|
عشر سنوات من العذاب
السلام عليكم ورحمة الله وبركاته
مادري كيف ابدئ بصراحه تعبت كثير ولا اعرف وش فيني هل هو مرض عضوي والا نفسي والا روحي من عشر سنوات وانا بالكليه تعبت وحسيت اني بموت وتجيني حاله الله يعلم بها احس بأن قلبي بيوقف وان جسمي صار بارد ورجليني تنمل حتئ اقول خلاص الموت احس بثقل بقلبي وكتمه بصدري واحساس غريب كان روحي بتطلع كرهت نفسي والطلعه من البيت والتجمعات لانه كل ماحد طالع بوجهي اقول هو عارف اني بموت وواضح بوجهي بس مايبون يقولون لي جلست كذا خمس سنوات وبعدها تعبت اكثر صايره من اجي انام احس باحساس وكان روحي تطلع واصحئماقدر انام من بعدها رحت للشيخ وقال فيك عين وتعالجت عنده يعني الحمد لله تعافيت بس مارجعت مثل اول الحين ومن ثلاث اشهر رجعت لي الحاله بس اشد من قبل صايره انكتم مره مره وانفي ينسد. والا اقدر اتنفس الا من فمي وصدري يعورني مره واحس عليه بثقل فضيع وجاتني حالة اني اصحئ من النوم فجئه وانا اقول بموت بموت لانه فعلا احس بان نفسي يوقف وقلبي وكل شي يعورني مرات يدي ومرات رجليني ومره معدتي ومره صدري ومره ظهري وكل ماعورني شي قلت مرض خبيث واروح المستشفئ ولا بقيت تحليل لا علاج الا اخذته ومافي فايده الحين صايره احلم احلام تخوف ومادري شسوي تعبت وتعب كل الي حوليني معي ابي اعرف شنوهذا الي فيني هو اكتئاب والا وسوسه والا هلع والا مرض جسدي والا عين لاني تشتت ذهني وين اروح ووين اتعالج بعد الله ساعدوني وربي تعبت وخاصة من تفكير الموت واني بموت بااااي لحظه |
حياك الله اختي وان شاء الله تشفين مما انتي فيه واحب اقولك ان في حالات كثيره منك شفيت والان من مشاء الله عليهم من افضل الاطباء والدكاتره نزلي موضوعك هذا في عيادة مشاكل الكبار ليتم الرد عليك من الاخصائيين . |
شلون انقله ماعرف
|
صبرآ يآلله
شفاك الله وعافاك نعم بنيتى الاعراض تلك هى من اعراض العين فعليك بايات العين وايات السكينة والرقية الشرعية |
رحت قبل اسبوعين لشيخ قال فيك عين وفيك حسد وفيك نظره كلها مع بعض
ممكن تجي هذي كلها مع بعض ؟؟؟ ورحت كمان مستشفيات لاني بصراحه ادور للعافيه تعبت وانا مريضه تنصحني اروح لطبيب نفسي والا اكتفي بالشيخ ارجو الرد |
كما قلت لك
والشافى هو الله |
اقتباس:
ياشيخ صحيح ان بعض الاعراض قد تكون عين .. ولكن ربما تكون مرض نفسي كيف تفرق بينهم . .؟ |
اقتباس:
روحي للقسم عيادة مشاكل الكبار ونزلي نفس الموضوع هل تحدث لك اي اعراض عند قراءة الرقيه .؟ |
لمن قراء علي الشيخ. حسيت ان حلقي نشف وانفي وحراره وابي اشرب مويه لانه ماعدت قادره ابلع ريقي اصلا ماعاد في ريق من قراء علي
لكن صح شلون افرق بين العين والمرض النفسي وابي اسئلك ياشيخ هو صحيح انه من تكون امي فيها عين نحن ابنائها نتأثر لان الشيخ قال من رحت له وين امك العين فيها وانتم تتاثرون منها؟؟ |
|
عند القراءة تحصل اعراض اخرى
من صداع او ضيق او صراخ او بكاء او تتلاشى بعض اعراض العين او ابنتقل العارض الى عضو اخر من الجسم او مغص او ضبق او الم فى الارجل او حرارة فى الاطراف او برودة وغير ذلك ولا مانع من العلاج النفسى ايضا عند طبيب مختص |
مع الاعراض الي قلتها احس بحراره بوجهي وجسمي بجهة اليسار فقط مو مو حراره قويه
|
نعم
عندما نجد احد الابناء مصاب لا بد ان احد الابوين او كليهما مصاب |
انت طرقتي باب الشيوخ مفيش مانع تطرقي باب الطب النفسي انا كنت مثلك بل اسوأ ومن يوم ما اخدت الدوا خفت الحالة عندي كتيييييير والله يشفيك ويشفينا ويشفي مرضي المسلمين اجمعين
|
جزاك الله خير ياشيخ وكثر الله من امثالك
وان شاء الله راح استمر ع الرقيه. والزيت والله يشفيني ويشفي كل مريض |
امين يارب الله يشفينا جميع
بس انا يامير الصمت خايفه اخذ الحبوب واتعود عليها يقولو تاثر بعدين وماتقدري تبطليها ؟؟ |
صبرا ,,
اذهبي لدكتور نفسي واختصريها على نفســـك ,, ترى مايمنع تأخذين رقية شرعية وعلاج نفسي بنفس الوقت ,, ترى الأدوية النفسية تقتل هالخوف بإذن الله طول فترة استعمالها . |
ان شاء الله قررت اروح لاني تعبت وانا دايم خايفه وراحت سنين. عمري وانا بكل ثانيه فيها افكر بالموت ولا استمتعت بحياتي وسفرياتي وكل شي يخصني
|
ابختصر عليك تجربتي مع الادوية ,,
أولا ولله الحمد وحده لا شريك له ,, الأدوية الحديثة لا تسبب إدمان أبدا ولكن لها آثار إنسحابية بسيطة ويمكن تجنبها بترك الدواء بالتدريج ,, ثانيا :- الادوية الحديثة معظمها آمن جدا بفضل الله وحده لا شريك له ,, ثالثا:- لازم تعرفين أن الدواء بأول أسبوعين يزيد الخوف وراح تواجهين صعوبات شوي بالبداية فحبذا لو تستخدمين مهدىء نفسي مع العلاج كل ما حسيتي ان الخوف زاد بشكل قوي وطبعا المهدىء بس باول أسبوعين لأنها المهدئات إدمانية اذا استخدمتيها أكثر من ست أسابيع ,,, أمـــــــــــــــــــــــا بعد ما يمر أسبوعين إلى أربع أسابيع بالكثير شوفي الفرق بين حالتك الحين وبعد استخدامك الدواء راح تلاحظين إن شاء الله تحســـــــــــن كبيــر جدا جدا جدا إذا وصفلك الدكتور العقار المناسب لحالتك بإذن الله ,, ------------------------- وبعدين انتبهي لا تروحين لدكتور نفسي ماعنده خبرة واسعة و ماهو متميز بعمله أبدا ,, بل روحي لدكتور ممتاز جدا وله سمعتــه علشان يعرف يشخصك وما يلعب عليك أو يتفلسف عليك وهو مو فاهم شي ,, انتبهي من هالنقطة حيــل وحاولي ما تروحي إلا لدكتور ممتاز والأمر كله لله فتوكلي على الله الحي القيوم ,, --------------------- وبعدين ترى لازم تقوي نفسك لأن الادوية صحيح انها تساعد ولكن يبيلك أيضا تقوي نفسك وتعرفين ان قدر الله عز وجل فيك نافذ وأن الله أرحم الراحمين ولن يموت أحد قبل ساعته فلا تشغلين نفسك بانتظار هذا الشيء ولكن استعدي له وسلمي أمرك لله والأقدار من عند الله وحده لا شريك له ,, وعلى فكرة انا لاحظت ملاحظه بالمسائل النفسية وهي أن تطنيش الخوف وتطبيق المسائل الإيمانية صعب ومؤلم بالبداية ولكن بالنهاية بإذن الله تترسخ هالمبادىء بعقلك وتقضين على هالخوف ,, وهذا مجرد رأي لا أكثر ,, الله يشافيك . |
يعطيك الف عافيه ع هالكلام
وامين يارب الله يشفينا جميعا بس بصراحه خوفتني لمن قلت ببداية الحبوب راح تزيد حالة الخوف عندي اكثر يعني كثر ماني خايفه راح تزيد يووووو. كيف اقدر اتحمل والله ماعاد فيني قوة تحمل انهديت خلاص. واخاف اخذها وماقدر اتحمل |
الحين جاء ببالي افكار
لمن قررت اني اروح دكتور نفسي قلت بخاطري ايه من بغيت اتعالج واتشافئ باذن الله راح اموت ولا استمتع. بالعافيه شوف هالتفكير شلون ومن ساعه ابي انام ومو قادره كل ماغمضت عيوني. احس شي. كاتم صدري واني بختنق واموت وافز وافتح عيوني وتعبتني هالحاله مو قادره ارتاح بنومتي |
الى جانب الرقيه عليكي بزياره طبيب. نفسي صدقيني بيساعدك كثير
|
بروح ان شاء الله والله يكتب لي الخير
بس خايفه اتعب زياده ماعاد فيني قوة تحمل ولا صبر |
هل تريدون ان تعرفون الفرق بين المرض النفسي والروحي والعضوي ايضا ؟؟
تفضلوا الفرق بين المرض ( العضوي و الروحي والنفسي ) (هام) (http://www.nafsany.cc/vb/nafsany-it4.../multipage.gif 1 2) |
شوفي وأنا أخوك ,,
واضح جدا أن حالتك وسواس الموت مرافق للهلع والله أعلم ,, عموما اعرفي ان حالتك بسيطة ولكنها متعبة ,, وحطي هالفكرة براسك بأن حالتك مافيها أي خطر الحمد لله وتراها مثل ما قلتلك بسيطة بس متعبة ,,, عموما انتي أول أسبوعين استخدمي المهدىء وترى راح تحسيــن بإحساس عجيب جدا بإذن الله مع هالمهدئات فهي تضرب معاقل الخوف والتوتر كله مهما كان قوي وتحسين انك هادية والدنيا حلوه ومن هالمشاعر الإيجابية ولكن لا تستخدمينها إلا وقت الضرورة ولا يزيد استخدامك لها عن اسبوعين إلى ثلاث أسابيع بالكثيـــــــــــر لأن اللي يتعود على هالإحساس يدمن علىها بعد استخدامها اكثر من ست أسابيع ,,, ----------------------------------------- تجربتي مع العلاج والمهدىء ,, أنا معاي اضطراب هلع قوي ومتكرر وذلك يعني كل ساعتين أعراض نوبات الهلع تجيني من الخوف من الموت وغيره ,, ببداية العلاج بدأت بجرعة سيبراليكس 10 م.غ وهي جرعة قوية ننوعا ما لأني المفروض ابدأ بجرعة 5 م.غ عالعموم بعد ما أخذته حسيت بخوف شديد وكنت أيامها مشغول جدا ولازم اطلع برا البيت علشان أوصل أهلي مشاوير وأرافق اخوي بمشاوير أهلي وكذا ,, صبرت يومين لى هالتوتــــــــــــر العالي جدا ولكنه غير خطير وكان يمديني اصبر عليه لكني فضلت راحة بالي وبعدها توجهت للمستشفى النفسي وقالي الدكتور خذ مهدىء لمدة أسبوع مع الدواء عموما أنا أخذت المهدىء مع بداية العلاج وبعد 60 دقيقة بالضبط بدأ مفعوله معاي وصدق من سمى االمهدئات بالمخدرات المعدلــــة علميا هههههههههههههههه فعلا زال الخوف بشكل كبير وقدرت انام على طول ,, عموما بعد أسبوعين تركت المهدىء واستمريت عالسيبراليكس ورفعت الجرعة لــ 20 م.غ وراح الهلع بفضل الله ورحمته وحده لا شريك والأمر كله لله وحده لا شريك له . عموما أنا أشوف ان السيبراليكس هو أفضل علاج للمخاوف النفسوجسدية مالم يكن هناك عرض آخر كالوسواس القهري وغيره ,, المهم انتي روحي للطبيب وهو أبخص والله يشافيك ,, ادخلي هالرابط وشوفي هالدكتور الممتاز جدا من وجهة نظري وش يوصف للمرضى بالخوف من الموت وش يعطي أدوية لحالات مشابهة لك ,, http://www.islamweb.net/consult/inde...ils&id=2134992 --------------------------------- http://www.islamweb.net/consult/inde...ils&id=2136576 --------------------------------- http://www.islamweb.net/consult/inde...ils&id=2134294 -------------------- وهنا حالات كثيرة ,, http://www.islamweb.net/consult/inde...der=&startno=0 ------------- وهنا أفكار مهمة جدا من وجهة نظري للتعامــــــــــل مع الخوف من الموت بالعلاج السلوكي المعرفي لحالات مشابهة لحالتك وأنصحك بشدة ان تطلعي عليها ,, http://www.islamweb.net/consult/inde...ails&id=261797 http://www.islamweb.net/consult/inde...ails&id=272262 http://www.islamweb.net/consult/inde...ails&id=263284 http://www.islamweb.net/consult/inde...ails&id=278081 شافاك الله , |
يسلمووو علئ ردك وتفسيرك لي كل شي يخص حالتي
ممكن اسئلك كم المده الي استخدمت فيها العلاج ووقفته والا لازم يكون معاك طول العمر |
أختى صبرًا بالله ..أسأل الله لكِ الشفاء العاجل ،،
ولن أزيد على كلام الأخ الوفا ربى ...فهو ربنا يجازيه خير دلك على الطريق الصواب ..وطبعًا بالإضافة إلى الرقية الشرعية ففى القرآن شفاء بإذن الله ،، |
مدة العلاج عادة مايحددها الطبيب ,,
عموما المدة ماتتجاوز التسع أشهر بالكثير لحالات الهلع ,, أنا تركته بعد ثلاثة أشهر وكان المفروض ما أتركه ,, جلست شهرين تاركه وعااادي ولا كأنه صار شي ولا هو إدماني ابدا ,, والحين قررت بيني وبين نفسي ارجع اكمل المدة حقت العلاج ,, وراح اخذه لمدة تسع أشهر بإذن الله ,, وهو يزيد الثقة بالنفس ويطرد الخوف بإذن الله بالنسبة لي ,, راجعي طبيب نفسي ممتاز وهو يحددلك العلاج المناسب لك بإذن الله سواء سيبراليكس أو غيره ,, بالنسبة للجرعة الصحيحة من سيبراليكس من وجهة نظري كالتي :- قبل ان ابدأ لازم تعرفين ان السيبراليكس فئتين على حسب قوة جرعة ,, الاول جرعة 10 م.غ وقيمته 126 ريال والثاني جرعة 20 م.غ بقيمة 206 أو ماني فاكر بالضبط بكم ,, تكون الجرعة المبدئية 5م.غ بأول أسبوعين أو أول اسبوع ,, وبعدين ترفعين الجرعة لــ 10 م.غ لمدة شهر ,, وبعدين ترفعين الجرعة مرة أخرى إلى 20 م.غ لمدة ست أشهر وبعدها شهر إضافي بجرعة 10 م.غ وشهر إضافي آخر بجرعة 5 م.غ ,, وشهر أخير بجرعة 5 م.غ مرتين بالأسبوع بيوم السبت والاربعاء ثم تتركين الدواء نهائيا بعد ذلك ,, عموما هذي هي الجرعــة ولا تأخذيــــــــــــــــــــــنها إلا بعد استشارة طبيب كما ذكرت لك ,, ولربما كان هناك دواء افضل من السيبراليكس لحالتك كالسيروكسات أو غيره ,, بالتوفيق ,, |
بقول لك احساسي. من دخلت هالمنتدى
قبل ادخل هالمنتدئ مافكرت بيوم ادور بالنت عن مثل حالتي وع بالي انا الوحيده الي مريضه والكل من حولي مبسوطين ومافيهم شي وانه انا كمان الي احس بالموت بس لكن جاء ببالي ادخل نت وجات يدي ع موقع نفساني و قريت قصص فيه وبعد كم اسبوع فكرت اشترك واكتب قصتي واشوف عندكم بعد الله حل والحمد لله صحيح اني مريضه بس احس بسعاده تدري ليه لاني حسيت انه مو بس انا الي اشكووو من نفس الاعراض وفي مثلي كثير وحاسين بالي انا حاسته وفاهميني وفاهمين الي بداخلي الحمد لله والشكر لك يارب حتئ ترضئ واذا رضيت وبعد الرضئ |
إن شاءالله أختى عن قريب...يتم شفائك ،،
وتنزلى موضوع عن شفائك ..المهم يكون عندك ثقة ويقين بالله ،، |
الله يسمع منك
واملي بالله كبير ويعطيك الف عافيه وماقصرتي |
| الساعة الآن 03:57 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا