تدرون وش مشكلتكم هنا ؟؟؟؟ ودي افهم ليش ؟؟؟
 

السلام عليكم

كيف حالكم يالخوافين <<< على اساس طالعه منها الأخت !_!


تعرفون انه الحاله اللي احنا فيها ماحد يفهمها الا ناس يعانون مثلنا وانه لما تحاولي تشرحي للي حواليك سواء اهلك او أقاربك او أصدقائك دايم كلمتهم جاهزه بلا وسوسه مافيك الا العافيه ؟؟؟ رغم انه احنا عارفين انه مجرد مخاوف بس الشعور الأليم والتعب لايحتمل وخارج سيطرتنا لذلك نحتاج احد يمر بنفس حالتنا نشكي له ونكون قريبين من بعض عشان نخفف على بعضنا ونساعد بعضنا بس للاسف مشكلتكم هنا التفاعل والتواصل بينكم ضعيف بررررود مافي تشجيع مافي تحفيز مافي تجاوب سريع تحسون انه الواحد فعلا نفسيه <<< ترى اعبر عن مشاعري لاتزعلون المهم من العوامل ألمساعده اللي تخفف على الواحد للي في مثل حالتنا هي الفضفضه والشكوى لاحد يفهم الوضع ويتجاوب معك انا لاحظت لما تجيني النوبه أدور احد اتكلم معه عشان انسى لدرجة صرت أكلم نفسي وأقول انتي اشفيك ايش صاير لك تجيبين الشقا والتعب لنفسك ليش ؟؟ بافهم وش يخوفك ؟؟؟ كاني مجنونه لدرجة انه بنتي صارت تعرف انه فيني النوبه تقول ماما فيك شي جاتك صح ؟؟؟ ويا عمري هي الوحيده اللي تجي تواسيني وتحط أيدها على قلبي وتهديني اخذها معاي وين ماروح تعبتها معاي حتى لو اروح أتوضا أقولها تعالي معاي شي صراحه يضيق الصدر عشان كذا اتمنى يكون في تفاعل اكثر بينا حتى نقدر نخفف على بعض مثال على ذلك يكون في تجمع للمصابين يكون نشط اذا واحد صار له نوبه يدخل يكتب شعوره واذا قدر يسيطر عليها يذكر لنا أسلوبه ويمكن يكون كثير متواجدين هالوقت ويهدون الشخص ويتجاوبون معاه ويشجعونه بالكلام مثلا انه قوي وانه كلها أوهام وانه راح تنسى بعد شوي وممكن احد يدخل يفضفض انه ماقدر مثلا ينام ويذكر لنا الأسباب يعني مثل هالامر تساعد في حل بعض الأزمات اللي نمر فيها وأتمنى انه مايتحسس احد من كلامي مجرد رأي واقتراح لعل وعسى نقدر نطلع من هالحاله وتصير مجرد ذكريات في حياتنا وشكرا للجميع

كلام جمييييل ..... عين الصواب حبيبتي ... فعلا الفضفضه نصف العلاج ... وكلام التشجيع ورفع المعنويات مطلوب حتى تتجاوز الازمه
شكراً مي لطرحك الرائع

كلام. حلووو. انا اشكي لخواتي. ولأمي وزوجي. تعبتهم. وكل ماااشكي يقولون. وسوسه هذا انتي مافيك شي والله يااختي مي. كلهم زهقو وملو مني.

تعرفي اختي بطلت اشكي لاحد لان الكل مو حاسه بيه ويتهموني بالوسوسه
صرت اشكي لربي وبس
واقتراحك جميل بس هنا ايضا في ناس تعبانه تدور حلول لمشكلتها
وان شاء الله بيصير تفاعل معاكي
ربي يحفظ بنتك ويخليها لك

العزيزة مي
احنا اللي لازم نشكرك على فتح هذا الموضوع
يمكن انتي تشوفينه موضوع عادي بس فعلا هذا موضوع مهم لكل شخص فينا....وراح نساعد بعضنا على قد ما نقدر
الكلام والفضفضه نصف العلاج....وطالما بإيدنا راح نسويه بإذن الله
وعندج ملتقى الفضفضه ونرحب بكل مشاركاتج هناك.....
وعلى فكره......ترى انا انسانه احب اتكلم واحد يعني راح اشاركج وايد لما تملين من الفضفضه :)
دمتي سالمه

الله يعطيكم العافيه جميعا على ًهالتفاعل فعلا احنا محتاجين نحكي لبعضنا عن هالمعاناه اللي نعيشها احس ان احنا في صراع في دوامه ما ندري الى متى راح تستمر ومتى راح تنتهي بس الحمدالله على كل حال لعل في الأمر خيره نقول يارب تكفير ذنوب

عن نفسي ما استفدت شي من الفضفضه

احسها ضعف حلو الانسان يضحك يعيش حياته بس يفضفض اممم لا لان الحل بيد الانسان نفسه

مثلا انا مع احترامي لكل من في ذا الموقع بس مجرد ردود عاديه يعني ما استفدت الا من زهور أتوقع كانت توصي بالبقره وقرأتها

والعم الوردي صراحه استفدت منه كذالك وضح لي بعض المفاهيم وانا صرت ابحث وأزور علاجي بالقران بالصدقة

والحمد الله ^^ وش زيني وأدق رقبه واترقص بعد


مشكلتكم مع احترامي لكم خوف من الله انتي ليه تخافين !! من الموت اني بالأساس ولدتك أمك لحالك وربي يسر لك وعشتي ودرستي وتزوجتي وجبتي بنيه كله ربي يسره لك ربي مراح ييسر لك الأيام الباقية من حياتك !!! الموت مو نهايه العالم الموت حياه ثانيه

تبين ذنوبك تمحى خلاص اعملي صالحات حاولي بقد ما تقدرين بس الخوف هذا ضعف إيمان قوي إيمانك وكل شي بيكون


حلو حتى الموت وفكرت الموت بتصير شي حلو ولذيذ لان بعده جنه بعده قرب من ربي

جميييلة طرريقة موآسآاتكك ي أخت ونة خفوووق ..'
فيهاا الكثيرر من معآآني اﻷمل والرضى والقنآاعة والتفآؤل أيضاا ،
أسأل الله أن ﻻ يحرررمك اﻷجرر ع تذكيررك للأعضااء بعظمة الله وقدرررته ع تخليص العبد من كل ضرر كما يسر له كل نفع ..'
كنتي موفقة جداا في إنشاائكك هذه النصيحة الطيبة بعد تووفيق الله لكك .. وتذكيرك للأخت الفآاضلة (مي) بالعودة إلى مصدرر اﻻطمئناان والرآحة عند الإنساان أﻻ وهو الدين واﻻلتزآم به ؛
باارك الله بأفكاارك .. ونفع بككك .."

هذاا ماكنت أود أقوله لكك ي أختي الطيبة مي .. رفع الله الضرر عني وعنكك وعن كل مضرور ، آآمييين ، ، ،

انا مو من الصالحين ولا كامله بس احاول اخشى الله ما استطعت يعني حبه حبه

عندي كثير أغلاط كثر الرمل بس استغفر ليه اقنط هذا الي يبيه الشيطان وأعوانه

الله يغفر الذنوب جميعا باستغفار بندم بتوبه

ي عمري اذا ما خفنا من الله اجل نخاف من مين الموت مابعده خيار ثالث يأجنه يانار وهذا وحده كفيل انه يتعب نفسية الواحد صحيح ان الله غفور رحيم بس ماننسى انه شديد العقاب !؟؟ انا ألوم الناس اللي عندهم هلع وهم ماشاء الله ملتزمين وذنوبهم قليله مقارنه بناس ذنوبهم عظيمه والإنسان يندم على تفريطه في طاعة ربه وانا كنت من الغافلين والمفرطين احس طبيعي اخاف ولا احد يقدر يلوموني ،،،، بالنسبه للفضفضه بالعكس لها دور كبير في التخفيف عن المصابين بالهلع والوسواس وماننسى انه العلاج السلوكي أساسه انه المريض يفضفض والدكتور يحاول يغير فكرته بسلوكه الخاص ومن ناحية انه ما استفدت من الردود فعلا احيانا تحس انك تندم انك فضفضت اصلا لانه مافي تفاعل يعني المشكله في التفاعل مو في الفضفضه وحياك الله عزيزتي وشكرا على الكلام الجميل

وانا الحمدالله ماحسيت بالأمان الا بعد ما صرت قريبه من الله ساعات اشكر ربي على هالحاله اللي امر فيها لانها مثل التنبيه نبهتني على أمور في الدين كنت غافله عنها واكتشفت اخطاء كثيره كانت ممكن توديني في داهيه والحمدالله على كل حال لعله خيره وشكرا عزيزتي على تفاعلك

الخوف من الله حلو انك تتركين الذنب بس الخوف الي يوقف الحياة ذا مو خوف ذا قنوط من رحمه الله

صحيح الموت فكره تخوف بس ان شاء الله الجنه مصيرنا والواحد يظن الخير بالله

حبيبتي مي ...طرحك جممممميل واناضم صوتي لك بخصوص الفضفضه
الله يخلي لك بنتك بس حاولي تبعدين بنتك عنك في النوبه وماتوضحين لها علشان ماتتاثر وتفكر بعدين انه يمكن يجيها كذا
لااهل ولااخوان ولااخوات ولا حتا الزواج كلهم نفس الكلام مافيك شي مافيك الا العافيه هذا وسواس وتسذا
احيانا اضغط ع نفسي علشان ماحد يحس لان ماحدراح يحس في اللي جوانا وتاعبنا ويبدو يتشمتوا فينا
لازممم انا ننتبه ع حالنا ومانخلي احد يلاحظ علينا شي واذا جاتك النوبه ع طول انشغلي باي شي وفكري تفكير ايجابي
والمفروض مانستسلم لاي وسواس ونحاول نقوي شوي من انفسنا وماننسئ الدعاء والصدقه والرقيه الشرعيه
وان شاء الله مأجرين ع كل ماحصل لنا
وشاكره لك حبيبتي وع الطرح الجميل

ي ونة خفوق أحسن الله إليكك . .
كلناا والله ذآك العبد الفقيررر المبلل بالذنوووب
الرآجي لرحمة الله وعفوه .. وحسن الظن بالله مطلب شرعي ..'
ﻷن ترك ذلكك يفضي إلى تدخل الشيطآان ع قلب العبد من باب اليأس والقنوط
ليرتد العبد عن التووبة وتستمرر حيااته مع المعآاصي والذنووب
مدخل من مدآخل إبليس ﻹغوآئه عن رحمة الله.!
( فبعزتك ﻷغوينهم أجمعين) اﻵية

بلآ شكك ي أختي فلن يصآاب إﻻ المؤمن ..
قآل عليه الصلآة والسلآم (إن الله أذا أحب عبداا ابتلآه)،
ولن يضر إبليس إﻻ الذي يخشى منه دخول الجنة - بعد إذن الله -
وإن كآن هنااك شيء من التقصير .. فالقلب ﻻ يزآل مؤمنآا يحب الله والنية
صآلحة تحرص ع القررب منه سبحآانه ، قآل عليه الصلآة والسلآم :
( إن الله ﻻينظر إلى صوركم وأشكآالكم ولكن ينظر إلى
قلوبكم التي في صدوركم ) فاطمئني أختااه

ويزين له كذالك الاستسلام للمرض وربما صارت له أمراض عضويه بسبب القلق والخوف

ويترك الاهتمام بصحته وحياته ويصير شخص اخر !! كل هذا من الشيطان

وكذالك يحاول يحلي في عينك الانتحار عشان ترتاح


كل ذا عايشته مو كلام علمي او من غيري

بس فكرت بيني وبين نفسي اذا كنت خايفه راح أضيع في دنياي مراح اعرف اعبد ربي أصل رحمي استمر بحياتي الطبيعية


وصرت اسمع للأشياء المبشره مو المتفره واتبع الشي الصح واترك التخويف الي طايحين به اغلب العلماء وكان مافيه تبشير في الدين كله تنفير

انا صراحه احس الفضفضه يا عم وردي ضعف يعني اضحك استانس ذا الشي الي يفيد أما الفضفضه ما تفيد احس يعني وش الي بيصير !!! ولا شي اونس عمري أبرك ، اممممم ترى جربت الفضفضه لخواتي ولخوياتي ممكن ارتحت بس كا علاج على نفسي اعتمدت

^^ تحيا تحيا خلاص كبرتو راسي وقصم بالله ترى لسه اكافح بس الواحد ما يستسلم ،، أمين وأيديم لك الصحه والعافية والسعادة بالدنيا والأخره ^^ انت أصلان ساعدتني شكرًا لك وإذا بساعد احد فهاذا بفضل الله ثم مساعدتك ^^ والي ما يشكر العبد ما يشكر الرب

يلا كل انسان وله رأيه , بما انك تشوفين الفضفضه ضعف وانها لم تساهم في علاجك , خلاص امشي على الطريقه اللي تحسين انها تساعدك وكما يقال الانسان طبيب نفسه

ايه كافحي كافحي يا دلال ولا تستسلمين و توكلي على الله دائما وابدا , باذن الله ربي راح يعطيك من فضله ويرضيك , امين يارب الله يسعدك ويعافيك والجميع يا رب , الله يسعدك لم افعل الا الواجب , العفو انا تحت امرك :)

عين الصوآب ي دﻻل أفااد الله بكك ..
فرحمة الله سبقت عذاابه .. وله سبحآانه مئة رحمة .. أرسل للخلق رحمة وترك عنده تسع وتسعين رحمة يرحم بهاا العبآاد يوم القيآأمة ..'
فالرحمة أجدر بآمآلناا يوم القياامة من العذااب كما تأملتي أختي ،
وأود إحآاطتكك بقول الله عز وجل في الحديث القدسي :
(( أنا عند ظن عبدي بي ، فليظن عبدي بي ما شآاء )) الحديث
فلنظن بربناا خيراا كما ظننتي أنتي تمامآ ي غاآلية ،
وطآلما أن نيتك صآالحة ولم تنوي في يوم من اﻷياام شراا ضد عبد من عبااد الله ولم تتولي فساادآ أو يتبنى قلبكك منكرا ، فأنتي ع خيرر وأجدر برحمة الله بإذن الله ،
(( إنما اﻷعمآل بالنياات))
والنصيحة البآآقية مادآمت السمآوآت واﻷرض ي دﻻل هي :
اﻻستغفاآآآآآآآآآآآآررر ،،،