|
كل واحد يدخل ويقولنا الادويه الي ياخذها حاليا الكل يشااارك
ابي من كل واحد ياخذ ادويه ان يقولونا وش علاجاته الي ياخذها مع الجرعه والتحسن كيف
الكل يشارك انا حاليا بروازاك 60 توني رافع الجرعه وابليفاي نص حبه سبعه ونص الحاله ماساويه لاكن بصبر يمكن هذي فالبدايه فقط وبعدين يجي التحسن يلا دوووركم |
ما هي الاعراض التي ما زلت تعاني منها حاليا ؟ وهل جربت سيبرالكس من قبل ؟
|
من تجربة خمس سنوات لاحظت ان جميع ادوية الـ ssri لا تفيد بالشكل المطلوب
ربما بعض الناس يستفيدون منها حسب التركيب الجيني للانسان كما سمعنا حاليا بدأت باستخدام ادوية من نوع مختلف تماما اذا تحسنت عليها ساكتب موضوع مستقل عنها |
فعلا انا جربت جميع ادويه الاكتئاب وماستفدت شي ابد
بالعربي دواء واحد مايفيد معاي لابد اكثر من دواء وممكن مفيه شفاء ممكن اتم طول عمري حزين وكتئب ومزاجي هابط وياليل مطولك |
هلا اخوي منتظر
الله يشفيك اخوي انت جربت السيبرالكس هل يوم جيت توقفه جتك اعراض انسحابية مثل الكهرباء في الراس والدوخة او عادي وقفته على طول وما جاك شي |
هلا اخوي محمد انا حولت على طول من سبراليكس الى بروزاك
لاكن الحين من اخذت ابلفاي جاني تصلب عضلي مادري شسمه كان عضامي تالمني شي يطفش مادري اذا عندك خبر عنه |
اقتباس:
واخوي منتضر علاجاتك ممتاز بروزك وابليفاي ممتازين بس الابليفاي بعد يسبب الارق حاول تاخذ علاجاتك الصبح عشان ما يجيك ارق في الليل الله يسمعنا عنك اخبار تحسن معك الله اخوي منتظر لا تياس اخوي منتظر كلنا في الهواء سواء انا لي اكثر من 12 سنة وعدت علي انتكاسات والله العظيم انها كانت قاسية جدا وكنت قاربت الانتحار لكن فضل الله ان تجاوزت تلك الانتكاسات والحين احسن |
يعني مرت عليك هذي الاعراض الي تحس انك تبي تمغط ايدك وكيف حليتها وكاني قريت ان اندرال يحل هالمشكله بعد بس ابلفاي يسوي كذا ولا غيره من ادويه الذهان مثل سركويل وزيبركسا
الدكتور قالي نشوف الابلفاي 3 شهور اذا شفنا الوضع اوكي زين اذا مافيه تحسن بحول على السيركويل وهذا شغلتي انا هههههه الغريب ان مافيه لو تحسن بسيط يعني فالمزاج بشوف يمكن الايام الجايه يصير تحسن |
من جددددددددددددددد من خذت ابلفاي صار نومي قليل 4 ساعات وهالشي يوهقني خاصه احنا فرمضان انام الفجر واصحا 7 ونص 8الصبح شسوي الناس نايمين وانا صاحي نكبببببببه
اذا ماتحسن النوم بعد فتره هل اخذ ريميرون نص حبه مافي ضرر |
هلا اخوي منتظر
شف وانا اخوك انا جربت كل ادوية الذهان ما عدا ابليفاي وسوليان بالنسبة لتصلب الاعرض كل الادوية تسبب الشي هذا ما عد السيركويل ما النوم ممكن تاخذ ريميرون لكن لازم تعرف الاعراض مثل زيادة الوزن بشكل كبير والتثدي وضعف الانتصاب او فقدان الانتصاب خلك على الابليفاي وزي ما قلت بحكم ان غير موظف يعني ما تقوم الصبح خذ علاجات او ما تصحى من النوم ولازم في وقت محدد مب تخربط في الاوقات يعني خذ علاجاتك بعد الغداء الساعة 2 الظهر وان شاء الله يخف الارق عندك واستمر واذا ما تحسن النوم لازم تعلم الدكتور لان الارق ملعون والدين يزيد الاكتئاب ويخليك عصبي وانت مب ناقص بعد اخوي منتضر انت من الشرقية اذا امورك المالية طيبة في البحرين علاج اسمه سيركويل اكس ار هذا علاج رهيب لا يسبب تصلب ويحسن المزاج ولا يسبب سمنة زائدة لكن غالي انا الحين لي اربع اشهر اخذه بسعر سعره يوصل 1500 ريال كل شهر |
ولللللللللللل 1500 من وينلي ياحسره والله مصيبه الاسعار غاليه جدا مب اي احد يقدر يشتريها
طيب السيركويل العادي كم سعره انا بستمر على البروزاك 60 والابلفاي بس مادري اقدر ازيد الجرعه الى حبه كامله 15 مل انا واحد صبرت كثير كثير وابي اشوف التحسن ابي ارجع للحياه بنسبه للوظيفه صراحه اموت واتوضف ابي اتوضف لاكن عندي مصيبه ان لو رحت للعمل اشوف الناس الطبيعين وازعللللللللللللل بقوه على عنفسي اني ليه مو مثلهم يضحكون وسوالف واذكر مره كنت ماخذ ادويه نزلت دمعتي من قهر الرجال بنسبه للارق يعني ممكن مايطول فتره بسيطه ؟؟والتخشب هذا مادري تصلب العضلات يروح مع الوقت ولا يستمر |
منتضر انا جربت الابليفاي من 6 اشهر ولا ازال عليه
ميزته انه يشيل العصبيه منك يخلك شبه بارد الاعصاب وهذا الشي فادني كثير بالنسبه للعضلات انا جاني اللي جاك واللي تصلب العضلات وقلت للطبيب عنه اضاف دواء مضاد للتشنج ومثبت للمزاج لمدة شهر بعدين شلته والدواء اسمه جابابنتين وكان الهدف من اضافته هو تصلب العضلات اللي ثبتني بالارض .. استشير طبيبك بهالنقطه لكن عندي سؤال للاخ شفيق : وش الفرق بين السيركويل العادي والسيروكويل اكس ار .. لانه جربت العادي وكان سيء جدا |
اقتباس:
انت لازم تروح للدكتور عشان يعطيك علاج ضد تصلب العضلات وتروح المشكلة لانها مشكلة تخليك متضايق انا قد جربتها وزي ما قلت حنا مب ناقصين اعراض جديدة خلك اخوي منتضر على جرعة الدكتور البروزاك مع الابليفاي ولا تستعجل اصبر عليها مدة وان شاء الله بتجيب معك فايدة بس لازم تعطي العلاج فترة اقل شي شهرين عشان نحكم عليه انه فشل السيركويل العادي قميتة حدود 500 ريال اخوي منتظر انت لازم تروح مستشفى الامل عشان يعطونك العلاجات بالمجان انت مب موظف والعلاجات غالية وانا اخوك والحكومة مب مقصر انا اخذ علاجاتي من مستشفى الامل واذا ناوي على سيركويل العادي جرعة 300 علبتين ويمكن لو تصبر شوي تصير ثلاثة علبة اذا تبي ارسلها لك عبر البريد الممتاز ولا تخسر فلوس حتى حق البريد انا اتحمله الله يطمن عليك اخوي منتظر انت تستاهل كل خير والله بيعوظك خير |
اقتباس:
هلا اخوي بالنسبة للسيركويل العادي فهو مكثف المفعول يعمل على ستة ساعات اما السيركويل اكس ار فهو ممتد المفعول يعمل على 24 ساعة بالتالي الاعراض الجانبية تخف كثير وانت زي ماقلت اعراض السيركويل العادي شنعية منها الدوخة والنوم الطويل جدا يروح يومك كلها وانت نايم واذا قمت تحس انك دايخ ونعسان ودك بس تنسدح والتثدي والسمنة وارتفاع السكر وغريها من الاعراض اما السيركويل اكس ار ليس اعراضه الجانبية اخف بكثير النوم يصبح من اجمل ما يكون متوسط بين 8-9 ساعات وبعدها تكون وانت صاحي ونشيط مب مثل العادي تنوم 17 ساعة وتقوم مكسر ولا زالت الدوخة فيك والنعاس السيركويل اكس ار لا يسبب السمنة ومثل السيركويل العادي السيركويل اكس ار لا يسبب ضعف الانتصاب مثل السيركويل العادي السيركويل اكس لا يسبب تصلب العضلات السيركول اكس لا يرفع السكر السيركويل اكس ار لا يسبب جفاف الحلق السيركويل اكس ار افضل من السيركويل العادي بمراحل اخي الكريم هذه تجربتي قد يكون ناسبني العلاج ولكن ليس بالشرط ينفع معك لكن يعاب عليه السعر الغالي العلب 1500 ريال سعودي جرعة 300 فيها ستين حبة انا كنت اخذ في اليوم حبتين يعيني كل شهر علبة بسعر 1500 ريال لكن حاليا اخذ حبة واحد يوميا جرعة 300 وبالتالي العلبة تكفيني شهرين |
على فكرة العلاج غير متوفر في السعودية
متوفر في البحرين في صيدلية الجشي عند سوق البحرين |
الله يعطيك العافيه اخوي شفيق
اليوم بروح المستشفى عشان اقول للدكتور عن هالمشكله لان من جد مظايقتني بقوه طيب لو عطاني علاج ضد التصلب من اول حبه يروح التصلب مادري التمغط وهل هو مؤقت يعني عرض جانبي ام مستمر باستمرار العلاج ثانيا انت اخوي شفيق وشي علاجاتك الحاليه وهل مرتاح معاها اخوي يارب انقذني انت تاخذ مع ابلفاي وشو وكيف وضعك هل في تحسن واضح وكم جرعتك |
هلا منتظر
علاجاتي سيبرالكس 20 حبة صباحا حبة في الليل لامكتال 100 حبة الصبح حبة في الليل انفجيا 3 حبة الصبح سيركويل اكس ار 300 حبة الليل والله ماني مرتاح وكاره الدنيا والشوف الناس طيبن وانا اتعذب كل يوم ومليت من كل شي حتى حياتي كلها عذاب انا اخوي منتظر عندي كوكتيل امراض اكتئاب وانفصام و وسواس قهري لو اكتب الي بكرة ما راح يتغر الوضع 12 سنة راحت كلها امراض وعذاب وافكار انتحارية جدية وليست كلام كل شي في الدنيا ضدي ضدي ضدي الناس تروح وتجي مبسوطه وانا في عذاب كل زملائي تزوجو وجاهم عيال وسفريات وطلعات الله المستعان بس ماعندي اي حل لو تركت العلاج اصير مجنون رسمي عشان كذا مستمر في العلاج |
اخوي شفيق يمكن علاجاتك ئبيلها تعديل. لأن أربع علاجات كثيره
يعني أتوقع يكفي سبرالكس وسيركويل فقط وتكون بجرعه مضبوطه. يعني هالادويه دكتورك هو إلي واصفلها لك طيب دامك مو مرتاح معاها ليه ماتقوله يغير. أو يعدل. طيب يأخوي انت موضف ؤش يمنعك تتزوج تزوج يأخوي الزواج راحه. ويكفي ان أحد يكون معك ويساعدك إنا مشكلتي مشكله اني كل وحيد لدرجه صار معاي رهاب اجتماعي أخاف. من أماكن الزحمه والتجمعات والله بلاوي. ؤش أعد ؤش أخلي. أنا حاليا مظايقني هالتصلب أحس ودي امغط يديني بس مايفيد. ياااااه لو تتحسن أموري ياشيخ لسويلكم عزيمه كبيره. بس صراحه ماتوقع لأن لي تجارب سابقه مع الأدويه وكلها فشلت. أنا خايف العمر يروح وماسويت شيء وماعشت حياتي والله حرام الناس تعيش حياتها وأنا لا تخيل حتا المعاق عايش حياته لأن مافيه أكتىاب يخليه يكرهه الحياه أو يجلد ذاته. وتسوفه مبسوط وضحكته مأشالله ماليه وجهه فأنا اعتبر الاكتئاب وخاضه الشديد أعاقه حتا دكتور السبيعي قال الاكتئاب المرض رقم 1 المعيق بنسبه للإنسان |
شفيق انا عندي لك حل ان شاء الله بتدعيلي بس بسالك اول شي اذكرلي حالتك والمده اللي استمريت فيها على العلاج
منتضر علاجاتي هي : اروريكس 600 مج ,, ريميرون 45 مج ,, ابليفاي 15 مج ,, لوكستانيل عند اللزوم ووضعي سيء جدا والله لكن يقول المثل اعطي الحر فرصه لاني توني بادي بالادويه ويبي وقت على ما تاخذ مفعولها |
اقتباس:
هلا منتظر والله صادق الامراض النفسية تدمر الشخص تدمر لا تخليه مرتاح ابدا اما ليش ما اغير علاجاتي لان كل ما غيرت علاجاتي جتني انتكاسة كبيرة وصراحة مليت من التغيير اصلا خلاص راح شبابي وراحت الراحة السعادة خلني على علاجاتي ساكت ماكل تبن اه يامنتظر تصدق الايام والسنين تروح وانا ما غير مدمر نفسيتي وكل علاقاتي قطعته ما لي غير المنتدي اسولف فيه بالمختصر حياتي تحطمت وخلاص ما عاد ينفع شي يرجعها الامل في الله وحده انه يجعل الاخر خير لي من الدينا الحمدالله على كل حال جالس انت متى اشيب واموت لاني مالي طموح وكل وقتي تفكير في الماضي وليش جاني كل هذا |
اقتباس:
علاجاتي تنوعت كذا علاج لكن لي الحين خمسة اشهر على علاجات سيركويل اكس ار 300 و سيبرالكس ولامكتال وانفيجا قصتي باالمختر اول اصابتي بالمرض استمريت على الرقية بدون علاج لمدة سنتين ثم بديت رحلة العلاج النفسي سنتين كان اكتئاب فقط ثم تركت العلاجات فجاة لمدة ستة اشهر ثم اصابني انفصام و سواس قهري ثم رجعت للعلاج لمدة اربع سنوات بالسركويل العادي ثم تركته والحين بالسيركويل اكس ار لمدة خمسة اشهر |
اقتباس:
طيب شفيق هل جربت العلاج بالتخليج الكهربائي .. ترا له نتائج مبهره وقويه اذكر اني سويته قبل سنتين شي رهيب بمعنى الكلمه تتغير حالتك 120 درجه من اكتئاب الى حاله من الرضاء عن النفس والاستقرار النفسي وبنفس الوقت تحس ان الاعراض اللي كانت فيك انتهت وخلال هالفتره هذه تقدر تغير علاجك .. مثلا من السبرالكيس الى الانفرانيل لانه اقوى من السبرالكس بمراحل وهالكلام متفق عليه جميع الاطباء لكنهم دائما يفضلون ادوية الـ ssri بسبب قلة اعراضها الجانبيه لكن لو تغض النظر عن الاعراض الجانبيه انافرانيل له نتائج مبهره من ناحية الاكتئاب والوسواس خصوصا بالجرعات الكبيره واذا تبي الدليل على كلامي شوف هالموقع واضغط على انافرانيل وشوف وش مكتوب عنه .. http://www.eltabib.com/media/drugs.htm بالمناسبه الدكتور محمد عبدالعليم اثنى على هذا الدواء كثيرا وقال عنه انه ممتاز في علاج الاكتئاب المصحوب بوسواس قهري .. هذه نقطه النقطه الثانيه بما انك تتعب بالحصول على السيروكويل اكس ار تقدر تغيره الى الابليفاي لانه دواء متميز لعلاج حالات الفصام واعراضه الجانيبه تعتبر بسيطه مقارنة بالادويه الاخرى المماثله وطبعا كل هالكلام يكون بعد التخليج الكهربائي لانه بعد ما ترجع لك عافيتك تقدر تغير بالادويه على راحتك مع كورس علاجي لمدة 3 اسابيع مثلا أي انك تاخذ مهدئ بالفتره هذه الى ان تستقر حالتك واذا بتسالني عن اماكن التخليج الكهربائي بالسعوديه اقولك في مكانين لذلك : الاول مستشفى قوى الامن بالرياض .. والثاني مستشفى السعودي الالماني بالرياض وانا ان شاء الله طالع الاردن الاسبوع الجاي علشان اسوي التخليج الكهربائي لانه نصحني الدكتور بذلك وسبق ان جربته |
هلا اخوي
وش معنى التخليج الكهربائي ياليت تشرح لنا هل يفرق عن العلاج بالصدمات الكهربائية |
لا مافي فرق هو نفسه العالج بالصدمات الكهربائيه
شف هذه معلومات عنه من موقع ويكيبيديا http://ar.wikipedia.org/wiki/%D8%B9%...A6%D9%8A%D8%A9 |
هلا اخوي انقذي
انت سويت الصدمات باي مستشفي وكم جلسة وكم سعرها وكيف الطريقة وش حسيت بعدها معليش عل كثرة الاسئلة |
بالنسبة للسيركويل الدكتور قال لي انا بيغير العلاج للابليفاي لكن متخوف صراحه لانه يسبب الارق
والسيركويل اكس ار محسن النوم عندي واذا ماخذيت اتعذب في النوم بعكس اذا اخذت الدواء عل طول نوم يمكن نص ساعة تفكير وبعدها انوم لكن اذا ما خذته اتقلب عل الفراش ساعات واذا نمت انوم 4 ساعات كلها احلام ومتنكد بصراحة الارق مشكلة انا اجيب كمية يمكن اربع علب تكفين اشهر بس ادفع من خمسة الاف ال ستة الاف لكن مب مشكلة السعر لاني مرتاح ماديا لكن مشكلة السفر والخوف من الجمارك انهم يصادرون وعل فكرة انا ما اسافر اخوي الله يطول بعمره هو الي يسافر مساعدني مرة معني احس بالذنب لانه يسافر من الرياض للبحرين بس عشان العلاج |
رحت المستشفى تخيلوا يوم رحت أنا الوحيد فالمستشفى مافيه مراجعين حسيت بشي كان يقولي يأتبن هدي آخرتها.
عموم شكيتله الوضع وعطاني دواء ؤخذته ان شالله ماصحى إلا رائح هالعرض لأنه يملل وأنا مب ناقص أبد بس أنا إلي أعرفه مضادات الاكتئاب هي ال تطول بالمفعول. لأكن أبلفاي متى المفروض أشعر بتحسن ؟؟؟؟ الآن لي ست أيام تقريبا |
هلا منتظر وش عطاك الدكتور وش اسم العلاج
اما ابليفاي اخوي توك استمر عليه شهر او اكثر وش النتائج عشان تحكم عليه صح بحيث انك ما عاد ترجع تجربة ثاني انا طريقة كذا اجرب العلاج واعطيه مدة عشان اذا حكمت عليه ما ارجع له ابدا اخوي منتظر انا حاس فيك ترا الادوية غاليه ليش ما تفتح ملف في مستشفى الامل بالدمام منها علاجات مجانية ومنها تقارير تنفعك واخذ تقارير وقدم عل الضمان الاجتماعي يصرفون لك اعانة شهرية او قدم عل التاهيل الشاهل يعطونك مبلغ كل شهر تفك ازمة |
اخوي منتضر شو السبب اللي وصلك لها الحالة ؟؟ كيف اصبت بالاكتئاب ممكن تذكرلنا قصتك او مراحل مرضك باختصار ؟؟ في حد زعلك او صارلك مشكل كبير وسببلك اكتئاب ورهاب ؟؟
|
اقتباس:
سويتها بالسعودي الالماني قبل سنه وشوي وكانت نتائجه مقبوله نوعا ما خففت عندي الاكتئاب بشكل كبير الحمد لله بس طلع عندي القلق لان الاكتئاب اختفى عدد الجلسات من 6الى 12 وسعر الكورس 2500 ريال والكورس عباره عن 6 جلسات وطريقتها سهله جدا بس يحصل معاك نسيان مؤقت وبعدها ترجع الامور الى طبيعتها |
اقتباس:
مشكور والله يجزاك خير افكر اسويها والله يكتب الي فيه خير |
هاا وين البقيه يشاركونا بالادويه الي ياخذونها
الموضوع مهم عشان نعرف كل واحد اش علاجه والتحسن الي صارله |
وانت اخوي منتضر ليش ما تبغى تحكيلنا قصة مرضك وكيف جاك الاكتئاب ؟؟ معقول جاك فجاة كداا ؟؟ انا قريت اليوم موضوع ان الحب يساعدك في التخلص من الاكتئاب جرب تخطب وتحب بنت ناس وبتشوف حياتك كيف رح تتغير
|
| الساعة الآن 10:31 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا