|
ادخلوا واضخكو
السلام عليكم/ انا ميمي فااكيد تعرفون مرضي مع الهلع امس جاء لي شيخ يقراء علي وجلس يسالني اساله عن الحالات اللي فيني وكذا فاقلت له وجاوبته وقراء علي وجات لي نوبات هلع قويه جلست ارتجف وارتعش فاقال بدء المس اللي فيك يتحرك يبغئ يطلع وانا ارجف بقوه وهو يقول اطلع اطلع جني ام شيطان مسلم ام كافر جلست اصرخ واقول لااله الا الله بتكرار ومسكني من راسي وانفي حط لي مسك اسود وجالس يقراء علي وانا ارجف وهو يقول ياجني انا اشوفك تبي تطلع من رجولها اطلع ويصارخ عليه وكذا وانا اصارخ وبداخلي ادري انه اللي فيني هلع الموت وسواس وقال لي اهلي بجلس معها لين اطلع اللي فيها وجلس من ساعه 7العشاء الئ 1ونص اليل وهو يشربني ماء زمزم مع عسل واانا جالسه استفرغ وهو يقولي اشربيه ولا اجيب لك الخيزرانه اضربك فيها انا سكتت بس جالسه اتكلم بداخلي واقول انا اللي اضربك مو انت وبعدها طفش قال يلا بمشي وبعدها بجي اسوي لها جلسه ثانيه لازم اطلع اللي فيها ومشي كله هذا مسويه انا تمثيل عليه وجالسه اصارخ واتشهد ابي اشوف هو صحيح يعرف للحالات ولا بس كذا لانه والله من دخل وهو جالس يمدح بنفسه ويتمسخر علي الراقي اللي قراء علي من قبل لاته قال لي وش قالك الراقي فاقلت له قال فيك عين اعجباب ونفس وهو يضحك ويقول لي اهلي البنت فيها مس وهو يقول عين وش هالتلاعب بدين الله ورسوله ومادري وشو فاانا ذكيه كنت اختبره لاني عارفه اللي يمدح بنفسه ويذم غيره هو المذموم ياناس انتبهوا من الرقاه والله انتى ادرء بنفسك وش اللي فيك الحمدلله والشكر اني صغيره بس ذكيه مو^_*
|
ههههههههههههههههههههههه الله يشفيك ويهديك
|
حبيبتي ميمي ربي يحميك و الله ضحكتيني لكن انا اعتقد انو الراقي الشرعي ما يجوز له ابدا ان يلمس المراة مهما كانت الحالة و الله اعلم و كمان طريقة علاجه اعتقد انو فيها مخالفات و ربي يهديه لازم عليكي تتأكدي و تسألي عن طريقتو و كمان لا تستهوني بالعين لازم عليكي تعالجي يمكن لها دخل كبير في حالتك المرضية توكلي على الله و اطرقي بابه من جديد عسى ربي يفتح عليك ان شاء الله ربي يشفيك و يشفينا عاجلا غير آجل |
هههههههه ضحكتيني شوفي حبيبتي أرقي نفسك بنفسك ووحي الطبيب النفسي لاتتعبي نفسك اكثر
|
شفاك الله وعافاك أختي ميمي
ولكن من رأيي أنك اخطأتي بالبداية وأحضرتي رجل أظن النساء الصالحات موجودات ولله الحمد ثانيا : لايجوز أن يلمسك أو تختلي به ثالثا : الحمدلله أنك واعية وكاشفة ألاعيبه,, ولذلك لاأفضل من رقية الانسان لنفسه وان لم تستطيعي فأشرطة الرقية كثيرة ومتوفرة ولله الحمد فقط ضعي السماعات واسمعيها رابعا : سورة البقرة أخذها بركة وتركها حسرة و لاتستطيعها البطلة استمري بقراءتها وسماعها مع المداومة على اذكار الصباح والمساء تغنيك عن الرقاة .. |
اختي ميمي يعني جالسه من الساعة 7 الى وحدة كله تمثيل ؟؟!!!!!!!
صراحة انتي غريبة كنت فرحانة احسبك وصلتي لشئ وبعدين فيه رقاه ما يمسون المرأة ابتعدي عن بعض الرقاه اختي خلي الاستكشفات وعالجي نفسك بنفسك بالقران والرقية من السنة والاستغفار وماء زمزم والعسل والله يشفيك ولو استلزم الامر عليك براقي معه زوجته واهم شئ لا يمسك انا رفضت راقي قوي وسنه كبير عشانه يمس المرأة الله يوفقك . |
ذكرتيني بشخص بعد ما قرا الرقيه وانتهى ... اطلع فيه وحكالي مافي شيء بس خلص سيبك من البنت يلي بتفكر فيها 24 ساعه وكانت بداية الهلع معي وانا بنفسي بحكي احنا وين وهوووه وين هههههههههههههههههههههههههههه
هم بضحك وهم ببكي |
ههههه والله ذكرتيني في شيخ رحتله مره,, فـ أول مادخلت عليه سلم علي وقالي انت فيك عين تعال ادخل قلتله وش عرفك ! قالي احنا شيوخ نعرف ..
المهم بعدين لما جلست قام قالي انت فيك مس ويقول اطلع اطلع يلااااااا هههههه قمت انا خفت قلت الحين اكيد بيصيرلي شي هههههه المهم بعدين رجع قالي لا انت فيك حسد وعين !! بس مسكين على نياته .. بس جد وين هالشيخ حقك ؟ وإيش اسمه ؟ لايكون نفس الشيخ حقي بس |
اغلب الي فيكم حالة نفسية بس بعضهم يفسرون غلط واحنا ما نقول لا ترقون انفسكم الا ارقوا وهذا شيء طيب
|
هلا
اقتباس:
|
اقتباس:
والآن احتاج شيخ يجي يقرأ في البيت .. راح ارسل طلب ان شاء الله في الإقتراحات عشان اقدر اخذ منك رقم الشيخ |
هههههههههههههه والله انا ما بقتنعش بالكلام دة وان كان فيه يكفي رقية نفسي بالرقية الشرعية مش اجيب واحد ويقعد يقول اطلع اطلع هههههه والله حاجة تضحك ثم اصلا اللي عندهم هلع ورهاب يخافون من الكلام السلبي ويؤثر فيهم ما بالكم بواحد يقولك فيك جن اكيد هتتهلع هههههههههههه من قبل ما يرقيك اصلا
|
الله يشقيكي ويشفينا اجمعين انه سميع مجيب
|
هلا
اقتباس:
|
اقتباس:
معليش حتى لو انه شيخ ممتاز المفروض مايشخص الحالة الا بالقرآن وهذا اللي حنا عارفينه. انا قالي مافيك شي من ناحية الأمراض الروحية قلتله طيب اجل على كذا ابروح طبيب نفسي قالي حتى نفسي مافيك شي قلتله اجل وش فيني قال طبياً وش قالولك ! قلتله قالولي مافيك شي قالي خلاص اذا طبعاً مافيك شي يعني مافيك ولا شي لأن انا ماشوف فيك نفسي او مرض روحي !!! حطني ذاك اليوم في حيييييره مابعدها حيره وربي, مدري هو شكله كان مشغول ويبي يخلص من المكالمة ولا وش سالفته, حتى بعد ماخلصت من المكالمه قلتله ترا كنت اروح لشيوخ كثيييير وكلهم قالولي عين او حسد لأن كنت احس بأعراض كذا وكذا , وقلتله لما اوقف من الرقية اتعب واجد, قام سكت وقالي لا لا خلاص الشيوخ اثبتو انت مافيك شي قلتله لا يابن الحلال انا اقولك كل الشيوخ قالولي فيك عين او حسد وحتى وقت الرقية يدي تصير زرقه واعرق وحرارة في بطني وصدري يعني ماتوقع اليد راح تزرق نفسياً ههههه, بس خلاص حاط براسه انه مافيني شي عموماً انا طلبت من الأخ الأستاذ ابراهيم الحوراني انه يراسلك في طلب رقم الشيخ اللي بالدمام لأن أنا احتاج شيخ يجي عالبيت وبجربه يمكن ينفع معاي, وياليت تحكيلنا وش يقولك الشيخ يعقوب ! |
هلا
اقتباس:
|
اقتباس:
|
اقتباس:
شكلي راح احاول اتصل فيه مره ثانيه طيب قالك تعالي ؟ او بس شخصك بالتلفون ؟ والأعراض كاتبها هنا/ http://nafsany.cc/vb/showthread.php?t=71714 واللي مجنني اكثر شي هو عدم التوازن طيب انا قالي لاتروح طبيب نفسي ! انا اوك رحت من قبل بس ماخذت ادوية يقولي عندك اضطراب في نوبات الهلع .. انا اللي فيني ماله دخل بهالمشكله كلها ونوبات الهلع جات بسبب مرض روحي عين او حسد او ماشابه والله اعلم .. يعني اوك تتعب نفسياً لكن الحمدلله الآن نفسيتي احسن شوي ولكن باقي هالمرض يروح واكثر شي تاعبني الدوخه وعدم التوازن انتي شو اعراضك بالتفصيل ! |
هلا
اقتباس:
|
اقتباس:
بالنسبه لأعراضك انا اعاني نفسها بس بدون بكاء وكنت اخاف واجد والحين الحمدلله خفيت شوي بعد الرقية الشرعيه لأن سافرت ابها اغير جو ولقيت شيخ هناك يجيني كل اسبوع وخفيت شوي الحمدلله بغيت اسألك بالنسبه لعدم التوازن هل هو مستمر وياك ؟ ولا مابين فتره وفتره ؟ وياليت تحطين موضوعك اللي كتبتيه بخصوص الصدمه ممكن نحاول نساعدك إن شاء الله لأن انتي مادام هالأعراض جاتك بعد الصدمه فأكيد انها فعلاً منشأها نفسي وعلاجها سهل ان شاء الله بس انا بدون اي مقدمات كذا فجأه |
هلا
اقتباس:
|
اقتباس:
|
اقتباس:
طبعاً كان علاجي هو القرآن بالرقية الشرعيه الحمدلله .. شوفي أختي.. اذا على امور القصص العاطفية أكيد مافي احد إلا مر في مثل هذه المواقف وقد أكون أحد من هؤلاء الأشخاص بل الأقوى قصة بينهم ولكن الحمدلله كان موضوع قديم قبل 3 سنوات وتجاوزته بكل سهوله وارتياحيه الحمدلله انتي راح تقولين انه انتي حبيتي من قلب وووو إلخ وفي النهايه خدعك وووو إلخ كل هالأمور والقصص تتشابه يا اختي وفي ناس اسواء منك وترا ماهي نهاية المطاف يعني ربك راح يرزقك الأفضل منه بإذن الله, وانا نصيحتي ماتروحين طبيب نفسي يعالج بأدوية لأن المشكله عاطفية ومايحتاج تدخلين من دوامه الى دوامه اخرى في دكتور يعالج بالعلاج السلوكي والإيحائي واسلوبه رائع جداً وعيادته في الدمام وانا شخصياً كلمته وهو يصير عم صديقي وفعلاً دكتور رائع وله لقاءات تلفزيونيه كثير على قناوات كثيره, كل اللي تحتاجينه كم جلسه عنده وان شاء الله بعد كذا تزبط أمورك وفي شي ثاني انا جربته مع اخصائي صديق وهو العلاج بالطاقه والله هالعلاج رهيب جداً خصوصاً انه يشحنك بطاقة ايجابيه وبعدها تحسي بإحساس رهيب جداً ويخفف الدوخه وعدم التوازن شوي ولكن يحتاج عدة جلسات ومع التنويم الإيحائي راح تزبط الأمور عموماً الدكتور اللي يعالج بالعلاج السلوكي والإيحائي موجوده عيادته في الدمام في حي الشاطئ اذا حابه اعطيكي ارقام العياده اكتبي طلب في قسم الملاحظات وان شاء الله يوصلك |
يقول المثل صاحب العلة ابخص من الطبيب
اقتباس:
|
وتراه يروح لكل مكان في المملكة
|
اقتباس:
وبرضوا ارسليلنا رقمه عالخاص مادامه يروح لكل مكان بالمملكة نكلمه ونشوف وش طلباته وماتوقع انه اغلى من العلاجات النفسية ! |
هلا
اقتباس:
|
اقتباس:
للعلم فقط, في أمريكا العلاج النفسي يتم عن طريق استشاري واخصائي نفسي بحيث يتفقون اثنينهم على اعطاء جدول علاجي مميز وبطريقة مدروسه اكثر, انصحك تروحي علاج سلوكي فقط وانا ارى انه الأفضل, واذا تبغين علاج دوائي مع سلوكي روحي مستشفى التعليمي افضلك حكومي وثقه لأن عندهم اكبر وافضل مركز علاجي لكن ارجع وانصحك بالدكتور اللي عيادته في حي الشاطئ .. خصوصاً حالتك راح تستفيدين كثير .. ومثل ماقلتلك اكتبي طلب في الإقتراحات وان شاء الله نوصلك برقم العياده وانتي كذلك ياليت لو ترسلين للإدارة رقم الشيخ لأن احتاجه ضروري جداً وأحب اجاوب عن فضولك.. انا مو متزوج بس لقب ابو تركي واسأل الله ان يشفيك ويشفي الجميع يارب . |
هلا
اقتباس:
والله انا مو قادره اتحمل اجلس بالسياره 10دقايق كيف تبغاني اتحمل ساعتين ونص !! تجي لي ضيقه بالنفس وخوف من الطريق عشان كذا اخذت موعد مع اقرب مستشفئ من عند البيت ورقم الشيخ راح احاول اخذه من اخوي وارسله لك . الله يرزقك . |
اقتباس:
عندك مستشفى التعليمي سبق وقلتلك, وعندك مستشفى فخري تحديداً الدكتور صلاح وعندك العلاج السلوكي وهو الأفضل عيادة الدكتور زهير خشيم في الدمام . واللي تعانين منه يروح بالعلاج السلوكي ان شاء الله والتقرب من الله اولاً .. " وان شاء الله الكل معزوم .. وموفقين وربي يشافي الجميع " |
اختي ميمي
انا كنت مثل حالتك ارجف واصيح كانه فيني جني بس كنت واعيه واحس بكل شي وتزيد عندي نوبة الهلع حيل لذا قالو راح نجيب الشيخ واقول لهم بي ضيقه بصدري واللي قال مس عاشق حيل تعبت نفسيا من كلامهم هم فعلا شيوخ مجتهدين الله يجزاهم خير لين قالو لي عن واحد اسمه ابو سامي بالحفر رحت له قعد يقرا علي وانا اصارخ يمكن ماطول خمس دقايق بس قال البنت مافيها الا العافيه من قال انه فيها مس قلنا الا فيه وليش اتراجف وانتفض اذا قرو علي يعني قعدت اكذبه قال يابنتي انتي الي فيك خوف فقط لا غيرر استغربت من كلامه قال كم عمرك انتي قلت عمري فوق العشرين قال انا قبل تولدين وانا بالمجال هذا واعرررف االلي فيهم مس واللي فيهم خوف كلامه حيل مريح وهذا انا الحمدلله صدقت كلامه لو من البدايه رايحه له ابرك لي من المبتدئين اللي لعبو بنفسيتي |
وهذا اقتباس من شيخ راقي
نفس اللي كان يصير لي اثناء القرايه فاقول يا معاشر الرقاة اتقوا الله في الناس والله انه ومن بين كل عشر حالات يثبت المرض عند واحد وتسعة والله ليس بهم مرض سحر او مس وانما هو الوهم والخوف والقلق والتفكير والياس فلذا انصح نفسي واخواني الرقاة ان يتريثوا ويتمهلوا قبل الحكم على الحالة وقبل اخبار المريض ما هي شكواه وما هي حالته فلا تتسرع لانني اعتبر الوهم هو المرض ولا انفي ان السحر مرض او المس مرض ولكن التعامل مع حالة السحر والمس اسهل بكثير من التعامل مع حالة الوهم فانا اعتبر المرض الحقيقي هو الوهم وهذا يتطلب من الراقي الشمولية في العلاج وليس الاقتصاص او الاقتصار والتجزء وهذا موضوع قادم ساتكلم به باذن الله عن الشمولية في العلاج ? ? |
اللي قرو علي اقل شي يقعدون نص ساعه
وسوست منهم وابو سامي الله يوفقه خبرررره ماجلس خمس دقايق عرف الحاله وطمني انصحكم تروحون له كبير بالعمرررر ويستقبل الناس بعد صلاه العصر للمغرب بس 30حاله باليوم لازم تحجز رقم بعد صلاه الظهر |
اقتباس:
اقتباس ثاني له فانا عندما قلا ههذ الرسالة يجب ان توجه للرقاة فنعم اقصد هذا لانه في الامس وفي بلدي جائتني حالاتان من متمرس في الرقية ومنذ 20 سنة تقريبا وحكم على الحالتين بانها جن ثم ارسلهم لي فتبين لي ان الحالتان ليس بهما جن بل واحدى الحالات كانت قد اصيبت بهلع وخوف شديد جدا ولم تنم الليل ولمذا لان الشيح قراء عليها وخاطب الجن باخرج ومن الذي ارسلك وهكذا والفتاة لم تغب عن وعيها وكانت مستيقظة تماما ويقول اخرج عدو الله فعند قراءتي لها تبين انه ليس بها جن ولم تحدث عندها اي حركة من حركات الجن المعروفة فطمأنتها انها ليس بها اي شيء وان كان هناك شيء قد خرج حفاظا على كلام الراقي الاخر حتى لا اشوه صورته فقلت الحمد لله ان كان هناك شيء فالحمد لله قد خرج وانت الان سليمة وهكذا من هذا الكلام وفعلا كانت مطمئنة جدا وفرحة للغاية بما قلته لها رغم معانتها لشهر وخوفها وقلقها وعدم نومها هي وزوجها |
| الساعة الآن 01:15 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا