احب التناقش مع احد من الاعضاء هل يوجد احد...
 

هل من احد,,,,,,,,,,,,,,,,,,,,,,,,,,,

اسجل حضوري

هلا ابو خالد...

هلا وغلا حبر

شكلك طفشان مثلي

شكلك جديد الطفش عديناه من زمان ودخلنا في في التوتر والخوف والقلق ...

انت يابو خالد وش حالتك من اي شي تعاني ..

لا والله يالغلا اني لي خمس شهور الحين مو طفش وبس الى نكسه حال

انا توني كاتب مشكلتي بموضوع قبل شوي

المشكله باختصار اني لين بعدت عن بيتنا تجيني حاله خوف قبل كنت لين رحت مع احد تروح حاله الخوف الحين حتى لو مع احد برضو اخاف ويدق قلبي واحس بموت

هذا الدوام ساحب عليه الحين حوالي اربع شهور والظاهر انهم بيفصلوني قريب لاني خلاص صرت اغيب بدون عذر

الشكوى لله

نفس الحاله انا لي خمس سنوات علي الحاله...

ممكن تعلمني كيف بدات الحاله معك لعلي الله ان يكتب علي يديني شفاك

ليش انت وش حالتك بالضبط اكتبها لي لعلي استفيد انا منك

وانا حالتي باكتبها لك بشكل مختصر بعد هالرد وامل ان اشاهد ردك ومشكلتك بشكل مختصر

طبعا لن اخوص معك بالتفاصيل

لكن انا مشكلتي بدون سابق انذار كنت جالس في امان الله في كوفي شوب ويوم ركبت السياره انا وخويي بديت احس بتنميل بجسمي وصداع وبروده جسمي وكتمه ودقات قلبي تزيد واحساس بالتقيئ وكنت بالقصيم واتجهت سريعا للرياض وطبعا خويي الي يسوق ويوم رجعت للرياض شفيت وقعدت اسبوع ثم طلعت للزلفي بعدها وفي رجعتي جتني الحاله وانا لحالي وهنا بدات المعاناه نفس الاشياء جتني وانا راجع في الخط وما وقفت الى بالرياض وعند المستشفى وفجاءه راحت مني جميع الاعراض

والله ما كان في بالي شي في المره الاولى ولا المره الثانيه ولا مجرد تفكير كذى سبحان الله جاني يتخيل للواحد انه اقرب ماله مس او حسد وفعلا جاء في بالي كذى خاصه بعد زياره اكثر من مره للمستشفى وعمل فحوصات وكلها اثبتت سلامتي ولله الحمد

والاشياء بدت تروح تدريجيا وبقي الصداع وطبعا في هالايام كلها ما اسوق السياره صار عندي خوف من السياره والحين راح الصداع لكن بقي الخوف من السياره حتى اني ما استطيع ان اروح مشوار بعيد عن حينا حتى الدوام ما اروح له عشاني اخاف

هاذي معاناتي بشكل اكثر من المختصر ولا التفاصيل كثيييييييره بس الزبده اني اخاف من اني ابعد عن البيت حتى الصلاه دايم اتوضى واقعد لين يخلص الامام من الركعه الثانيه ثم اتوجه للمسجد لاني لا احتمل ان اطيل الوقوف

خمس سنوات وانا حبس البيت اذا خرجت من البيت جاني خوف وهلع تركت تجارتي وخسرت الصدقائي

وكل شي حلو صار مرررررر حتي المسجد بجنب البيت ماجيه من الخوف والهلع الذي صابني

لعب في الوسواس كل ما يعورني شي في جسمي يشتغل الوسواس ويصير اتفكير سوداوي

هذي حالتي بختصارررررر يارب الفرجهااااااااااا

طيب قد مره تجرأت وحاولت تكسر الحاجز وحصل لك موقف مرعب

اخوي اكيد انك رحت لدكاتره نفسيين معقوله ما فادوك


طيب الخوف ينتج عنه ضربات قويه بالقلب تخيف الواحد وهذا ما يخيفنني انا بالضبط ووصف لي الدكتور حبوب اندرال وبحثت عنها في النت يقولون انها تهدي القلب ولا تخليه يدق بسرعه وهذا المطلوب

اننا بيني وبينك توني اعرفها ان هاذي وضيفتها ولا قبل كنت مهملها عشان الدكتور يقول لا تاكلها الى بالشديد القوي وقلت اجل بلاش منها وتركتها منطوله ما استخدمتها لاني اصلا مو مقتنع من الدكتور الي رايح له

اذا طلعت مجراد ماركب السياره يبداء الخوف وكل ما ابعت زاد الخوف حتي ارجع واذا رجعت تخف النوبه

اوكي طيب ما تستخدم حبوب على الاقل تهديك ..؟

اخوي اذا ما فيها احراج بطاقتك الشخصيه

اسمك
عمرك
من وين
متزوج ام لا


معك عبدالرحمن وعمري 27 من الرياض ومتزوج وعندي ولد

مشاري

اعزب

30 سنه

الرياض

والنعم بك اخوي مشاري

لكن ما ادري ليش احسك مستسلم للمرض ..؟

يعني لين الحين ما ذكرت لي عن ذهابك لدكتور نفسي واذا ذهبت وش قال لك

كثير اشوف ناس تمدح الدكتور سليمان الصغير ما قد فكرت تروح له

مافي دكتور في الرياض اللي كشفت عنده كلهم اتفقو علي الحاله انها هلع

وانا انصحك لا تاخذ الدواء النفسي لنه اذا تعوت عليه خلاص يصير دايم في جيبك واذا تركته سوف تنكس وتصير الحاله اكبر من اول

طيب هو مرض نفسي متى ما كسرت حاجز الخوف راح ترجع طبيعي

وهنا اتكلم عن لو تستخدم الحبوب وتحاول تطلع اماكن بعيده وكذى راح تحس انك صرت طبيعي شوي تترك الحبوب تدريجيا لين تقطعها وترجع كما كنت

مشاري المحادثه في المنتدى تاخذ وقت وانا مظطر اطلع الحين عشان اروح اصلي لي ركعتين اطلب فيها من الله العافيه ثم اقرى ايات الرقيه لاني متعود اسوي هالشي كل فجر والحمد لله اشعر براحه نفسيه معها

المهم ودي اكمل حديثي معك لنستفيد من بعض بس مو بهالشكل

تحب انت نتكلم في وقت ثاني في المنتدى

تحب نتكلم على الايميل

تحب نتكلم على الجوال

حتى لو ما تحب تتكلم انا تحت امرك

انتظر ردك ...

انت وش سبب الهلع

راجع موضوعي مفصل فيه حالتي

انا استاذنك الان

انتضرتك تكتب ردك بس شكلك طلعت

الله يستر عليك ويعافيك ويعافيني

في امان الله