النوم'
 

السلام عليكم ورحمه الله

النوم ' !! صراحه ذا شي معقدني بحياتي بكره دوام وأبد ما اقدر أنام اوكيه مؤمنه ان مراح يصير لي شي بس أخاف منه لان النوم موته صغرا

انا الحمد الله أحسن من بعض حالاتكم بس أخاف من نوم الليل رعب بنسبه لي من بعد نوبات الهلع

أخاف ما اصحى كيذا تجيني فكره كلن يتخلى عني حتى أمي راح تخليني اروح فذيك ألحفره أبوي دفنوه وانا لا مت بيدفنوني بعد

ويخلوني بذاك المكان ومع اول ايام العزاء ممكن يذكروني بس بعدين ماحد راح يذكرك

تجيني أفكار ليه بلاساس ربي يسوي فينا كيذا ليه أعيش بلاساس دام اني بتألم !! انا ما اعترض على ربي

احيان أتمنى الموت وودي ادعي عشان ارتاح من ذا الهم وأحيانا أخاف من مابعد الموت

وأحيانا تجي أفكار ليه تخافين بلاساس عيشي حياتك زي قبل وسوي الي تبين لو كان معارض لدين اهم شي تموتين مبسوطة


الزبده احس نفسي ضايعه مشتته اشتقت لحياتي قبل بس عيب أعصي ربي بعد ما استجاب دعائي

بس ودي بعد ارتاح بحياتي مليت من ذا تفكير في الهلع وذا الخوف

الله يطول عمرك اختي بطاعته
اختي الموت حق علينا
ليش تشغلي نفسك بشي غيبي لا يعلمه الا الله؟
عيشي حياتك يا اختي لساتك صغيرة العمر قدامك ان شاء الله
الخوف من الموت ما راح ياخر الموت ولا راح يمنعه
اختي ركزي على حياتك والاشياء الي تحبيها
خليكي متفائلة وروحي وتعالي وخليكي واثقة بالله
اختي دايم قبل النوم اقراي سورة الملك هيا المنجية من عذاب القبر
لا بأس عليكي يا اختي

الحل سهل لاتنامين وقومي الليل وصلي مافيه احسن من كذا راحة مابعدها رااااحة انا مجربة

اذا ماجاني النوم انبسط واكون بين يدين ربي وادعيه واقوله اللي ابي كانت احلى حياة عشتها

انا ما أخاف منه بس أخاف أفارق أمي

صادق اني مركزه على حياتي بس أخاف أعصي ربي وانا مدري أخاف الهوى يغلبني

الحمد الله متفائله بربي خير

بحاول اقرأها

المفروض الامر الحتمي واللي خارج عن سيطرتنا ومانقدر نغيره خلاص مانفكر فيه اقصد مانفكر فيه بشكل مفرط لان اذا فكرنا كثير يلقى الشيطان مدخل للتخويف والتحزين وهذا هدف الشيطان قال تعالى (انما النجوى من الشيطان ليحزن اللذين ءامنو )فكري بأشياء حلوه انك بتتزوجين وبيجيك اطفال وعندك دراسه ومستقبل وعندك عاءله جميله .. انا لمن اطالع عيون ولدي شجاااع انسى الدنيا بكبرها ههههههه ... واتمنى اختي دلال تسامحيني اذا اخطيت عليك ... تمنياتي بالشفاء

لو أجازه عادي بس انا ورأي جامعه ودراسه واجي البيت العصر !! لازم أنام واشبع نوم


ولا المستقبل بيروح ،

صحيح ودي أتوطا ببطنك بس عادي احبك وتمنى لك مثل ما أتمنى لنفسي

مدري احس ما كاني بتزوج بالأساس ما عاد اشعر استغفر الله

حتى اذا فكرت بزواج بناحيه يجيني أطفال وكيذا أخاف اختي الصغيرة تقول الولاده كان روحك بتطلع ، وفيه ناس يموتون بالولادة

وخاف حتى اول ما جاني الهلع جالسه مع حريم قالو فلأنه نايمه وماتت يقولون جاتها سكته مع انها صغيره !! رحت لغرفتي وجلست اشاهق زياده على ماني تعبانه تعبوني

^^ الله يخليه لك صادقه البزران شي جميل بالحياة بس انك تجيبينهم لا صعبه هه

انتي تفكيرك سلبي فكري من ناحيه ايجابيه مثلا تقولين الولاده روحك بتطلع مع العلم ان هذا الكلام غير دقيق صحيح مؤلمه بس مو الى هالدرجه على النقيض قولي بيصير عندي طفل صدقيني الدنيا كلها تصير حلوه واذا كان الزواج مسؤليه فكري انو بيرزقكك ربي بزوج حنون وطيب يعوضك عن والدك اللي فقديه وهذا انا مجربته يااختي التفكير السلبي يجيب الهم

^^ طلعتي سلبيه يا دلول

توقعين كيذا !! كلامك أقنعني بس يظل الزوج إنسان الي بتزوجه إنسان غريب وانا صراحه أخاف

ابعد عن أمي انا من بعد الهلع ناشبه لميمتي في غرفتها أنام معها

احيان تقول تضحك علي كنك صرتي بزر ^^


بس وش أسوي ما ارتاح الا هي جنبي


انا مدري كيف صرت كيذا ، قبل كان كل شي حلو الحياة ما كانت تهمني الا اني ابسط نفسي

وأستأنس ذلحين أتفه الأشياء تخوفونني

أتذكر نفسي قبل وكيف وصلت لهنا ، صحيح قبل ما كان تجيني طنات وازعل أو تضايق ما تستمر اقل من يوم ذلحين

الخوف سيطر علي ما عاد اعرف من ايش أخاف بضبط كل يوم خوف شكل

اقول انتبهي لكلامك .. انتي تسالين الله ليه ؟

اهلين فكره الموت المفاجي وخصوصا انثاء النوم تلاحق الكثير ونا جتني كثير ولازلت .. بس هذه هي الدنيا كلها مخاطره من اول لاخرها حتا الانسان وهو ياكل يمكن يغص ويموت او يسافر وتطيح به الطياره تعددت الاسباب
س بقول لك شي ليه تفكرين تفكير سيئ ليش ما تقول انا بعيش مثل ما عاش غيري عمر طويل !!! وش المانع من ذا التفكير
زي ما انتي تروحين للجامعه ع اساس انك بتنجين وتتوظفين شبه ضمانه تقربيا برضو اضمني باذن اللله انك ماراح يجيك هالشي اللي تخافين منه بسرعه
كلنا نخاف الموت المفاجي وهو معروف وحتا طبيا يسمي S C D معروف متلازمه لموت لقلب المفاجي وله اسبابه باذن الله مثله مثل غيره من العلل ... لاكن السؤال وش الفرق بينه وبين غيره الموت واحد واحد بس الانسان لازم يكون عنده امل وماهي الحياه الا امل ورجاء .. اعرف صعب الاقتناع واعرف الخوف من هالشي كل ليله يصير بس ما فيه حل لانه لازم التعايش والتكييف مع الوضع .. ايقاع الحياه تغير كثير وصارت الدنيا اجمل واسهل وزاد التعلق بها اكثر واكثر

انا أتكلم عن الي أعاني منه شدخلك انت !! ملقوف جد

تصدق اليوم رجعت لحياتي زي قبل وأحسن بس مضايقني تفكيري الي قبل ان كل شي إيزي عندي ما اعرف أميز بين حلال وحرام

ممكن احيان المرض نعمه عشان ما نضل غافلين

سويت اليوم شغلات مو كويسه ما راح أقولها بس احس إحساسي عادي كأنها حلال ما عاد احس ولا تبلدت مدري




ابي قلبي يثبت على طاعت ربي لو على نوبات هلع أتحمل بس مابي ارجع زي قبل مابي أموت على غفله



الأمل بالحياة يأخذني لأشياء ربي ما يرضاها ممكن تكون مو حرام في مجتمعي المحيط بس هي حرام بشرع


أخاف على نفسي صراحه من ذا دنيا ومتاعها

شوفي دلال ترا قله النوم تخليك تفكرين تفكير غير ويدخلك في تخيلات .. بعدين الامل بالحياه ماله دخل بالعصيان !! اعمل لدنياك كانك تعيش ابدا
وترا الانسان مب معصموم من الخطا ..
وياخوفي قله النوم اثرت بك

لا نمت الحمد الله ^^


تتوقع كيذا !! لكن مدري احس النوم ماله شغل يعني طريقت تفكيري هي الغلط

الأمل الا يبعد الانسان عن ربه والله كل ما التفت وانبسطت في أشياء أفكر فيها بعدين من ناحيه الدين اطلع عاصيه وبقوه بعد

ادري مو معصوم بس فيه أشياء في دين مثلا الي تسوي كيذا مراح تدخل الجنه عاد أخاف انا والله مابي الا الجنه مو نار

لا تروحي بعيد في تفكيرك افا بس ... برضو لك حق تعيشي وتنبسطي،
شوفي،ضمي امك بقووووه وابكي عليها
انا اتمنا اسوي كذا بس رجال مشكله هههه

^^ مو اروح بعيد بس الذنوب تهلك وانا أختك '

صحيح بس بحدود الدين

والله لا ضميتها تنضر لي ذيك النضره شفيك يا بنت رجعتي بزر ^^


عادي ضم أمك انت طلعت من بطنها عادي والله انت ولدها

صعبة استحي ويييييين تحسها تفريغ . انا اشوف انو اكثر شخص يقبل من الواحد الشكوا مهما كثرت هي الام الله يخليهم لنا
طبعا وسعي صدرك بحدود المعقول بدون افراط او تفريط ... لاتشدي ولا ترخي انتي وضميرك .. بس ترا النفسيه لها دور يعني اللي ضايق خلقه او يفكر او خايف ذا ينبسط شوي ويرجع

ورى تستحي !! مجتمعنا رباكم على أشياء مالها من الدين يصله ترى أتوقع انك تحبها وتضمها وكيذا من البر لانها تفرح

صادق بس مو كل ام انا مثلا احس اختي محل أمي مع انها اكبر مني بكم سنه بس احس تفهمني أما ماما يعني احبها حيل بس

تحبك بعيده شوي عنها اوكيه تضمك وتحن عليك بس مو دائم ^^ وكثرت الكلام عندها ما تحبها

صدقتي لو حنا متعودين ع الحنحنه والضم والامور ذي ما كان صرنا نخاف مير ذبحونا يخلون الواحد ينشف من قله العاطفه هههه .. عني انا مازلت اشتكي لاامي واقولها كل شي حتا خوفي وحرصي الزايد والله ياما وقفت معي الله لا يحرمني منها بس مرحله الضم ما وصلت لها هههه يبغالي براكتس
انتم يالبنات عادي تشكون لبعض بس حنا تشتكي يقول خلك رجال اشغلتنا يا موسوس ههه

^^ مجتمع صحراوي الله وكيلك التربيه عندهم على الخوف والعقاب

الله يخليها لك عادي يا اخوك جرب تضمها تبكي على صدرها والله انا ما كنت مره مع ماما بس بعد الهلع والله كل ليله ابكي عندها إيزي وارتحت ^^ صحيح احتقر ذا ضعف الي وصلت له لان قبل مو مره مع أمي بس على كل حال تظل الام أحن علينا من غيرها


ههههههههه أفا حالتكم كيذا يا الرجال ' ! لا نلومهم مجتمعنا رباهم كيذا

ياليت توقف ع الجلافه وبس ... تجيك مساله الاتهام بصراحه والله احس اني غريب يعني هنا افضلك تنتحر ولا تشتكي او تبين ضعفك ياكلونك ع طول صحرا قاحله ثعابين وثعالب فيهم جوع ....
لاكن ياخت دلال وش الحل الحين بهالوضع !!تعرفين وش ودي اسافر التشيك ولا المانيا اروح ذيك المصحات العلاجيه حقت المساج والمسابح والعلاج واقعد شهرين اغسل هالتعب

^^ سافر واترك همومك هنا اما اذا بتاخذها مراح تنبسط

على ثعابين وثعالب هم كذالك بس الانسان عيب يعطي ناس اقل منه حجم يعطيهم مجال يخربون عليه حياته

الحل انبسط سوي أشياء تحبها بس بحدود الدين والقراءة بعد متعه حاول تبحر فيها والروايات بعد ^^ حلوه

وانت رجال يعني اغلب الأشياء حلال تكشف وتطلع لحالك يعني عيش حياتك الحياة حلوه وطنش الناس الي يضايقونك

ترى والله حرام نعطيهم مجال

اييه بس ال وقت قريب ولا همني شي سافرت حتا لين استراليا ولا همني بس معليه بعتبرها مرحله عدت وبتروح علي وع الجميع !! قرب وقت النوم وقربت المعاناه استغفر الله بس الحمد لله ع كل شي حلو ولا مر

^^ تخيل النوم راحه بدال معانات ايه والله الحمد الله

ولا تفكر بشي وحط رأسك وروح في سابع نومه مشكلتنا نخاف بزياده

اغرب شي يحدث في مجتمعنا انه الواحد مايقدر يضم امه ؟؟؟ امي حبيبتي ولا اقدر اضمها ؟؟؟ ليشششش وين الخلل اذا مٓاضميت امي من أضم ؟؟؟ عموما الله يعين على مجتمعنا احسه سبب من اسباب الخوف والهلع اللي صابنا بعيد عن الضم والحنان وآلام مجتمعنا في قشره وجفاف وعادات وتقاليد مالها دخل في الحلال والحرام تخلي الواحد يجيه الهم والكابه استغفر الله بس ياربي


سارا باقولك شي بس لاتزعلين ترى انتي وصلتي مرحله خطيره من التفكير كيف تقولي ربي ليه يسوي فينا كذا ؟؟؟ انتبهي ي قلبي ترى كلمه لايلقى لها بال تطرح صاحبها في النار سبعين خريف انتبهي ي قلبي الا رب العالمين مانتعدى عليه بالكلام سبحانه