|
عساكم بالجنه ساعدوني
السلام عليكم
والله مدري كيف ابدأ كلامي وانا ابحث بالنت حصلت مواضيع تشابه موضوعي وعلى طول سجلت بالمنتدى ومافعلوا العضويه على طول لدرجة جلست اوسوس ليش مافعلوها اكيد مايمديني وابموت وش الحل تكفون كل وقتي افكر بالموت وخايفه منه وراحمه عيالي مابي اخليهم يارب يارب يارب رحمتك يارب تطول بعمري واعماركم على طاعته ومن اللقافه جلست ابحث في النت هل الانسان يحس بقرب اجله وطلعت لي قصص انه بعض الناس فعلا يحسون وقالوا قصص كثيره |
وينكم تكفون ابي احد اتكلم معه
احيانا احس بغثيان ومااشتهي اكل واحيانا اكون طبيعيه لكن الموت في بالي هل انتم مثلي والا انا بس احيانا اقول لو هذا وسواس واكتئاب كان صرت طول اليوم كذا بس انا لا يروح ويجي الخوف لكن الفكره عالقه ببالي |
انا نفس حالتك
من شهرين و حاليا جداً خايفه يارب ياكريم ياحبيبي انك تطول في عمرتا و تمدنا بالصحه و العافيه يارب انا جداً تعبت !! |
طيب انتي مثلي تصيرين طبيعيه وفجأه تتذكرين الموت ؟؟
|
ايييه الدرجه احيانا ارجع من الطلعه و اتنكد
عندي استفسارر طيب انا حلمت بشي يخص نفس فكرة الوسواس و انها لا تساجب بالحلم هل هذا وسواس او ايش |
وشلون مافهمت قصدك ؟
انا احلم باشياء تكون عاديه لكن ابحث عن رمز فيها بالنت ويطلع شي مو زين وهذا اللي يخوفني زياده وزادت عندي الحاله تكفون هل تفسير ابن سيرين صحيح والا لا |
|
الله يجزاك خير قريته لكن انا اللي مخوفني اني مو طول الوقت انسى شوي بعدين يرجع ابي احد نفس حالتي
|
يا اختي الطيبه , مساله وسواس الموت تكثر وقت الفراغ يعني حاولي اول شي تستعملين مبدا التطنيش ثانيا حاولي لا تخلين عندك وقت فراغ , الشيطان حريص انه يخلي الانسان حزين وخايف وهو الحين يحاول يذكرك في المساله كل شوي , عشان كذا لازم ما تخلين مخك ياخذ فرصه كبيره من الفراغ اشغليه , اخترعي لك شغل كل شوي وطنشي غصب , شتتي تفكيرك , لان لو عطيتيه فرصه بيحاول يتطور ويتفنن في تعذيبك بالوسوسه وكل شوي بيطلع لك بشي جديد , بما انك في البدايات بتقدرين ان شاء الله تتخلصين منه . |
و ابعدي عن المنبهات بانواعها اي شي فيه كافين ابعدي عنه لانها تزيد من الوساوس والافكار والخوف , واستعملي المهدءات الطبيعيه من يانسون او شاهي اخضر او بابونج وغيرها , وشغلي مقطع ايات السكينه تلقينها في اليوتيوب , وباذن الله تخفين وترتاحين |
طيب وسالفة الاحلام والرموز وتفسير ابن سيرين وغيره وعندي سؤال تكفون جاوبوا عليه هل الانسان فعلا يحس بقرب له ؟؟؟ لاحول ولاقوة الا بالله
|
اقتباس:
اولا حتى مساله الاحلام طنشيها وهذا حيله من حيل الشيطان عشان يزيد من عذابك , و لا تقعدين تفسيرين احلامك ابد, لا تقرين كتب تفسير الاحلام , الاحلام الشينه من الشيطان يعني يبي يخوفك ويحزنك عشان كذا لا تلتفتين لها , الاحلام الزينه من الله , وسواء كانت الاحلام زينه او شينه طنشيها ولا تفسرينها لانها راح تزيدك هم على هم , والانسان ما يحس بقرب اجله , اذكر واحد كل شوي يقول انا احس اني بموت انا احس اني بموت وهذا هو ما شاء الله له سنوات وهو عايش , المسأله كلها من الشياطين حسبنا الله والله يكفيناهم بما شاء , يحاولون يزرعون في العقول اشياء تخلي الانسان تعيس في حياته ويلعبون عليهم ويحطون لهم افكار خاطئه عشان يعيشون البشر في عذاب , مثل سالفه ان الانسان يحس اذا قرب اجله, لا تضيعين حياتك بأمر في علم الغيب , تخيلي ان حياتك بتستمر 100 سنه والفكره حقت الموت يوميا معك ما تحسين قهر ان حياتك ضاعت وانتي تفكرين بفكره الموت وما استمتعتي بوقتك , حياتك ضاعت بأمر ما تدرين متى بيصير في علم الغيب, طنشي الامر والعبي مع عيالك وانبسطي , استمتعي بحياتك |
حبيبتي ربي يطول بعمرك ويحفظك لحبابك نصيييييييييييييحه اذا بديتي تفكري اشغلي نفسك بذكر الله حتى يحصنك الرحمن من وسوسة الشيطان
واكثري من قراءة سورة الناس انتي تتعبي نفسك بتفكير وكل انسان مايعلم أجله الا رب العالمين وحكمه من الله ان العباد لايعلمون آجالهم رحمة من رب العالمين |
اقتباس:
|
اقتباس:
|
اقتباس:
اختي انا كدللك يأتيني احساس انو مو وسواس و انا غيير الناس لأني احسسه كأنه واقع كدللك بالنسبة للاحلام لازم تبطلين تفسيرها لانها هي الي تزيد الطين بلة احنا لازم نتغلب على الوسواس باءدن الله تصوري يجيني احساس اقول لا لو كان وسواس ماكنت انا تقرب لله يعني صرت اسمع قرأان كل يوم و هيك اقول الشيطان ما يحبنا نتقرب لله بس هو كدللك يريدنا نكون في غم و حزن و بالنسبة للأربعين يوم انا يوم الاربعين كان اسوأ يوم و كأني انا الي اتحكم في موتي و حياتي استغفر الله |
اقتباس:
شوفي اذا كان الحلم عادي وفيه رموز , طنشي لان انتي مو موكله على انك تفككين رموز وتحللين , اذا كان تنبيه من الله بيجيك تنبيه مباشر بدون تحليل وتفكيك رموز , اذا جاك الحلم 3 ايام ورا بعض وتحسينه واضح بدون فك رموز هنا عاد يمكن تعتبر رؤيا او تنبيه , لكن حطي في بالك دايما ان الشيطان يتحكم كثير في احلامنا ويحوس فيها , يدور اي طريقه عشان ينغص بها حياتنا , عشان كذا طنشي الاحلام كلها وعيشي حياتك , توكلي على الله دايما وطنشي الاحلام , عليك بالواقع فقط وانسي امر الاحلام , ولا تنسين ان الله خير حافظا وهو ارحم الراحمين. |
اقتباس:
|
اقتباس:
كلامك ذا ذكرني بعضوه هنا الظاهر انها ميوي , تقول ابو صديقتي اتصل علي يتطمن عن حالي , وقالت اييييه اكيد ما اتصل الا عشان بيصير شي , هذي نفس تفكيرك , وانا اقول لك ايه صدفه وكل شي يصير للانسان يا انه مخطط له او يكون صدفه , وحتى التخطيط ممكن يصير وممكن ما يصير , كل شي اقدار كل شي مكتوب , على العموم شغلي قران طول الوقت , حطي على قناه قران وخليها شغاله طول الوقت , وان شاء الله ازمه وتعدي , العضو اللي اسمه خبز تحت المطر على كلامه ضاعت حياته اعتقد 17 سنه وهو على هذي الافكار تفكير بالموت ووساوس , حاولي تسترخين وسوي تمارين استرخاء , سوي تمارين اليوقا , اعتقد فيه في اليوتيوب تمارين استرخاء تعلميها , ولا تستعملين اي مشروب منبه واشربي يوميا شاي اخضر او يانسون , اضغطي على الشيطان بالاشياء اللي يكرهها من قران وصيام وصلاه واذكار , المساله كلها ان الشيطان يحاول يتمكن منك ومن تفكيرك ف حاولي تضغطين عليه , باذن الله خلال اسبوعين او 3 راح يكون وضعك عادي . |
اقتباس:
وشف وين وصل لي الوسواس اقرا مواضيع واحد اسمه ابو رياض هنا بالمنتدى واختفى من شهر 8 من العام الماضي مادخل المنتدى رحت اشوف اخر تواجد له بالمنتدى يعني تقريبا له 6 شهور مادخل واقول ياربي سترك وينه ؟؟؟؟ يارب انه يكون بخير وبين عياله اي واحد كاتب انه يوسوس على طول اشوف اخر تواجد له متى يارب يارب يارب لطفك |
اختي اني مريضة بالوسواس
طبيعي تجيك احلام غريبه ومو مفهومة حطي هالشئ ببالك نصيحة لوجه الله طنشي اي حلم يجيك وتوكلي على الله بخصوص وسواس الموت قوليلي كم لك تعانين منه فرضا قلنا 3 سنوات ! هل يعقل احس بالموت قبل موتي ب 3 سنوات ؟!! لو تفكرين بعقلك بتشوفين هالوسواس تافه لانك عايشه حاليا وتفكرين بشئ راح يصير شاء من شاء وابى من ابى طيب دام كل نفس بتموت خلاص لاتفكرين فيه فكري بحياتك واولادك فكري بطاعة ربك عندك خيارين تعيشين حياتك وتوكلين امرك لله اوو تستسلمين للوسواس وتعيشين مكتئبة وترى تقدرين تروحين طبيب نفسي |
على فكرة اعاني من وسواس الموت من اربع سنوات
وفيه ناس تعاني منه من تسع سنوات هل يعقل شخص يحس بموته قبل تسع سنوات ؟ |
اقتباس:
استغفر الله سامحيني ضحكت شوي ههههه (شر البليه ما يضحك) يا اختي وليه تقعدين تدورين على الموسوسين ومتى اخر تواجدهم , تلقينهم الحين عايشين حياتهم ويلعبون مع اهلهم ويحاولون يبسطون انفسهم وانتي كل تفكيرك وينهم لا يكون ماتوا ايييه اكيد فيه شي لانه كان يفكر بالموت ايه اكيد اجل اللي يفكر بالموت ويحس انه بيموت راح يموت وكلام كثير ما راح يوقف , انتي اقطعي هالامور من البدايه لا تسترسلين بالامور واصلا هذي خطه من الشيطان تلقينه حاط عشرين الف خطه واذا ما نجحت هذي الخطه يروح لثانيه , الحل هو الادعيه اولا ثانيا قطع الفكره من الاساس اذا جتك فكره على طول فكري بشي ثاني لازم تحاربين هالفكره بافكار ثانيه , كرري هالايات دايما (ربِ اعوذ بك من همزات الشياطين واعوذ بك ربِ ان يحضرون) (وإما ينزغنك من الشيطان نزغ فاستعذ بالله إنه هو السميع العليم) وفي الاول وفي الاخير هذا ابتلاء من الله حاولي تصبرين وتجاهدين في الامر وباذن الله كلها فتره وتعدي , وترا طبيعي الانسان يفكر في الموت كلنا نفكر فيه لكن نطنشه قد ما نقدر وندور لنا شغلات نحبها تاخذ تفكيرنا وتشغلنا عن هالامور واكيد بالاذكار والقران والصلاه راح تبعد عننا هالامور باذن الله |
اقتباس:
طيب انت تعالجت والا للحين |
اقتباس:
|
اقتباس:
هذا مو تفكيرك هذا تفكير الشيطان وسواوسه عشان كذا لا تنسين الاستعاذه والامور اللي قلتها , ولا تشيلين في خاطرك ترا انا من الناس اللي يحبون يمزحون ويضحكون برغم اني مريض نفسي وكل شوي دمعتي على خدي هههههه وسعي صدرك وانبسطي والعبي مع العيال كوره بلاستيك او القفز بالحبل او تفرجي مقاطع ضحك حاولي تتغذين زين واذا انتي من النوع اللي ما ياكل زين خذي لك مكمل غذائي مثل سنتروم لان نقص الفيتمينات يسبب مشاكل في افراز المواد اللي تريح الجسم ونقص فيتامين دال يسبب مشاكل كثيره اذا قدرتي تسوين تحليل فيتامين دال سويه , باذن الله القادم احلا وراح ترتاحين وتعدي هالوسواس على خير |
اقتباس:
|
اقتباس:
اهااه ايه الصدمه هذي اللي خلتك تفكرين الله يرحمها , على العموم لازم تهتمين بالتغذيه الجسم يحتاج فيتامينات عشان يفرز المواد اللي تريح الجسم , ومن ناحيه موت صديقتك الله يرحمها و يرحم اموات المسلمين لازم تنسينها او تتناسينها غصب , اهتمي بنفسك واستعذي بالله و توكلي عليه وحافظي على امور دينك و بدلي افكار الموت بافكار مضاده لها وعيشي حياتك , الاطباء اوقات فراغهم قليله وبرغم انهم يواجهون حالات خطره مرضى وناس يموتون ومشاكل الا انهم ما شاء الله صامدين لانهم مو فاضين يفكرون بالموت او ما عندهم وقت يفكرون فيه يحاولون ينقذون الناس ويساعدونهم , حاولي تشغلين مخك حتى لو باشياء بسيطه الى ان تنسين هالافكار او تصير المساله معد تهمك كثير,اذا ابسطتي نفسك وضحكتي وفرفشتي واابتسمتي باذن الله هذي من اسباب ان الوساوس تبعد عنك وتنسينها . |
جزاك الله خير والله يجعل كل حرف منك بموازين حسناتك وان شاءالله ابجيب فيتامينات واستخدمهن ويارب يارب يجعل فيهن شفائي وان شاءالله اني اتغلب على هالصدمه واكون قويه ويارب تطول بعمري وعمرك على طاعته
|
اقتباس:
اللهم امين يارب وياك , وانا عندي امل كبير بالله انك راح تتخطين هالامور وتصيرين في افضل حال |
اللهم اكفني شر احلامي والبحث عن تفسيرها
ماادري وشلون اقنع نفسي حاطه ببالي رمز وقريت من زمان عنه ان تفسيره غير جيد وصرت احلم فيه باشكال والوان لكن نفس المضمون هل هذا حديث نفس والا وش .... يارب يارب يارب سترك |
اقتباس:
امين يارب الله يكفيك شر و سوء احلامك و الشياطين هذا انتي قلتيها حديث نفس , يعني خبيره ما شاء الله , من كثر ما تفكرين بهالامور جتك في احلامك , منشان هيك لا تلتفتي لهالامور |
امين يارب الله يسمع منك ويجزاك الجنه ووالديك
|
امين يارب وياك والمسلمين |
الله يحفظك ويحميك من شر وسوسة الشيطان
|
اقتباس:
اليوم يجيني احساس بالموت من غير خوف كذا وانا لاهيه وانا اسولف ببالي الموت واني بموت قريب من غير خوف واقول هذا اكيد احساس مو وسواس لو وسواس كان ابليس خلاني اخاف مثل دايم وش رايكم تكفون اللي مثل حالتي هل يجيه هالشي |
لا ياحبيبتي هذا مو احساس والعلم عند الله وحده يعلم وقتي ووقتك ومن في الارض الي فيييييييييييييييييييييك وسواس وانتي مخليته يتمكن منك في باطن عقلك
استعيذي بالله من الشيطان وقولي الاذكارات حصن المسلم مساء وصباح لا تيئسي لان الشيطان يجري في الانسان مجرى الدم تصدقي واستغفري كثير لاتقولي مافيه فايده قوي ايمانك بالله ولاتتركي للشيطان باب يهدم حياتك بكلشيء وهمي والموت كلنا بنموت حتى ابليس بس الواحد لما يذكر الموت يسئل الله حسن الخاتمه والثبات وسمي الانسان انسان لانه ينسى رحمة من الله للعباده لاتقسي على نفسك نصيييييحه حرام ان لبدنك عليك حق اذكري الله وصل على محمد صل الله عليه وسلم وسبحي واستغفري وكبري وقولي لاحول ولا قوة الا بالله العلي العظيم |
اقتباس:
|
اقتباس:
هلا حياك انا موجود وحالتي كماهي للأسف اكون مرتاح فترة وبعدها يجيني حلم يعفسني ويخرب علي حياتي امس حلمت وعلى طول تذكرت المنتدى قلت ادخل اوسع صدري والاقي ناس حالتهم مثلي |
انا مثلك وكلنا تقريبا مثلك الله يكون بعوننا ويشفينا يارب وحسبي الله ونعم الوكيل
|
| الساعة الآن 10:19 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا