|
مهم للغايه
اخواني واخواتي اعضاء نفساني
منو فيكم عائلته تدري انه مريض نفسي ومنو فيكم اهله مايدرون عن حالته وشنو الاحسن بالوضعين ؟ انا عن نفسي مريض نفسي واستخدم الادويه من 7 سنين ولا احد يدري من اهلي عن الموضوع 0 بالبدايه كنت سعيد بالهوضع لاكن اخر فتره اتمنا من كل قلبي يعرفون عن الموضوع 0 اكيد كلكم تعرفون الادويه النفسيه واثارها الجانبيه مثل النوم والخمول وعدم التركيز 0 اكييييد عارفين ومجربين 0 وانا اعاني من هاذي الاعراض واسمع انتقادات من الاهل ليش نايم لي المغرب او ليش مو مداوم اليوم وانا اكون تعبان ومنهار بس مااقدر اتكلم واعبر طبعا مواضيع واشياء طويله عريضه لو اذكرها يبيلها صفحات 0 الحين ابي رايكم 00 تعتقدون جا الوقت اللي اشرح للأهل عن مرضي النفسي 00 ولا اسكت واظل مخبي عليهم 00 وشنو راح يكون موقفهم لو درو راح يساعدوني وارتاح من السر الثقيل الي علي صدري ولا راح تزيد مشاكلي وتتعقد الامور اكثر من الاول 00 شنو رايكم ؟ وانتم احد يدري عن مرضكم ؟ |
يكون الي يكون
معرفة الاهل هي نص العلاج صراحة والمرض مو عيب ابد انا عن نفسي صريحة لكن بحدود المعقول وبس اهلك هم اقرب الناس لك اذا ما فح قلبك لهم اجل لمين تفتحه ؟؟؟ |
اخي حززين 777 استعذ بالله من الشيطان الرجيم ولا تبلغ احد . حاول ان توصف الحاله لشخص يكون يقدرك ويسمع منك شكواك وتحس انه يخفف عنك وتبدأ تقوله وش تحس فيه وحده بوحده يعني مثلا جاك خمول قوله انا جاني خمول علشان يهدي فيك واذا جاك مثلا نغزات في الصدر تقوله وهكذا ولكن لاتقول لاحد انك مريض لان مافيك الا العافيه ووسواس من نفسك والشيطان فلا تجعله مرضا . واعرف ان الحكمه هي في قراءه سورة الفلق والناس فالله عز وجل قال : قل اعوذ برب الفلق (1) من شر ماخلق .. الخ طلب الاستعاذه من برب الفلق مره واحده لان ضررها من الشياطين والسحره واكثرها انتشارا يكون في اوقات الليل . وذكر الله عز وجل : قل اعوذ برب الناس (1) ملك الناس (2) اله الناس .... الخ طلب الاستعاذه من برب الناس وملك الناس واله الناس ثلاث مرات في سورة الناس لان وقع الوسوسه والنفس اشد وقعا من ضرر السحره والمشعوذين وتكون في جميع الاوقات . فحاول ان تقرأ السورتين في اليوم من 6 الى 12 مره يوميا وبأذن الله تعالى يتحسن وضعك . |
اقتباس:
شكرا علي ردج اختي حنين والله اتمنا من كل قلبي يعرفون اهلي عن الموضوع 0 بس مو كل الاهل يعني الوالد والوالده علي الاقل 00 بس فيه خوف ينتشر الخبر وكل الاقراب يعرفون راح تكون صدمه هاذا اللي مخوفني انتي حنين اهلك يدرون عن مرضك وشلون الوضع معاج مرتاحه ولا فيه احراج ؟ |
اقتباس:
ونعم بالله اخوي والله لولا خوفي من الله واملي الكبير في الفرج لكنت بحاله الله يعلم فيها 0 بس الحمد لله علي كل حال 0 ونصيحتك اني مااخبر غير اللي يقدر انا علمت صاحبي قبل شهر بس للأسف ماشفته ولا عاد يتصل علي نفس زمان يمكن ضروف او شي بس هاذا اللي حصل يعني انا الحين من غير اصدقاء 00 وانا حبيت يدرون الاهل عني لان تعبت من تسالاتهم عن نومي المتكرر وكسلي 0 وطلباتهم لي لأمور انا مقدر عليها مثل يبون اسفرهم وو وانا علي الله وعلي الحبوب مااقدر اسوي شي بصراحه 00 انا بحاجه احد يهتم فيني ويواسيني |
اقتباس:
يعني ماراح اقول بالضبط سوي مثل ما انا اسوي اذا لك اخو عضيد صديق في وق الشدايد قوله او صديق مقرب او قريب غالي او الاب او الام او كلاهما لكن لا انصح بالوالدين لانهم يحزنون مره وينغثون بس قولهم شئ بسيط عشان يعذرونك يعني لازم تبوح وفضفض ولو في جلسات سلوكية انا مررت بخليط من الامراض وترجح في الاخير انه عارض روحي اثر على النفسية يعني اهلي عرفوا كل شئ اسرتي بس وسويت جلسات سلوكية مع الدكتور يعني حكيت وبعدها انفرطت بالبكاء لكني بالاخير لجاءت للقران والاستغفار وارتحت الحمدلله واي سؤال انا تحت امرك . |
اقتباس:
والله ماني عارف يااختي شنو اقول لج بس انا اغلا اثنين واهم اثنين علي قلبي امي وابوي ودي اهم اللي يعرفون عن وضعي وهم اكثر اثنين ملاحضين علي ويسألوني حتا اذا تعبت محد يلاحض الا هم عشان جذيه ودي اعلمهم اما اخواني محد قريب من عمري جميعهم ماشاء الله متزوجين وعندهم عائلتهم وهموهم يعني انا اخر همهم 0 وعلي فكره انا اخذ علاج سلوكي وياما فضفضت وبكيت ارتاح بوقتها بس وبعد فتره يرجع الوضع الي ماهو عليه والله ماني عارف شنو اخرتها |
طيب قول لبوك وامك حرام اكيد هم مسغربين صرفاتك اجل من البر انهم يعرفون بس قولي من متى وان تعاني ؟؟؟
|
من سنة 98
وانا اعاني وكنت صغير في السن وكل اهلي كانو يعرفون عن الوضع بس كنت واهلي نتقوع اللي فيني عين او مس ودوني كذا شيخ يقرا علي بس ماتحسنت 0 واستقر الوضع بعدها 3 سنوات لاكن بعدها جاني هلع ورهاب وتوتر وعرفت في سنة 2004 ان اللي فيني مرض نفسي ومن وقتها اتعالج من غير علم الاهل ومن 2009 وانا حالتي كسيفه والادويه مو مثل قبل وكله نايم وكسلان |
تصدقون انا قبليه وقبيلتي كلها نساء ورجال يعرفون وكل مارحت مناسبه سلامات اش جاك وهاتي وانا بكل فخر اقول مثل مايتعب الجسد الروح تتعب حنا الحمد الله بكامل قوانا العقليه لكن حنا ناس حساسين شوي
|
انا لو كنت محلك لاا لانو اهلي ماراح يفهمون اصلا بس يمكن الخليجين اكثر شي متفهمين المرض النفسي شوف انت لو اهلك من النوع اللي راه يساعدك ابشر و قلهم و لو انو اهلك راح بتعبوك اكثر احسن تسكت و تشكو لرب العالمين الله يشفيك
|
اقتباس:
هلا بنت العجمي شكرا علي الرد المشجع والشجاع بنفس الوقت |
اقتباس:
هلا اختي ميراك والله الامور متلخبطه عندي احس الوضع مايشجع الواحد يقول الي فيه والله اعلم |
أنا رأيى يا أخى أن تخبر والديك بما تمر به ....
وصدقنى وضعك بعدها سيكون أفضل بكثير وعن تجربتى الشخصية أتكلم معك ... وأندم على عمرى اللى ضاع فى قلق ومعاناة ... وحدى بدون مساندة منهم ...ووقت ما حصلت على هذه المساندة تحسنت أحوالى كثيرًا ...توكل على الله أخى وأخبرهم بما تمر به .... |
انا شاب اخوي
|
اقتباس:
مشاء الله والله اني احسد الي اهلهم يعرفون عن وضعهم النفسي يااخي 00 بس يعجز لساني عن البوح علي كثر ماني بحاجه اني اخبرهم الحقيقه علي كثر الخوف والخجل من معرفتهم بمشكلتي 00 عندي كذا مشكله تمنعني من قول مشكلتي لهم اول شي والداي كبار بالسن وثاني شي انا مو صغير بالسن اللي بعمري عندهم ولد واثنين 00 والله اني بحيره |
السلام عليكم ورحمة الله وبركاته
انا بالنسبه لي اهلي يعرفون بس اهل البيت وبس الوالد والوالده واخوي الكبير واختي يعرفون اني اخذ ادويه بس اخواني الاثنين اللي اصغر مني يعرفون انه فيني عله لووول انا اشوف انك تقولهم مافي داعي تخشه عنهم انا احس جزء من العلاج هو شعورك بالاهتمام تدري انا كل ما حسيت انهم انشغلوا عني تنتكس حالتي مره ثانيه |
في البداية ... ارجو اخي ان يشفيك الله ويصرف عنك السوء .... انا رايي الشخصي أن تخبر أحدا مقربا جدا من اهلك اليك .. مثلا .... اخوك ... اختك ... وفضفض لهم .... لأن مجرد اخفاءك المرض .. هو مرض بحد ذاته ... لكن يجب ان تختار الشخص والوقت المناسب لتكلمه عن مرضك .. والمرض ليس عيبا هو ابتلاء من الله سبحانه وتعالى .... نحن عندما نمرض جسديا السنا نذهب إلى الطبيب ... والصديق المخلص الوفي هو الطبيب والمعين على المرض النفسي .... انا كنت في البداية عندما اصبت بهذا المرض لم اخبر احدا من اهلي وكنت متكتمة حتى لا احملهم همي ... لكني عجزت عن اخفاء المرض فاخبرتهم ... والكل وقفوا بجنبي وساعدوني .. وفعلا تماثلت للشفاء بفضل الله ثم بفضل الذين من حولي ... جزاهم الله عنا كل الخير .... صارح احدا مقربا منك يفهمك .. انت طبعا تعرف من الانسان المقرب منك ... واعط لنفسك فرصة ان تخرج ما بداخلك .. ان تخرج المرض وتنتزعه .. ولا يكون هذا الا بالكلام عنه .... انت تحبس المرض بداخلك الان فسيزيد ويتتطور وفي تلك الحالة لن تستطيع احدا من الذين حولك يستطيع مساعدتك لان الأوان يكون قد فات ... في الاخير ادعو لكل مصاب بهذه الامراض ان يشفيه الله سبحانه وتعالى شفاء لا يغادر سقما .... |
شكرا اخواتي علي الردود وجزاكم الله خير علي الدعاء
|
اخي حزين انامن رائي انك تخبراي احد تثق فيه
الا والديك لانك مثل ماقلت كبارفي السن ومارح يتحملو هذا الخبر واكيد راح يهتموعليك اكثر انا عن نفسي مستحيل اخبر احد كل ماحسيت اني محتاجه اشكي لاحد فرشت سجادتي وشكيت لربي وانصحك بكثر الاستغفاروالدعاء وراح تشفى باذن الله |
اختي خادمة الرسول هل فعلن شفيتي من المرض 00 يعني كنتي تستخدمين الادويه والان لا 0 اتمنا اجابتك
فا والله يئسة ان اترك الدواء واعتقد ساتناوله طول عمري وانا لا اتمنا هاذا |
عاادي جدا
كل الناس تدري هههه ولاهموووووني |
عااادي مافيها شيئ أنا مريضه نفسيا وكل أهلي يدرون حتى أنا شاكه إن خالاتي عارفين بالموضوع بس عادي ماهموني وأحسن شيئ إن أهلي مايعتبروني مريضه والحمدلله اخوي وأبوي يشترون لي الأدويه عااااادي هذا مرض من الله مو جريمه خبرهم عاااادي وإنشاءالله مايصير شيئ
|
| الساعة الآن 12:52 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا