|
ضروري المساعدة
[CENTER]السلام عليكم
حابة احكي هالشي انا ما بعرف انام بالليل ابدا وان نمت بحلم بكوابيس وبحس حالي مخنوقة كتير صرت بخاف انام بالليل وبصحى اصرخ وما بعرف ليش لدرجة اني مرضت فجاة ورقدت بالسرير 5 ايام انا صارلي كم من يوم ما بنام بضل سهرانة وحاسة حالي متل الاموات ومو قدرانة انفصل عن الاحلام او ما افكر فيها لما بكون قاعدة مع العيلة بنكز فجأة بس ما بحكي لحد اي شي في حل لمشكلتي هاي[/CENTER] |
تحيه طيبه وبعد لو تعطينا تفاصيل اكثر خول حالتك من الناحيه النفسيه هل توجد ضغوط، وكذلك الصحيه والاجتماعيه، وهل الاعراض هذه جاءتك فجاءه او من زمن ولكن بصوره بسيطه؟ ودمتم بود
|
الحالة النفسية مدمرة وكتير في ضغط علي ومن كتر المشاكل الي بمر فيها الصحية انا سليمة لا من اسبوعين تئريبا
|
تحيه طيبه وبعد كما وضحتي اختي ان سبب الارق والكوابيس هو تدهور حالتك النفس لذا ما هي الاشياء التي يمكن ان تفعليها الآن لمواجهة وضعك ... وتخفيف الضغوط؟؟؟ ابدئي باكثر الامور الاهميه لك ودمتم بود.......
|
انا مو قدرانة اتحمل هاد الوضع كتير ومش عارفة شو هيا الامور يلي بدي اعملها لاتخلص من يلي انا فيها ممكن تساعدني؟؟ |
اريد منك ان تمسكي ورقه وقلم قبل النوم وتكتبيبي ما يعرض لك من افكار ومخاوف ومشاعر.........اول خطوه ثم نكمل
|
ماشي انا سويت أول خطوة شوهيا الخطوة يلي بعده واسفة كتير لاني بزعجك |
جميل جدا: الان كتبتي كل مخاوفك ومشاكلك.......... ما هي اهم المخاوف التي تريدن ان تتخلصي منها؟........... اهم 2 او 3 حد اقصي ابدئي في الحلول........او اعرضيها..... هنا....... الآن انتي في تحديد ما تريدين بالضبط؟....نكمل
|
انا ما حكيتلك اهم شي يلي بيخوفني ويلي عملي كل هادا الشي انه ابن عمي حاول يتحرش بيا جسديا ومن وقتها والخوف مسيطر عليا لما بشوف راجل عندنا بالبيت برتعب وما بطلع من غرفتي بالمرة
حاسة حالة مخنوقة كتير |
انا بالليل بخاف كتير وما بقدر اني انام ما عندي ثقة بحد اني احكيله رغم انه لما حاول يعمل يلي حكيتلك اياه انا صديته بس من وقتها والخوف والقلق مسيطر عليا |
نعم اختي العزيزه.......... اشعر بشعورك النفسي السئي ....... وما تعانيين........به من ألم....والتحرش الجسدي او الجنسي يؤدي لمثل حالتك لكن السؤال الموجهه لك....... هل تريدين ان تبقي في وضعك الحالي او تنطلقي في حياتك وتحققين ما تريدين؟؟؟؟؟؟؟ الآن انت بحاجه الى ثقه بنفسك اكثر هذه البدايه لان من تعرض لمثل هذه التحرشات تقل ثقته بنفسه كثيرا......... ويري نفسه في اقصى درجات الهوان" حتي ان بعض النساء تشعر انها لا تستحق شيئا ابدا" وكانها هي من اوقعت نفسها في هذا الشئ" ..........ثم اريد منك ان تتناسي الماضي بصوره....... وان تسامحي من اساء اليك ليس له وانما لك فالتسامح اعظم علاج على الاطلاق...........يخلص نفسك من احزانها والالمها......ثم حددي اهدافك في حياتك ......واسعي الى تحقيقها في جميع جوانب حياتك.......... مع الصحبه الحسنه......... لا اعرف مدى التزامك الديني لكن الجانب الروحي والاتصال بالله له دور في تخطيك .......... مشاكلك............واذا توجد اضافات فنحن ..... في خدمتكم......ودمتم بود
|
اقتباس:
|
انا حابة اني اخرج من حالتي النفسية السيئة انا ملتزمة دينيا وحافظة كتاب الله بس شو بدك اياني اسامح يلي حاول يضيع شرفي لولا لطف ربنا فيني لكان ضاع مستقبلي كله
|
أختي اريد منك المسامحه النفسيه كما قلت لا تسامحيه لاجله وانما اريده لاجلك انت لكي تتخلصي من عذابك...لانه كيف تريد ان تتخلص من شي وانت تحمله في عقلك كل وقت؟؟؟ صدقيني مشاعر الكره والحقد هي تحفر للمرء قبره مرتين" فهذا الشخص ان يستمر في طريقه فلا وفقه الله واما ان يهتدي فامره لله فلماذا اربط مشاعري بشخص لا يستحق فانا بمسامحته اسمح لنفسي ان تتخلص من هذه المشاعر السلبيه فهل تريدي ان تبقي رهينه لذلك الشخص او تنطلقي في حياتك ...؟؟؟.....
|
كلامك جميل جدا انا راح احاول اني اسمحة بس من شان الله مو منشانه بس شو الخطوات يلي بعدها اريد ان انطلق في حياتي بس هو ما بده يتركني بيحاول في اقرب فرصة تجيه انه يحكي معي ويحاول يمسك ايدي انا امبارح المسا اتى لبيتنا وحاول يبتزني وضربته كف بس حسيت اني ارتحت لما ضربته وهددته وبفكر اني ابلغ الشرطة ولا انت شو رايك اخي؟؟ |
المشكلة اني وين ما بروح بلاقيه قدامي بس انا خايفة ومترددة في حكاية تبليغ الشرطة مشان عمي وما بدي اكسر بخاطره انا كتير بحب عمي بس حاسة انه راسي راح يتفجر من التفكير |
اختي الكريمه حاولي اصلاح الامور داخليا في الاسره مع اهلك اختاري من اهلك من تثقين فيه واجعليه يتفاهم معه.... لكن اولا الافضل لك توضيح الامر لابن اعمك ان يدعك في طريقك لكن اري ان هنالك تواصل عميق بيتكم في العائله حاولي جعل حدود بينكم في هذه المسائل لانها هي ما تخلق المشكله ودمتم بود......
|
ان شاءالمولى راح احاول اخير عمي الكبير وهو راح يحلها بيناتنا انااما بدي عيلتي يعرفو وخاصة بابا لانه اجته جلطة لهيك الكل تعبان
بس كيف بدي اتخلص من كوابيس يلي بحلمها كل ليلة بصحا كل ليلة وانا ملموسة وبضلني صاحية وما برجع انام مشان ما يتكرر الحلم معي بخاف اني احط راسي على المخدةمن هالكوابيس اليوم طلعتمع عمي مشان اشم هوا اغمى عليا مو اول مرة حالة الاغماء هاي في تفسير؟؟ |
العلاج النبوي اختي العزيزه يكمن في - الحرص الكامل على الأذكار عند النوم، لاسيما قراءة آية الكرسي، والإخلاص، والمعوذتين، خاصة أن تتوضئي عند أخذ مضجعك كما شرع ذلك رسول الله صلى الله عليه وسلم. وتصلي ركعتين.... ثم اريد منك ان تفكري في اشياء حلوه وجميله وتدعي التفكير السلبي في الاحداث السلبيه......كما ان هناللك طريقه اخري اذا تفيدك للتخلص من الكوابيس بالعلاج المعرفي: 1-******** تعد تقنية العلاج المعروفة باسم "إعادة صياغة الحلم" من أكثر الأساليب المتبعة لعلاج الكوابيس. في هذه الطريقة يتقمص الأشخاص الذين يعانون من الكوابيس دور المخرج السينمائي؛ حيث يحاولون تأليف نهاية جديدة.* 2-******** قومي أولاً بتدوين تفاصيل الكابوس الذي عايشته في منامه، ثم انتقي الأحداث التي تسببت له في الشعور بالفزع . وبعد ذلك يحاول استبدال هذه الأحداث بتخيّلات أخرى أقل ترويعاً له. 3-******** من الضروري أن تتسم تلك الأحداث الجديدة بالمواءمة مع أحداث الكابوس الحقيقي في المجمل، كي تُمثل بديلاً فعلياً له. مثلاً يستبدل المريض موقف السيارات المظلم بآخر ذي إضاءة جيدة، أو أن يسلك الشيء المخيف الذي يطارد الإنسان في كوابيسه طريقاً آخر. 4-******** وبعد الانتهاء من استبدال أحداث الكابوس المخيفة بأخرى أقل ترويعاً ، يقوم المريض بتدوين الرواية الجديدة للكابوس، على أن يقرأها أكثر من مرة يومياً طوال أسبوعين، كي يتذكر الرواية الجديدة فحسب. اما الاغماء فله علاقه بخوفك الشديد بالخروج للخارج ........وسيزول عندما تعدين المرحله الحاليه ........ ودمتم بود |
كلامك منطقي بس حاولت اني اعمل الشي يلي حكيته بس رقم 3 و4 ما استوعبتهم منيح والقصد اني ما عرفت اطبق يلي انت كتبته بس بقرا المعوذات واية الكرسي وبنام الكوابيس ما اختفت بس قلت شوي |
في شي تاني انا خبرت كبار العيلة عن الي مريت فيه وكل يلي صار معي وحكولي انا ليش خبيت شي متل هاد وجابوه وقعدنا وصارت قعدت حق وتقريبا في اشياء بدت تنحل بس مش بشكل كبير بس يلي استغربته من حالي اني كيف عملت خطوة جريئة متل هاي حطيت كل املي بربنا واخدت شوي من يلي حكيتلي اياه |
جميل جدا .......... يعني ان هناك تقدم ملحوظ.......... اولا ما يتعلق بتقنيه صياغه الحلم النقطه الثالثه والرابعه.......بعد كتابه تفاصيل الكابوس ........ حددي الاشياء المروعه فيه..... واستبدليها باخري اقل تاثيرا....مثلا اذا كنت تحلمين ان احد يلحقك فتخيله انه يركض في جهه اخرى اللمهم قومي بعمل فلم مشابهه للكابوس لكن اكثر ايجابيه....كما قلت جاولي القضاء على مصدر القلق لديك ....... سواء بالعمل او تغيير المحيط......بس لو تعطيني تفاصيل اكثر عن وضعك الاجتماعي وعلاقتك بابيك؟ الأن....ما تتوقعين ان تكون الخطوه التاليه للعلاج.....نكمل
|
وضعي الاجتماعي سيء للغاية اما علاقتي ببابا في كتير مشاكل بيناتنا مرت فترة عليا بيني وبينه مشاكل كتير بعد ما فتت توجيهي بدى يتغير معي بس مو مشكل كبير والفترة هاي حاسة انه بيعاملني شوية بسوء |
بصراحة اكتر عمره ما كان بيني وبين ابوية معاملة منيحة وحلوة بالعكس كانت مليانة بالكره والمشاكل كنت كل ما اطلب منه انا واخي شغلة كانت يطردني برة الغرفة ويعطي اخي يلي بده اياه بحس انه ما بحبني متل كاي اب بحب بنته كان لما يطلع ما ياخدني معه كان ياخد اختي وكان كتير عنيف معي وكان يضربني بشكل مستمر هاد الشي يلي ولد الكره والحقد بقلبي من ناحيته مشان هيك اول ما بقع بمشكلة ما بحكيله بخاف اني احكي مع حد من البيت باي مشلكة بتواجهني |
اذا تحسين وضعك الاجتماعي............لا بد منه......... سامحي لان التسامح يزيل الم المستقبل.........والآن ما هي الاشياء المهمه التي سوف تقومين بها؟؟؟ بالاضافه على الاستمرار على ما سبق...ودمتم بود.
|
بصراحة ما بعرف انا عملت متل ما حكيت بس شو هيا اهم الاشياء ما بعرف انا سامحت انت ممكن تحكيلي عن بعض الشغلات
|
يعني اقصد كيف الان هي حالتك النفسيه........... وهل هنالك ضغوط اخرى ......... وهل يمكن ان تواجيها بنفسك.......ودمتم بود
|
حالتي النفسية الحمد لله اكيد اي مشكلة راح اواجها تقريبا ما في ضغوط كتير اشي بسيط والعيلة يلي راح تحلها شكرا كتير لالك ودعمك لالي بس الكوابيس لسة ما اختفت ولسة متل الاول هاي الشي الوحيد يلي فاضل ودمتم بود
|
نعم اختي العزيزه ان كانت هذه الكوابيس متعلقه بالجانب النفسي فسوف تزول باذن الله اما اذا بقت فيجب ان نبحث في جوانب صحيه او غذائيه....او غيرها تجعل الامر مستمر ودمتم بود
|
انا حاولت اني اعمل متل ما حكيت بالاحلام بس الوضع متل ما هو وامبارح فحصت ضغطي كان كتير واطي وحكتلي الممرضة اني اعمل فحص سكر بس هل هادا الشي يلي صار بسبب الوضع يلي انا فيه |
| الساعة الآن 11:45 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا