للاسف الي يصاب بالاكتئاب معناتها انتهت حياته (عن تجربه شخصيه)
 

كيف احوالكم واخباركم عساكم احسن

غبت لفتره لمقصد التغيير توظفت ولاكن للاسف الوضع كما هو حزن شديد لدرجه ماودك تكلم احد تشوف الكل عايش حياته وانت وكانك مكبل
قالوا ان حل مشكلتك الوضيفه توضفت واستملت راتب ولاتغير شي حزن على احتقار على قهر على تفكير سلبي جدا لم يتنفع معه لاادويه ولاقران ولاصلاه ولادعاء ولا اي شي

الشي الي فادني اني مره شربت شراب وارتفع مزاجي وراح الاكتئاب ومن خلص مفعوله رجع الاكتئاب اغلقت من جميع الابواب
اذا كان باب الرب اغلق في وجهي وش انتضر من الباقي

للاسف انظلمت في حياتي كثير كثير اشوف الكل اموره طيبه طيب ليه انا مومثلهم ليه بس سوال؟؟؟

لاكن تشكي لمين النار ماتحرق الا واطيها

اذا كان هذا ظنك برب العزه والجلال الرحمن الرحيم الي ارحم بك من نفسك ومن والديك انتظر المزيد ولاتنتظر الفرحه يا منتظر الفرحه
قال اللهُ جلَّ وعلا : أنا عند ظنِّ عبدي بي إن ظنَّ خيرًا فله ، وإن ظنَّ شرًّا فله
الراوي: واثلة بن الأسقع الليثي أبو فسيلة المحدث:المنذري - المصدر: الترغيب والترهيب

بالنسبة للصلاة انت ماتصلي الا عشان العافيه ؟؟؟!!!
الصلاه يا منتظر هاذي لآخرتك ترى وراك جنة ونار
القرآن شفيع لصاحبه يوم القيامه
يا منتظر ترى ماخلقنا الا للعبادة
مرضنا شفينا فرحنا حزنا ظلمنا انظلمنا كلللله حطها على جنب اهم شي المظمووووون سبب خلقنا ليييييييه
لعبادة الله سبحانه
منتظر ماسألت نفسك من رزقك بهاذي الوظيفه ممممممن اعطاك الصحه والعافيه والقدره انك تروح لهاذي الوظيفه
اسمع هذا المقطع والله يصلح قلبك
http://www.youtube.com/watch?v=SRYOpLbIOOY

محمد اهنيك😍الحقيقة ناس ماعندها امل تزيد من اخباط نفسها ..
وبعدين مو بس انا جاك الاكتئاب يامنتظر كلنا مرينا وتجاوزنا ورجعت حياتنا..
ولست مختلف هنا ابدا اختلافنا فقط همة الشخص وعزيمته

اترك عنك كل شي

بس ليش تظن انه باب الرب مغلق

انا دعيت مره !

لازم تصبر وماتدعي الا لله وتستمر وان شاء الله بيشفيك الله

لا تيأس

كان الله في عونك .. متفهم معاناتك لأني أعاني من اكتئاب حاد من 12 سنة .. لا أدري بماذا أنصحك , فأنا في نفس القارب .. كان الله في عونك

هلا منتظر

منتظر جرب الايفكسور تبدا بجرعة صغير ثم تتدرج حتى توصل 300 ملجم ابداء ب75 ملجم ثم بعد اسبوع ارفع الجرعة الى 150 ملجم وبعد اسبوع اجعلها حبة الصبح وحبة في الليل وان شاء الله يفيدك هذا لانه قوي

اعوذو باالله منتظره وش هاالكلام باب الرب مغلق

لالا اخطيتي على نفسك كلانا نعاني نفس ماتعاني
واحمدي ربك انتي جتك وظيفه غيرك يتمنى الاكل
ماهو عاد وظيفه وانتي مااجوره باالصبر
واعلمي انكي تعيشين قي دنيا زائله فانيه
اصبري اخيتي وصابري فاان لنا رب
اليساء كل مثله شي وانه ارحم من تمنا وابانا علينا
الا الدين منتظره
لا تخسري بعدما صبرتي كل هذا الصبر

الاخ منتضر الفرحة كلامه صح جدا مرض الاكتءاب مرض لعين يدمر الانسان ويقضى عليه والله انا اتمنى الموت على الحياة بهزا المرض

منتظر الفرحة راجع كلامك وراجع حساباتك باب الرب لايغلق في وجه احد واترك عنك التفكير السلبي ومراقبة الناس كيف عايشين فمن راقب الناس مات هما ...
منتظر الفرحة انت تحتاج علاج سلوكي اضافة الى العلاج الدوائي وان كان جربت جميع الادوية النفسية ولا فادتك على حد تعبيرك فتذكر ان عليك ان تجرب كل دواء لمدة لا تقل عن شهر الى ثلاثة اشهر حتى تظهر النتيجة الكاملة للدواء ...

واما اذا لم تفلحك معك كل الادوية النفسية فجرب علاج التفرانيل فهو اقوى مضاد للاكتئاب على الاطلاق استخدمه لمدة شهر ماهو اسبوع والا اسبوعين وتقول مانفع معي لان العلاج يبغاله اقل شي شهر الين ماتبداء تظهر نتيجته واترك التفكير في الخلق ليش فلان عايش الا انا ترى التفكير بهذا الاسلوب هو اللي دمرك

على طول نطيتوا باب الرب مفتوح ياجهله الرجال مريض تعبان نفسياً تحلف انه ينزل عليكم وحي منتضر انا معك وكلامك صحيح لايهمك احد فضفض

الله يشفيك ويهونها عليك من هذا المرض وربنا اذا احب العبد ابتلاه فعلا محد يحس بمعاناتك الا الي مر بها بس انصحك اخي تغير الاطباء الي كنت تتابع معاه وتجرب اطباء اخرين مع تغير طبيب تتغير الحاله النفسية ويمكن الادويه لم توصف بالجرعات كافيه او لم تستمر عليها لمده طويله من متى وانت مصاب بهذا مرض وكم مدة العلاج التي استمريت عليها

هههههه الأن عرفت أن المريض النفسي أنتهت حياته يااخي هي أصلآ منتهية من بدايتها

أنا متفق معك بكل ما قلتة لأني إعاني من هذا المرض من 14 سنة سويت كل شيء تناولت حبوب [تحسنت قليلا لكن بمجرد ما تركتها رجعت وأسوء من قبل] قيام ليل قرأة قران رقية شرعية ماء زمزم عسل مافيه فايدة وأحس فعلا ان حياتي انتهت وان هذا المرض سيبقى معي لحين يأخذ الله آمانتة

هل انت تتابع مع طبيب نفسي باستمرار ؟
ام يكتب لك دواء وتترك المتابعه ؟!

انا محتار مو عارف شسوي قريت ان يمدحون علاج اسمه سمبالاتا ولا ادري انا حاليا اذ ريميرون حبه وحده والتحسن صفر او تحت الصفر
الله يلعنك من مرض اول مره اشوف مرض ماله شفاء

انت وش تاخذ حاليا اخوي الوردي
والله ابتلشنا مع هالادويه مابقا دواء ماجربناه ههههههههههههه والله مسخره

هلا منتضر
 

ايا منتضر انتضر الفرحه بتجي انشالله بس انت والله اعلم فيك شيطان متربع على راسك ويبي يقهرك ويحبطك ويأسك من الدنيا يبيك تموت تنتحر ما يبي يعطيك اي امل مير شوري عليك ادحر بليسك وقله تخسا وتعقب مهب انت اللي تفقدني الامل وتحبطني وقله ما انزل الله من داء الا انزل له شفاء عرفه من عرفه وجهله من جهله الشي الثاني انصحك تروح مكه وتوقف عند الملزم تعرفه؟ اللي بين الحجر الاسود وباب الكعبه وتصفي راسك هناك تصيح ليم تشبع اعرف ناس كثير راحو بذاك المكان ودعو واستجاب الله لهم بعضهم خلال اربع ساعات سبحان الله المهم سو اللي قلت لك ولا تخلي بليس يلعب براسك ترا ما فيه شي اسمه ما له شفاء انتبه وخلك فطين وحذر من الاعيب الشيطان والعلاجات انا رايي خلها اخر شي ايه واهم شي من واقع تجربه اقر سورة البقره كامله يوميا لمدة شهر وكل ما قريت كم صفحه انفث على نفسك المهم جرب ورد لنا علم وبارك الله فيك ودايم ادع ربي اشرح صدري ويسر امري وفرج همي والله يشفي ويعافي الجميع

أشوف و عندي احساس يا منتظر بتنهي حياتك قبل ما تنهيك

أرجوا أن تكون عند حسن ظني

هلاولله منتظر الفرحه
اسمع اذا بتصير سعيد شيل اول شي من راسك المقارنات
ولله هي الي بتدمرك ياخي عيش حياتك وعمرك الي قضيته بالحزن
والمقارنات ماراح يرجع ...احمد الله على الي فيك ..في غيرك مشلول
ومرضان ولايطلع متر واحد من المستشفى قاعد طول عمره فيه
وفي غيرك ترك الحياه وهو الان تحت التراب احمدالله وخلك قنوع
لاتدقق على الحزن والاكتئاب فلها وعيش طور نفسك وتعلم سافر
تمشى حاول تمارس هوايات تحبها اي هوايه لاتقعد تدور السعاده
وتبحث عنها هي تجي من نفسها ..
ثانيا لاتصلي علشان تطيب من اكتئاب او غيره صلي لانها فرض
وعباده واجبه عليك ...وادعي الله بكل صلاه وبكل وقت ان يشفيك
لاتمل ان شاء الله يستجاب دعائك ..واقراء سوره البقره يوميا ولله فيها سعاده
واستغفرالله كثير
اذا انت فيك اكتئاب بس انا فيني اكتئاب وهوس ورهاب و وسواس قهري
لها معي 7سنين لكن وش نقول الحمدلله على كل حال
اسئل الله ان يسعدك في الدنيا والاخره ويرزقك ماتمنى

الموضوع ليس بسهوله الي تشووفنها الموضوع معقد وشائك
انا اقدر اقول النار ماتحرق الا واطيها
انا تدمرت حياتي بشكل كلي
العلاقات الاجتماعيه والدراسه والوظيفه كل شي تدمر والله شي موطبيعي موبسهوله والمصيبه العضمى ان الادويه مافادت ولو بشي بسيط
اقسم بالله انا انتهيت ماقدر اتحمل تعببببببببت
والمقارنات علشان تعرف الفرق بينك وبين غيرك هل انت صح او لا وتكتشف انك انت غلط والكل صح

اصبر وحاول تأخذ عمره وتشرب ماء زمزم ومع الأدوية وإنشاء الله ربي بيشافيك انا اعاني من قلق شديد ودائم عايش بحلم وقالو لي ماله علاج الحمد لله ع كل حال

يعني اذا اخذ عمره وترس بطنه ماء زمزم يبي يشفى ؟

جاوبني هل جربت العمره وماء زمزم وشفيت عشان تنصح فيها ؟؟؟


انتظر الاجابه

ما يصير يأخذ نوعين من مضادات الاكتئاب في نفس الوقت خصوصا بدون استشارة طبية

فيه ناس تحسنت حالتهم مع العمره والصلاة والعبادة وقراءة القرآن

الرجل يبي الشفاء التام مايبي شيء يوهمه انه شفي او تحسن طفيف


انا اعرف ناس كثير عملوا عمره ولم يتغير شيء . العمره ليست شفاء من الاكتئاب


اخي عبد المجيد ارجوك انتبه لنصائحك للمريض اعطه نصيحه مجربه وتشفي تماما او التزم الصمت بدل هذه النصائح الغير فعاله


كلنا نعرف فضل العمره ولا نقاش هنا في فضلها ... ولكن النقاش هل هي تشفيك من الاكتئاب ؟ الجواب لا


بل تجد المكتئب يعمل عمره ولا يشعر بحلاوتها بسبب الاكتئاب.فلا هو شفي ولا هو احس بحلاوه العباده

الله العالم ان بيستمر الوضع طول العمر !
لاادويه فادت ولاشي يعني الواحد محتار وش يسوي

منتضر بدي اسالك سؤال وما تزعل مني , انت سبق وتابعت دكتور شاطر معرووف في السعودية , ولا بتاخد الادوية من نفسك وتجارب الناس بس ؟؟

ياعندي امل رحت لاكثر من طبيب وكلهم كل مره اجييهم اقولهم مافي تحسن عجزو المشكله مو من الدكاتره المشكله من الادويه مافي دوا فعال

منتظر تقدر تروح للكويت ؟

وانا بعد راجعت اربع اطباء من غير فايده ، العمر يمشي وانا حالي مثل ما هو من عمري 20 سنه والحمد لله على كل حال.

حاليا من غير ادويه بعد ما جربت الكثير ومن غير فايده.

كم استمريت على كل دواء؟ وهل كان تغييرك للأدوية تحت اشراف طبيب نفسي؟ وهل كنت ملتزم تماما على العلاج وتأخذ الدواء في نفس الوقت تقريبا ؟