|
ملحوظه لاحظتها في كل مصاب بالشعور المزعج اختلال الانيه ؟؟؟؟التغرب عن الذات
بسم الله الرحمن الرحيم
السلام عليكم ورحمة الله وبركاته انا الان لي تقريبا حوالي الساعات قرأت وتعمقت في هذا الشعور المزعج شعور الغربه عن الذات وشعور الحلم ولاحظة الاتي (جميع الي قرأت حالتهم بلا استثنى ان بداية حالتهم مع هذا المرض تكون مثل الدوخه والاغماء يعني يحس انه مغمى عليه ويحس بدوخه شديده جدا ومايحس بنفسه) طبعا مثلي اول يوم ابتدأ معي تقريبا قبل شهر ويبدأ من هذه النقطه الالم بهذا الشعور الغريب المزعج الي اي واحد مصاب فيه وده يكتب او يعبر عن هذا الشعور مثلي ولاكن (مايقدر) لانه بالعربي شعور ما ينوصف) نصيحه لوجه الله تعالى نصيحه نصيحه نصيحه اي واحد مصاب بهذا المرض لا يتعمق فيه ولا يقرأ فيه نصيحه لوجه الله سؤالي للي يعانون من هذا المرض الي ما ينوصف هل بداية مرضكم كانت نفس الشعور مع العلم انه يجي قبله ضغوط نفسيه واحياننا يجي بشكل مفاجئ وهل احد تعالج منه؟؟؟؟ |
انا جاني مع اول نوبه هلع
و الان ياتي بشكل متقطع و في اغلب الاحيان لما اكون تحت ضغط او عندما اشعر بالتعب او تحت الاضواء البيضاء لا اعالجه و لكن اطنشه و هذه اسهل طريقة |
طيب اخوي "hope
الله يسعدك دنيا واخره قل امين سؤال بسيط ما هو الشعور الي تحس فيه بالظبط بالظبط؟؟؟؟ لاني انشاء الله من اليوم او بكره خلاص بطنشه وسؤالي الثاني هل منعك من سياقة السياره او هل خلاك منعزل يعني ما تطلع مع الاصدقاء ولا تضحك ولاتحس بسعاده الله يجزاك خير ياغالي وانتظر اجابتك الله يسعدك ويبارك فيك |
انا اشعر انني منفضلة عن نفسي ونفسي بعيدة عني كتير وما اقدر اتحكم فيها ابدا
احاول السيطرة والتوجيه ولكن بصراحة اجد صعوبة احس كانه سغمى علي احس كانني سانام متل اهل الكهف اعمل تصرفات غير من طبيعتي ولله لا اعلم ليش انا بعملها هل هدا هو اختلا الانية |
اقتباس:
|
و عليكم السلام و رحمه الله و بركاته
اول مرة جاني كان يوم وفاة و الدي صرخت صرخه من الصدمه بعدها حسيت انو مو انا اللي اصرخ بعدها باسبووع دخلت دووامة غربه الذات شهرين من الحلم و بعدهااا بدات تجيني على شكل نوبات لحين نادرااا تجيني و الحمد لله علاجي الرقية الشرعيه و القران الكريم من دهن بالزيت المرقي شرب الماء المرقي و الاغتسال به |
اقتباس:
الله يسعدكم دنيا واخره بالنسبة لك hope بالضبط نفس حالتي بالتحديييييييييييييييييييييد وهذا شعوري مثل ماقلت وابويوسف الله يجزاك خير انشاء الله تزين الامور وانا ما اخفيكم اني استخدم السيبرالكس وحسيت بتحسن وانشاء الله قريب يصبح التحسن 100بالميه الله يشفي جميع المسلمين ويشفيني ويشفيكم ويشفي كلل قارئ قولو امين |
امييين يا رب
|
اقتباس:
بالضبط يا أختي وردة المغربيه نفس الحاله الله يشفيك ويشفيني ويشفي كل من يقرأ ويشفي جميع المسلمين الله يعين.... |
نعم اخي هي تقريبا نفس الحالة كانت عندي لكن الحمد لله بفضله وحده شفيت و صارت ماضي مع انو لساتي عم عاني من شوية دوخة لكن اعتقد ان من سبب الاذن و الله اعلم |
الحمد لله على كل حال
وانشاء الله تتيسر الامور دعواتكم يا أخوان .... |
انا اصبت باختلال الانية والحمدلله زال بفضل الله لكن تبقى شئ منه احيانا بالليل اخاف من نفسي ومن النظر بالمرأة وانا جاني فجاءة كاطلقة القناصة
ودائماً المرض اذا جاء فجاءة يكون عارض روحي وليس نفسي واختلال الانية مسمى المرض بالطب النفسي ومسماه بالطب النبوي اسمه (المس) وما اقول غير قولوا الحمدلله انا اصبت قبل 13 سنة قبل النت وقبل اعرف شئ اسمه اختلال انية وقبل اعرف انه مس بغيت انجن مقدر اشرح مرضي ضليت ساكته لحد ما ربي بالدعاء والبكاء اخر الليل محد فهم مرضي وقتها مرض نادر وقاتل بنفس الوقت عليك بالرقية اخي . |
اقتباس:
اللهم امين الله يجزاك بالخير انا جاني مثل السهم الي صابني بشكل مفاجئ مفاجئ يعني كنت جالس مع اخوي طبيعي واسولف معه شوي وجاني هذا الشبح والشعور الغريب اصبت قبله بدوخه واحس اني زي الي بغوم ومن بعدها ....الى ان الله يفرجها طيب تكفى بس ابي جواب للسؤال ذا وش كنت تحس فيه وقت المرض؟؟؟؟ يعني وش الي جاك الاعراض يعني ؟؟؟؟وهل جاك فجأه مثلي؟؟؟؟ انا انتظرك الله يسعدك ويجزاك بالخير |
اولاً انا اخت مو اخو
واسال الله العظيم رب العرش العظيم ان يشفيك المهم لو تبي اسويلك اختبار بسماع الرقية حتى نتأكد ؟؟؟ مارئيك ؟ |
هلا اختي بارك الله فيك وجزاك الله الف خير
والعذر والسموحه اشغلتس وبارك الله فيك يا اختي نعم انا صابتي مثلك فجأه ورحت طالعت نفسي بالمرايه وحسيت اني خيال والحياه خيال واني في حلم وحسيت اني الناس دمئ متحركه والله نفس الشعور يا أختي نعم.... انا قبل ما استخدم الادويه بديت في القرايه طبعا اول مره قرأ علي سورة البقره ما احسست بشي وبعدها قرأ ايه ((أَمْ يَحْسُدُونَ النَّاسَ عَلَى مَا آتَاهُمُ اللّهُ مِن فَضْلِهِ )) والله يا أختي من بعدها ما حسيت بنفسي وحسيت زي السكاكين تخرج من وجهي شعور ما اقدر اوصفه بغيت اهرب بس ثبتوني وبعدها ماحسيت بنفسي الا وانا ابكي بكاء مدري كيف حسيت اني ابكي غصب ومن بعدها مدري صرت اخاف من القرايه طبعا الوالده تقولي امسح عتبة مداخل الجامعه وقلت انشاء الله بسويها وانا كان طبعا شعري طويل جدا جدا وما اخيفك انوه كان ناعم واسود والله يا اختي بعد القرايه تسبحت وحسيت اني اغرف الشعر من يدي من كثر ما طاح قلت للوالد علطول حلف ان احلق شعري وحلقت عالصفر :(:(:( المهم حسيت اني تغيرت وقمت ما اهتم بشكلي مثل اول حتى سيارتي جديده راميها على جنب ما اقدر اسوق وتغيرت حياتي انقلت فوق تحت اختي والله كلامك يوم قلتي انو ماله دواء خوفني وجاني مثل الخوف لان القرايه كل ماقرت علي الوالده انام وما احس اتعب وانا حسيت ان دواء سيبرالكس فادني شوي بس كلامك خوفني اختي من قالك انو ماله علاج اختلال الانيه :(:(:( انتظرك الله يجزاس بجنات النعيم قولي امين انا انتظر |
من خلال ردك انه عارض روحي وقوي ايضاً فاليه تتعب نفسك بالادويه والسيبرالكس ممتاز للهلع لكن اختلال الانية لا والمشكلة عندنا داكتره ماهمهم الا الكسب فقط انا اصيت بتشنجات وشحنات كهربائية وصرف لي سليباكس دوا الاكتئاب نسال الله السلامة كنت جاهله
المهم اختلال الانية من تجريتي الخاصة علاجها القران والطب النبوي والحجامة و راجع هالرد لدكتور رعد الغامدي :- اقتباس:
http://www.nafsany.cc/vb/showthread.php?t=67994 اخي اكررها عليك بالرقية الشرعية والدعاء والصدقة هي العلاج الاول ان شاء الله . |
اقتباس:
|
اقتباس:
الله يعين ياناس مدري وش جاني يوم سمعت انو مالها دواء بس والله احس السبرالكس خففها انا اتعالج عند دكتور جيد خبره 30 سنه ورئيس ومستشار الطب النفسي في المنطقه الشرقيه ويقول انها بتروح انشاء الله ادعولي تكفون الله يعين وجزاك الله خير |
جزاك الله يبويوسف
والله يشفينا منها انشاء الله يااااااارب |
اسمحولي اشارك براي
اختلال الانية ليس مرض و لكنه من اعراض الهلع يعني اذا زال الهلع باذن الله سيزول اختلال الانيه و الله اعلم |
بس ياجماعه ممكن سؤال الله يجزاكم خير
اللي اصابته هالمشكله مثلي اثرت عليه من ناحية الاجتماعات والطلعه والسواقه واحس مافيني سعاده واس ما ودي اضحك واذا اجتتمعت مع الشباب اطالع فيهم واتامل كلامهم واحسهم دمئ واحس اني احلم مدري كيف اوصف لكم الشعور يعني اثرت علي بشكل كبير ما قمت اطلع نهائيا مره مره حتى سيارتي الي كنت فرحان فيها جديده صرت قاطها واذا سقتها ارتبك احس الحياه مالها طعم وكل شي ماله فايده والسيارات مالها فايده والدراسه مالها فايده وكل شي ماله فايده هل الي جته هالحاله صابه مثلي بهالشعور يحس كل شي ماله داعي ويقعد يتأمل في االشي ويحلله |
توكل على الله اخي و كمل علاجك الدوائي
و ضف عليه الرقية و الاذكار و حصن نفسك كل يوم و لا تخاف رح يزول الشعور باذن الله و ان شاء الله ترجع لحياتك و احسن كمان |
نعم نفس الاحساس لدرجة لو يموت امي او ابوي ما اهتم لو يصبني مرض خطير ما ابالي لدرجة كنت وقتها على 3 مواد محمولة ولو زادت الرابعه افصل من الدراسة وجابت النتيجة لي اختي وكانت هي وامي فرحانات اني عديت ولا فصلت وانا اقول ليه فرحانين خليني افصل مو مهم برغم اني قبل الاختلال كنت بموت من الخوف اني افصل
اخوي انت والله اعلم محسود والحسد يجر ما وراءه وزي ما قالت الاخت امل اختلال الانية مرتبط بالهلع . |
اهلين حنين شافاك الله و عافاك
انت لسا عنك اختلال انية يعني لسا يجيك مرات |
اقتباس:
انشاء الله الله يسمع منك دعوتكم الله يجزاكم الف خير .... |
اقتباس:
والله يا أختي دوبها النتيجه تبع الجامعه جايتني الان ونجحت وقاعد اقول في خاطري طيب نجحت وبعدين وش الفايده ما احس لها طعم بعكس اول كنت اذا حملت ماده اهمها واذا نجحت احس بطعمها نفس الشعور الحمد لله على كل حال الله يجزاكم خير....وانشاء الله تزول....تزول....تزول بأمر ربي.....يارب تزول... |
اخوي انتبه عند كتابه كلمة ان شاء الله تكتبها انت هكذا انشاء الله و هذا خطا
|
اقتباس:
جزاك الله خير ي ابو يوسف على التنويه اول مره اعلم بها.... |
و جزاك اخووي
لاتهمل نفسك و واظب على الرقية |
اقتباس:
|
هلا اختي اموله الحمدلله تشافيت بنسبة كبيرة جداً لكن تبقى عندي الخوف احيانا في الليل والخوف من النظر في المرأة بالليل بس مو دايم الحمدلله هذا ما تبقى وان شاء الله يزول .
|
الحمد لله
و ان شاء الله عقبالي وعقبال جميع المرضى المسلمين الله يفرجها .... |
والله شعور متعب جدا مايوصف
انا تعذبت منه الدنيا صارت سودا بوجهي لاكن ماعالجت نفسي طنشت ان شاء الله ربي يفرجها متوكلهه عليه سبحانه الحمدالله على كل حال هذا ابتلاء ولازم نصبر م تشوفون شر ويارب يشفي كل مريض يعاني منه |
اقتباس:
الشر ما يجك ان شاء الله اي والله شعور صعب محد يقدر يحلله لاكن الله يفرج انا انقلبت حياتي بس ان شاء الله تتيسر طيب انتي شفيتي منه يا اختي؟؟؟؟ وكيف كان شعورك وقت المرض |
لاوالله م تشافيت منه اللحين حالتي تزود سؤ صرت م احس بنفسي ولا باللي حولي
احساسي بالغربه واحس اني منفصله عن نفسي وجسمي م احس فيه وكاني وحده ميته واله تمشي بس كذا اشوف الدنيا بعيوني كانها رسمة فنان مخي مدري كيف يليت فهمتني الله يفرج همك ويريح بالكك اخي عليكك بالصدقه تدفع البلا وتوكل على ربك سبحانه وان شاء الله تفرج و متشوف شر اجر وعافيه طول بالكك بس واي سوال انا تحت الخدمه |
اقتباس:
الله يعين يا اختي بالضبط نفس كلامك احس كل شي رسم مدري وش اقول لدرجة اني ما اطلع من البيت والله ما اطلع نهائيا الا للمسجد واذا تكلمت مع احد اتأمل فيه واااجد واحياننا احسد الناس عشانهم يضحكون انا ما اضحك مثل اول ما اطلع حتى سيارتي الي جابها الوالد لي مفاجئه وكنت فرحان عشانها فرح غير طبيعي واهتم فيها واحب اطلع فيها الان كملت شهر مركونه على جنب لاكن مثل ما تقولين هذا ابتلاء و ان شاء الله فيه الاجر لنا يارب وتكفير ذنوب انا صرحه تحمست من كلام الاخ ابو يوسف والاخت حنين الذكرى جزاهم الله خير يقوولون فادتهم القراءه بشكل كبير ولو اني اتعب منها شوي لاكن لازم نجبر انفسنا طيب اختي معليش بس سؤال لان ودي احد يجاوبني هل اثرت على حياتك الاجتماعيه والعلميه هذه الحاله؟؟؟؟ |
اقتباس:
خف حاليآ اختلال الانية بس باقي الخوف وهلع من الامراض |
اقتباس:
هأ بشرنا بس اخونا عاشق انشاء الله الحين طيب وانا اخوك حتى انا فيني اختلال الانية من 9 شهور اذا شفت تقدم كلمنا جزاك الف خير |
السلام عليكم ورحمة الله وبركاته
انا اول مابدت معي الحاله حسيت بثقل يبداء من رجلي الى امتد الى راسي وبعدها حسيت بثقل بلساني وبعدها حسيت بشي يطلع مني وكنت خاااااايف وجلست اذكر الله صحيح غيرت مجرى حياتي من الفرح الى الكابه والكل لاحظ هالشي علي بس اقولهم تعبان وكنت اخاف اركب السياره اخاف اطلع مع احد بالسياره الين تحديت نفسي وقلت بسافر بالسياره وبتحدا الخوف وفعلا سافرت وطول الطريق كنت خايف وكانت تجيني اكثر شي انو اذا جيت ابلع ريقي احس اني ما اقدر احس اني بنخنق بس اكمل والحمدلله وصلت ورجعت وهذاني بخير والحمدلله وتجيني اكثر شي وانا اسوووق بس اطنشها صحيح تخوفني بس مثل مايقولك المثل طنش تعش تنتعش وتجيني اكثر شي حالات الخوف لمى احد يقولي شفيك فيك شي احس انه لاحظ شي انا مو ملاحظه منةهينا ابدا اخاف صرت اخاف انصح احد اخاف اضحك مع احد بس الحين الحمدلله اروح واجي وتجيني الحاله بس ما اعبرها وسلمت جميع امنياتي ودعواي لربي وان شاء الله ربي بيحققها لي لاني سمعت محاضره ل عمرو خالد اسمها احس الظن بالله وراح تشوف كل خير ومنها وانا محسن ضني بالله وان شاء الله ربي راح يقبل دعائي اللي يغى يشوف المحاضره اسمها حسن الظن بالله عمرو خالد على اليوتيوب شوفو الحين انا قلت لكم على المحاضره جاني خوف يقولي يمكن تقولهم عشانك بتموت بس هذا من الشيطان فيعني لاتخلونه يقوا عليكم |
السلااام عليكم ورحمة الله
إخواني في الله اردت ان اطمنكم والله ان هذا المرض تشافوا منهم اناس كثيرون بإذن الله وانا منهم تحسنت كثيرا ولله الحمد وانا لي 12 سنه واعرف هذا المرض أعراضه واسبابه وعلاجه اولا
اعراضة: الانفصال عن العالم عالم اخر الخوف الهلع الرهاب من عدة اشياء القلق واحيانا برود وتبلد اللامبالاه التعب من الأصوات والأضواء العاليه وخاصه الابيض? كره الجو المغيم وهذا المرض مرض روحي بحت ولكن أعراض المرض تسبب مرض نفسي ?الان العلاج كالاتي : وطبعا انا جربته وتحسنت كثيييييراولله الحمد وهو: علاج بالرقيه? والاعشاب المهدئه التلبينه? العجوة وماء زمزم والحجامه وعلاج سلوكي فقط بدون ادرويه لكن اللي نفعت معه الادويه يتوكل على الله ويستخير الله وبعدها يفعل مااراده الله له بإذن الله لان والله اعلم ان هذا المرض عين قويه ودخل معها مس? لأنني لم اتحسن الا بعد الله ومن ثم هذا العلاج الذي ذكرته? ?ملاحظة: الذين تشافوا تماماً من الادويه النفسيه اكملوا علاجكم ولاتتركوه فجأة ولاتتركوه الا بالمتابعه مع الدكتور انا طريقة علاجي التي كتبتها للذين لم يتشافوا من الادويه النفسيه لأنني جربتها ولم اتحسن واعرف اناس جربوا الادويه وتشافوا بإذن الله وعن نفسي انا ارى هذا المرض روحي واعراض المرض سببت مرض نفسي واذا عالجنا الأعراض بالرقيه ذهب المرض ان شاءالله ?ولاتيأسوا ولاتقنطو من رحمة الله التي وسعت كل شي وماهو اعظم من هذا كله الدعاااااااااااااااء والله ثم والله اني ارى اثره سريعا |
| الساعة الآن 03:21 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا