آه
 

الله يطول عمرك وما تشوفين شر اسال الله لكي اختي السلامة والعافية

لا مانقول جي ابداً بل نقول إن حالتك بإذن الله بتتحسن بحول الله وقوته وماتعانين منه يا اختي مجرد وساوس شيطانية وكما هو معلوم إن كيد الشيطان كان ضعيفا يعني مهما كثرت وسوساته ومضايقاته لك فنهايته الخيبه والخسران ويرجع مذموماً مدحورا ولكن كيف؟ هنا السؤال..
الإجابة على السؤال يا اختي كما يلي:
يرجع الشيطان خايب وخسران حين تضعين حد لوسوساته بتقويّة إيمانك بالله عزو وجل واللجوء إلى الله في صلاتك ودعائك في أذكارك ومناجاتك بإختصار إعلنيها حرب شعواء لاهواده فيها على الشيطان لعنه الله
حافظي على صلاتك وتقربي من رب العزة والجلال بالصدقة للفقراء
اكثري من التعوذ بالله من الشيطان الرجيم حين تأتيك الوساوس
اكثري من الإستغفار وقراءة آية الكرسي وسورة الإخلاص والمعوذتين وانفثي على كفيك وامسحي بهما رأسك ووجهك وماتستطيعين من جسدك
اقرأي سورة البقرة فإن لم تستطيعي فاستمعي لها
استمعي للرقية الشرعية
كوني قوية ولا تضعفي او تستسلمي فأنتي انسانه مسلمه مؤمنه بالله ،فالمؤمن القوي خيرٌ وأحب إلى الله من المؤمن الضعيف
قومي من الآن يا اختي وأعلنيها حرب شرسه على عدو الله الذي جعلكي تتخبطين يُمنه ويسرى ويهزأ بك كلما رأكِ على هالحال وأنتي للأسف أعنتيه على ذلك لإستسلامك التام له بكثرة شكواك وكل لحظه وأخرى فتحتي موضوع تشكين فيه من حالك
اختي المثل يقول: إللي ماياكل بيده مايشبع .. والمثل الآخر يقول: مايحك جلدك مثل ظفرك .. أي إذا لم تفزي وتقفي على قدماك وتتسلحي بقوة إيمانك بالله عز وجل وتخوضي حربك بنفسك فلن تجدي من يعينك .. قومي اطلبي العون من المُعين سبحانه وستجدين المُعين خير من يُعين ولن يرجعك أكرم الأكرمين خائبة من توكل على الله فهو حسبُه وكافيه ووالله الذي لا إله إلا هو سيزول كل مابك وتنتصري على الشيطان ووساوسه إذا إتكلتي على الله حق إتكاله ..
أسأل الله أن يعينك ويبدل حالك من حال الشقاء لحال السعادة إنه ولي ذلك والقادر عليه .. اللهم آمين

00``00`

الإستسلام هو المرض بعينه

قوي نفسك يا أختي الكريمة وبلاش أفكار وسواسية تسلطية

بصراحة الكلام الي صبغته بالاحمر انا ما فهمته ..

لكن اقول لك اختي

الخوف من الموت لن يمنع الموت و لكن سيحرمك من الاستمتاع بالحياة ..

تجاهلي هذه الافكار و ستكونين بخير ان شاء الله


l,uiture67

سويدي تعبتي و تعبتينا معك انا نمت ساعه في الليل و صحيت موسوسه و مخنوقه

و اتحلمت حلم و ربي ما افتكره أصلا بس خايفه و ربي اني أصلي و انا ارتجف


ربي يكتب لنا لعمر الطويل يا رب و يشفينا جميعا

لا طبعا كلامك مو صح الأعمار بيد الله وماحد يعرفها غير الله سبحانه وتعالى وبعدين أنا زيك لما يقرب ميلادي أخاف واوسوس بعدين اقنع نفسي انه اصلن إحنا مسلمين ومافي شي اسمها اعياد ميلاد وانه ولو الانسان بموت بيوم ميلاده بالهجري ولا بالميلادي ههههههههههههه صدقيني مافي شي اسمه إحساس ترى الي قاعد يتكلم عنك ويكتب الكلام الي كتبتيه انت بلسان الشيطان. الله بشفينا جميعا

الله يعين يارب ويشفينا
والله اكتب وانا جدااا خااايفه ماارتاااح ابد
من هالوساوس مدري متا تخلص

حقيقة مب كذب

هذا يدور في بالي بس هالمرة بشكل يديد :).

الموت حق ..
والحق مــر !!

ليش أكثر الوساوس فى الموت ؟
مع انه الصغير يموت أحيانا قبل الكبير يعنى شئ مجهول لنا .. ليش نفكر فيه ياترى ؟
خايفين من أعمالنا ممكن !!
ولا مانحب نفارق من نحب ؟
ولا تقولى عشان الدنيا اااا حلوة ترى أتصرع ههههههههههههههههههه
صلى وأذكرى ربك كثيرررر .. وانت راح ترتاحى من الوساوس دى
انت بنفسك تقولى متى ارتاح منها .. كيف راح ترتاحى وانت شاغل كل تفكيرك فيها !!
نصيحة لك أكثرى من قرأة القرآن زى ما بتكثرى من التفكير دا .. وانت راح تشوفى الفرق ..
الله يرحم عبادة برحمته الى وسعت كل شئ ..
بس أنا الى بعرفه انو الإنسان كل ما تقدم بالعمر معناته نقص من عمره ..
مو يعنى فى ساعتها مات !!
انت بنتوته .. يختى فليها وخليها على الله محد مخلد ..

السويدي يا اختي

والله ان بقيتي كذا منتي مرتاحه من الوسواس خلاص لعب عليك كفايه

شهر شعبان قلك ماراح ترجعين من السفر وسافرتي ورديتي طيبه الحمدلله

بعدين قال ل ماراح تكملي رمضان والحمدلله امد الله بعمرك وبعدين يوم قرب ميلادك رجع لك

وبكره بيجي عيد الحج وبيقلك كذا وبعدين السنه الهجريه بعدين الميلاديه ههههههههه جالس يلعب فيك

لمتى يختي خلاص

اول شي توكلي على الله ولن يصيبنا الا ماكتب الله والله سبحانه يقول في كتابة :(وَمَا تَدْرِي نَفْسٌ مَاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ)

أوكلي امرك للحي القيوم الذي لاتنام عينه ثم اعلمي ان هذا من الشيطان ويدل على هذا قول الله تعالي ::{ وَاسْتَفْزِزْ مَنِ اسْتَطَعْتَ مِنْهُمْ بِصَوْتِكَ وَأَجْلِبْ عَلَيْهِم بِخَيْلِكَ وَرَجِلِكَ وَشَارِكْهُمْ فِي الأَمْوَالِ وَالأَوْلادِ وَعِدْهُمْ وَمَا يَعِدُهُمُ الشَّيْطَانُ إِلاَّ غُرُوراً }.

وقرات تفسير الطبري لهذه الايه : يقول الطبري رحمه الله : (يقول تعالى ذكره بقوله : (وَاسْتَفزِزْ ) واستـخفف واستـجهل، من قولهم: استفزّ فلانا كذا وكذا فهو يستفزّه )

شفتي كيف الشيطان يستخفف بك طول هالفتره اشغلك عن ذكر الله وان ذكرتيه وانتي خايفة لا يهداء لك بال

هذا هو لعب بي وبك وبالكثير لكن ان شاء اانا انتبهنا وراح ندحر شره

مثل ماقلت لك توكلي على الله وابدي بالرقيه الشرعيه والله ان فيها خير عظيم وتحسنت كثير معها
وبعدين طبقي برنامج الخبير

اقري المواضيع المثبته هنا

........................

اعتذر من إدارة الموقع لو الروابط ممنوعه لكن لايعقل هذا لها اكثر من 4 شهور تدور بحلقه مفرغة لابد من اخذ يدها للجاده

الله يشفيك ي أختي والامر سهل بس يبي لك تشدي حبتين على نفسك

ملاحظة الاحلام ونوبات الهلع والتحسس ومن اي كلمة شيء طبيعي مع وسواس الموت
كل الحالات لاحظت هذا فيهم

ارجعي اقري هالايتين ثاني ومعليش ممكن تسولفين معاي شوي هنا

أكيد ممكن.

طيب ي حلوة خبريناا عنك موظفه طالبه

كيف تقضي يومك وش هوايتك

فكرتي تزوري طبيب نفسي حاولتي

أنا طالبة جامعية ثاني سنة

اقضيه في الجامعة مع صديقاتي
و ارجع وقت المغرب تقريباً اخلص ما عليه و أنام

لا ما فكرت و احس مستحيل أهلي يطيعون ب هاي الفكرة.

كويس وقتك مزحوم نوعا ما

بس ممكن من الضغط صايره كذا تفكري

طيب سمعيني شفتي اللي فيك والله مريت فيه واشد منك يختي

تخيلي احلام نوم وافكار وتوهم مرض ماخليت شي ماتوهمت

وكل مره يلعب علي الشيطان بفكره اقوى واقول لا لا صدق

تدري صرت حتى نظرات الناس وكل كلمة يقولوها افسرها بطريقتي

المهم انا استمريت على الرقيه وبرنامج الخبير والحمدلله تشافيت بنسبة 97 % اللهم لك الحمد

كلاميي مو مرتب بس ابي اوصل لك انا هذا من الشيطان

وتشرحين لنا الاحساس اللي تحسي فيه

أنا ادري انه وسواس
يعني فاهمة عليكم

بس يا أختي الاحساس يزيد و يكبر

و كل ما زاد النسبة تزيد

يعني أقول حقيقة حقيقة قبل على الأقل كنت أقول يمكن حقيقة و يمكن وسواس
حالياً الخيال صفر مات عندي كله أقول حقيقة.

تدرين ليه لان الشيطان يبي يطول الحيله عليك

كل مرة تكتشفيه هالمرة لا واذا اقتنعتي بيجيب حيله اخرى

قراتي برنامج الخبير

فتحت الرابط و ببدأ أقرأ.

اوكي الله يرضى عليك اقرئي بتركيز وشوفي كيف بعد القراءة

يالسويدي وين الاجابيات والسلبيات اللي تكلمنا عنها ذاك اليوم
شوفي يالسويدي انا ماراح الومك لاني عارفه وضعك وعارفه شعورك

والله انا بعد احس باحساسك واعيش برعب لكن وش اسوي مالي الا الدعاء


انا اعرف شعورك ..اعرف انه يؤلم عندما نتقاسم ونختبر نفس الألم لن يكون صعبا ان نفهم بعضنا انا افهمك لاننا نحمل نفس الألم

لكن ليش احنا نيأس ونقلق ونحس بالموت تدرين ليش السبب ماعندنا حسن الظن بالله

انتي الحين تقولين انا واثقه بالله وانا دعيت وانا اقرى قران لكن لو اجي وافتح قلبك واشوف وش فيه كان اشوف فيه قلق وحزن ويأس والاحساس اللي مدوخك
تخيلي الله سبحانه يشوف قلوبنا خايفه ومافيها توكل عليه وبعد كذا نروح ندعي ونقول مااستجاب دعائنا طيب المشكله عندنا قلوبنا مليانه شك وخوف وياس من رحمه الله
الله سبحانه رحيم بنا يقول سبحانه انا عند حسن ظن عبدي بي
بس المطلوب منا اننا نحسن الظن فيه سبحانه وهو سبحانه راح يشفينا ويغفر لنا ويخرجنا من اللي احنا فيه

الله يشفينا جميعا اللهم يا واسع العطاء يا منزل الشفاء يا رافع البلاء يا مجيب الدعاء أنزل رحمة من رحمتك وشفاء من شفائك على كل مرض وسقم وبلاء ، ياحى يا قيوم يا بديع السماوات والأرض يا ذا الجلال والإكرام برحمتك نستغيث.

امين يارب
ان شاء الله ترجع حياتك احسن من اول بكثيير
والفرج قريب والسعاده اللي تتمنينها راح تعيشينها بأذن الله بس توكل على الحي القيوم وهو سبحانه راح يعطيك كل اللي تتمنينه بس خلي عندك امل وتفاؤل وحسن الظن به وماراح يخيب رجاك

الله يشفينا جمعيا

سويدي أش أخبارك

و الله امس ما فكرت في الوسواس كثير لكن اليوم من صحيت من النوم و انا افكر في الموت و أقول هذا حقيقه

اليوم الجمعه و فيها ساعه الاستجابة ندعي الله فيها انه يشفينا جميعا

نحن مجربين المرض مع اختلاف المده و أن شاء الله نتخلص منه سوا جميعا

حبيبتي سويدي فكري لو عشتي إلى أن يوصل عمرك 60 سنه أن شاء الله فكري من عمرك اللحين إلى الستين بتعيشينو انت معك هذا الوسواس

ادري انو الوسواس صعب و انا أعاني لكن ربك كريم و لازم نحسن الظن بالله

ادعي في سجودك دائماً أن ربي يرزقك العمر الطويل في طاعته

أمين يا رب