تجاربكم مع الأبيليفاي معشر المكتئبين
 

وصف لي الدكتور اليوم علاج الابيليفاي مع الكيمادرين

اريد معلومات عن هذا الدواء وتجاربكم معاه

اجيبوني مشكورين

مضاد للذهان. وهو يعمل عن طريق تغيير الإجراءات للمواد الكيميائية في الدماغ. ويستخدم لعلاج أعراض ظروف نفسية مثل الفصام والاضطراب الثنائي القطب (الهوس والاكتئاب). كما يتم استخدامه جنبا إلى جنب مع الأدوية الأخرى لعلاج اضطراب الاكتئاب الكبرى في البالغين. ويستخدم أيضا لعلاج التهيج وأعراض العدوان، وتقلب المزاج، ونوبات الغضب، وإصابة النفس المتصلة اضطراب التوحد لدى الأطفال الذين هم لا يقل عن 6 سنوات من العمر

شكراً اخي رعد

انا عندي ثنائي قطب وصف لي العلاج كمثبت للمزاج على ما اعتقد

والكيمادرين وش يبي ؟!

شفاكي الله اختي سارونة

شكراً عندي أمل وإياك

أنا لي سنة وشهرين تقريبا أستخدم أبيليفاي وبصراحة ممتاااااااااااااااااااااااز ساعدني في التخلص من الأفكار السلبية اللي كانت تجيني يومياً،ربنا يشفيكِ سارون

شكرا محمد

طيب جتك اعراض جانبية ؟

انا اخذته امس واحس بدوخة وزغللة في العين بتستمر هذي الاعراض ولا بتوقف مع الوقت :/

أتذكر تقريباً ماسبب لي أعراض غير ألم خفيف في الراس مؤقتاً وراح

أعتقد ان الأعراض اللي جائتك مؤقتة وليست مستمرة،وطبعاً في ناس يناسبهم هالدواء وفي ناس لا،وحطي في بالك ان مافي دواء إلا وله أعراض جانبية بس بشكل عام هالدواء حلو وسليم حسب تجربتي الشخصية وأعراضه الجانبية خفيفة

يعني باختصار ياسارون أنا حالياً أستخدم هالدواء بدون أي خوف أو أي مشاكل أو أي أعراض،استمري على الدواء وان شاء الله الأعراض اللي جائتك بتروح مع الوقت واذا استمرت فترة طويلة راجعي الطبيب

شكرا محمد راح استمر عليه ويارب اطلع معاه بنتيجة حلوة

الكيمادرين علاج يخفف الاثار الجانبية لادوية الذهان مثل تصلب العضلات او شد العضلات ويخفف من الحركات اللاارادية لانه ادوية الذهان كلها تسبب تصلب العضلات

اما ابليفاي حسب ما اسمع ان اشهر عارض له هو الارق فحاولي تاخذين الصبح او الظهر

ما تشوفين شر اختي سارون

الحين اختي سارون تاخذين الابليفاي فقط بدون ادوية اكتئاب او مثبتات مزاج

هلا محمد

بالنسبة للرعشة اذكر مع الزيبريكسا جتني زي الحركة البايخة عند فمي صار يرتعش بدون سبب ازعجتني هالحركة من جد بس وقفت يوم وقفت العلاج
حلو اذا باتلافى هالعرض الجانبي بهذا الدواء

بالنسبة لادويتي فقط ابيليفاي وكيمادرين

هلا سارون تدرين وش المشكلة ان ادوية الذهان اصعب بكثير من ادوية القلق والاكتئاب

اعراض صراحة متعبة وبدال ما تحسن تحوس الواحد خاص الي مثلي لازم يستخدم مضاد ذهان او افقد عقلي اكثر من خمس سنين راحت في النوم حسبي الله ونعم والوكيل

--------------------------------------------------------------------------------

اختي سارون لما كنت تاخذين زيبركسا ما كان يجيك شد في العضلات يعني وجع خاصة في اليدين او اسفل الظهر

وهل قد استخدمتي ادوية الاكتئاب هل تضررتي منها يعني زاد عليك الهوس بشكل قبيح

اي جربت كثير من ادوية الذهان ريسبيردال وسيركويل وزيبريكسا

والحين ابيليفاي وصراحة هدتني هدددددددد

لما كنت استخدم الزيبريكسا الله لايعيده جاني خمول ورعشة في الجسم

بس الي ازعجتني مره الحركة الي بفمي وعند حواجبي تخيل حواجبك تتهزهز

وعلى طول ام الحااااااااالة غير النوم سنه كاملة اعتذرت عن الدراسة بسبب هالاعراض الجانبية

غير الصعقات الكهربائية والشد العضلي اقوم من النوم بسبته

وكل هالاشياء صارت لي من الزيبركسا هو اكثر دواء تعبني

بالنسبة لادوية الاكتئآب جربت اللوسترال ومرتين سبب لي هوس ويوقفه الدكتور وآخر مره قبل حوالي

شهرين وقف اللوسترال ووصف لي ريسبيردال وكيمادرين بس ما أخذته وأمس تأزمت ورحت للدكتور ووصف لي

الابيليفاي اتوقع هالفترة خطير ادخل ادوية اكتئآب لاني ماطلعت من طور الهوس

حالتي مخربطة فيني اكتئاب وقلت له بس ماوصف لي دواء اكتئاب :(?

هذا الشي الي كنت متاكد منه ان ادوية الذهان صعبة واثارها مزعجة جدا

معليش اختي سارون على الاسئلة بس حاب اعرف اكثر

كم كان معدل نومك مع السيركويل او الزيبركسا

هل ارتفع السكري عندك وهل تسبب بسمنة مفرطة

لاني حاليا مع سيركويل اكس ار ونزلت الجرعة من 600 الى 100 وهذا اول يوم وما جاني اثار جانبية غير النوم الطويل والسممنة والنوم سبب لي اكتئاب وعزلة يعني انوم الظهر اقوم للدوام ارجع من الدوام انوم اقوم للدوام

لذلك ان شاء الله تكون تجربة ناجحة مع الابليفاي لانه شكلي بكلم الدكتور عشان اغير العلاج من السيركويل اكس ار الى الابليفاي

كنت انام بهبال

ارجع من الجامعة واحط راسي وعليها لين دوام اليوم الثاني وكنت اقوم تعبااانة كنت اخذ السيركويل والزيبريكسا مع بعض

انا غصب عني يعني ما اقدر اتحكم بالنوم

بالنسبة للسكري صراحة مادري ما اقيس السكر صراحة ممكن كان يرتفع وانا مادري :/

بالنسبة للسمنه خلني ساكته بس زاد وزني من بديت آخذ الادوية 30 كيلو :'''''''''''(

اتوقع الابيليفاي مافيه اعراض جانبية قوية ياارب مايبهذلني

================================================== ====================

صعبة مرة زيبركسا مع السيركويل مدري كيف تاخذينها سو

الان شبه متاكد ان اعراض ادوية الذهان تصيب اغلب المرضي من النوم الطويل والسكري والسمنة

وزني زاد حدود 40 كيلو

بس انا مستمر على السيركويل العادي خمس سنوات كلها نوم في نوم الله يعوضني عنها خير

الابليفاي اتوقع ما يسبب السمنة ولا يسبب النوم الطويل بس يسبب تصلب العضلات والحركات اللارادية والارق هذي عيبه

بس اذا اخذت كيمادرين يشيل معظم الاثار الجانبية مع الابيليفاي
اقترح العلاجات الي آخذها على الدكتور
يمكن تضبط معك

صرت احس بشي زي صعقة الكهرب في راسي من أمس مع دوخة قوية

اتوقع بسبب الابيليفاي ياارب ماتستمر هالاشياء :'''(?

بديت اتنرفز واعصب بسرعة

وقريت ان هذا الشي من اعراضة الجانبية

يكفي مابي اكثر من كذا :'''(

كان ودي انصحك بعلاج سيركويل اكس ار لكن مشكلته غير موجود في السعودية

حاولي تصبرين عل العلاج يمكن تروح الاعراض بعد اسبوعين او الدكتور يضيف مهدى موقت مثل الزانكس

وعندك دواء انفيجا موجود في الحبيب استخدمه حاليا ممتاز لكن جرعة 3 ولما ازود الجرعة 6 يجيني تصلب عضلات والمفروض اضيف كيمادرين لكن للاسف ما اقدر استخدمه لانه ممنوع للي عنده التهاب بروستات وانا عندي

بكلم الدكتور عن النرفزة لاني الحين مو متحملة نفسي مره

سارون راجعي دكتورك نصيحة خليه يوقف لك الابليفاي واطلبي منه يصرف لك سوليان 50 ملج ممتاز اعراض الجانبية معدومة ويرفع المزاج ..