كن ايجابيا
 

طبعا كل هايستغرب ويقول هو بيقول اية
هاقولكم ماتستغربوش انا قررت افتح هذا الموضوع لنساعد نفسنا على الشفاء من الاكتئاب والوسواس والرهاب والهلع
والموضوع عبارة عن ان كل واحد وواحدة تكتب هنا الحاجة الايجابية او الكويسة اللى حصلت لـــ ه/ها كل يوم
او حتى حصلت قبل سابق ونشوف قوة تغلبنا على انفسنا وعلى الشيطان فى هذا اليوم
ونستعيد انفسنا مرة اخرى
ويارب الموضوع يعجبكم ونشارك كلنا
ونسأل الله الشفاء وراحة البال والسعادة

وانا هابدأ بنفسى لنسهل المقصد من الموضوع وليكون مثالا
انا مشكلتى الدوخة المستمرة 24 ساعة فى الــ 24 ساعة
وخصوصا اثناء الصلاة وخاصة صلاة الجماعة
اليوم قولت هاروح اصلى واللى يحصل يحصل وفيها لما ادوخ واقع على الارض
ولا اموت حتى هو حد يطول يموت فى المسجد وهو بيصلى
وذهبت للمسجد وصليت المغرب والعشاء جماعة
وكنت طبيعى هو مش 100/100 لكن كنت مبسوط
والحمد لله اليوم عدى وانا عملت حاجة ايجابية

جزاك الله خيرا اخي ..بس لو حصرت الموضوع في الهلع كان احسن ..ومفيش مانع يطرح الموضوع في كل قسم كل على حساب حالته ..على كل حال الفكرة ممتازة وانا بحييك ..بالنسبة لي انا عندي اكتئاب ورهاب وهلع ..الرهاب اشدهم علي ﻻنو منعني اخالط الناس ولما بينخلط مع اﻹكتئاب بتبقى كارثة ..الهلع عندي ياتيني في زمن محدد وظروف محددة يعني مستقل على اﻷخريين..على العموم اﻷمور في تحسن الحمدلله

جميل جدا اخى بس لو فيك تحكى ازاى شوفيت ياريت
لنستفيد كلنا وجزاك الله خيرا
وانار دربك
وفرج همك

السلام عليكم ...
انا عندي هلع وخوف من الموت وآخيرآ اكتآاب .. الحمد للہ تخلصت
منہم بنسبة 100% طبعا قويت آيماني باللہ والدوام ع الصلوات والاذکاار
لہ دور کبير ف شفاائي الحمدللہ و التطنيش للاعرااض .. ھذاا يعتبر آنجاز بصراحہ وشي آجابي .

شكرا ولافى
وبالنسبة للاقتصار على الهلع فقط انا قولت نتيح الفرصة للجميع
وانا لاحظت ان الهلع والرهاب والوسواس مرتبطين ببعض ارتباطا وثيقا
ويارب يشفينا جميعا

جميل موضوع يبعث على التفائل
أنا اليووم حصلت على الموافقه في الذهاب لرحلة خارج الجامعة :)
كنت اتمناها ...وان شاء الله اقدر اروح

الحمد لله روح حلمانه ان ربنا تم شفاؤك على خير
والجميل فية انه تم بالقرب من الله عز وجل والاذكار والصلوات الخمس
الا بذكر الله تطمئن القلوب
بارك الله فيك
وانار دربك
وفرج همك
وجزاك خيرا

شكرا اوفى البشر
وفعل حاجة كويسة انك تروح رحلة وتغير جو ودة من افضل الاشياء التى تروح على النفس
انا اليوم زهبت لاشترى بعض الطلبات من بعد المغرب والى الساعة العاشرة مساء وكنت فى غاية السعادة
بالرغم ان انا ماكنتش عايز اروح اشترى حاجة وكنت خايف بس رجعت 100/100
اتوكل على الله وروح عن نفسك وعيش حياتك لانك هاتعيشها مرة واحدة
بارك الله فيك اخى

فكرة رائعة تبعث على التفاؤل والحماس،ويكفي توقيعك الرائع.

شكرا جزيلا انا والهلع على ذوقك
ويارب يهدينا جميعا الى طريق الثواب

اليوم حصلت حاجة ايجابية جدا
وانا فى العمل سمعت بوفاة اخو واحد زميلى وطبعا المفروض ان انا اروح اعزية
زمايلى صمموا يحضروا الجنازة وانا طبعا بخاف مووووووووت وطبعا هادوخ والنوبة تيجى وهكذا
المهم قعدت اقنع فيهم ان العزاء احسن من الجنازة وحاولت اهرب بس لا مفر
قولت لنفسى لابد من المواجهة وفعلا ذهبت معاهم وطول الطريق قعدت اضحك ونتكلم بصوت عالى عشان مفكرش فى اللى هايحصللى
ووصلنا وصلينا علىة الظهر والجنازة وخضرت الدفنة وكنت طبيعى وعااادى وكنت راجع مبسووط
وصليت كمان باقى الفروض فى المسجد والحمد لله

عاوز اقول لكم الغرض من اللى فات انة لازم نواجه
خصوصا مواجهة الاشياء التى نخاف منها
ويارب ننتصر جميعا ان شاء الله

كلامك صحيح بنت الظبى
هناك بعض المشاعر مثل الغضب والحزن والخوف والتردد والشعور بالذنب تراكمها يجعل الإنسان بلاوعي لذلك يجب علينا في حال تراكم هذه المشاعر الإتجاه الى التفكير الإيجابي لأنه يعزز الثقة بالنفس ويقلل من المشاكل النفسيه اللتي قد تترتب كنتيجة عكسية لتراكم هذه المشاعر .

و الإيجابيه في الحياة هي السعادة والسعادة هي التفاؤل والتفاؤل هي الثقة بالله عز وجل والذي يقودنا إلى الثقة بالنفس

وكل ماتمرى بموقف سلبي تذكرى موقف إيجابي في حياتك وستتجاوزى هذا الموقف السلبي بكل بساطه .

وليس هناك فشل في الحياة ولكن الفشل يقودك إلى النجاح إذا ماستطعت معرفة أسباب الفشل …إذاً لاتتبني الفشل .

وانا اظن ان أفضل علاج للقلق هو أن تحاولى التخفيف من أحزان الآخرين .

واخيرا اقول لكى من لم يجد له حذاء يلبسه فلينظر إلى من ليس لديه حذاء .

الانسان الحساس اكتر حد بيتعب فى حياتة بس بالمقارنة باللى ماعندهم احساس ولا مبالاة
بيكون افضل منهم بدرجااات كبيرة جدا والمفروض نحمد ربنا على هذة النعمة
انا ماخبيش عليكى ان بحس ان انا اكتر واحد حساس فى الدنيا دى واى شىء بيأثر فيا
بس بحاول بقدر الامكان اتغلب على مشاعرى لكى اعيش وسط الناس لانى لو استسلمت
هاجلس فى غرفتى وحيدا ومافى احد هاينفعنى
وأقول لكى ـ أخي بنت الظبى ـ اتركى دائماً باب الأمل مفتوحا ولا تيأسى! وأبعدى عنك التوتر والإحباط، واعلمى أن الفرج يأتي مع الكرب، وأن مع العسر يسرا.

امين ياارب