالي بعد تركي للأدويه وشلون وضعي والضياع اللي احس فيه 00 بحثت عن معالج سلوكي بالكويت لاكن لم اجد او انا مشتت الفتره هاذي 00 لاكن اختي لدي امل اتمنا ان اعرف دكتورج اللي تاخذين عنده جلسات علاج نفسي ارجو ان تكتبي اسمه واي منطقه موجود بالكويت 00 او اذا كان في مركز ان تكتبي لي اسم المركز 00 اتمنا ان اذهب له عل وعسا ان يكتب الله لي التحسن من هالوضع الي انا فيه 0 |
هلا أخوي
بس أسألك أول لا تكون وقفت أدويتك فجأة؟؟ دير بالك على الطريقة اللي وقفتهم فيها لأن التوقيف الغلط يسبب انتكاسات وبعدين العلاج النفسي راح يكون صعب لأن أمور ثانية مسببة مشاكل اللي اهيا اعراض انسحابية من أدوية ومو بس المرض بروحه! ويمكن يقولك أرجعلهم ووقفهم صح!! أنا معاي دقق على هالنقطة ووقفتهم أبطأ بوايد من الطريقة اللي قالها لي الطبيب وعطاني اختبار اسوي كل يوم إلخ فمادري اشلون وياك واشلون موقف أدويتهم وحدة مرضك... ثانيا بقولك نفس الكلام اللي قلته للاخت via في موضوعها بخصوص دكتوري وفي أشياء ثانية ذكرتها الله أعلم يمكن تفيدك في موضوعها بهالرابط http://www.nafsany.cc/vb/showthread.php?t=66628&page=3 اللي اتعالج عنده الدكتور جاسم الخواجة شاااااااااااااطر ويهتم جد بشغله ومصلحتك وسلامتك وطيب وخبرة طويلة موجود في مكتب الانماء الاحد مسائي من 4 لـ 8 و الثلاثاء صباحي افضلك تروحله هناك بعد ما تحط موعد دق عليهم واطلب فاطمة دشتي من البدالة او قولهم حولوني لـداخلي 217 أو ممكن تكلمه بالتلفون بمركز الاستماع العصر من 5 لـ 8 بالرميثية وموجود بعد بالرقعي بمجمع المحاكم بإدارة الاستشارات الاسرية الصبح بس مادري أي أيام واشلون تحط مواعيد عندهم والروضة مسائي بس متى اي ايام وأي أوقات مادري (بصالة افراح زبن بدور ثاني) وشي بالنسبة للروضة سامعه انه مواعيدهم صعبة!! والله اعلم يعني مو متأكده اكيد من المعلومه بس قريت لواحد بالانترنت يقول يشوف الدكتور هناك بالروضة ويقول ناطر جم اسبوع على ما يدقون عليه بخصوص موعد مفتوح الانماء احسن من هالناحيه مادام حطيت موعدك اللياي بنفس اليوم بعد موعدك علطول عادة انت بخير الا لو نطرت ممكن تطير وتنطر اسبوع ولا اسبوعين إلا لو عندك استعداد الثلاثاء صباحي! بس يفضل على كلامهم الثلاثاء لاضطراري وانت شوف شنو يقولك بالبدايات اشكثر ومتى المرة الليايه تييله قلتلك كــــــل الاماكن اللي انا اعرف اهوه فيها وما عندي خبر عن غيرها معقوله يدوام بأكثر من جذي الرقعي الصبح والانماء يوم صبح ويوم عصر والروضه مسائي والاستماع مسائي ولا تنسى محاضرات ودوام تدريسه بالجامعة وايد فمادري معقوله اكثر اتذكر مرة قال شي عن مكان بالدسمة او الشاميه بعد بس معقوله بعد مكان! بس الانماء أهدى واريح في العصر وأنا اروحله في الحالات الطارئة بس للرميثية مع تمنياتي ما يرفضني لانه له كل الحق هناك لأنهم بالتلفونات مو مقابلات طرقتهم هناك غير بس الحمد لله ما انقص ويهي ههه في حال قالولك ما يصير تروحله لأي سبب من الاسباب لأنه عليه ضغط او شي حاول بالاستاذة بشاير الزواوي إذا يصير بس اصر على جاسم اول اهوه الخواجة أحسن شي برحلة علاجي عندي ثقة عمياء بهالانسان ما أقدر أقول كفاية عنه اتذكر عدل شنو كنت وشنو صرت صج ان ما تحسنت مليون بالمية بس الفرق كبير وملموس فرررررق أنا حاسة فيه وما ارضى احد يقولي غير هالكلام لو مو رايحه عنده جان أنا وضعي مخيف ما أبي حتى افكر في شنو كان ممكن يصير اتخيل يا اكون مت او محجوزة بالطب النفسي هذا اللي اتصوره يعني وترى 30% عليه وعليك 70% من الشغل لازم تشتغل وتطبق وكل تركيزه على العلاج المعرفي أو المعرفي السلوكي عنده.. حتى بالنسبة للإكتئاب عنده كتاب كاتبة مفيد وأي سؤال حاضرة موفق برحلتك العلاجية أخوي وانشالله تضبط معاك الأمور بخير |
مشكوره اختي لدي امل علي الرد
انا وقفت الدوا بتعليمات الدكتور عصام الانصاري بس خلاني علي المهدئ اللي اهو الزانكس بس بصراحه منهد حيلي وتعبان معا العلم اني الحين اشوا شوي من اول فتره تركت فيها العلاج 00 وعن الدكتور الي طلبت اسمه وماقصرتي اختي علمتيني عنه جزاج الله خير (جاسم خواجه ) انا عبالي بعياده خاصه طلع بمركز وبلاش اعتقد جذيه 00 والمركز اللي اهو فيه مكتب الانماء بأي منطقه الرميثيه اهو موجود ( تنصحيني اروح المركز اخذ موعد عادي ولا لازم اتصل تلفون عليهم 00 اختي سامحيني والله احس مخي متلخبط وماني عارف اشرحلج تكفين اختي 00 علميني الخطوات ببساطه المركز وين بالضبط المنطقه 00 وشنو الخطوه الثانيه اتصل عليهم ولا اروح هناك عندهم 00 ادري ثقلت عليج بس مااقول غير هدعاء لج اللهم يارحمان يارحيم اللهم يارحمان يارحيم ان تشفي اختي لدي امل وتتم عليها الشفاء ويشرح صدرك وييسر امرك وجميع من يقرا هاذا الدعاء اللهم امين 0 |
بروحله بمركز الانماء بس اي منطقه وراح يستقبلني ولا لا 00
وشلون الجلسات معاه اسبوعيه ولا كل متا الجلسه العلاجيه معاه 00 تكفين اختي00مركز الانماء علميني شلون اوصله هناك وبصطيلي الخطوات لاني والله مو قادر اركز كلش 0 |
لدي امل هل انتي موجوده
|
أولاً لا تحاتي لا ثقلت ولا شي انشالله تسأل أسئلة لباجر والله عادي ما تضايقني المسألة أبد بالعكس أحب أساعد ليش لأ
بالنسبة لمكتب الإنماء لأ ما يصير تروحلهم علطول لازم تدق وتحط موعد قبل لا تروحلهم نظامهم هناك بالمواعيد بس دق على ........... راح يرد عليك مال البدالة اطلب منه إما التحويل للأخت فاطمة دشتي أو بس قوله أبي داخلي 217 (اللي ابسطلك الاثنين يوصلون للأخت فاطمة) اهيا المسؤولية عن مواعيد الدكتور بالتحويل إذا ردوا عليك تأكد إنها الإخت فاطمة لأن مرات ترد وحده غيرها الظاهر بنفس المكتب أو شي بس بالعادة اهيا اللي ترد واصبر لا تستسلم لو اضطريت تتصل أكثر من مرة لأن مرات ما ترد أنا حظي أوفر لمن أتصل بنص اليوم لا الصبح وقريب على الظهر يعني 10 او 9:30 مثلا احس تحصلها أسهل المهم قولها أنا يديد ما عندي ملف من قبل عندكم وحابب أشوف إذا في مجال آخذ جلسات عند الدكتور جاسم الخواجة وشوف شنو تقولك وعسى أتمنى يااااا رب ما يكون في أي أشكال وأصر عليه... والمواعيد بتكون مثل ما قلت قبل إما (الأحد العصر بين 4 لـ 8) أو (الثلاثاء الصبح بس متأخر يعني 8 ولا 9 الصبح مثلاً يكون لا 11 أو 12 بالعادة) إذا قالت لك مافي مجال عند الخواجة إسألها منو غيره عنده جلسات علاج معرفي (أغلبهم هناك زينين...بس الخواجة أفضل) أو كآخر بديل أنصح الأستاذة بشائر الزواوي بس اهيا بقسم ثاني لازم يحولونك للمسؤولة عن مواعيدها بس اهيا مو بالضبط علاج معرفي بروحه اهيا تدخل فيه شي اسمه علاج واقعي بعد وتنويم إيحائي مرات عندها كنت عندها بالاول لسنتين اعتقد عطت كل اللي تقدر عليه بعدين قالت ما تقدر تستمر بحالتي وحولتني لرئيسها اللي اهوه الخواجة بس عسى من أولها يعطونك الأوكي على الخواجة...انشالله يااا رب بالنسبة لعنوانهم أسهل طريقة لشرح مكانهم اهوه انهم ورا سوق الخام بالضبط بالديرة بظهر بعض اهما (سوق الخام والمكتب) وقبال متحف التراث اهوه المكتب عبارة عن مبنى طويل اعتقد 7 ادوار!؟ واهوه الخواجة بقسم العلاج الادراكي بالدور الثاني... اممم هذه أسهل طريقة اعرفها عشان اشرح مكانهم... لو أعرف انت بتدش الديرة من أي صوب الشرح يكون أسهل انا اروح للديرة من طريق الفحاحييل واروح صوب الدوار بالديرة المعروف اللي في مسجد بنصه (عرفته!؟) إذا كنت داش هالدوار من ناحية على اساس انك ياي من طريق الفحاحيل راح تاخذ يمين علطول في مبنى على يمينك علطول طويل (تحت عنده اللي اهوه مطبعة الحافظ بالاصفر) طوفه وبعدها بتشوف دخله لمصافط بسرداب طوفه وبعدها دخله لمصافط بره دش الدخله هذه على اليمين والمبنى لمكتب الانماء قباله علطول وإذا موعدك صار الصبح انسى المصافط اللي بره واصفط بالسرداب علطول لأنه مواقفهم الصبح بره مستحيلة أصنصير السرداب بيطلعك لداخل سوق الخام من ورا اطلع منه وامش للمبنى اللي وراه (المكتب) والدخله للمبنى وقتها بتكون على اليسار على جنب المبنى واذا ياي للدوار اللي المسجد بنصه من طريق المغرب دش الدوار وامش سيدا وبعدها نفس الخطوات الباجيه عسى تكون وضحت الامور وشرحي ما كان معقد وايي اهما مال الحكومة ببلاش راح يستقبلك ولا لأ ما أضمن لك لازم تسأل مثل ما قلت لمن تدق بالخطوات اللي قلتها لك... مبدئيا احس كمجرد احساس انك لك فرصة يستقبلك ومو رفض من أولها...يمكن تسألك عن حالتك شنو باختصار عشان تعرف يصلحك الخواجة ولا لأ بالنسبة لجلساته اسبوعية ولا اشلون؟؟ اهوه بيقولك لمن تشوفه بأول موعد فلا تحاتي ويعتمد أولاً وأخيراً على تقييمه لحالتك شنو تحتاج.... أنا أول ما رحلته كانت المسألة أسبوعية أحس كلامي غير مبسط بس والله حاولت ابسط وأسهل الشرح قدر الامكان واسأل اذا مو فاهم شي لا بتثقل ولا شيء عادي |
عزالله ماقصرتي ووضحت الصوره لي وشرحج واضح وسجلت كل شي بورقه عندي 00 مااقول غير رحم الله والديج وبعطيج العافيه 00 راح اتصل باجر واشوف وانا وحظي يستقبلني ولا لا 00 مشكوره ماقصرتي
والمسجد اللي بنص الدوار ادله اعتقد يمه برج التحرير اذا اهو بفر اهناك واسال عن المركز ومشكوره ماقصرتي جزاج الله الف خير 00 والله يتمم عليج الشفاء التام الي بأذن الله ماعاد تتاجين لآي دكتور او دوا علي مجهودج وتعبج معانا مشكوره |
لا لا ما أظن برج التحرير بمكان وهذا الدوار بمكان انت بتروح مكان ثاني
|
تعرف المبنى اللي هناك التابع لوزارة الداخلية؟؟
|
والله ماادري ترا داخل الديره ماادل عدل هناك بس بسأل المركز اذا ردو علي عن مكانهم وراح يدلوني 00
|
شوف إذا تعرف وين وزارة الاعلام قديما او غرفة التجارة او وزارة الداخلية هناك اقدر ادلك على المكان من خلالهم...لو عرفت بس واحد منهم
أو لو انك ياي من طريق الفحاحيل اقدر اقولك خطوة خطوة اشلون توصلهم غير جذي هههه والله مادري لأن الديرة ما أعرف لها عدل همن يا دوب الصواير ومستشفى الاميري ومجمع بهبهاني والأماكن اللي ذكرتها الثانية اهني غيره انسى أو تقدر تسألهم...كيفك |
انا اذا بطلع لديره بطلع علي الدائري الخامس وزارة الأعلام جني ادلها قريبه من وزارة البلديه اذا اهي ادلها وغرفة التجاره الي قبلها محلات خام رجاليه اذا مو غلطان 00 اذا صح واذا لا لاتعورين راسج رقمهم عندي اكيييد راح ادل منهم عدل 00 والله النفسيه دودهتنا ماعاد الواحد يركز ويتذكر عدل الله المستعان
|
شوف هذا آخر ما عندي من شرح للعنوان لأن ما راح أعرف اقول اكثر منه صراحة
وزارة الاعلام قديما وغرفة التجارة يم بعض تشوفهم بنفس الوقت في اشارة اذا وقفت عليها تكون وزارة الاعلام على يمينك بالضبط وغرفة التجارة لمن تطالع جدام وانت واقف على الاشارة تكون على اليمين لجدام إذا عرفت هالاشارة مجرد روحلها وكمل سيدا فيها وراح تشوف بويهك الدوار اللي بنصه المسجد هذا الدوار اللي اقصده واخذ يمين من عنده وشوف باقي شرح العنوان بعد ما تاخذ يمين عند الدوار قلته بالموضوع فوق بس هذا العنوان... مادام تعرف وزارة الاعلام وغرفة التجارة اتوقع راح تعرف اي اشارة اقصدها والخام اللي تتكلم عنه قبل غرفة التجارة اهوه سوق الخام اللي اتكلم عنه المكتب الانماء بظهره بالضبط بشر عرفت المكان؟ |
شكلك طلعت واكلم نفسي مو مشكلة هههه
تصبح على خير...اهوه صبح بس بالنسبة لي ليلي |
هلا اختي
انا اسف ترا طلعت الصبح عشان انام علي اساس اصحا مبجر ماصحيت الا 5 المغرب يعني المشكله مو في المكان راح ادله ان شاء الله بس المشكله الساعه 9 و10 الصبح انا اكون نايم 00 بحاول اتصل واشوف وراح ابلغج شنو راح يصير معاي والله كريم 0 بس دعواتكم لي |
ان شاء الله نسمع منك أخبار تفرح انطر أشوف شنو يصير وياك
وآسفة على الرد المتأخر أخوي بس من أمس لليوم للحين واحنا داخلين على يوم ثالت بعد ضغط دمي مرتفع وأحس راسي بيصير فيها انفجار وخف شوي (احساس يروح ويرد) ورحت المستوصف ممنوعه عن كل شي يرفع الضغط لأن آخر ثلاث مرات ارتفاااع وطبعاً تعب وارهاق حتى لو نايمه ولا مو نايمه الاحساس واحد وعلى اعصابي ومشدودة وغثيان ودوخة شوي بس حاليا متركز احساس اللوعة بقوة اخاف اروح انام ولا اتحرك ولا ركض للحمام تكرم من احساس الغثيان هذا ببلعومي واصل الاحساس ماسكة روحي :( :( :( وانا عارفه سبب كل هالبلوه غالبا سببه شنو بس خل باجر يعدي على خير بس خل باجر يعدي على خير يااااا رب أوكي شكلي راكضه على الحمام تكرم بس حبيت اعبر على ردك ما احسسك اني متجاهلة الموضوع موفق ركض.... |
سلامتج اختي
اول مره من 7 سنين اشوف احد يشكي من نفس حالتي 00 اقسم بالله امس حاط راسي علي المخده واحس برجع وماسك نفسي ومثبت راسي لان ادري اذا تحركت راح ارجع والله هاذا اللي مخليني مااهد الادويه ومتمسك فيها00 بس لاتخافين مو بس انتي تمرين بهاي الحاله انا مثلج 00 بس ريحي بالج واذا رجعتي كذا مره باليوم روحي الطبيب علي طول يعطونج مغذي بالوريد ترا حيل يريح ويوخر التعب |
عودة بعد ما ما خليت شيء استفرغته احس مصاريني كلها طلعت وجسمي للحين يبي يستفرغ على شنو مادري ما بقى شيء والله اني تعبانه واحس النوم مافي مجال له وكل ساع بركض تكرم للحمام استفرغ احس منهاره عسى بس باجر احسن والله انه الدمعه على عيني ودمعتي وين أو وين تنزل
رديت بس لأن حبيت اقول اسفه طولت بالكلام عن روحي بشي يكدر والموضوع لمساعدتك مو عشان اتكلم عن عمري اعذرني والله تعبانه وباجر مابي اي شي من هالتعب يبين علي ولا كأن صار شي... عندي موعد باجر ولو اقول شنو اللي مسبب كل هاللويه والله يمكن ألقى من يضحك علي والله أعلم... المهم آسفة أخوي عالازعاج |
توني اشوف ردك اخوي... انا عندي ادوية للترجيع وللمعدة لأن معدتي حساسة (عندي التهاب مزمن فيها) بس احس كأني مو ماخذه ولا دوا مع انه عادة غالبا لو ماخذتها خلاص انا بخير وكليت مثل العصفوره اليوم و ولا شي منها ممكن يسبب حساسية لمعدتي
|
افا عليج لا ازعاج ولا شي احنا كلنا اخوان اهنية بس ليش الترجيع انتي تاركه الدوا توج ولا من زمان عسا ماشر ؟
|
اقتباس:
|
نفسيه اخوي نفسيه وانا عارفه السبب شنو كله من شي له علاقه بباجر...
الزبده أخوي انا متعرضه لكذا تحرش جنسي واولها وأكثر وحده اثرت فيني كان بمواقف ادوار بالديره ظلمه من زماااان بمجمع بهبهاني هناك فحرمت أدش أي سراديب اقصد بالذات اللي يكونون بالديره مثل مال مكتب الانماء او مجمع مثنى مثلا لو تبيني اموت دخلني سرداب مجمع مثنى فأنا مرة وحده قبل حاطه عند د.جاسم موعد صباحي وصارت اشكال بسبب مابي ادخل السرداب وتأخرت يمكن نص ساعه على الموعد وكل ابي اصفط بأماكن ممنوعه ادبر أي شي إلااااا السرداب وكذا مره يرد يزفني الشرطي ويومها وأرد اوقف بمكان ممنوع أخر شي وقفت مكان بعيد ماله علاقه بالمكتب ومشيت للمكتب لأنه مواقفهم صعبه الصبح لااااازم السرداب وباجر قلت لازم احل هالموضوع وبدخل هالسرداب موعدي صباحي وكل هالتعب بس بسبب هالسرداب اللعين انا صراحه ما كنت متخيله ابداااااااااااااااااااااااا توصل فيني الأمور للحاله اللي انا فيها إلحين بسبب هالسرداب توقعت بس يعني شوي خوف وتوتر وبس...لكن بهالشكل أبدا ما توقعت ولمتى بنحاش من السراديب!!! انا بس اصفط بسراديب المجمعات المعروفة اللي فيها ناس وزحمه مثل مال 360 او افينوز ولا مارينا مول هذيله غير بس سراديب الديره غيرررررررررر الله لا يراويك احسهم قصه ثانيه لو تبي تضحك ولا تتفاجأ ولا أي شي لأن الموضوع غريب وبنظر غيري ادري ما يستاهل كل هذا....تفضل عادي ما تفرق عندي بهاللحظه وسامحني على صراحتي بس في ناس يستغربون والله أعلم انت من أي نوع!!؟ |
اقتباس:
أقدر ادبر نفسي وفكرت اكنسل الموعد بس والله ماني مكنسلته لمتى هالخرعه إلا لو الدكتور نفسه اعتذر غير جذي انا رايحه رايحه بكل الحالات سواء تعدلت عالصبح ولا ما تعدلت |
اقسم بالله مال ذبح اللي يتحرشون بالبنات والي تحرشو فيج وخلوج بهالحاله عساها يلقونها عند ربي وبدنيا قبل الاخره يارب
لا مااضحك عليج ومحشومه والله وامشي وراسج مرفوع 00 وشفتي نوعيت هالشباب ترا جبناء المفروض انج تصرخين وتصيحين بعلا صوتج تشوفينهم مثل الجلاب وانتي بكرامه تركض منحاشه 00 الله يعينج وسهلات اذا خايفه حيل اخذي واحد من اخوانج معاج ترا راح تحسين بطمئنينه شوي 00 انا محد يدري اني مريض نفسي الا اخوي الصغير واذا تعبت اهو يوديني الطبيب ويجيبني 00 فالاتخافين |
ههه حتى الماي مافي تقبل ابي استفرغ ومو باقي شي اصلا بس اشرق
المهم آسفة أخوي اعتذر أعتذر على هالمسائل تصبح على خير قبل تحس بالترجيع بعد من النت وانشالله باجر بيكون يوم انجاز وتحدي و ولا شي غيره ادعي يعني... بحاول اريح شوي اطلع اسلحتي استرخاء ولا تنفس عميق أي شي!!! وعلاج معرفي احس مطبقته فمادري شنو القصه ليس هالبلاوي صايره مادري شنو قاعده اغلط من كم يوم اشحلاتي وحسيت متحسنه وووو شقول.... |
اقتباس:
وبعدين لو خذيت احد معاي شالفايده ما اكون سويت شي ما راح اتغلب على شي لأن أحد معاي... لازم بروحي الموضوع يصير أوكي اكرر تصبح على خير وانا بحاول أريح بشي طريقه |
انتي اسرخي الحين بس وحلو تعرفين التنفس العميق طبقيه وهدي اعاصبج ان شاء الله ماكو الا كل خير 00 والصبح وانتي رايحه مشوارج اي مصفط قريب من المكان اللي تبينه صفطي السياره فيه مو شرط دشين السرداب وانا احس بأذن الله راح تلقين مصفط ومراح تتدشين سرداب السيارات 00 انا مضطر اطلع الحين عشان انام 00 تعرفين اكل زانكس نومي ماشاء الله 10 ساعات ماتكفيني الحمدلله علي كل حال 00 وانتي بعد لاتعورين راسج بالنت وريحي بالج 00 وبأذن الله ماكو الا كل خير
|
اقتباس:
ماعليه الله وياج قبلهم وبعدهم وهو الحافظ اتكلي علي الله وفالج طيب ( : |
بنظري نجحت نسبياً عمليات السرداب الصعبة ههههه....<<< اممم رجعت قرأت هالجملة وحسيت روحي اتكلم عن عملية جراحية طويلة بالساعات نتيجتها حياة او موت
لكن بتتكرر!! بنفسي اقول اوتوماتيكيا بتكرر "للأسف" بس مفروض اقول بتكرر "للأفضل" بعد اسبوعين واكيد هالاسبوعين بيمرون بسرعة دايما لمن الواحد يبي شي يمر ببطء يحسه يمر بسرعه والعكس... الدكتور اعلن الغير متوقع (ما خطرت ع بالي لا بعيد ولا من قريب ما صدقت افتكيت من اليوم ولا مفاجاة) وهو انه مو راضي على الكم موعد الليايين يكونون العصر عشان غصب لازم ادش السرداب والله ما اقتنعت حسبالي يتغشمر ولا يقولي لا من صجي واعيد واكرر انت جد تتكلم ولا تتغشمر من صجك!؟؟؟ على قولته لازم يصير الموضوع بالاجبار..........لا تعليق قال بالاول الاربع مرات الليايه بعدين قال لا نخليهم مرتين والله اعلم الرقم هذا يتغير ولا اشلون وعلى اساس ناطرة اتوظف فمافي اعذار..قلت واذا قلت توظفت مثلا...قالي اتيبين الاثبات على انج جد توظفتي!! احس رديت ثانوية او شي مع نظام متشدد وبطاقات لكل طالبة تثبت علينا فرااااغ ولا حصة ههه المكان خرعني دبلات فوق اللي كنت متوقعته وكل اللي وصفته يقولي تتهيئين من خرعتج حتى من الخرعه صفط سيارتي وبسرعه طلعت بره للمكتب من دري كل رياييل (على اعصابي وايديني معرقه ونفس اتنفس مافي...إلخ) حتى ما ثبت وين سيارتي حطيتها قلتله قالي قلعتج.......ايي والله قلعتي ومن الخرعه سويت شي من الصوت اللي سمعته اعتقد زاد مشكلة الكراسي بسيارتي اللي ابوي يقولي نظري على ما ياخذها...لو سألني اشلون زادت بسوي روحي هبله حتى بغيت بطلعه المواقف مثل الجبل الصغير شوي لفوق وسيارتي واطيه بغيت اطقها بالارض بعد من جدام عندها عادة تلمس الارض مرات اهم شي الحمد لله تعدلت اموري والمعدة وووو رجعت طبيعية نسبيا انشاالله بس لا تتعفس مع كل روحه لاااااا في شي انا قاعده اطبقه غلط او مو كفايه المهم اختم...بـ قلعتــــــي انت أخوي المهم شنو صار وياك دقيت ولا ما دقيت؟ رفضوا ولا قبلوا؟ شنو وضعك؟ الموضوع أولا وأخيراً لك مو لي وانا حضراتي اسولف كأني بالعه راديو مسويه استيلاء ع موضوعك المهم انت إلحين شنو صار معاك ...هم موضوعك مهم |
الحمدلله انج تغلبتي علي عقدت السرداب لو شوي
وعن المركز والله مااتصلت والله تعبان حدي هالفتره من الادويه احس قاعد احتضر من الألم الدكتور غيرلي العلاج قبل شهر وانتكست حالتي الحين بضبط الادويه وبعدين اشوف المركز واتمنا اخذ موعد عندهم 00 ونسيت شي هم اللي مخليني مااتصل انا انام الصبح وما اصحا الا العصر 00 انا في دوامه والله |
جرب تتصل يوم احد بين 5 إلى 8 يمكن تقدر تحط موعد بهالوقت بالتلفون اتوقع هالوقت اسهل بس ولا مرة جربت ادق بهالوقت لموعد عادة هالوقت اكون هناك واسويه بنفسي بعد الموعد عند الباحث المتواجد
جرب يمكن يسمحونلك...هذا يوم مواعيد الدكتور العصر فملف مواعيده تكون موجودة عند الباحثين بس عاد اي رقم داخلي للوقت هذا مادري اعتقد 230 او 225 الاثنين يوصلون لقسم العلاج الادراكي اللي موجود فيه الدكتور اقتراح هالوقت اسهل والله اعلم ينفع ولا لأ |
بحاول اتصل يوم الاحد بس يارب ماانسا وتكون حالتي زينه 00 الله كريم
|
أخوي طمني شنو صار وياك ما سمعنا منك من فترة؟
|
ممنوع وضع أي رقم هاتف
|
آسفة أخي الشاكر لم أكن أعلم أن الأرقام العامة ممنوعة اعتقدت فقط أرقام الهواتف الشخصية والنقالة ممنوعة
لن تتكرر ثانية |
عادي أختي الكريمة
شو أخبارك صار لك فترة مو مبينة |
والله أخي الشاكر أنا وصلت نقطة ومستوى بالحضيض تماماً بمعنى الكلمة نوع من حضيض لم أصل إلى درجته منذ اكثر من سنة نوع من الحضيض الذي وصلت له أيام التنويم بالمستشفى وفقدان كل سيطرتي والتعب الحاد ولكن الفرق أنا لست بمستشفى وممنوعة عن الأدوية من قبل والدي
تعبانه بشكل لا أعرف كيف أصفه نفسياً وجسدياً حالياً ضغط دمي دائما عادة 150 على 95 واليوم على 100 بازدياد وانا فقط 23 سنة ومعدتي تتعبني أيام استغرغ إلى ان لا يبقى ما يمكنني استفراغه بعد حتى الماء وبلع دواء لتهدئة معدتي غير ممكن وحساسة ومنفعلة وعلى اعصابي دائما وهرموناتي بها مشاكل وعلاقاتي كلها خسرتها او مهزوزة يعني باختصار بلا "مزيد" من التفاصيل اخباري أراها زفت في زفت ووصلت لانهيار من بضع ايام قليلة وفعلت شيء أحمق أكبر من الأمور التي افعلها اساسا بشكل يوم ولم تركها بعد والغريب هذا يحدث بعد ما ظننت اني بتحسن كبيييييير واقتربت على التخلص من هذا الوضع وكنت بمزاج عالي وجميل والحياة رأيتها جميلة ولكن حالي انقلب 360 درجة دكتوري النفسي يعتقد انه يتعلق كله بموضوع واحد اساسي هو جذور المشكلة علي تخطيه ولكن هو أمر كم هو صعب تخطيه ومواجهته وافضل الهروب بأسرع ما عندي ولا أواجه الأمر الذي مسبب لي كل هذه الأزمة وها انا مرة أخرى استولي على موضوع الأخ والتكلم بمكان ليس مكاني ولا موضوعي ولكن احترت اين اجيب عليك |
أختي الحجامة لازم تسوينها في اقرب وقت نصيحه من اخ لاخته ... سوي حجامة علاج الضغط ممكن يسويها لج الحجام كل اسبوعين او كل شهر لين يثبت الضغط و عقب خلاص يكفي تسوينها كل 5 شهور او اربع .. و بعدها خبرينا شو صار معاج انا متاكد انه و انتي في قمة التوتر ماراح الضغط يعدي 140 على 85 ور اح تشوفين ان شاءالله هالشي
|
اقتباس:
اختي لدي امل هاذا مو موضوعي انا بس الصفحه هاذي للجميع واحنا كلنا واحد 00 يعني الصفحه هاذي لج ولي وللجميع 00 انا صارلي فتره تعبان من الادويه الجديده وتلخبط 00 وعلي حطة ايدج ماسويت شي بس نايم واذا صحيت دايخ ومااقدر اتحرك 0 لدي امل ليش انتكسة حالتج كنتي تمام وبخير عسا ماشر ؟ حاولي تصيطيرين علي نفسج وماتسوين شي يضرج 00 |
لي عودة أخوي
وسؤالك عن ليش انتكست احسه سؤال قاتل ودي أهرب بس مو منك وسؤالك هههه لا بس من هالوضع مادري اشلون بتمالك نفسي أو عارفه بس......مادري احس بالموضوع تعقيد ولا انا معتقدتها ....اليوم ردك ورد أخت ثانية في موضوع ثاني اثنينتكم يايين أحسكم على وتر حساس... المهم برجع قريب وأرد عليك تعليق على كلامك عن وضعك الحالي وسؤالك مزاجي رايق (غريبة!!؟) فبخليه رايق الحين وبطلع المستوصف اشوف سالفه هالضغط مرة ثانية شنو وضعه اليوم عاد انا مثل ما قلت احس الحالة النفسية حلوة اليوم فلو طلع الضغط عالي والله بنقهر وبحتار من هالضغط ومابي ادويتها اللي قالولولي خلاص يا معوده لازم تاخذينها....احس داشه حرب اهوه صج حرب وبشوف شي ثاني طبي الظاهر كل شوي بيطلعلي شي فسيولوجي راجعه |
| الساعة الآن 10:02 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا