من جرب الريسكو ريميدي وعقار Lycopodium ؟
 

السلام عليكم ورحمة الله وبركاتة

اخواني من فيكم اللي حرب الريسكو ريميدي وعقار Lycopodium


انا جربت الريسكو ريميدي لي الان حوالي اربعة ايام واخس بحال افضل من عشبة

القديسين ولاكن صار عندي احباط من بعض الاخبار اللي في المنتديات الغربية بعضهم قال

انه علاج وهمي بس انا ماني مصدق لان احس صار عندي جرئة افضل من قبل و الروح

المعنوية مرتفعة


اللي جربهم او عنده خلفية عنه يقول لي بالله عليكم لاني بحاول اطلب نوع اخر من ازهار

الدكتور باخ

ما دام تحس نفسك أحسن استمر عليها والي أعرفه إن عشبة سانت جونز متخصصة في علاج الاكتئاب البسيط وهي نفسها عشبة القديسين
بس وش الريسكر ميدي وذا العقار الثاني

اكيد انا مستمر فيه الى الان والحمد لله يعطي نتائح طيبه جدا

بالنسبة للريسكو ريميدي هو علاج مركز عشبي وهو خلاصة خمسة أزهار


والعلاج هذا مخصص للاكتئاب والقلق والرهاب واعطاني نتيجة رائع جدا من بعد ثلاثة ايام


من استخدامه


علاج الـ Lycopodium هو علاج من عشبة تسمى بهذا الاسم و سمعت انه مضاد قوي

للاكتئاب وهو في طريقه لي

بالنسبه لعشبه القديسين انا جربت افضل نوع منها اللي عند جي ان سي ارمال ولاكنها


اعطتني نتيجة لسيت سيئة ولا تعتبر جيده في نفس الوقت


عشبة القديسين تصلح للي هم في بداية الاكتئاب يعني اللي اكتئابه بسيط جدا له


اسبوع او اسبوعين ممكن تعطيه نتيجة طيبه

صراحة قرأت قبل قليل عن هذه الأدوية الريسكو ريميدي و Lycopodium
وقرأت أن الريسكو ريميدي تستخدمه لمدة 15 يوم بعدين توقف وراح اتشوف نتايجه أما العقار الثاني Lycopodium فقرات أنه أفضل من الريكو ريميدي وفعال لعاج القولون والمعدة وصراحة أن تعبني القولون بس سعره ما تشوف إنه غالي ومن فين حصلته انت

السلام عليكم
اخوي وين نحصل ريسكو ريميدي ـ Lycopodium
ووين يباع
وهل لازم وصفه طبيه
وهل لها اثار جانبيه

ارجوالرد

والله انا اشتريهم من الخارج ...لي معارف هناك وهم اللي يشترون لي


ريسكو ريميدي لايوجد ابدا في السعودية اما لايكوبوديوم فا اعتقد انه موجود في


مستشفى دلة في الرياض حسب ما قرات للشركة المصنعه ولست متأكد من المعلومة

وين بالخارج ؟
اذا يرفع الروح المعنوية ويحسن المزاج ممكن تسأل عنه

انا اشتريهم من الولايات المتحدة

والان الايكوبوديوم في طريقه لي


بالنسبه للريسكو ريميدي هو يرفع الروح المعنوية و يحسن المزاج بشكل كبير جدا وهذا عن تجربتي الشخصية


هذا موقع يوضع بعض انواع الازهار حقت دكتور باخ


http://forum.edracat.com/showthread.php?t=443

اخوي الدبلوماسي
هل تتوقع احصله بدبي لاني مسافر لها
وياليت تسأل ولا عليك امر
محتاج له وجربه

ياليت تضع صورته وسوف ابحث عنه

السلام عليكم...

اريد معرفة اسم هذه المنتجات باللغه الانجليزيه....وهل تم تجربتها مع الادويه النفسيه يعني هل يمكن الجمع بينها وبين الادويه النفسيه ولكم جزيل...

اعتقد تسعين بالميه تحصله في دبي عند جي ان سي ارمال

والله ما اعرف انزل صور ولاكن هو شكله زي قطره الخشم ويستعمل كا نقط توضع تحت اللسان او في ربع كوب ماء

ابشر

الاول اسمه

Rescue Remedy

والثاني

Lycopodium


بالنسبه للتجربه مع الادويه النفسيه انا ماعمري جربت دواء نفسي كميائي و اعتقد ان ريسكو ما يصلح تاخذ معه شي لان فيه نسبه كحول

اخوي الدبلوماسي تقول انه فيه كحول
يعني ممكن يسبب ادمان
هل المقصود انه يدوخ وصعب قيادة السياره
وسؤال اذا هو ما يدوخ هل تشعر برزانه والا يخلي الواد يضحك وخفيف
عطنا انبطاعك عنه وشعوره لما تستخدمه

اخوي كيف جرعته او استعماله
يعني عند اللزوم والا نظام جرعات

الدبلوماسي
حصلته وشريت منه
وانا استعمل عشبه القديسين او ما تسمى عشبه القلب من شهر ومستمر عليها
ودي اعرف ايش جرعتك بالعشبة القديسين وهل مازالت مستمر عليها
ولو استخدمت العشبة مع الريسكو ريميدي هل في ضرر او ممنوع
يا اخوي يا ليت تفاصيل اكثر وخاصه الريميدي هل يعالج والا مهدي واذا قطعناه يرجع القلق او يسبب الادمان ؟؟؟؟؟؟؟
وكم جرعتك بالريميدي لان قال لي نقطتين مرتين باليوم
ومتى تظهر النتيجة ؟

كانت جرعتي للقديسين اول اسبوع حبه باليوم ،،، ورفعتها الى حبتين صباحا ومساء... وبعدين رفعتها الى حبتين الصبح وحبتين العصر وحبتين قبل النوم

تجربتي لها حلوه،،،، اعطيها ثلاثين بالميه

عشبه القديسين تخفف الاكتئاب ولاكنها لا تقارن ابدا بالريسكو ريميدي حيث ان الريسكو خفف عني القلق والرهاب والاكتئاب بنسبه ثمانين الى تسعين بالميه

وبالنسبه للجرعه حقت الريسكو انصحك انك تاخذ عشر نقط خمس تحت اللسان و خمس تبلعها بلع بدون اي شيء وتكرر هالجرعات ثلاث مرات باليوم


بالنسبه لآدمان الريسكو ما اعتقد ذلك لانه مركز ماء ازهار و نسبه 27 كحول
وللعلم اذا كنت تتناول الريسكو فهو يكفي لوحده ولا انصحك ابدا انك تجرب معه القديسين لاني انا جربت هالطريقه و زاد عني القلق حاجه بسيطه

لاكن من يوم استمريت عليه لوحده صار الوضع عند افضل بكثييييير ولله الحمد والمنه


اي نوع عندك من الريسكو ريميدي؟

النوع اللي عندي علبه صفراء ومكتوب عليها 27 % ومثل القطره صغيره ، هذي هي والا لأ
بالنسبة للعشبه القلب اللي عندك كم مليجرام ؟
اللي عندي 500 واستخدم حبتين وكانت تحسن خفيف جدا جدا خلال العشرين يوم بس بعد العشرين يوم اختفى التحسن
ومازلت استعمل العشبه على أمل اشوف تحسن ، هل استخدم الريميدي والا انتظر لما اقطع العشبه ؟ وهل لو اقطعها بدون تدرج يعتبر عادي
وش تشور علي

اخوي الدبلوماسي ما قلت لي
هل الريميدي علاج والا مهدأ ؟

وعندي ملاحظة انت تقول 10 نقاط و10 نقاط ثلاث مرات يعني 60 نقطة
علما ان العلبة مكتوب عليها 4 نقاط فقط ثلاث مرات يعني 12 نقطة
وش رأيك

عفوا مكتوب 4 نقاط بكوب ماء او باللسان ولم يحدد كم مره
ومكتوب الاستخدام عند الضروره

اي عادي اقطها على طول لانها اعشاب مالها اي اعراض انسحابيه


بالضبط هذا هو افضل نوع ريسكو اللي موجود عندك

اذا هو موجود عندك اقطع القديسين و ابدا فيه بستين نقطه باليوم وتوكل على الله تراه ازهار وكحول بس

وللعلم انا مجربه للحين لي شهر والتحسن والله الحمد الى نسبه تقارب الشفاء وابي استمر فيه الين ست شهور ان شاء الله

تسلم الدبلوماسي
ممكن اعرف وش المرض اللي عندك ؟
اذا كان الريميدي للاعراض مثل زياده ضربات القلب بسبب الخجل أو رجفه اليدين
انا ما عندي هذه الاعراض واللي عندي فقط انطوائية وكتمه بالصدر وربما هي السبب بالانطوائية فقط
وبصراحه احس ان الريميدي يخفف الاعراض مثل زياده ضربات القلب ، وهذا انا ما اشتكي منه
وخايف من استخدام الريميدي
ياليت نعرف شنو تشتكي منه ؟ لان يمكن الاعراض عندك تختلف من الاعراض اللي عندي

انا اللي عندي اكتئاب و قلق و رهاب و زياده ضربات القلب ولم اشكو من رجفه اليدين ولله الحمد

واللي عندي نفس اللي عندك الانطوائيه وكتمه الصدر وخوف وكسل

واحب اقول لك شي ... ترى الادويه النفسيه الكيميائيه على الرغم من الكلام اللي يدار حواليها الا انها امنه واللي خلاني اتاكد مره قريت عن بنت حاولت تنتحر عن طيق بلع علبه كامله من دواء نفسي ولم يحصل لها شيء من بكرا

اذا كانت الادويه الكيميائيه امنه فما بالك بالادويه العشبيه؟

احب اقولك ان الريسكو هو علاج آمن جدا لانه مركب بسيط من ماء ازهار وكحول فقط لاغير ليس معه اي شيء كيميائي وليس له اي اعراض جانبيه ابدا وفعال جدا جدا جدا وانا حسيت بتحسن من اليوم الثالث لآستعماله والله يا رجل صحيت الصبح ابي اروح للدوره المياه اغسل وجهي ... تفاجآت من خفه المشي و زوال التعب وانا ما عمري حسيت بهذه الخفه من لي اكثر من عشر سنوات ولله الحمد والمنه... هذا من تجربتي الخاصه

للمعلوميه ترى كتمه الصدر علاجها بدواء ساينو فري حق الجيوب الانفيه!! يشيل الكتمه بطريقه عجيبه

الحمدلله على السلامه ياشباب
 

شكرا للاخ الدبلوماسي على الموضوع والله يبشرك بالخير ان شاء الله ... سؤالي ياخي هل استخدمت هالعلاج بعد ماوصلك ولا لا Lycopodium ؟؟؟؟
وياليت تذكر الموقع اللي شريت منه الريسسكيوووو


بالنسبه للاخ فهد ياليت تتكرم وتذكر لنا من وين شريت الريسكيو ؟؟؟؟؟؟؟؟؟؟؟؟؟؟؟؟؟ هل وجدته في ارمال فالسعوديه ولا من برى ؟؟ واذا من برى ياليت تذكر لنا موقع نقدر نشتريه منه

افزعوا لنا وهاتوا هل العلاج ولكم سعيكم ودعوة بظهر الغيب