|
إلى الاخت السويدي وباقي الأعضاء....!!
السلام عليكم ورحمه الله وبركاته كيف حالكم؟عساكم بخير؟ ان شاء الله كل شيء تمام حطيت هذا الموضوع لأجلك وباقي الموسوسين ياختي علاجك بسيط جداٌ لازم احد يوقف معك ويساعدك ما راح تحتاجين ادوية ترى انا مثلك عانيت ومازلت اعاني انتي لازم تقاومين وتقاومين وتقاومين... عشان يخف معك ماتنومين وكوابيس وقشعريره وطننين في الاذن وخوف و و و و إلخ... هذول تعانين منها صح؟ كل هالامور بسيطه وان شاء الله راح اشجعك وباقي الأعضاء يساعدوني ملاحظة::هذا الموضوع لتشجيع اختنا وباقي الأعضاء نصيحه الي بيكتب رد لا يتكلم بالادويه او زيارة الدكتور لاجل يخفف كل هذا احس انه خرطي الي بيكتب يكتب رد تشجيعي لي ولها وباقي الأعضاء الله يشفينا ويشفي مرضى المسلمين`111`1` |
يزاك ربي خير أخوي الله يعلّم بحجم الألم اللي في قلبي وربي كارهه كل شيء حولي :') |
اختنا السويدي كل مره تنزلين موضوع يكون نفس محتوى الكلام، وسبق وقلت لج لو تخلين نفس الموضوع، وإذا في شي يديد، او رد لج الاحساس، ردي ارفعي موضوعج القديم، يكون احسن
الله يفرج همج يارب ... وكل مانرد عليج تحسين براحه .... وعقب كم يوم تردين تنزلين موضوع ثاني ... إذا تبين تفضفضين اختي السويدي يستحسن تردين على الموضوع القبلي، عشان الردود تكون في نفس الموضوع رددي سورة الفاتحة .. واكثري من الاستغفار .. واشغلي عمرج ... ترى كلنا نفس الشي ، صدقيني كم أعاني ومحد حاس فيّه ... ماشي غير تذكرين الله ... اختي السويدي الله ينور طريجج ويبعد همج ويشرح لج صدرج ... |
عاد اليوم شدي حيلك وخليك قوية
وغيري من روتينك اطلعي لا تجلسين لحالك وانتبهي تفكرين في الوسواس كذا بيخرب جوك مادام انك من الأمارات اطلعي شوفي الطبيعة زوري حديقة الحيوان انتبهي تفكرين تقولين إن إذا طلعت بموت حتى انا تجيني هذي الحالة بس اقاوم تصدقين انا يوم قاومته بفضل الله يبي يدخلني دوامه جديدة لكن بقاومه ما راح اخليه وانتي ابي اشوف تغيراتك ولا ابي الموضوع يروح هباء منثورا 00``00` |
ما بقص عليكم و بقول لكم اني بخير ..
بس الحمد لله على كل حال :') اللي مستغربه منه اني احس بخوف فضيع أكثر عن قبل يعني خايفة وايد .. يمكن اعرف من شو بالضبط و يمكن ما اعرف ماعرف كيف أخلي هالخوف يروح ؟ و احس الجو اليوم يخوّف !! |
قصدك السحاب والجو شكله مرعب
اقولك قبل لا تنامين استرخي وخذي نفس مدة 10 ثواني وقولي في نفسك وش منه اخاف وطلعي الأشياء الي تخوفك وراح ترتاحين مثل ما يقولون شهيق زفير شهيق زفير ههههههههههههه اتمنى اكون افدتك |
ان شاء الله خير
|
صح كلام (ساكن مع همي)
ترانا نحن نعاني مثلج يالسويدي، لكن نحن نحاول نقاوم، نطلع، بس يوم نقولج سوي مثلا كذا وكذا، تقولين إن شاء الله ، بس ماتحاولين .... لازم تشغلين عمرج، عيل أنا شو أقول بعد ماتلاكت الوظيفه أحس بملل اكثر وعندي وقت فراغ والأفكار أكثر تسيطر عليّه قبل كنت ماقدر ادخل الدوام، احس بخوف وارتجف من اللي صار لي قبل، اللهم لك الحمد لكن اقصد حاليا أحاول أسوي أي شي .. وبعد الوقت مايطوف .. والشيطان احس به يوسوس لكن كم برد عليه بعد، لازم نحن نحاول يالله شدي حيلج وخبرينا |
معليش اخواني انا دخلت موضوعكم وبقولكم انا عندي صعوبه بالتكبيره الاحرام نطقي فيها صعب واحراجها في الصلاه صعب تطلع معي صعوبه واكررها لما تضبط معي والله اطول فيها واجلس قرابه الربع والنصف ساعه ما هو الحل
جزاكم الله خيراً |
احب اشكر كل من تفاعل مع الموضوع
ها يا السويدي وش جديدك؟ بشري ان شاء الله تمام |
الحمدلله على كل حال.
|
} الّذِينَ قَالَ لَهُمُ النّاسُ إِنّ النّاسَ قَدْ جَمَعُواْ لَكُمْ فَاخْشَوْهُمْ فَزَادَهُمْ إِيمَاناً وَقَالُواْ حَسْبُنَا اللّهُ وَنِعْمَ الْوَكِيلُ * فَانْقَلَبُواْ بِنِعْمَةٍ مّنَ اللّهِ وَفَضْلٍ لّمْ يَمْسَسْهُمْ سُوَءٌ وَاتّبَعُواْ رِضْوَانَ اللّهِ وَاللّهُ ذُو فَضْلٍ عَظِيمٍ * إِنّمَا ذَلِكُمُ الشّيْطَانُ يُخَوّفُ أَوْلِيَاءَهُ فَلاَ تَخَافُوهُمْ وَخَافُونِ إِن كُنتُمْ مّؤْمِنِينَ{ [آل عمران :173-175] إِلاّ تَنصُرُوهُ فَقَدْ نَصَرَهُ اللّهُ إِذْ أَخْرَجَهُ الّذِينَ كَفَرُواْ ثَانِيَ اثْنَيْنِ إِذْ هُمَا فِي الْغَارِ إِذْ يَقُولُ لِصَاحِبِهِ لاَ تَحْزَنْ إِنّ اللّهَ مَعَنَا فَأَنزَلَ اللّهُ سَكِينَتَهُ عَلَيْهِ وَأَيّدَهُ بِجُنُودٍ لّمْ تَرَوْهَا وَجَعَلَ كَلِمَةَ الّذِينَ كَفَرُواْ السّفْلَىَ وَكَلِمَةُ اللّهِ هِيَ الْعُلْيَا وَاللّهُ عَزِيزٌ حَكِيمٌ { [التوبة:40 ] } الّذِينَ آمَنُواْ وَتَطْمَئِنّ قُلُوبُهُمْ بِذِكْرِ اللّهِ أَلاَ بِذِكْرِ اللّهِ تَطْمَئِنّ الْقُلُوبُ{[الرعد :28] } قَالَ رَبّ اشْرَحْ لِي صَدْرِي * وَيَسّرْ لِيَ أَمْرِي * وَاحْلُلْ عُقْدَةً مّن لّسَانِي* يَفْقَهُواْ قَوْلِي{[طه:24–28] } إِلاّ تَنصُرُوهُ فَقَدْ نَصَرَهُ اللّهُ إِذْ أَخْرَجَهُ الّذِينَ كَفَرُواْ ثَانِيَ اثْنَيْنِ إِذْ هُمَا فِي الْغَارِ إِذْ يَقُولُ لِصَاحِبِهِ لاَ تَحْزَنْ إِنّ اللّهَ مَعَنَا فَأَنزَلَ اللّهُ سَكِينَتَهُ عَلَيْهِ وَأَيّدَهُ بِجُنُودٍ لّمْ تَرَوْهَا وَجَعَلَ كَلِمَةَ الّذِينَ كَفَرُواْ السّفْلَىَ وَكَلِمَةُ اللّهِ هِيَ الْعُلْيَا وَاللّهُ عَزِيزٌ حَكِيمٌ { [التوبة:40 ] الآية 82 من سورة الإسراء وَنُنَزِّلُ مِنَ الْقُرْآنِ مَا هُوَ شِفَاء وَرَحْمَةٌ لِّلْمُؤْمِنِينَ وَلاَ يَزِيدُ الظَّالِمِينَ إَلاَّ خَسَارًا... صدق الله العظيم |
اشكر بنت الظبي
الله يجزاك الخير ويشفيك يا اخت السويدي كانك في مصيبه بدال ما تقولين الحمدالله الذي بنعمته تتم الصالحات خلاص انسي الي راح وابدي حياة جديدة لا تعقدين الموضوع وبيصعب عليك ابي منك شيء غيري من تفكيرك وقوليي لي عن روتينك اليومي اهم شيء لا تذكرين الخوف وغيره إلخ... وابتسمي لو انه صعب عليك ابدي ابدي ابدي بتغير افكارك السلبية`111`1` |
الله يفرج الهموم
|
العفو ( ساكن مع همي )
صح الواحد لازم يحاول اختي السويدي، انتي تشتكين بس يوم نقولج على شي ماتطبقينه على الاقل سوي اللي نقولج عليه اذا مافاد تعالي خبرينا، ربي يفرج همج وهمومنا جميعا |
أهلا أخوي
روتيني اليومي هو اني إنش الصبح و أروح الجامعة في الجامعة عندي محاضرتين كل يوم اقضي وقت فراغي مع صديقاتي بالأكل و السوالف و الضحك ارد البيت .. ما عندي شي أسويه غير النوم و بس .... |
اختي سودي لاتخافين مجرد وسواس وخوف
حاولي تقرين سورة البقره كل يوم انا كنت اشكي من وسواس الموت واعراض دوخة وصعوبة تنفس وخوف من الموت الحمدالله احس بتحسن جل تتغلب ع الشيطان |
اي كذا تعجبيني يا السويدي
روتينك حلو جداً الله يوفقك ويسهل دربك ولازم تغيرين من روتينك في البيت اضحكي اجلسي مع امك و ابوك اخوانك مشكلتك الحين التفكيرر ولازم هذا يتغير وحاولي وحاولي لا تيأسين الله يوفقك قسم بالله كلامك كذا يعجبني حتى اني مو مصدق انك هالمره مافي خوف ولا شيء ربي يوفقك ويشفيك ويشفي مرضى المسلمين |
ساكن مع همي ودي تمر علينا بقسم الاكتئاب أحس في ناس كثيرة محتاجة مواضيع زي هذه و ردود طيبة وقلب طاهر زي قلبك
الحمدلله الأخت السويدي حبوبة الله يسعدها ماشاء الله تجاوبت معك وهي قوية و بإذن الله راح تكون للأفضل أحس في كثير حالات ما تتجاوب أبد عنيدة جدا و كل يوم تشكي و تنتحب إن الدواء موجايب همه معها الله المستعان الله لا يحرمك الأجر و ربي زي ماهو مسخرك للخير يسخر لك في القلوب الطيبة دوم |
انا ضد ادوية الاكتئاب
جربوا سات جونز الاعشاب وادعولي |
المشكله اختنا السويدي ماتحاول اتطبق اللي نقولها عليه
ماتدرين يمكن هذا كله يسير عنج بسرعه اذا ماتقدرين على سورة البقرة، ممكن تكررين الفاتحه، تتصدقين، تسبحين وتهللين، وإذا عندج وقت فراغ اشغلي نفسج بالرياضه، ممكن تسجلين في نادي والوقت بيطوف عليج وماشي وقت للتفكير حلاوه الاعشاب كبسولات والا الشاي ? |
كبسولات
استخدم 900ملجم حبتين |
طيب احد جرب الشاي اللي فيه هالعشبه .?
get happy tea |
أخي ساكن مع همي أحسك ماخذ على خاطرك مني او ضايقتك في شي او خاذلتك مدري
أتمنى يكون إحساسي ماهو في مكانه الله يسلمك جاوبني ولو في بخاطرك شي قول |
| الساعة الآن 04:28 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا