|
ما هو فريقك الذي تشجعه ........
موضوعي غريب وأتوقع إنه راح ينحذف هههععهعههع
بس يالله قبل ما ينحذف أقولكم وش أشجع أنا أنا عن نفسي أشجع فريق الاتحاد وإنشاء الله كأس الملك لنا بوجود الشبان الجدد وأكثر فريق معجب في لعبه في الدوري السعودي حاليا هو فريق الأهلي صراحة أستمتع لما أشوف الاهلي يلعب يالله كل واحد يقولنا وش يشجع |
مااحب المباريات
|
من حقك يا أخت نبراس انتي بنت وأكيد صعبة ان الكورة تكون من اهتمامات البنت بس فيه بعض البنات يشجعون كلام ولا يتابعون مباريات هههههعع
وش رايش في القرار الي طلعوا عنه إشاعة إنهم يسمحو للبنات يحضرون المباراة في الملعب ههههههععع شكرا لكي على ردش على الموضوع |
اقتباس:
|
انا أحب الاتحاد بس عشان بابا يحبه وكل معلوماتي عنه انه اصفر و اسود لون الفريق
فكرة كورة يتضاربوا عليها فريقين و الهمجية حقت المشجعين و الصجة تخليني ما أطيق شي اسمه كورة أصلا .. والله كنت اوقات بس أحب أراقب بابا وهو يتابع المباراة كان ينقطع نفسه و يشهق مدري كيف و يقوم يرقص و يصفق كنت بس احب أتفرج عليه عشان أضحك هههههههههههه طبعا ماحد فينا كان يقدر يتحرك في البيت او يطبخ او يتكلم ممنوع نجلس نترقب المباراة تنتهي وندعي يفوز الاتحاد عشان بابا يكافئنا يا الله على اليوم اللي كان ينهزم فيه ينام خاطره متكدر و زعلان و خلقه قافل مرة كنت اتضايق وانقهر عشانه |
اقتباس:
والله إني ما أكذب عليش ما أحب أتابع غير مبارايات الاتحاد مباريات ثانية ما أحب أتابعها والصراحة كلام الكورة والدوري السعودي ذا كله كلام يوسع الصدر إذا خسر فريقك يجون خويانك ينتفون فيك وإذا فزت انت قمت عليهم أما إن أكون متعصب فمافي أمل أبوكي شكله اتحادي متعصب ههههههععه أكيد انبسط من آخر مباراة |
ايه طارق التايب الليبي عمل بصمة في الدوري السعودي
|
ايه طارق التايب الليبي عمل بصمة في الدوري السعودي
http://www.youtube.com/watch?v=DL6h3...ture=endscreen |
لو صارت حرب وثورة ترها على راسك يا عبدالله ^___^ انتظرها وانتظر حذف ويمكن ايقاف خاصه لو تجمعوا اهل النصر والهلال .
|
اممم والله اشجع ماما الله يخليها لي يارب ولايحرمني منها
|
الله على أيام الهلال أيام ماكان يوسف الثنيان و سامي الجابر و نواف التمياط و خالد التيماوي و صالح النعيمة كان ما احد يوقف قدامهم و كان عدوهم اللدود النثر حتى سمعنا إن نثراوي كبير يبغى يكسر أهلة المآذن اللي على المساجد من الغبنة اللي فيه
الحين ما عاد فيه لعب زي أول شوف المنتخب السعودي في كأس العالم يوم يلعبون اللعيبة صح مثل يوسف الثنيان و سامي و ماجد عبدالله و فهد الهريفي و عبدالله الدعيع و سعيد العويران و محيسن الجمعان أما الحين وش سووا المنتخب في كأس العالم يوم غابوا النجوم عشان كذا تركت التشجيع لكني هلالي صميم و قديمي نديمي لو مالجديد اغناني و انت يا عبدالله اتحادي ها بس إنتبه لا يمسكونك الجوازات موفق لكل خير |
اقتباس:
الله يا الم شكلك من زمننا زمن الطيبين عديت اسماء حركت فيني حنين الطفولة !!! |
اقتباس:
كان كل واحد منا يطلع معه غطاء قدر من بيتهم و نسوي قطار ورا بعض على ان غطاوي القدور دركسونات و نفر بالحارة و إذا رحنا البقالة نسحب بريكات و ننزل الغطاوي و نتسابق على انا سيارات و من يسبق منا يفوز و كنا نلعب لعبة المضراب أغلب الشباب الحين ما يعرفها و غميمة و طش و نلعب تيل مفردها تيلة و عظيم ساري و كنا نجمع قطع السياكل و نركبها و العربيات نشيل سطحتها و نخليها تطلع صوت مثل صوت الدباب بواسطة غرشة ماء صحة و نجعله بين الكفر و بين الدعامة عشان يحك الكفر بالغرشة و تهدر و نفحط فيها و كنا نتصارع و كنا نلعب مونوبولي و أيام الأزمة أزمة الكويت كنا نسوي خنادق و الحارة المقابلة تسوي خنادق و نتحارب و من جد و هذي من عدوى الحرب مثل ما قال بن جدلان : ديار الوبا من طبها راح متوبي و قرابة الجربا على الحول مجروبة و كذلك البنات كانوا يلعبون لعبتين لكن ما اعرف اساميها لعبة يرسمون مربعات بالفحم و اللي تلعب تعقل رجل وحدة و تنط بالثانية و فيها و تقول مثل الحداية و اللعبة الثانية تاخذ البنت حبل و تلعب معه بواسطة النط و تقول شمس قمر نجوم ما أعرفش تكملتها http://www3.0zz0.com/2013/05/20/01/445281951.jpg http://www3.0zz0.com/2013/05/20/01/221665875.jpeg يكفي مواجع راح الزمان اللي نعيمه صفالي l,uiture67 |
اقتباس:
|
اه كلما تذكرت السنين اللي ضيعتها في متابعة الكوره
|
لسلام عليكم ورحمة الله وبركاته وبعد،،،
فالذي يتضح لي أنك تعاني من أعراض ما يعرف بالقلق الاكتئابي، ودرجة الاكتئاب التي لديك -الحمد لله تعالى- هي بسيطة، وكثيرًا ما تكون الأعراض الجسدية مكونا رئيسيا للقلق، وأكثر الأعراض الجسدية التي نشاهدها هي تقلصات القولون، والتي تسمى بـ (القولون العصبي) والذي تعاني منه أنت الآن. الأمراض الجلدية - مثل الأكزيما – أيضًا يُقال أن لها علاقة كبيرة بالقلق النفسي، والرهاب في الأصل يعتبر نوعًا من القلق النفسي. عقار فكسال، والذي يسمى علميًا (فلافكسين) هو من الأدوية الممتازة جدًّا والفاعلة جدًّا، -وإن شاء الله تعالى- سيقضي على هذه الصعوبات النفسية التي تعاني منها -كما ذكر لك الأخ الطبيب-، وكن حريصًا تمامًا على اتباع الإرشادات والتعليمات، ولا بد أن تكون جرعة الدواء صحيحة، وللمدة المطلوبة، وبجانب العلاج الدوائي: اسع دائمًا لأن تكون إيجابيًا، وأن تكون نشطًا، وأن تتواصل اجتماعيًا، وأن تُجيد عملك، وتطور نفسك مهنيًا، وأن تحرص على حضور صلاة الجماعة، ))) الاخ عبدالله هذه الاستشاره د عبدالعليم لاحظ انه لم يتحدث عن الحرعات لاني لم اذكرها ))))) |
قصتي مع كرة القدم
بدأت في كاس اسيا للامم في الدوحه 88 حيث تابعت مباريات المنتخب في تلك البطوله وانا صغير جدا ثم مباراة الهلال والنصر عام 89 نهائي الملك فاز النصر 1/ 0 بهدف ماجد الشهير كان عمري اعتقد 8 سنوات او تسع وقبلها ماكنت اعرف التشجيع بس كنت العب كوره مع الصغار في الحاره والمدرسة شجعت الهلال لان كان هنالك قريب لي كبير في السن ليس له علاقه بالكره ولايعرفها بدوي هههه حضر عندنا في وقت المباراه وادعى تشجيع النصر لانه تقدم بهدف وقال لي انت فريقك الثاني يقصد الهلال بهدف اغاظتي ولم يعلم انه في ذلك اليوم ورطني بعشق اسمه الهلال استمر سنوات طويله وربما كان سبب في الكثير من الفشل الذي رافقني في الحياه اذكر بعدها بعام التقى الفريقان على نفس النهائي وعلى ملعب جده هذه المره وثأر الهلال لهزيمته بفوز ساحق وكانت النتيجه 3/ 0 سجلها ثلاثي الدفاع أنذاك حسين الحبشي وعبدالرحمن التخيفي وحسين البيشي بعدها بدأت قصة عشق عجيبه وغريبه مع الكوره والهلال اذكر كنا نجتمع بعد مباريات الهلال والنصر بعد المباراة مباشره او في اليوم الثاني ونتناقش عن المباراه وكان دايم الخسران يسب الحكم ويقول هو السبب واحيان يتطور النقاش ويصبح نقاش دموي ههههه كان العشق يزداد فكنت احرص على جدول مباريات الهلال واتابع جميع المباريات المنقولة في التلفزيون او الإذاعة وكان الدالوب عندي كله صور لاعبي الهلال لازالت أتذكر أسمائهم وأشتري الصحف من اجل أخبار الهلال وانا لازال صغير في السن خالد الدايل والسلومي الحبشي التخيفي العواضي النعيمة تابعته فتره محدوده وكنت صغير جدا ايضا عبادي الهذلول وسعد مبارك وافضل لاعب سعودي حسب رأي يوسف الثنيان وسعود الحماد ويوسف جازع وغيرهم بعدهم او معهم جاء جيل جديد بقيادة سامي الجابر واذكر بروز سامي عام 1410 والمباراة المثيره للجدل مع فريق الرائد وكانت اخر مباره في الدوري انتهت 8 / 0 سجل سامي 6 أهداف توجته هدافا للدوري في اول موسم له وفاز الهلال بالدوري ذلك العام وبرز معه ايضا أبناء التمياط محمد وصفوق ايضا في ذلك الموسم للحديث بقيه اذا كنتم تريدون ذلك |
اقتباس:
الفجر دخلت من جوالي وقريت ردك اخوي الم و ززززاد الالم وكانك عايش بيننا وخاصه لمن حكيت عن الازمة وحرب الخليج واللعب في غطا القدور تذكرت اخواني لعب مسلي برئ يتماشى مع الفطرة مو زي الان بلايستيشن وايباد وايبود لعبت في اعصاب وعيون البزران تلاقي الطفل يلعب بأصابعه وجسمه نايم الحمدلله وجتني رساله بالواتس اننا الجيل الذهبي الي من عمر 28 الى 47 سنة عاصروا الاولين والتاليين الحمدلله والالعاب هي (شبرا امرا لعبة الحبل ) و(لعبة المزاقيط و المصاقيل) و (علبة المخططه) و (لعبة العته) والحمدلله نلعب كمبيوتر صخر واتاري وكمبيوتر عايلة ولحقنا على بليستيشن ون هههههههههه . |
اقتباس:
احذفي الموضوع من الحين أحسن أنا مالي دخل ذي فيها ايقاف عضوية يعني يا خسارة ال600 تعليق تقريبا الي تعبت فيها يبغالي أسجل من جديد وأبدأ من جديد لالا ما ينفع خلاص احذفي الموضوع ههههههههع |
اقتباس:
|
المهم استمريت على متابعة الكوره وزاد الامر مع الرهاب بشكل غير طبيعي
حتى عرفت أهلها شرق وغرب وتمرست فيها وفي طرقها ! مع الوقت اكتشفت اني ضائع أتابع كره تتقاذفها الأرجل ولا يوجد فيها مصلحه آه ال ليت الزمان يعود يوما لأخبره فيما ضيعت شبابي ليتني جعلت هذه المتابعه والمشاهدات الكثيره عبر السنوات الطويله في شيء اخر حتى لو كان سىء إزعاج تعصب كره وحقد من اجل كره أعلام منافق وكاذب ومبالغ ومستفز وحتى نكون منصفين مع صاحبة الشعبيه الأولى في العالم نقول انها ابتليت في بلدنا العزيز بمتطوعين ( دخلاء ) دخلاء على كل الأصعدة : فالروساء لا يفقهون شيء فقط لأنهم أمراء او أغنياء الطريف أنهم يأتون بأفضل مدربي العالم وبعد ثلاث مباريات تتم إقالتهم لان الفريق مثلا فاز في مبارتين لكنه خسر مباراه واحده !!!! اعلاميون فاسقون كذابون منافقون او اكثرهم لايفقه شيء في الكره لكن رزقه احذفه عليها ! ومن الطرائف انك تشاهد إعلامي لم يتجاوز ربما 25 عاما ينتقد أباطرة التدريب فالعالم الذين يمارسون المهنه من قبل ان يولد ومع ذلك يطالب باقالتهم وطردهم ! ويصرح بأنهم لا يفقهون شي في التدريب !! حتى على مستوى الجمهور الدخلاء موجودين ولا اقصد هنا المتعصبين وإنما أصحاب الدفوف والطيران والمكيروفونات المزعجه عندما تذهب الى المباراه يخيل إليك انك في حفلة افريقيه يتم فيها استحضار الجن إزعاج رهيب لن تجده حتى في حراج السيارات ! بل حتى لا تستطيع متابعتها عبر التلفاز بسبب هؤلاء المزعجون في إحدى المرات كان فيه بلنتي والاعب يتقدم عشان يشوت ورئيس الرابطة ( الكناري اللي جالس يغرد في المدرج ) يغني مووال حزين بالله كيف تجي بلنتي و مووال وبعد حزين !؟! حنا فاهمين الكوره غلط صدقوني المشكله يقال عنهم في الاعلام بانهم ممتعون !!!!! فيه مثل يقول ( قال من شاهد يا بالحصين ؟ قال .......... ) هل تعلمون بان ضمن من ابتليت بهم كرة القدم لدينا اللاعبين الأعزاء نعم والله 90 بالميه منهم ليس له علاقه بالكوره والدليل كأس العالم في كل مره نروح له بسبب قارتنا الضعيفه ! واظنكم مانسيتوا منتخب ألمانيا !!! في تلك المباراه كان مدربنا الوطني القدير يقول ساهزم الالمان ! طبعا النتيجه فضيحه لا تنسى &&&& اتمنى اخيرآ ان تعمل دراسه عن كمية الأموال اللتي أهدرت على اللاعبين والمدربين الأجانب خاصه الشروط الجزائية في إنهاء العقد العذرالطبيعي لدينا ! صدقوني مليارات الدولارات المحزن أن الكثير من أبناء شعبنا لم يعد يجد ما يأكله حتى لو كان لحم حمار الكوره لدينا كالتالي هياط إعلامي + تعصب إعلامي وجماهيري + رؤساء واداريون أغبياء + لاعبين يثيرون الشفقه ( مستوى متواضع جدا ) إخواني نصيحه الكوره لدينا تنافي المتعه بل المرجله والشهامه دعوها عنكم |
فلتصمت الدنيا لتسمع صوتنا ** وليتنطق التاريخ يحكي مجدنا
احــــــــــــــــــــــــياء نــــــــــــروي فيه عشـــــــــــــــــــقا موتــــــــنا نصر انا نصر انا والنـــــــــــــــــصـــــــــــــــر يجري في دمي النادي الملكي قد عشق البقاء**في العالمية واستحق الارتقاء نصـــــر بمن حضـــــــــــــرو اســــــــــــــودٌ في اللقــــــــــــــــــــــأء نصر انا نصر انا والنــــــــــــــــــــــــــــصـــــــر يجري في دمي جمهوره شمس تضئ العالمين**ورجاله رمز الوفاء الخالدين نقــــــــــــشــــــوا حــــــــروف النــــصــــر من فــــــوق الجـــبــين نصر انا نصر انا والنـــــــــــــــــصـــــــــــــــر يجري في دمي اهداء لجميع النصراويين .. http://www.youtube.com/watch?v=fWldSZgpvIg |
|
لو جت ع الكورة يا ابو عابد هانت لكن جانا شاعر المليون واشغلنا وعقبه البعارين والمزاين والهياط .
|
اقتباس:
والدليل ان الأرض ماعاد تنبت والشكوى لله على كثر الأمطار والسيول اللي جتنا والبلاوي واجد وش تعدي وش تخلي |
ابوحميد
الان عرفت سبب اكتئابك ههههههه |
اقتباس:
أختي حنين احذفي الموضوع أحس ماله داعي |
اقتباس:
اسفين |
ههههههههههه الله يسعدك
كل ما انهزم زاد حبنه له حكاية عشق لا تنهتي رسمها عبدالرحمن بن سعود ونحن سائرون على نفس المنهج يبقى حبه في قلبي |
ليش احذفه يا حليلكم انتم ملتزمين بالهدوء ^___^ استانسوا .
|
بجد الكوره بالسعوديه خرابيط بدك تستمع اتفرج ع اسي ميلان برشلونه ريال مدريد شوف واستمتع صح مو هون الحمد لله والشكر خرابيييط امم ترى م بعرف بالكوره منيح امم ع مسي ولعب مسي دخيل لعبو م احلاه مو عندنا مدري مين شوو اسمو اقول الانديه السعوديه ترى انتهت صلاحيتها بصراحه بدك تضحك اتفرج ع نادي النصر والهلال واضحك ي روحي ي الاهلي يجننن الاهلي وبس بحبوو بشعر انو كتير مظلوم اعلاميا وجماهريا يخرب بييت بيتو الهلال
انا م بفهم بالكوره انو انا مواطنه هون ومن حقي احكي واقوول راي بكل صراحه صح |
اقتباس:
كنت أشوف خواتي يلعبون بالاتاري لكن مااذكر اني لعبت فيه كل وقتي برى البيت و جبتيها شبرا أمرا شمس نجوم نعم هي اللي أقصدها لكن ما عرفت الألعاب الأخرى اللي ذكرتيها يمكنها من ألعابكم و ليست من ألعابنا وشي جميل انا من الجيل الذهبي أجل اللي جا بعد الأزمة هم جيل البرونزي هههههههه أشكرك و جعل عمرك طويل و على طاعة الكريم و انتي بخير و عافية |
اقتباس:
|
شفيق ما توقعتك نصراوي
نصيحة من قلبي لك لا تشجع والا حول ع الهلال والله النصر الحين يفقع المرارة الفهيد يقول النصر مسحور ياعمي طير بس ههههه http://www.youtube.com/watch?v=vyyBIBsHNyk |
لا النصر ماهو مسحور
مصكوك بعين هههههه |
البيت زمان كان عندنا مقسم فريقين بابا و ماما واخواني كلهم اتحادية طبعا الأغلبية بكش كدا بس عشان بابا يرضى عليهم
كان الفريق الثاني مكون من أكبر أخواني فقط كان يشجع النصر يالله على اخويه دا ياحبه للكورة دحين ما يقدر يصلي الا وهو جالس من كثر العمليات اللي سواها بركبه من لعب الكورة مره لعبه خشن الله يهديه كل بعد مدة وهو بالمستشفى ليه خير كان بمباراة و ركبته تآذت حتى عياله زارع فيهم هالخصلة المهم فكنت أحزن على اخويه دا انه لوحده فكنت اجلس جنبه و اشجع معه والله عن جهل اكون جالسة الون في دفتر ولا أقرأ قصة ولا اكتب واجب واجلس بس اصفق واصفر معه كدا من باب احسسه ان في أحد معه ههههههههههههه احلى شي كان يدخل علي الغرفة يقول خلود النصر اليوم فاز وابوك حابس نفسه في مكتبه لأن الاتحاد فاز و يشتمت على بابا هههههههههههههه .. تشجيع الكورة دا كنت احسه شيء وجداني بيني و بين أسرتي لا أكثر ولا أقل بس كان لها ذكرى حلوة و أيام ما تتنسى .. و يا شفيق بأعتبرك أخوي الكبير و بأشجع معك النصر ماعليك في كلامهم ^.^ |
في كلمات ما لحقت أعدلها كلجت فيها ههههههههههه مدري ان شاء الله تفهموا عليها
|
تشجيع النصر يامستكفه جنون فريق
كله مشاكل والدوري اصلآ يقول مستحيل أخلي النصر يأخذني مستحيل أخرب سمعتي ههههههههه شجعي الهلال وارتاحي كل سنه بطولات ومافيه عقد ولا سحر ههههههههه |
اقتباس:
|
العالمية صعبة قوية
|
| الساعة الآن 05:01 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا