|
لكم دعوه بظهرَ الغيب ! الله يسعدكم دنيا و آخره ادخلوا :")
السلام عليكم ورحمة الله وبركاته , اسعد الله اوقاتكم بكل خير .. بإختصار , انا عمري 18 سنه / موسوسه لأبعد درجه حساسه خوافه ! من عشر سنين و انا اعاني من نوبات هلع وسوسه تروح وتجي على فترات ! الى ان نفذ صبري و صارت تجيني افكار تسلطيه و ملّحه علي بإنو هذا ليس وسواس بل أحساس اتخيل القبر وكيف بقابل ربي و اتخيل اهلي كيف يبكون علي " بعد عمر طويل لي ولكم " و اي شيء اسويه لو ان شاء الله اضحك ف وجه الشغاله اقول : " اكيد بيقولون قبل تموت كان تبتسم وتضحك للشغاله " اتفه الأمور ياناس افسرها موت , اتفه شيء ! اخاف من اي فرحه تجيني اقول اكيد بيصير مصيبه بعدها عشان كذا ربي بيفرحني قبل موتي.. الى ان نفذ صبري !! ورحت عيادات الدكتور سليمان الصغير قبل كم يوم و قال لي فيك نوبات هلع و ساوس شيطان وصرف لي السيروكسات سي آر , بديت فيه من 4 ايام حبه بعد الفطور .. اول يومين ماحسيت بأعراض من امس و انا مو طبيعيه , رعشه بشفايفي و اطرافي و خمول وتعرق و لما اتثاوب اشعر بالغثيان و الإرتجاع .. خوف وقلق شديد .. اشياء تخوف ! احاسيس تلح علي مممممممره بأنو بموت هاليومين تعبت تعبت ريحوني الله يريحكم ويسعدكم اعراض الدواء طبيعيه اول فتره ؟ وكمان الإحساس القوي اللي فيني طبيعي ولا فعلا احساس لإن بالعاده يجيني وسواس و ما اخاف مره لكن الحين من اول رمضان و انا عندي هالفكره بإني بموت قبل العيد ومن اول رمضان خايفه يجي اخر رمضان وبس افكر ومهمومه ! جاوبوا وريحوني الله يعتق رقابكم من النار و المسلمين اجمعين امين يارب العالمين |
اسال الله العظيم رب العرش العظيم ان يشفيكي اختي
يمكن الاعراض من الدواء و الله اعلم ان شاء الله الاخوة بيفيدونك لاتخافين لانو بعد مثلك الفكره معي خصوصا لانو خالتي ماتت من يومين و قاعد اقول يمكن اكون التالي بس مجرد اوهام و مين مثلنا لو متنا برمضاااااااان لكبر غنيمه و الله لانو ابواب جهنم مقفولة يعني الجنه هي القرار ان شاء الله ربي يسعدك و ينور دربك |
امين وياك يارب !
الله يرحمها و يغفر لها و الله يمدنا بطاعته و ذكره و يريح بالي وبالك وكل مسلم ! يعني يجيك احساس قوي مره فكره ملحه جدا او بس وسوسه وتتأكدين انها وسوسه ؟ |
امين اختي
بس وسوسة اقدر اواجههااا ربي يريح بالك و يطمنك |
اطمني هذا وسواس
كان يجيني واقول لنفسي اكيد هذا احساس مو وسواس واشكر الله وان شاء الله تخفيف ذنوب |
خخخخخايفه :(
فيني احساس ممره قوي انو بموت صدق مو وسوسه زي كل مره وخايفه اقول ?حد احساسي اخاف يقولوا : كانت حاسه !! شوق كنتي تفكرين كذا؟ طمنيني باللي كان يجيك الله يشفيني وياك وكل من يعاني يارب انا مو قادره افرق هل هو نفس مرضي الوسواسي او احساس لإن احس فيه ممكن الوسواس من قوته يتطور لمرض وو وهم قوي |
من اكون تدرين مكانك وين ملتقى الوساوس مو الهلع
انتي الوسواس يجيبلك الهلع مشكلتك الوسواس كنت اقول خلاااااص الموت جاني يارب رحمتك فالنهايه ماصار شي كله وسواس وتروح تجي معي بس اشغل نفسي لاني عرفتله زمان كان حالي اسوء والحين الحمد الله احسن وانتي كمان حطي في بالك انها وسوسه واشغلي نفسك بالذكر والاستغفار |
الله يشفيك ويرفع عنك البلاء عاجل غير آجل
أنا كنت مثلك وأكثر واليوم الحمد لله فكرة الموت انمحت ولله الحمد *السيروكسات فعال جدا وأنا تعالجت به وأهم شئ الصبر عليه لأنو التحسن يبدأ بعد شهر ونصف والراحة التامة بعد 6أشهر فالصبر ثم الصبر *أعراضك طبيعية جدا أنا لما بديت حسيت أنو حالتي إزدادت سوء مع العلاج كتمة قوية رعشة قشعريره جفاف بالفم ......الخ ولما راجعت الدكتورة قالت عادي جدا والأعراض تختفي تدريجيا *أنا السيروكسات ساعدني كثير غير تفكيري ونظرتي للحياة والله كنت أيام المرض مافي غير الموت بعيون أنظر للناس وأشوفهم مبتسمين وأقول كيف يبتسمون ونهايتهم الموت شراشف بيتي البيضاء ماأطيق أشوفهم لأنهم يذكروني بالكفن ،إذا زرت الأقارب لما أكون طالعة من عندهم يجيني إحساس قوي جدا أنها آخر مره وأبغى أبكي أمام الباب .......الخ وهذا من أكثر من 3سنوات وها أنا مثل القطه أمامك هههههه الحمد لله أطلع ومبسوطه بس معي وسواس من نوع آخر والله يقدرني عليه أنا وقفت العلاج من 7أشهر *أي إستفسار أنا معاك |
الحمدلله،
الله يتمم عليك يارب انا خايفه وقلقه ومتوتره احس بموت مو بس وسوسه لا اقول إحساس و لما يحاكوني خواتي احس انهم يودعوني و انا اودعهم !! و اعراض سيروكسات الجانبيه زادت القلق و الخوف و الظاهر ان بداية السيروكسات تزيد الوسواس بعدين يبدأ مفعوله وضيقة صدر ونشف ريق ورعشه وفزع من النوم للحين مانمت زين لما انام افزع بقوه لإني أحس بشيء بجسمي ونفسي و انو الموت او احتضر و افزع بقوه و لما اكون صاحيه مايجيني الإحساس هذا اللي يخليني افزع. هل هذا طبيعي ؟ ريحوني الله يريح بالكم * علما اليوم لي سادس يوم مع الدواء |
يمكن جرعة الدوا قويه عليك؟؟كم هي؟
حاولي تاخذيه بعد الاكل على شبع ماينفع تاخذيه وحده الاعراض هذه تاتي لي لما كنت استخدمه بس بنهاية اول اسبوع تخف تعرفي ايش سبب وساوس الموت هي اولا واخيرا الخوف من الموت حبي الموت وتخف اعرفي كيف تحوري الافكار ,,كل ماتجيلي الافكار اتذكر ان الموت راااحه من هالدنيا وتعبهاا ان كنتي خايفه من ظلمة القبر ماضن اننا بنجلس صاحين وطول الوقت بالقبر بعد الموت ! وضعي تحديا مع نفسك قولي زمان جاتلي الافكار هذه والاحاسيس ومازلت عايشه والاهم اشغلي نفسك عن هذا التفكير وتعوذي من ابليس واشغلي وقتك الله يشفينا وايااك |
مرحبا بيكي يا حبيبتي
تطمني ان شاء الله ما في الا كل خير يا غالية الهلع و الوسواس اعراضهم هيك و اكثر من هيك اذا استرسلتي في الافكار كلنا عانينا منها و بهالطريقة بالضبط اللي انتي تحكين عنها و الحمد لله ربي سلم و لو تتابعين المواضيع رح تلاقين ناس و كانها تحكي بلسانك منشان هيك تطمني و استغفري و الجاي الى ربك ابتعدي عن الفراغ قدر الامكان لانه اثر شي مسبب لهذه الامور و اذا جاتك فكرة طنشيها و حاولي تدمجي حالك في المجتمع اكثر منشان تتخلصين من الوسواس و ربي يطول بعمرك في طاعتو ان شاء يا حبيبتي |
عادي فزعة النو م أنا أيضا أثناء النوم أصحى مفزوعة وما أعرف نفسي حية أو ميتة
الدواء يسبب اظطرابات بالنوم وأحلام مزعجة فلا تقلقي قلتلك الحالة تزيد سوء بداية العلاج اصبري ورح تفرج *الدواء يتاخذ صباحا حتى تستقر حالتك بالنهار يعني لازمله 8ساعات حتى يبدأ مفعوله بالجسم .....على كلام الدكتوره حاولي تاخذيه بالسحور وبعد رمضان بعد الفطور صباحا *كثري سوائل وخضار لتفادي الإمساك وحاذري أكلك لأنه فاتح للشهيه والله يكون بعونك |
انا ماعرف شفيني
اليوم الصباح الساعه 8 نمت وصحيت 10 مفزوعه ! مو بس خايفه لأ حسيت بشعور بجسمي وفزعت بسبب كذا ! رفرفه بجسمي من جوا كذا كأنو حاجه تطلع وترتفع فوق بجسمي " اقول يمكن طلعة الروح " وضربات قلب سريعه و شعور بالحراره و الخوف و فزعه قويه !! من 10 لما الحين كل ما تغفى عيني يجيني هالشعور بجسمي و افزع و اخاف انام ! علما بإنو لما اكون قايمه ماتجيني الا بشكل خفيف مو زي ماتغفى عيني ! هذا ايش خايفه ساعدوني بموت ولا ايش |
يا حبيبتي الله يرزقك طوله العمر وتشوفين أولادك وأحفادك يارب يتقبل دعاي بهذه الليله المباركة
ووالله كل الي يصير معك عآآآادي جدا وديري بالك تربطي فكرة الهلع بالنوم وإلا رح تصيري تخافي تنامي وتدخلي بعذاب جديد مع النوم قبل لاتنامي إعملي تمارين إسترخاء تنفسي بعمق وإحبسي النفس لثواني وعيديها عدة مرات بتساعدك بالإسترخاء وتنامي أفضل *إنتي تنامي مفزوعة لذلك تحصلك هذي الأمور لأنك تترقبي نفسك بشده لذلك لا ترتاحي بنومك *بالنسبه للرجفة كمان عاديه وكأنو فيه شيئ بين البطن والقلب تحسين كأنو رح يطلع وهذا الخوف وليس الروح *الله يخفف عنك هذا الرعب عاجلا غير آجل ولاتنسيني من فضل دعائك |
ونسيت أذكرك أنو مافي أحد يعلم بأجله أبدآآآآآ الرسل والأنبياء ما عرفو بها فمابالك بنا نحن
لذلك عيشي حياتك ولا تقتلي نفسك بأوهام وتخيلات فاضية |
امين امين يارب وياك
الله يسعدك ويريح يالك ويرزقك ماتتمنين !! بس انا اللي احسه بيطلع مو بين معدتي و قلبي لا مو بس هذا بين ظهري من ورا وبطني من قدام يعني كذا رفرفه جوا و شعور غريب وخمول وخوف وفزع وضيقة صدر و احس الموت فيني شيء محد يتخيله !! هل هذا من الخوف اللي احسه او ايش؟ اللي يرفرف جوا بين ظهري و بطني خخخخخخايفه ياناس آآآ :( |
امين امين يارب وياك
الله يسعدك ويريح يالك ويرزقك ماتتمنين !! بس انا اللي احسه بيطلع مو بين معدتي و قلبي لا مو بس هذا بين ظهري من ورا وبطني من قدام يعني كذا رفرفه جوا و شعور غريب وخمول وخوف وفزع وضيقة صدر و احس الموت فيني شيء محد يتخيله !! هل هذا من الخوف اللي احسه او ايش؟ اللي يرفرف جوا بين ظهري و بطني خخخخخخايفه ياناس آآآ :( ورعشه ورجفه عند الخصر :( |
والله كله من الهلع إلي إنتي فيه وكل مره أعراض جديده أنا لما كنت تعبانة كنت أحس برجفة داخلية والله كأني بداخلي آلة في كل جسمي ارتجاف داخلي
حاولي تهدي نفسك وبإذن الله رح تصير أعراضك من الماضي يارب عاجلا غير آجل |
اوه والله انك قديمة اسأليني انا لما جاني الهلع اذا ضحكت قلت بموت واذا بكيت ماني مايت واذا صليت قلت بموت واذا ماصليت ماني مايت
لكن دعست عليها وما فكرت فيها وطز الي يصير يصير اصلا لو ضحكت او بكيت بتأخر او تنقص شيء من عمري اصلا الموت ما يخوف لا طالما انت مسلم لكن الي يخوف اني اكون كافر واموت هنا المفروض تخاف لكن شخص مسلم ويصلي وكل شيء هذا انسان المفروض حتى اذا مات ما نحزن عليه لأن الله وعده بالجنة ولازم نفكر في هذي الكلمة ان الله ارحم من الرحمين ارحم من امك وابوك والناس كلهم لذلك لا تحزن ولا تخاف حاول تفكر بشكل ايجابي دائما وراح يتعود دماغك ويتبرمج فأنا اليوم ولله الحمد احس اني افضل بكثير من الايام الي راحت وهذا بفضل الله وبفضلي لأني حالوت ودعيت وتقربت من ربي ودعيته كل يوم وفي كل سجود والآن اقسم لكم احس اني افضل من اول رغم وجود الافكار الغريبة لكنها لا تستطيع تخويفي |
نفس الحالة الله يعيننا ويطول بآعمارنا لطاعته ياااارب ..
|
و اي شيء اسويه لو ان شاء الله اضحك ف وجه الشغاله اقول : " اكيد بيقولون قبل تموت كان تبتسم وتضحك للشغاله "
اتفه الأمور ياناس افسرها موت , اتفه شيء ! اخاف من اي فرحه تجيني اقول اكيد بيصير مصيبه بعدها عشان كذا ربي بيفرحني قبل موتي.. والله اني كنت احس نفس الاحساس في السنوات الاولى من الهلع لكن صدقيني هذه اوهام وسواس لكن السؤال انتي الان تخيلتي انك تموتين قبل العيد هل تطلع تخيلك حقيقي او هام نعم اوهام كيف تصدقين بهذا الوساوس وانتي كل ماتخيلتي شئ لن يصير صدقيني مايصيبك الا ماكتب الله لك ابعدي كل الافكار هاذي عن فكرك وعيشي حياتك انتي قادره على سعادتك بأذن الله كلنا مرينا بهذه الاعراض بقولك شئ اوهام اوهام اوهام وبس |
اقتباس:
السلام عليكم ورحمه الله وبركاته انا يا امي انتي عمري 22 سنه ومريت بنفس حالتك وتعالجت بالخبر بمستشفى سعد التخصصي الدكتور محمد صالح والحمدلله بدات تتحسن حالتي بعلمك اشياء تفيدك بإذن الله والله يخليك الله يخليك لاتهملين الكلام الي اقوله اولا - السروكسات عشان ياخذ مفعوله يبيله من 6 الى 8 اسابيع عشان يمشي بالدم ويبدا بالتحسن ثانيا - لاتفكرين بالوساس وياليتني مثل فلانه مرتاحه ومثل فلانه اشغلي نفسك تابعي مقاطع اليوتيوب المضحكه اختطلتي مع الناس ثالثا - شوفي اقرب صديقه لك حيل حيل واعزميها كل يوم كل يوم تجيك رابعا - متى ماجاتك ضيقه وخوف وساوس قومي تروشي وخوذي لك شور وتمكيجي وتدلعي واقعدي صوري نفسك (ادري النفسيه ماتسمح لك لاكن تنانسي وانسي وجربي ) خامسا - ابعدي عن الاخبار المخفيه و السئيه ابتعدي عن الافلام المرعبه المخيفه شوفي افلام جيم كيري وفنانين كومديين سادسا - اختمي القران كل يوم بكل صلاه اقرإي 5 صفحات وقبل النوم اقري الي تقدرين عليه والله يكون بعونك ويشفيك ويعافيك واشوفك متزوجه وحامل وفي بطنك كتكوت يزنن مثلك دلوع وخواف ياخوافه هههههه بقولك شي .. انا مرضت وعانيت مرضا نفسي لدرجه اني اخاف اسوق السياره ولا احب ابعد عن امي وصرت اوسوس بطريقه التنفس وبطريقه البلع لدرجه اني صرت اتوهم اني بختنق وصدق يجيني ضيق تنفس نتيجه الـ الخوف وكنت ما احتك في اصحابي وكسرت البلاك بيري حقي قامت امي الله يعطيها العافيه سوت لي ملحق اعزم فيه اصحابي كل يوم وتطلب لنا عشاء وشرت لي اكس بوكس وبلاستيشن واي باد اشياء تشغل الذهن ((انصحك تشترين ايباد يونس وويشغل البال عن الوساس)) وكنت توني ماكل السروكسات والله يابعد راسي ماقعد الا 3 اسابيع الا انا مثل الحصان اطلع واروح واجي وابشرك ناشب في حلق ابوي ابي سياره جديده حاط براسي لكزس ههههههههههههه ورجعت لي الان حالتي لاكن جالس اقاوم وعرفتها وصرنا انا والنفسيه اصحاب يوم تعزمني على العشاء ويوم اعزمها انا اعلمك شي ابتعدي عن المعاصي والاشياء هاذي والاغاني لمده شهر كأ تجربه وبتشوفين الفرق قبل لا تنامين استغفري مع تحريك شفايفك بالاستغفار الييييين ريقك ينشف ونامي انا كذا عالجت نفسي وانا ان شاء الله مابخليك كل يوم بتابع موضوعك وبساعدك وبصير لك اخت بعد ويش تبين اكثر من كذا رجال وقلبت نفسي بنت لعيونك هههههههههه ((اعراض السروكسات الغير مستحبه دايما يجيك دوخه احيانا غثيان و نبض بالمعده تحسين معدتك تنبض اجهاد تحسين نفسك تتعبين وكذا ضعف بالتركيز احلام مزعجه وقت النوم ضعف جنسي وانتبهي السروكسات يخلي الواحد دوب لانه بيتارح بعد شهر ويصير دبدوب من الوناسه والفله فـا سوي رياضه وشاركي في نادي ومن فوايد الرياضه تزيد هرمون السعاده ((شوفي الموضوع انا الي كاتبه لك بيدي وبتابع معاك الين اشوفك مثل الورده الحمره المشرقه )) ادري واعرف وافهم صعب عليك تطبقين كلامي لاكن قاومي ويش بتخسرين لو قاومتي مو احسن من القعده والوسوسه جربي وقاومي افضل من جلوسك والوسوسه ولاتهتمين بالي مايهتم فيك انا اعلمك اي شي تبينه والي تامرين في انا اخوك محمد الشمري طالب جامعي لاتستحين مني واطلبي واستشيريني انا كنت مريض نفسيا لمده سنه سابقا وتعالج وجاني الحين وتعالج والامور طيبه وكثري من مسرحيات طارق العلي فللللله اتمنى لك الشفاء يالله يارحمن يارحيم ياعزيز ياجبار ياغفور يارحيم يامجيد يارب انك تشفيها وتبعد عنها السواس وتجعل القران ربيع قلبها ونور دربها وشفيع لها يارب اتمنى ماطولت عليك لاكن ماهان علي اشوف بنت تدنن مثلك وبعمر الزهور تتإلم وتعاني وانا اقدر افيدك واروح واخليك والله لو اخسر عمري بس اساعدك ((واذا رحتي للدكتور قولي له هل من الممكن تصرف لي علاج لكسوتانيل هذا مهدئ جدا ممتاز جدا جدا ويريحك وويريح مخك واعصابك غريبه ماصرفه لك مع ان حالتك مثل حالتي وخوذي رقم الدكتور عشان الاستشارات واروجوك بليز ابعدي عن قوقل وخرابيط الناس لانك في مرحله نفسيه تتوهمين اي مرض واي شي وتقتبسين امراض واواهم الناس خليك عن خرابيط الناس ولاتبحثين عن الوساوس في قوقل معليك الامور بتزين وبتصير حلوه هذا كله مرض نفسي يجي للي ابتعدوا عن طاعه الله وزادت الذنوب عليهم الله يشفيك يارب ويعافيك مودتي واشواقي لك .. ww0dwd حررره حذفت عليك ثلج |
نسيت نقطه اقولها لك
ابتعدي عن الكافيين والقهوه وومشروبات الطاقه تزيد من حده التوتر |
اقتباس:
وتحسين راسك ثقيل وقلبك يرفرف ويديك يا اما ثقيله او خفيفه وثقل على كتوفك هذا كله من الهلع والخوف والتفكير عاتي كلللللللله يروح ودوام الحال من المحال مثل ماصرتي مريضه بتصيرين متعافيه باذن الله وتذكري رحمه الله وسعت حتى حبات الرمل وتذكري المرض النفسي يعصمنا عن المعاصي لانه يبعدنا عن كل شي وخوذي الحياه بفكره حلوه ولاتشغلين بالك شوفي اخر الموضه وشوفي الاشياء الجميله الاكسسوارات الذهب متعي نفسك لو ماتشترين بس ناظري وتمتعي وعيشي هاذي مو حاله فكري بنفسك توك بزهره شبابك شدي حيلك وامشي ولايهمك المرض النفسي مايطرح الا الرخوم و الضعفاء وانتي اتوقع انك اكبر من كذا والسروكسات باذن الله يقوم بالدور حقه خلال 10 ايام وتشوفين تحسن |
اسأل الله العلي القجير ان يشفيكي ويشفي جميع مرضانا ياااارب
يا اختي تصدقي اانا بنفس عمرك صااار له سنتين وهذا الهلع ملازمني 24 ساااعه وووسواس الموت في كل شخص مصااب بالهلع واحسك تتكلمي عن حااالتي اذا ضحكت قلت بيقولوا والله كانت تضحك وكانت وكانت ......., لا تخااافي انتي عندك خووووف زااايد انا اللحين استعمل حبوب افيكلتي (بمعنى القدره ) هذا كلام الدكتووره والله صر رت ماذوووق السعاااده ولا احس بطعمها ولا صرت اطلع صرت حبيسة البيت وجااني اكتئااب ودرت اقضي عليه ولله الحمد والمنه وصرت اكثر شي مثل ما قال اخونا محمد اعزم زميلاتي تنسي كل شي بس الخووف اكيد بيلاااازمك بس حااولي تصدقي حتى العيد ما طلعت من البيت بس ما نقوووول الا الحمدلله على كل حاااااال .., واسأل الله الحي القيوم الذي لايموت ان يفرج عنا ويكشف مابنا انه سميع الدعااااااااااء |
السلام عليكم ورحمة الله وبركاته
عندي علاح مفيد جداً وهو ذكر الله سبحانه وتعالى قال تعالى : (( الا بذكر الله تطمئن القلوب )) طبعاً الذكر يكون باللسان ويقيناً بالقلب وجربي تقولين لاإاله الا الله وحده لاشريك له الملك وله الحمد وهو على كل شي قدير.. وانتي مغمضه واهم شي تكونين على يقين ان الله سبحانه وتعالى أرحم الراحمين وهو ارحم من الأم لولدها سبحانه وتعالى وبعدين تأكدي ان هذه الأرض لن يبقى عليها احد بل كلهم سيموتون ولكن لكل واحد منا أجل واذا جاء الأجل لانستطيع تأخيره والحمدلله ان جعلك مسلمه وهذه نعمه من الله سبحانه وتعالى وحاولي تبتعدين عن مايغضب الله من المعاصي وتتوجهين الى الله لانه قال في كتابه (( في سورة طه: ((وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى * قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيرًا * قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى)).. وآسف على الإطاله وأسال الله العظيم رب العرش العظيم ان يشفيك من وسوسه الوسواس الخناس ((الشيطان)) .... آآمين يارب العالمين . |
| الساعة الآن 11:36 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا