تجمع رهابيات تعالوا نفضفض
 

بسم الله
افتتحت هالموضوع للرهابيات نفضفض خصوصا المتزوجات اللي وراهن التزامات عائلية ومسؤوليات تجاه اهل الزوج

أنا أكثر مشكلة تواجهن الكلام صوتي احس يختفي لو كنت بمجلس واللعثمة والكلمات اللي تطلع بغير موضعها آه تسبب لي احراج

وصرت اتجنب اهل زوجي وزيارتهم او اني اعزمهم عندي وهذا أثر على علاقتي فيهم

الله يعين بس ويشفينا

والله مدري وش اقولك انا وانا لسى مو متزوجة ووضعي الله اعلم بة من مساة مع الرهاب لا صديقات زي ناس يسالون عني ولا اقارب والله مدري اش راح اسوي لتزوجت 09`1`01`01 الله يشفيك ويشفيني ويشفي الجميع ويفرج همومنا

^

كأنك تتكلمين عني ..الله يشفينا يارب..لدرجه حتى لو عزيمه ماأقدر أخررررج ..أمس كان عندنا جمعة حرريم ولا سلمت عليهم الكل يسأل عني وأحسهم يشفقون علي < مايعرفون بمعاناتي..!!

اكثر شيء متعبني هو المدرسه ما عندي صديقات ولا أقدر أتكلم واتحرك مثل الكل حتى الواجب ما أقدر أخذه وش ذا المعاناه

اش رايكم بنات نجرب الاستغفار بنية الشفاء من الرهاب يعني نستغفر في اليوم 1000 مرة او 1500 مع كل صلاة 200 مرة ومع الوتر 500 مرة انا بجربها مين ناوية تبدا معي ...

نفس المعاناة عندي

جميله فكرة الاستغفار

أحتضاار ماشاء الله يكفي أنك تخرجين وتروحين ..هذا تحدي بحد ذاته حتى لو منعك أنك تزاولين بعض الأمور طبيعي..
أناا ماأقابل اي أحد حتى أقرب الأقربين مااقدررر.زقبل ايام المدرسه أحس أني ماأقدر أناقش في الدرس مثل البنات .ممكن تتدخل التربيه في هالشي ..

رغم هذا ألا أني ألقي محاضرات ونشاطات ع مستوى المدرسه ومع البنات كنت أتشجع..

ساندي مانقول نجرب لازم يكون متيقين باثر الإستغفاار ولو يكون أستغفاار مطلق أفضل ..يعني 1000 بالصباح و1000 مساء
خلي الإستغفار مايفارق لسانكم حتى بوقت ماأنتوا تشتغلون...

أنا مجربة الإستغفاار ووجدت التيسير في بعض أمووري الحممدلله..

نصيحه يابنات من مجربه ..إذا كان مافي اي أمر يعيقك انك تخرجين..حتى لو أنتِ عندك رهااب ..كل الأعراض تهوون مع الايام راح تتلاشى بس يحتاج عزيمه وتحدي ..وتكسرين الحاجز
إذا كسرتية من أول مرره بعد كذا الوضع عاادي....

المشكله إذا كان الرهاب يزيد ويتطور بأمر مالي يد فيه ..فيه أموور كثيرة مانعتني أني أخرررج لو أنحلت راح أخرررج من بكررره وأتحدى الرهاب: )

يا عزيزتي اتمنى ان تتوقفين عن الفضفضه وتبدأين بالبحث عن حلول ، ارجوك تحركي ، الحين عرفنا معاناتك لكن اسالك بالله ايش سويتي تجاهها؟ هل بحثتي عن حل ؟ ايش احلول الي بحثتي عنها؟ هل طبقتيها؟

نصيحة لكم ، الي يفضفض كثير يكون علاجه اصعب من شخص اخر ما يفضفض. ( الي اقصده هنا ان الشخص الي كل يوم يجلس يقول ان احس اني اتلعثم وخصوصا لما اكون بين فلان وعلان بهذه الحاله انتي تغرسين الفكره براسك اكثر واكثر)

انا بالخدمه

يا اختي بارك الله فيك توقفي عن ذكر المأساة وابداي بالبحث عن حل.

الحين عرفنا مشكلتك لكن المهم اننا نبحث عن حل ، لازم نوقف شكوى ونبدا نبحث بطريقة تساعدنا ، متاكد ان عندك صديقات واهلك طيبين وكل شي فيك تمام لكن ابحثي عن الحلول الي تعينك

طيب وش الحل عطني الخطوات واحد اثنين ثلاثة وابد راح ابدأ بالعلاج

هذي جلسات علاجيه لدكتور امريكي صاحب تجربه ممتازه وراح يفيدك بإذن الله
http://www.nafsany.cc/vb/showthread.php?t=85021

ماانزل الله من داء الا جعل له دواء
ليش مانشجع بعض عالعلاج بدل الفضفضه بدون هدف
اقول هالكلام بعد ماشفت جزء من العافيه الي من الله علي بها بعد مااخذت السبراليكس اجل كيف لو تشافيت تماماً

اختي الله يتمم لك الشفاء العاجل
الله يسعدك تسوي خير لو تكتبين تجربتك واشلون كنتي وكبف صرتي ومن وصفلك العلاج ..اانا ا

انا ناوية استخدم السيروكسات ولكن الى الان متررددة

اهلا بك اختي

بالنسبة لتجربتي سبحان الله ربي سخر لي علاج الرهاب وكنت اريد اعالج الاكتئاب بس سألت طبيب عام بمستشفى حكومي وسألني عدة اسألة كيف نوم متقطع كيف مزاجك عموما هل تنسين كثير وكذا يعني ....
وصرفلي السبراليكس وماتناولته بالبداية تخوفت كثير لان ماعمري استخدمت الادوية النفسية ابداً تركته فتره طويله ممكن كم شهر وبعدها لما تعبت من الرهاب وطفح الكيل استخرت وقلت خليني اتناوله واتوكل ع الله سبحانه
وبديت باربعه ايام نصف حبه وبعدها حبة 10 مل واستمريت عليها لحد اليوم مازلت كملت شهرين
الأشياء الي لاحظتها بنفسي .....


- الخوف الكبير وضربات القلب السريعه خفت كثيرر وصرت مرتاحه والتوتر زال عني والقلق وصرت مرتاااحه ماشاء الله
- صرت اطالع بعيون الي اتكلم معاه بشكل طبيعي وكنت مااقدر ارفع عيوني
-لكن مو بالشكل الكامل يعني فيه شويه رهاب خفيفه ممكن مايلاحظها الناس لكن مااشوف فيني جرأه يعني مدري كيف اوصف :|
- شهيتي للأكل قلت للنصف وكذلك الرغبة الجنسيه اختفا تماماً :/ يعني يناسب غير المتزوجين
-ماصار يضيق صدري ونادر ماابكي وتوني الاحظ هالشي فيني
-برغم كل هذا ماحسيت ان الرهاب تعالج اتمنى احس بجرأة واخذ راحتي بالتناقش مع الناس بالمواضيع والمبادره بالكلام مو بس اني مااخاف .... طول حياتي خجوله وضعيفة الشخصيه صح الحين تغيرت بس اطمح لشي اكبر ..
اسأل الله الشفاء لي ولكم وجميع المرضى

هه وين اخرج ؟ ؤانا تركت المدرسه نهائيا ولا أقدر أرجع لها بعد ما شفت كل هالاهانات ! وبعدين قبل كنت ما أحظر إلا بالشهر مره وياليت هاليوم اللي أجي فيه يمر على خير لازم فيه إهانات ووضحك غير ألطفش والحيره أسولف مع الطاوله ولا مع الجدار ؟ لا وغير كل ذا الأهل ما يساعدون لا يأخذوني لدكتور ولا يسمحون اشتري أدويه ولا أقدر أروح اشتريها بنفسي ! لا من جد كذا السالفه ما تنتحمل

اختي احتضار لازم تاخذين علاج

حاولي بكل الطرق

حطي حد للسالفه مع اهلك

هذي حياتك انتي ارسميها لا تتركي الغير يرسمها لك باللي يتعبك وما يناسبك

بنات انا معاكم بالاستغفار
بس بزيد شغله مهمه اللي هي الصدقه ( داوو مرضاكم بالصدقه)
والرهاب يعتبر مرض والصدقه بنيه الشفاء ان شاء الله بأذن واحد احد مايخيب ضننا ويشفينا

اناجربت الاستغفار
ارتحت كثييييييييييييييير والله العظيم ارتحت

بس وقفت لانشغالي مع ولدي الله يحفظه واليوم بكمل باذن الله

للعلم انا ماعندي رهاب اجتماعي بس المرض اللي فيني سبب لي عزله وخوف من الناس

الله يشفيكم ويشفيني ويشفي جميع مرضى المسلمين

اللهم امين

انا عندما اكون في موقف رهابي ابدء اقول استغفر الله واجد الرهاب بدا يتلاشى

سبحان الله .. الا بذكر الله تطمئن القلوب

لا تنسو الدعاء في الثلث الاخر من الليل

فالدعاء في هذا الوقت وصفوه بالسهام التي لا تخطيء

انا اطلع الجمعات والزواجات بس عندي رهاب ف الكلام ..واذا تكلمت ابدا اتأتأ .. الله يشفينا

انا جربت الزولفت حسيته بس حق اكتئاب خلاني طول الوقت مبتسمه لو الناس حزينين انا مبتسمه واقول بنفسي عيب مايصير دايما مبتسمه والناس مثلا بمشكلة او حزن انا جربته لرهاب وحسيته مانفعني لرهاب بس للاكتئاب اتوقع ينفع بس من جد ماحبيته مخليني مسطوله وموعايشه بحساس مع الي حولي ومع ذلك مبتسمه ع الفاضي<<تقل سفيه... خخخ يمكن تختلف من شخص لاخر بس هذي تجربتي معاه فماحبيته بالاضافه الى انه صرت جريئه واسمع اغاني وشعور الخشيه من الله ما فيها



فا ارتحت له ابدا، جربت دوقماتيل يعني،وودي اجرب سبراليكس اخاف نفس الزولفت شرايكن؟!

عفوا قصدت فماارتحت له / الزولفت
لكن التدقيق الإملائي يكتبهارتحت له