|
من الي استطاع ان يترك الحبوب النفسيه
السلام عليكم الحمد لله الذي رد لي صحتي بعد ما فقدتها وفقدت الامل كنت اعاني من الهلع من سنتين مع صداع قوي جدا استخدمت دواء باروكسات بعد استشاره الطبيب المهم استمريت عليه لمده سبع شهور الى ان وصلت لجرعه 40 وبعدها قالي الدكتور ابدا نزل الحبوب وسط برنامج معد منه المهم اني وصلت الى ان اكل جرعه 10 كل ثلاث ايام بس حسيت بدا الصداع يرجع لي وبديت اصبحت عديم الحركه وكأن الاعراض السابقه بدت ترجع رحت للدكتور قالي ارفع الجرعه لـ 20 كل يوم لكن خرجت منه ولا اقتنعت فرفعت الجرعه لـ 10 يوميا وبدأت ارتاح قليلا مع عدم تركيز يعني صداع خفيف المهم بعد فتره قررت اني ادرج العلاج لاقطعه لكن مجرد ما خليت الحبه اكلها كل يومين الى بدا يرجع لي الصداع والخمول وعدم التركيز حتى اني لا استطيع ان اخرج من البيت ورجعت اكل 10كل يوم والحين نوعا ماء مرتاح ممكن احد يجي يقولي استحمل .. لكن ما هي الفتره الي سوف استحملها لانها سوف تؤثر علي في دوامي واشغالي حيث اني مجرد يومين لم اكل الحبوب اصبحت منهك وراحتي في الفراش من قوة الصداع السؤوال هل انا وصلت لمرحله الادمان ..؟ هل استطاع احد ان يقطع العلاج النفسي وكم مده استمراراه على العلاج ..؟ هل بعد قطع الدواء ترجع بعض من الحاله السابقه ان ما كانت اقوى ..؟ لاني قريت كلام كثير عن الحبوب منها ما يحذر منها على المدى البعيد انها تصيب بجلطات وتليف وامراض خطيره وقريت ان فيه ناس حاولو يبطلون العلاج وما قدرو وكلام كثيييييييييير انا ابغى من تجاربكم هل احد استطاع ان يبطل العلاج ولا تنسوني من دعواتكم تكفون |
اخوي هل كان عندك الصداع من قبل ماتستخدم العلاج ومتى بدأ التحسن أنا اعاني من الصداع المستمر و لي 45 يوم استخدم السيبراليكس بس ما احس بفائدة هل اصبر عليه ... والأعراض الجانبية للأدوية تاخذ أسبوعين وتختفي |
اخي انت لم تأخذ الوقت الكافي في علاجك 7 شهور ﻻ تكفي وانت تعاني من نوبات هلع نوبات الهلع تحتاج فترة علاج طويله ﻷنها مترسبه داخل جسمك وعقلك اول العلاج راحه بمعنى تأخذ العلاج في بدايته
لكي تقاوم تلك النوبات وعند شعورك بالتحسن هذا يعني انك منتصف في العلاج تحتاج مده مماثله بعد الشعور بالراحه لكي تتأقلم على الراحه وعدم التفكير في النوبه مره اخرى |
اقتباس:
اخوي حكيم احس ماشاء الله عليك فاهم طيب متى يبان مفعول السيبراليكس انا لي 45 يوم استخدمه وماشوف فيه ذاك التحسن الملحوظ |
اقتباس:
وحتى لو تبين مفعوله لا يكفي لوحده بل يساند بالعلاج السلوكي وتدريب النفس على القوه وعدم الهزيمه اخي اعتمد على الله قبل كل شي واحرص على استحقار تلك النوبه واستصغارها وحاول نسيانها بأشغال نفسك في امور مهنيه او اطلا ع على كل ماهو مفيد |
اقتباس:
اما عن سؤوالك اتوقع ان الصداع الي فيك وحسب الي قريته عن موضوعك ان كانه انت فمرضك نفسي مثلي لان اعراضك بالضبط تنطبق على حالتي وما راحت الى بالدواء النفسي بس انا بسرعه راحت معي الاعراض الصداع والخوف وخلافه بس انت غريبه طول معك وبامكانك ان ترجع للطبيب لان ممكن نوعيه العلاج ما ناسبتك |
اقتباس:
لكن انا متعالج تحت اشراف طبي وانا من بدايه استخدامي للعلاج بعدها باسبوع بدأت تختفي اعراض الصداع والخوف ورجعت لحياتي الطبيعيه وكانت الجرعه 20 وطلب مني الدكتور ادرج العلاج حتى اصل لجرعه 40 وكان كل شهر اراجعه وكان يقولي واصل في العلاج للوقايه حتى تمينا سبع شهور ثم بعدها طلب مني التدريج في الانقاص يعني انا الحمدلله تحسنت بسرعه ممكن عشان كذى كانت فتره كافيه لي سبع شهور |
اقتباس:
يعني اغيره وش تنصحني فيه انا اطباء ما احب اروح.لهم ماديين ولاعندهم وقت ولا أسلوب زي الناس الله يشفينا ويشافيك واخوانا المسلمين ... |
اقتباس:
بس بعدين شفت لك موضوع هنا نفس الموضوع في منتدى هوامير البورصه وطلبت الرقم السري من المنتدى وتوه يوصلني وكتبت هالموضوع وزين انك جيت اخوي وش مشكلتك مع الاطباء .. بالعكس انت الحين اكثر شي محتاج للاطباء لا تخرب حياتك خاصه اني قد قريت لك رد انه اثر على حياتك العمليه وهذا شي خطير وشكلك ماخذ الدواء بدون استشاره الطبيب وهذا خطاء ممكن تطلع اعراضه بعدين لذالك انصحك تروح لدكتور كويس واذا انت في الرياض انصحك بعيادات عبدالرحمن الصغير |
اقتباس:
الهوامير اعضائه نشطين ويعحبونك تكتب موضوع تحصل اكثر من مية رد بيومين هنا تكتب موضوع وتجلس شهر ويالله تلقى ردين الاعضاء هنا غير فاعلين والمنتدى ميت |
طيب اخوي اذا كنت ما اكلف عليك
ودي تكتب اعراضك وكيف بدأت ومن متى وكيف حالتك بعد العلاج |
انا مع رأي أخي حكيم الحكيم ،اسأل الله لك الشفاء والعافية.
|
اقتباس:
بدايه كانت كتمه واحس روحي بتطلع وانا كنت مع شباب ماسكين خط وكل شوي يوقفون على جنب على اساس اني بارجع ولا اقدر وقعدت بردان وانتفض مع ان الجو حار وكان بدووون سبب بعدها بداء الصداع يزيد عندي تدريجيا مع مرور الايام وكتمه كني ما اقدر اتنفس وتطور الامر صرت لما اطلع من البيت تزداد دقات قلبي واحس بيغمى علي تميت ست شهور على هالحال من مستشفى لمستشفى وتحاليل وكل شي سليم الى ان اتجهت للطبيب النفسي وصرف لي باروكسات استخدمته بعدها باسبوع راحت جميع الاعراض ولله الحمد والان طبيعي جدا بس يوم نزلت جرعه الدواء بديت احس اني تعبان على خفيف وبعض الاحيان ما فيه تركيز وصداع خفيف يروح بالبنادول بس بشكل عام اقوم باعمالي الطبيعيه كشخص عادي |
الله يتمم عليك الشفاء يارب
أنت شكل اللي فيك شئ نفسي علشان كذا راح بالعلاج انا ابكمل شهرين ولا استفدت ولا 1% من العلاج والله صرت أشك إن اللي في شئ روحي وعين وحسد لانها لاتستجيب للعلاج النفسي ... والله يتمم عليك الشفاء يااارب ودام العلاج يريحك لاتتركه واحد اعرفه له اكثر من 17 سنة يستخدم السيبراليكس من كان اسمه سيبرام ... ولا حصل له ولا شئ وبعافية وصحة ... |
السلام عليكم ورحمة الله وبركاته
اخي الكريم حسب تجربتي المتواضعه وقرائاتي في اضطراب الهلع ان فترة سبعة اشهر في العلاج تعتبر قصيرة نسبيا واذا كنت شعرت بتحسن ملحوظ واتزان في تلك الفترة فانت بحاجة الى ما يسمى بالجرعه الوقائية وهذه الفترة تطول وتقصر حسب كل حاله ولكن حسب ماقرأت في كثير من المواقع واضافة الى نصائح اطباء متخصصين فان الجرعه الوقائية يفترض ان تأخذ من ستة اشهر لغاية سنة كحد أدنى الجرعه العلاجيه الوقائيه هي الاستمرار على جرعه مخفضه من العلاج بشكل يومي قبل التدرج في ترك العلاج وفي مثل حالتك وهي جرعه عشرة لغااية عشرين مل من البيروكسات او السيروكسات لمدة ستة أشهر وبعدها يبدأ الخفض للترك انا اخذت هذا الكورس وتوقفت تماما ولله الحمد عن الادوية النفسيه كلها والانسحابيه والاثار المترتبة على وقف العلاج تمتد بين اسبوع لغاية ثلاثة اشهر وبعدها يبدأ جسمك بالتخلص من تراكيز الادوية وتخف الاعراض لغاية ان تضمحل تماماً وفقك الله وكتب لنا ولكم الشفاء العاجل |
اقتباس:
الى ست شهور تقل او تنقص لا اذكر بالضبط قالي الحين نبي نسوي برنامج ننزل الجرعه لين تتركه وهذا ما وضحته في موضوعي بس الي صار بعد ما نزلت اقوى شي 10 كل ثلاث ايام احس ان الاعراض بدت ترجع لي وحاولت استحمل ما قدرت ورجعت عاد بعدها وحاولت بعد فتره لكن كانت نفس الاعراض تجيني ولا اعرف ما الحل اخوي بعد ودي اسالك انت كنت تعاني من الهلع ... هل كنت تعاني من صداع شديد قبل استخدامك للعلاج ..؟ |
اخي العزيز
اسال الله لي ولك وللجميع الشفاء العاجل ان شاء الله من الطبيعي ان تشعر بعودة بعض اعراض الهلع عند انقاص الجرعه والمطلوب منك التأقلم معها قليلا حتى تتماثل للشفاء من اعراض انسحاب السيروكسات اللي مرين فيها الصداع ولكن ليس ذلك الصداع الشديد وكان بالامكان التغلب عليه بالبندول احيانا الرجفه احيانا والقشعريرة او سريان مثل الموجة الكهربائية في الجسد خاصة من الصدر لاعلى الرأس والحركة الزائدة اثناء النوم وخاصة قبل الدخول في مرحلة النوم الخمول العام طبعا والكسل وهذا ممكن تتغلب عليه بالمشي المعتدل وعدم الارهاق او تحميل النفس فوق طاقتها اكثر ما عانيت منه هي القشعريرة او سريان الموجة الكهربائية والحمدلله زالت كلها بعد فترة اسبوع او اثنين نصيحتي لك اخي العزيز ان لا تستعجل في الحكم على نفسك بالتماثل للشفاء فقط لايقاف الادوية فانا كنت مثلك مستعجل وطاير بالتحسن الملحوظ اللي مريت فيه وكنت انتظر في كل زيارة لي خبر خفض الجرعه لغاية ما اوقفتها تماما ولله الحمد فاذا تشوف نفسك لسه محتاج وقت فاعط نفسك الوقت الكافي واطمئن بانك تقدر توقف العلاج في الوقت المناسب وتتخلص منه باذن الله للابد فلو تراجع الدكتور وتخبره باعراضك بدل ما ترجع من نفسك لرفع الجرعه او خفضها وينصحك باللي فيه خير ومصلحه لك ان شاء الله و ردا على سؤالك اخي الكريم نعم كنت اعاني من اضطراب الهلع الشديد والحمدلله على كل حال |
اقتباس:
والكهرباء فعلا كانت مزعجبه لكني عديتها وما عاد صارت تجيني بعد تنزيل الجرعه بس مع الوقت بدا يرجع الصداع حتى البنادول ما عاد صار يسكنه فلذالك رفعت الجرعه ان شا الله اقد اتغلب على الدواء |
باذن الله ما عليك شر اخي الكريم
وبالنسبة للصداع فحاول تنظيم النوم والاكل والراحة من جهة ومن جهة اخرى راقب نفسك في المنبهات مثل الشاي والقهوة والشوكولاته والكولا لو كنت معتاد عليها وخففت منها فهي سبب من الاسباب وحاول تشوف اسباب الصداع العضوية كذلك اخي الكريم فليس بالضرورة ان تكون بسبب الدواء فقط وانما توافق حدوثها مع الدواء من ناحية الزيادة والنقصان فمثل ماتعرف اكيد ان الصداع مسبباته لا تحصى من كثرتها فجرب تحصر هذي الاشياء كلها وتراقبها وباذن الله تتغلب على كل شي قريبا وتبشرنا |
اقتباس:
انا ابكمل الشهرين ع السيبراليكس ولاشفت منه اي فائدة صداع وتعب ودوار هل اغير العلاج بالسيروكسات ام ان مافي شئ غير نفسي لانه لايستجيب للعلاج ولاتقول روح لدكتور لاني مستحيل اذهب لهم بعد ماجربتهم استغلاليين وماديين ... |
اقتباس:
لكن المعروف والمتعارف والمتداول والمثبت ان سيبرالكس افضل لنوبات الهلع من سيروكسات واعتقد ان كلاهما من نفس الفصيله والمادة الفعاله ويصححني اهل العلم والخبره ان كنت مخطيء ويختلف السيبرالكس ويتميز انه متطور اكثر واعراض اقل من السيروكسات واكلمك عن نفسي شخصيا لو قدر الله لي العودة الى العلاج فسأتوجه الى سيبرالكس وليس السيروكسات اخي الحبيب قد تكون الجرعه غير كافيه لك اللي بتاخذها حاليا وقد تحتاج الى علاج مساعد مع السيبرالكس وهذي يقدرها الدكتور وبامكانك الاستشارة عن طريق الموقع هنا او التوجه الى المواقع اللي تقدم استشارات مجانيه وهي كثيرة ومتوفرة ولله الحمد |
| الساعة الآن 09:48 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا