اخي الكريم قسورة العرب
 

السلام عليكم ورحمة الله وبركاته اخي ابو عناد مبروك تعيينك مشرف اداري فانت تستحق بالتأكيد،أخي هل تذكرني كانت لي مشاركة معك وسألتك بما انك من اﻷردن أن تنصحني بأطباء أكفاء وسألتني عن اﻷدوية التي أستخدمها ونصحتني جزاك الله خيرا حينها،بما أن لك خبرة في اﻷدوية أريد أن تفيدني لوتكرمت وأكون شاكرة لك ببعض مايحيرني قليلا هذه الفترة،قد تذكر أنني اخبرتك اني في مرحلة التخفيف والجرعة الوقائية واﻵن أنا عليها منذ 6 اشهر واخر اسبوعين اصبحت على جرعة 10مل من يونيروكس يوم بعد يوم،والبراناكس عند اللزوم اتناوله تقريبا 25, مل في الاسبوع مرة واحدة او عند اللزوم،مع ان الطبيب اخبرني انه بامكاني تناول البراناكس عند الارق او في المواقف الصعبة وانه لا ضرر لو تناولته يوميا انا اخاف الادمان،هل ترى هذه الجرعات مناسبة وهل جرعة اليونيروكس كافية كجرعة وقائية والى متى استمر عليها؟وهل لو استمريت عليها مدى الحياة ممكن تفقد مفعولها وتعاودني نوبات الهلع وتعود المعاناة؟ مارأيك وبم تنصحني بالنسبة للدواء؟اسفة على الاطالة ولكن اردت التوضيح لك بالتفصيل مالذي اريده.

اولا بارك الله فيكي اختي الكريمة ‘‘ ثانيا هل ذهبتي لاحد الاطباء اللذين رشحتهم لكي في الاردن ‘‘ بالنسبة لليونيروكس ( سيروكسات ) اقل جرعة علاجية له هي 40 مغ يوميا و نستطيع رفعها حسب الحالة الى 80 مغ يوميا و الجرعة الوقائية 20 مغ يوميا فأن استقر الوضع لفترة طويلة كفترة ست شهور نستطيع جعلها 10 مغ يوميا لا مانع لكن المهم ان نكون قد قضينا على الهلع لا ان يكون مازال هنالك وجود لبعض من اثاره كالقلق و التوتر ‘‘ فأن كنتي تشعرين بأن امورك 100% تستطيعي جعلها 10 مغ يوم بعد يوم لمدة شهر ثم توقفيها ‘‘ و تناول الالبرانكس عند اللزوم و عند المواقف الصعبة لا مانع منه و بصراحة جرعة كجرعتك 0.25 مغ لو شبه يومي ايضا لا مانع و لا ادمان عليها بشرط ان لا نزيد الجرعة لانه دواء ادماني و تعودي و مهدىء مؤقت و ليس علاج فالعلاج هو اليونيروكس ( سيروكسات ) و انا في نظري تناول العلاج مدى الحياة افضل من التعود على المهدئات لان الشخص يصبح اسير لها بعد فترة و لا يستطيع الخروج من المنزل او عمل اي شيء الا و هي بحوزته فأن نسيها مثلا يتوتر و يتضايق و اشياء من هذا القبيل و هي تفقد الانسان ثقته بنفسه لانه يصبح معتمد عليها لمواجهة الظروف ‘‘ فأن اردتي رأيي و نصيحتي انا من انصار الدوام على العلاج لاطول مدة ممكنة و بجرعة علاجية ممتازة حتى تعمل على زيادة قدرة الدماغ على تحمل الضغوطات و هذا الكلام مثبت علميا اختي الكريمة لكن المرضى دائما عندما يشعرون بتحسن يسارعون لترك الدواء و ساعطيكي معلومة بأذن الله يكون بها فائدة لكي و لغيرك ‘‘ يجب اعتبار المرض النفسي كمرض السكري مثلا اي النظر اليه و معاملته معاملة المرض المزمن الذي يحتاج لعلاج مدى الحياة و لا تجعلي كلامي هذا يثبط من عزيمتك لكن هي حقيقة يجب ان نعلمها فمن يعاني من السكري يتقبل فكرة العلاج مدى الحياة و كذلك يجب على المريض النفسي تقبل نفس الفكرة لكن هذا لا يمنع ان تتحسن بعض الحالات و تستغني عن العلاج لفترة معينة قد تمتد لبضعة سنين او اكثر و ذلك حسب شدة الحالة و العلاقة بين مدة العلاج و الجرعة العلاجية و نسبة التحسن و الشفاء علاقة طردية فكلما زادت مدة بقائنا على العلاج لمدة اطول و بجرعة علاجية ممتازة كلما زادت نسبة التحسن و الشفاء و عدم الانتكاس .

بالنسبة لسؤالك ان بقيتي مدى الحياة على جرعة 10 مغ يوم بعد يوم فهل ستعاودك نوبات الهلع ‘‘ هذا يعتمد ان تعرضتي لموقف او مواقف تسبب لك الهلع فهذه الجرعة لن تقيكي منها لانها جرعة اقل من بسيطة و في نظري البقاء على جرعة 20 مغ يوميا مع انها ايضا ليست بجرعة قوية جدا امام موقف يتسبب بنوية هلع لكن هي افضل بكثير من جرعة 10 مغ .

و اي استفسار اخر انا في الخدمة اختي الكريمة ‘‘ اخوكي قسورة .

بارك الله فيك أخي ،انا من عام ونصف اتعالج عند الدكتور خليل ابو زناد طبيبك نفسه هل تذكر؟
اخي منذا بداية علاجي منذ عام ونصف تقريبا وصف لي الطبيب يونيروكس 20 وبقيت ثابتة لم تتغير مع البراناكس وتلك الفترة عندما ذهبت له كنت امر بانتكاسة لتركي علاج سابق استمريت عليه 9 اشهر،وبعد مرور عام على اليونيروكس بدأت بتخفيف الجرعة الى 10 مل يوميا،وقبل اسبوعين بدأت بتخفيفها الى 10 مل يوم بعد يوم اي 5 مل يوميا،تمهيدا لتركه وعندي مراجعة بعد كم يوم،حقيقة الحمدلله بفضل الله النوبات شبه اختفت ولكن بقي الوسواس والتوتر عند احداث معينة فاضطر للجوء الى البراناكس،حتى انني والحمدلله اصبحت اشعر انني افضل قبل جرعة20 جسديا وذهنيا لكن مشكلة الارق ظهرت لي والتوتر كما قلت لك في مواقف معينة،وعندي مشكلة اخرى اخي هي زيادة الوزن كان وزني قبل العلاج 55 تقريبا وبعده اصبح 62 وحاولت ان اعود لوزني السابق دون فائدة،فهل ستبقى هذه الزيادة رغم التخفيف،وحتى بعد الانقطاع،وهل هناك طريقة للعودة لوزني السابق؟آسفة مرة اخرى اخي ازعجتك من كثرة اسئلتي،شكرا

طيب شو رأيه الدكتور خليل بهذا الحكي و هل عمرك استشرتي الدكتور انس ابنه للدكتور خليل الي بداوم معه بنفس العيادة ‘‘ و الله بصراحة انا محتار لانك بتقولي النوبات شبه اختفت هذا بيعني انه لسى في اثر و بصراحة بيعني انك كنتي على جرعة علاجية بسيطة طول السنة الماضية من تناول اليونيروكس لاني سبق و ذكرت لك انه اقل جرعة علاجية اله هي 40 مغ لكن الاطباء بحاولوا يوصلوا بنتيجة مرضية للمريض بأقل جرعة ممكنة مشان راحة المريض و هاي بحد ذاتها مشكلة لانه هيك ما بنعالج المرض هيك بس بنهدي الاعراض و بنسكن المرض تسكين و للمعلومة المرضى بالغالب هما سببب هذا الاشي لانهم دايما بطلبوا نتيجة بأقل جرعة ممكنة و ما بحبوا الادوية النفسية و بخافوا منها او عندهم عقدة منها و من اثارها الجانبية و فعلا الادوية النفسية مزعجة من ناحية الاثار الجانبية لكنها شر لا بد منه للكثير من الناس و الكثير من الحالات ‘‘ و انا ما بدي كلامي يسبب احباط الك لانك شكلك حابة تتركي الدواء و انا ما بلومك مين بحب يضل على دوا بسبب اعراض جانبية كثيرة و زيادة بالوزن ‘‘ و الله ما انا عارف بس شوفي بس تراجعي الدكتور خلال بعد كمن يوم احكيله بالزبط الي حكيتيلي اياه هون و شوفي شو رأيه ‘‘ لانه رأيي انا مش راح يعجبك بصراحة ‘‘ و بالنسبة للوزن الزايد بس تتركي الدواء راح يبلش وزنك ينزل لحاله بدون ما تعملي اي شي لانه بعد ترك العلاج النفسي الشهية بترجع لطبيعتها الاولى قبل العلاج و بتخف كمية الاكل يعني بعد شهرين على اكثر تقدير من ترك العلاج برجع وزنك لطبيعته بدون رياضة و لا حمية و هذا هو احلى شي بترك الدواء النفسي لعنة الله عليه ‘‘

ههههههههههههههه لعنة الله عليه
حسيت قلبك مليان غل ع العلاجات النفسية
صادق ؤالله الله يغنينا بالعافية عن كل هذه الأدوية

كونوا بخير :)

صباحك سعيد اخي قسورة شكرا على ردك،رأي الدكتور خليل اني ما اترك الدواء بس من كتر الحاحي خففه وسألته لو ضليت على جرعة 10 مل يوميا تعتبر وقائية حكى لي نعم وبتحميكي من النوبات باذن الله،واخر زيارة كان الدكتور مش موجود وكان ابنه أنس صرنا نتناقش بالخطة العلاجية وكان متخوف من تركي للدواء لانه والده حكى له اني اول ماجيت عنده كانت حالتي صعبة جدا ومش لازم استعجل بتركه لاني لو انتكست هالمرة لاسمح الله صعب اتحسن بسرعة،والله صراحة محتارة شو أعمل؟
بالعكس اخوي عادي احكي لي رأيك أصلا انا ليش استشرتك عشان اعرف شو رأيك بالزبط،وماتخاف مش رح اغير شي الا لما اسأل الدكتور ،قرأت في استشارات بالنت انه في أدوية تأخذ بجانب السيروكسات لتخفيف الوزن وما بتتعارض معه بتعرف عنها شي؟
يعني لو استمريت عالادوية كيف بده ينزل وزني والله مشكلة انا مش متعودة عالزيادة،وبحس انه مهما عملت بيضله ثابت لامشي بينفع ولارياضة ولاتخفيف اكل،عن جد اكتر شي مضايقني زيادة الوزن.غلبتك معي اسفة بس بعرف انك الك خبرة بالادوية،شكرا لك

أو بيصير اتركه شهرين لحد مايرجع وزني وبعدين ارجع له،هههههه سخافة صح ؟والله الدكتور لا يمزع شعره مني هههه،بس عن جد انا بتحمل كل شي الا زيادة الوزن.

اختي الكريمة بعد التفكير العميق اتيت لك بأقتراح ارجو ان يناسبك و بأذن الله يكون مفيد لك ‘‘ بداية لعلاج الهلع ناخذ سيبراليكس بجرعة 10 مغ فهي ممتازة جدا و قوية على الهلع حسب الترتيب التالي اولا نوقف اليونيروكس و نبدأ بتناول 5 مغ سيبراليكس لمدة اسبوع ثم نرفعها الى 10 مغ و السيبراليكس بهذه الجرعة لا يفتح الشهية بشكل كبير مثل اليونيروكس و بالنسبة للوسواس نأخذ بروزاك 20 مغ يوميا لمدة شهر فأن لم نستفد كثيرا على هذه الجرعة نرفعها الى 40 مغ يوميا و الجميل في البروزاك انه يسد الشهية و ان لم يسدها لا يفتحها و لا يسبب زيادة في الوزن ‘‘ و تأخذي جرعة السيبراليكس بعد الفطور و جرعة البروزاك بعد الغداء ‘‘ و لكي نسيطر على الوزن كي لا يزيد ان احسستي بجوع ليلا تناولي السلطة و لو بكمية كبيرة او تناولي فواكه ‘‘ للمعلومة الادوية النفسية لا تسبب زيادة في الوزن بل هي فقط تفتح الشهية و هذا ما يسبب الزيادة في الوزن اختي الكريمة مع ان الشخص لا يلاحظ ان كمية طعامه زادت عن الحد الطبيعي غالبا الا عندما يوقف العلاج ‘‘ اما بالنسبة للارق سأقترح عليكي التربتزول بجرعة صغيرة جدا 25 مغ قبل النوم بنصف ساعة طبعا خلال العشاء الذي يجب ان يكون سلطة ان استطعتي عمل ذلك و هذه الجرعة من التربتزول لا تفتح الشهية ‘‘ اقترحي على الدكتور خليل هذه الخلطة العلاجية و شوفي شو رأيه من ناحية الفعالية و ناحية زيادة الوزن ‘‘ ملاحظة ان خفتي ان يسبب لكي السيبراليكس بعد التجربة فتح للشهية و بالتالي زيادة الوزن نستطيع ايقاف السيبراليكس و رفع جرعة البروزاك الى 60 مغ يوميا فتكون ذات فعالية جيدة على الهلع ليست طبعا بنفس فعالية السيبراليكس لكن لا بأس بها و قوية جدا على الوسواس و نبقى على 25 مغ تربتزول عند النوم . طبعا لا تنفذي اي شي دون الرجوع للدكتور خليل فهو صاحب كلمة الفصل اولا و اخيرا . و طلب اخير اشرحي للدكتور خليل حالتك كيف اصبحت بالتفصيل من ارق و وسواس و هلع بسيط كي يتفهم الخلطة هذه و ذلك منعا للانتكاسة لان الانتكاسة في حالتك صعبة جدا لانها ليست اول مرة و للمعلومة يجب البقاء على العلاجات و الادوية بما انك تعرضتي لنكسة سابقة و قوية لمدة لا تقل عن السنتين الى ثلاثة سنوات على اقل تقدير . الف لا بأس عليكي اختي الكريمة و شفانا الله واياكي و سائر مرضى المسلمين .

ماشاء الله تبارك الله أخي قسورة العرب ، خبير في الأدوية الله يعطيك من فضله ويجزاك خير على مساعدة الأعضاء ..

مساء الخيرات اخي قسورة بارك الله فيك،بعتت رد،البروزاك هو سبب كل اللخبطة اللي صارت معي من اول ماغيرته وبدأ اﻷرق عندي،هل التربتزول افضل من البراناكس ولايسبب تعود لو اخذته يوميا؟ السيبرالكس لايزيد الوزن؟تحياتي

اختي الكريمة كما قلت لك على الخاص التربتزول يعالج الارق و ليس منوم مؤقت كالالبرانكس و اكيد ليس عليه ادمان مع اني ايضا اؤكد لكي ان جرعة الالبرانكس التي تتناوليها ليست ادمانية مطلقا لانها جرعة بسيطة جدا و هذا شي ممتاز لكن مع طول المدة يفقد مفعوله الالبرانكس و تصبحي بحاجة لزيادة الجرعة و هنا الخوف من ان يصبح الشخص مدمن مهدئات كي ينام على عكس التربتزول الذي لا يوجد عليه ادمان . و من اجل الامانة السيبراليكس يفتح الشهية لكن بدرجة اقل من اليونيروكس مع تنظيم الاكل لا يحصل زيادة بالوزن ان شاء الله .

و اياكم اختنا الكريمة ‘‘ هي بعض الخبرة المتواضعة اختنا لا اكثر .

جزيل الشكر اخي قسورة العرب لاحرمناك اخي الكريم،الله يطمن قلبك متل ماطمنتني،اسأل الله العلي القدير ان يجازيك خيرا ويبارك لك في صحتك وعافيتك،وتنال كل ماتتمناه.

لا شكر على واجب اختي الكريمة ‘‘ و شكرا لدعائك لي و اياكم ان شاء الله .

كل عام وانت بخير اخي، النت ضعيف كتير معلش حابعت عاجزاء تحملني

اخوي مشيى من اليوم على بيرلكس 5ملغم كم تعادل يونيروكس؟

تريبتزول مقطوع بكل الصيدليات،وصيدلي خوفني من جرعة البرانكس,50 بحكي قوية

الدكتور كان بده يكتب لي دواء للحساسية عشان الارق ونسي شو اعمل مليت؟

حابة اثبت زي اول ع دواء واحد ومهدئ عند اللزوم وحل نهائي للارق

هل 5ملغم بيرلكس جرعة مناسبة،وشو الحل بالارق؟

اسفة عالتقطيع حتى النت ضدي اليوم

حاولت ابعت رسالة مافي مجال،اسفة كتير

امااني شوفي اليوم رقم 8 ارفعي جرعة البيرليكس الى 10 مغ طبعا تقدري تحكي مع الدكتور خليل على التلفون و تبلغيه انك حابة ترفعي الجرعة الى 10 مغ ‘‘ بعدين للنوم اذا مش موجود التربتزول في دواء ممتاز للحساسية هو بالاصل و يعالج الشعور بالغثيان و يساعد على النوم بشكل ممتاز ما رأيك ان تسألي الدكتور خليل عنه و تبدأي بتناوله من اجل النوم و جرعته هي 12.5 مغ عند النوم ان لم تفد معك ارفعيها الى 25 مغ عند النوم و تستطيعي رفع الجرعة حتى 50 مغ عند النوم و هو دواء امن و ليس ادماني فهو مضاد للهستامين ‘‘ اسم الدواء العلمي بروميثازين و له عدة اسماء تجارية منها هيستالوك و هيزتازين و برومت و فينيرجان ‘‘ اعتقد انه خيار ممتاز لك ‘‘ استشيري الدكتور خليل هاتفيا و بأذن الله يوافق على هذا الكلام ‘‘ و بالنسبة لجرعة 0.5 مغ من الالبرانكس فهي ليست جرعة عالية و بسيطة جدا و ليست ادمانية مادامها في هذه الحدود دون زيادة و مع احترامي للصيدلانيين هم فقط يخافون من شي اسمه بنزوديزابينات و يعتبروه كله ادماني و حتى على مستوى بيعه يخافون ان يصرفوه للمريض حتى و ان كان معه وصفة من طبيب نفسي ‘‘ و للعلم الصيدلاني وظيفته فقط يصرف الدواء دون فلسفة فهو ليس اخبر من الطبيب و الا يروح يفتح عيادة و يسكر هالصيدلية و نخلص هههههههههههه ‘‘ فلا تخافي و لا تردي على اي صيدلاني مفلسف زيادة عن اللزوم و لما يخوفك من اي دواء احكيله طيب الدكتور الي وصفلي اياه جمار مثلا و قالي هاي الجرعة سليمة و مش ادمانية و جرعة بسيطة و انت فهمان اكثر منه مثلا ‘‘ و بعدين يا اماني اخذك للالبرانكس هو مؤقت و ليس لفترة طويلة ‘‘ طبعا الدواء المساعد على النوم الي وصفتلك اياه تاخذي معه جرعة 0.5 مغ البرانكس عند النوم ‘‘ طبعا بعد الرجوع للدكتور خليل . بالتوفيق

شكرا لك اخي قسورة،لكن منذ يومين عندما كلمت الدكتور قال لي امشي على 5 ملغم بيرلكس يوميا ولي يومين عليها+البرانكس ,50 ملغم+تريبتزول ,25 ملغم.

ولم يخبرني بان ازيد جرعة بيرلكس ولكن جعلها يوميا بدل يوم بعد يوم.
وحقيقة التزمت اول يوم بجرعة البراناكس واصبت بنعاس شديد هههه وبعدها خفت ولم اتناوله،مابعرف بخاف منه كتير

انا فهمت من كلامك انك انتي تريدي زيادة الجرعة الى 10 مغ يوميا اما ان لم تريدي زيادتها و مرتاحة على 5 مغ لا بأس ‘‘ و اذا خايفة من البرانكس لهلدرجة اقترحي على الدكتور خليل دواء الحساسية الي قلتلك عنه فهو منوم جيد و غير ادماني و اوقفي الالبرانكس بعد استشارة الدكتور خليل .

مساء الخير اخي قسورة شكرا لطولة بالك علي عن جد غلبتك معي،بس بحب استشيرك بالادوية لانك من الاردن وبتعرف ادويتنا منا وفينا هههه،والك تجربة بالادوية ونفس الاطباء تقريبا،بارك الله فيك.
اخوي انا لخبطت اخر 4 شهور بالادوية عشان كنت مبلشة ادرج عشان اقطعه فغير لي الدكتور من يونيروكس لبروزاك حبة يوم بعد يوم لمدة شهرين وبعدين اخف حتى اقطعه وخلال تناولي لليونيروكس ماشكيت من الارق نهائي بس بعد استعمالي بروزاك مع انها الجرعة خفيفة ظهرت مشكلة اﻷرق ،ورجعت لليونيروكس ونفس الشي ماخلصت المشكلة،وباخر زيارة للطبيب زي ماحكيت لك حولت للبيرلكس حسب وصفة الطبيب وطلبي عشان اتخلص من زيادة الوزن مع انها مش كتيرة صراحة بس خايفة انصح اكتر هههه،يعني الحمدلله بفضل من الله نوبات الهلع اختفت كثيرا ولكن معاناتي الان من الارق يعني اللي بدي اوصلك اياه انا بالعكس مابدي ازيد جرعة البيرلكس بحاول اخلص منهم بس بالتد يج حتى لا انتكس؟
البراناكس عن جد بكرهه اخدت حبتين اول يوم زي ماحكى لي انس نمت وانا قاعدة ههه مش لهالدرجة السطلان،وضليت اليوم التاني بدي انام،عن جد تعبت مش عارفة شو الحل؟
بجرب الدواء اللي حكيت لي عليه بس اسأل الدكتور وبشوف،زي مابحكي اخواننا الخليجيين شورتك وهداية الله.
بس اخوي البيرلكس رايك بحالتي اﻵن 5 ملغم جيدة مابترجع النوبات بعد علاج سنة و7 اشهر،و 5ملغم بيرلكس متل 5 ملغم يونيروكس،وهل بيرلكس بيسبب ارق؟
ولو ضليت عالبيرلكس لمدة طويلة تمنع النوبات ومافيها ضرر؟
شكرا مرة تانية

مساء النور ‘‘ لخبطة الادوية مو مشكلة و للمعلومة انتي ما عندك مشكلة ارق قوية لانه الارق انواع و بدناش نتطرق لانواع الارق انتي الي فهمته من كلامك انك عندك مشكلة في الدخول في النوم مش مشكلة ارق قوية مثلا انه بعد ما تنامي نومك متقطع و بتصحي اكثر من مرة بالليل بعد النوم و ها شي طبيعي لانك كنتي تاخذي يونيروكس و هو مساعد على النوم بعدين اخذتي بروزاك و هو من الادوية التي تسبب ارق و هذا سبب اختلاف بساعة جسمك البيلوجية و ادى الى تاخير موعد نومك و طبعا الي بساعد كمان في هاي المعادلة انك من الاشخاص الي بحبوا السهر يعني مش من النوع الي بنام الساعة 8 المساء و للمعلومة لو تتعبي بشغل البيت هذا بساعد على النوم كمان لانه من المعروف انه الجهد النهاري يؤدي الى تحسين النوم ليلا بس طبعا الشغل يوميا مش كل كم يوم مشان يتأقلم الجسم على التعب و يتعود على النوم بنفس الوقت ‘‘ نيجي للبيرلكس جرعة 5 مغ بيرلكس لا تعادل جرعة 5 مغ يونيروكس بل بتعادل حوالي جرعة 20 مغ يونيروكس لكن هذا ما بيعني انه جرعة 5 مغ بيرلكس انها ممكن تمنع نوبات الهلع لانها جرعة بسيطة غير علاجية بل هي جرعة صيانة فأذا انتي شاعرة انه لسى في اثر للنوبات لو كان حتى اثر خفيف خلي الدكتور خليل يرفعلك اياه الى 10 مغ بكون افضل بكثير ‘‘ و بيرلكس ما بسبب ارق لكن ما بساعد على النوم يعني دواء محايد مشان هيك ينصح بتناوله صباحا بعد الفطور و في رمضان بعد السحور افضل شي ‘‘ و لو ضليتي على البيرلكس مدة طويلة ما فيها اي ضرر لكن كما اتفقنا سابقا الجرعة بسيطة و ما في ضمان انها تمنع النوبات ‘‘ اما انا باكدلك بعد رب العالمين بجرعة 10 مغ انها بتمنع النوبات بشكل قوي لا نقول قوي جدا لكن قوي بما فيه الكفاية .

و للمعلومة اماني انا خبرتي في الادوية مش عن تجربة بس لانه في كثير ادوية ما جربتها انا و لله الحمد من عشر سنوات و طالع قرأت كتب طب نفسي و ادوية نفسية و استشارات نفسية يمكن اكثر من دكاترة نفسيين فاتحيين عيادات و طبعا بعرف عدة اطباء نفسيين و تناقشت معهم بحالات كثيرة جدا و اخذت من خبرتهم العملية و العلمية و استفدت كثير منهم و بنفس الوقت مر علي مرضى باعداد كبيرة شفت حالاتهم و علاجاتهم و تابعت علاجهم بنفسي و حتى انس بحول علي كثير من المرضى عنده في العيادة مشان يستشيروني في الادوية و الجرعات و بعدللهم الجرعات و الادوية و بقلهم روحوا عند الدكتور خليل خلي يشوف اذا التعديل هذا بناسبكم و الا لاء و طبعا عندي مرضى لليوم متابعهم هاتفيا و وجهه لوجه في عيادة الدكتور خليل و لما يشتكي مريض من اشي و انا قاعد مع انس انس بستشيرني شو نعطيه و انا بقله العلاج و الجرعة و بكتبلوا اياه زي ما وصفتله اياه بالضبط ‘‘ و انس نفسه انا هاليومين بدي اعطيه مثبت مزاج بجرعة علاجية منيحة و مضاد ذهان مشان الهوس الي عنده و بدي اعطيه كمان ست جلسات كهرباء مشان يعقل شوي لانه معجوق زيادة عن اللزوم هههههههههههه ‘‘ طبعا النبذة هاي مش مشان استعرض عضلاتي في عالم الطب النفسي و الادوية النفسية ‘‘ بس مشان اذا حدا لاحظ اني بحكي بالادوية و الجرعات دايما يعرف اني بحكي عن علم و ليس عن جهل او تجربة فقط .

عفوا يا ستي و لا شكر على واجب اي استفسار انا في الخدامة ست اماني لا تترددي .

طيب اخوي قسورة يعني انا باخد تقريبا 20 ملغم من اليونيركس وهاي الجرعة كنت اخدها من بداية علاجي يعني بالنسبة الي جرعة علاجية كافية حتى مش صيانةاو وقائية صح؟ طيب ليش بتنصحني ازيدها بالبيرلكس؟ افيدني الله يخليك.
سأعطيك وضعي الحالي حتى تنصحني لاخر مرة لاستقر على دواء معين وجرعة معينة
النوبات الحمدلله منذ فترة طويلة لم تعاودني ولكن مايخيفني ويقلقني اكثر شئ الانتكاسة وابقى متخوفة لمهاجمة نوبة هلع مفاجئة،أخاف من الاحداث المفاجئة والجديدة والتغيير المفاجئ،اخاف من الارهاق الشديد والتعب،اصبحت مسالمة زيادة عن اللزوم،لازلت اربط مواضيع واحداث بالموت،يعني افكار وليس اعراض؟بتمنى اكون وصلتلك قصدي؟ يعني بحالتي هاي شو الواجب علي فعلة؟
شو الجرعة المناسبة الي بهالوقت؟ وكم علي الالتزام بها بدون تغيير لا زيادة ولا تقليل؟ يعني ياريت تعطيني برنامج طويل بتحمل بس مارجع اتعب ،بدي برنامج علاجي يامستشارنا قسورة،تحياتي

صحيح انه جرعة 20 مغ يونيروكس ناسبتك للعلاج من نوبات الهلع لكن بالاصل هي عبارة عن جرعة بسيطة و ليست جرعة علاجية كافية فأقل جرعة علاجية من يونيروكس هي 40 مغ حتى لو تحسن المريض على 20 مغ يجب زيادة الجرعة الى 40 مغ و هي جرعة علاجية وسطية و تعتبر اقل جرعة علاجية من اليونيروكس ‘‘ اجمالا بما ان وضعك كما شرحتي فأنت بحاجة لاستعادة ثقتك بنفسك و نسيان الخوف من نوبات الهلع و هذا بحاجة لشيئين اولا جرعة علاجية لا بأس بها و لمدة لا بأس بها ايضا و ثانيا ان تتعلمي كيف تطردي هذه الافكار و تحقريها و هذا يكون من خلال ممارسة الرياضة و تمارين التنفس و الية التفكير الايجابية و طبعا يجب عليكي استعادة ثقتك بنفسك الى جانب ثقتك بالدواء طبعا كله بعد الثقة برب العالمين ‘‘ و جرعتك العلاجية بنظري من البيرلكس هي 10 مغ لمدة لا تقل عن سنتين و بعدها تقلل الجرعة الى 5 مغ لمدة لا تقل عن السنة ثم نرى بالنسبة لايقاف الدواء او البقاء فترة اطول على جرعة الصيانة البسيطة هذه ‘‘ طبعا انتي تعرفي اسلوبي و مبدأي كل هذا تقترحيه على الدكتور خليل و يكون تحت اشرافه . و انا في الخدمة اماني في اي وقت .

