|
خلاص يأست
انا كرهت هالحياه .. ماعاد فيني اتحمل .. لا أصدقاء يسند عليهم الضهر ولا اهل يتفهمون اكتئاب وكره للحياه وكره لنفسي ثنائي القطب جنني
اخذ 50 حبه ديبكاين واشوف وش يصير بعدها . وبحط راسي وانام ويارب ما اصحى : من شده كرهي لنفسي ماعاد يهمني الي يكرهني او يحبني وش يمنع اني اغادر الحياه بهدوء وسلام : |
وعليكم السلام ورحمه الله وبركاته
اولاً : الله يشفيك أخوي ويعافيكك .. ولا تسوي شيء في نفسك يضركك أخوي .. لكل داء دواء , يمكن تكون انت افضل الاشخاص في البيت ويمكن تكون افضل عن اصدقائك عليك بالصبر ومجاهده النفس ............ الشيطان عدو للانسان ! يبا للانسان يسوي اي شيء , حاول تستعيذ منه وتصلي ركعتين وتتوضى على الاقل ........... اخوي . انا صارت معي هالحاله لكن علاجها سهل صدقني لو تسويها بتكون افضل اول شي : الاصدقاء < خليهم على جنب . مب لازم يكون لديك اصدقاء .. وراح يجيك يوم الناس تتكلم معك وانت تتكلم معهم وبتكون افضل واحسن ثانيا : عليك بالمحافظه على الصلاه بوقتها + ( صلاة قيام الليل ) والدعاء في السجود , وقراءة سورة البقرة ! -----( شوف اخوي )----- اي شيء تحسه يضايقك او تحسه يعملك شوشره نفسيه , حاول تتغاضى عنه ! بالنسياان حاول تعملك جدول يومي لكك , تصلح الاخطاء وتكتب كل الاشياء الي تعانيها يوميا وارجع وردد عليهم مع الايام. واذا انت محتكر في البيت كثير حاول تطلع على الاقل , لحالك , تروح على الاسواق يعني تتغير جؤ وليس يعني تشتري لك اغراض من المحل ههه ! او الذهاب الى البحر , وممارسة الرياضة ~~~~~~~~~~~ وبتكون افضل باذن الله ------------ ويمكن الاعضاء يفيدوك بوصفاتهم او اي شي ............ تفيدكك واسال الله ان يعافيك ويشفيك ويلبسك ثوب الصحه والعافيه ........ 00``00` |
اخوي هذي اعراض ذهان الحشيش وانا سبق وقلتها لك اول
وسبحان الله كلامك نفس كلام اخوي هو يتعاطاى الحشيش من 15 سنة وسببله فصام وشخصية زورانية وصار يحس اننا كلنا نكرهه وان النساس كلهم يكرهونه ولا يفهمونه وخذناه اخر شي على مستشفى الامل بالقوة واعطوه علاج وبعد ماخرج رجعلنا عقله سليم 100% وجلس اسبوعين ورجع للحشيش مرة ثانية ورجع مثل ماكان شك وخرابيط فاضية في عقله من الحشيش .. والمصيبة الكبرى انه يقول انا ماني مريض نفسي ولا فيني شي انتم اللي جبتولي المرض ويفسر اي شي نسويه في البيت انا نسويه ضده ونحيك المؤامرات عليه وندبرله المكائد والمصائد والله يعينه على نفسه |
حكيم هذي مو اعراض حشيش لا تخلط الامور
انا كاره نفسي أنت تفهم ولا تقارني بأخوك أخوك الله يعافيه ماعنده مرض نفسي انا اعترف بمرضي واعترف بأني اتعاطى لكن ( بسبب ) وليس لمتعه والسبب اني مالقيت الي يفهمني او اني انا الي مو فاهم الناس ولا هم عارفين يفهموني ......! واحسن لي واحسن لهم وابركها من ساعه طز فيهم كلهم وطز في هالدنيا الي مافيها خير ابو سعود عجزت والله عجزت ماقدرت اتكيف مع نفسي ايام في نصف الشهر يرتفع عندي النشاط والحيويه وايام اصير مثل الروبرتً اصحى من فراشي مدري وش اسوي كأن عندي زهايمر!! اصلح شاي انزل اشوف اهلي يضحكون اتقزز .. وارجع اصعد فوق انزل الشارع احس ان روحي مو معاي اطلع مع اصدقائي احس اني احرق روحي ولا احس بمتعه تلومني اذا قلت ابي اطلع من هالحياه تراي اتكلم جد ما اتدلع زي بعض الاعضاء وكثير يعرفوني هنا بمعرف ميلاد القديم وخصوصا بعد ما نقلنا لبيتنا الجديد احس ان شيطان بداخلي !!!!!!!!! |
الله يجزاك خير يابو سعود
|
اووف احس أني منهار ياناس
|
اخوي قوم توضى وصلًي ركعتين ......... وطول في السجود والبكاء والخشوع في السجود
صدقني بترتاح شوي نفسياً واذا الحين معاكم صلاه العشاء صلي صلاه العشاء ان شاء الله بتكون افضل حاااااااااال صدقني يمكن ما بطول عشر دقايق او اقل |
طلال كيف بدا معك المرض اذا حاب توضح لانو مو فاهمه وش فيك يعني السبب الأساسي عشان اقدر أساعدك
الله يشفيك ويشرح صدرك يارب |
شكرا لك ابو سعود الله يريح قلبك وينور بصيرتك ويقويك على فعل الخير ويرزقك ربي من حيث لا تحتسب
|
قصه طويله يا بكرا احلى أختصارها ... بداء معي أكتائب بسيط يوم نقلنا الجزائر سنه 2010
وخلال دخولي الجامعه من اول سنتين زاد عندي القلق الأجتماعي وطلبت من ابوي ادرس بالشارقه ووأفق ورحت وليتني مارحت هناك حسيت بوحده واناضر نفسي بالمرايه مو عارف مين انا !! زرت اول طبيب وقال عندك اضطراب ثنائي القطب والثاني قال اظطراب ذهاني واستقر الوضع على انه اضطراب وجداني ثنائي القطب .. مصطلحات غبيه رجعت للسعوديه وعمري 24 يعني بعد 6 سنوات فشل وتعب لين وصلت لمرحله الوهم واني اعيش خيالي طوال الوقت أرسم فيه كل الي ابي .. حيث ان الواقع اصبح مشمئز الروائح الأشياء الملموسه والحين صرت ماعرف كيف افهم نفسي عشان كذا انا اككره وحي واتمنى اني احرقها بقاز .. فيه تفاصيل كثيره ما اود طرحها هنا .... |
اللى غرب نفسه سارف من الام المشاعر
و اللى نفسه يعشها تانى هى هى المشاعر و اللى داب بابتسامه من عينيه مر المشااعر و اللى نفسه قصاد حبيبه يبان عليه حبيت مشاعر اللى بيفكر يفارق بس لوله المشاعر و اللى سامح حد غالى راضى ذل المشاعر و اللى ايده فى اي حبيبه بس مش حاسس مشاعر و اللى راجع بس لما انتهى وقت المشاعر مشاعر تشاور تودع تسافر مشاعر تموت و تحي مشاعر مشاعر تشاور تودع تسافر مشاعر تموت و تحي مشاعر ( حب أندفن وانسلب مني بغير حق !!! ) |
وجربت زيبركسا وسركويل ولاميكتال وسيربالكس وبروزاك لم استمر عليها لانها ماعالجتني
الاحساس الي احس فيه ان روحي مو معي يعني مافيه اي مشاعر شي يقهر ويبكي والمشكله ماقدر ابكي !! |
|
^^
ههههههههههههههه يا ساتر عل الاغنية الكئيبة اسمع هذي تفرفش http://www.youtube.com/watch?v=HNikP1VdbF4&feature=kp |
فاهمه احساسك طلال وقسم مريت فيه ماعرف من انا وتبلد ومافي مشاعر وبس أسب نفسي بداخلي انا غيبه انا محد يحبني انا فاشله وانا وانا احباط وكل اللي تحس فيه حسيته
وزيك الادويه النفسيه ماعالجتني تمام ولا صحتني احس اني مغيبه مربطه ومو انا احساس غريب بس كملت علاجي وبديت علاج بالرقيه وصلت للشفاء بفضل ربي وحسيت اني صحيت من حلم وكل شي جديد علي وبديت أتعرف علي انا اقًول يعني يمكن السبب عين حتى لو فيه أسباب خاصه وماعرفها ممكن الأصل عين تعالج بالرقيه ماراح يضرك شي وماراح تخسر شي ها وش رايك ؟! |
اخي ذهبت الى اطباء نفسيين
و لم تستفد حاولت الخروج مع الاهل او الاصدقاء زادت الضيقة معك اكيد ذهبت لشيوخ يقراو عليك و الظاهر ما تحسنت هكذا انت جربت كل الطرق لكنها لم تفيدك الان ابتدأت مرحلة اليأس عندك لانك جربت كل شي و لم تجد نتيجة ولكن انتظر ...،، أليس هناك إله عظيم ينزل في الثلث الأخير من الليل و يقول : هل من تائب اغفر له ؟ هل من سائل اعطيه ؟ أليس هناك رب قدير يقول أَمَّن يُجِيبُ ٱلۡمُضۡطَرَّ إِذَا دَعَاهُ وَيَكۡشِفُ ٱلسُّوٓءَ وَيَجۡعَلُكُمۡ خُلَفَآءَ ٱلۡأَرۡضِۗ أَءِلَٰهٞ مَّعَ ٱللَّهِۚ قَلِيلٗا مَّا تَذَكَّرُونَ هل ستقول له يأست ؟ سيقول لك وَلَا تَاْيَۡٔسُواْ مِن رَّوۡحِ ٱللَّهِۖ إِنَّهُۥ لَا يَاْيَۡٔسُ مِن رَّوۡحِ ٱللَّهِ إِلَّا ٱلۡقَوۡمُ ٱلۡكَٰفِرُونَ اخي طلال اتصل بخالقك ،، و تذلل له فهو العزيز سبحانه اساله ،، و ألح في السؤال تضرع له و ان خيب ظنك الجميع فالله لن يخذلك... اسف على الاطالة |
في ناس عايشين في السجن و عاديين الحمد لله على نعمة الحرية
|
اصعب شي لما يحس الواحد انه هراء، حاجة اثيرية لامرئية يحس انه روبوت بلا مشاعر يشعر انه كحجر اصم،
اصعب شي لما تتمنى انك تقدر تستسيغ الحياة كالاخرين وتضحك مثلهم وتبكي مثلهم بس مو قادر ..! اصعب شي لما تتمنى الموت وما تشوفه، اصعب شي لما تتمنى تعيش بس مو قادر، تحس فيه بينك وبين الحياة والموت برزخ اصعب شي لما تكون بين الحياة والموت اصعب شي اصعب شي اصعب شي ..! |
اقتباس:
كيف بدأت معاكي الحالة وهل أخذتي أدوية ؟؟ |
اقتباس:
اخذ علاجات ويلبوترين ابيلفاي كيمادرين وكربونات الليثيوم انهلكت تعبت انهديت والله ..! |
بكرا أحلى وهل الرقيه لو أنها فيها مصلحه لكأن جميع المكتئبين أصحاء
مارشيل أنا لم أذهب للرقيه الشرعيه لأني لا أؤمن بها ..., | لا يوجد رقاه يخافون الله الا قله منهم .. وشكرا لك يجب أن اقوي علاقتي بلله ولكن لا استطيع كما قلتي سارون عايش في برزخ لا موت ولا حياه احساس يجب الهم والغم كالعاده صحيت من النوم وكأن في شي في روحي مو طبيبعه الله كــريم الله كريم |
اقتباس:
انا عندي ارق |
محمد الخالدي trazodone دواء جيد للأرق بمعدل 50 ملي
|
طلال تخيل انك مصاب بعين وان شفائك التام مما انت فيه بالرقية
فكر فيها لثواني بس ... الا تستحق الرقية التجربه ؟ اذهب لراقي ثقة او ارق نفسك مايحتاج راقي تحياتي وتمنياتي لك بالشفاء العــــاجل |
اقتباس:
مع كلامه معه حق .. بعدين مافي شي اسمه ماأؤمن بالرقيه لانها آيات من القران والشفاء حاصل لامحاله ان شاء الله كثير مثلك انكروها بغرض علاجها للعين وغيره بس مجرد ماابتدو رقيه كل القناعات تغيرت الله يشفيك يارب .. |
ربنا يشفيك ويصبرك ويصبرنا جميعا علي الابتلاء
اذكر الله واكثر من الدعاء الاستغفار وربنا علي كل شئء قدير |
اقتباس:
|
انت عارف عقوبة المنتحر وين يرووووح جهنم وبئس المصير
نصيحتي راجع الدكتور ولا اخذ ادويه اكتئاب ، تدخل في هوس وتتعالج ولا تدخل في اكتئاب وتنتحر |
| الساعة الآن 12:07 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا