|
متعافي من الرهاب
بسم الله الرحمن الرحيم
متعافي من الرهاب |
حياك الله في هذه المسابقة واتمنى ان تكون من احد الفائزين بها ..
ما نوع الرهاب الذي تعاني منه اذكر التفاصيل بشكل مختصر |
يارب الله يسمع منكك
انا مشكلتي بأختصار قبل 7 سنوات وانا اعاني من مشكلة وهي أحمرار الوجه أمام الناس في البدايه كنت أعتقد أنها راح تكون فتره وتعدي و للأسف كل مالي أزداد سوء وأكثر من قبل ! كل ما أروح للعزايم أو يكون عندنا مناسبة أو أروح لمجمعات عامه أو أي مكان فيه تجمع للناس على طول وجهي يقلب لونه أحمر ويعرق وجهي أمامهم وأتلعثم بالكلام اذا حسيت بأحمرار وجهي ! أنا بصراحه قاطعت الناس وما أطلع من البيت الأ قليل خوفا من الناس أن يروا وجهي أحمر تخيل في يوم العيد أفطرت مع أهلي في مطعم بعد ان بدوا بالحديث معي وشفتهم كلهم يناظروني على طول خفت وحمر وجهي وكنت ودي أنحاش من المكان الي أنا فيه بس طنشت وكملت حديثي مع الرغم أني حسيت بالأحمرار ونظراتهم لي بأستغراب ! بصراحه كل تفكيري سلبي لما يجيبون لي طاري اليوم بنروح لعزيمة فلان أو بكره بيكون عندنا عشاء أو بكره بنحضر عرس فلان على طول يجيني خوف من هذه المناسبات وأفكر أني أدور لي عذر و ما أحضر واذا حضرت بالغصب اجي اسلم ع الناس ووجهي أحمر ومايمديني أجلس الأ ع طول أطلع برى واذا حطوا العشاء ماقدر اكل معهم وجهي على طول يصير أحمر وأكون دايم ع الصامت ما أتكلم عشان مايشوفون وجهي بهذا الشكل ! أنا الحين عمري 25 وعاطل عن العمل وأقسم بالله ودي اتوظف ودي أتزوج ودي ألحق على عمري بس الرهاب موقف قدامي مع العلم أني واجهت الناس اذا كان عندنا عشاء وجهي زي الطماطم لما أصبلهم القهوه والشاي ويعرق وجهي ودي أتخلص من مشكلتي بس ماقدرت لحد الأن والوضع مثل ماهو ! أنا مستعد أنفذ كل الي تطلبه مني والله لن أنساكك من الدعاء اذا الله شافني من بعدكك تحياتي لكك |
اليوم العصر جاء خالي يزورنا سلمت عليه وجلست معه وأسولف الأ وجهي يحمر قمت طلعت غصبن عني ورجعت مره ثانيه أكمل السالفه له !!
ورحت جبت القهوه والشاهي وصبيت له وجهي حمر مره ثانيه ! وبعدها قمت على طول ورجعت مره ثالثه ! تعبت والله من أحمرار الوجه حسبي الله ونعم الوكيل بس |
من اي منطقة انت عشان ادلك على معالج سلوكي يشخص الحالة
|
انا من الرياض حي النهضه
|
والله في دكتور اعرفه اسمه بندر العتيبي في الرياض هو معالج سلوكي ولكن اذا تقدر تروح الشرقيه راح ادلك على نفس الطبيب اللي تعالجت انا عنده واسمه محمد المقهوي ..عموما بندر كويس وجيته من زمان لكن مادري حسب رغبتك انت
|
اقتباس:
أخوي أنا الوضع عندي عادي مافرقت سواء الشرقية أو الرياض أبي الأفضل منهم وأنت وش تنصحني فيه لبندر أو محمد ؟ واذا تبيني أروح للشرقية أهم شي عطني الوصف وكم راح تكون عدد الجلسات اذا جيت عند محمد المقهوي ؟ وأهم شي كم الأسعار عشان أكون على بينه قبل لا أمشي للشرقية وأخذ أحتياطاتي بأنتظارك |
والله محمد المقهوي ابيه يشخصلك الحالة ويصرف لك العلاج وتتابع معه دوائياً ويعطيك بعض المهارات وبعد كذا راح اكلم لك د. بندر العتيبي وتزوره وان ماعجبك يصير خلك مستمر على نصائح د. محمد المقهوي هاتفياً
راح اتصل فيه اليوم واسأله وبعد كذا ناخذ الموافقه من الادارة بحيث امرر لك رقم عيادته |
جزاككك الله الف خير أخوي محمد والله يجعلها في ميزان حسناتكك يارب
بأنتظاركك وماقصرت يالغالي |
اذهب الى عيادة الدكتور سليمان الصغير ..
واطلب الدخول الى د. بندر العتيبي .. او خذ موعد لديه , وقوله انك رسلني لك أ.محمد الكريديس وماراح يقصر ان شاء الله معك .. لأن الدكتور محمد المقهوي في اجازه الأن وابيك تروح عند بندر يشخص حالتك ويشوف هل تحتاج الى تدخل علاج دوائي ام لا .. لأن اتوقع والله اعلم حالتك بسيطه جداً وماتحتاج الى ادوية وراح ترتاح بالجلسات السلوكية مع الدكتور بندر ان شاء الله .. شوف وش يصير معك وعلمني . |
أسف على تأخير الرد
جزاكك الله خير اخوي محمد ماقصرت ربي يسعدكك أمس ماقدرت أروح للعيادة لأن جونا أهل عمي وكان عندنا عشاء لهم واليوم فيه عرس وبكره فيه ملكة لأختي أنواع العذاب بالنسبه لي أحاول التهرب بقدر المستطاع ! بحاول أروح اليوم العصر اذا ما أمداني بروح يوم السبت أن شاء الله اليومين ذي كلها مشغول الله يعين بس |
أمس رحت للملز أدور عياة سليمان الصغير ماحصلته !
ورحت لمركز مطمئة الطبي ولقيت عندهم حضور محاضرات مجانية تخص الرهاب الأجتماعي ياليت اخوي محمد لو تعرف مكان عيادة سليمان الصغير ي ليت توصف لي بالضبط ! |
والله بحاول اجيب لك رقم العيادة ، لكن ليت لو تجرب تكتب في قوقل يمكن تلقا رقمهم وراح يوصفون لك المكان بالضبط وخذ موعد مره وحده
|
بحثت في قوقل ولقيت أرقامهم بس يوم أدق عليهم يقولي الرقم غير صحيح !!
|
طيب راح احاول اشوف لك الرقم حقهم ان شاء الله
|
اعمل موعد عند الدكتور بندر العتيبي0112067078
|
معليش أخوي محمد والله منحرج منككك أسسسسف ع التأخير لظروف خارجه عن أرادتي !
أن شاء الله اليوم بتصل عليهم وأحجز موعد مع بندر العتيبي أن شاء الله وراح أخبرككك وش بيصير معي الله يحفظكك يارب . |
أخ ـوي محمد الرقم الي عطيتني دقيت عليهم مايردون
دقيت أكثر من مره ولا واحد رد علي !! جاء في بالي مركز مطمئنة الطبي بالرياض دقيت عليهم قبل شوي وحجزت موعد مع الأخصائي رضا السيد يوم االأثنين الساعه 10 مساء وأن شاء الله تزين الأمور يارب . |
اعرف رضا السيد ورحت له من قبل وماستفدت ولا شي لأنه انسان جاهل للاسف ومايعطيك فرصه للكلام والتعبير .. حاول تتصل في اوقات دوامهم من العصر الى 9 بالليل واتوقع الصباح فاتحين بعد
|
انصحك اسحب على مطمئنة لأن جدا جدا جدا ماديين وهدفهم الماده والجميع يعرف هالشي .. اليوم المركز اللي عطيتك رقمه مقفلين لان جمعه اتذكر يداومون من الاحد او السبت ،
|
أبشر وراح أسحب ع مطمئنة وأكنسل الموعد
توني حجزت موعد مع بندر العتيبي يوم الأربعاء الساعه 5 ونص العصر ومن الربكه ماسئلت وين موقعهم وكم سعر الجلسه الاولى ! وراح أخبركك ان شاء الله وش يصير معي اذا قابلت الأخصائي بندر العتيبي الله يجزاكك خير ي محمد . |
بشرني وش صار معك
|
لي عوووووووده أن شاء الله
رحت للدكتور بندر العتيبي وشكيت له وقالي الي فيكك رهاب أجتماعي وقالي عندنا علاجين للرهاب علاج دوائي وعلاج سلوكي
عطاني بعض النقاط وخلاني أكتبها ع دفتر صغير وعطاني ورقة مطبوعه وقالي أفهم معانيها وكل يوم سوء تمرين أسترخاء ووقف قدام المرايه قول أنا الأفضل أنا الأحسن وترى الي فيكك مجرد أوهاممم وروح زور أقاربككك وترى أنت مافيككك شي وتعالي بعد أسبوعين !!! بصراحه أنا أحس مافي أي تغير ! يمكن يبيلها وقت مادري ؟؟ وصرت أبحث عن حلول للرهاب باليوتيوب فطحت بالصدفه مقطع عن التقنية الحرية النفسيه بصراحه أنصدمت من شفت المقطع فيه ناس كثير تشافوا من أمراض نفسيه وجسديه ! ومن ضمنهم الي يعانون من الرهاب الأجتماعي والتقنية طريقة سهله وحلوه وكنت بجربها في البيت فقلت لا لازم أروح لنفس الدكتور عشان أطبق التقنية بالشكل الصحيح عشان أطلع بنتيجة أيجابية واليوم بدق ع الدكتور حمود العبري وبحجز معه مووعد وأنا متفائل مع تطبيق التقنية الحريه النفسيه سأأأأأأنجح بأذن الله . |
اقتباس:
كلام الدكتور بندر صحيح ، وبالنسبه لتقنية الحرية النفسية فَ انا معالج وممارس من خلالها وتدربت تحت يد الأستاذ حمود العبري واذا رحت له بلغه سلامي والتقنية سهله جداً وان شاء الله انك تستفيد منها |
| الساعة الآن 05:29 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا