احساس فضيع
 

اخواني اخواتي

هل صحيح ان الميت يحس با الموت قبل موته .. لاني سمعت ان قبل لا ينوت الواحد يحس .. اناا عندي هاذا الاحساس ويشهد الله انه متعبني مرره

لا تنسوني من دعاىكم ..

رحماك ربي رحماك .. اااه ما اتعب الاحساس هاذا

انا من السعوديه وبا التحديد الرياض .. يا اخواني ابي اجابه صريحه جدا ان وش فيني

هل تعاني من الخفقان من دقات القلب السريعة والقوية

يااخوي ابطمنك لي 19سنه حاسه اني ابموت ومامتت يعني معذبه نفسي ومعذبه الي حولي ولااستفدت شي اقطع الافكارقبل تسيطرعليك وتصيرزيي حارمه نفسي كل شي الله يشفيناجميع ياااااااارب

اذاماتخاف من الموت وش تخاف منه بالضبط

فرعون لما وصل للغرغرة اي بلوغ الروح الحلقوم وعاين الموت وملائكة العذاب وقتها اّمن ولم تقبل توبته لانه عاين الموت المحقق ..

اما انت فلم تعاين الموت ولاالملائكة وماتشعر به هو مجرد وساوس وهلع ليخوفك بها الشيطان ويحزنك ويبعدك عن الغاية الحقيقية بالاستعداد للموت الا وهي العمل الصالح والتوبة,,

هذا هو الاصل في الاستعداد للموت وليس الخوف والهلع والعجز ..

وموت المؤمن خير من حياته لانه لاخوف ولا هم ولاحزن ولا ابتلاءات مثل الحياة الدنيا ,,
لذا ثق برحمة الله واكثر من الصالحات لتكسب اخرتك ولاتضيعها في اشياء لاتغني ولاتفيد فلا احد يموت قبل اجله ,, عش حياتك ولاتكلف نفسك ودع الامور تأتي بوقتها لحين وقتها يدبرها المولى عز وجل وممكن تكون اسهل مما تتخيل .. فالله ارحم بالعبد من نفسه ..

يقول أحد أئمة التفسير :
والله لاختيار الله لك فيما تكره خير لك من اختيارك لنفسك فيما تحب ..

لانه احكم وارحم واعلم بالخير منا ..

صحيح كلامك لازم مانخاف من الموت بل نخاف مابعد الموت فهذا هو الهم الاكبر فأي خسارة يخسرها من باع دنيا حقيرة زائلة بحياة خالدة دائمة

{فَمَنْ زُحْزِحَ عَنِ الْنَّارِ وَأُدْخِلَ الْجَنَّةَ فَقَدْ فَازَ}

http://www.islamweb.net/newlibrary/d...k_no=49&ID=290

اشكركم والله ريحتوني كثير .....

اخوي الكرار انا ما احس لا بخفقان ولا دقاات قلب الي احسه شعور با الموت وضيقه .. ساعاات اتحسن بس سريعا ما اعود لها ..

الحياه ما لها اي طعم فقد لذتها

السلام عليكم
اخوي عسى ماشر
انا ساعات ينكتم صدري و احس الهوا مقطوع و جسمي كلو يبدا يبرد لكن اطنش و عادي
عليك بشرب الماء المرقي و الرقيه و ستتحسن عزيزي
شافاك الله و عافاك

صح كلامك الموت انتقال من عالم لاخر
بس احنا نخاف منه نخاف من عذاب القبر و الدود يآكل جسمنا
استغفر الله يا ربي قبل كنت ما اخاف من الموت بس الحين بديت اخاف منه
الله يشفي الجميع

اختي هذا مرض نفسي اسمة نوبات الهلع انا معاي من 14 سنة هو مجرد افكار ووساوس حاولي اذا ماتقدري تقاوميها انك تروحي طبيب نفسي وترتاحي والله

الحمدلله لازم نخاف من الله بس مشكلتي ما اخشع بصلاتي
الحمدلله ما افوت صلاة بس ماكو خشوع
كله افكر بكل شي طول يومي تفكير بتفكير حتى لمن اكون مع الناس لازم اسرح و افكر
بصلاتي اسرح و افكر بالكلاسات تجيني حلات سرح هههههه

ياخي الموت حق على كل مسلم كلنا مرينا بهاذي الاشياء والله ومازلنا نمر فيها بس الواحد يحاول يطنش ولايتتبع فلان مات وفلان مرض خلاص الواحد يعبد الله ويخلص النيه له ومتى خلصت ايامه راح يموت مات رسول الله صلى الله عليه وسلم والله عزوجل قال (انك ميت وانهم ميتون) يعني احنا ميتون لامحاله طال الزمن اوقصر فجاه او بمرض الانسان بيموت بيموت بس عشان كذا الواحد يعمل الصالحات ويستغنم حياته لانها فرصه كل دقيقه كل ثانيه تعدي عليك فرصه انك تذكر الله وتصلح من اخطائك وذنوبك عشان تلقى الله وماعليك شي ورحمه الله سبحانه وسيعه اطلبلوا الرحمه ياخوان والزموا االاستغفار لانه الله سبحانه وتعالى قال (وما كان الله معذبهم وهم يستغفرون ) اللهم لك الحمد على كل شي يارب واحسن خواتمنا وطمن قلوبنا واجعل حياتنا يالله خالصه لوجهك الكريم ياراحم الراحمين

الله يجزاكم خيرر ...

دعواتكم لي با الشفاء وطوله العمر وحسن الختام والتيسير في الدنيا

يارب رحماك احساس فضيع جدا ينتابني الان ... ضيقه صدر واحساس ان النهايه الحياه اقربت احساس با الموت .. واللهى اني جالس اصييح من الي فيني ,,,,, يارب يارب يارب رحماك ..

دعواتكم

معلومة غير صحيحة نهائيا ،، انا اتحدى اى شخص ان يثبت ذلك علميا ،ياعزيزي والله هاذي مجرد وسوسة ،، تجاهل هذه الافكار لئنها لاتمت للواقع بصلة .

الله يوفقك اخى

اخوي راىع حاولت اتخلص منها .. احيانا العب على نفسي اقول وسواس لاكن داخليا يقول لي احساس صادق ..

ما الفرق بين الاحساس والوسواس

ياعزيزي من المستحيل ان يحس الانسان بالموت اذا اقترب منة

100% من الاشخاص يموتون دون معرفة توقيت موتهم حتى اصحاب الامراض الخطيره .

هل تعلم لماذا انت تخاف وتصاب بالهلع ؟؟

جسمك يوجد به غدة اسمها ( الغدة الكظرية ) وهذه الغدة تفرز مادة اسمها الاندرالين ،، ومادة الاندرالين تفرز اذا احس الانسان بخوف شديد او هلع وذلك لتنبية الانسان من الخطر ،، بمعنى آخر: الاندرالين منبة للوقاية من المخاطر .

اذا اصيب الانسان بقلق شديد تفرز الاندرالين بدون سبب مثل الخوف او الهلع .

بالنسبة لحالتك اجزم بنسبة 100% انك تعاني من القلق واذا اصابك القلق افرز

داخل جمسك الاندرالين واحسست بخوف وهلع من الموت والسبب هو الاندرالين.

باختصار انت تعاني من القلق وهذا القلق يسبب لك نوبة هلع .

صدقنى ياعزيزي انت لم تقترب من الموت انت تعاني من القلق فقط .

الحل :-

الذهاب الى دكتور نفسي

بداء الخوف عندب لاني رايت خلال اسبوعين جثتيين وبعدها بدت الحاله واحس ان الدور جاني

الغريب اني من اصابني الحساس كثر كلام الي حولي عن الموت وكثره الرساىل والمواضيع التي تاتيني ... احساسي يقول انه انذار من ربي بان الموت قريب ....

وكنت ادعي على ناس با الموت او اني اقول صدقوني با اني بموت قبل فلان من جتني الحاله وانا تذكرت الكلام الي كنت اقوله وبديت اصدقه


اااه ما اتعب الشعور هاذا .. دعواتكم لي بي طوله العمر وحسن الختام والتيسير

اخوي راىع واخوي ومضه قلم وجميع الاخوه احتاج لنصاىحكم ووقفاتكم

لا اخوي ليس دليل انه كل واحد بيموت يحس بذلك الا ندره من الناس الي مريض مرض قوي او الشايب والعجوز

او شخص من الله عليه برؤية حق وهو يشوف مكانه بالجنان وهكذا .

اخوي ومضه والله انا دايم اسوي الي تقوله اني اصلي ركعتيين واستغفر 100 مرره احس براحه لاكن بعد فتره يرجع لي الاحساس .. خلاص الدنيا مالها طعم .. احس اني مودع .. اماا موضوع المشي في الصباح ما طبقته لاني حاولت وزي ما تعرف اني عاطل فا نومي متلخبط وكذا... دعواتكم لي تكفون

الله ييسر بس ادعلي تكفى

ربنا يشفي الجميع ، و يحسن خاتمتنا جميعا
حقيقة الإحساس بالموت شيء متعب جدا ربنا يحمينا ، أخي الكريم أنت مصاب بنوع من الوساوس والأفكار التشاؤمية حاول و جاهد نفسك على التغلب عليها و إلاّ دخلت في دوامة لا نهاية لها وتعيش حياتك حبيس هذه الأفكار ، شفاك الله وأعانك على تخطي هذه الأزمة .