كلام حلو قسورة بس شو عن فترة علاج السنة و7اشهر السابقة مع يونيروكس يعني مش محسوبة؟ يعني ابدأ من اﻵن ب10 ملجم بيرلكس لسنتين كمان؟

اولا مبارك على الاشراف ‘‘ ثانيا لازم نتعايش مع فكرة انه الامراض النفسية كالامراض العضوية المزمنة يعني ممكن العلاج نستمر عليه مدى الحياة فلا تستكثري مدة سنتين غير السنة و سبع شهور اكيد محسوبة لا تخافي هههههههههه ‘‘ بعدين في نظرية بالطب النفسي بتحكي كل ما طالت فترة العلاج كل زادت نسبة الشفاء و قل خطر الانتكاس فلا تخافي و انا لو محلك بصراحة بعد الخبرة ما بفكر اترك العلاج قبل اربع سنوات غير السنة و سبع اشهر الفائتة لكن انا حبيت اقللك المدة شوي .

الله يبارك بعمرك اخوي قسورة،خلص هاي اخر مرة بستشيرك فيها عن الأدوية هههه بتعرف ليش؟عشان مايحكوا مشرفة بدها اشراف هههه،خلص وصلت اخوي الكريم يعني بتنصحني استمر كمان سنتين عالدواء بجرعة 10 ملغم،والله اني مليت منه،خلص بتركه كم شهر بضعف كم كيلو وبرجع ههههه شو رأيك؟
صحيح اسفة على تأخيري باني ابارك لك انت كمان لاني ماكنت منتبهة صراحة وبعدين ملتقى الاكتئاب ماكنت ادخل عليه كتير اعذرني قسورة ومبروك عليك التعيين ولو متأخرة عن جد بتستاهل وزيادة.تحياتي

هلا مشرفتنا اماني ‘‘ جد بدك اشراف لانك مصرة تتركي الدواء بس اذا بتتركيه على مسؤوليتك انا ما الي دخل اوكي ‘‘ هلاء بتباركيلي بس قربت اتقاعد ههههههههه بمزح طبعا الله يبارك فيكي لو متاخرة كثير مش شوي هههههههه ‘‘ بعدين مين حكالك المشرف مش لازم يستشير مثلا شو العيب بأنه يستشير !!! ما فيها اشي يا اماني بالمرة ‘‘ شو دخل الاشراف بالاستشارات !!!

مساءك سعيد اخي قسورة الله يبارك فيك يارب،لا اخوي فهمتني غلط مابدي أترك الدواء بس بدي امشي على جرعة خفيفة ووقائية لو طولت المدة مش مشكلة بس ما تكون في انتكاسة،يعني أرجع استقر ع دواء واحد واهم شي يتزبط النوم عندي لانه ملخبط عالاخر وهالايام تلخبط بزيادة،اللي بيصير معي اني بمل منه بس وبييجي ع نفسي لو شهر اتركه بس اريح جسمي شوي منه وانزل الكم كيلو اللي زدتهم هههه لزوم البريستيج للعيد ،المعذرة عل تأخري في تهنئتك بس والله ما انتبهت واحيانا كتير بكون مش مجمعة،عالعموم الف الف الف مبروك مقدما ومؤخرا والى ما لانهاية ههههه وحقك علي،تسلم يارب ع طولة بالك معي الله يبارك فيك.

يسعد صباحك اخي ابو قسورة،وينك مختفي برمضان مابتبين كتير،اخوي رجعت لاستشارتك بالنسبة لالبراناكس بيصير اغيره ب deanexit وحكيت لك قبل هيك كنت اخده بس مع الادوية القديمة ،ممكن يكون بديل عن البراناكس ومابيتعارض مع البيرلكس؟

كمان من فترة بدي اسألك عن دواء اسمه topamax بيعطوه لتخفيف الوزن مع ادوية الاكتئاب بس قرات انه بيسبب حالات تشنج بتشبه الصرع،جربته او بتعرف حدا جربه وشو تاثيراته؟ وداء تاني اسمه oxyelite pro كمان لتخفيف الوزن لو عندك معلومات عنهم ياريت تحكي لي،شكرا قسورة

اولا اسف للتاخير بالرد يا اماني ‘‘ ثانيا يا اماني لا تكوني موسوسة من الادوية خليكي على الالبرانكس مع انه الدينكزيت ما بتعارض مع البيرلكس ابدا لكن ما اله مفعول منوم بدرجة الالبرانكس يعني هو مهدىء للاعصاب بسيط جدا لكن ان كنتي مصرة تحولي اله لغاية في نفسك ما في مشكلة انك تجربيه ليطمئن قلبك و بتقدري تقولي للدكتور خليل يخليلك اياه محل الالبرانكس او حتى دون ان يلغي االالبرانكس يعني تستطيعي تناوله بوجود الالبرانكس ايضا فلا تعارض او اي شي من هذا القبيل لا بين الالبرانكس و الدينزيت و لا بين الدينكزيت و البيرلكس .

و بالنسبة للتوباماكس فهو فعلا من الادوية التي تستعمل لتنقيص الوزن و خاصة للذين يأخذون مضادات اكتئاب لانها تزيد الوزن عن طريق فتح الشهية و التوباماكس يعمل على سد الشهية لكن القضية نسبية اي انه يسد الشهية عند 80% من الناس و ليس عند الجميع فلا ضير من ان تجربيه لكنه غالي الثمن للمعلومة و ما بيعمل لا حالات تشنج و لا شي من هذا القبيل لا تخافي هو دواء امن جدا و هو اصلا مضاد للصرع فلا تخافي من استخدامه و اعرف الكثيرين اللذين استخدموه و بجرعات عالية نسبيا و هو امن جدا فلا تقلقي من هذه الناحية لكن ممكن يعمل خدران و تنميل في الاطراف و هذا عادي و ممكن يعمل مزاج اكتئابي ايضا عادي للذي لا ينزعج منه في سبيل تخفيف الوزن .

اما اوكزيليت برو فهو دواء غير نفسي و هو حارق للدهون و انا عن نفسي ايام ما كنت العب حديد كنت استخدم الي اقوى منه في كثير انواع فات بيرنرز اقوى من اوكزليت برو لكن هاي حارقات الدهون ما بتشتغل الا مع رياضة و قاسية كمان يعني مش شويت ايروبكس و الا مشي او هرولة و السلام لاء طبعا الواحد بده يبذل جهد كبير جدا مشان تشتغل معه حارقات الدهون و للمعلومة اذا الواحد ما بذل جهد كبير فحارقات الدهون تؤثر على الكبد لا سمح الله فأن كنتي ناوية تلعبي رياضة و تتعبي منيح استخدميه او تقدري تستخدمي الاقوى منه و انا ادلك على كثير اسماء فات بيرنرز اذا نويتي تلعبي رياضة .

ملاحظة ردي على مشاركتك هون بعد ما رديت على مشاركتك في الدكة الرمضانية مشان تعرفي اني ما بخلط الامور ببعضها يا ست اماني ههههههههههه .

اهلين قسورة بارك الله فيك،ياخوي احنا لا بنخلط الامور ولا شي هاي شغلة وهاي شغلة وانا رجعت كتبت لك رد،انا ماقصدت حدا معين اصلا ماكنت شايفة رأيك السابق لسة عشان تعرف انه مش قصدي حدا.
بالنسبة للالبراناكس بتجنبه عالاخر وفعلا انا موسوسة من الادوية بشكل كبير لانه كان الي تجارب مع انواع من الادوية تعبتني كتير عشان هيك صرت مش مستعدة اكرر نفس التجربة.
امبارح لقيت التريبتزول بصيدلية وشربت حبة بالليل وما اخدت البراناكس بس قرأت انه للاكتئاب والقلق ونوبات الهلع انا مفكرة انه للنوم بس،طيب قسورة بيصير اخده لحاله بدون البيرلكس؟ ليش اخد دوايين بنفس الوقت؟شو رأيك

بتعرف بحدود كم التوبامكس وهل بينفع للي وزنه مش كتير زايد يعني للي وزنه 61_63 وباي صيدليات موجود لانه مرات بتغلب وانا بلف عالادوية؟

هههههه قسورة انا العب العاب قوي من وين ياحسرة يا الله امشي واركض اصلا الدكتور بس احكي له العب رياضة بحكي ماشي بس عالخفيف،هد حيلي الهلع ههههه.

شكرا كتير قسو ة

اهلين قسورة كيف حالك؟ تسلم بارك الله فيك على ردك اﻷخير قرأته وبعت لك رد بس راح بعد الخلل اللي صار، شكرا قسورة تعبتك معي،الزيارة الجاي بسأل الدكتور عن كل اللي استشرتك فيه وبشوف شو بيناسبني، والله افدتني كتير بالنسبة للادوية اللي كنت مابعرف عنها شي تسلم يانشمي،وحتى نبهتني اني اخد الادوية اللي بدوخ مرات لما الاقيها من عندهم،شكرا كتير ياقسورة في ميزان حسناتك ان شاء الله ياطيب.

هلا و غلا و الله هلا امااني انا لاحظت انه ردي مش موجود الحمدلله الي قرأتيه بعدين يا ستي انتي معك جواز احمر يعني تقدري تسألي الي بدك اياه بالوقت الي بدك اياه مشان لما انوي اتزوج اقلك تدوريلي على عروس هههههههههههههه مصلحجي قسورة .