اترك وظيفتي ؟
 

انا اشتغل صار لي سنه وست شهور لكن الاكتىاب متعبني ومسبب لي احراج بالشغل بسبب كثره الغياب والتوبيخ المستمر ..

غيابي خارج عن ارادتي بسبب حالتي ،،، هذا غير السرحان في الشغل وعدم الاهتمام وللاسف مديري يحسب اني شخص مستهتر وكسول مع اني غير ذلك.

ما اقدر اختلط بالناس والشغل يحتاج حضور واحتكاك بالناس وهالشي مسبب لي ضغط كبير خاصه على المستوى النفسي ، اكيد المكتىبين فاهمين علي.

لكن لو تركت وظيفتي من راح يصرف علي ؟؟ انا مجمع بالبنك مبلغ ممكن يعيشني سنه او سنتين لكن لو خلصت فلوسي من وين بصرف ؟؟؟ اقول في نفسي بعد سنتين يحلها رب العالمين .


شوروا علي لاني تعبت

لا تترك شغلك
وحاول تضغط على نفسك وتواصل شغلك وتحضر وما تغيب إلا في الشديد القوي
لا تستسلم، لو استسلمت اليوم فبتستسلم اليوم وبعده واللي بعده

الاخ واىل انا صار لي صابر وماسك نفسي سنه و ست اشهر لكن تعبت من التوبيخ والاهانه ومحد في شغلي يدري بحالتي .. هالشي مسبب لي قلق نفسي كافي الاكتىاب اللي امر فيه ،، كل يوم صبح اقوم متثاقل للدوام ويزيد همي لاني بواجه الناس وبالتالي يزيد اكتىابي ..

ظل امراه ...

خايف اندم لاني في مكان الكل يتمناه ، راتبي حلو وشغلي مكتبي لكن الاكتىاب متعبني وماثر علي في كل شي مب بس الوظيفه ،،

كيف راح تكون نظره اهلي لي وانا جالس بالبيت مثل الحريم ما احتمل نظره احتقار او شفقه من اي شخص ..

اللهم لك الحمد

اخي الكريم انا مريت بنفس ظروفك تعب في تعب وحتى اني لم اداوم يعني غياب ثم انهو خدماتي , وصرت بل عمل ولا شىء ولا مصاريف ولا سيارة ولا بطيخ اتبهدلت بهدلة
ثم رجعت الى العمل مرة ثانية وتبهدلت بهدلة من التعب , اخي الكريم قل للدكتور الذي يعالجك ان يعطيك عمل خفيف وانت من جهتك ستعطي جهة العمل ليراعون ظروفك النفسى ,مع مرور سنة او سنتين قل للدكتور ان يحولك ال اللجنة الطبية وبعد مقابلة اللجنة ستحال الى التقاعد

حاول أنك تشغل نفسك بالشغل ، تعب نفسك بالشغل ولا تفكر في شي
بس اشتغل باستمرار وتحرك ولا تجلس لحالك

اذا وظيفتك حكوميه خذ اجازه استثنائيه وقرر بعدها
انت ماتدري متى ربي يكتب لك الشفاء يعني قديش حتقعد عاطل؟ صدقني راح تكتئب اكثر
لو الوظيفه مو مره وماتناسب مؤهلاتك او ماتستاهل ذيك الساعه ممكن تستقيل
اما لو الوظيفه كويسه حاول ماتفرط فيها
هوا صح صحة الانسان اهم شي بس الاكتئاب كذا ولا كذا موجود
وفي النهايه انت الادرى بوضعك كيف حيكون سواء لو استمريت على الوظيفه او تركتها

انصحك لاتترك وظيفتك بعدها حتكتاب زيادة من الفراغ الي حتعيشه

أسأل الله أن يجعل لك من كل هم فرجا ومن كل ضيق مخرجا ويرزقك من حيث لا تحتسب ...

وأنت أدرى بنفسك من غيرك فإذا رأيت أنه من الأفضل لك ترك الوظيفة فافعل وإذا رأيت العكس فلا تفعل ولكن فكر جيدا بهدوء وحكمة ثم اتخذ القرار الذي تراه مناسب لك

اخي الكريم الله يشفينا واياك ويشرح صدري وصدرك ، ممكن لو تجيب تقرير طبي عن حالتك الصحية ، وجلس مع مديرك وتشرح له وضعك ، أكيد راح يتفهم حالتك ويتساعد معاك وراح تلقائياً تتحسن حالتك بإذن الله لانه ماراح يكون عليك ضغوط ،،

أنت جرب هالطريقة وادعي ربك وبتتسهل أمورك بإذن الله

شوف يا عزيزي
لو كانت الوظيفة بقطاع خاص مثل الشركات والمؤسسات الله يعينك تحمل ودفدفها يمين يسار
اما لو كنت موظف حكومي ببوظيفة حكومية الأمر بأذن الله بسيط
مايحتاج تفصل
كل الي عليك تراجع عياده نفسية بمستشفى حكومي وتعطيه كاااامل الخريطه
على الأقل تتقاعد بتقرير طبي او يعطيك استراحه مرضيه ترتاح خلالها وتغير جو وهذا راح يساعدك

انا موظف في جهه حكوميه ،، المشكله مديري امراه !!!!

صعب علي اتكلم

هل ممكن يعطوني تقاعد بسبب الاكتىاب ؟

او حتى اجازه من غير راتب ما عندي مشكله

ماادري انت من وين
بس عندنا في السعوديه فيه اجازه استثنائيه بدون راتب
اما التقاعد ماعندي خلفيه الاعضاء يفيدونك ان شاءالله

ادخل موقع الخدمة المدنيه وتلقى كل شي عن الاجازات

شكرا لكل من رد على موضوعي ..

ان شاء الله باجر بكلم مديرتي والله يعيني ويمدني بالقوه ، احسها صعبه علي.

انا اراجع عند دكتور خاص ، يمشي الحال ؟ ولا لازم مستشفى حكومي ؟

انا من الامارات وماعرف كيف وضع الاجازات ..

اتمنى بس يراعون وضعي لانه هالشي مب بايدي

احذر تترك عملك بسبب الاكتئاب
صدقني راح تتدهور امورك وتزيد معانتك اكثر

حاول تفهم مديرك ظروفك وان شاء الله راح تخفف عنك الضغط

انا مستغرب اقول مديره عندنا ؟؟!!
احتمال يكون بالصحه او مشروع نسائي حكومي
اثارك بالأمارات
لو حطو علينا وعلى باقي الأقسام مديرات ماكان تحصل ولا واحد مكتئب ولا مهلوع وموسوس
كان الصحه النفسيه تطامر مطامره gfdasdwgfdasdwesadesad
المهم
النظام تقريباً قريب من بعض
لاتقدم اي اجازه او حتى كلام مع مديرتك لاتكلمها طالمها الوظيفه حكومية
كل الي عليك تسويه تراجع مستشفى حكومي وتشرح الوضع كااااامل للدكتور وعن معاناتك وعن سوء فهم مديرتك وزملاءك لك وعلى بالهم انك تستهبل
وفيه حل ثاني تراجع مستشفى غير حكومي وتخلي الدكتور يسويلك تقرير طبي عن حالتك الصحيه وأستراحه مرضيه وتصدقه من المستشفى الحكومي .
وحسب حالتك لك تكون مراحل اجازاتك وبعدها تقاعد لحالته الصحيه
وسلامتك وأجازه سعيده مقدماً

أخواني اللي تقترحوا عليه بالتقاعد ، لو هو لسه شاب فما ينفع يتقاعد خصوصا أن راتب التقاعد ما راح يكون قوي
غير كذا، فهذا ليس حل ...
أنا أعاني من الاكتئاب لكنني أضغط على نفسي بالدوام والشغل، حاول تضغط على نفسك أكثر
الاكتئاب ما راح يستمر مدى الحياة ...

انا اراجع عند دكتور خاص ، يمشي الحال ؟ ولا لازم مستشفى حكومي ؟

قل للدكتور الخاص ان يعطيك تقرير شامل عن مرضك موجه الى مستشفى حكومي لفتح ملف عندهم ,والدكتورالذي من جهتهم سيعطيك الاعفاءات المؤقتة والاجازات المرضية مع مرور الوقت سيحول تقاريرك الى اللجنة الطبية اما للتقاعد او اعفاء دائم ولكن بشرط ان تتعالج عندهم

لا حول و لا قوة إلا بالله !!
الرجال في حال و أنت في حال !!!
ترى كلامك تلقاه في صحيفة أعمالك !!
حنا ما دهور أحوالنا إلا بعدنا عن الله سبحانه و أنت تبى تردي أحوالنا أكثر !!!
الله يصلح حالك يا شهري !
----------
يا صاحب الموضوع ألأولة الله يشافيك و يفرج عنك فتش أحوالك و أمورك و كل شيء عندك ما يرضي الله سبحانه أبعد عنه مثل الدخان و الأغاني و الإختلاط و زي كذه !
و الثانية خذها نصيحة من مجرب إذا صليت الصبح مع جماعة قل لا حول و لا قوة إلا بالله استمر حتى بعد شروق الشمس بنص ساعة ثم روح عملك و تشوف يوم تسهل أمورك وتفتح الأبواب في وجهك وراح تتدعي لي بإذن الله

آمين الله يصلح حالنا وحالك
هلابك بك سالم وكيف صحتك
ممكن تقلي ليه انا ابغا اردي احوالكم اكثر

الرجال يبغا يففففففففففففصل
احنا جبتله حل يغنيه عن الفصل

مااقولك الا لاتفصل عن عملك وتندم وتزيد حالتك

دام وظيفتك مافيها اي ضغوط حاول تعكس نظرة المديرة لك

وتجاهل أي شيء ينكد عليك والتزم بالعمل

وناظر في الأشياء الإيجابية فيك وطور نفسك

وفالإخير ماخاب من استخار وماندم من استشار

فيه تخفيف عمل ساعتين وفيه تقاعد طبي بس حسب شدة الحاله وتقرير الطبيب واللجان الطبيه بس أنا من بلد آخر .

الوظيفه بعد الله سندك بهالحياه
وفكر أن فيه غيرك يتمنى الوظيفه
فكر بهالمنطق ، وإذا ابدا ماقدرت تكمل الوظيفه حاول تفضفض كل شي بقلبك والشيء اللي تخاف منه واجهه ، وتذكر إن الأرزاق بالاخير بيد الله ولكن انت ابذل الاسباب ثم سلمها لربك يا تترك يا تقعد بالوظيفه

حارب الاكتئاب بذكر الله والاستغفار والاعتماد والتوكل على الله

انا كنت زيك بس سويت لجنه و انتقلت لقسم ما فيه اختلاط بالجمهولر وهذا ريحني كثير انصحك تطلب بحث حاله عشان يخففون عنك الشغل او على الاقل يراعون ظروفك المرضية

جزاكم الله خير واقول لولاكم بعد الله لكنت استقلت من وظيفتي لكن اتبعت نصيحتكم وخبرت شغلي بالموضوع والحمد لله تفهموا حالتي ...