|
انا خلاص استخفيت يا بشر ^^ باركو لي
السلام عليكم
صراحه انا في بدايه ذا الحقيره نوبات الهلع كنت خايفه واو بموت اوكيه بطقاق وأذا مت !! عادي عادي عادي بس الكريزما حقتي صارت في القاع '( طحت من عين نفسي بكيت قدام الي يسوى وما يسوى ضعفت انكسرت مت باليوم الف مره هففففففففف انا ما عمري بينت لأحد ضيقي حزني وبسبب ذا التافهه الهلع صرت مفضوحه الله لا يبتلينا كاني مجنونه ونفسيه هففف واليوم وانا نايمه احس بهواء عند ظهري واستغرب المكيف اتجاهه قدامي شلون الهواء احس به من ضهري مو وجهي الزبده وأنا في وسط نومي افتح عيوني أطالع الجبس اقصد السقف وكأني أشوف شي ابيض ^^ عز الله استخفيتي يا دلول ولا قبل يومني بنومتي كنت احاول أقرى الزبده وافتح كويس عيوني أشوف زي الغيمه ^^ الله يأخذها من غيمه شلون دخلت غرفتي !! لا تقولون حلم لا انا صاحيه مبققه عيوني حيل بهذي التافهه بس ما خفت إيزي وأكملت نومي نومه ما قمت الا الساعه تسع بالليل الزبده ذا هبال ولا فلم مرعب على. ان بي سي 2 بنص الليل هفف وع قرف لوعت كبد شذا الحاله التافهه الي وصلت لها جد جد جد خلاص انا تمردغت بتراب من طيحت الوجه قدام نفسي هف هف ادري مواضيعي اكثر من مواضيع صاحب المنتدى بس كيفي :) اسمعوني من أنتم دكاتره نفسين |
يازين سوالفك دلول تذكريني باختي الصغيرة
عادي عادي ياما جتنا نوبات وخياﻻت والحمد لله للحين عايشين انا وصلت مرحله إني اراقب نفسي يعني يالله تعال يالهلع ...حاله سقيمه طنشي بس وانا اختك |
اووووماااا الغيمه ههههه ذي غيمتي وش وداها عندك دايم اشوفها لدرجة اني افقدها اذا بطت علي هههههههههه والله تنفقد
|
اقتباس:
يعني موب جني !! والله لوه جني او عفريت كان مردغته الوصخ ^^ اذا أختك نفسي عز الله راح مستقبلها بسم الله عليها ') من جد حاله سقيمه من قلب بطنشه الوصخ |
اقتباس:
قولي قصم يا مره !!! طيب تعالي تربعي شوي ذلحين الغيمة حقتك شلون قايله انا أشوفها وانا نايمه احسب عيوني فيها بلا بس يوم صحصحت شفتها بيضاء تحوس بسقف ثم اختفت والله غيمه مو خيال لا غيمه غيمه فهمتي هفف قبل أشوف افلام رعب وقراء حوجن شكل حياتي صارت فلم رعب على ذا الحاله يا رب صبرك ') |
جد جد يا نفسيات يا جميلين ذا جني ولا وشو !! قصم قبل انخرش لا جلست بغرفتي احس احد معي وأحيان وانا نايمه احس نفسي ينقطع
كل ذا من كثر النفسية الي فيني ولا سكني !! اذا سكني جننته ثم اعرف أسبابه وكيذا بعدين أحرقه بالقران ايه هو الي جناء على نفسه لوع كبدي وش اسوي له والله بس مثلا حرقته بالقران أخاف أمه وأهله يجون يذبحوني بس بطقاق يحرقهم اهم بعد ^^ ادري اني استخفيت على الأخير الزبده أحسن شي بذا الحاله ان المجنون ليس عليه حرج ههههههههههههههه الله يخارجنا ما وصلت لشيخوخه عشان استخف ويجييني زهايمر بس عادي أصلان حياة المجانين فله |
عادي يا دلال هذي بعض الاضطرابات تاخذ وقتها تروح
الصبر ثم الصبر |
اقتباس:
متى تروح بضبط !؟! اذا مت !! انتحر مثلا ^^ ؟؟ |
ان شاءالله دوم تكوني بخير اخت دلال ربي يعافيكي من كل شيء يضايقك وحمداً لله على سلامتك ومبارك انك خفيتي :) |
اقتباس:
