تكفوووون ريحوني وشخصوا حالتي !!!
 

مساء الخيرات على الجميع ...

ياخوان لي 8 أشهر بحالة لايعلم فيها إلا الله

بدأت الحاله بعد نقلى من عملي
كنت اعمل 200 كيلو عن البيت والحمد لله قربت
وكنت مستانس واموري تمام ..

داومت أسبوع واحد وفجأة بين يوم وليلة
احسست بفقد توازن ودوار خفيف

ذهبت لطبيب أذن وحنجرة وقال التهاب وبيروح بعد 10 ايام
ولم يذهب واشتدت الحاله صداع قوي وشد بالرأس وعدم توازن
ما اقدر اوقف ذهبت له قال لازم تقابل طبيب اعصاب

فجأة جتني حاله رعشة وفقد توازن وضرب كهرباء بالجسم
وتنميل من راسي لرجولي ذهبت للطوارئ وانا احس اخر يوم بحياتي سويت فحوصات وسليم ..

بعدها بيوم رجعت نفس الحاله ومعها بكاء لا ارادي
وصعوبة بالمشي جلست شهرين امشئ بعصئ ..

بعدها ذهبت لطبيب اعصاب وكان شاك بمرض التصلب اللويحي

عملت فحوصات :

(صورت دم كاملة مع وظايف كلى - غدة درقية -رنين مغناطيسي
بالصبغة على الرأس - رنين على الرقبة -اختبار اعصاب - رسم مخ - تحليل فيتامين د و ب12 - اختبار سمع - )

والنتيجة:

ديسك بسيط بالرقبة ونقص في فيتامين د طلع 9

ولا تعلل الحاله على اي حال من الأحوال وقال عندك
قلق بسيط وعطاني لاريكا ودوجماتيل ولا استعملتهم

الا قبل اسبوعين


يا اخوان وش اللي فيني والله تعبت وراجعت مستشفيات كثير
ومشايخ وحجمت ورقية شرعية وصبخه على الراس .. والخ

هالحين لي اسبوعين على دوجماتيل 50 3مرات باليوم
ولاريكا 75 مرتين

وش الحل يا اخوااااان تكفووووووون

ملاحظة :

اكثر شئ تعبني كل هال8 أشهر ومستمر

- صداع وشد وزي الرج براسي ولاصفى راسي ولايوم
- طنين بالاذن مستمر
-شد بعضلات الرقبة متقطع
-دوخه شبه مستمرة
-تعب بكامل الجسم مستمر
- شد بعضلات الوجه

يا اخوان وش تشخيصي

ذهبت لدكتور نفسي بمطمئنه ولا كمل دقيقة وقال معاك اظطراب قلق عام ووصف لي سيروكسات ولاترك لي مجال اتكلم
ولاوصف لي حالتي خسارة كشف ب200 بس


يا اخوان المشكلة

الحمدلله مافي قلق ولاتوتر ولاضيق ولا حزن
ولارهاب ولا وسواس كل المي جسدي

ولا اي عرض من اعراض الامراض النفسيه

تكفوووووون ريحوني والله تعبت ولا دوامت لي 8 اشهر
ويمكن انفصل من عملي ...

يا اخوان هل استخدم السيروكسات

ام استخدم السيبراليكس لان قريت انه افضل

ام تعرفون علاج افضل

ولاتقولون روح دكتور لاني ماقتنعت فيهم

همهم المال ومستعجلين

واخر همهم المريض

بعدين والله بعد زيارتي للدكتور

تعبت اسبوع من كلامه لانه خوفني

ماجاني بأسلوب ...

السلام عليكم اخي،مادمت فحصت وتأكدت ان كل اعراضك ليست مرض ولاعضوية والحمدلله فاذا هو القلق،فاعراضه صحيح نشعر بها ولكن ليست لاسباب عضوية بل نفسية واعتقد ان عليك ان تتناول الدواء المناسب لك انت،الكثيرون يمدحون السيبراليكس،اما انا جربت السيروكسات وافادني والحمدلله،اطمأن وتأكد انها مجرد اعراض نفسية

اخوي انا اعراضي كلها جسدية

انت وش اعراضك وماهو مرضك

يعني اللي فيني هلع ولا قلق عام ولا ايش

وينكم يا اخوااااااان

هلا اخوي

تبي النصيحة استمر على الرقية والزيت والماء المقري فيه واصل وخل ثقتك بالله كبيرة

حتى لو اخذت علاج استمر على الرقية وقراءة سورة البقرة ويس والرحمن والمعوذات والفاتحة

اما العلاج اذا انت خلاص مصر على انك تاخذه

سيروكسات انا ما جربته بس اسمع واقر عنه في المنتدي انه قوي لكن يعاب عليه اثاره الجانبية وخاصة لما تبي توقفه يتعبك بدرجة كبيرة ومب سهل تركه

اما السيبرالكس انا ااستخدمه علاج لطيب واثاره الجانبية محدوده مثل الحموضة والقلق او الاستخدام ثم عادي تروح

اذا استخدمت العلاج بتروج جميع الاوجاع لان مصدرها نفسي وليس عضوي

استخدم السيبرالكس مع الدوجماتيل لان دوجماتيل اصلا علاج الانفصام لكن بجرعات كبيرة اما الصغيره تعالج المشاكل العضوية التي منشأها نفسي مثل الدوار والصداع والقولون والحموضة كلها

حاول تبدا بجرعة صغيرة من السيبرالكس

اما دوجماتيل انا استخدمه من ثمان سنوات ليس له اثار جانبية ابدا بالعكس من افضل العلاجات للمعدة والقولون وغيرها من الامراض العضوية التي في الاصل هي مرض نفسي

اذا كنت في الرياض عندك الدكتور محمد العقيل في الملز ممتاز ويسمع لك واتوقع يصرف لك السيبرالكس مع الدوجماتيل

والله غريب هالمنتدى

مافيه ردود

انا كتبت موضوعي بمنتدئ ثاني قبل ساعة

اقسم بالله الردود فوق 40 بساعة وحدة

وهنا لي يومين كاتبه وبس ردين

صراحة غرررريبة

اخوي اسمع نصيحة اختك في الله حالتك ماتبي غير رقيه وان امكن بعض الادوية التي هي بمثابة مضاد قلق زي السبرالكس لكنك لا تعاني من قلق

وانت تقول كنت تعمل على بعد 200 وقربت يمكن احد متمني يقرب زيك وحسدك ما تدري صحيح الواحد ما يوسوس لكن العين حق وخاصه قولتك فجاءة هنا مربط الفرس دايم التعب المفاجي هو تعب روحي بالدرجة الاولى

اخي استرخي والافضل تستسمع بالسماعات اسمع هالمقطع وودي تقولي وش حسيت فيه ؟؟ :-

http://www.youtube.com/watch?v=TXCm_YLy2pI




انتظر الرد .

و عليكم السلام اخي الكريم

يكون للقلق تاثير كبير على العضوية اخي

انا في اول المرض كنت اعاني من شد و الام في الرقبة و الكتفين و ضعف عام في جسمي و صعوبة عمل ادنى مجهود

ضيق تنفس و خفقان و و و

للقلق اعراض جسمية ايضاً لا تعجب من ذلك ابداً

عليك بالاسترخاء التام حتى تزيل التوتر
ممارسة رياضة خفيفة
اتباع علاجك الدوائي

و ستخف حالتك باذن الله

واااضح فيييك قلق وصراحه ماالومك مززززعج الله يعينك عليه ماعليك بعض الدكاتره الله يهديهم مايعطون للواحد اي مجال للكلام اسمع نصيحتي اذا كل تحاليلك سليمه ابدا بالعلاج لمده 3 شهور او 6 شهور وشف النتيجه بعدها

شكلك رحت لاخصائي مو استشاري انصحك تروح لاستشاري متخصص بالعلاج المعرفي السلوكي لان يجلس معك بالكثير ساعه وخذ راحتك معاه

للررررررررفع

للرررررررفع وينكم يا اخوااان

عطيناك حلول اخوي وش تبي اكثر ؟؟؟ بس انت ماعجبك كلامنا واذا تبي مختصين اكتب بالعيادات .

اخوي قصتك تشبه قصتي انا لي سنه على هالحال محد عارف وين مشكلتي ما خليت شي ما سويته انا راح اكتب موضوع و اتمنى القى حلولو من الاعضاء يمكن عندك زيادة ضغط داخل الجمجمه انا شكوا انه عندي بس طلع ما عندي هو يشخص انهم يسحبوا من السائل الشوكي و يقيسوا الضغط اتمنى انك تجد حل لمشكلتك قريب

انا لي اسبوع

المنتدى مافيه تفااااااعل

انا كنت شاك بارتفاع الظغط بالجمجمة

بس من اعراضه قئ صح

او ممكن يكون بدون قئ

ممكن من غير قئ روح لدكتور عيون اذا لقى عندك التهاب في عصب العين هذا يؤكد التشخيص

قصتك تحير ومحتاجة طبيب بارع باطني ثم اعصاب
لو عندك قدرة مادية سافر لدولة اوروبية
في المخ والاعصاب تركيا انقرة مستشفي ميدي كانا
في الباطني تونس مستشفي المنارة وحتي الاعصاب التوانسة مشهورين بدقة الكشف
هذا راي الشخصي

علي فكرة انا لاحظت عندك ثلاث اعراض سبق واحسست بها وعالجتها في اسبوعين
الاعراض طنين عدم توازن وكهرباء
قضي عليها دواء الافكسور وبجرعة خفيفة جدا 75 مل وتاثيرها مباشر يعني تاخذ حبه بعد ربع ساعه تختفي الاعراض
هذا اذا مشكلتك نفسية

والله وانا اختك بما انك نقلت وقربت وفجاه تعببببت فاتوقع انها عين والدليل تغير حالك فجاه وليس بمقدماااات انا عاااانيت مثللك بس اا دراسه وذهب امس للشيخ بعععععد عدة محاولات يالله وافق نظرا لانشغاله لكن ربي يسر ورحت من بدا يقرا ايات الحسد وانا بكيت بكي دوووون شععععععععععععععععععععععععععععععععععععععععععععععععع عععععور وقال ربما حسد وعييين...انا انصحك قبل لاتسوي شي انك تقرا ونوعت بالايات الين تتاثر والله يشفيك ويشفيني ويشفي الجميييييييييييييع والله يبلى من بلانا...

اليوم الثالث واحس بصداع شوي

هل هو من الاعراض الجانبية

مع اني من قبله وانا مصدع

اخوي هل تحسنت شوي عالعلاج؟ عند اي مركز تعالج و ايش اسم طبيبك؟

ايش نوع صداعك نصفي و لا بشكل ضغط ؟انا الصداع اللي عندي كانه احد حابس الدم في راسي مع الم في العيون و ضغط في الاذن و تنميل في الفك ووالوجه الله يشفينا

إيه نعم نفسي انت وعشتار نفس معاناتي بس أنا افرق عنكم بعامل الخبرة والتمرس


والمرض نفسسسسسسي أنا تعالجت واتحسنت ورجعت وانتكست بسبب إهمالي وتفريطي .


وبالمناسبة حتى أنا معاي دسك بالرقبة عرفت بالصدفة الرنين وضح كل شي ههههههههه .


الحمد لله بالمناسبة حياتي ما توقفت أنا بأمريكا الحين أشق طريقي الاستسلام مو من عوائده .


وأبشر كم مرتااااااح ولله الحمد

حبيبي تطمن أنا لا زالت الرعشة رفيقتي في أصابع يدي


بس تهون الحمد لله بجانب الأعراض الي كنت أمر فيها


.


أصابع الاتهام تمتد تجاه الجانب النفسي وتجاه نقص فيتامين

انت 9 وأنا 13 وكلانا تحت المعدل الطبيعي الأدنى .

الله يتمم عليك الشفا هالاسبوع و تبشرنا

شوف ردي عليك في موضوعي بخصوص فيتامين ب12 يمكن يفيدك

اخوي قريت عن هذا المرض ما يشبه اعراضي اللهم الصداع و الارهاق بس انا ما عندي الام في العضلات ولا المفاصل

من تجربتي وتجربة الاخوان بعض دكاتر الطب النفسي يحتاجون لاعادة تاهيل لممارسة المهنة

والله إنك صادق

اخوي شلونك الحين؟ بسألك انته رحت عند معالج شعبي؟ايش قالك؟انا افكر اروح

انا تقريبا كنت نفسك .. بس انا عانيت بخفقان كرهني عيشتي .. وبعدها بفتره تقريبا اكتشفت انه عندي قرحه بالمعده وبالقولون .. وبعدها عرفت انه عندي ديسك بالرقبه ..

بقولك شغله ولازم تفهمها .. انت راح تتحسن ان شاء الله .. بس استمر على الدواء .. وراح تحس بالتحسن بعد اسبوعين تقريبا بجرعه 10 يوميا .. راح تتغير حياتك للافضل ان شاء الله
لا ابالغ الدواء سحري ولكنه مايبين نتائجه الا مده لاتقل عن اسبوعين والدواء امن ولا منه خوف ويعتبر من ارقى الادويه على كلام دكتوري .. وهو مفيد للقولون ..
صدقني انا قبل لا استعمله كنت احس بخوف وضيقه والم بالرقبه وشد ينزل على الكتف ويصعد فوق صداع رهيب .. وطنين بالاذن وعيوني تعورني من داخل وعضلات جسمي تعورني ما اقدر امشي الا مسافات قليله واذا طولت بالوقوف رجولي تعورني من تحت حتى اني اخذت اشعه بالقدم وعلاجات وفحوصات لا تتوقعها واسمع التأليف كل واحد يقولك سبب

لما اكتشفت الديسك ترجيت الدكتور قلتله ريحني انا ماني قادر اسوي اي شي حتى الدوام ما قمت اروح .. قالي اخذ هالدواء جرب واخذته والتزمت عليه وكأنك معطيني المسباح السحري .. استمريت عليه سنه ونص وقطعته بالتدريج
الان قاطعه صارلي 6 اشهر ولكن للاسف بدت تجيني الاعراض وشكلي راح ارجع اخذه ومهما كانت الاعراض ماعتقد انه اسوء من اللي احنا فيه !!! لا تخاف الدواء غير قاتل .. انت بس استمر عليه ولاتفكر كثير باي شي ..

بعد شهر من العلاج العب رياضه خفيف وصدقني راح ترجع مثل قبل واحسن ..

وعلى فكره ديسك الرقبه مرض بايخ وغثيث .. ولو كان صغير ممكن فقره تضغط على الديسك من فوق تحس بالام بجسدك كله ..

والله يشفيك ياخوي ويشفى جميع المسلمين