|
نوبة هلع قويه ارجوا منكم مساعدتي
السلام عليكم
باختصار يا اخواني واخواتي انا اعاني من عشر سنين من مرض نفسي ماعرفه المستشفيات الحكوميه يقولون اكتئاب حاد وفيه اخصائي عن طريق موقع اسلام ويب شرحت له حالتي قال اصلها وسواس قهري وتطور اختلال الانيه لانك ماعالجت الوسواس المهم قبل 10 ايام تقريبا رحت خطبت بنت من مدينة غير مدينتي ويوم رجعت رحت بعد يومين اخلص اوراقها لانها غير سعوديه وادعوا لي ياخوان ان الله يتم لانها شوي معقده الانظمه المهم جاني اكتئاب قوي وضيقه وخوف وهلع شديد في الليل جلست يومين ماقدرت اتحمل ناديت امي واخوي واجلس ابكي من قوة الخوف والهلع والاكتئاب والضيقه طبعا مع افكار الموت واني لست معا الله وعندي معاصي المهم حاله مفجعه وصرت اخاف من الظلام والوحده وجلست يومين مانام وقلق قالوا اخواني حلل جرثومة المعده هي تسبب كذا حللت طلعت عندي بس يقول الدكتور معدلها خفيف وماتسوي هذا فيك بس تعرفون الغريق يتعلق بقشه واخذت علاجها بس ماتحملت اعراضه واخذت الزبادي مع الثوم والعسل مع قشر الرمان و5 ايام وبطلت الزبادي والثوم زي ماقال اخوي وباقي على العسل واحس هدات وخفيت بس احس المرض كامن فيني اي لحظه بنفجر بنوبه ثانيه تكفوون ارشدوني واللي مر بمثل حالتي يخبرني ويسليني واللي تعالج يقول ايش هو العلاج فانا في حاجتكم بعد الله هذا اللي اذكره جاني ويمكن نسيت اشياء ثانيه ولكن حاله ماتطاق بذات الاكتئاب بيقتلني احس حاجه تسري في قلبي مثل العصاره وتجيب اكتئاب وتذكرت كمان بطني احس ماني مرتاح منه اثناء النوبه ويجيني منه نغزات تزيد الحاله وسلامتكم 00``00` |
أخي الكريم الله غفور رحيم حتى وإن كانت لديك معاصي كثيرة أنصحك بعدم التفكير بهذا الموضوع على الإطلاق ودع شأنك للخالق وتذكر دائماً بأن التفكير السليم طريق لحياة سعيدة اما بالنسبة للخوف والإكتئاب والتفكير بالموت والأموات هناك تقنيات سلوكية ابحث عنها هنا او في اي مكان واقراءها بتمعن وقوم بتطبيقها وسوف تشعر بالراحه خلال أسبوع واحد عفاك الله |
مشكور اخوي الشاكر
وانتظر رد الجميع ومساعدتي |
يا اخي جرثومة المعده ذي نصبه كل الناس يقولون لهم فيك جرثومه المستشفيات هذي كذابه خصوصا الخاصه
|
جرب تمشي اثناء النوبة انا اذا جتني امشي او اهرب وتخف شوي
|
مابيك غير العافي اخي
من اهم اﻷشياء اللي تخلي الهلع يتمسك بنا هو انتظار وترقب النوبة انصحك اخي بعدم الخوف منها وﻻ تنتظرها عود نفسك على التفكير بأيجابية دائما اقنع نفسك بأنها نوبة عابرة اعراضها بسبب الخوف منها تمم الله لك بالخير والتوفيق |
الله يسعد كل من رد على موضوعي وواساني
انا ياخوان لي قرابة عشر سنين وانا ما ادري ايش فيني اذا حبيتم اقول قصتي لكم وحالتي لعل الله ان يجعل هذا المنتدى ومن فيه سبب لشفائي واذا بس بقولها ومافيه تفاعل وكذا اشوف اسكت افضل لي لاني احس بغربه ابي اصدقاء واصحاب لي احس اني في عالم ثاني |
طيب ليش ماتسوي تحليل شعر بالكويت يخبرونك بكل شي فيك
|
فضفض أخوي كلنا أذان صاغية وإن شاء الله نفيدك بالي نقدر عليه احنا كلنا أهل هنا
|
طمننا عليك اخي هل من تحسن؟
|
طيب ليش ماتسوي تحليل شعر بالكويت يخبرونك بكل شي فيك
هلا اختي مافهمتك ايش تحليل شعر وبعدين يااختي انا من السعوديه هلا كلي امل ابشري بفضفض هلا مجموعة ورد نزلت جده قبل يومين ويوم رجعت حسيت حالتي سيئه صح اني هادي واهدأ من اول يوم جتني النوبه ولله الحمد بس تجيني افكار بين الحين وااخر تجيب الاكتئاب اتذكر معاصي سويتها والشيطان يوسوس انه مابيغفر لي وكذا وفجاه تروح وشوي اتذكر اشياء محزنه غصب عني واحزن وجالس اقاوم قصتي يا احبتي من عشر سنين كنت جالس طبيعي وشوي حسيت فكري ونفسيتي اختلفت صار فكري في الله وفي العالم الغيبي وابغى اتذكر من انا وماهو ماضي وما استطيع جلست ابكي واطالع في اهلي ولا اعرف احد منهم المهم عشت خمس شهور الله لايوريكم اكتئاب وحزن وانفصال عن الواقع وفجاه كاني صحيت من حلم وجلست سنه ونصف تقريبا ورجعت لي الحاله وانا لي عشر سنوات وانا غريب عن نفسي وعن الواقع وشفت فيها العجب العجاب تخيلات وتقمص شخصيات واحيان يغمى علي تقريبا وعايش وانا لا اعرف نفسي ولا احس بما حولي واحيان تجدني مثل الطفل تفكيري صغير واحيان فكري اكبر مني لكن خلاص تعايشت مع العالم الجديد 10 سنوات ونسيت عالم الناس والواقع تقريبا ولكن قبل 15 يوم جتني نوبة الاكتئاب هذي والخوف والهلع وصرت اخاف من الظلام احيانا وما اقدر اجلس وحدي واحس اني وحدي بها العالم يوم تهدا الحاله واحيان تزيد ولو اني الحمد لله اخف من هجمتها اول وما خفي اعظم والله اسال الله الشفاء لي ولكم وابي اصدقاء يفهموني ويكونون دوم معاااي |
اول شيء مبروك اخوي مقدمًا وعسى ربي يتممها ويسهل عليك كل أمورك يارب ويوفقك دنيا وأخرة .. بخصوص كلامك عن إسلام ويب .. المعذرة اخوي لكن هالموقع عليهم كذب ومباااااالغة بوصف الحالات بشكل جدا سخيف .. اجل انا أصابتني وساوس المرض لمدة ثلاث شهور على طووول وصفوها بأنها وسواس قهري وصعب شفائه وشوفني الللحين الحمدلله تشافيت منه ولا طعت كلامهم ابد بخصوص المعاصي وانا اختك كلنا نخطئ ومافي شخص ما أخطئ وأذنب حتى رسولنا اللهم صل وسلم عليه اخطئ وأذنب ومافيه احد معصوم من الخطا والذنب وربنا سبحانه يقول لو بلغت ذنوبك عنان السماء واستغفرت لي لأغفر لك وربنا يحب التائب .. واستغفرالله العظيم الذي لا إله الا هو الحي القيوم واتوب إليه ثلاث مرات بحد ذاتها توبة وتغفر جميييع ذنوبك ومعاصيك .. هذي الأفكار اللي تجيك بأن الله مارح يغفر لك .. أبصم لك بالعشرة انها مو وسواس قهري واذا احد قال لك وسواس قهري جيبه لي خلني اكفخه .. هي أصلاً وسوسة من الشيطان وكلنا يوسوس لنا الشيطان بأننا نعصي والله مارح يغفرلنا .. طيب هل نطيعه ؟ اكيد لا اعرف لك ناس مايعرفون الصلاة ودائما معاصي وذنوب .. لكن اشوفهم اللحين مطاوعة وشيوخ وبعضهم زاد ايمانه وحتى لو يفعل معاصي ماقالو ربنا مارح يغفر لنا .. لا وانا اختك الدين يسر وربنا غفور سبحانه يحب عباده ويحبك انت لأنك تطيعه .. فليش الخوف والحزن .. اللي عليك واللي ابيه منك انك تعصي وساوس الشيطان .. قول انا الحمدلله تائب لربي وربي غفور ورحيم ومارح أسمع لهالوساوس .. هنا يبدى الشيطان يذكرك ويقول لا مارح يغفرلك .. انت دورك انك تتجاهله .. وشوف ترا الله تعالى قال بكتابه ( إن كيد الشيطان كان ضعيفًا) يعني يوسوس لك ليش ؟ عشانك تطيع ربي ومسلم وملتزم وهو يبي يعيشك في حزن وهم ويكرهك بحياتك .. عشان كذا تزداد الوساوس والمخاوف والهموم والاكتئاب عندك .. لكن لو نظرت أنها من الشيطان والواجب نستعيذ منه ونعصيه لأنه عدو الله بأذن الله بتترك كل هالوساوس والمخاوف والإكتئاب وراك ولا ترجع لك ابدًا وبخصوص نوبة الهلع .. نعم نوبة الهلع رغم انها متعبة وأعراضها كثيره لكنها هي ( أتفه شيء في علم النفس ) جدا سخييفة وتدري لو تتجاهلها مره ثم مره ( وبتزداد عليك لأنك تحاول تتركها ) ثم تحاول وتتحاول وبأذن الله بتتخلص منها تمامًا .. كذلك أختلال الأنية التجاهل بتخف بتخف ثم تختفي تمامًا ليش ؟؟ لأنك مو معطيها وجه انا اذكر لك اول ماجتني نوبة الهلع جلست 3 اسابيع احسبه الموت والله وكيلك .. وخوف واحس بنغزات وضعفت شهيتي وضعف وزني وإكتئاب واعراض نوبة الهلع المتعبة .. ومثلي مثلك رحت لإسلام ويب ولعبوا فيني هم اللي زادوا علي الوساوس هههههههههه وقالوا فيني وسواس قهري وطنشتهم .. ألين قرأت عن نوبة الهلع وعرفت أن اللي فيني هي نوبة الهلع اصلاً واعراضها تمامًا نفس اللي يصير لي .. هنا الحمدلله خفت وساوس الموت ووساوس المرض وركزت على نوبة الهلع .. وبديت أدرب نفسي بأن اتجاهلها .. ولااخفيك انها زادت علي عشانها ماتبي تتركني بس حاولت وفشلت ثم حاوت وفشلت ثم حاولت وتخلصت منها الحمدلله وأذا عندك أي سؤال انا جاهزة والكل هنا معك ونقدر نساعدك لاننا نحس باللي تحسه وأكثر .. تقبل ردي ~ |
الله يسعدك اخت رهايف
انا احب يوم واحد يرد على موضوعي لاني احس بوحده وغربه فيوم احد يتجاوب معااي ارتاح الله يريحك دنيا واخره اختي انا مريض من عشر سنين بس الله اعانني وتعايشت مع حالتي وغربتي وشخصيتي اللتي فرضت علي ونسيت فهد الاول كانه مات وانا شخص اخر بس فهد القديم داخلي سيشافيني الله يوم من الايام باذنه سبحانه لكن نوبة الهلع والخوف والاكتئاب اللي جتني الله لايوريك شيء فضيع لايحتمل اطلاقا وهي جتني بعد خطبتي بيوم قالوا اهلي يمكن مس عاشق لاني فسرت كذا حلم قالوا المفسرين مس عاشق وزاد هذا من وسواسي انا اسولف الحين ومسيطر على نفسي بس اذا جت النوبه والله لايجيبها لاتسالين عن حالتي شيء مؤلم بكاء وحزن وضيقه بتفجر قلبي واحس بوحده وهلع حتى الظلام اخافه والباب ما اقفله ولازم احد من اهلي ينام معاي والله المستعان ومشكوره على مباركتك لي بالخطبه ادعي لي ان الله ييسرها لي لان فيها كذا عقده |
باختصاااار شديد
خذ لك دوجماتيل 3 مرات باليوم بعد كل وجبة وسبرالكس نصف حبة بعد العشاء وبإذن الله بتعيش طبيعي |
هلا اختي ام نوره
يا اختي العلاج النفسي مافاد معي وبعدين اعراضه ما اتحملها مشكوره على ردك دعواتك |
أنت بحاجة إلى جلسات سلوكية مكثفة
|
كيف اخوي جلسات سلوكيه وهل الجلسات السلوكيه ستذهب المرض اللي اعرف نعم تخفف وتهدي في نفس الوقت لكن الواحد ينسى معا مرور الوقت جميع ماقيل
|
الله ييسرها لك ومارح انساك من الدعاء اخوي ..
بس اخوي طيب هل اعراض المس فيك ؟؟ وترا المفسرين بعضهم يغلط وبعضهم يكون صحيح .. حتى بتفسيرهم يقولون اذا اصبت فهو مني واذا اخطئت فهو من الشيطان مو كل تفسير صحيح .. ماعليك من الوساوس تفائل وتوكل على الله ولن يضرك شيء بأذن الله ولا تنسى اذكار الصباح والمساء ~ |
واذا عندك سؤال انا موجودة ولا يردك شيء ~
|
اخي فهد هل سبب نوبات الهلع عندك هو الخوف من الموت ؟؟
|
مشكوره اختي رهايف
ياختي انا ماعاد ادري ايش فيني تخيلي احس حياتي كذا فكره في راسي بس ولا افهم شيء غيرها والمشكله الناس يقولون عني ذكي وافهم وانا مدري عن شيء احس ءاله وعقل باطني يتكلم عني لاني لا احس ان معي قلب ومشاعر لايوجد الله المستعان ياختي نوبة الهلع جتني قبل شهر تقريبا رجعت من سفر رحت خطبت الا لي عشر سنين صح احس اني عايش بشخصيه لان فهد قبل عشر سنين مازال مختفي عسا الله ان يبعثه مره ثانيه اعذروني فهذا اللي احسه فجاني اكتئاب وهلع وخوف ماعرف السبب ومعه طبعا افكار اني بموت وينحصر الفكر على معاصي الواحد وهكذا بس الحين صح مافيه بها القوه بس احس راسي فاضي ولا افهم احد واحيان اكتئاب كان عقلي شريط اخبار يعرض ما فيه وكمان عندي شعور بالوحده يارب اشفني واشف كل مريض اطلب من كل من قرا كلامي الدعاء لي بظهر الغيب واوقات الاستجابه فرب دعاء مسموع من رب رحيم |
علاج نوبات الهلع و اي مرض نفسي يعتمد على هاتته الاسس التالية - العلاج المعرفي السلوكي و دلك بمواجهة و تصحيح الافكار الخاطئة. -الواجبات الدينية و هادا على ما اضن ان تهتم به اكتر . -النضام الغدائي اضف اليه بعض المعادن و الفيتامينات B-COMPLEX+ZINC+MANGANZUM+OMEGA 3و الا قلاع نهاااااااااءيا عن العادات السيئة من تدخين و ما الا غير دلك... -الرياضة تم الرياضة تم الرياضة خطوة خطوة بدءا بالمشي ...الى اقوى الرياضات و لا سياما الرياضات الجماعية و امام جمهور و هده قاتلة للرهاب ان تتبعت هده النصائح ف انشاء الله لن تحتاج الى علاج دوائي -العلاج الدوائي في الغالب تكون احدى مضادات الاكتئاب الحديتة+اما مضاد دهان بجرعة صغيرة او احد مضادات الاكتئاب تلاتية الحلقات -انطلاقا من تجربتي فان قاهر الهلع هو ديروكسات و يضاف اليه سيرمونتيل و ممكن ايضا سيبرالكس ...بروزاك هههه لا انصح به .هو جيد للاكتئاب و ليس للقلق. فيا اخي لا تقنط من رحمة الله ...و اتمنى من العلي القدير ان يشفيك و يشفي مرضى المسلمين |
الله يسعد كل من رد على موضوعي
ياخواني الحين عندما اصحى شوي ويجيني الاكتئاب وكسرت الخاطر وكره كل شيء واجلس كذا تقريبا حتى قرب الفجر بساعتين فاحس بتحسن خفيف وانام بعد الفجر وهكذا الله المستعان واحيان يوم بطني خالي ارتاح شوي ويوم اكل تقلب نفسيتي مع صوت في بطني وتقلبات الله يجعل الحياه زياده لنا في كل خير والموت راحه لنا من كل شر |
يا اخي الجهاز الهضمي خصوصا القولون له علاقة وطيدة بالجهاز العصبي ..فلهادا يجب الاهتمام بالنضام الغدائي الاكتار من الماء و الاغدية المتكونة من الشعير من حساء و خبز الامتناع عن الحار و المشروبا ت الغازية والدهنيات المقليات و البقوليات ...الخ ممكن تضيف بعض الفيتامينات b-complex+magnesium+zinc+لا تدخين لا كحول+رياضة و راحة
|
مشكور اخوي مغربي
|
اخي فهد روح شوف دكتور العلاج بسيط جدا باذن الله ,
|
ترا اخوي عندي امل طول العشر سنين ذي وانا اروح واتردد صح ماستمر على العلاج من اول مررره يلعب فينا باثاره الجانبيه وانا حساس مررره من هالناحيه
الا البروزاك طولت يمكن 3 شهور وكل يوم ثلاث حبات بس حسيته بلا فائده كذبه |
طيب جربت السيبرالكس ؟
|
اقترحه على الدكتور وتدرج بزيادة الجرعة وبصير خيير ان شاء الله
|
السيبرالكس مدري جربته او لا
ماكنت اهتم باسماء الحبوب يوم يعطوني فيه وحده هنا نصحتني به مع الدوجماتيل دعواتكم لي |
| الساعة الآن 06:48 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا