|
الهلع عاد
من الموضوع مبين ان العله رجع لي ^^ !! زبده ما امداني آرجع لحياتي الا نط لي ما ادري هو بسبب تحاليل الزواج اليوم ولان زواج قرب خفت ') او لان الدوره ذا موعدها لانه اول ما جاني وهي علي ' أعوذ بالله منه من مرض من ضيق يصك النفس علي
جد جد لاعت كبدي مدري لان كنت متبرجه اليوم بس والله رايحه جامعه مو مكان ثاني بس مريت صيدليه وانا راجعه ما ادري ذا عقاب ولا وشو بس ضيق خلفي ضيقه نشف ريقي '( يا حياة الشقى ونوم ما نمت الا ساعه !! ومن الجامعه لصيدليه ومن الصيدليه للمستشفى عاد ضيقه وبعد أشوف ناس تخرع مريضه بالمستشفى '( رعب ما بعده رعب هفف زبده أدعو وربي العداد وصل اخره من الياس والقنوط |
الله يكون بعونك انا جتني امس الحالة وانا اسوق وقعدت الف يمين ويسار والناس تضرب بوري وحالتي حالة واتراجف
ومن امس وانا مسكر الغرفة على ومابي احد ولا ابي اكل بس جالس حزين |
اقتباس:
لا تقعد لحالك ترى تزيدها الوحدة اشغل نفسك باي شي أقراء اجلس مع اهلك ادري صعبه وحاسه انها صعبه بس ذا اكثر شي يخفف تركيزنا على ذا الهلع |
لا حول ولا قوة الا بالله
هدو يا جماعة ما يصير كذا كلنا اخوان احنا جايين هاذا المنتدى عشان نفضفض لبعض الله يهديكم تحياتي |
اختي دلال النكسه بالهلع حاصله حاصله اما ضيق النفس الله يعينك يارب عليه انا هو عدوي الاول اساسا كل الاعراض بدونه تهون انا كلما هديت شهر او زياده رجع لي،مرة ثانيه قاعد لي قعده
بالتوفيق بالزواج وعقبال العيال |
اختي دلال انتي تكتبين اشياء تستفز الاعضاء كيف تقولين متبرجه وانتي عارفه التبرج حرام وتقولين طالعه للجامعه عادي اذا كان تبرجك بالعبايه والنقاب ف هذا حرام سواء رحتي للجامعه او اي مكان لان بيشوفونك رجال غير محارم لك يااختي الانسان يبتلى ليتوب لا ليستمر على المعاصي الله يهديك بس ولا تلومين الضيقه اللي انتي فيها الشيطان مسيطر عليك بسببك انتي مافيك شي الحمد لله لا عين ولا حسد ولا سحر
|
اقتباس:
بس خف علي جلست أردد حسبي الله ونعم الوكيل ^^ والحمد الله جربها انت بعد توفيق في دنيا ودين انشاء الله لي ولكم |
مساء الخير شو فيكم يا جماعة الخير ما بستاهل الموضوع انه تكبروه البنت عم تفضفض وتعاتب نفسها بغض النظر عن الكلام اللي قالته هي عم توجهو لنفسها وانتو يا الأعضاء اللي حابب يكتب مشاركة ياريت تكون إيجابية وتساعد مو تكون هجومية وتزيد الطين بلة أرجو منكم الإلتزام والإحترام المتبادل في طريقة الرد.. وشكراً.. |
اقتباس:
اختي العزيزه دلال سالم أسعد الله أوقاتك المعروف ان النوبه تأتينا بدون استئذان ....وتذهب كما جاءت يعني هي عباره عن اضطراب نفسي بسيط......وأكرر بسيط وإن تمكننا من مواجهته فسيهرب .....ولكن السؤال هنا يمكن في كيفيه مواجهة النوبه وصدها وعدم التفكير بها وهنا يطرأ على بالي سؤال وهو......ما هي علاقتك بربك؟ إن كانت علاقة ضعيفه فلن تقدري على مواجهة اي شئ في حياتك سواء كان سهل أو معقد فاحرصي يا أختي على الأذكار ....والصلاة...والإلحاح بالدعاء والتضرع وأوصيكي بقيام الليل خيرا فإنها دواء النفس العليله ولا بأس بالذهاب إلى طبيب نفسي لوصف بعض الأدويه التي تساعدك على تخفيف النوبه كوني بخير...وسأطمئن عليكي دائما |
اقتباس:
انا مابيها بالأساس من نوبه ابي أعيش حياتي مو ضيقت خلق تنط لي فجائه الصلاة التزم بها بس ذلحين كاني باديه اخرها بس برجع أتوب انشاء الله بس والله مو بيدي الأذكار ملتزمه فيها الحمد الله ودعاء بعد، احس صعبه اروح دكتور نفسي ^^ احس كريزما حقتي بطيح بتراب هه شكرًا لك جد ^^ وأحبك وأحب طيبتك |
دلال حبيبتي انتي تكتبين في منتدى فيه رجال
يعني تكتبين انك متبرجة وماادري بالضبط وش معنى كلمة متبرجة بالنسبة لك وانه عليك الدورة يعني معليش انتي مو جالسة تسولفين لاختك ولاصديقتك غريب امرك مرة اقول توك صغيرة مرة اقول تتعنين هالحركات واذا تبين تشفين ارجعي لربك وخافي الله في كل شي |
حاولي تتجاهلين كثيير
هذه كلها نوبات وهميه ناتجه من التوتر |
اقتباس:
دوره محرمه شرعا !؟! أشوف الحريم لا كلمو مفتي المملكة عادي إيزي تطلبه يفتيها وانا عادي ممكن الهرمونات هي الي تسبب ذا الحاله وعلى اتعمد ليه !! واو ^^ ترى اعرف حدودي الشريعه كويس واعرف الصح من الغلط وانا أبدا ما سويت شي غلط بس الشخص الي عنده مشكله في أسلوبي مشكلته مو مشكلتي أوكيه!!! وعاد على سالفه تبرج واو أنتم فهمكم تفهمون الي تبون ^^ وانا مو مجبوره أبرر والي عنده كلمه حسنه يقولها والي ما عنده رجاء لا يدخل مواضيعي من الأساس |
مشا الله عليك يا دلال قريت ردودك اهنيك ع شخصيتك ترا اللي،شخصيته مش مهزوزه باذن الله ما راح يسيطر عليه شي لا مرض نفسي ولا جسدي زمان سمعتها من شيخ معروف يقول قوه الشخصيه اول ابواب،العلاج بالتوفيق لك وللجميع
|
اقتباس:
أعلمي يا عزيزتي أنك ومنذ أن تقتحين موضوع جديد بأن الكل هنا سيهرع إلى صفحتك لمد يد العون والمسانده ....فهل يكون هذا جزاؤهم ؟ وأيضا أعلم بأنك متضايقه وخائفه ومتوتره مما يحل بك ...وصعوبة ذهابك إلى طبيب مختص وإليك الحل... يوجد هنا أطباء يمكنك استشارتهم وممكن أن يساعدوك في وصف الدواء المناسب لحالتك.... وبالنسبه للأمور الأنثويه ممكن أن تكلميني عنها برسالة خاصه لعلنا نجد لها حل أتمنى أن أراكي بخير دائما....أنتي وأخوتي وجميع أعضاء نفساني دمتي سالمه |
اقتباس:
يهرع لي ناس راقيه تعرف وش تكتب مو كل من جاء بعقله الصغير كلمه قطها !! والأطباء استشرتهم ، بس ماكو فايده ، وبلا كتابه موضوع من الأساس ^^ ولك كذالك |
اقتباس:
^^شكرا على الدفع المعنوي نحتاج استنساخ منك في هذه المجتمعات العربيه |
تسلمين يااخت دلال شهاده الحق لازم تنقال وع فكره اساسا قوه الشخصيه نعمه محسود عليها بعض،الناس والبنت خصوصا المفروض لها ثقتها وشخصيتها المستقله بصراحه ملينا من ذوي العقول القاصره للاسف بس وش نسوي الشكوا،لله هم بينا ولازم نتقبلهم
|
اقتباس:
اتقبلهم كا أشخاص مو ك فكر ، |
Sure اشخاص اما الفكر فا خلاص عهد المجاملات ولا معهم عاد من جد مسوين علينا اسياد واذ جيت تناقش الواحد جلس،يسب،وشتم يعني،مبدا قبول الاخر محذوف من القاموس حقهم
|
اقتباس:
للأسف لان ثقافة العادات والتقاليد تطغا عليهم حتى مهما وصلو من تعلم وثقافه اما أخلاق الدين فهي أخلاق رحمه وعدل يعني ممكن يكفرونك لأنك عاصي شفت كيف!! ينظرون لك نظرت اشمائزاز وتلك البغي التي رحمت الكلب رحمها الله ، وهم يضعون أنفسهم مكان الانتقاد كأنهم اعلم بنا من أنفسنا !! دينا دين رحمه ولين ونصح مو دفاشه كأنهم معصومين اعتقد لا احد معصوم غير النبين ^^ !! مو كذا اخ محب؟ |
عين العقل مشا الله عليك واضيفي عليها بعد قانون المحاسبه عندهم قانونهم مقسم عل كيفهم عندك مثلا بنت تغلط لو بمزحه او زله لسان خلاص حكم عليها بالنهايه رجال يغلط نقول مسكين ضعيف عادي،
قوانين وضعيه من عقولهم الجاهله اللي ما تقبل مبدا التسامح بس انا اشوف انهم في طريقهم لزوال مع الوقت هم يقاومون بشده بس مصير الحق والمنطق يطلع ترا الحين فيه بعضهم يقرا الحين وتلقاه ممكن يجيك بسب ولا يقول ذولا متحريين !!!!! ايه تحرر من التقاليد الباليه وليس من الدين |
اقتباس:
طبيعي الرجل لا عيب له في مجتمعنا اما البنت كلها عيوب ، عشان كذا كثر أشباه الرجل ^^ وصارو الحريم مسترجلات !! صحيح عشان اختلفنا في وجهت النظر صرنا متحررين ^^ ومو بعيده نصير من كفار قريش |
هههههه ضحكتني من جد قريش ها الحريم اللي يدافعون هذولا تعودو ع فقدان الشخيصه لين ادمنوا عليها وهذولا مصيبتهم اللعن
بالنسبه لي انا واحد من كثيررررر صدقني كثير بس بعضهم ساكت االي انا تعلمته في حياتي والقناعه اللي وصلت لها بالاخير لاني اكتشفت انا شخصيه الرجل من شخصيته المراه يعني زوجتك ضعيفه شخصيه هذه نتايجها سلبيه ع الرجل نفسه ولا راح يحس بكيانه كرجل لانه جالس يتعامل مع تبيع وليس انسان كامل الحق وع قولتهم القوي يقؤيك والضعيف يزيدك ضعف بالاخير الله المستعان بس |
اقتباس:
صراحه اكبر مخاوفي يكون زوجي نفس تفكير ذا الفئه ^^ بس نكثر دعاء والله المستعان مجتمع رابي على تبعيه ومو عيب الانسان يعترف بإغلاطه ويصححها صدقت يا اخوك |
ماراح يكون حطي املك كبير فيه وانتي برضو شدي،حليلك واستخدمي ذكاك وحجتك في تصحيح المفاهيم هذا دورك والواجب عليك ذي رساله لازم توصلينها للاخر، ومش اخر ذا زوجك شريك عمرك الله يوفقك ومايجي وقت الزواج الا وانتي زي،الفل مابه فيك اي قلق
|
اقتباس:
انشاء الله يا رب يجزاك جنه الدنيا والأخره |
لم أكن أتوقع أن يكون هذا ردك على اختك
جزاك الله خير وألف لا بأس عليكي ان شاء الله دمتي سالمه |
لا يوجد اي شيء في الموضوع يتسحق كل هذه الحرب ،،،،
متبرجه ،،، يقولون عنها سبب مرضها هو التبرج ،، هذا يعني ان كل الكاشفات عن رؤوسهن او المتبرجات مريضات نفسيا ،،، كان ما لقينا ولا ملتزمه مريضه ،، والموقع يشهد على هذا ،،، لذا يا اخواني البنت حره ،، تقول متبرجه مثل ما تحب هي حره ،،، لسنا اولياء عليها ،، ولا اوصياء عليها ،، ولم تشرح لنا ماهو التبرج الذي كانت به ، يمكن كاشفه وجهها بس هههههههههههه ،، الدوره الشهريه ،، لم تكن عيبا ولا محرمة شرعا ان تتحدث بها المرأه ، لأنها تتصل بالهاتف على برنامج افتاء التلفزيون او الراديو يسمعه ملايين الرجال ،،،، وأي رجل هذا الذي يجد بهذه الكلمه شيء من الإغراء ؟ّّّّ!!!! هههههههههه أمركم غريب ،،، البنت تتحدث للفضفضه ،، تركتو المرض ومسكتو بأشياء والله لا اراها تستحق ،،،،، |
يااخي هي ماتفضفص عن مشكله تعاني منها هي تحكي عن تفاصيل ماتهمنا ولا تعتبر مشكله تبينا نساعدها ... هي بالضبط ماادري وش تبي
|
اقتباس:
تقول متبرجة عادي المعروف ان التبرج اظهار الزينة لغير المحارم مع انها تقول راحت من البيت للجامعة ونست ان السواق مو محرم لها طيب على قولتك حنا مو اوصياء عليها بس واحبنا الامر بالمعروف والنهي عن المنكر وهي ليتها سوت وسترت نفسها الرسول يقول كل امتي معافى الا المجاهرون الله يعفو عنا كلمة حق ولازم اقولها |
اقتباس:
كلامك على راسي يا عزيزي ،،، واجبك الأمر بالمعروف والنهي عن المنكر ،،، هذا مااردت الوصول اليه ،،، مو تخرجوها من المله ،،،، أما عن نفسي كمدير للموقع ، فأنا أدير موقع نفسي وليس موقع للشريعه ،، هذا يعني أنك قد تصادف نصرانيا هنا ، فهل نطرده ؟؟؟ أنا عن نفسي كمدير للموقع سأستقبل النصراني العربي واليهودي العربي وكل الملل العربية ، لأن الواجب هنا انساني ،،، كن بخير ياعزيزي وهون عليك ،،،، |
اقتباس:
ماشي اختي ام شجاع ، إن كان ما تقوله لا يهمني ، فلا نهتم بالرد ايضا ،،، نتركها وشأنها فلا نزيد عليها ،،، |
اذا دل مهاجمتكم على شي دل على ضعف شخصيات
الانسان مسئول عن نفسه لا تنصبو أنفسكم مكان الله أوكيه ^^!! وترى لو أرد عليكم بأسلوبكم بتزعلون بس انا ما انزل لمستويات اقل مني ولا تسون فيها الي كاملين أوكيه !! يأما شيوخ مصيرهم جهنم ويأمها إنسان عصى وتاب وصار في جنات عدن ما تدرون نهايتكم ونهايتي على ايش على كل الأحوال حسبي الله وكفى ^^ |
اقتباس:
احب اعلق على بعض الامور اللي كتبتها بنتنا دلال وخاصه مع هذه الحرب اولا بنتنا دلال جايه هنا تحتاج مساعده وتفضفض وتبحث عن من يساعدها في تخطي مشكلتها هنا مهمتنا اننا نساعدها وليس مهمتنا مهاجمتها بغض النظر ان كان كلامها لم يعجب البعض او عندها سوء تصرف مهمتنا اننا ننقذها بالكلام الطيب والاحسان ونجادلها بالتي هي احسن وليس مهاجمتها وشن الحرب عليها حتى لو كانت مخطئه(عندما ارسل الله موسى وهارون لفرعون بماذا امرهما ؟ قال تعالى : فقولا له قولا لينا لعله يتذكر أو يخشى الاخت دلال هي تدري ومعترفه ان التبرج حرام و ان فعلها خطأ وكما قال الحوراني الله اعلم وش مفهوم التبرج عندها فاذا كانت ما تغطي وجها مثلا فهذا لا يعتبر تبرج لان الفقها مختلفين في امر تغطيه الوجه وبعدين هي اعترفت وقالت (مدري لان كنت متبرجه اليوم) يعني هي تطلب المشووره وتفضفض , هل بسبب اني غلطت واخطأت اني كنت متبرجه رجع لي هذا المرض ولالا , الجواب هنا المفروض نقول لها ممكن يا دلال ان تبرجك سبب في رجوع المرض لهذا لازم تحاولين تكونين اكثر حشمه وباذن الله يروح منك المرض , مو نشن عليها الحرب ونساعد الشيطان عليها عشان تندم انها كتبت وفضفضت لنا تتمنى وتطلب مننا المشوره فتضطر تترك المنتدى بسبب عدم فهم بعض الاعضاء وعدم التريث وعدم فهمنا لاختنا دلال شاهدت بعض المواضيع لبنتنا دلال ولاحظت انها ودها تتغير وتكون افضل مع الله وتحاول ترجع لربها ويمكن نقول انها اساءت في بعض الاحيان طريقه التعبير ونقول خانها التعبير لكن نيتها طيبه و روحها طيبه لانها تحاول انها تتوب وهذا ما لحظته من خلال بعض مشاركاتها فلا تساعدون شيطان دلال بابعادها عن الله وعن محاوله تقربها منه (رفقا باختنا دلال ) الاخت دلال مره قالت ان مريضه ومره قالت انا مافيني شي ومره قالت رجع لي المرض , يا اخوان هذا امر طبيعي فهي كل يوم بحاله نفسيه غير وهي توها في بدايه المرض يعني كل ما تجيها حاله على طول تروح تفضفض بها لانها توها في البدايه اليوم مثلا تحس ان المرض راح منها ف تكتب لكم وتفضفض ان المرض راح وانا ما فيني شي وبكره تنتكس حالتها وتقول ما كملت الفرحه رجع لي المرض وبعدها تقول انا افضل من امس وهكذا فهي في تغير مع تغير الايام مثلها مثل اي مريض كل شوي تنتكس حالته مره كويس ومره تعبان نحن علينا البلاغ و الله عليه الحساب لذا انصحوا وبلغوا , و دعوا الخلق للخالق الزبده اتمنى ان نكسبها ونساعدها ولا تنسون انها في مقتبل العمر يعني ما عندها خبره بالحياه كثيره فنجد انها في تلخبط وفوضى نفسيه (ساعدوها) بالنسبه للهلع يا اختنا دلال اللي فيك هذا وسواس الخوف من الموت وهو يختلف عن ما نسميه نوبات الهلع ف نوبات الهلع غالبا تاتيك فجأه وتكون كالصاعقه على القلب لدرجه الصراخ , اما المخاوف المرضيه فهذا نسميه وسواس الموت او الخوف من الموت او فوبيا الموت يعني قلق عام , و نوبات الهلع ووسواس الموت كلها تندرج تحت مسمى القلق العام وطبعا احيانا يكون الانسان يحس بخوف بدون سبب وهذا قلق عام احيانا يكون المرض هذا هو خلل في كيمياء الجسم وقد يكون بسبب الشياطين وقد يكون بسبب الانثين معاً بما انك في بدايه الاتعاب انصحك تسمعين او تستشيرين اخونا العضو الحكيم الفاضل ونك نيمه الحالي زهراني حزين , باذن الله راح يفيدك لان عنده خبره في الاعشاب اسال الله لك العافيه وان يكشف همك ويفرج كربتك وللجميع يارب تحيتي للجميع |
اقتباس:
شكرًا لكل كلمه كتبتها حسيت نفسي مو مفهومه ابدا بس شكرًا لك لا انك ساعدتني ووضحت الي كنت أقوله |
اقتباس:
كوني بخير |
حسستوني اصغر عيالكم ^^ زبده مستمره لآخر نفس مافيه فكه مني
ما تقصرون كل أبوكم |
ما أجمل ان يكون الإنسان متفهّم لأخيه الإنسان يشعر معه..ويدرك مرضه..ويراعي شعوره..ويقّدر ظروفه..ويساعده ولو بكلمة طيبة ترفع من معنوياته وتفرح قلبه..هذا هو عهدنا بكم وأملنا فيكم أيها الأخوان بارك الله فيك اخي الوردي وفي امثالك.. كونوا بخير .. |
| الساعة الآن 02:45 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا