سيبرالكس + زيبريكسا + ابليفاي
 

هلا ياخواني وخواتي
توي راجع من مستشفى الصحه النفسيه وعطاني الدكتور الحبوب اللي ذكرتها لكم في العنوان
التخطيط اللي سويته قبل كم يوم للدماغ طلع سليم ولله الحمد
بنجرب هالحبوب والله يكتب الخير
دعواتكم

ماتشوف شر اخوي فهد
انا استخدم السيبرالكس 30 ملغم والزيبركسا 5ملغم
لي شهر وماحسيت بشي وبراجع الدكتور ويمكن يزيدلي الجرعه

اليبرالكس حق الرهاب والاكتئاب
والزايبركسا وابليفاي للفصام وثنائي القطب
انت شنو فيك بالضبط

هلا اخوي
مدري اكتئاب وسواس هلع خوف رهاب
وحالتي لها 10 سنين
الله يجعل الحياه زياده لنا في كل خير والموت راحه لنا من كل شر
انا اعطاني
سيبرالكس 10 مليجرام
زيبركسا 5 مليجرام
وابليفاي 10 مليجرام

أحيانا يُضاف أدوية مضادة للذهان كي تساعد الدواء الأساسي للرهاب وغالباً يكون الدواء المساعد مؤقت .

عسا الله يشافيك
انا للمره الاوله زيارتي لطبيب وصف لي السيروكسات 25 وابليفاي 10 واكلتهم وشعرت بخمول شديد جدا لمدة 3 ايام وزرت الطبيب قال ماناسب جسمك نغيره وعطاني السيبرالكس والزايبركسا والحمدالله مااشعر بالخمول ولكن تحسنت شي بسيط جداً ابراجع الدكتور لكي يزيد الجرعه ولا يغير لي العلاج
واسأل الله لك الشفاء العاجل

امييييين اخوي ويشفيك ويعافيك من كل بلاء
ويحسن لنا الخاتمه

الله يشفيك اخوي فهد

ان شاء الله تتحسن مع الدواء ويكون فال خير عليك

اميييييين
الله يسعدك اخوي محمد

السيبريليكس اول دواء استخدمته لم يناسبني فترة و تركته وكان معه دواء منوم شديد لدرجة اخذه وأنام حتى في السيارة مع اني لا احب النوم في السيارة

الله يشفيك و يشفينا و نفتك من هذي. الادوية

اميييين اخوي ساهر

هلا بالجميع
امس اول يوم اخذت حبة سيبراليكس في الظهر يوم رجعت من المستشفى حسيت بنشاط خفيف المهم جاء الليل وهو اخذ فيه سيبراليكس وزيبركسا و ابليفاي مرني ولد عمي ونزلت معاه مكه متردد اخذ الحبوب او لا سميت بالله وبلعتها ويوم جاء مفعولها حسيت الدوخه والخمول وكاني في عالم ثاااني لكن الحمد لله على كل حال راح ولد عمي اخذ عمره وانا يالله صليت ركعتين قدام الكعبه ورحت حطيت راسي من الدوخه والخموول والسطله ونفسيه واطالع الناااس واحس يطالعوني المهم الحبوب وسوست بي المهم كثرت من شرب زمزم جا ولد عمي ماصدقت ابي نمشي نطلع الطايف وشوي وانا بالتوسعه وحراره في بطني ماعمري جات مثل هالحراره ودوخه وكان بيغمى علي ولد عمي كان بعيد شوي يسولف كلمت واحد قلت نادي لي الرجال ذاك المهم جاني وعلى طول الطواري في مستشفى اجياد وانا طراااش وبقوه الله يكررمكم اعطوني مغذي وفيها ابره مدري ليش هالابره وبعدها عطوني حبوب زنتاك على ماظن وجينا الطايف
اسف طولت
لكن ايش اسوي اليوم اخذ منها بتلعب فيني مثل امس الله لايوريكم
ابي مساعدتكم تكفوووون
والى اللحين ماخذت اي حبوب توي صاحي قبل شوي

سلامتك ماتشوف شر

والله مادري وش اقول لك بس الي متاكده منه انك لازم تكلم الطبيب وتقول له كل الاعراض الي حصلت لك

الله يشفيك

اخوي فهد لا ادري لكن اتوقع ان ما حصل لك سببه الخوف والوسوسة من الدواء و
لذلك عد الى تناوله وحاول تسيطر على خوفك وقلقك وانشاء الله ما يسويلك شيء

الشر مايجيك سااااره
اخوي عبدالله اي خوووف ماني خايف اخذته بس لعب فيني احس اني في عالم ثاني ورب الكعبه شعووور متعب وبعدها جات الحررارره الشديده
دعواتكم

ماتشوف شر أخوي فهد الغريب وبصراحة مستغرب من الأعراض اللي انت واجهتها،أنا جربت السيبرالكس وأبيليفاي مافي أي مشاكل وجربت زيبركسا قبل فترة كان نوعا ما يفيدني بس كان مسبب لي الخمول الزائد وتركته بس ودي أسألك هل أفادك السيبرالكس من أي ناحية معينة؟والأبيليفاي كمان هل أفادك من أي ناحية معينة؟

اكاد اجزم ان الغثيان والدوار الذي اصابك هو نتيجة تناولك للزيبريكسا

هذا الدواء فعل فيني الافاعيل

سلامات اخوي فهد
انا اول دواء اخذته السيروكسات وابليفاي وسببلي خمول شديد وتعب ودوخه ورحت المستشفى وحطوني مغذي وراجعت الدكتور وغير لي الدواء واخذت السيبرالكس والزايبركسا والحمدالله لا خمول ولا دوخه
ترا العلاج علا حسب جسمك يتقبله او لا راجع دكتورك وعلمه عن حالتك يمكن يغير علاجك

ها
ربما مثل ما ذكرت الاخت سارون

ما تشوف شر اخوي فهد

لازم تخبر الدكتور بالاعراض الي جتك يمكن يغير الدواء

الله يسعد كل من رد وشارك بموضوعي دنيا واخره
اخوي محمد راجح حسيت السيبراليكس نشطني وحسيت بحيويه معاه
اما الاثنين الذي ذكرتهم الزايبركسا والابليفاي مدري اي واحد سبب لي الاعراض اللي ذكرتها سابقا لاني اخذتهم مع بعض ويوم ونصف وانا نااايم تقريبا هذا غير بطني في البدايه حررارره كان نار شبت في بطني واستفرغ بقوووه
الحمد لله على كل حال
امس ماستخدمت العلاج ولا اليوووم
افكر في الليل استخدم السيبراليكس وحده

سااارون ممكمن اعرف ايش سوا معااك الزيبريكسا

ممكن يكون اللي سبب لك الأعراض الجانبية هو زيبريكسا وأنا كمان مستغرب ليه الدكتور وصف لك أبيليفاي مع زيبركسا لأن الاثنين مضادات للفصام يعني أعتقد كان واحد منهم يكفي بجانب سيبرالكس خصوصا أبيليفاي،فأعتقد انه وصفها لك عشان الوساوس،فحسب تجربتي الشخصية لهذي الأدوية أبيليفاي أفضل من زيبركسا وكمان أعراضه أقل من زيبركسا وإذا كنت تحس بخمول زائد فأنا أعتقد انه من زيبركسا عموما حبيت أقول لك أسأل الله سبحانه وتعالى أن يشفيك وكمان حبيت أقول لك أنا استخدمت أبيليفاي وأفادني من ناحية الأفكار السلبية وكمان سيبرالكس أفادني من ناحية التفكير اليومي لأشياء لاتستحق التفكير وآثارهم الجانبية خفيفة جداً فلا تخاف من أبيليفاي وسيبرالكس،هذا الكلام اللي أقوله لك طبعاً بناءً على تجربتي الشخصية لهذي الأدوية بس ما أدري هل بتناسبك هالأدوية مثلي أو لا ،ربنا يشفيك ويعافيك ان شاء الله

ويشفيك ويعافيك اخوي محمد
بشوف الدكتور بعد اسبوعين عندي موعد وبكلمه ان شاء الله

قول ممكمن أعرف وش الي ماسواه معي الزيبركسا

سوالي صعقات كهربائية في جسمي

دوخة قوووووية

خمول

بلادة

كثرة نوم

فتح شهيتي وزاد وزني بطريقة جنونية

الله المستعان
انا بطلته هو وصاحبه
الحين اخذ السيبرالكس بس
والله يكتب الخير