|
ادخل وقل موقف طريف حصل لك!!!! وسع صدرك
السلاااااااااام عليكم ورحمة الله
اولا شروط المشاركة 1-ان يكون الموقف يضحك ،،،،،، او محرج اما لو طلع الموقف يحزن ترى بنطلب من نفساني يسحب العضوية،،، 2-الا يقل عمر المشارك عن ست شهور. 3- الا يزيد عمره عن 71 سنة ( بتقولون ليش 71 سنة مو 70 سنة ، اقولكم غيرنا الدستور الاعلى لكي يوافق عمر البتاااااار!!!!! جدي وتاج راسي) 4- يفضل ان يكون المشارك دب ( سمين) لان الدراسات اثبتت ان السمين اكثر مرحا ودعابة وخفة ظل وقدرة على اكتساب علاقات اجتماعية(هذي الدراسات اللي اثبتت مو انا) 5-الا يكون فيها تجاوزات ادبية ،، والا يكون فيها من ذكر خصوصيات النساء والبنات او الازواج بما يدعو للفتنة . واحب اقولكم شي مهم وهو ان الناس مو ناقصين هموم ،،، يعني هالدردشة ودي تكون متنفس من مواضيع المنتدى اللي يغلب عليها الجدية واحيانا الرتابة في الطرح.... وابدا انا اول واحد ،،،،، وانا على فكرة عندي موااااااااااااااقف كثر المطر لكن باقول واحد عشان افتح الشهية وبعدين اذا اشتد اللعب كملت الباقي. في احد الايام ،، كنت في الجبيل .... احمل وقاري وشخصيتي وامشي.. انا وخمسة من اصدقائي دخلنا احد المطاعم التي تنتج شيئا يقال له بروستد .. لعلنا طلبنا خمسة او ستة بروستد موقفي ليس في المطعم كما تتوقعون لا .. لا والف لا(واحد متحمس) انما كان موقفي في الخارج (خارج المطعم لا تفهمون غلط ) عندما قلت لاخويائي (اصدقائي) لو سمحتم باروح دورة المياه اغسل واجيكم لا تاكلون لين اجي طلعت برى المطعم ادور دورة مياه(الله يعزكم والملائكة) رحت لقيت هنااااااااك دورة مياه رحت لها وبعد ما طلعت ... وانا راجع الا بجنب المطعم مكتبة ... وواقف عند بابها العامل اللي فيها .. وانا واثق طبعا قلت لو سمحت اخوي عندكم كتاب " افاق بلاحدود ولا باقي ما وصل" العامل: شو ؟؟؟؟؟ شو تفضلت اخي (((( سوري))) صوت الشباب (بكل ثقة) : كتاب افاق بلا حدود .. اكيد ما وصلكم لانه جديد .. اهه اهه ( ضحكة الغرور) العامل : شو كتاب ؟؟؟؟ اخي هذي صيدلية مو مكتبة . صوت الشباب (تغير وجهه) ( يناظر في القزاز اللي بجنب الباب ويدقق الا والله شامبو وحفايظ الله يعزكم) قلت اسف والله العتب عالنظر .... قال : هههههههههههههههههه عندي دوا للنظر ولا عدسات انما ايه قلت : ههههههههههههههاي انت باقي ما عرفتني هذا من الجوع بس خلني ادخل الحين واتعشى وتشوف. وهذا موقفي الطريف واتمنى اسمع منكم كلكم ..كلكم....كلكم والسلام :) :) :) :) |
اليك موقف حصل لقريبة لي " مرتن مره "
كانت تقضي اجازتها الصيفيه مع زوجها وابنائها في اندونيسيا وتعلم أن اختلاف العادات تسبب في اختلاف الاطعمه ....... قررت العائله الذهاب الى الجبل الاخضر وهي منطقه جميله جدا في اندونيسيا ... سكنوا في فيلا تقوم على خدمتها اندونيسيه لا تفهم العربيه في اليوم التالي قامت السيده الزوجه المصونه :) لتعد طعام الاسره اكيد بيكون الغدا كبسه باللحم المهم قال الزوج لزوجته : بنروح نتسبح واذا جهز الغدا نادي علينا بينما كانت تعد الطعام وجدت ان هناك بعض الاشياء ناقصه مثل الليمون ...فحاولت بالاشاره ان تفهم الخادمه لتحضر لها ليمون أو على الاقل عصير ليمون معلب وبدأت الزوجه الوااااثقه الطبخ بكل ثقه ..:) عادت الخادمه تحمل جميع الاغراض المطلوبه حتى الليمون تعودت هذه السيده ان تضع بضع قطرات ليمون على الكبسه قبل انتهائها لتزيد لون الارز بياضا :) بحثت عن الليمون في الاغراض بشكل سريع لأن الكبسه قاربت على الانتهاء وجدت كيس مرسوم عليه نصف ليمونه ...:) طبعا التعليمات المكتوبه عليه لم تكن با العربيه وانما باللغه الاندونيسيه اخذته بسرعه وقطعت طرفه الجانبي ووضعت منه بعض القطرات على الكبسه وفجاءه وفجاءه رأت منظر غريب تدرون وش ها المنظر؟؟ بدت الرغاوي تطلع لها من الكبسه وفهمت أن اللي حطته على الكبسه كان صابون سايل :D :D المره توهقت اولادها وأسد الغابه "اللي هو ابو عيالها " ينتظرون الغدا :) راحت لهم عند المسبح وقالت لهم ماشالله عليكم اجل عجبتكم السباحه ؟؟ قالو لها :اييييييييييه بس يمه جوعانين وين الغدا خلص ؟؟ ضحكة لهم ضحكه بريئه وقالت : الرياضه اهم من الاكل وترى ما يصير تطلعون من المسبح وتغدون على طول, خلكم شوي في مسبحكم وبعدين اشربوا العصير اللي برسله لكم مع الشغاله ............والغدا لاحقين عليه ورجعت بسرعه للمطبخ وسوت لهم كبسه سريعة التحضير ;) يعني كبسة 2020 مو 2002:) بصل على زيت على ما على رز وطلعت لهم كبسه ولا احلى ولا اطعم وتااااااااااااااابت الزوجه عن وضع الليمون على الرز ولو يطلع لها الرز فسفوري وصاح الديك فسكتت شهرزاد عن الكلام المباح :) |
ههههههههههههه ...
حلووووووو ..عجبني الموضوع .. بس ادور في ارشيفي .. وعقب اقولكم ....... ;) |
مسسسسسسسسسسسساء الرياحين والجوري;)
صوت الشباب : الحمد لله كل الشروط متوفره ماعدا الشرط .. 1 و 2 و 3 و 4 الا على فكره أخوي تراي ماشاركت الا عشان اللعب اللي قلت عليه(لأني أحب اللعب والخطوه:D ) ... الموقف صار معاي بشهر رمضان (الله يعيده علينا وعليكم انشاء الله) لما رحت للحرم مع جدتي وخوالي .. أخذنا العمرة قبل صلاة المغرب وفطرنا ومشينا ، طبعا تعرفون اشلون الزحمه برمضان (بعدت عنهم مسااااافه ) بس مطمنه لأني شايفتهم قدامي ،، وشوي شفت خالي جاي جهتي وشوي الا وذاك الصوت (( اوعى .. اوعى ... سبني )) طبعا مع الربشه وخوفهم علي تورط خالي بوحده وقام يجرها من ايدها يحسبها أنـ:D ــا .. ولما التفتوله الناس ضيع وش يسوي المسكين من الفجعه ... تعالوا دوروه ماتلقونه .. وأنا بعد ماتلقوني من الضحك (لا وبعد لي عين) (تفكروني سلمت ... الا يازييييييينه من دش) انغسل شراعي:( سلاماتي .. |
اول شي حيااااااااااااااكم كلكم ومروركم على موضوعي شرف لي فما بالكم بالمشاركة
واهمه ،، اهلا وسهلا بك ، وبعدين موقف حلووووو اللي في اندونيسيا بس تستاهل ثاني مره تناظر تتاكد تعرفون الاسيويين ذولي عليهم تصانيف ... مثايل ،،،، اعجابك بالموضوع ..........يجعلني اشعر بالفخر همس الغمام اثبتي ان الشرط الاول ينطبق عليك ،،،، والظاهر الرابع ;) اهلا بكم وننتظر موقفك مثايل والسلام |
مـــــرة الله يسلمكم هبطت الطيارة في مطار ألمانيا هبوط مؤقت ....
وأنزل أنا وأهلي ....ولين الدنيا ما أدري وش قايلن بها ربي ... وما أدري الله يتوب علي كم فرض صلاة فاتني ... المهم فرشت سجادتي في أحد الأزقه<---------(( لا تفوتكم بس كلمة الأزقه معناها أحد الأسياب :D )) وأقعد أروكع ...وأصلي ... شــــــــوي إلا أشوف كم بزر حولي .. المهم وأقعد أصلي وأروكع .. شـــــــوي إلا تجمع علي بزااااااااارين وشــــــوي إلأ يتجمهر علي عشرين طعش بزر ...أشكــال وألوان الأشقر والأسمر والصيني والياباني وكلهم صغـــــار قلبوسيين ...يدننـــــون يهبــــلون ..يطيرون العقل ... ويقعدون يتفرجون علي .....وأنا أروكع ويتهامسون ...وأنا ما عطيتهم وجه ...أخلص من صلاة أبدى الثانيه ... وهم يتأملون فيني ...ويتفرجون ...تقول ولا يتفرجون على أفلام كرتون ..ويتفرجون ....ويتأملون ..وأنا أروكع ..ويتفرجون وأنا اروكع المهم ....... يوم خلصت صلواتـــــــــي ... ألتفت أنا عليهم ....وقعدت أناظرهم ...وأنا قاعده .. هم ارتابوا وخافوا وقاموا يرجعون ورا ..............لأن معزبتكم طالعه ننجا لابسه أسود ومتلثمة بقوه برصاصي ....:rolleyes: المهم نرجـّـع الكامير للأطفال .....أيوه وقفنا يوم إنهم طيّــروا عييناتهم وصاروا يرجعون ورا ولسان حالهم يقول ...وشذا اللي كان صنم يسوي حركات غريبه وفجأة التفت علينا .... المهم وقاعده أنا أناظرهم ....وهم يبعدون ...وأناظرهم ...وهم يبعدون .. بعديـــــــن قلت واااااااااااااااااااااااااااااع :25: <--------ترى على بالي بأروعهم بس والله قلت وااع ولا ماقلت ... يااااااااااااااااااااااااااااااااااااااااااااااااا ااااااااااااااااااااااااااااااااااااااااااا هييييييييييييييييييييييييييييييييييييييييلب ميييييييييييييييييي ماااااااااااااا أبد ماشفت إلاّ عجتهم وصراخهم ....قاموا يتصاقعون في بعض وينحاشون وحالتهم حاله وإلي ينادي أمه وإلي ينادي أبوه أنا خلاص تبـــوني أسكت ....بطني بغى يتقطع من الضحك ....يعني والله لو تشوفون أشكالهم شئ خيالي .... المهم بس في الأخير بغت تفوتنا الطيارة ....لأن أمهات البزارين الله يسلمكم كل وحدة إستلمتني عشان تقنع بزرها إني مجرد فتاة ....:3: عاد حلوها كل وحده قاعده تقنع في ولدها ساعه وتوريه وجهي وحاله ..... عاد هم ما عندهم تعطي ولدها كف ويسكت لا تقعد تقنعه لين عمنا يسكت ويقتنع:9: |
:D :D :D
:D أقول أبو الشباب إنت وجوري يا شيــــــن لين طاح وجه الواحد شينــــــــــــــاه :D |
لمياء اللي يسمعك يقول ما طاح وجهها
الا والله انتي اللي ياحليلك .. لكن عندي افتسار بسيط (استفسار) وش معنى " ملثمة بقوة رصاصي " والله ما فهمتها اذا كان مافيه احراج يعين واقولكم موقف ثاني اسكت من اللي قبله اسكت=اكثر سكاتة=مسكت مرره بس مو الحين انتظرووووووووووه |
صراحه انا الحين ما اتذكر شيء
بس ان شاء الله اذا تذكرت شيء ماراح اقصر والا اقول لكم هذي مشاركتي الله يعطيكم العافيه هاه ان شاء الله اعجبتكم |
قبل ايام قليلة كنت ابحث عن وظيفة في المدارس الأهلية للبنات
فوجدت مدرسة في طريقي ......... ودخلت المدرسة بكل ثقة ....وشادة حيلي في المشي........ فجاة......... حطيت رجلي وجري على برة........ تعرفوا لييييييييييييييييش ؟؟؟ رأيت رجال قدامي فتفاجأت بأن المدرسة مدرسة بنيييييييين......... الله يسامحهم ماكتبو على لوحة المدرسة انها للبنين. |
..........ها المره بقول لكم موقف سويته مع " ابوي " الله يرحمه ويغمد روحه الجنه ويجمعنا فيه بجنات الخلد ....قولوا امين
اذكر طلعنا من بيتنا بنسوي فيه شوي ترميمات وسكنا في بيت عمي مؤقتا , ذاك اليوم رجعت من المدرسه وفيني ملل وطفش , يمكن لأن البيت تغير علي والا زحمة الخلق في البيت , مدري ...........المهم قررت اسوي مقلب " اضيع فيه الملل ".......................... بس في مين ؟؟ قررت اسويه مع أبوي رحمة الله عليه رحت وأخذت عباة لجدتي الله يعطيها الصحه والعافيه جمّعت على العباة " برقع " وشيله و.......يعني طلعت طقم واحده مسكينه على باب الله لبست الطقم وانتظرت رجعة ابوي رحمة الله عليه من العمل كنت كل شوي اطالع مع الشباك اشوف وصل والا تو يوم سمعت صوت سيارته رحت اركض وجلست عند الباب الرئيسي وجلست بعباتي والبرقع على طرف الباب وقلت لا اخواني يا ويل اللي يعلم ابوي بشي " رحمة الله عليه " المهم دخل ابوي رحمة الله عليه وطالع يمين الا ذيك المره المبرقعه مادتن يدها له وتطلبه صدقه طالعني شوي ثم دخل يده في جيبه وعطاني اللي فيه النصيب اخوي يوم شاف الدعوه جد وأني طلعت بفلوس , فتّن علي طالعني ابوي مره ثانيه وما قدرت امسك الضحكه وعيونكم ما تشوف الا النور صار في حوشنا سباق الماراثون , اركض وهو يركض وراي وعباتي صارت لي مثل جناح سوبرمان :) :) :) .....................وتوته توته خلصت الحدوته ياربي ترحمه وتكسبنا بره ورضاه .............................طبعا ها الحدث التاريخي كان قبل الزواج يومن واهمه في المرحله الثانويه ;) |
الله حلوة مرة موقفكم عن جد
ابحاول اخلي ذاكرتي تساعدني شوي :o :o :o |
هيييييييييييييي
ابله واهمة والله إنك شقيه ............عاد طرارة مرة وحدة ........:D بعدين يا أبو الشباب ......ابفهم إنت وشلون ماتفهم ....يعني لا بسه خمار لونه رصاصي ومحكم الإغلاق ............... غريبه لا تنسين قصة الحمامة تراها تجنن :D |
السلام عليكم ورحمة الله وبركاته 000
تحية معطره لأخي الصغير 000صوت الشباب أخذت أبحث في أرشيف ذاكرتي عن المواقف الطريفه من أجل أن أشاركك بها فأنت والله نعم الأخ 0لك الأن هذا الموقف000000 يا طيبين الذكر جميييييييييعاً هذا كان فيه يوم من أيام رمضان الكريم وأبومتعب ((الوالد الله يرعاه)) عنده عزيمة فطور لزملأه وعاد من لها طبعا غير سهورتكم :cool: المهم أنا والخدامه وأمي في المطبخ عاد خويتكم تبي تبيض وجه أبوها محاشي وإيدمات وماغير أزيد ويالله شوي خطر على بالي أسوي فطيرة تمر و زبيب ومربى تصنيفه عاد وش تقولون :confused: !!! المهم جهزت السفرة والناس عاد يستعدون للفطور جاء أخوي قلت له خذ قال الللللللللللللله إش ذا قلت مفاجأأأأأأأأأأأأه أذن والناس أخذو واجبهم الأول وأنا طلعت حبه من الفطائر أذوقها أول ماحطيتها في فمي0000000:eek: أي ي ي ي ي صخخخخخخخخخخخر موفطيره ناديت على أخوي بسرعه جاء هاه وش تبغين قلت الفطيره لاحد يمد يده عليها قال كيف أسحب الصحون من قدام الرجاجيل قلت ترى إلا بياكلها ذنبه على جنبه شغل طبعاً الدش حقه علي وأعطاني على كل الموجات والله دخل أبو الشباب ;) يقول عيني على الفطيره وأقول حليله إلا اليوم بيمد يده عليك فجأة إلا إلي جنبه بالزبط مد يده 000000000000000000 تكفأ لا ((عقله الباطن)) يقول وأناظر في الرجال مسكين وهويدخلها فمه شوي إلا.................:eek: مسكين نشب الفاس في الراس قصدي نشبت الفطيره بين الأضراس وصار الرجال مسكين يحاول يفتح فمه ويصرف وجه يمين وشمااااال وأخوي يقول أناظرعلي فيني ضحكه وفيني حزن ,والرجال يدخل أصبعه يحاول يمسك فكه بيده مااااااافي فايده ,,,,,,,,, شوي إلا قال كثر الله خييييييييييييييركم ،، وين مأفطرت ,ماقصرتم الحمد لله! وقف عند المغسله المسكين بنخش بين أضراسه و يحاول يفكها من أثار فطيرة سهوره،وراح بعد مأخد بندول وخرج من بيتنا متلطم وأبوي مايدري وش السالفه!!!!!!!!!!!!!! أنا لاحد يمسكني ميته ضحك,عادأبوي يقول لي ضحكتي من غيرسنون إنشاء الله وأنا والله أقول ماهي عوايده دايم مايقوم إلا أخر واحد بين الشباب :D وهذا كان موقف أساهير ومن بعدها حرررررررررمت ما أعمل شيء مفاجأه:D يمكن لي إطلاله تانيه في دي الصفحه قول إنشاء الله:mad: أختك دااااااااااااائماًأساهير دمت في رعاية المولى والجميع |
اهلا باعزائي
اود ان اشارككم في هذا الموضوع بهذه القصه القصيره في يوم من الايام عندما كنت طفلة صغيره (يمكن ايام المتوسط) دخلت في راسي فكره ورفضت الخروج وسيطرت علي بشده اتعرفون ما هي هذه الفكره؟؟؟؟؟؟؟؟؟؟؟؟؟؟؟؟؟؟ خلاص بقولكم لقد كانت الفكره هي تربية حيوان اليف تدرون ايش هو الحيوان الذي اردت تربيته انه النمر:3: خلاص كفايه ضحك اكمل لكم القصه رحت وجلست جنب ابوي ابوي الله يخليك جبلي نمر طبعا ابويه طالع لي بنظره:confused: وقال لا قلت ليش لا الله يخليك جب لى واحد صغير اربيه واستمر الوضع هكذا كل ما شفت ابويه جالس الصق جنبه واطلب منه الحيوان الاليف وابويه صابر ويحاول يقنعني بس ما فيه فايده احسست اني غثيت ابويه من كثر ما اطلب منه النمر في الاخير وبعد مرور عدة ايام من العذاب صرخ فيني وهددني بالضرب طبعا انا كنت شجاعه ونسيت حكايه النمر الى الابد وسلامتكم اختكم ود الاحبة:rolleyes: |
همس الغمام .... لعب وخطوة:confused: وش السالفة ؟!!! ووش دراك اني اعرف اللعب والخطوة ؟!! لا تكونين من ربعنا بس ؟!!
واهمة ... الله يرحم الوالد رحمة واسعة ويجمعك به في الفردوس الاعلى ..امين امين ،،،،، وننتظر قفشاتك الحلوة غريبة ننتظرك اساهيرر قايلك من اول يمدحووووووون المطاعم:4: :4: ود الاحبة ،،،، اما نمر واليف بعد هذي لوحدها:D :D انا باقولكم موقف صار لي مره في الكلية اول فصل طبعا اعداد لغة انجليزية والله ومشينا ندربي روسنا ما ندري وش الطبخة جا الاختبار الاول ،،،، بعد اسبوع كان موعد الدرجات بيقولنا اياها الدكتور انا غبت ذاك اليوم جيت اليوم الثاني ودي اسال الدكتور عن درجتي ،،، طبعا اخوكم دجه انجلش واروح واطق الباب على الدكتور قلت يمكن القالي احد هالمصريين ولا السودانيين الا والله لقيته وحده(الدكتور طبعا نيجيري ومتجنس بريطاني) قلت السلام عليكم ،، قال اليكم سلااام قلت قود مورننق النيجيري : قود افتر نون صوت الشباب ( تذكرت ان الدنيا ظهر وضاع وجهي) المهم تشجعت صوت الشباب: اي وونت ماي مارك . النيجيري: وات؟؟ صوت الشباب: ماي مااااارك ... ماي درجتي . النيجيري : اوه ييه ،، سيت داون . صوت الشباب(يجلس ويقول ثانك يو يعني الولد بلبل انجليزي) النيجيري: اوووووه يوتيلنتايبعهلانمتيبرىنتيبالتنىينمبتانتيبالتنتنسيبى تنانتبيسلاتنيبالتنيبلتنيبسلتنسيمتنبنيبلاتنايسىبلتن اىسيبتلايتنبل . صوت الشباب : اوكي ثانك يو فيري فيري ماتش . النيجيري : اتز قود ايتين فروم تونتي 18 من 20 صوت الشباب: ايتين ؟؟؟ النيجيري : ييس صوت الشباب : سي ذات من زمان الله يخرب عألك . ثانك يو . واطلع بعد ما نشف ريقي وبغيت اطلع وانا مدري كم درجتي بس الحمدلله . :) :) :) |
الظاهر انك ياود الأحبه متأثره بماوكلي:p
صوت الشباب تدري لو انك قلتله : سيبلرايفغالير اتهاعموزىسيسشلرربيبببه كزونعاللبيسصرلا بيساتاانمخوزرربلفيس . كان رد عليك وقال : اوووووه ماي قاد ! وت از يور نيم ؟! طبعا انت تعرفه بنفسك فيرد عليك ويقول : يخرب عألك واادي الدرقتين اللي خسرتهم :D (طبعا بحكم انك فلته بالانقلش). راح أعطيكم وحده.. رحت مره ويا أخويه مشوار وبعد مانتهينا منه .. رحنا سوبر ماركت نشتري مرطبات وخلافه .. المهم نزل أخوي من السياره وقاعده انتظره .. جات سياره ثانيه نفس سيارتنا "الموديل واللون " ووقفت جنبي .. دخل صاحب السياره السوبر ماركت أخذ سجاير ومويه وطلع .. شوي الا والآدمي جاي جهة السياره وفتح الباب وجلس وقاعد يتكلم على باله أنا اللي معاه بالسياره .. أنا من الخرعه بمجرد ماركب السياره نزلت من الباب الثاني من غير ولاكلمه .. وسكرت الباب ووقفت عنده (( ههههههههه ماعرفت وش اسوي )) فشله ياربي .. ادخل السوبر ماركت ادور اخوي ولا اوقف عند السياره صاااااااااااااار منظري مايتفوت .. وهو ينادي ويقول : بنت .. بنت ..لا واللي زاد الموقف احراج ان اللي معاه بالسياره تصفق بالقزاز وتنادي وهو مو حولها .. لأنه مستغرب اشفيني نزلت .. الا ويطلع اخويه ويطالعني ويطالع الرجال اللي بالسياره .. بعدها نزل الرجال من السياره وقام يتعذر .. واخويه يضحك ويقول حصل خير .. حصل خير . غريبه .. وين الناس ؟!:confused: مع تحيات .. يور قراند ماذر :3: |
الله يقطع سواليفكم انشاء الله بصراحة توسع الصدر الله يوسع صدوركم عاد جاء دوري
مرة من المراريت كنت في لبنان مع الحملة قصدي مع العائلة وكنا كثيرين ماشاء الله ,كنا يالحريم وعددنا 8 بالسوق وجاء وقت الصلاة .......وش نسوي المهم وحدة من البنات قالت ندخل في احد هالمحلات ونصلي وفعلا دورنا محل كشخة ودخلنا ............وانتم عارفين طبعا ان كل مكان في العالم ما تدخله الا وتلقى المسجلات ترنع بالصوت ,قمت وقلت للبياعة لو سمحتي تطفين المسجل ,قالت ولو شو علية تكرمي ولا سالتني ليش المهم قمنا ندور على مكان مناسب للصلاة وصفينا باسم الله يحرسنا كنا بنسوي عرضة وبدينا نصلي ونركع وحدة من البياعات جت عند وحدة من البنات وهي ساجدة( ودنقت) عليها يعني انحنت لها وقامت تقولها يا عيب الشوم علي عاشو عم بدوري عاد هي قالت هالكلمة وعينك ما تشوف الا هالكتوف اللي قامت تهز كنها مركبة هزاز عاد اختكم في الله كعتها ضحكة صارت خلاط مو هزاز |
بسم الله والسلام عليكم ورحمة الله
أطرف موقف حدث لي .. حدث لي هذا الموقف في خامس أيام زواجي كنت أسكن في فندق خارج المملكه مع زوجتي وكنا في وقت متأخر من الليل نتحدث سوياً وكان هنالك غرفة صغيره أخري نضع فيها الملابس والشنط .. قامت زوجتي وعلقت بدلتي في مكان لم يخصص للتعليق ولكن فعلت مافعلت عن حسن نيه "" علقتها في مضخة الحريق التي غالباً ماتكون في سقف غرف الفندق بحيث لو حدث حريق تبدأ بضخ الماء تلقائياً" عموماً علقتها ثم رجعت لي وتحدثنا قليلاً وطلبت منها أن تحضر لي عطراً من الغرفه المجاوره .. طبعاً عندما علقت بدلتي سابقاً علقتها بقرب الباب ثم أغلقته .. فعندما ذهبت لأحضار ما طلبت فتحت الباب بقوه فضرب الباب بالبدله والمعلاق فكسر المضخه ... وعينك ماتشوف ألا الما ميـــــــــــــــــاه في الغرفه في ظرف خمس دقائق حاولت أيقافه ولكن دون جدوى أتصلت بالأمن وأستغرق وصولهم خمس دقائق لأنه كان في آخر دور في الفندق(39)اً خرج الماء من الغرفه ودخل للغرف المجاوره وخرج النزلاء الذين كانوا قريبين منا وأقفلت نصف الغرف في هذا الطابق وأسكنوهم في غرف أخرى .. وكان موقف فعلاً مضحك جداً وخاصة أنه حدث في أجمل شهر ... عموماً بعد تخيل نفسك وزوجتك في السياره راكبه ونزلت أنت السواق طبعاً وتركت الباب مفتوح ومشيت مسافه " طبعا في الثمامه" وابعدت عن السياره كثير عشان تقضي حاجتك طبعا أنا أسمع زوجتي من بعيد تنكت عليّ وتضحك ماأدري كيف مسكت حجره صغيره وحذفتها عليها من مسافه بعيده المشكله أني ماني حاط في بالي أني أحذفها عليها أبيها تجي يمين يسار بالسياره عادي لكن عليها لالالالالا عموماً الحصاه جت بالضبط على حاجبها ... واووووووو وينقلب الضحك بكا ... والله ما أقصد نص أضحك ونص أواسيها طبعاً هذا درس يقول بعض المزح ماله داعي ... |
أبو الشباب ولو إنها مقفله معي الحين بس والله موقفك ضحكني يا أخي
تعرف الدورة المكثفة اللي درستها إنت درست أنا مثلها يوم كنت في طب أسنان وكانت وحدة تدرسني ما أدري وش قصة أمن جابتها ....ما أدري وش جنسيتها بس الظاهر إن أبوها بريطاني وأمها هندية ..واسمها حمير عاد مرة قاعدة تشرح لنا كانك تذكر ذا الدرس عن الهيكل العظمي المهم بقدرة قادر انقلب الموضوع من هيكل عظمي وجمجمة وقفص صدري إلى سواليف وقعدت تسأل عن معاني أسمائنا وش معنى لمياء وش معنى سمر وش معنى نهى وهكذا ....عاد قاموا البنات سألوها وش معنى حمير يعني إسمها توها بتجاوب قمت قلت أنا وما أدري صراحة وشلون قلتها young donkey يعني حمار صغير ولا بعد قلتها بصوت عالي فرحانه ويا وجهي بس والله موب أنا صادقه حمير يعني تصغير حمار المهم وتخبطني البنت اللي وراي وتقبصني اللي جنبي وتجي المدرسة وتقول : وت ديد يو سي ؟؟ قلت :أأأأأأأأأأأأأأأأ نا ثنق ولاشئ قالت : نو يو سيد سم ثنق قلت .أأأأأأأأأأأأأأأ ا سيد ياطويلة العمر حمير مينس حمير يعني أأأأأأأأوأناظر البنات أبيهم يطلعوني من الوهقة اللي أنا فيها ....حمير مينس قالت : وات كامان قلت أأأأأأأأأأأأأأأأأأ حمير مينس أأأأأ أ أيوه لقيتها حمير مينس beautiful :D قالت :رلـــــــــــي قلت : ايه يس احسن لا تصدقين :12: قامت فرحت المرة انبسطت .....إيه وخمس درجات ظمنتها في جيبي |
أحد زملائي في العمل طلب مني أمراً يجعل من شنبه كثيفاً ((يقف عليه الصقر)) وشنبي دون ذلك بمراحل بل لاتكاد تراه،فقلت له هذا الأمر يتطلب حضورك لي في الصباح الباكر وقبل الفطور فامتثل وجائني في اليوم التالي،فبحثت عن تلك المادة في بيتنا فلم اجدها وقمت بشرائها من البقاله وهي تشبه إلى حد ما معجون الأسنان فأخذت قدر انمله وقلت اجعله على شنبك فامتثل المسكين وبعد دقائق قال لي ياأخي لقد احرقني،فقلت إذا بدأ مفعوله،ولكن انتظر قليلاً وبعد برهه من الزمن قلت الآن امسح شنبك فتحول شنبه على ورق الفاين.هذه الواقعه حدثت عام 1408
|
بصراحه يا صوت الشباب000تشكر جزيل الشكر على هذا الموضوع
جميل أن تسمع النكته من صاحبها مباشره فمصداقيتها تكسبها الكثيرمن الرونق 00وروح المرح والدعابه000 وكل موقف أحلااااااااا من الثاني00 تسلمووووووون الله يوسع صدوركم شكر لك 00والشكر موصول للجميع :) :) |
بسم الله الرحمن الرحيم
سلام الله عليكم جميعا.. اخواني .. كانت مواقفكم ظريفه ولطيفه.. واليكم اعزائي ما عندي بما ان لي اخت توأم ونحن من التوائم المتطابقين فكانت وما زالت لنا مواقف طريفه لا تعد ولا تحصى وحيث اننا .. يعني انا واختي التوأم وانا دائما اقول نصفي نحب ان نقوم بعمل مواقف طريفه ..مستغلين الشبه الكبير الذي بيننا لكن كانت هناك مواقف محزنه بالنسبه لي ولها ايضا بسبب الشبه حيث اوبخب و في بعض الاحيان اضرب ظننا من والدي انني هيا وهي ايضا .. هذا كان طبعا ونحن صغار اما في المدرسه .. فحدث ولا حرج.. اقولها لاحقا هاكم آخر موقف حصل لاختي ظننا من الرجل انها انا.. في الصيف الماضي وهذا الصيف ذهبت انا وابو الاولا د والاولاد الى دوله عربيه شقيقه ... فكنا نسكن في مكان معين وعماره معينه فكان حارس العمارة يعرفني عز المعرفه ... صباح الخير يا ام احمد .. مساء الخير ياام احمد مائه مرة في اليوم يقوم ايضا هذا الحارس الطيب في قضاء بعض حوائجنا.. المهم بعد انقضاء الاجازة ودعناة انا وزوجي ورجنا الي البلد بعد اسبوعين ذهبت نصفي (توأمي) الى نفس البلد وبالصدفه الى نفس العمارة تقول اختي ... كان الرجل(نفس حارس العمارة) ينظر الى بنظرات غير طبيعيه تقول انا فهمت انه يظن انني انت... لكن طنشته .. في اليوم الثاني ذهب زوجي مع الاولاد الى المسجد الذي كان مقابل للعمارة بعد الصلاة .. خرج زوجي من المسجد واذا بالحارس يسأله (زوخ اختي) هل تعرف شخص اسمه ابو احمد.. زوجي على طول عرف انه كان يقصد ابو احمد زوجك .. فقال له أي ابو احمد قال الحارس . .. ابو احمد هذا اللي عنده سيارة كذا وكذا قال زوج اختي بلهجه جديه .. طبعا قاصد يمزح نعم هذا كان زوج زوجتي السابق هو طلقها وانا تزوجتها..!!!! ماذا تريد هل تريد شيء؟؟؟!!! الحارس كان راح يغمي عليه .. قال : لا ما لك حق يا بو احمد كيف تطلق ام احمد واصبح يولول المسكين ويصفق يد بيد في الاخير .. صارحه زوج اختي بالحقيق وصاروا يضحكون في اليوم الثاني .. ذهب الحارس الي الشقه لم فتحت اختي الباب اخذوا هم الاثنين يضحكون قال لها الحارس لم اتوقع انكم توأم بهذا الشبه الكبير يقول الحارس .. كنت اول ما رأيتك اقول ام احمد لساتها ماشيه ..شو يللي رجعها .. لا .. وبعدين ما صارت تسلم علي.. معقول تكون نستني بهذه السرعه..!!! المهم هذه موقف من المواقف الطريفه التي نستمتع بها بسبب الشبه الذي بيننا .. وللحديث بقيه.. |
الشكر لكم جميعا
فبكم يحلو الكلام ومعكم تحلو المواقف .. لا زلنا ننتظر مواقفكم ابله صفو الحياة وابله مثايل مره ثانية الف الف شكر لكم كلكم وفيه موقف صار لي بس مستحييييييييييييييييييييييييييييييييل اقول لاحد لانه من جد يخجل وانتو بتمسكونها علي عارفكم لكن باقولكم موقف ثاني ،،،،،، لا وبعدين مو الحين شوفوا الحظ:( انتظروني زي ما انا انتظركم :) :) :) |
السلام عليكم
يعنى يا اختى ما لقيتى الا النمر لجل تتخذية حيوان اليف ؟!! بس واللة شجاعة .... للاسف لا يحضرنى اى موقف مضحك ,بس ان شاء اللة فى المستقبل [IMG]http://[/IMG] :rolleyes: ولكم منى احلى سلام |
السلام عليكم ورحمة الله وبركاته
ايوه نمر نمر نمر ايش فيها يعني غريبه والا ايه ترى هذا مو الحيوان الوحيد الذى طلبته من والدي ترى فيه غيره كثير مثل الثعبان والحصان...........بصراحه لم اعد اذكر هههههههههههههه والشيئ الاخر هو انه: بصراحة لى فتره وانا انتظر اقرا مواقف من الاعضاء لكن بلا فائده حتى صوت الشباب وعدنا بواحد من مواقفه الكثر ولكن:confused: لازلنا ننتظر:3: واثناء هذا الانتظار بقولكم موقف ثاني صار لى في يوم من الايام طلعنا انا والعائله الكريمه نتمشى في البر وطبعا بعد ما فرشنا الفرشه وقعدنا قامو اخواني الصغار يلعبو وبعد شوي قمت انا واختي نتمشى وبعدين رجعنا جالسنا وبعدين طفشتو صح:D المهم قام ابويه واختي يمشون قمت انا لحقتهم ومن زود اللقافه ما لبست حذاء الله يعز الجميع يعني رحت حفيانه ولمن وصلت عندهم صرنا نتحدى بعض في سباق العودة الى الفرشه طبعا انا اتحمست وبداءت اتسابق مع ابويه وعينكم ما تشوف الا النور شوت حجر في الارض واصدم برجلى مره ثانيه ثم /// /// /// حصلت نفسي منسدحه على الارض بعباتي يعني نايمه على ظهرى كانى في السرير طبعا نان عنده ما قدرت امسك نفسي من الضحك وابويه صار يضحك على والكل صار يضحك على وابويه يقول يخس عليك ما تقدري تجري وانا اقوله عن الحجر بس مو مقتنع :4: اهم شي اني ما تاذيت الحمد لله وبقيت هذه الحكايه ذكرى سعيده في حياتى لا تطولوا تراني انتظر............................................. .................................................. .................................................. .................................................. ............................... والسلام خير ختام اختكم ود الاحبة:) |
اليوووووووووووووووووووووم حصل لي موقف ام اس كي تي يعني مسكت
عندنا اليوم درس انجليزي الدكتور. يودر طبعا اكيد امريكي قال : يالله كل اثنين يطلعون يسالون بعض.... كيف الحال ؟؟ انا اسمي فلان ؟؟ الثاني وانا اسمي كذا المهم يعني درس كيف تكلم واحد لاول مرة تقابله في الكتاب فيه مثال واحد ووحده يعني مان اند وومن يعني مستر اند مز الدكتور مع احترامي غبي يقول كل واحد ياخذ شخصية ويتكلم بدالها انا حظي صرت السيدة ماري قلت والله تبطي اصير انا السيدة ماري والشباب يضحكون علي طبعا حتى الشباب معي ما اعرف فيهم الا واحد تعرفت عليه حظي طلع بلبل انجليزي اسمه ابو شهد المهم انا ما ابغى اصير سيدة ماري ما احلاني وانا اقول هلو ااام ماري هوستا ويقول خويي جراد تو ميت يو مز ماري (((((( قوية صح؟؟)))))) والله قال لازم تصير ماري قلت طيب ،،، المهم بعد ما عرفت بنفسي قال اللي معي بالانجليزي طبعا تشرفنا سيدة ماري قلت : تخسى والشباب يكعون ضحك ضحك ضحك وهو اولهم اللي قلت له تخسى قال الدكتور : what did you say?? يعني وش قلت صوت الشباب : ايوووووااااااااااااه انا عارف النهارده مش حيعدي على خير صوت الشباب: اي سيد بليزد تو ميت يو تووو . يعني وانا بعد تشرفت الدكتور : نو نو يو سيد ارابيك ورد صوت الشباب( قعد بها) : ابو شهد الحقني اشرح له ابو شهد جلس يشرح له ليييييييييييييين فهم الدكتور: اهه اهه اهه كالد(خالد) ذاتز جست كركتر(هذا بس تمثيل) صوت الشباب يس اي نو اي جست امزح معه . والله وعدى الموقف المحرج والحمدلله وفيه موقف ثاني مره من المراريرررر ( داري كلامي كثير بس تحملوني انا اذ مسكت خط خلاص وخرو عني) مره ارسلتني الوالدة اجيب طبق بيض واروح للدكان وانزل وانا وحدي طبعا في السيارة المهم شريت البيض رجعت وانا شايله على راحة يدي بكل ثقة والله واركب السيارة (((((((مكان الراكب))))))) وانتظر السيارة تمشي واناظر بجنبي الا والله مافيه الا انا اوووووووووووه لقد تذكرت انني وحدي في السيارة يالها من فشلة واتلفت عسى محد شافني واصرف يعني اني متعمد احط البيض في المرتبة الخلفية بعدين نزلت وانا وجهي ضايع وركبت السيارة ورجعت رجعت البيت وامي سوت لنا كيك وانا اكلت الكيك مع الشاهي والشاهي جاي من سيلان سيلان هذي بلد اسيوية بس خلاص لا يكثر انتظر مواقفكم :) :) :) |
:D
أقوووووووول موب كن الصفحة تمددت من الضحـــــك :D ياحليلك يا أبو الشباب يا مس ماري خلاص اسمك مس ماري لا تحاول لا لا لا لا خلاص ....مس ماري كيف الحال :D عساك طيبه .......هاهاهاهاهاي لا بقه عليك والله :D بعدين سموا على دبوجه بسم الله عليها الرحمن الرحيم الحمد لله جت سليمه عندي وموقف والله أقول بعدين :25: |
انا طيب مره في الحرم كاشخه عند باب الملك عبدالعزيز
وانا اطالعه الدرج مادريت الا وانا باخر درجه على وجهي والرجاجيل ماصدقوا ويوم قمت انحشت وانا مادري ويني فيه .................. مره رحت لزواج بحلق واحد اذن فيها حلق واذن مافيها فيه اغبى من كذا |
بسم الله عليكم كلكم انتو يالبنات الله يهديكم احيانا مطافيق ما تشوفون قدامكم
بس انا مرة طحت طيحة ولا طرزااااااااااااااااااااااااااان تسلقنا مرة جبل ،، واحنا نازلين جينا من عند مجرى مويه صناعي يعني ينزل من فوووووووووووق الين تحت يعني ماشي معنا طبعا كان فاضي مافيه مويه ،،،، وفيه حوالي متر منه مخفوس في الارض جرف يعني المهم اخوياي يمشون بجنب المجرى على الحصيان شوي شوي وانا ماشي على نفس المجرى وطبعا كل سوي تزيد سرعتي وانا ماني حاس ما ادري الا وانا اركض والمنحدر خطر وانا الفرامل عندي ماااااااش والوزن ما يخارج ووصلت عند الحفرة واخوياي يقولون وقف وقف وانا اقول لا لا لا لا يعني لا اطيح والله وصلت عند الحفرة ومسوي ذيب بانقز من فوقها وفعلا نقزت لكن السفن اب نقز من يدي واخذت قلبتين كذا على الماشي كل هذا وانا اضحك واقول باسم الله علي ههههههههه بسمههههههههاللهههههههههعلي هههههههههههه لمياء لا يكثررررررررررررررررررر الدكتور وماسك علي درجات ومشاركة ولا كان تفاهمت معه لكن انتي ههههااااااااااي باخلي اساهير تتفاهم معك suger حركتك صح غبية بس فيه اغبى هذا واحد اسمه صوت الشباب راح عرس عاد ذاك اليوم انا شريت عقال جديد المهم نزلت من السيارة يوم وصلنا الحفلة وانا نازل طبعا قاعد اشخص على قزازة السيارة وكل شي تمام وواثق من نفسي ويوم جيت بادخل الا ولد خالتي شافني على طول قال مبروك العقال ،،، قلت الله يبارك فيك بس وش دراك قال شف العقال يوم اناظر في نفسي مرة ثانية الا والله الورقة الذهبية (الماركة) واقفة كذا على العقال من فوق وطالع شكلي يهبلللللل قلت زيييييين بس ما دخلت باقي عند الباب ولا شافني الا ولد خالتي :) :) :) |
قويه الطيحـــــات حقتكم
أجل مادريتوا عني كنت داخله سوق صحارى أول مافتح أنا وخالتي ..وأنا عاد بسم الله علي كل شئ فيني عملي خصوصا في السوق أحب أقضي أشيائي بسرعه وأمشي .. المهم كنت لابسه ذيك الجزمة الرياضيه وخالتي وراي وأنا داعسه البنزين وأقول ميد خالتي (( تعالي تعالي في محل جديد فتحوه يهبــــل إمشي أوريكيـّاه )) ..المهم وأمغط وا عاد مغطه وجزمه كورة وعبايه تطير يعني وخر عن دربي إلاّ وصلنا المحل واقول ميد خالتي أيوه شوفيه شوفيه وصلنا تعالي ندخل )) وأجي وأمغط زيادة ووخروا عني بدخل المحل إلاّ دردب طاع أأأأأأأأأأأأأأأأأأأأأأأأأأأأأأي الله يسلمكم ماشاء الله على المحل منظفين القزاز حقــهم لدرجة إنك تحسب مافي شئ فأنا يوم جيت أدخل أحسبه الباب صار قزاز فخبطت ذيك الخبطه ياهو طلع صووووووووت .... يا هي دمان خرخرت من مناخيري ...ياهو الناس ضحكوا علي ...ياهو فشيلة تفشلتها ...................:3: طبعا على طول ثلج على راسي وعلى البيت :D مرجووووووووووجه لا مؤاخذه :D |
محد يلومك لميااااء اصلا من يوم تسوين استرخاء بعدين تقولين السلام عليكم ورحمة الله السلام عليكم ورحمة الله وانا غاسل يدي
مره دخلت المسجد انا وواحدو من اخوياي وبعد الصلاة كان فيه مباراة واحنا طالعين من المسجد واجي من ورى الرجال وامسك يده واقول رح الحين قل الوالدة تجهز لنا شاهي باجيك اشوف المباراة عندك واذا فيه عشا عادي ما ازعل ولو فيه بعد كيك وعصير يكون احسن والتفت الرجال ياللمفاجئة انه ليس خويي انه واحد يشبهه في البودي قلت سلام عليكم وانا قلت سلام وهو يضحك يضحك حتى السلام ما رده وعرف اني مشبه بس انا من باب الذوق قلت اسف والله مشبه تفضل معنا :D :D :D |
مساكم الله بالخير جميعا
صراحة اعجبني الموضوع ومواقفكم خاصة الاخت لمياء واخي العزيز صوت الشباب ....... وانا عندي هالموقف ابذكره لكم ..... كنت اصلي صلاة العشاء وكان فايتني الظاهر ركعتين المهم كان اللي جنبي بزر تقريباً عمره 10 سنوات وبعد ما سلم الإمام قمنا لإكمال ما فاتنا من الصلاة المهم كان هو طاير الله يهديه الظاهر عنده مشوار والا شيء ... المهم وانا واقف في الركعه وهو جالس للتشهد جتني العطسه الصامله اللي ما تتفاهم تطلع غصب ... وانا ما مداني احط يدي والا اشماغي على فمي الا وهي تجي على ظهر هالمسكين اللي جالس والله وشوفه يمسح راسه وظهره ويديه وكان ما لبس ثوب لا بس بدله رياضيه ... المهم قعد له شوي وهو يمسح وانا والله ادق اللطمه يعني الف شماغي على وجهي من الفشله ....... واحاول اتأخر شوي بالصلاة علشان يروح واشوى اني ما كنت مصلي في مسجدنا علشان ما يصير يعرفني :D ولنا عودة بإذن الله |
حياك ابو لطيفة حياااااااااااااااك
بس لو انا مكان الولد كان قمت وصليت الوتر وصليت التراويح اليييييييين تخلص من صلاتك بعدين اتفاهم معك:p لكن حظك انه راح وننتظر رجعتك وباقي الاعضاء :) :) :) :) |
أقوووووووول كني أسمع أحد يناديني00000:confused:
آآآآه هذا أخوي صوت الشباب أخــــــــ لمو وسهورةــــــــو إشبك عليه يالمو ماتنتهي هوشاتكم أبد0 المهم كيف حالكم جميعاً إسمع ينعم الأخ صوت الشباب ((اللهم يافارج الهم وياكاشف الضر تفرج لأخوي صوت الشباب كل غمه وتوفقه وتيسر دروبه كلها وتخلي حياته هناء×سعاده)) دعيتلك لإنها كانت قآآآآآآآآآآفله معي خلاص شوي إلي بنفجر يارب وكل واحد في ذا المنتدى الطيب اللهم آآآآآآآآمين كيف أحوالكم جميــــــــــــــــــــــــــعاً أقــــول الدراسه 19 أسبوع خويتكم مثل الخدامات بدت تشطب في ذا التقويم عشان موعد الترحيل :D قصدي الإجازه أقول لأمي مر أسبوع بقي 18أسبوع:3: على العمـوم أساهير لقيت الحياه بدونكم مووووووووووت محقق وحطيتكم في الجدول كماده أولى سميتها ((مادة السعــــــــــــــــــــــــاده)) خلاص أبلى واهمه ولمو وكل الي يحب اساهير:31: طيب تبون الموقف ,,,هذا ياطيبين الذكر مره جاء عند أخوي ضيف وكان مزعلني قال قومي سوي شاي قلت لا لا لا أحسن من قللك تضربني قامت عاد أختي الصغيره عاد تبغى تسوي نشميه قالت أنا بسويه راحت بنت الناس وتقوم تسوي الشاي وترسله عليهم أول ماشرب أخوي :3: تخيلو حاطه ملح بدل السكر والله يقول الولد شرب فنجانه ورجله فوق رقبته ,وخدوده داخله خارجه ،حتى لون وجه متغير الظاهر أنها مكثره السكر أقصد الملح أم أنا وأخوي الثاني يقول قعدنا نلقط في وجيهنا,ونصرف ونضحآآآآآآآآآآك :D بدون داعي عشان نصرف تفشيلتكم ياذا البنات ـ ــــــــ ـــــــــــــ ــــــــــــــــ ــــــــــــــــــــــــ ومره من المرررريت رايحين نتمشى وشفت أخواني كللللللللهم طالعين نازلين على ذا الجبل إلا أنا قمت عاد وأنا بنت أبوي أتسلقُ الجبل ويسلالالالالالام والله مايخوف شوي يييييوم أناظر تحتي0000:3: آآآآآآآآآآآآآآآآآآآآآآآآبووووووووووووووووووويييييي يه آآآىىىىىههههههههآآآآآىىىىىهههه بكى وصريخ ولاصق زي ((الوزغ ))على الجبل المهم إلي ميشتري يتفرج ويجون أخوني عطينا يدك لالالالالالالا مييييييييييته من خوفي وصررررررررررراااخ لمن جاء أبوي ويمد يدينه لي وأنقزلكم عاد ذا المره زي سبيدرمان بس تقليد وكلللللللللللللللللللللهم ميتين ضحك وأنا بس شلالالت دمووووع صدق إلي قال ومن يهب صعود الجبال 0000يعش عمره مابين الحفر بس بالله الحفر مو أرحم من الفضايح:D صوت الشباب ترى ولايهمك أختك راحت مره الجامعه ناسيه تشيل الورقه تقول زميلتي ((الله لنا نازلين السوق ومشترين ملابس :3: )) لقطت وجهي وإلى بعد يالمياء بس لاتخنصرين منه عوايدك تذكررررررين |
من هذاااااا؟؟؟؟:confused: :confused:
مو معقول :eek: :eek: :eek: اساهير الفرح ويييييييييييين من زمان ننتظر هلا بك ،، اولا امين الله يسمع منك الجميع انشالله ثانيا ترجعين للوالدة بالسلامة ولكل من يغليك بس بنت ابوك صراحه واثبتي انك بنت ابوك خاصة بعدما ناظرتي تحت :) :) |
هذا موقف سلمكم الله محرج من كل قلبي ،،، واقوله لكم ولاخوي عسول خاااااااصة
بس خلوه بيني وبينكم لاحد يدري :p هذا يوم من الايام قبل تقريبا اسبوعين كنت في مسجدنا الصغير الي نصلي فيه اربعة او خمسه واذا كثرنا عشرة واحيانا يصلي الامام والحارس بس :rolleyes: المهم كان في المسجد حوالي 10 مصلين والامام سلم .. انتهت الصلاة وانا بقى لي ركعة باقوم اكملها المهم وانا واقف اقرا الفاتحه الا ذيك البسه ( وفي رواية اخرى قطوه ) وقفت قدامي وتناظر في ذا الادمي الي يصلي وانا اقول الله يستر الله يستر:p المهم خلصت الفاتحة والسورة انتظرها تروح ما راحت قلت خلاص اكيد بتشوفني بس وانا اصلي وتروح ويوم ركعت وقمت الا وتجي مكان سجودي وتقول ميااااااااااااااااو وانا توهقت لو انها جايه قبل ما اركع كان قريت سورة البقرة لكن المشكلة بعد ما رفعت من الركوع يعني لازم اسجد خلاص والله وتفهم الموقف الامام الله يجزاه خير وقال واحد من البزارين قم طلع البسه وانا واااائف واهبل :p :p وبعد ما طلعها وخلصت صلاة يناظرون فيني الجماعة وانا اضحك وهم يكرونها ضحك وعاد تبدا الاقتراحات اللي يقول لو انك دفيتها برجلك ،،،،، واللي يقول لو انك سجدت واذا قربت دفها بيدك ،،، واللي يقول لو انك قلت لها وخري :D الله يقبل ذيك الصلاة والله اني اصلي وعيني عليها الله يقبل اكيد كل الاعضاء الحين عندهم مواقف جديده ننتظرها :) |
صباح الخــــــــــير
أحوال الجميع زينه انشاء اللّــــه
على طاري البسه .. خرّجت قبل يومين تقريبا قفص العصافير بالحوش .. قلت تتنفس مسكينه .. المهم وصيت أخوي الصغير ينتبه لها .. لأنه وقتها كان يلعب " حجه وحاجه:D " شكله غفل عنها .. وخرج الشارع .. خرجت أنا بعد فتره الا الريش على الأرض .. (البسّه كلتها ).. وأقوم أرسل من يناديه .. ويوم جاء هو عارف انه أكيد فيه شي وقف يطالعني من بعيد لبعيد .. قلت : قرّب .. قرّب ........ ولا أمداه يقرب وألحقه ودواره بهالحوش ويوم قربت منه الا وتصفق رجلي بركن الجدار .. جلست عالأرض أمسك اصبعي "واللّه انها سوّدت ".. وقف ولد الحلال يطالعني ويضحك .. آآآآآآآآآه .. زاد الضيم .. ومن القهر نسيت من الألم وأرجع ألحقه .. فقبضت عليه وذوقته ضربا مبرحا .. وسلامتكم .. |
بصراحه مواقفكم رائعه جداً..
حاولت ادور موقف بس ما اسعفتني الذاكره إلا بهالموقف.. كانت اختي عندنا و زوجها وبناتها الثنتين طالعين (7سنوات و5سنوات) المهم رجعوا من مشوارهم ورحت افتح لهم الباب.. يوم فتحته دخلت وحده منهم وسألتها ابوك بيدخل قالت لا.. والحلوه الثانيه سألها ابوها من فتح الباب قالت امي.. مادريت الا بالمسكين يطل علي ويقول (دَي) بعدها ما سمعت الا صوت خبطته في الشارع وانا متيبسه في مكاني.. وما تسمعون الا صوت ضحكة هالحلوه واختها يقولون (هاهاها لعبنا عليكم) بعدها اتصل المسكين على اختي يتعذر ويلوم بناته.. ويقولون براءة الاطفال.. اي براءة هذي؟:32: |
همس البعارين :p
قصدي همس الغمام عصافير تحطينها مع ولد امانه :D الاولاد بس يسمعون بالعصافير ما يدرون وشي نظرة امل فعلا البزارين عليهم تصرفات احيانا تدل على مكر مو براءه على العموم هالمواقف يااااااااما تصير والله انها تخجل صدق |
| الساعة الآن 09:56 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا