ربنا يكرمكم ساعدونى
 

صباح الخير اختي كيفك يارب تكوني في احسن حال لاتسمعي لكلام اهلك انتي ليه تشتكي لهم اكيدهم موحاسيين فيكي لان مايحس فيك الا عندهم هالمرض طبيعي كلامهم والله انا مثلك لمااشكي لزوجي ولاهلي نفس الكلام الي قولتيه ماحديحس باحد ولاتخافي لاحتتجنني ولا تنتحري مافيك الا العافيه صدقيني كل ماشكيتي كل مازاد عندك الخوف والاعراض عندك المنتدى اي شي في خاطرك قوليه ونحنا معاكي على طول يااااارب يفرج همك وهمي اااااااميييييينewrdwpjfc

حبيبتى ام جميل يسعد صباحك ويبارك فى عمرك يارب ولله يااختى ان ببطل اشكيلهم وبحاول اسكت بس ماما كل ماتشوفنى قليله نوم وعلى طول مهمومه تفضل هى واخواتى يقولو ليا الكلام ده وخفت بجد من كلمه انتحار وجنون وحسيت النهارده ان الهم زاد عليا بسبب الكلام ده طيب اختى يعنى الوسواس مايأذى لهيك اشياء ولا ممكن لانى بجد خوفت من كلامهم وربنا يستر يارب

عارفه اهلي زي اهلك عارفه انا مبقلهم حاجه بسكت عشان حتعب زيااده

عارفه من ثلاث كان عندي وسوواس الجنون بس الحمد لله الوسواس راح انتي مش حتتجنني و لا حاجه دي وساوس

ربنا يطمنك اخى ميراك ويشفينا جميعا يارب بس احب اقولك انا مابحسش الحمدلله باى اعراض او تفكير بالجنون بس كلامهم هو الى شككنى وخلانى اخاف بس الحمدلله كلامكم ولله بيطمنى بس ممكن اسئلك سؤال انت بتقدر تسكت وماتتكلمش عن وسواسك ولا بتحسه صعب اصل انا احيانا اقول لو سكت يبقى الى بفكر فيه هيحصل اتمنى اسمع رايك ومعلش اتحملنى تعبتك اوى معايا ربنا يهنينا كلنا

حبيبتي متخافيش ان شاالله مش هتتجنني ولا هتنحتري اذا كان اصلا عندك وسواس الخوف من الموت يبقي انتي اللي هتجري وراه ازاي متقلقيش واهلك غلطانين جدا معاكي بس ممكن هما مش فاكرين انهم كدة بيخوفوكي فتبطلي تفكري ميعرفوش ان احنا بنمسك في اي كلمة ونخاف احب اقولك اني زيك بحب اتكلم عشان بخاف لو ما اتكلمتش يحصل اللي خايفة منه بس انا عموما بطلت اهتم اوي بالمرض القهري دة وساعات يشتد اوي عليا الوسواس وساعات لا الحمدلله مع العلم انا كدة من خمس سنين وربنا كريم وقادر يشفيني ويشفيكي ريشفي كل مريض

حبيبتى ربنا يشفينا كلنا انا بحاول اطنش وربنا يقدرنى يارب بس كلامهم خوفنى مش اكتر وشغل بالى بس هحاول اطنشه وهحاول ماتكلمش معاهم خالص طيب انتى ماحولتيش تتعالجى او تتجهى لاى وسيله عشان تتخلصى من الوسواس ولا تعودتى عليه ؟؟

انا رحت لدكتور نفساني اول سنة تعبت فيها وخدت علاج شوية وبعدين وقفته واستمريت علي مهدي بي عند اللزوم لحد ما حملت وبطلت خالص وخلفت بعدها واتاقلمت مع الحياة واتعودت بس طبعا بقا الخوف ملازمني اغلب الوقت من حاجات كتير وخصوصا علي ابني بس هنعمل اية ربنا كريم وقادر علي كل حاجة وكمان انا برده بيجيلي موضوع عدم استيعاب للواقع واحس اني في حلممممم

ربنا يحفظلك ابنك يارب ويعجل بشفائنا جميعا هى بس عايزه قدره وقوة مننا لاننا احنا الى دخلنا نفسنا فى الدايره ديا واحنا الى نقدر نخرج نفسنا يارب يقوينا ونقدر باذن الله بس بالنسبه لعدم شعورك بالواقع بيجيلك كل ادايه ولا ملازم ليكى طول الوقت ؟ وبيطول معاكى اذا جه ولا بسرعه ويخلص

الاول كان ملازمني طول الوقت بس بعد كدة بقا بيجيلي كل كام يوم مرة وشوية وبيروح والحمدلله ، انل هاستادنك هنام بقا تصبحي علي خير يا قمر وحاولي تطنشي وتعيشي حياتك وتتبسطي ربنا يشفينا جميعاااا

وانتى من اهل الخير واشكرك اختى لتعاونك معايا ربنا يجعله فى ميزان حسناتك ويشفينا جميعا

اهلا بك يا اختي

هناك حلين لاثالث لهما

اما ان تتجاهلي كلامهم تماما .

او تحاولي ان توضحي لهم بشكل جدي ان تعليقاتهم لاترضيك

وانهم مخطئون في حقك .


وانتي قرري الحل المناسب لك



وفقك الله يا اختي

اشكرك اخى ليش لا وربنا يقدرنى واقدر اتجاهل كلامهم وارجع لطبيعتى واتحمل مسئولية نفسى زى الاول جزاك الله كل خير اخى

فعلا هم مابيحسوش بالامنا وديما شيفنا تافهين وتفكيرنا دلع انا بصراحه نفسى اقدر اتغلب على وضعى لانى مش حابه افضل كده وربنا يقدرنى ويشفينا جميعا بس انت اخى عندك وقت فراغ كبير او مشاكل وضغوط حياه وصلتك لكده انا مثلا عندى فراغ كبير جدا وممكن اقعد فى البيت بالشهور ماطلعش ولا اشوف حد ولا اتكلم مع حد بس كنت عايشه عادى مبسوطه وفجاه جالى الوسواس ومسك راسى وبطلت اميز بين اى احساس حتى الناس وحياتى كلها احسها حلم وخايفه الوضع يستمر بجد مرعوبه من استمرار وضعى بهيك طريقه ربنا يستر