الإنتحار ليس حل بل هو مشكله بحد ذاتها انتي بحاجه لأخصائية علاج سلوكي وستكونين على خير ما يرام ان شاء الله |
اختي دلال
في موضوع اسمه قصتي مع الهلع كتبت فيه قصتي من البدايه وهو قديم شوي ....نفضت عنه الغبار عشان تقرينه يمكن يفيدج لأنها تجربه شخصيه تحياتي |
يادلال هدي نفسك ولا تدققين على كل شي واضح انك مصدومه من اللي انتي فيه
اذا دققتي على كل شي حتتعبي اكثر. ركزي على العلاج والله يشفينا |
عادي اكتبي وفضفضي خذي راحتك ع الاخر , فالانسان لوحده ضعيف ومع الناس يتقوى وقبل كذا مع الله راح يكون اقوى و اقوى
ثقي بالله واعملي المطلوب منك من الله , ومثل ما قلت لك لا تضغطين على نفسك خليك وسط اعملي اللي تقدرين عليه (لايكلف الله نفسا الا وسعها) انتي تحتاجين معالجه عند اخصائيه سلوك , بما انك في البدايات باذن الله راح تساعدك الاخصائيه وتتخطين هذي المرحله العصيبه ايضا ارقي نفسك او خلي امك او ابوك يرقونك او روحي عند راقي يرقيك , يمكن تطفشين وتملين بس ما عليه حاولي تصبرين لان ما بعد العسر الا اليسر وهذي سنه الحياه من ناحيه الادويه النفسيه انا ارى انك ما تحتاجين لها باذن الله واكيد انتي عارفه عن اضرارها وان ضررها اكبر من نفعها خذي لك زيت زيتون من السوبر ماركت اسمه كوبوليفيا , واقري فيه ودهني جسمك وباذن الله ما يطول تعبك , ولا تضغطين على نفسك من ناحيه الدين خليك وسط كما قلت لك ازمه و تعدي باذن الله ولا تنسين ان مع العسر يسرا اكثري من الاستغفار الله يعافيك ويفرج همك |
احس كاني لحالي
احس اني سيئة جداً احس قنطت من الدين احس ربي ما يحبني عشان كيذا انا أخاف لآني قبل ما أخاف منه كنت احب ربي بس ماكنت اطيعه حتى ذلحين مو مره اطيعه ادري انا بيصير قبري ضيق وبيعذبني الله وبعيش أهوال يوم القيامه وعذب وكيذا انا خلاص متقبله الي يصير متقبله ضيق القبر مع اني أخاف منه ومن ضلامه انا ما بيدي شي استسلمت لكل شي لآني ضعيفه إيمان قبل وما رجعت لربي الا يوم خفت !! |
قبل ذا التعب بفتره كنت بمكه اذكر دعيت ان الله يهديني وكان في نفسي وانا ادعي شلون بنهدي انا أصلان !! يبي لي شي يسنعني عشان أتوب
أتوقع ذا الشي بسبب دعائي بالحرم صرت غريبه عن نفسي كثير الأشياء والأشخاص الي احبهم ما عاد أحبهم وكأني مغيبه عن الدنيا وكأني أفكر بالأمم والخلق وكأني احتقر عمرنا الإنساني وانا نموت بسرعه الزبده إيزي الدنيا تررللي اصلان |
يادلول اللي كتبتيه مثلي بالضبط والله حتى الصلاه صرت ما اخشع فيها مثل قبل وهذا الشي قاهرني
صرت اتخيل اشباح بالغرفه ههههه انجنيت رسمي |
اقتباس:
مابي علاج سلوكي ولا ابي شي احس الطب النفسي ماله شغل بالي انا فيه وحتى لو له شغل احس ما في يد احد يساعدني تعرف شعور دخلت بنفق مظلم ماله نهايه انا كيذا احس احس خلاص كل شي ظلام عندي زيت من شيخ بس ماحبه احسه لزج ويوسخ والرقاه رحت لواحد تحسنت شوي بس ما شفيت يعني ما عنده ما عند جدتي |
اقتباس:
تتوقعين ذي أشباح جد ولا وهم صراحه ودي أخذ ذا الغيمة وسولف معها انتي وش مكوناتك جني ولا هواء ولا عيوني تتخيلك ^^ |
صرت أخاف اناضر في نفسي في المرايه احس عيوني فيها لمعه اوكيه عيوني خلقه بها لمعه بس
صرت أخاف من نفسي ، اختي تقول حلوه المعه يقولون سببها نقص الحديد :/ وفيه ناس يقولون المعه بسبب جني ^^ يا حليله ذا الجني ما حصل الا انا |
اقتباس:
|
اقتباس:
انا قبل تقولي اختي أقرئ ^^ أقول لها ليه خلي الجني يجيني على الأقل اسولف معه يسفرني مو وجيهكم ^^ الي ما حلاها ربي ما غير بزرانكم وأمي تهاوش وإذا كثرنا واو وديتوني مطاعم وكفيهات وذلحين ندمت أشد الندم على حتسييي |
الا ذلحين الوردي ليه اسمه الوردي
قصم لا قريت اسمه يجي في بالي النمر الوردي ونغمته اول ما يبدأ بعرضونه^^ |
اقتباس:
ههههههههههههه ضحكتيني من جد , الوردي هذا اسم عالم من العلماء اعجبني اللقب وحطيته :) يا دلال إن الله تبارك وتعالى يبتلي الناس بالشدة والأمراض حتى يعودوا إليه، كما يقولون ما أخذ منك إلا ليعطيك، وما من محنة إلا من وراءها منحة، لكن الظالمين يغترون ولا يعتبرون ويصرون على الكفر ليأخذهم العذاب بغتة وهم لا يشعرون، ولو أنهم آمنوا واتقوا لفتح الله عليهم بركات السماء والأرض، لكنهم كذبوا فأهلكهم بما كانوا يكسبون، أهلكهم بعدما أَمِنُوا مكر الله الذي لا يَأْمَنُه إلا الخاسرون، لأن الله تعالى لا يجمع لعبد أمنين ولا خوف، فمن أمن في الدنيا عقاب الله حرمه الأمن في الآخرة، ومن خاف في الدنيا أمَّنَهُ الله في الأخرة؛ على فكره يا دلال انا مثلك ترا كل افكارك اللي قلتيها تمر فيني الحين من سنوات وانا في صراع مع هذي الافكار الين صار عندي خبره وصرت اطنش كثير كثير اللي علي اصلي واستغفر واحاول ابعد عن اي حرام , وحتى لو فعلت شي حرام لازم نستغفر على طول في الحديث لو بلغت ذنوبك عنان السماء واستغفرتي الله , غفر الله لك ومن ناحيه الموت وان جسمك على قولتك تاكله الحشرات , الجسم اللي معك مؤقت اذا مات الانسان راح يكون لك جسم غير الجسم المؤقت هذا الارواح تلتقي في القبور ويتحادثون فيما بينهم , وفيه نور مو ظلام , يعني جسدك صح بيكون في القبر لكن روحك تكون في السماء ولا راح تحسين ان حشرات تاكل جسمك وتذكري هذي الايه دائما (ولنبلونكم بشيء من الخوف والجوع ونقص من الأموال والأنفس والثمرات وبشر الصابرين ( 155 ) الذين إذا أصابتهم مصيبة قالوا إنا لله وإنا إليه راجعون ( 156 ) أولئك عليهم صلوات من ربهم ورحمة وأولئك هم المهتدون ( 157 ) ) وايضا تذكري هذه الايه (((إن الإنسان خلق هلوعاً * إذا مسه الشر جزوعاً * وإذا مسه الخير منوعاً*إلا المصلين* الذين هم على صلاتهم دائمون* والذين في أموالهم حق معلوم* للسائل والمحروم* والذين يصدقون بيوم الدين*والذين هم من عذاب ربهم مشفقون* إن عذاب ربهم غير مأمون*والذين هم لفروجهم حافظون*إلا على أزواجهم أو ماملكت أيمانهم فإنهم غير ملومين*فمن ابتغى وراء ذلك فأولئك هم العادون*والذين هم لأماناتهم وعهدهم راعون* والذين هم بشهاداتهم قائمون*والذين هم على صلاتهم يحافظون*أولئك في جنات مكرمون)) وبالنسبه في انك دخلتي نفق مظلم هذا حالنا كلنا ونحاول نتصبر الين يصير هالنفق منور وبالنسبه للزيت حاولي تخلين لك ملابس خاصه للزيت وتحملي واصبري شوي وبالنسبه للرقاه انتي بنفسك قلتي تحسنتي شوي , خلاص استمري معه الين يكون في شفاء وبالنسبه للمعالج السلوكي انتي جربي وروحي وبعدها قرري اذا هو ينفعك او لا وكما في الحديث قال الرسول صلى الله عليه وسلم: والذي نفسي بيده لو لم تذنبوا لذهب الله بكم ولجاء بقوم غيركم يذنبون فيستغفرون الله فيغفر لهم اللي عليك هو انك تصلين وتستغفرين وطنشي كل شي يضيق صدرك وباذن الله راح تتحسنين شوي شوي |
اقتباس:
لان انا ما ادري وش بعد الموت فهمتني يا نمر الوردي !! يعني والله بيكتمني التراب لا حطوني تحت التراب ويمكن احس بتراب ما تدري انا مو مره ملتزمه زي الصحابه ورسول انا احس كلي اخطاء يعني الرسول يخاف انا وش اسوي ؟؟ استخف ^^ صراحه لآني ولا حاجه بنسبه لرسول واصلان ربي يحب الرسول فهمت وأصحابه بس انا ما أتوقع ربي يحبني او يقبل عملي لآني مصلحجيه احس قبل ما اطيعه وذلحين اطيعه قمت التافهه فيني انا ابيه يغفر لي بس احس استحي من ربي شلون بقابله يوم الدين وانا كلي ذنوب كلي اخطاء ؟؟ وزياده على ذا عوبا ولساني طويل ومتكبره والي يتكبر ما يدخل الجنه يعني انا أتوقع خلاص بروح النار يمكن لآني سيئة يا حليليك نفسي غريبه أحسك مؤدب وربي يحبك مو زيي مابي الشيخ ما شفيت من كل شي صحيح خفيت بس مو مره مره يعني ابي شي يرجعني وما كاني فيني شي وذا يقدر عليه الله بس زبده كلامك ريحني كثير يا وردي بس لازالت فيه تسؤلات في مخي كثيره حتى أخاف أتزوج وثم أجيب عيال ثم يموتون تحس حرام مو !! ينفع زواج بدون عيال صح لان حنا بنموت خلاص ليه نجيب عيال ثم يموتون والله حرام كيذا احس ما أجيبهم من الأساس أحسن ذلحين مثلا ماما لوها ما جابتني كان ذلحين انا مرتاحه يعني أحسن شي الواحد ما يجيب عيال بذا دنيا |
وووويازينك ويازين حكيك يا دودو حكيك عسل عليك بالقررررران فهو علاج ونامي علي سماعه .
|
اقتباس:
وتقولين ان التراب بيكتمك , انتي اصلا ميته كيف تنكتمين وانتي ميته ما راح تحسين بكتمه ولا حشرات ولا شي , الارواح تتزاور ويسلمون على بعض في مكان اسمه دار السلام وبالطبع كلنا مو مثل الرسول عليه السلام ولا الصحابه , وعندنا اخطاء توصل للسماء , واصلا الله خلقنا وهو يعرف اننا بنغلط واصلا الله حط فينا اننا نخطئ عشان كذا حط لنا الاستغفار وكلامك عن انك مصلحجيه , ف انتي مو مصلحجيه والله يفرح ان العبد يرجع اليه عشان كذا يبتلينا عشان نكون صالحين ومن ناحيه انك تستحين من الله طيب هذا شي حلو وهذا شي يرجع لله ,الشيطان ايضا يحاول يخليك تستحين ويقول لك مثلا ليه تتوبين وانتي كل شوي تغلطين ما تستحين من الله وكل شوي تستغفرين , هذي امنيه للشيطان عشان يصيبك بالياس والقنوط من رحمة الله يا دلال الله غفور رحيم و هو ارحم بنا من امهاتنا ويدري انك بتغلطين ,يعني اللي ذبح 100 نفس وادخله الله الجنه فما بالك اللي ما ذبح احد مثلك ,اكيد بيفرح انك رجعتي له كل شي يتعدل يا دلال وكل شي حبه حبه لاتضغطين على نفسك بالتفكير بالدين وامور الاخره عيشي يومك وادي فرضك وبس هذي مهمتك وابعدي عن الاشياء او الصفات السيئه وربي راح يساعدك كل شي يتعدل باذن الله افرحي والعبي وانبسطي وثقي بالله ذكرتيني بالعضوه سارون تقول اللي يحب عياله لا يجيبهم للدنيا هذا الشي مكتوب يا دلال ومقدر لنا لازم نؤمن ونتوكل على الله خلاص انخلقنا ما بيدنا شي تزوجي و جيبي عيال وربيهم ولعبيهم وعلميهم على الصلاح واتركي كل شي على الله , فانتي بشر وما حنا معصومين حتى الصحابه مو معصومين , اعترافك بانك مخطأه هذي بحد ذاتها شي بالنسبه لي وانا مثلك بشر اشوفه شي عظيم ورحمتك ف كيف باللي خلق هالمشاعر فينا اكيد بيكون ارحم والطف ومجهز لك باذن الله خيرات سواء في الدنيا او الاخره اكيد ما راح يرجعك لوضعك القديم الا الله , ادعيه واستغفري وباذن الله ترجعين مثل اول واحسن, وحتى لو ما رجعتي مثل اول حاولي ترضين ولو بالقليل وحاولي تأقلمين نفسك مع الوضع وافضل الحلول طنشي ولا تسترسلين بالافكار , اذا حسيتي بافكار راح تضيق صدرك اقطعيها وفكري باي شغله ثانيه |
اقتباس:
والله احاول استمر على القران اقرأه بس أنام ونا اسمعه صراحه أخاف ^^ |
اقتباس:
ولا صح أبوي ذلحين صار روح وبشوفه لا مت حماس يعني راح نروح مكان ثاني تصدق حمستني أموت ^^ كلامك أقنعني وريحني كثير بس مثلا اجتمعنا مع أبوي بعد الموت وستانست معه بعدين بتجي يوم القيامه وبنخرش وبعدين خلاص ماحد راح يعرف احد كلن نفسي نفسي يا ربيه ليتني رمل ولا كنت إنسان |
اقول وش رايك والزملاء بعد .. فيه ناس كيف تصبر مثلا انا توني اشوف التلفزيون وشفت المذيعه المتألقه إيمان عياد كيف جاءه السرطان العظام فجاه وصبرت لين طابت ورجعت تمارس حياتها .. يعني فعلا ناس قويه مشا الله عليها يعني شافت الموت وهي تروي قصه اخبارها بالمرض
|
اقتباس:
الزبده الانسان وقت ما يمرض يتذكر ضعفه وحتى لو من الله عليه بالعافيه يتذكر فضله ويتذكر اخرته ^^ والله يشفيها ويشفي الجميع |
وتعال سيد محب لا تتابع حريم اوك ؟؟ ذا حرام
|
اقتباس:
يعني ما فيه فزع ولا خوف لمن كان في الدنيا يفعل الحسنات كل اللي عليك انك تفعلين طاعات حتى لو بسيطه وطبعا لا يكلف الله نفسا الا وسعها يعني افعلي اللي تقدرين عليه و توكلي على الله وقال تعالى(ولا تنس نصيبك من الدنيا) يعني اوكي اعملي طاعات وبنفس الوقت لا تنسين نصيبك من الدنيا لازم تلعبين وتفرحين ما يكون تفكيرك كله اخره , يعني نص كذا ونص كذا , لا تضغطين على نفسك , سددي وقاربي , هل تعلمين ان الله يضحك اقرأي هذا الكلام قال طبيب القلوب محمد صلى الله عليه وسلم : ( عجب ربنا من قنوط عباده وقرب غِيَرِهِ، ينظر إليكم أزلين قنطين فيظل يضحك يعلم أن فرجكم قريب ) حديث حسن عن أبى رزين قال : ( قال رسول الله صلى الله عليه وسلم " ضحك ربنا من قنوط عباده وقرب غيره ،فقال أبو رزين: أو يضحك الرب عز و جل ؟ قال: نعم فقال: لن نعدم من رب يضحك خيرا. (صحيح الجامع) ووالله إن قلب المؤمن ليستبشر ويفرح حين يعلم هذه الصفة ، وحين يؤمن بها فيشعر أن رحمة الله قريب ويشعرُ بصفات الجمالِ لله عز وجل فنجد أن الشدة حينما تقع على العبد ويشتد الألم ويشتد البلاء ، حتى يظن العبد أن الأمر قد أنقطع وأنه لا سبيل الى الشفاء والفرج ،،،، فيضحك الله عز وجل من قنوط عباده مع قرب الفرج، فالله عزَّ و جل يضحك لمثل ذلك فأعلم أنه ّإذا اشتد بنا الفقر ، أو اشتد بنا المصاب، وحقد الحاقدين وعداوة الكاره الباغض تذكر ، لعل ربي يضحك الأن من شدة ما ألمّ بنا من ضَّر، وفرجه قريب قال تعالى : " فإن مع العسر يسرا إن مع العسر يسرا " و قد قال ان مع العسر يسرا و ليس بعد العسر يسرا تأكيدًا على أن العسر لابدَّ أن يجاوره يسر , فالعسر لا يخلو من يسر يصاحبه ويلازمه ... و كل المآسي و ان تناهت فموصول بها فرج قريـــب . ففي بطن العسر هناك يسر كثير وهذا وعد الله وسنته في عباده, وقد قال المصطفى صلى الله عليه وسلم : " أن الفرج مع الكرب " وكلما اشتدت الأزمة كلما كان ذلك إيذانًا بانقضاءها وزوالها, وأشد أوقات الليل حلكة هو ما يسبق طلوع الفجر , وما بعد الضيق إلا الفرج ... كما أن حلاوة الفرج لا تكون الا لمن عرف العسر و الكرب قبله. و الايمان بهذا يجعل العبد لا يتأثر بلحظات العسر بل ينتظر اليسر القريب من الله ، فاللكرب نهاية مهما طال أمره ، وان الظلمة لتحمل في أحشائها الفجر المنتظر . وقال تعالى: (ولا تيأسوا من روح الله إنه لا ييأس من روح الله إلا القوم الكافرون). فلن تعدم خيرا من رب يضحك فضحك الرب عز وجل يُشعر العبد برحمة ربه فمعرفتك بهذه الصفة لله عزوجل تورثك حباً لله فإنك تعبد رباً يضحك ، تستبشر بذلك فيقوى عندكِ الرجاء فى الله فأبشر بالفرج يامهموم أبشر بخيري الدنيا والآخره اخذت الأجر وسياتيك فرج عظيم بإذن الله كالفجر الصادق |
اقتباس:
|
اقتباس:
كلامك راحه نفسيه خلك هنا دائم اوك وكثر ذا الأحاديث السنعه ^^ قصم استأنس |
اقتباس:
الزبده ترى جد أنصحك لأنك مثل اخوي بالأسلام وكيذا |
اقتباس:
|
اقتباس:
اسمع يا اخوك مذيعه اخبار مافيها شي الا بها شي ^^ مراه والمراه حرام تطلع بتلفزيون واو اخبار فيه ترى رجال يقولون الأخبار تابعهم واسمع اذا جات موسيقى اخفض الصوت ما تبي أشوفك في الجنه !! خلاص سوي كيذا عشان ربي يحبك ويرضى عنك ومن ترك شي لله عوضه الله خير منه تقبلها غصب |
اقتباس:
|
يابنت دمك شرابات والله ..
الله يصلح حالك وحالنا اللهم آمين بس بجد حكاية لمعت العيون دى والجن من جد ولا خرابيط ؟ ضحتك بجد لمن قرأتها .. مافيك الى العافيه انت لا تفكرى بشئ وانت راح تطيبى بإذن الله انا بصراحه ما اعرف ايش شعور الهلع دا بالضبط .. لكن الانسان قوى بالتحصين والاذكار وقرأة القران والله العظيم اجل لو تكونى معايه بالبيت واسمع ضحك اقسم بالله العلى العظيم ماهو تخيل ولا يحزنون واعتقد انها بنت اختى صحيت من النوم وتضحك ههههههههههههههههههههههه لمن كنت بسهر للفجر ..بس ما اقول ما خفت بس محد يقدر لانسان محصن بإذن الله وانه كان رجال من الانس يعوذون برجال من الجن فزادوهم رهقا .. اللى يخاف للدرجه دى يزيدو تعب الله وملائكته حافظ للانسان ولا كان كل البشر مجانين والجن فيهم ههههههههههههههههه الله يسعدك يابت ضحكت على اسلوبك عفوى مرة |
اقتباس:
كلامك راحه نفسيه جد بس يأخي طفشت نايمه 12 وقوم ثنتين '( |
| الساعة الآن 07:57 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا