والله حرام الناس يتهنون بحياتهم واحنا عايشين باكتئاب وحزن
 

واقسم بالله حرام الناس عايشين يمارسو حياتهم بشكل طبيعي ونفسيه مستقره ومرتاحه

وانا ليس عندي علاقات ولا احضر العزائم والحفلات والتجمعات بسبب اللعين المسمى الاكتئاب لاني دائم احس بالنقص لما ارا الناس الطبيعين مافيهم اكتئاب ولا شي والضحكه شاقه الوجه

وليدهم علاقات اجتماعيه كثيره وانا ماعندي شي والله شي يزعلللللللللل لدرجه البكاء شبابي راح هم وحزن واكتئاب وعزله

حرام حرام ظلم لاحد يجيني يقول شوف الي مايمشي او الاعمى اووو هذولا ناس راضين بوضعهم لاكن الاكتئاب مصيبه الاكتئاب يوصلك لمرحله الياس من الحياه

انا ابي اعرف وش الجزاء الي باخذه من ربي هل الجنه على صبري على هذا المرض اللعين الي دمرلي حياتي اشوف من حولي من عمري واصغر يتزوجون وينجزون وانا كالمتفرج اااااااااه وانا اكتب احس ذبحتني العبره


والشي الي مزعلني ان ولا شي تمنيته بالحياه حصلت عليه كل ماتمنى شي مايحصلي يعني حظ نحس وقراده

مادري اخرتها اش بيكون

اخي الفاضل منتضر الفرحة كل ما حددته لك بالاحمر كلام يغضب الله جل في علاه اتمنى ان تستغفر ربك يا اخي وتحسن الظن اولا لا تقول حرام حرام لمين انت تخاطب ربك

وتقول المرض اللعين لا تلعن المرض ما تدري لو ما يدخلك الفردوس الاعلى الا هالمرض لان قدامك اهوال والصابرين يوفون اجرهم بدون حساب ولا عقاب تخيل المتعافين يقولون يا ليتنا مكانك

وتقول اخرتها مدري وش بيكون اقول اقراء سيرة سيدنا ايوب عليه السلام وشوف وش بيكون واهل الابتلاء هم الانبياء والصحابة والامثل فالامثل وانت من اهل الخير نحسبك كذكلك ولا نزكيك على الله .

والله حاس فيك ياخوي منتظر الفرحة لكن شو نقدر نسوي غير نقول الحمد لله على كل شيء .

الله يشفيك عاجل غير آجل ونشوف ضحكتك 24 ساعة حتى وانت نايم ههه .

سامحني لا املك سوى الدعاء لك .

اهي الدنيا كلها حظظظظظظظظظظ

في ناس حظها عالي وناس حظها نازل

فتقبل الامور بواقعيه

اسأل الله ان يفرج همنا

الاكتئاب مرض دائما ينصحونا بتغيير الذات كيف اعير وهذا المرض في
اليوم ايقنت ان الامراض النفسية هي امراض حقيقية
والعلاج السلوكي ما هو الا خزعبلات ليست لها صحة مع احترامي الشديد لمن يتخصص في هذت المجال
يجب ان تفهم ان العلاج السلوكي ما هي الا طريقة للتعايش مع المرض
على العموم غنا اعاني من مرض القلق الذي ليس له علاج سوة ان يكون المرضى به ضحية المشعوذين والدجل وضياع المال

لا ياعزيزي رونالدو

الحظ ليس له وجود على ارض الواقع

العلاج سبب مهم من اسباب الشفاء

ومن اسباب العلاج المهم بالنسبه للاكتئاب

في نظري تتكون من :

1- تصحيح الافكار الخاطئه : مثل الاحباط والخمول والكسل ..هذه يجب ان تزال من العقل

2- الروابط الاجتماعيه : و بخاصه الاقارب ذوي الدرجه الأولى مثل الاب والام والاخوه فهذه لابد ان تقوى صله العلاقه بهم

3- الامور الماديه : المال سبب مهم من اسباب الحياه السعيده ...ونقصه سبب مهم من اسباب الاحباط والاكتئاب

4- العلاج الدوائي : لو اخذت من الطبيب الناجح لما خفنا منها ...نحن نخاف من الادويه و نهرب منها بسبب ان هناك اشخاص اخذو الدواء الغير مناسب لحالتهم من الطبيب الغير ماهر مما سبب له كثيرمن المتاعب

هذه الأمور في نظري المتواضع ان اخذت بعين الاعتبار سوف تذهب الاكتئاب منك بغير رجعه

سامحني يالدبلوماسي الكلام سهل , انا متاكد انه كلنا جربنا الاشياء اللي ذكرتها في ردك من غير نتيجة , وحاليا من دواء الى دواء مثل فئران التجارب وهذا غير الاعراض الجانبية لهذي الادوية واللي لازم نتحملها على امل نحصل نتيجة لكن للاسف النتيجة سلبية في الغالب .

الرابع

ربي يبيض وجهك ويسعد قلبك على كلامك الطيب عز الله انك الاول مو الرابع الله يوفقك افضل رد قريته بالموضوع يستحق مني التقييم .

ماشاء الله جزاك الله خيرا ... كلام من ذهب
أخي منتضر الفرحه الاخ الفاضل ما قصر أعطاك الخطوط العريضه لو مشيت عليها
بتلاقي حالك احسن بكثيروبتحس بالسعاده والهمه والغقبال على الحياة
لازم يا اخي يكون عندك هدف ولا ترى الحياة من غير هدف ممله ولو خلت من الامراض
أسال الله لك الشفاء العاجل وانا وعدتك أدعي لك ودعيت لك في اوقات الإستجابه وأسال الله ان يستجيب لنا دعواتنا

التقرب من الله ... والسفر .... سافر خذ لك فندق جميل في إحدى مناطقنا السياجية قول الخبر مثلا ...يكون مطل على البحر ... إسترخي ..إتمشى ولا تهمك الفلوس والصرفية ...

هذا إذا فرضنا أنك غير حاسد لأحد أو إنك فقدت شئ غالي جداااا عليك

يمكن منتظر الفرحة عنده سبب , طيب اللي جاه الاكتئاب من دون سبب ولازمه مدة طويلة كيف يتغلب عليه !

كل انسان في الدنيا يعاني لاتغرك ابتسامة احدهم فقد يكون خلف هذه الابتسامة قلب حزين كل له علة يشكوها بعضهم تظهر عليه والبعض يقدر يخبيها لكن الاكيد انه من المستحيلات ان تكتمل الحياة لاحد لان الدنيا دار زائلة وانظر الى قوله تعالى ( ليتني قدمت لحياتي ) قال لحياتي ولم يقل في حياتي لان الحياة الحقيقية هي في الدار الاخرة ونسأل الله ان نكون من اهل الجنة
كلنا نعاني اخي ولكن نتذكر ان هذا من الله فنقول له الحمد على ما اعطى وله الحمد على ما منع

ياجماعه اي طبيب واي بطيخ لو رحت للدكتور وطلعتله كل الي بقلبي بيصرفلي واحد من مضادات الاكتئاب بروزاك سبراليكس سيروكسات فافرين لوسترال وووووو

يعني انا صرت خبره اكثر منه لاكن المشكله انها ماجابت لي فايده وتحسن وهذا الي مزعلني علما اني سويت حجامه ورحت شيخ وسويت تحليل غده يعني احس اني بذلت الاسباب لاكن؟؟؟؟؟؟

الله يشفيك ويشفينا اخوي يارب
ابي اسألك اخوي منتظر الفرحة هل جربت الجلسات الكهربائية او لا ، والله نفس الشعور الله يفرجها من عنده ، لكن الواحد ماييئس وتفائل ولو بصيص من الامل
اللي جرب يفيدنا ولكم الدعاء والاجر ان شاء الله
وشكر في اسرع وقت ممكن
اسأل الله العظيم رب العرش العظيم ان يشفينا

والمثل يقول النار ماتحرق الا واطيها يعني بصراحه تمنيت اني اي مرض ولاجاني الاكتئاب لان الاكتئاب والله دمار للانسان تحطيم لانسان

ياخي مارديت علي بخصوص الموضوع
الرجاء الرد لو تكرمت

ماجربت جلسات كهربائيه

هو اصلا من البدايه ليه يصير كذا ياخي حرام والله حرام الناس يعيشون ويتهنون وانا اكل تبن حرام

الله يهديك بس ...انت هالحين معترض على قضاء الله وقدره ولا وشو؟!
ومن المقصود بكلامك يعني ؟ انا داريه انك قاعد تتكلم من القهر والضيق لي انت حاس فيه
لكن هذا مايعطينا الحق نسيئ التحدث على قضاء الله وقدره بهذا الشكل
يابني وحد الله واستغفره يجعل لك من ضيقك مخرجا

وشوف تجارب الإخوان واستفذ منها وحاول تتواصل معهم على اساس إيجاد حل لمشكلتك وليس رد إي مقترح بالرفض
الله يشفيك ويغير حالك لحال أحسن منه

اخوي منتضر الفرحه ، والله ان قلبي تقطع وانا اكتب الفرحه متى اليوم اللى بنشعر بها يارب يارب يارب يارب اكتبها لنا
والله مالومك باي كلمه لكن الاعتراض على قدرالله مايصير ، لكن تصبر وحاول تجرب بعض الادويه المفيده او اذا مره
يئست من الادويه ، يمكن الجلسات الكهربائيه تفيد والله انا قاعد اشوف واسمع التجارب والاضرار الى اقتنع بالنتيجه
اسويها او لا
اسأل الله ان يشفيك ويشفينا
انه على ذلك قدير

ما في مشكلة اذا الناس فرحانه وسعيدة بالعكس هالشي عمره ما اثر علي لكن القهر يوم تشوف نفسك مكتئب اكتئاب شديد يمنعك من العمل من انك تعيش حياتك طبيعي من الزواج من من من ..

الحسرة لما شي يردك لورا وانت ودك تسوي اشيا كثيرة وودك تصنع وتنجز لكن داخليا حزين ومهما تسوي ومهما تشتغل على نفسك تبقى حزين واي انجاز او شي تسويه ماله طعم او قيمة , الحزن قطعني خلاني جسم بلا روح جثة هامدة ..


أسال الله أن يشفيكم كلكم .

صحيح

انا احس بنفسي اعاني من نفس الاعراض واحس يمكن اكتئاب، لكن مليت من نفسي، ويوم اشوف غيري يضحك وعايش حياته، ما احسده
ولكن اقول في خاطري، انا غلط وهم صح، ليش اضيع وقتي في هم وحزن !
لكن غصبا عني اللي يصير لي

اخواني هل جربتوا حفظ القران ؟؟

الله يكون بعونك ولله انك كانك تكلم عن حالتي