ارجوووكم ادخلو يمكن تغير حياتي ( لوجه الله ساعدوني)
 

بسن الله الرحمن الرحيم

السلام عليكم ..

راح ابدأ بموضوعي على طول انا عمري 20

طول عمري عايش بسعاده وفرح وماعندي وساوس ولا توحد ولا مشاكل من اي نوع في طفولتي كنت شخص اخب الحياه والسفر يعني الحمدلله مرتاح
لكن .. من 6 شهور تغيرت حياتي لما كنت بالجامعه وفالقاعه جالس حسيت بنبضات في بطني بعدين تحولت اقلبي وكل مره تسرع اكثر لين ماقدرت اتنفس وقتها توقعت اني بموت وقعدت اتشهد والطلاب ودوني المستشفى وتخاليلي طلعت سليمه حتى القلب سليم الحمدلله ؟؟ طيب وش اللي فيني ؟ المهم عمي قال انها عين او حسد وبعد الرقيه بأسبوع راح الخفقان ورجعت زي اول والحمدلله عايش حياتي ..

لكنن بعدها بشهر رجعت الحاله وراخ اقولكم الاعراض اللي احس فيها لي خمس شهور الى الان الان ..

- ضيق بالتنفس احس ان جسمي مافيه اوكسجين
- احس بغصه بحلقي
-الم في صدري ونغزات في الصدر والقلب
-دوخه اخس الدنيا تدور احيانن
-صداع نادراً
-خوف وقلق مدري من ايش !
-كثره دخولي الحمام واسهال الله يكرمكم

( اكثر شئ ملازمني ضيق التنفس وغصه بالحلق احس ناقصني اوكسجين و دوخه )
طبعا كل مره اروح المستشفى تخاليلي سليمه والحمدلله وزرت دكتور نفسي قالي عندك حاله قلق وتوتر وعطاني علاج اسمه (بيرلكس) استمريت عليه شهرين واوقات مااستخدمه يعني مو محافظ عليه لانه ماغير شئ احسه وانا ماودي اخذ حبوب خايف ادمن عليهم او اتعود عليهم

انا حذفت الترم وحياتي صارت مالها طعم والله والله ما اخس بلذه الحياه لو يجيني مليون اني ماراح اصرفه لان نفسيتي مسدوده مو متقبله اي شى .. وانا اول كنت شخص مصدر للسعاده لو. تبون اروح للصومال لحالي اروح ماعندي مشكله اخب الحياه لكن الان لو يحجزون لي قصر بوسط باريس مارحت مابي شى بس خلوني ببيتي بين ابوي وامي !! والله تعب ارجووكم ساعدوني واللي عنده حل يفيدني وربي بدعيله ليل نهار ماودي يضيع عمري وانا ببدايه شبابي ابي افرح واستانس .. بأنتظاركمم

هذي نوبات الهلع وانا عندي نفس اعراضك وبعضها راحت وبعضها باقيه لاتخاف لها علاج وان شاء الله بترجع نفس اول واحسن

متى تروح يعني لمن يضيع شبابي !؟

اخوي انا اصغر منك ومايأست وان شاء الله بنتشافى قريب ادخل قسم ملتقى اصحاب نوبات الهلع وفي موضوع ملتقى المتعافين من الهلع اقرا الموضوع وبتستفيد والله يشفيك

وعليكم السلام ...

كل طبيعة لها تأثير ...طبيعتك والله اعلم هي من النوع القلق التشاؤمي ...والدليل هو اخر رد لك لما قلت متي لما يروح شبابي ..فيها قلق وتشاؤم ...

موضوعك ما اعتقد غريب ... موضوعك والله اعلم وهي وجهة نظر مجرد قلق من بسيط الى متوسط ...
القلق ونوبات الهلع والرهاب والوساوس كلها نفس العائلة ...
اذا حجزو لك قصر في باريس سافر ..وخذني معك ...
الحياة لعب ولهو ...مجرد لعب داخل ملعب الحياة ...العب حسب قانون اللعبة ال انزله الله ..وراح تنتهي المبارة عند صفارة الحكم ....

ولو كانت الدنيا تعدل عند الله جناح بعوضة ما سقى كافرا منها شربة ماء ...

عندك مجرد قلق ربما من الدراسة والامتحانات ... مارس الرياضة ..الجرئ ..روح للجيم ..مارس حديد مع الشباب ...راح ترجع تمام ...

بعض الناس عنده خلل في افراز هرومونات معينة ... لتنظيم هذه الكيمياء خذ لك دواء ..شخصيا اشوف افضل دواء للقلق هو السيروكسات ... خذلك حبة مثلا 12.5 ملجم مرة واحدة في اليوم عند الافطار صباحا ..بانتظام ..وراح تحس بفرق بعد 2 اسبوعين إن شاء الله ... ...وراح تكون بخير ..

هذا اعراض خوف و توتر
يجب الالتزام بمراجعة الطبيب النفسي
حتى لا تكبر او تتفاقم المشكلة لا قدر الله
و الف سلامة عليك

عبدالله السلام عليكم وعلى المشاركين اللي كل واحد يعطي رأيه الشخصي من دون الرجوع لدليل حسي او شاهد مجرب ..
اما بعد :
شفت اللي علقوا ع الموضوع حقك .. ﻻتستعجل على أخذ التعليقات بجدية وﻻ تعتمد عليها .. فمشكلتك واضحة واﻻدلة عندي وانا المجرب لنفس حالتك تمااماا وعرفت بلائي بفضل الله وتعالجت منه .. وانا اراقب الله فيما اقول وانصح به اخي المسلم .. اخي عبدالله تواصل معي وبإذن الله تعرف مشكلتك واخبرك بها واساعدك بتوفيق الله وعونه على حلها .. فلا تصدق ماصدمك به بعض المشاركين بنوبات الهلع ويجب عليك الدخول مع المرضى الهالعين في الصفحة الفلانية .. ولكني أخشى انك أصبت بنوبة هلع من تعليقاتهم الغير منطقية ، انا بانتظارك عزيزي والسلام ، ، ،

حبيبي هذه اصابة عين او مس المهم علاجك بالرقية وبكتاب الله

يبدو ان لديك قلق و توتر

الله يشفيك

انا اتوقع والله العالم عوارض قولون عصبي

السلام عليكم ورحمةالله وبركاته
اخ رعشني حضورك ابغا اتواصل معاك ماني قادر
ياليت تتواصل معي في اقرب وقت ممكن

سبحان الله
 

اخي ماتعانيه ربما عين اوحسد...والحمدلله ربنا ليست قويه...وعلاجها حافظ ع صلاة الفجر بالمسجد والزم الرقيه والاذكار مع الاستغفار فهو فرج للهموم والاحزان

وعن تجربة خذ عمرة... واشرب ماء زمزم وانت تطوف ادع الله بالشفاء والهدايه وان الله يحفظك من كل كيد
والدعاء عند الملتزم مجاب....بإذن الله


قبل النوم ضع زيت مقري مسحه خفيفه ع الجبهه
وادهن البطن والصدر
واغتسل بسدر...


ولورحت لطبيب وسألته عن دوقماتيل50اذا يناسبك كل حبه يوميا فهو يخفف القلق والخوف
وعن تجربةعشبة االميليساء مطحونه وعشبة البردقوش مطحونه خذ من كل وحده ملعقه في كوب ماء مغلي واتركه20دقيقه وغط الكوب عشان ماتتطاير الزيوت النافعه في العشبتين وصفه واشربه مرتين باليوم رااح ترتااح جدا بإذن الله

شكرا جزيلا لك اخ النوري

هلا بكك نواف .. انا موجود لبى قلبك والتعليقات اﻻخيرة كفت ووفت ومشكلتك عين حاسدة .. واضحة جداا والله اعلم ،،
وانا تحت خدمتك والتواصل مفتوح بس اﻻدارة عندها انظمة خاصة بالنسبة لتواصل اﻻعضاء .. لكن ارسل رسالة للادارة لعلهم يوافقون ونتواصل ..
والله يشفينا ويشفيك وكل مسلم ياأخي نواف ، ، ،

ياخوي انت محتاج لرقيه فقط ررقيه وبتتغير حياتك للاحسن ارقي نفسك انت قلت بمشكلتك انك رحت لراقي وتحسنت ورجعت الحاله من جديد انت استمر بالرقيه حتى وان كانت شهور او سنه هذا كلام الله شفاء لكل داء اعراض الحسد انو مايكون لك خلق انك تروح للجامعه او انك تطلع من البيت حتي تتوصل انك مايكون انك تحكي مع احد او مموطايق نفسك ومثل ماحكيت كثره التبول صددقني االاعراض اللي فيك اعراض حسد وعين وباذن الله راح تختفي مع الاستمرار بالرقيه انت الان صرت كئيب وحزين قبل كنت انسان مرح فجاءه تغير هذا كله وانت باين عليك صرت تشوف الحياه نظره سوداء هذي كلها من اعراضها ياخوي ثق بالله وتوكل على الله لن يصيبنا الاماكتبه الله لنا اذهب لراقي يرقيك ياخي لاتتحطم فشفاءءك بين الكاف والنون اذا ربي كتب واعلم ياخي الذي قادر على رفع السموات قادر على رفع بلائك بثانيه فلاتجزع واعلم الذي انت به قد يكون يتعبتك ويالمك لكن اقسم لك ماحب الله عبدا الا اذا ابتلاء اصبر ياخ وشفاءك باذن الله قريبا اذا استمريت بالرقيه الشرعيه فهذا كله سيزول وانت الان عمرك صغير فقط تحتاج من يدعمك بكلامه وبشيخ يرقي فيك ياخوي المستشفيات لن تعرف ماب ك كتاب الله الذي سيزول عنك هذا العبء قال تعالى (وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} اي بمعني ربي سيخرجك من ضيقك الى سعاده توكل على ربك وثق به دايما لاتجعل يومك يمر الا وانت قارى الاذكار فالعين كما قال نبينا حق واستمر بقراءه ايه الكرسي واخر سورتين من سورة البقره من قوله: (آمن الرسول بما أنزل إليه من ربه والمؤمنون...) إلى نهاية السورة،وقوله تعالى: (وإن يكاد الذين كفروا ليزلقونك بأبصارهم لما سمعوا الذكر ويقولون إنه لمجنون) والإخلاص، والمعوذتين،وبعض الأدعية كقوله صلى الله عليه وسلم: "أعيذك بكلمات الله التامة من كل شيطان وهامة، ومن كل عين لامة".
"بسم الله أرقيك من كل شيء يؤذيك، من شر كل نفس وعين حاسد، الله يشفيك، بسم الله أرقيك" تقرأ مباشرة على نفسك ، وتقرأ على ماء لكي تغتسل وان كان ماء زمزم فافضل تذكر في يوم بحياتك احد قالك ااو احد حسدك على فرحك عن طريق مزحه اذا كنت تعرف اللي دائما يتكلم عليكك فخذ باثره يعني اذا كان يشرب مويه وبقي من المويه اشوي اشربه او ملابسه او اي شي يختص به تذكرت موقف فزميلتي يوما قالت لي انها اشترت عطر فرائتها صديقتها وتكلمت عليها عن حاسه الشم لديك قويه فوالله الذي نزل التوراه والانجيل الان البنت لمن فقط بتشم العطر يجيلها حاله صداع فضيعه العين حق ودوائها اعافاك الله ورعاك

عبدالله
جررررررررب
مجرد تجرب ان صابت الحمد لله
وأن اخطت ماضرت
جرب تاخذلك كاسة كركديه بارده اشربها ونت مسترخي

أخي الكريم أنصحك بزيارة أخصائي نفسي وتطبيق العلاج المعرفي السلوكي
ولا تنسى المحافظة على صلواتك وأذكارك
ولن تحتاج إلى أدوية بإذن الله
وأسأل الله العظيم رب العرش العظيم أن يشفيك ويعافيك ويمدد في عمرك على الطاعة وجميع المسلمين

الامراض النفسيه ونوبات الهلع مو شرط تجي من عين او امراض روحيه

لكل شخص مرضه واعراضه

اخووي عبدالله نفس مشكلتي وحمدلله تشافيت بعد العمره وتحسنت بالقرآن ل انه شفاء من كل داء والرقيه الشرعيه العامه والاذكار
ولكن ممكن الاعراض النفسوجسديه ماتروح منك لين تاخذ دواء فتره عشان ترتاح وبعدين اتركه
واحسن شي الدوجماتيل لانه ليس ادماني يعني لو تاكله العمر كله ماراح يتعبك لاتترك نفسك بحجة الخوف من الادويه
صدقني راح تشوف الدنياء الواان واذا جتك المليون لاتنسى تعطينا
وانت مو خسران شي جرب الرقيه والقرآن عشان لو فيه عين لاسمح الله تروح والدواء راح يخفف عنك القلق وبكذا ضربت عصفورين بحجر
وترا زمان مايعرفون القلق ونوبات الهلع لان كان اكلهم صحي وكل شي تمام الحين عيادات النفسيه مليانه حتى من الاطفال
الله يشفي الجميع