معقولة الوسوسة تسوي جذي؟؟
 

معقولة يعني الوسوسة تجيب الامراض للشخص ..
صرت كل ماجتني وخزة صرت أوسوس ان الموت قرب صارت تتوالى الوخزات ويتوالى هالاحساس المزعج..

النفسيه وماتسوي

بس تدرون مادري ليش عندي احساس ان شاء الله انو عن قريب باذن الله كل هذا يصير مجرد ذكرى

ان شالله الله يسمع منك ويصير ذكرى مضت..

انا تو شفت عيوني من قل النوم قلت شكلي بموت

تعبانه وربي :( :(

ابي انام مثل قبل

اي والله صاير النوم مو مثل قبل الله يريحنا قريب يارب..

اي والله انا من يومين معدتي تالمني وعندي وسواس انا فيني شي 😭😭😭سبحان الله والحين جاتني دوخه لان التفكير السلبي مسيطر على المخ ... ربي شافينا يارب

مهلوعه قلتلك الوخزات كانت عندي والحمد لله ما منها ضرر

يعني كانت تجيك في مكان معين ولا متنقلة المشكلة احيانا تكون وخزات حارة واحيانا مثل الابر..
انا عملت لي موعد مع الدكتور بعد يومين وباشوف مع ان الدكتور احس طفش مني..

ايوا. حاره كانها لسعات او دبابيس وتحسي زي التنميل لكن بحراره
في الايادي والرجل اكثر شيء كانت تجيني

ايييي جاتني هالوخزات وكل مافكرت اكثر جات اكثر غير الالم اللي كل يوم شكل الله يشافينا ويعافينا

اي والله نفس هالوصف أعاني منه بس هالدكتور الله يهديه مو راضي يعطيني اي نوع حبوب مرتين بس عطاني مضاد للحساسية لان يقولي جسمك حساس وأخذت كم حبة وقفتها مااستفدت شي ورحت له مرة ثانية قالي انتين لا تفكري فيها وبتروح لحالها ومشكلتي هالايام دايما مضايقة من دوامي وطول الوقت معصبة شكله مافي حل الا الإستقالة عشان استعيد صحتي..
وباروح للدكتور مرة ثانية مع اني منحرجة أروح له كل مرة يقولي بايدك العلاج بس انا مليت من هالوضع..

الله يعافي الجميع ان شالله بعدك انت أخوي تعاني منها ولا راحت؟؟

لا مهلوعه لا تدمري مستقبلك بيدك الله يرضى عليكي
روحي لدكتور نفسي او معالج نفسي الله يرضى عليكي
الله يقطع المرض اللي مو عارفين له علاج
اسمعي روحي لشيخ سبحان الله يمكن على يده تطيبي لوماتقدري تروحي لدكتور بس استقاله لا تفكري فيها

قررت أستقيل بعد إسبوع لاني تعبانة نفسيتي من الوظيفة واذا تعبت نفسيتي تزيد الأعراض..
مرة أقول بستقيل مرة أقول لا بستمر احس نفسي مشتتة قلت لأهلي خلاص بستقيل يمكن أرتاح نفسيا في البيت ويروح كل هالقلق والتفكير وهالأعراض المقلقة..

والدكتور الباطني بنفسه قالي ماأبغاك تروحي للدكتور نفسي ويعطوك حبوب نفسية بعدك صغيرة..
وأنا أثق في هالدكتور بس أعراضي رافضة تروح..

االله يكتبلك الخير فين ما تروحي
استخيري وربي يوفقك
وان شالله كل التعب يروح

ان شالله الله يكتب النا الخير جميعا ياارب ..ويريح بالنا بالصحة والعافية ياارب..

مدري ليش الناس تخاف من الدكاتره النفسيه طيب لمتى نعاني ترا الدكتور مو حاسس بالمعاناه اللي تعيشيها لانه ماجربها
أنا ما انصحك تروحي او انصحك تروحي بس التعب اخذ من عمرنا الكثير

اي والله مايدري ولا يحس بالمعاناة يقولي وخزات فين انسيها وبتروح لحالها انتي مافيكي شي..
بس باقوله يعطيني أي نوع حبوب يهدىء الأعراض لاني بجد زهقت منها..

مهلوعه والله من تركت وظيفتي زادت اعراضي والله وانا عندي بيت وزوج ومسؤليه كيف انتي بتكونين فاضيه طول الوقت وبيكون تعبك هو شغلك الشاغل لا تتركين شغلك

ام لبنتين ماذا استفدتي من الادويه النفسيه ؟؟؟؟؟ خلينا واقعيين مجرد مهدئات بس ولكن لاتحل المشكله بشكل جذري

والله يا أم شجاع مادري ليش جايني كره لوظيفتي مو طايقتهاا وهذا الي متعب نفسيتي زيادة يمكن الواحد اذا ارتاح نفسيا تخف الأعراض منه..

بالعكس ممكن لو استقلتي تعيشي ظروف الوحده والوحده كفيله بزيادة الافكار السلبيه
انا اتمنى اشتغل علشان اشغل مخي عن التفكير
ههه محد مرتاح
الحمد لله على كل حال

الحمدلله على كل حال
بي احيانا الشغل مايجي من وراه الا التعب والهم..