![]() |
اااه تعالو شوووفو شصاااار
السلام عليكم..
كيفكم؟؟ طبعا كالعادة فاتحة النت وابحث.. احد المواقع اللي دخلت عليها يقول اقرا سورة الفلف اكثر من 20 مرة و10 ايات سورة الصافات والمعوذات المهم قرات وانا خايفة لان في اعراض اذا تواجدت يعني فيك سحر او حسد وبقى سورة الصافات..رحت افتحها من موقع القرآن الكريم وجتني نوبة هلع قويييية والحين قلبي يدق بسررررعة وماقدرت اكملها وابي اهرب وصعوبة بلع احس بختنق المهم قلت ابي اقراها قعدت شوي ورحت فتحت قريتها بصوت عالي اكثر من مرة وكان طبيعي بس الحين اررتتتجف ساعدوني |
اللي صارلي شي موطبيعي من زمان ماجتني هذي الرجفة
والله والله حسيت خلاصصصص بموت احس في شي بحلقي معلق وباختناق هل هذا من القلق او من قراءتي للسورة؟ ساعدوني ارجوكم بصيح |
ممكن كنتي شوي خايفه وزاد الخوف وانتي تقرين
|
نادر وجودي انا ارتجف خايفة يعني انا فيني جن
|
والله احس موقادرة اتنفس ومعرررقة
|
الشيطان استفزك عارف بالظبط كيف يدخل عليك يبي يكرهك بالقران
|
انفضحت وكل البيت يسالني شفيك رحت قلت حق اختي
وصرخت علي وهاوشتني تقول انتي مافيك شي تجيبين لنفسك المرض وليش انتي كذا وصحت والله اني خايفة |
انتي خايفه من هالموضوع وتفكرين فيه وكلامك في الموضوع اللي قبل شي طبيعي حبيبتي انك تخافين
|
إستمري على القراءة ولا توقفي حتى لو زادت الأعراض شي طبيعي إللي فيه مس أو عين أو سحر إذا قرأ القرآن تظهر فيه أعراض متعبه جداً هذا في البداية والسبب أن كلام الله نزل على العارض كالصاعقة فيقوم العارض بأذية المريض بكل الطرق كي يتوقف عن قراءة القرآن والعلاج به الواجب على كل من به عارض روحي إن ظهرت أعراض لاتطاق أثناء قراءة القرآن أن يستمر ويستمر ويستمر ولا يتوقف حتى ينهك العارض الذي أصابه ويتخلص منه بطريقتين : إما خروج وهروب العارض من الجسد مذموماً مدحوراً من حر ماوقع عليه من كلام الحق تبارك وتعالى أو إحراقه والتخلص منه نهائياً أنصحك بالتوكل على الله وإسأليه أن يعينك على مابك ويكشف السوء عنك لا بأس من الذهاب مع أحد محارمك لأحد شيوخ الرقية بشرط أن يكون مشهود له بالخير والصلاح قدامك العافية إن شاء الله 00``00` |
الله يطمنكم ولله اذا احد كلمني بقسوة اصيح
ابي بس احد ياكدلي ان مافيني مس لو حسد اهون سالت بمنتدى الرقية الخاص ويارب يرد بان مافيني شي |
مرهم جروح كلامك خوفني!!!
الكل يقول مافيني شي واقرا قران واصلي وكل شي بسلام والحمدلله بس سورة الصافات!!! وشوف موضوعي الي قبل انا اساسا خايفة من هذا وقبل لا اقرا كنت خايفة واللي جاني نوبات هلع مواعراض العين وال... |
طبيعي بتتعبي لانك حاطه في بالك انه لو قرات القران الكريم بيصير فيا كذا وكذا وانه احتمال انه سحر او مس او عين بعيد الشر
انتي لما قراتي ثاني بس كنتي خايفه يعني الحمد لله مافيكي شيء ان شالله الورده الله يخفف عنك تعبك يارب بس انتي كيف جاتك اول نوبه ؟ |
اقتباس:
بسم الله وكان انا الي اتكلم والله ارتعت .. هذا كلام اختي لي كل مااشتكيت تهاوش وتقولي انتي جايبه المرض لنفسك واصلا مافيك شي |
اول نوبة سالفتها طويييلة بتلقيتها بمشاركاتي او باحد المواضيع
بس عموما ماكنت عارفة انها هلع الا بعدين ولا كنت اعرف الهلع اصلا.. جتني بيوم عيد الاضحى في السيارة وقبلها كان يجيني على اواخر رمضان خفيف ويروح لكن اول واقوى نوبة بعيد الاضحى ام لبنتين طمنتيني يعني انا قبل لا اقراها كنت خايفة صحيح لكن كل شي مشى معاي بس سورة الصافات اللي خفت؟؟ ودايما يقولون ان الي يتعب يعني الشيطان او العارض بيطلع فخفت اكثر بس الي مطمني مافيني اعراض المس والسحر و.. الحمدلله وان اللي صارلي نوبة هلع قويية مواعراضهم |
حبيبتي انا قريت سوره البقره وحسيت كان روحي بتطلع وخلاص ودي اسكرها بسس كملتها ورحت لشيخ وقالي مافيني شي الحمدلله للاتتوهمين وتفكرين كثير ترا بيصير وسواس وبعدين بصعوبه بتتخلصين منه
|
اخت وردة
انتي متوترة بشكل مسبق انو لما تخلصي قراءة السورة رح تشعري بانه في مس يعني حطيتي في بالك انو في مس عشان هيك توترتي و خفتي اختي اللي عندو مس ما بقدر يقرا اية من القران الا يصير زي المجنون انتي ما فيكي شي توكلي على الله |
طيب بسور محددة ولا بجميع السور؟ اتمتى تجاوبني لان هذا حالي كان فقط في هذي السورة
|
اقتباس:
لا يا أخي مين قالك إللي عنده مس مايقدر يقرأ آية من القرآن وإذا قرأها يصير زي المجنون ؟ يشهد الله علي إني شفت عند أحد الرقاة الشرعيين رجل نحيف وطويل ومُلتحي مُلقى على الأرض وإثنين من شيوخ الرقية يقرأو عليه بالتناوب والرجل فاقد وعيّه وماتسمع إلا التأوْه والصراخ ، ولمن سألت أحد الحاضرين عن الرجل ( قالي هذا إمام مسجد فيه مس ) أخوك مرهم جروح راح لشيوخ رقية كثير كثير كثير وشفت العجب العجاب فيه اثنين من مكه المكرمة فيهم مس ينزلوا كل فترة من مكة لـ جدة عند الشيخ إسماعيل العمري في حي الصفا يقرأ عليهم قراءة جماعية وماتسمع إلا الصراخ ، البعض يصرخ والبعض ينصرع ويرفس ، وبعضهم تلقاه فيه مس بس يستمع لرقية الشيخ لاينصرع ولا يصرخ تدري كم لهم ينزلوا من مكة لـجدة وهم على هذا الحال ؟ لهم ثلاث سنين ومره رحت للشيخ صالح الزهراني في حي الرويس في جدة وكان يقرأ قراءة جماعية على الرجال وفجأة دخل رجل طويل وعريض ( صاحب بنية جسمانية ضخمه وطول فارع ) والشيخ قطع القراءة وقال للرجل اللي دخل علينا : أنت جيت ؟ رد عليه بصوت جهوري غريب وقال للشيخ : أنا جبته بنفسي ولا هو مايجي ، اللي كان يتكلم الجني اللي متلبس في الرجل . قرأ عليه الشيخ ويضربه في ظهره بالعِقال وكان الرجل الضخم يتلذذ بالضرب ولا يأثر فيه ( وعلى هذا الحال كل فترة وفترة يجي بنفسه عند الشيخ ، يقرأ عليه وينضرب ) " جني يعشق الضرب " أما قصص النساء مع المس وبشهادة شيوخ الرقية أكثر بكثير من الرجال مره رحت للشيخ منير عرب في حي الصفا في جدة ، وصادف هذاك الوقت إني رحت في يوم كان للنساء فقط ودخلت الفيلا حق الشيخ باخذ زيت زيتون مقري عليه والشيخ كان يقرأ على النساء واسمع صراخهم وبعض النساء كانوا يسبوا ويلعنوا في الشيخ بأصوات غريبه مو اصوات بشر ما أريد إيصاله لك أن الشخص ممكن يكون يصلي ويسمع ويقرأ قرآن لكن فيه مس بتقولي كيف يصلي ويقرأ قرآن وفيه مس ؟ أقولك الصلاة تنهى عن الفحشاء والمنكر ، وانت عارف إن فيه بعض الناس هدانا الله وإياهم جميعاً يصلوا لكن في تعاملهم فيه كذب وغيبه ونميمه ويظلموا وياكلوا حقوق الناس وغيرها من الأعمال اللي المفروض صلاته اللي يصليها تنهاه عنها ، ومثل هؤلاء معرضين للمس والبعض يقرأ القرآن بدون تدبر ولا يتأثر ولا يعمل به الله يعفو عنا جميعاً .. اللهم آمين أي شخص شخص يقرأ قرآن ويحس بضيق وتعب ورعشه أنصحه بالإستمرار في قرآءة القرآن " آيات الرقية الشرعية " وتحصين نفسه بالأذكار من الكتاب والسنة لانرمي كل شيء على القلق والتوتر والتفكير ، لازم نقبل الحقيقه حتى لو كانت مُره ونواجهها بدل مانتهرب منها ونتعذر بأعذار قد تطيل علينا المشوار ويمضي عمرنا في تشكي وترقب وإنتظار ، وقد يطول الإنتظار بكثرة الأعذار زبدة الكلام : البعض فيهم مس وإذا قرأ القرآن تظهر الأعراض ويوهم نفسه أنه يعاني من قلق وهلع ، وممسوس آخر يهديه ويشجعه ويعطيه دفعه معنويه ، واثنينهم لو راحوا لشيخ رقية ثقة ومشهود له لنتهت معاناتهم إضافة بسيطة : البعض يستخدم الأدوية شهرين ويقول ماجابت نتيجه ، يجي آخر يقوله : إستخدمها سته شهور لازم تصبر عليها علشان يظهر مفعولها .. وإذا الموضوع عن شيخ رقية بكل بساطه يقول : انا رحت لشيخ وقرأ علي ولا طلع في شيء ؟ أنا أقول : لا ياحبيبي إللي خلاك تصبر على الأدوية سته شهور ولا جابت نتيجة معاك ، إصبر على الرقية الشرعية سته شهور ، قراءة واحدة عند الشيخ لاتكفي .. فيه ناس إستمروا على الرقية سنتين وبعد سنتين ربي شافاهم وعافاهم " أعتذر عن الإطالة وإن شاء الله الفكرة وصلت " 00``00` |
اخوي بس انا قلت المريض الممسوس
ما يقدر يقرا قران على نفسه و الاخت وردة قرات على نفسها قران و توتر جسمها و خافت بس بعدين رجعت طبيعية |
اقتباس:
حياك الله اخوي يا أخي أي شخص مسحور أو معيون أو ممسوس يقدر يقرأ القرآن على نفسه ، البعض منهم يجد مشقة وتظهر عليه أعراض كالثقل في النطق والضيق والتنميل والتعرق وبروده في الأطراف وغيرها من الأعراض ، وكثير من شيوخ الرقية يطلب من به عارض بسماع الرقية وقراءة سورة البقرة وبعض الآيات التي تؤثر في العارض إن كان سحر فيطلب منه قراءة آيات السحر وإن كان عين يقرأ آيات العين وإن كان مس يقرأ الآيات التي تؤثر على عارض المس ، ولو كان لايستطيع قراءة القرآن لما طلبوا منه شيوخنا الأفاضل بذلك الشخص المصاب بعارض روحي يحتاج لمجاهدة نفسة والشفاء من عند الله لنفرض أن شخصاً يعاني من مس ويسكن في منطقه نائية لايوجد بها شيخ يرقيه ، ماذا يعمل ؟ هل يستسلم ؟ من الطبيعي يتوكل على الله ويقرأ على نفسه والشفاء من عند الله لابأس من الذهاب لأحد الرقاة الثقات والمشهود لهم بالخير والصلاح والأفضل أن ترقي نفسك بنفسك والشفاء من عند الله أسأل الله أن يرفع الضر عن كل من به ضر .. اللهم آمين 00``00` |
اخوي مرهم جروح اسفة لكن. مااكملت قراءة الكلام اللي كتبته ولا راح اكمله
لان تخوفني بكلامك اكثر وانا عارفة ان مافيني شي وبعدين في شي اسمه اعراض المس رحت على قوقل وشفتها الاعراض موفيني الحمدلله وكذلك السحر والعين.. انا معاي قلق من اول وفي اضافة ثانية اني من كم شهر سويت الحجامة وماطلع فيني شي بس قالت هذي عصبية وتفكر كثير..بعد اللي فيه مس مايبين بحجامة؟ شكرا على كلامك بس اتوقع اللي فيهم مس مايصيرون قلقين زمتوترين وهم بنفسهم يبحثون عن الاعراض.. الله يحفظنا من كل شر يارب واتمنى اذا للحين مقتنع انك تخوفني ماترد الله يسامحك لان الاعراض بترجعلي |
ههههههه لا تخافي ما فيكي الا شوية قلق
بدها مواجهة و ركزي بكلامي اللي كتبته فوق لانه مجرب |
الله يطمنك يامارشال انا من اقرا كلامك اهدا
مع ان للحين فيه خوف احس اني اتلعثم بكلامي وصرت كاني مجنونة وخايفة |
اقتباس:
أخت وردة تحية طبيبة وبعد فيه فرق بين رد على موضوعك بناءً على ماذكرتيه من أعراض حصلت لك أثناء قرآتك لسورة الصافات وبين إني أستقصد الدخول لجميع مواضيعك وأخوفك إن فيك مس وردي على الأخ مارشال ماله علاقة فيك الأخ مارشال قال اللي معاه مس لايستطيع قراءة القرآن وردي عليه كان أن من يعاني من مس يستطيع قراءة القرآن وأعطيته أمثله بخصوص إنك ماقريتي كلامي بدعوة إني أخوفك !!! أعتذر منك ومن كل من قرأ كلامي وشعر بخوف فأنا لا أقصد إخافة أحد من اليوم ورايح إن شاء الله بحاول أرجع مثل ماكنت ، قارىء أكثر من أن أكون مشارك محبتي للجميع كان معكم أخوكم / مرهم جروح مهجد حارتنا والحارة إللي جنبنا سابقاً " قدامكم العافية إن شاء الله " 00``00` |
انا اسفة بس هذا شي طبيعي منك انت ماعلطت بشي
بس احنا اصحاب الهلع نخاف ونقلق من اي شيء والدليل اول ماقريت انك راد قبل لا اقرا الرد خفت وتوترت ههههههه تعقدت اخوي ادعيلي بالشفاء انت ماغلطت بشي بس انا اخاف من هذا الموضوع خصوصا وردك كأنك تثبت ان فيني مس والعياذ بالله بدل لا اتطمن خفت يارب تشافيني واعتذرر منك مرة ثانية |
اقتباس:
نحن في هذا المنتدى اصحاب علة يعتبرها المجتمع و الاهل و الاقارب مجرد وسواس عابر لا قيمة له لكن انت تشعر بي و انا اشعر بك و بكلامك و نحن فقط من نشعر بالام البعض و في هذا المنتدى الاخوة يقولون ما يخجلون من قوله امام الناس و الاهل و لا نعرف لمن نشكو نشكو لبعضنا لاننا مررنا ببعض الاعراض لعلنا نفيد بعضنا بارك الله فيكم جميعا |
الاخ مارشال يبدو ان لاتعرف بامور المس والعين والامراض الروحيه فارجوك لاتلبس على البنت ..
تخيل ان الي فيها مرض روحي فعلا ... وانت جالس تقول مجرد وساوس !! |
وبالنسبه لورده ... يعني اذا ماكانت اعراض المرض الروحي فيك معناته مافيك مرض روحي؟؟!!
مو شرط تكون الاعراض فيك . ياورده المفروض تفرحين اذا كان فيك جني او فيك عين ... معناته عرفتي وش العله والمشكله الي فيك |
اقتباس:
ما فيها مس و انا اراهن على ذلك لا تخوف البنت ما فيها شي و خليها تروح لشيخ و انا متاكد رح يقولها ما فيكي شي |
اخت وردة جاوبيني عشان افيدك
اول مرة حصلت معك هذه الأعراض حصلت معك فجأة ام حدثت بسبب صدمة او حدث معين حصلك ؟ |
لا اعرفني ارتاح منت مخوفني مااظن انك احرص علي من نفسي
قلنا اخاف، بس موغبية لهالدرجةاللي اصدق كل كلمة اذا ماعندك كلام زين اتمنى ماتشرف مواضيعي مارشال اذا قصدك ع الهلع فهو جاني باول يوم عيد وقبلها برمضان يجيني بس كلا بدون سبب بس يزداد معاي اذا سمعت خبر وفاة او احد تكلم عن الموت وبعض المرات في السيارة اما بالنسبة للي صارلي خلال قراءة سورة الصافات هو نفسه الهلع اللي يجيني بس جا على اقوى.. وبس |
اقتباس:
اكذبي على نفسك وقولي مافيني شيء لين يذبحك هالجني ..جعله يذبحك ونفتك منك هع |
ههههههههههه حمدلله والشكر
اللي فيه يبين ماادري مين الغبي لوسمحت لاتشرف مواضيعي |
لا اعرفني ليه يااخوي ردودك قاسيه هدي علينا شوي ترا بفهمك شي مااحد يكتب مشكلته بالمنتدى من باب التسليه والاستظراف حنا نعاني وندور حل وحتى اذا مافي احل ندور احد بواسينا وكلنا اخواان بالمنتدى الله يهديك
|
اخت وردة ادخلي هذا الرابط لو سمحتي
http://www.nafsany.cc/vb/showthread.php?t=96134 |
الورده البنفسجيه اتركي الهباله انا هنا اساعدك مو عدوك ولا جالس اخوفك
جاوبيني على هالسؤالين لانه راح يكشفون اذا فيك "تابعه" ولا لا 1- هل امك اجهضت قبل هالمره ؟ واذا ماتعرفي روحي اسأليها 2- هل امك او احد من اخوانك و اخواتك مصاب بأي مرض؟ يرجى ذكر المرض ان وجد هالسؤالين مهمين جدا جاوبي عليهم وتأكدي من الجواب مضبوط .. ا |
السؤال الاول نعم بس هو طاح يعني موعمدا
السؤال الثاني لا والحمدلله بس اختي فيها قولون |
اقتباس:
|
ورده مافيكي الا العافيه يارب
|
مارشال شكرا على اهتمامك.. ولله الحمد اطمنك
ماشاءالله تبارك الله امس سويتلي مساج واسترخيت وقلت حق امي الله يحفظها وقالتلي انتي توسوسين ومافيك شي واقنعتني وبعدها رحت فتحت سورة الصافات وقريتها وطبيعي ماصار اللي صار قبل ماشاءالله.. هذا دليل على اني كنت متوترة وحالة نفسية والي فيه مس يتشنج،يبكي،يصرخ ياارب الله يكون عونهم انا اللي صارلي مجرد هلع بس جاني قوي من الخوف بس لا اعرفني اقتنعت الحين؟؟ لان جد ببكي اذا بتخوفني وبتقول فيك انا عن نفسي اقتنعت لاني قريتها وماصار شي |
الساعة الآن 01:34 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا