تعبت والله تعبت
 

تعبت يا مهلوعين مادري شنو اسوي..
ودي اعيش نفس الناس والعالم طفشت من الحالة الي انا فيها..

ليه كذا ليه التشائم يامهلوعه أنا عارف ومقدر وضعك لاكن ليه بدل هذا التشاؤم ليه ماتفائلين والله التشاؤم مايفيدك بشي بلعكس بيزيد المرض وبتدخلين في دوامه مالها اخر . ً أهذا حال الي اوصانا به الرسول عليه افضل الصلاه والسلام بصبر على البلا والله الذي لا اله الا هو لو تفكرون صح وتوكلون على الله وتذكرونً ان كل شي مكتوب عند الله تعالى من ولادتك الى مماتك وأن الموت مره وحده في العمر إن يلغى شي اسمه مرض القلق توكلي على الله واجتمعي قواك وارجعي الثقه لنفسك والله ان كلنا مرينا زيك بكل اعراض القلق وأعراض تشيب الرأس وفي الاخير راحت كلها ولله الحمد . يلله يامهلوعه لااشوفك تشتكين ابغاك تقوين ايمانك بلله تعالى وتحمدين ربك على الصحه غيرك مريض سرطان وامراض مستعصيه ونتي الحمد لله مافيك الا مرض نفسي وعلاجه من الله ثم من نفسك والله مايفيدك الشكوى في المنتدى الشكوى لغير الله مذله وأعذريني اذا شديت معك في الكلام وأي شي انا حاضر وأنا موجود في المنتدى واي استفسار انا حاضر.

هلا أخويي مافي داعي للاعتذار استحق التهزيء لان انا الي وصلت نفسي لهالمرحلة من زمان اهلي ينصحوني وانا مااسمع لين ماوصلت لحالة صعبة ومو عارفة اخلص حالي دخلت دوامة مو قدها حرارة تسري في جسمي كأنها موية وتزيد مع التفكير والوسواس يوسوس لازم اروح للمستشفى المشكلة افشل اروح من كثر مارحت له مايبي يشوفني لان قالي لازم اساعد نفسي وانا مو قادرة ووسواس المرض والموت مسيطر..

اختي مهلوعه بقولك شي انتي اذا تعبتي او بكيتي وشكيتيٌللناس كلهم ماراح يتغير شي لاكن تفائلي وتوكلي على الله وانا زي ماقلتك والله اللي فيك تااااافه كلنا معاك وكلنا مثل حالتك واشد وابشرك كلنا بكينا وخفنا وتشهدنا على انا بنموت وهذا حنا معاك احياء نرزق. اصبري فإن مع العسر يسرا

والله ياأختي ام شجاع مادري شقولك صايرة حالتي غريبة مو مثل حالتكم..

حبيبتي والله كلنا نفسك انا امس عند الدكتور اصيح اقوله انزين اشفيني وانا ادري ان الي فيني قلق وتوتر وخوف لكن الاعراض صعبه . والله وقمت من النوم قلت بيدي اغير ورحت عملت لي شاي وقعدت برع شوي وقريت قران . الهي نفسك في اشياء حواليك واذا حسيتي بالتفكير قومي اعملي اي شي خليه يخرج من عقلج . ودايما رددي انا مافيني شي انا ادري صعب لان كلنا نمر بنفس الاعراض لكن لك الحمدوالشكر لله . يالله انهضي وروحي اخذي لج شور واعملي لك شاي ولا عصير بارد . وتنشطي وانقزي 10مرات 😄😄😄. تحياتي لج واحنا حاظرين

حبيبتي والله ام سي في وين انقز وانا في الدوام توي والله رجعت من البريك مع البنات احس انا في عالم وهم في عالم أخر احس نفسي صرت غريبة بين هالناس ..بس شكلي بكرة بامر الدكتور يعطيني مهدئ ولا شي..

اي أفضل حبيبتي أخذي علاج لا تصيرين مثلي قعدت سنه والله تعبت من الأعراض احس لو من البدايه خذت العلاج جان ما زادت الأعراض . شوي شوي ومع العلاج بتصيرين احسن . تحياتي لك حبيبتي

يعني تتوقعي اختي مابتروح الاعراض لحالها من دون علاج المشكلة اهلي مايقتنعو بفكرة الدكتور النفسي مستحيل يعني مااقدر اروح للاسف..

والله انا مارحت حسيت كل مره تزيد . انا مثلج مش مقتنعين مع ان الدكتور النفسي حاله حال اي دكتور يعالج المرض مادري ليش رافضين لان هم تفكيرهم الدكتور النفسي للمجانين ومش معترفين بالخوف والرهاب والقلق وهذا لازم علاج وايضا علاج بيدج انتي . انا رحت عند دكتور اعصاب وعطاني حبوب للتوتر وامس عطاني منوم لاني مانام كًويس . حاولي وان شاءالله تقدرين

الاسبوع الي فات رحت الدكتورة عطتني حبوب دوجاتميل على مااعتقد اسمه بس خفت اخذه لما قريت اثاره الجانبية ..

ام سيوفي طيب انا كيف انقز وانا بنهاية الثامن. تخيلي انقز واااااو هههههههههه بس ان شاء الله من اولد. اختي مهلوعه. حتى انا رافض زوجي الدكتور النفسي لكن الحمد لله مستمره على الرقيه بعد كل صلاه والاستغفار. وزيت المقري ادهن راسي. والدعاء. وعايشه حياتي رغم الدوخه وعدم التوازن. والشعور بالغرابه مايفارقني ابددددد

ههههه ام شعاع تحملي تنقزين لينزل البي بي وتقولين من ام سيف ههههههه ان شاءالله تولدي وتروح كل الاغراض باذن الله . ❤️بس اعملي تحليل فيتامين د ضروري .

والله يابنات محتاجين نتواصل مع بعض حنا الثلاث احس صرت احبكمممم

حبيبت قلبي واحنا نحبج ❤️

اي والله ياام شجاع وانا بعد صرت احبكم لانكم اكثر ناس تخففو عني وحاسين فيني الله يخليكم ان شالله..

تهقووون من. اولد تروخح الاعراض يالله اتمنى ياااازين العافيه وربي اني نسيت كيف اكون طبيعيه

اي ان شاءالله باذن الله ، تدرين حتى انا نسيت اشلون اكون طبيعيه لان من سنتين وانا على هالحال ربي لك الحمد .

انا عكسكم نقاط الماء هبلت فيني شكلي بكرة رايحة رايحة للدكتور..

شنهي نقاط الماي ؟

وانا كمان رقبتي مشدوده والتوازن عمدي اليوم ولاشي اهتز حتى وانا جالسه بس ابي اتجاهل الوضع

ام سي في شكلش ماتعرفين حالتي كأن نقاط ماء تمشي بجسمي وتزيد عندي لما اعصب او اضايق..

اها حبيبتي مهلوعه كل يوم بزيت مقري مسحي على جسمج قبل النوم . انا امس رحت هذت لي غرشتين زيت مقري من عند مطوع وان شاءالله بتزول الاعراض 🌹🌹🌹

هل من اعراض القلق والهلع وخزات في انحاء الجسم؟؟

اي حبيبتي انا ساعات احس جنه حد يغززني في جسمي . والله بس اطنش لاتفكرين فيهم 😆

والله هالألام صايرة متعبة يام سيوفي..