|
ابتعدو عن المنبهات
السلام عليكم
معليش مستعجله لا تشربو منبهات نهائيا متعبه وتسبب توتر وقلق فرق توترنا وقلقنا قبل كم يوم شربت فانيلا لاتيه اخف نوع من القهوه وتعبت منها وعرفت انه منها لكن مااتعلمت واليوم شربت برضو فانيلا لاتيه بس من محل يبيع القهوه وكان شويا مركز وتعبت وجاتني نوبه هلع خفيفه والحمد لله عدت لكن التوتر زاد انتبهو من القهوه الشاهي والشوكولاته والله يعين المدمنين خصوصا القهوه التركي كمان لاحظت كثره جلوسي على النت تسبب قلق وتوتر مدري في احد زيي |
كلامك صح ميه بالميه وتزيد من نبضات القلب انا كنت مدمنه شاي بس تركته
|
صحيح كلامك انا كنت اشرب شاي كثير وقهوة ورتحت كثير لما تركتهم
|
أنا كمان الاحظ فرق كبير مرره لما اتركهم
بس مشكلتي الشوكولاته لازم احلي في اليوم مره وحده |
ايوه صادقه ام لبنتين انا كمان الجوال الجلسه عليه تتعبني وتزيد الاختلال والتوتر
|
ام لبنتين لساتك ببريطانيا
|
وكيف نفسيتك مع السفر ان شاء الله تحسنت ♡
|
والله كنت قبل شوي بنزل موضوع لاني شربت مع العشاء بيبسي ولاحظت زادت الدوخه والخفقان بس الحمدلله مااخفت
|
الكافيين بصفه عامه شاي قهوه كولا بيبسي قهوه
ابد ماتنفع للي عندهم قلق وتوتر تزيدها عاد انا اعشششق القهوه |
فعلا كلامكم صحيح .... بس احس اللي عندهم قلق هم اللي المنبهات تتعبهم ااما الناس العادييين اذا ما كثروا منها ما اعتقد تأثر ... يعني بإذن الله لما نشفى بنصير عادي لمانشرب منبهات ماراح تتعبنا
|
ندوره ايوا لسه في بريطانيا ايش مخليني ادمن قهوه الا البرررد
النفسيه الحمد لله طيبه لكن اخاف اجلس لحالي الله المستعان واخاف اقول للناس اخاف اجلس لحالي يستغربو ويسالو ليش ما ابغاهم يعرفو عن مرضي ندوره صادقه أنا كمان احس بدوخه لما اطول على النت خصوصا لو قرات كثير ام شجاع يوؤ فكرتيني أنا اليوم اخذت رشفه من البيبسي يمكن كمان زاد عليا التوتر ابتهال صادقه ميه في الميه أنا لما كنت اخذ العلاج بنتظام كنت اشرب قهوه ولا احس بتوتر ولا قلق لكن دحين من بعد ما تركته ورجعتله احس جسمي صار يتحس من كل شيء حتى الحليب ساعات افكر ايش اكل او اشرب اخاف لا يرفع الضغط او يزيد التوتر |
يابنات فاقدين ام سيوفيً. ماادريً. كيف. اخبارها
|
انا تتعبني القهوة والتمر ﻻنها حارة ع المعده ... اتوقع نوبات الهلع سببها الباطنيه ... ﻻن عندي قولون عصبي وجرثومة المعدة
|
سبحانه , موضوعك على الجرح اختي الكريمه , تصدقين انا اول ما كنت اعاني من رهاب ما رهاب وخوف وخجل والخ , بس قدر الله وما شاء فعل الغلط مني , وجلست على النت وبعدها من موقع ل موقع والخ وبعدها جلست بروحي وتحت الظلام وما حبيت اطلع مع الناس وحبيت اجلس على النت وادمنت النت خمس سنوات لين حسيت نفسي اني جبان وخايف واخاف من الناس والخ , وصارت تجيني وساويس و وجلست اشرب كثير قهوه ليومك هذا اشرب قهوه , ولكن للحين ما قدرت اخفف منها اشرب ف اليوم 100 مره تقريبا , المهم الانترنت , والقهوه , تعتبر احدى اسباب الخوف والقلق , كذالك الوحده والتوحد , والنوم في الظلام بنفسك , والتفكير والعاده السريه , اعتبرهم بنسبه لي من مسببات الخوف والرهاب , في النهاية ما يتصلح كل شي على السريع , وما يرجع الماضي للوراء , ولكن الانسان يحاول بقدر استطاعته انه يحاول ويصلح كل شي ضيعه ويبنيه من اول وجديد , واسال الله ان يشفينا وياكم , ويشفي مرضى المسلمين باذن الله , وشفانا الله , وبارك الله فيك اختي العزيزه , دقيقة من وقتك اخي القارئ .. ] اعوذ بالله من الشيطان الرجيم https://pbs.twimg.com/media/BmsetlgCEAAPn7w.jpg اللهم اجعل القران ربيع قلوبنا آستغفر الله العظيم من كل ذنبٍ عظيم اللهم يا مثبت القلوب ثبت قلبي على دينك .. سبحان الله وبحمده , سبحان الله العظيم سبحان الله , والحمد لله , ولا اله الا الله , والله اكبر لا حول ولا قوة الا بالله لا اله الا انت سبحانك اني كنت من الظالمين اللهم صل وسلم على سيدنا محمد |
مشكوره ام لبنتين ...
فعلا تزيد التوتر وبذات الخفقان لهادور كبير فيه انا اشرب بكثره بذات الشااأاااي احس مقدر اكيف نفسي ع غيره ممكن القهوه فيه بديل الشعير عن البن . اما القهوات الثانيه من زمان تركتها احسها تسبب لي ارق ..وكان يمر على يومين ما انام. |
انا سبق وتكلمت بخصوص هالموضوع في أحد المشاركات بالمنتدى ...
أنا الحقيقة مدمن كوفي وشاي وإستحاله اتركها لأني تعودت على الطعم ... لذلك، قررت شرب الكوفي والشاي منزوع الكافيين ... نفس طعم القهوة والشاي العادي لكن منزوع المادة المنشطة انصح كل شخص مدمن كوفي أو شاي يستبدلها بمنتجات منزوعة الكافيين ... بالإضافة إلى الكوفي شوب يوفر اصناف من القهوة بدون كافيين ... لكن مسألة أقطع الشاي والقهوة نهائياً مستحييييييل لأن فيه بديل وحل للكافيين وعااد انتم الله يهديكم لا تصيرون مثل اللي يا طاح يا انبطح أو في مقولة أخرى يا أسود يا أبيض : ) |
ام شجاع يمكن تكون مشغوله خصوصا اليومين هذي اجازه
نعمه التمر والرطب حارين صادقه وانا مو من عشاق التمر والرطب الحمد لله القولون ليت له علاج فعال الله يعين ابو سعود ماشالله ميه مره ليش ؟ هذا والبلد حاره أجل كيف لو كنت في مكان بارد طيب حول على الحليب يمكن ترتاح شويا وماجربت تتعالج بالادويه النفسيه ؟ وبارك الله فيك وفي المتواجدين غربه كيفك مع الضغط هههههههه امس مع التوتر الزايد رحت وقست وطبعا طلع عادي بس اتعودت فما صرت اخاف الشعير ما احبه ولا القهوه العربيه لكن التركيه عذاب احبها لكن ما اشربها |
خرافي طيب كيف طعمها اللي من دون كافين زي العاديه ؟
صراحه البرد هنا تعبنا وابغى اشرب قهوه طول الوقت |
الحمدلله ان شاء الله تمام لي فترة ماقسته احس اعراض بس اطنش تعبت خلااااااااص منه مع انه زايده عندي النغزات فالقلب والالام فالصدر وكتمه بس اللي يجي من الله حياه....اخر مره قسته الضغط من فتره طبعا كان 130/89.
وهو كذى مع الوقت لازم الواحد يتعود على وضعه وتخف الصدمه عليه ويتقبل حاله. |
ايش البديل برايكم
لاني بصراحه ماستغني عن القهوه والشاهي والمشروبات الغازيه |
غربه طيب على الحافه
المشكله انهم يقولو مع الحمل طيب لي خمسه شهور والده معقوله ما يروح عناقيد اخ خرافي يقول في قهوه بدون كافين لكن المشروبات الغازيه ما اعرف بس صدقيني لو تركتيها لو اسبوع واحد بتحسي بالفرق |
انا حملي الاول بعد اسبوع من الولاده اعطوني دواء قال قيسي بعد اسبوع ادا كويس وقفي الدواء وكان كويس الحمدلله المفروض يروح قبل الاربعين.
اما حملي الثاني كان طبيعي بعد الولاده بس بعدين صار يطلع لي اوقات يرتفع .. ومدري وش وضعي صراحه .. عناقيد انا عني استبدل القهوه العربيه بالشعير حلو احسه قريب منها اخذه حب من العطار واحمسه واطحنه واحطه بدل البن واحط معاه منكهات القهوه هيل قرنفل اوخلطه قصيميه وله فوايد كثيره ينظف الكلى وكويس للضغط. بس بعد كلام خرافي بجرب الي بدون كافيين.لان الشاي ماله بديل :( |
غربة كانك تتكلمي عني اول حمل اعطوني يعلاج ماكان ينزل الضغط وثاني حمل نزل الضغط بعد الولاده وصار يطلع زيك على فترات
بس زوجي رافض انه عندي ضغط ويقولي مايحتاج تروحي دكتور وانا كمان احس ماعندي ضغط بس من النفسيه |
انا مثلك صرت ما اكل اي شي اقول عشان الضغط بس زوجي واهلي يقولون مافيك ضغط انتي موسوسه :(بس ليه يرتفع احيان واتوتر لما اعصب او اتكلم كثير وتجيني كتمه ..
بس انا قالت لي الدكتوره عندك قابليه بس لاحظت من كلامها ان قصدها ع نفستي مو اكلي لانها تقولي طنشي وهدي نفسك.. مع انها نفسهاهاذي الدكتوره بعد ماولدت جاتني فالعنايه قالت كلي اي شي مالح ولي تبغي مافيك ضغط انا تهههههت احس اني فدوامههههههه انا اتوقع رووووحي والله اعلم بس ماني قادره ارقي نفسي اتملل ولا اسمع احس اني ع نار لما اسمع البقره او الرقيه مقدر اسمعها كامله ... |
اي صحيح كلام ام لبنتين انا من اشرب قهوه قلبي يدق بالقوه . صار سنتين ما اشرب كوفي او كبتشينو او نسكافيه الحمدالله والغازات تهائيا مبتعده عنها .. الحمدالله
|
المشكله ام سيوفي محتاجه ادفي نفسي ولا احب الاعشاب فاضطر اشرب قهوه لكن بجرب اللي بدون كافيين
|
صدقون حتى انا لمن اشرب القهوه واعتزلت القهوه با الهيل وصرت اشرب با النانخه واحول ما احط هيل الهيل يتعبني
والزنجبيل تخيلوا يسبب لي توتر وقلق واحس اني بطير مدري وشبي وعرفت انها ما تصلح لى اهل القولون واحيانا احس فيه قولون واحيان ما احس فيه شى لكن ربكم كريم |
| الساعة الآن 07:37 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا