عايزة افضفض معاكوا
 

انا هتجنن جوايا احساس هيقتلنى
الاحساس بالموت دة احساس صعب أوى خصوصاً مع الأفكار اللى بتطوره
والله نفسيتى تعبت زيادة التفكير بيزيد يوم ورا التانى ، فى اعراض قلت و زالت الحمد لله بس قلبى لسة بيوجعنى بيتقبض كتير مش عارفة اتبسط بحاجات كنت مستنياها من سنين
المجادلة مع النفس فى المرض دة مش بتيجى بفايدة لأنه كدة كدة بيغلبنى ، بقيت بصحى من النوم مش مصدقة انى لسة عايشة
وانا بكتب دلوقتى بقول بكرة لما اموت اهلى هيشوفوا اللى كنت كتباه ويقولوا قلبها كان حاسس
ساعات كتير بستتفه نفسى من كتر ما بربط ابسط الحاجات واتفهها بالموت مثال مثلاً امى جابت موبايل جديد حطيتلها نغمة وصورة وظبتلها التاريخ قولت بكرة لما اموت هتقول كانت مغيرالى نغمة الموبايل والنبى شوفتوا تفاهة اكتر من كدة دة مش تفاهة بس دة عبط كمان
لكن الفكرة دى سمعتها لما ابن عمتى مات عمتى قالتها ، حاجة كمان ابن عمتى مات و هو عنده 19 سنة و مات فى الشتاء فبقول انا تميت ال 19 والشتاء داخل عليا فممكن اموت زيه وانا اصلاً كدة كدة بخاف من الشتاء خصوصاً فى الليل شوفتوا تفاهة اكتر من كدة
بكتب وانا حسة انى هموت مش قادرة والله تعبت

إسراء قلبي أبشرك انا مثلك تماماً

و الله لما اكتب موضوع أو ردود اني أفكر نفس تفكيرك و الله اني تعبانه

و انا اسكن في منطقه و أهلي في منطقه و يوم الربوع الجاي مسافره لهم تدرين اني من اليوم خايفه

لكن الله المستعان وحده الحمد لله

😭😭😭

يا رب يا واحد يا احد يا حي يا قيوم يا واحد يا قهار يارب ترزق إسراء طول العمر و تكتب لها السعادة في الدارين الدنيا و الأخره

يا الله ، كنت بحس انى انا لوحدى اللى كدة
ومش عارفة اصدق انه مرض لأنه على طول غالبنى
بقول لسة عمرى طويل و دة مرض لكن بذجع اقول ليه؟ مفيش حد بيموت صغير
وارجع اقول الحمد لله انى مش مريضة بمرض قوى واقول ليه مفيش ناس بتموت من غير سبب
خايفة على طول بقول مش هلحق اتجوز وتعباااانة جداً وبقيت بعيط من اقل حاجة و عصبية جداً
انتى بتحصلك حاجات كدة ولا انا بس

الله يعيننا اخواتي انا كمان اربط اي حاجة بالموت لدرجة بنتي لما تبكي اقول ياترى قلبها حاسس اني راح اتركها ..
وارجع اقنع نفسي ان دا وسواس و الوسواس بيتسلى علية و ادخل في صراع عشان اطلع من هذي الافكار

تعبت لاني لوحدي في هذي الدوامة وما قلت الا لزوجي الحمدلله خفف عني بس عنده مشاغل و شافني اتحسنت و انا في الاصل ما ابين له
لما نكون قاعدين مع بعض اكون عادية طبيعية و في النها راصلا اكون مرتاحة وما عندي افكار
بس يجي الليل الساعة 11 احيانا تبدأ الافكار و صرت اخاف منالسرير و من النوم والان اكتب ونفسي انام و مسهرة بنتي معايا عشان تسوي لي صوت وحركة لو كنت لحالي
كنت تعبت الحمدلله محافظة على واجباتي الدينية و صلواتي و الادعية والخوف يروح ويجي بس ما ادري متى يروح نهائي تعبت . اطالع الان في التلفزيون واقول يابخت الناس
عايشين ومو شايلين هم



يارب يشفينا و يشفي كل مريض و يفك كرب وهم كل مهموم و مكروب
يارب اكتب لنا طولة العمر و حسن العمل و قبوله

نسيت اقول لكم انا كنت منطلقة ومرتاحة بحياتي و ما اخاف من اي شي ولا من اي احد
شخصيتي قوية و عايشة حياة زوجية كل وحدة تتمناها لكن من يوم جاني هالوسواس نغص حياتي
لكن الحمدلله قربت من الدين كثير لكني ماني ذايقة طعم الحياة و الخوف الي متعبني .. الله يريح قلوبنا.

انا زيك بالظبط والله كنت عايشة مبسوطة مئ بفكر فى اى حاجة
والليل بيجى عليّا بحسه غول بسهر نفسى اطول وقت ممكن على طول خايفة
والحمد لله مواظبة على واحباتى الدينية
انا لما بنت اختى بتعيط كتير بقول انى هموت تخيلوا
كل ما اجهز حاجة فى الشقة بتاعتى اكون خايفة و مش مبسوطة لو ضحكت كتير بقول انا هموت
مش قادرة
يااااااااااااااااااارب

هل هذا الي صابنا بسبب الحسد؟؟
كثير كنت اسمع هذي الجملة : يا بختك مبسوطة .

الان انا في ناحية و الانبساط في ناحية تاااااانية
الحمدلله على كل حال . الله يفرج همنا و يفك كربنا

من جد أخت امل انا ولدي يسوي اي شيء أقول انه حاس اني باموت واتركه

لدرجه مره كنت باروح مع أخوي و زوجته مشوار و هو نائم عند أبوه ما ادري كيف صحي من النوم و جلس يبكي ما يبغني أروح و انا قلت خلاص باموت في هذا المشوار و الله اني فسخت العبايه و قلت مو رايحه بس جات زوجت أخوي و أصرت عليه و رحت و المشوار كله قلبي مقبوض و نسيت جوالي و الله وحده يعلم بحالي بس كنت ادعي الله


الله يعين الوسواس لعب فينا

الله يرزقنا العمر الطويل يا رب

إسراء و الله اني مثلك أقول أن شاء الله عمري طويل

لكن تجيني نفس الأفكار الي تجيك

اه يا حبايبى اعتقد ان السبب حسد
كنت عايشة و مرتاحة و مش بكلم حد و رايقة جت واحدة قالتلى نفسى اكون زيك مريحة راسى وبالى رايق والله انى من ساعتها ما عرفت راحة البال ولا دوقت طعم الهنا اللى كنت عايشاه
يا رب الطف بينا و ارحمنا

على فكرة يا إسراء الحكاية دي منتشرة اوى , أنا مريت بالحالة دي فترة من عمرى , كنت بعانى ساعتها من اكتئاب وخوف شديد و رهاب اجتماعي , المهم ان الحالة دي راحت لوحدها من كتر ما استخدمت مضادات الاكتئاب . أنا متفهم مدى العذاب و المعاااااااانااااااة اللي بتمري بيها , انا فاكر معاناتي لما ماكنتش بعرف انام من كتر منا متأكد انى لو نمت مش حاصحى تاني. اطمنى يا اسراء , انا متأكد إن حالتك ممكن تتعالج بسهولة جدا , اى دكتور نفساني حايعرف يساعدك , لأن اللي بتحكيه ده مشهور جدا و معروفة جدا جدا جدا

قلبي معاكي :)

أخوكي في الله عادل

بجد يا عادل ساعات بحس انه مفيش امل وانى مش هتعالج وحاجة جوايا تقولى دة مش وهم دة حقيقة
وكنت فاكرة انا لوحدى كدة
طب معلش اتعبك وتقولى الاعراض اللى كنت بتحسها ايه

الوسواس هو اللي بيشتغلك و بيوهمك ان دي حقيقة , انا مقدر احساسك و مقدر تخوفك , اللي بتحسي بيه ده طبيعي فى وجود وسواس زى ده , بالنسبة للاعراض انا مش متذكرها اوى بس لما قريت كلامك افتكرت انى كنت بربط اى حاجة بالموت زيك بالظبط , كان عندي نفس الحس الدرماتيكي ده بتاع ان الحاجة الفلانية دي علامة انى حاموت , انا مش عايزك تشغلى مخك بالتفاصيل الصغيرة و لا بإن ده حسد او لا , انزلى روحي للدكتور علطول , لأنك كدا بتموتي نفسك بالبطيء و بتضيعيى اجمل ايام عمرك .. ماتسيبيش نفسك ضحية لوسواس زى ده , انتى لسة بنوتة صغيرة لسة ماعشتيش حياتك و لا اتمتعتى بيها .. اللي جاى ان شاء الله احلى من اللي راح يا اسراء :)

سوري عالتاخير في الرد , الكيبورد بتاعي بايظ فبكتب بالكيبورد الوهمي بتاع الويندوز

لأ ولا يهمك و متشكرة اوى على الرد
كمان انا روحت لدكتورة لقيت العلاج اساسه الادوية و انا مش عايزة اتعود على انى كويسة عشان باخد دواء لأ انا عايزة ابقى كويسة زى الاول من غير سبب الطبيعى بتاعى
كمان انا لما بكون كويسة بقول يمكن انا كويسة دلوقتى عشان هموت فبرجع انكد على نفسى تانى والنبى عمرك شوفت كدة

انا زيك برضو خيالي واسع و حسي الدرامى عالى اوى و يمكن ده اللي خلانى عرضة لوسواس زى ده , واضح كمان انك مرحة و دمك خفيف وقلبك طيب . بس حاقول لك حاجة , احنا لازم نروح للدكتور لسبب بسيط و هو ان اللي حوالينا عمرهم ما حايحسوا بمعاناتنا بل ربما يزودوهالنا اكتر , لو بتحبي نفسك بجد روحي لدكتور و اسأليه هل الدواء لفترة محددة و لا علطول , انا متاكد انه لفترة محددة .. ارجوكي ماتسيبيش نفسك كدا , ارجوكي روحي للدكتور عشان خاطر اى حد غالي عليكي و بتحبيه , لان العلاج الدوائي هو حائط الدفاع الاول,و ياستي ماتخديش الادوية الا لما تعرضيها علينا هنا الاول عشان لو ليها اعرااض جانبية نقول لك

اجمل حاجة حسيتها فيكي انك تلقائية و طيبة .. آه و دمك خفيف :)

بص يا عادل الادوية دى انا عندى عقدة منها لأن خالتى كانت بتتعالج نفسياً بالأدوية لحد ما ادمنتها فعشان كدة اول ما الدكتورة قالتلى حلفت ما انا رايحالها تانى و كمان اهلى رافضين جو الادوية دة

عايزة اقول حاجة كمان انى بوهم نفسى بالتعب والدوخة واحسس نفسى انى عندى هبوط و تعبانة بدخل نفسى فى مود التعب و دة بيخوفنى ازيد

أنا بحترم وجهة نظرك و متفهمها جدا على فكرة .. أنا بجد بتمنالك الخير و السعادة و ان الهم ده ينزاح من على صدرك في اقرب وقت . قلبي معاكي :)

يا رب و عننا كلنا ان شاء الله

انتي بس محتاجة حد يطمنك و ياخد بإيدك و يحسسك بالأمان و الدفء النفسي , لأنك واضح انك شخصية قلوقة بطبعها .. ان شاء الله تجدي الاطمئنان :)

أيوة انا كدة فعلاً وموسوسة خلقة اساساً فجه وسواس الموت دة كمل عليا

لو ملقيتيش حد في حياتك بيحسسك بالاطمئنان و الدفء النفسي , حاولي تلجاي لربنا , لقراءة القرآن , تصلي الفجر قبل ماتنامي ... فيه كمان مشروبات دافية ممكن تشربيها بتساعد برضو انها تحسن الحالة المزاجية

انا الحمد لله محافظة على صلاتى وعلى طول بقرأ قرآن

ان شاء الله ربنا مش حايخذلك و اتأكدي ان كل لحظة بتتعذبي فيها بتاخدي قصادها حسنات كتير جداً , ربنا يهديلك بالك و يطمن قلبك
قلبي معاكي :)

إسراء يا قلبي و الله كل ما تقولي شيء من جد زي الى معي

انا اليوم الي يخف فيه الوسواس أقول انه أكيد اليوم و اكره احد يقول اتحلمت فيك

و اذا جاء الليل يزيد الوسواس مع اني من صلاه الفجر أحس براحه نوم الليل ما اعرفه و اذا نمت ساعتين الكثير

كمان أخت امل و الم أحس كل الكلام الي تقوله كنه انا بالضبط

انا خرجت فرح ولد خالتي و بعدها صابني الوسواس و صابني بسبب حلم حلمت فيه

متشكرة يا عادل اوى مش عارفة اقولك ايه على كلامك دة
بس انا محتاجة حد يأكدلى انه وسواس لأن اللى تاعبنى انى حسة انه حقيقى

يا حبيبتى حسيت ان كل الأعراض واحدة عند كل مريض بالوسواس دة بس بدرجات
طلعى يا حبيبتى اللى جواكى يمكن ترتاحى شوية قولى اللى انتى حساه

ماهى دي قوته , انه بيشتغلك و مفهمك انه حقيقي , انا عارف انه شىء خارج عن طاقتك انك تصدقي انك كويسة و ان ده وسواس , و عارف اكتر ان كل حاجة حواليكي بتقول لك ان اللي بيحصللك ده حقيقي , انا متفهم مدى عذابك , و متفهم انك كل لما تحاولي تواجهيه و تتحديه بيزيد اكتر عليكي و بيعذبك اكتر و بالتالي بتزيد احباطاتك .. من الآخر يا إسراء , انتي بتتعرضي لأكبر عملية خداع نفسي , لدرجة انها موصلاكي انك مصدقة ان ممكن حاجة وحشة لا قدر الله تحصللك , عارفة امتى حاتطمني يا إسراء ؟؟ لما تروحي للدكتور و تاخدي الدواء لفترة و حالتك تتحسن بإذن الله , و تشوفي نفسك كويسة و طبيعية , ساعتها حايبقى عندك قناعة ان ده كان مجرد وسواس مسيطر عليكي , ساعتها حاتوصلي لمرحلة من الادراك و الوعى و اليقين انك كويسة جدا و طبيعية جدا , و ان كل الوهمممممممممم هو اكبر خدعة حصلتلك في حياتك . انا عارف رأيك في موضوع الدوا .. مش بقوللك خديه طول عمرك , خوديه لحد ماتتحسني , لحد ماتشوفي نفسك كويسة لحد ماتقتنعي انتي من نفسك انه وسواس , ساعتها ياستي بطليه بس عالاقل تبقى اقتنعتي من جواكي انك كويسة و ان كان فيه اشتغالة مسيطرة عليكي

كلنا نفس الاعراض لدرجة اصحى من النوم مكتومه اقول قاعده خلاص هذا يومي
واحيانا احس النغزات وبرود في رجليني واقول خلاص بموت
وكلها ناتجه من الافكار السلبيه والقلق والتوتر

سوري , عشان بس اكون امين , انا قلتلك في اخر سطر ابقي بطليه لما تبقي كويسة , سوري عالخطأ ده , ماينفعش صح تبطلي دوا لما تحسي انك كويسة لان ده ممكن يعمل انتكاسة , الدواء بيبقى ليه اسلوب معين لتوقيفه .. لذا لزم التوضيح .

فيه حل تاني على فكرة , اعرضي نفسك على اخصائي نفسي او اخصائية نفسية , لو تحبي انا ممكن اعرفك على اخصائية نفسية ممتازة , ممكن تكلميها عالنت و ليها صفحة مشهورة عالفيس بوك , و دي لا حاتكتبلك على دوا و لا حاجة .. دي بس حاتنورلك طريقك و تفسرلك كل اللي حاسة بيه , عارفة اللي بيبقى ماشي في شارع ضلمة و عمال يلوش , هى دورها انها تنورلك الطريق و تفتحلك افاق جديدة و تساعدك على الشفاء .. انا بتعامل معاها شخصيا عشان حاجة اسمها الرهاب الاجتماعي

بجد اصلاً من غير دكتور كلامك مريح جداً و مطمنى

ربنا يشفينا

بتتكلمى عنى و اعتقد عن كل حد زينا كدة

اه عارفة بيتبطل بالتدريج مش مرة واحدة
تفتكر هتيجى بفايدة؟

ما شاء الله الحمد لله ان ربنا شافاكى
عقبالنا لما يدينا القوة عشان نخلص منه احنا كمان

حاقول لك على حاجة
لو عرفت اكلمها النهاردة , حاقولها على حالتك .. و ان شاء الله خير
قلي معاكي :)

ادعو الله ان يريح بالك و ان يطمئن قلبك
انا متاكد انها حاتكون مرحلة في عمرك و حاتنتهي بكل الامها و عذاباتها و تبقى مجرد تاريخ في يوم من الأيام
إن شاء الله خير :)

متشكرة يا عادل اوى اوى و مستنية ردك ان شاء الله