|
ابيكم معي باللحظه هذي
ابي احد يكون بجانبي يصحيني من الي انا فيه.
باالوقت هذا جاني احساس اني بموت وكان قبري امامي ينتظرني واتخيله بكل مكان وين ماحط عيني احس بانه خلاص قدامي قبري وينتظرني حاسه بخوف ومادري هي لحظه هلع والا جد بموت |
السلام عليكم اختي استهدي بالله
و خذي نفس عميق استمعي للقران او قومي وصلي ركعتين و حاولي تنسي الموضوع تكلمي مع اخوانك او امك ان شاء الله احساس و سيزول |
الله يسمع منك
احساس غريب. ويخوف وابي احد بهاللحظه جنبي بس للاسف بروحي |
عادي اختي معك رب العالمين ماراح يخذلك و ماتسترسلي مع الافكار
مريت بهالاحاسيس من قبل و الحمد لله سحابة صيف و مرت بخيررر |
ونعم بالله
بس عن جد المشتاق جاك هالاحساس يعني كنت تحس ان الموت قريب منك وتتخيل كل شي. انا احس به قريب لدرجة حسيت وكان خلاص شايفه قبري امامي والله خايفه يارب مابي اموت واترك امي وابوي |
هذا مجرد وسواس لاتخافي قومي اتوضي وصلي وارقي نفسك
|
ام الهلع قريت وتوضيت والحمد لله
بس كل شوي يزيد الخوف والاحساس بالموت لاني بروحي ولمن يجيني هالاحساس ابي احد بجنبي يخفف عني علشان كذا. ابي اكون معاكم هنا علشان احس بالامان |
مريت فيه اختي و الله كنت احس برعشة و عرق و خوووف و كنت عم ابكي و فكر شو اعمل و اقول لرب العالمين و كيف اسيب امي و و و و و ساوس ليست من الصحة في شئ
الموت لو اجااا ماراح يترك لنا حتى المجال نفكر او نقعد في المنتدى يعني طنشي مافيك الا العافية |
الله يسعدك المشتاق ويجزاك الجنه
انا جد كنت ابي احد اكون قريبه منه باللحظه ذي. ابي احس اني مو بروحي وانسئ هالتفكير او اتناساه علشان كذا انا معاكم بالمنتدئ |
الله كريم يااختي يشفينا ربي اللي عينه ماتنام ،،
انا مثلك امس حيل حيل كنت تعبانه ويأسه واليوم ربي لك الحمد احسن شوووي وحطي في بالج شكثر جت هالحاله وراحت بسلام ومثل ماقال المشتاق الموت لو جاء مايعطيج مجال تفكرين شلون عاد وانتي فاتحه النت وتكتبين بعد اخذي نفس عميق وامشي شوي واقرائ سوره يوسف وكثري الاستغفار واسال الله العفو والعافيه |
لمن يجيني هالاحساس اجلس اسبوع متوتره واني بكل لحظه باموت
الحين قلت ماراح يجي بكره الا وانا مُت واتوتر زياده وانتظره بكره يمر ع خير يارب رحمتك ارحم ضعفنا |
الله يعافيك
من قدك لو متت الجمعة ماراح تسالين بالقبر ماابي اخوفك او شئ عادي اختي كلنا سنمووت لكن الخوف من مابعد الموت اقرئي ايات السكينة |
ياااااه لا تخوفني عارفه اني بموت بس مابي الحين واترك امي وابوي لا تخوفني انا حدي خايفه
انا ابي احد يطمني مو يخوفني |
معليش سؤال ماله علاقة بالموضوع انتي عندك هواية مبدعة فيها ؟ كتابه - رسم - تصوير فوتوغرافي - نحت - اي شي تحسي انه الشي المميز فيك وتحبي تمارسينه |
اقتباس:
|
ماحب ولا شي من الي قلته
بصراحه هوايتي تختلف شوي مابي اقولها ولا عاد اصلا ابي اسوي اي شي ابي اجلس ابكي وافكر متئ بموت وخلاص بموت وشلون اهد اهلي وووو الخ من الافكار الموب زينه |
شنو اليأس اللي عليج الله يهديج ،،
ممكن دقيقه بس كم عمرج وشلون صلاتج وعبادتج تسمعييين اغاني بس تذكري شكثر خفتي وماصار شئ وتاليتها لي متي بتعيشين الخوووف لو ربي كاتب لج بتموتين وعمرج 100سنه بتقعدين من الحين وانتي خايفه لين 100 اسال الله العفو والعافيه |
اختي / اعتقد هنا مشكلتنا ( الفراغ ) وتجاهل الهواية والاشياء الجميلة اللي بداخلنا وحوالينا لازم نبرز ونهتم بكل شي جميل فينا ونحاول نسلط الضوء عليه ونمارس كل ما يساعدنا على تخطي البؤس حاولي تغيير روتينك واهتمامك واشغلي نفسك بـ اشياء حلوه اجزم ان عندك اشياء كثير حلوه ( غصبن عليك ) ههههه |
والله الحمد لله اصلي الصلاه بوقتها احيانا صلاة الفجر تفوتني
واسبح الله واستغفره واقول كل الادعيه بس فيني خوف غير طبيعي وكل ماتعمقت بديني كل ماحسيت بالموت اكثر احب الطلعه والوناسه واحب ترتيب البيت واحب اكون دايم حلوه وشياكه بس احس التفكير الي فيني احرمني هالاشياء |
اقتباس:
استسمح تدرين بسبب السواليف نمت و احلام مزعجة بالاموات الله يعين فقت مفزوع و تعبان اسال الله ان يعفو عنا ~~ ترى عادي لازم نصبر و نحتسب الاجر لانو الضجر ماينفع بشئ لانو المرض قائم حتى يرضى الله لنا بالشفاء فصبر جميل ~~ |
حتئ انا وربي نمت كم ساعه وصحيت ع احلام وقتل وقص راس فلم اكشن ههههههه مو حلم
وخفت زياده وماعاد جاني النوم تعبت المشتاق والله تعبت توتر وقلق ومشاكل زادت هالتوتر وهالقلق والخوف عندي احس بضياع. |
ربي يشفيك و الجميع اهم شئ لاتسترسلي مع الافكار و تفكري فيها جربي اشغلي وقتك باي شئ
|
اقتباس:
الحمد لله اول الخير ( ابتسامه ) بما انك تحبي الطلعه والوناسه ليه ما تطلعي ؟؟ غيري بالبيت ورتبي .. غيري مكان الجلوس بدلي مواقع بعض الاجهزة والتحف لكن قبل ما تبدلي اماكن اشياء بالبيت وترتبيه لازم تبدلي وترتبي اشياء بداخلك حاولي تبرزي الشيئ الجميل بداخلك وركزي عليه وبعدين بالله عليك .. كم من النعم انتي فيها ؟؟ ( ماشاء الله وربي يزيدك ) وتذكري وتأكدي و اجزمي بقول الله تعالى {إن الله لا يغير ما بقوم حتى يغيروا ما بأنفسهم} وربي يحفظك |
اختي الحبيبة انا مر عليا كل شيئ دكرتيه مر عليا لما كنت بالثانوي عموما اختي هادي اعراض المرض الروحي و انا قد تاكدت بعدما كنت شاكة و كنت لا اؤمن بهده الاشياء عليكي بالرقية الشرعية و الاغتسال بالماء المقرئ عليه و الدهن بالزيت كدلك و الدعاء خصوصا يوم الجمعة و لما ينزل المطر .. انا من صغري و انا مريضة و لم اكن افهم مادا يوجد بي لكن اليوم و قد بقي شهر على دخولي لسن الواحد و العشرين من عمري فهمت كل شيئ و فهمت سبب النوبات التي كانت بتجيني طوال حياتي و فهمت ان الدواء النفسي صحيح مفيد لكنه مجرد مسكن لان السبب الحقيقي في المرض هو جن .. مو ضروري دخوله الكامل بالجسم لا .. بل يمكن مس جزئي فقط او عين .. الله يشفيكي اختي و يشفينا كلنا يا رب و يجعله من اسباب دخولنا للجنة ان شاء الله
|
اختي نوبات الهلع تجعلك تشعرين بأكثر مما أنتي فيه
دعي عنك الفكرة انا جربتها مرات عديدة والحمد لله مافيا الا العافية والحمد لله |
يعطيكم الف عافيه علئ وقوفكم معي بلحظات المي. الحمد لله والشكر لك يارب علئ كل النعم الي انعمت بها علي من غير حولا مني ولا قوه
عندي كل شي مو ناقصني شي ولله الحمد. ناقصني العافيه وراحة البال يارب اسئلك العفو والعافيه كثيراوقات ابي اغير بترتيبات البيت واعزم صحباتي واقاربي وارتب وابدل بس من اجي للجد اقول ليه يابنت تسوي كل هذا وانتي بتموتي كل شي فيني احسه سلبي ماعاد ابي شي والي زاد همي هم توتر العلاقه بين ابوي وامي ابي اصرخ واقول لهم كفايه رجاااااااااء كفايه كنا والحمد لله اسعد ناس واهلي يضرب فيهم المثل مادري شنو صار فينا ? |
نوبات الهلع و الخوف والوساوس اغلبها سببها روحي عين حسد سحر و غيرها
و رب الكعبة كنت بحال لايعلم به الا الله الان ذهبت الوساوس و الهلع و الاكتئاب و علاجي كان القران الرقية سورة البقرة الدهن شرب ماء مرقي |
أهلين اختي الف لاباس عليك
والله اني اكتب لك الحين وانا تخيلات اني بموت ماتروح عني كل لحظه احس كانه بطلوع الروح إحساس جدااااا متعب والله دهورني بس انااحاول قد ماقدر اتجاهل على كثر ماتعذب هالاحاسيسس والأفكار وتزيد اكثر من أحلامي قوي نفسك وتقببلي فكرة ان خلاص هاشي صار فيك وتقبلي الفكرره اسأل الله لنا طيلة العمر ع عبادته |
اقتباس:
اولاً .. لله الفضل على مابك وبنا من نعمة فـله الحمد كما يليق بعزته وجلاله ثانيا .. العين والحسد حق ولكن !! معقول كل شي نحس فيه وكل خلل بحياتنا الاجتماعية و حالتنا النفسيه نقول عنه حسد وعين ؟؟ آمنا بالله العين تصيب ولكن لا نخلط الامور ونصعب على انفسنا حل المشكلة ابسألك / شخص ناجح في مجال عمله وحياته ومرتاح وافضل مننا بمراحل من حيث النفسيه .. ليه ما انصاب بعين ؟؟ جوابي انا ولك حرية الاجابة - لأن تفكيره مشغول بأعماله وحياته الإجابيه اللي هو يتمنى تكون عليه انا مثلاً - متى عرفت نوبات الهلع واشتد الأمر 1- لما تركت وظيفتي 2- لما تركت هوايتي اللي كنت امارسها بكل شغف 3- لما تركت التدخين 4- لما انتقلت من مدينة لآخرى وابعدت عن الأهل و تجنبت التواصل مع اللي كانوا بجزء كبير من حياتي 5- لما .... الخ شخص يترك كل هالأشياء بذمتك ما تتأثر نفسيته من الفرااااااغ اللي حصل ؟؟ وكان بأمكاني اقول محسود على الجلسه بالبيت وعين ما صلت ع النبي ههههه اما بالنسبه لمشاكل الاهل .. كل البيوت مليانه مشاكل اذا حابه احكي لك عن مشاكلي علشان تهون عليك المسأله حاضر لكن تأكدي انك قادره على الإصلاح بينهم ولابد من وجود احد الطرفين فيهم لك قدرة على الوصول لقلبه وتهدئة الاوضاع اخيراً .. رتبي البيت لو سمحتي وغيري كل شي قدامك وياليت ترسمي على جدار الصالة فيل وعصفور ونخله واذا ما تعبتي ارسمي ناقه < يبي يوهقها هههههههه واعزمي صاحباتك والاهل وتواصلي مع الكل حان وقت العمل والتغيير انتهى وقت التفكير السلبي والانهزاميه عذراً ع الإطالة فهي نوع من الفضفضه والإيحاء لنفسي انا واقناعها ربي يحفظك |
صح مو كل شي يأثر بحياتنا نقول عنه عين وحسد
انا ماقلت كذا انا اقول في تغيير بحياتي مادري شنو السبب ماقلت لاعين ولا حسد ابي افضفض لك علئ مشاكل اهلي بس ماعرف شلون ابي احس احد واقف بجانبي امي مسالمه وطيبه لابعد الحدود وهذا الشي الي زاعجني فيها انها ماتاخذ حقها وابوي شديد مانقدر نوقف بوجهه ونقول له خلاص بلاش هالاستعباد للوالده مادري ليه قلت كذا والله تعبت ومادري نوقف مع منو وكيف نوقف هالمشاكل الي مادري لوين راح توصلنا ع العموم انت اخترت لي اصعب اختيار هههههههه ماعرف ارسم ولا حتئ ورده تدري عاد من كنت بالمتوسطه وتكلفنا المدرسه برسمه كنت اخذ كراستي ووديها عند الرسام يرسم لي علشان ماعرف ابد ارسم الله يرزقك شخص مهلوع ويعطيك كل الي تتمناه ويعوضك خير عن كل الي فقدته |
فضفضي .. الكيبورد بين يدينك والكل هنا اخوانك وراح يساعدوا باللي يقدروا وان شاء الله راح تشوفي كلام يسرك ويطيب خاطرك من الجميع وانا رأيي ههههه تتجمعوا بنص البيت وتسووا اعتصام هههههه ولافتات و عبارات قوية ( البيت يريد احلال الأمان ) ومافي مفر ننتظر الرسمه وارجوا عدم التأخير لو سمحتي |
زادت عندي نوبة الهلع. من الرسم
من قلتلي ارسمي فيل وعصفور ونخله وانا لسئ بمنقار العصفور ارسمه وامسحه مو راضي ينرسم معاي هههههههه |
فيه احد يبدا برسم المنقار ؟؟ هههههههههههههههه هذا آخر شي
لاني اتوقع بالاخير ما يطلع طير اساساً ههههههههه خلي موضوع المنقار بالاخير لحد ما نشوف ايش هالكائن ونختار اللي يناسبه هههههههههههه يمكن خرطوم |
ممممم
تدري عاد بارسم نخله خطين وفوقها خطوط مثل البنت الي شعرها منكوش وحط عليها نقطه صغيره الي هو العصفور من بعيد ههههههههه عاد لا تدقق بالرسمه اهم شي المضمون |
نخلة وفوقها عصفور وياليت تسوي جنب العصفور زي الأقواس (( )) علشان يبان انه عصفور يرتجف تعرفي ليه يرتجف ؟؟ ههههههههههههههههههه جايته نوبة هلع من النخله |
ههههههههههههه شفت اني تعلمت الرسم بسهوله
يالله انتي شنو تعلمت من الشعر |
سوري اقصد انت مو انتي
|
انا الذي نظر الأعمى الى هلعي ... وقال تراني اعمى ما اشوف شي وش فيك هذا اول بيت |
ههههههه بدايه موفقه اهم شي المضمون مثل ماقلت لك
تدري عاد متئ تجيني حالة اليأس وامرض واحس بالموت واحس قلبي بينفجر وابي اصرخ اذا ناظرت بوجه امي ولقيتها مقهوره ومو بيدها شي تسويه |
فعلا المضمون هو الاهم في كل الاحوال امك عسى ربي يحفظها ويطول عمرها ويخليها لكم واذا ما بيدها شي تجاه ابوك الشكوى لله سبحانه بس انتي بيدك تنسينها القهر والهم وترسمي ضحكة على وجهها الطيب اكسري الحزن اللي فيها بكلام تحب تسمعه شتتي الهم اللي بداخلها بهدية تفرحها خلك معها سليها بـأخبار تشرح الصدر مو تزيدي همها هم بكلام او حتى بضيقه تبان على وجهك واحذري تشوف رسمتك الحلوه :) ربي يحفظكم |
| الساعة الآن 02:41 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا