|
انت تتكلم الانجليزية .. اذا انت مثقف !!
اذا اردت فعلا ان يعرف الناس انك مثقف فطعم كلامك بقليل من الانجليزية حسب الذوق ... انتبه تقول في المطعم .. يا اخ .. ولا لو سمحت .. لااااااااا اكسكيوزمي >>>>>>> تعطي هيبه ;) اذا صرت تتكلم عن اي موضوع وتناقش احد في حوار هادف .. لا تنسى تستشهد بالمؤلف جون سولاتري في كتابه عندما يهطل المطر فان الماء يصير في الارض :cool: لا تنسى ان تعطي لكامك مضمون حضاري ،،، مثلا لا تقول مجتمع .. قول ببيوليشن ........ وحاول احيانا تنسى الكلمة بالعربي وتقول ياخي نسيت وش تسمونها عندكم بالعربي :cool: واذا تقدر تحلق الشنب والدقن ... وتلبس بلوزة زرقا .. وتسمع فيروز خلاااااااااااااااص تصير كذا اثقف واحد :cool: |
نسيت شـــيء
لاتقول السلام عليكم ولكن قل: هــاي لاتقول مع السلامةولكن قل: بــاي لاحول ولا قوة الا باللــــــــــــــــــــه انها اخــي التبعيــة المقيتــه انا لله وان اليه راجعون البتار |
صدق؟ :confused:
أجل ليش طالباتنا العزيزات لا بغت واحده فيهن تطلع تغسل يديها في حصة انقليزي قالت "أبلّه بروح أغسل يديني" :) وليش لا بغت في حصة انقليزي , الابله تعيد لها فقره راحت عليها وهي تسولف ويا زميلتها والا سرحانه قالت "ابله عيدي ما فهمت :) وليش لا رجعت وابلة لانقليزي واقفتن على الباب , قالت " أبله وخري شوي وإذا حبّت تكون راقيه شوي قالت " أبله زححححفي :) وليش إذا بغت تعطي الابله شي ,في حصة انقليزي قالت " أبله خخخخيذي :) بؤللك اييه يا فويز , الانقليش لوغه هايله ومالهاش في المزاهر دي ................إحنا إللي شعب خااااااااايب وعامل زي الغوراب لا طايلين الحمامه ولا طايلين البتاع ده اللي بيئولو عليه طاوووووس :) |
لا واللي مايحكي كلمه وحده انجليزيه على الاقل
تافه وغير متحضر وماعنده سالفه |
اللغة الانجليزية محد ينكر انها لغة التقنية والحضارة
ومدرسين اللغة الانجليزية احسن ناس ،، والمدرسات احسن واحسن لكن من احترامنا لنفسنا وللناس من حولنا ان نخاطبهم بلغتهم ولغتنا واستخدام اللغات الاخرى واستعراض القدرات له اوقاته ،، يعني عندما تكون مع انسان لا يجيد لغتك ،، او في درس انجلش ،، او في بلاد بره على قولة الاخوان المصاريه اما اني اكلم عرب وكل كلمة لها عندنا عشرين معنى ،، ونحوس ونلف وندور الين نلقى معناها بالانجليزي ونقولها عشان يصير كلامنا اتيكيت :rolleyes: يعني صح عليك واهمه ،،،، احنا شعب خايب ( تقنيا ) لاننا عرفنا كيف نستخدم لغتهم لمخاطبتهم بقنواتنا الفضائية والصحافية وصروحنا الاعلامية:D وسعو صدوركم |
صوت الشباب / ليش تدق على الوتر الحساس ؟؟
تقول اللغة طيب واللي معقدينة معلمينة باللغة / انا مثلا احب اللغة واتمنى اني موبس اعرف ودي / ارطن رطن ؟ بس عقدتني استاذتي في متوسط ؟؟ حسبي الله ونعم الوكيل / اقولك فتحت جروح ؟؟ عفوا مراهقة وعفوا لسا طفلة مابعد بلغت ؟؟؟ ويعاملونها معاملة قاسية واستاذتي يوم كنت في المتوسط طبعا هي من اهل الطعمية والفول ؟ ماتشوفوني اتكلم مصري دايم من القهر والله اللي سوته فيني ؟ :D :D :D :D :1: :1: :1: مرة مرعبة ومتخلفة وشديدة = لا وانا عاد شقية وادور شي اضحك علية المهم كان الميك اب حقها يموت من الضحك نسميها تلفزيون ملون بالمصري وتسوي تساريح تفطس من الضحك استغفر الله = لا إرادي اضحك عليها ؟ وإذا وقفت ابجاوب // صرخت علي ؟ أأوفي عدل ؟ = واحلف لكم اني واقفة عدل ؟ _____________ بقولك اؤ في عدل ؟؟ استاذه انا واقفة طيب / خليني اجاوب ؟ وتقول لي اسندي الحيطة _________________________ يا ===== وانا اللي اسند حيطتهم ثلاث سنوات كل يوم ظلم مستمر ؟ والمشكلة انني كنت مااعرف اشكي لاهلي ؟ ويوم رحت للثانوي وتجي نفسها وتدرسني انجليزي ؟؟ يعني تكمل عقدتي وتحسبني حكيت على اهلي ابد / عمك اصمخ ؟ ويالله وهات ياتهزئ ؟؟ بقي من القهر معها _______________________________"" ويوم اشتغلت // تجي تليوق لي في الشغل ؟ ولاكأنها مسوي لي شي ؟ لدرجة ان الانجليزي يرتبط عندي بالمصري ؟ من ظلم شفته منها ؟:1: :1: :1: عارف يااخوي صوت الشباب ابغى اول احب اللغة بعدين اتعلمها ؟؟ هل انا حبيتها ولا لسى ماادري ؟ |
غريبه انك تتكلمين انجليزي هذا مو المهم
المهم اذا تكلمتي انجليزي تستفيدين ،، وتقدرين تسخرين هاللغة لفايدتك وفايدة المجتمع ولا بس تصير زي ما قلنا استعراض اما اذا انتي ما تحتاجين الانجلش ترى مو ضروري وعندك اخوك صوت الشباب بدا يتعلم انجلش لانه يحتاجه في التخصص وبرضه احيانا الانسان يحتاجه للتخاطب مع العالم والناس ومع اني مكره لا بطل فاني دائما ما اسال دكتورنا الامريكي عن امور كثيرة عن امريكا وعن المجتمع الامريكي وعن الدول المتقدمه ،، يعني احس اني استفدت مو بس في مجال تخصصي لا واضفت لها فوايد كثير اي هوب تو يو هابي تايم .. شفو التخلف كيف يعني باسوي فاهم طيب وش فيها لو قلت اتمنى لك اوقات سعيدة :rolleyes: :rolleyes: |
hi there ......
وش فيكم معصبين يا حراااااام ريلاكس ريلاكس ...يا أخي نو بروبلم مافي مشكله نطعم لغتنا بانجليزي شوي يا إخوانا هما هم هم يطعمون لغتهم بالعربي شوي أجل في أوروبا مثلا إذا خبط فيك أحد مايقول sooorry نو وي.. يقول عفوا آسف والله كذا بالحرف الواحد ... وإذا بغوا يتفرقون مايقولون see u لا لا يقولون نشوفكم على خير ..أو نشوفك المزبله (( المزبله = المقبله :D)) ولا عاد إذا مل منك بيروح مايقول اكس كيوز مي لا يقول ضف وجهك غير إن لغة الكتابة عندهم بالعربي ..غير إنهم يتزاحمون على الجامعات العربيه الإسلاميه يبون عيالهم يتعلمون العربي ..لا والمتطور والفاهم عندهم هو اللي يتكلم عربي ...اشلون أجل مادام إنا الأقوى لازم إنا القدوة ... صحيح إن هذا الكلام كله كان في القرن العاشر الميلادي أيام أوج عزة المسلمين وهيمنتهم على أوروبا وبالذات أسبانيا (( الأندلس )) يعني يوم كنا شئ ابن أمه يرفع عينه علينا .. :3: :3: |
:) :)
الموضوع حلو00يعطيك العافيه صوت الشباب |
اعتقد ان الخلل ليس فى اللغه بل فيمن يستخدمها .اللغه الانجليزيه لا نستطيع ان ننكر انها لغه العصر ولغه العلوم فيجب ان نسخر هذه اللغه لايصال مفاهيمنا وقيمنا الى الذين لا يتحدثون بلغتنا زانا لا نكر ان بعض المعلمات لهن دور فى ترغيب او ترهيب الطالبات ولكن من واقع خبرتى كمعلمه للغه يجب ان يكون لدى الشخص قابليه ولو بسيطه فى تعلمها
|
صفو الحياة الله يعافيك ويسلمك
والحمدلله على السلامه ،، من طول الغيبات جاب الغنايم لمياء كم صرفتنا يد كنا نصرفها ،،،، وبات يملكنا شعب ملكناه |
السلام عليكم ورحمة الله
مساء الخير لكم جميعا الصراحة أنها والله ظاهرة بدأت تزداد في مجتمعنا . لكن الشغلة فيها تفصيل : 1- فيه موظفين ومهندسين مثلا في أرامكو هو تعود أنه يقول بعض الكلمات بالانجليزي لدرجة ما يعرف معناها بالعربي ... هذولي ما نعيب عليهم لأنهم مضطرين 2 - لكن فيه شباب ما يدري وشو الانجليزي وتلقاه يتعمد يخليك تسمعه وفعلا يظن أن هذي من الثقافه .. مثلا يقول لك : أنا عملتها أوريدي أو : أنا حاجيك تومورو واحتمال ما أجيك يعني : برهابز يس برهابز نو .. إجزاجتليي اي دونت نو تحس يعني يتكلم بلا طعمة مثل البدوي الي لابس بنطلون وكارفته .. مو راكب عليه صح أما إذا كانوا مجموعة شباب يتعمدون يتكلمون انجليزي مع بعض عشان يستفيدون فهذا حلو مررره بس لا يكون كلامهم مجرد كلمات بسيطة وللتفاخر . |
قيس كلماتك دائما ملوحه
يعطيك العافية وينصر دينك على هالكلام الدرر :) |
الانجليزية...............لغة القوة
الانجليزية..............لغة الحضارة الانجليزية...............لغة العلم الانجليزية.............لغة لم تلوثها عهود الغدر و الخيانة و الظلم الانجليزية............لغة الاحرار ******************* لا عجب انها لغة..........تساعد على الظهور بتلك المظاهر اعلاه لا تستكثرو ان تتحدثوها..... فنحن ناكل و نشرب اكلهم نلبس لباسهم ( الحريم خاصة ) نضع عطرهم نقراء علمهم نشاهد عملهم واللائحة تطول....................................... |
اتصدق صوت كلامك للاسف صحيح صار هالايام لووية الفم واللسان بالانجليزي
او اي لغه ثانيه دليل حضاري اممممم يمكن صح لا هووو غالبا صح لانو تعلم اللغه بابا من ابواب العلم والثقافه والثقافه تحضر بشكل من الاشكال وديننا حثنا علىهالشيء معناته له فاائده كبيره علىالفرد وبالتالي المجتمع في قوله صلى الله عليه وسلم من تعلم لغة قوم امن شرهم ..... بس احنا المشكله عندنا اننا بتعلمنا لغتهم تعلمنا شرهم وتشربناه للاسف وتبنيناه واصبح من ضمن مبااادئنا ياليتها جت علىتطعيم لغتنا بمفردات اجنبيه احناصرنا ينطبق علينا اذا دخلو جحر ضب دخلناه ورائهم وكالعاده ياسيااااااااااااده ستظل الاسفنجه العربيه تتشرب وتتشرب الى ان تنفجر من كثرامتصاصنا لهم ولافكارهم ........... امممم موضوع جيد وجاي عالجرح بس من كثر جروحنا اعتقد ان غالبيتنا تمسحت تماما وفقدت الشعور اي دون نووووو بس هذي وجهة نظري ...... |
الصراحه يا زعيمي " صوت الشباب "
موضوعك واقع ملموس ما ينكره لا الانس ولا الجان.... وانا الصراحه ما اقدر اثني على كلام الاخوه والزعيــــــــــــم... بس احالا مشاركه هي مشاركة الاخت لمياء تشكرين اقول زعيم علمني المصريه...... |
HI EVERY BODY
السلام عليكم ورحمة الله وبركاتة انا حاب اضيف الى كل ماتم التعليق علية تعليق واحد ومهم ويمكن الجميع نسي يذكروة ليش مانشوف اش السبب الرئيسي اللي خلنا كذا اقصد ماجت من فراغ اول الةاحد يتكلم عادي بس من يوم ماشبابناا سارو يتعلمو برا جو بالكلام الانجليزي طيب شي جميل احنا مبسوطين قصدي WE ARE HAPPY احنا مسرورين شبابنا تعلمو لغة وحضارة وعلوم واشياء كثيرة من الخارج ويمكن اللي ماراح لتعلم هذة اللغة يكون مبسوط لااخوة اكثر من اللي جاب الشهادة ولكن .................................................. ............................... بعدها بدا الشباب يضحكون على من لايتكلم اللغة الانجليزية وانه متخلف وانة رجعي ولايريدونة في الجلسة معاهم عشان يمكن يفشلهم لو احد قالة وشمعنا دي الكلمة وهو مايعرفها سوى مصيبة ........................ اللغة مطلوبة للعلم ولنتفع بها وبها نعرف مايدور حول العالم من امور ولكن ليس على حساب لغتنا العريقة التي لن يوجد ولن في العالم لغة مثلها . واتمنى ان نبدأ بأنفسنا هنا من خلال مناقشتنا للموضوع بعدم تشبيك الكلام اقصد يا نتكلمها صح وفي وقتها الصحيح يانقلها مع السلامة اقصد باي باي |
اخوي شراني ( حبوب ) ،، تابط شرا ،، عسول
اختي اهات لكم الشكر على كلماتكم واتعقد ان السبب في ذلك ذكرته لمياء وهو ان قوة الحضارة والتقدم المادي يفرض قوة الثقافه ... وكما ذكرت انه عندما كنا اقوياء ماديا وحاضاريا كانو فعلا يتاثرون كثيرا بثقافتنا ولغتنا ... ونحن كذلك تاثرنا بثقافتهم في لبسهم واكلهم وحتى في نبرة الصوت احيانا.. ولكن علينا محاولة المحافظة على ما يحق لنا المحافظة عليه وهو على الاقل الثقافة الادبية واللغوية والسلوكية بعيدا عن التقنية والملعوماتيه اخ عسول اعتقد ولله الحمد اننا لم نصل الى مرحلة ازدراء واحتقار من لايجيدون التحدث بالانجليزية ... ولكننا لا نريد ان نصل اليها :) |
| الساعة الآن 01:17 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا