|
فيني خوف شديد الان ساعدوني...
بعد السلام عاجــــــــــــــــــــــل ياناس خوف غير طبيعي احس واحد ماسك قلبي يضغط عليه وفيه فكره سوداء تدور في راسي الان احس نهاية الحياة .. تكفون وقفو معي لا تخلون اخوكم اخوكم في ازمه ادعولي يارب ضاقت علي الدنيا بما رحبت ولا لي احد الا انت يا الرحم الراحمين...... |
قبل كل شئ اخوي ممكن تروح الان تتوضى وبعدها ارجع وقول حالتك
وردد لا اله الا الله وحدة لا شريك له له الملك وله الحمد يحي ويميت وهو على كل شئ قدير 100 مره ولما تروق وتهداء نبي منك بيتين شعر من كتاباتك شرايك ؟؟ وانا بعد بعطيك بيتين لو تبي من كتاباتي .. |
اخي قلم حبر
هل تستخدم دواء ؟ هل تحضر جلسات سلوكية مع اخصائي ؟ هل على الاقل تسنخدم عشبة حشيشة القلب ؟ ارجو منك الاجابة |
قلم حبر الله يرفع عنك كل شر اتعوذ من الشيطان مافيك الا العافيه كل هذا وسواس
|
والله اني اشوف ردودكم ودمعي علي خدي
|
استعيذ بالله وتوظأ
وصل ركعتين |
اقتباس:
جربت اخوي يقراك شيخ متمرس اي راقي فاهم ؟؟؟ والشئ الثاني تعتقد انك انت يبي ربي يساويك بشخص طيب متعافي لا والله وتأمل عليك الاجر,,, اما علمت ان اهل الجنه ينظرون لاهل البلاء في الدنيا وماهم فيه من نعيم فيقولون ياليت لنا مثلهم ولو ان جلودنا قرضت بالمقاريض .... ختاماً اذكرك ونفسي بقوله عزوجل((ولنبلونكم بشيء من الخوف و الجوع ونقص من الاموال والانفس والثمرات* وبشر الصابرين الذين اذا اصابتهم مصيبه قالو ان لله وان اليه راجعون*اولئك عليهم صلوات من ربهم ورحمه )) انها البشارة البشاره البشاره بالرحمه من منا لايريد رحمة الله!!!!!! واوصيك ونفسي بكثره الاستغفار ,,, وثقه بالله والحاح بالدعاء وانتظر الفرج الذي سيكون وباحسن مماتريد.. واوصيك ونفسي بالصدقة |
الله يجزاكم كل خير
انا الان محتاج ان اتراسل معكم عشان يخف الخوف مني ...الحمد لله صلت ودعيت ربي ورقيت علي نفسي...بس مازال الخوف يتمكن مني |
اقتباس:
http://www.4shared.com/audio/xrJxuc3E/_______.html |
اقتباس:
جزاك الله كل خير وفرج الله كربتك والله اني بكيت حتي حمرت عيوني |
اخوي بكيت من سماع الرقية ؟؟؟؟؟
|
اللهم اني اسالك بأسمك الاعظم الذي اذا سألت به اعطيت واذا دعيت به اجبت
ان تشفي اخانا قلم حبر الان الان الان في قولة كن فيكون تشفيه شفاء لا يغاد سقما واللهم صلي على محمد وآل محمد الطيبين الطاهرين اخي ادعي ربك الله مشتاق يسمع صوتك بهالحظة حنا ضعفاء مثلك لو يسلبنا الذباب شئ مستطعنا ان نرد ما سلبه منا الان كرر الدعاء كرر وكرر وروح اجلس مع اي احد اطلع بالحوش رح عند التلفيزيون وودي تزور موضوعي هذا اتمنى وتكتب ما تشاء فيه ->ملتقى لكل من يعاني من امراض روحية تعالوا هنا لنفيد ونستفيد ان شاء الله(متجدد) |
يارب يا حنين ان الله يقبل دعوتك ,,,,,,الله يجزاك عني كل خير..
نعم لما سمعت الرقيه نزلت دموعي ..... |
طيب ارجوووك ادخل موضوعي من اجلي ادخل ؟؟؟
|
اقتباس:
الله يسعدك يا ابو سامر ويجزاك الف خير على الرقية وعلى مساعدة اخونا قلم حبر. |
حنين لا تخلي اخوك انا محتاج رسايلك ,,,,يارب يسعدك
|
ان شاء الله ربي معاك بس اذا ما دخلت موضوعي وش الفايدة ابيك تجي هناك ناطرتك هناك او اقول اذا تبي هنا بموضوعك خلاص هنا
ممكن اسالك كم سؤال وتجاوب ؟؟ |
اسألي انا مستعد
|
ابي تقولي اذا تقدر كم عمرك ؟؟
وهل انت موظف او لا ؟؟ وهل لديك اخوه بسنك او اصدقاء او اقارب ؟؟ وهل لديك هوايات غير الشعر ؟؟؟ وهل انت محافظ على الصلوات الخمس بالمسجد او بعضها ؟؟ وهل لديك مشاكل صحية مثل سكر ضغط غدة ؟؟ وهل تاخذ علاج نفسي ؟؟ وهل تذهب لراقي شرعي او ترقي نفسك ؟؟ وهل انت محافظ على الرقية الشرعية وهل لك ورد يومي من القران ..؟؟ هل تدخن هل تسمع الاغاني ؟؟ ومتى بداء مع الهلع بالضبط من كم سنة ..؟؟ وماهي الاعراض المصاحبة هل لديك اكتئاب اختلال انية وسواس اي شئ قولة ؟؟ هل بداء الهلع والتعب معاك فجاءة ؟؟ هل هناك كوابيس ؟؟ اي شئ يدور في بالك قوله تراني متحمسه علشانك والا والله في موضوعي ناس تسالني وماقدرت اجاوبهم من تعبي بس تعاطفت معك . اي سؤال فيه احراج وماودك تقول خلاص لا تجاوب . |
يارب يسعدك
35 سنه ,, تاجر لدي اخوة بسني واصدقاء,,,,لايوجد غير الشعر,,,,محافظ علي الصلوات بس في البيت...الحمد لله لايوجد سكر او ضغط ...لا اخذ علاج نفسي ابد..ارقي نفسي,,, اسمع اغاني بس محرص عليها الخوف بداء معي من خمس سنوات بعم جاني فاجئه ...لا توجد اي كوابيس |
اقتباس:
لكني انا بداء معي الهلع من 13 سنة يوم كان عمري عشرين شفت الكل يعاني الحمدلله وماشاء الله تاجر ربي يوفقك لكن الصلاة بالبيت لها مداخل من الشيطان حاول بقدر الامكان المحافظة عليها لان تركك للمسجد يجعل تسلط الشياطين عليك اكبر والحمدلله الي ما تعاني من امراض تعرف انت الحمدلله افضل حالاً مني وان شاء الله الامر سهل بس حاول قدر الامكان تترك سماع لاغاني وقدر الامكان تصلي بالمسجد وتجعل لك ورد يومي من القران ولو لا قدر الله تدخن خل التدخين لانه سبب في القولون والدوران لانه خالي واخوي كانوا يعانون منه والحمدلله ربي نجاهم ومدام قلت فجاءة ودي اعرف هل بعد مناسبة عزيمة زواج ترقية اي شئ ممكن تقول وهل انت متزوج ولديك ابناء ؟؟ |
اقتباس:
بعد وفاة الوالد رحمة الله عليه وعلي المسلمين...جاني الخوف.....زوجتي الاولي هي حبي الاول وقد طلقتها وانجبت منها بنت.....اما الثانيه هي معي الان بس الحب للاوله.. |
اقتباس:
والله يعين مرتك الثانية هي الضحية والله حرام :( اجل الخوف الشديد والحزن الشديد يدخل معه اختراق من الشياطين سبجان الله يمكن معاك مس والله هو العالم والله مسوية بحث بس ادري منت فاضي تقراه هو بحث عن الهاله المحيطة بجسم الانسان المهم يبيلك برنامج رقية مكثف لانك تعاني من خوف وقلق اصابك بعد صدمه طيب وفاة الوالد فجاءة ؟؟؟؟ |
اقتباس:
والله اقدر الثانية واحترمها ولها مكانه عندي لانها متحملتني علي مافيني وهي صاحبة دين وخلق رفيع......الوالد الله يرحمه تعب فجاه لمدة سنه وبعدين توفاه الله....طيب اذا كنت ممسوس .كيف اقراء القران واصلي ورقي نفسي انا اخبر الممسوس لا يقراء القران |
وليه انا ممسوسه واقدر اسوي كل شئ لانه الامراض درجات بس ينفرني من القران اكثر الاحيان وفي الصلاة احس بحركات خاصه باللسان والفم
وانت الله يعينك يبيلك برنامج علاجي . والله يسخرلك زوجتك ويرزقك ذرية صالحة والهداية ويرزقك الشهادة يارب ويرحم ابوي وابوك . |
الله يسعدك
|
كيف حالك الآن يا أخى ؟؟؟
إن شاء الله ...أفضل .. |
اسال الله ان يشفيكم ويعافيكم ياخوي حبر انت وحنين وجميع مرضى المسلمين
والله يسعدكم ونصيحتي لكم حاولو دايما تخرجون تتمشون معا الاهل او الصدقاء عشان تنسو المرض ان شاء الله وتدخل السعادة لقلوبكم وسافرو واقضو اوقات ممتعه حاولو تشغلو نفوسكم لاتخلو للمرض مكان في بالكم معى قراءة القراءن باذن الله ماتشوفون الا الخير ...ودامنا معى الله عز وجل باذن الله مانخاف من احد ولا من مرض ولا اي شي ....واهم شي زي ماقلت لكم حاولو تخرجو وتتمشو بحر حدائق منتزهات البر رحلة صيد ..وانبسطو وعيشو حياتكم ..ولاتفكرو بالمرض لان جلستكم فالبيت تزيد من تفكير الواحد للمرض ..... والله يوفقكم ان شاءء الله |
اقتباس:
الله يجزاك كل خير ويفرج عنك كل كرب في هساعه المباركه |
كيف حالك اليوم عساك اشوا الحين ؟؟؟
ونبي نشوف جديدك من القصايد ننتظرك ؟ |
| الساعة الآن 02:28 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا